20 درس عميق في النجاح

[المســــافررر]

المقالة محتاجه قراءه وبهدوء
20 درس عميق في النجاح مش مكتوبين في الكتب
منقول وبتصرف
1. كل لحظة هتقضيها مع شخص عظيم هتخليك تندم على كل يوم ضيعته مع شخص تافه. اختر رفقاء الرحلة بدقة شديدة..انت هتكون زيهم غصب عنك.

2. النجاح في الحياة مش انك تشتغل 24 ساعة على حلمك..ولكن انك توازن بين الشغل والراحة..لان وقت الراحة هو أروع وقت هتنتج فيه أفكار وابداعات هتوصلك بسرعة.

3. سرعة زوال المشاعر الإيجابية اكبر بمراحل من سرعة زوال المشاعر السلبية. يعني لحظات الفرح والانتصار بتخلص بسرعة جدا. الخلاصة: لا تربط سعادتك بلحظة تحقق الحلم..لأنها لحظة سريعة جدا ولكن اربط سعادتك بكل لحظة بتعيشها دلوقتي.

4. إذا كنت أفضل واحد في شلتك. غير الشلة أو ضيف عليها شلة جديدة اقوى واكتر ايجابية.

5. الأصل هو انك تكون مبسوط وسعيد ومستمتع طول يومك..كونك تعيس مكتئب حزين...يبقى انت لسة مافهمتش الحياة المفروض تتعاش ازاي.

6. فشلك عمره ما يقدر يسجنك لأنه ماعندوش أي دليل ضدك...خوفك منه هو دليله الوحيد!

7. الناقدين والكارهين هما ناس نفسهم يكونوا زيك بس مش عارفين .. فبدلا ما يطوروا نفسهم..بيطلعوا طاقتهم في محاربتك. اشفق عليهم وسامحهم..هي مشكلتهم مش مشكلتك.

8. كل ما هتحقق حلم...هتطمح لاضعافه...الأصل في رغباتك الإتساع والإزدياد...وده يخليك لا تتعلق بحلم او هدف معين...ولكن تعلق بالرسالة والرحلة والنية الخالصة لله.

9. مش محتاج تبالغ في التعبير وتقول اتغيرت 360 درجة..لان ده معناه انك لم تتغير اصلا. دايما المبالغة في أي شيء مالهاش معنى.

10. نادرا ما هتلاقي حد عنده الحلم اللي عندك..اختر شركاء حلمك بعناية. لو مش بيولع قدامك من الحماس غيره.

11. طالما صحيت من النوم النهاردة..يبقى لسة ربنا عايزك تعمل شيء مفيد لنفسك وغيرك وآخرتك. استغل يومك صح. لو ما فيش أمل فيك وما لكش لزمة..ماكانش ربنا رد لك روحك تاني.

12. اتعب اتعب...تلعب تلعب.

13. كل ما هتكون صعب على نفسك .. الحياة هتكون سهلة عليك .. وكل ما هتكون سهل على نفسك .. الحياة هتكون صعبة عليك.

14. خليك عاقل ومتزن في كل شيء في حياتك...إلا تطوير نفسك...خليك مجنون وجعان وذو شراهة مخيفة للعلم...وستحصل على عشر أضعاف مجهودك ووقتك وفلوسك.

15. مش معنى ان شخص سلك طريق ونجح فيه انك تسلك نفس الطريق عشان تنجح زيه..دور على طريقك..طريقك زي بصمة صباعك..فريد لم ولن يتكرر.

16. اسمع رأي الناس فيك..خد الإيجابي منه .. واعمل mute للسلبي المحبط منه. لإن الأخير هو الأغلب وخصوصا لو من أقرب المقربين منك.

17. عندما تتآمر كل معادلات الأرض ضدك في طريق أحلامك..تذكر أن معادلات السماء لها حسابات أخرى

18. لطلبة الجامعات: خصص يومين او اربعه طبقا لطبيعة كليتك بالكتير للمذاكرة خلال الأسبوع..وبقية الأيام قضيها في تطوير نفسك بالتدريب والاحتكاك والأنشطة الجديدة..هو ده اللي هيصنع مستقبك...لكن شهادتك لا تعدو ورقة رسمية هتستخدمها في الإجراءات فقط.

19. أحسن الظن بالناس في جميع الأحوال..انت أول واحد هترتاح.

20. وأخيرا...أنجح وأسعد ناس في الحياة هما اللي عندهم ذاكرة سيئة تجاه أحداث ماضيهم السلبي. لو سمحت كسر الميموري كارد بتاع الماضي وابدأ على هارد جديد .



منقول

[خيال الزهر]

راااااااااااااااااااااااا ااااااااااائع

[shezo]

مرحبا.مساء الخيرات أخى المسافر

حقا يا أخى هى التعويذة السحرية للسعادة وليس للنجاح فقط
وهى اللغز الذى يسعى كل البشر منذ بدء الخليقة لفك شفرته

كل بند من بنودها يكفى كعامل أولى يسير المرء عليه
أو يختار بعض العوامل
فمن المستحيل تطبيقها جميعا فالامر لا يرتبط بالشخص فقط

ولكن بالآخرين من حوله
بالمحيط الإجتماعى
بدائرة معارف الشخص
بمحيط العمل والدراسة
بقناعات الفرد والآخرين
بدرجة إيمانه
بدرجة تفاؤله
بملكاته الذهنية والبدنية
بتوازنه النفسي
بطموحاته وآماله
بثبات إنفعالى مع التجديد والتجدد
بنوع من الانانية في إعلاءx ذات الفرد وسعادته

كل هذه العناصر لن تتوافر كلهاللفرد
فقد يخلص فى عمله ويبذل ما لديه لكن القائمين على العمل معه من ذوى العقول الجامدة
قد يكون لديه كل الطموح والافكار البراقة ولا تتوافر الإمكانيات

* لكن الجميل أن هذه العناصر تصلح كباقة زهور ببستان النجاح
نقتطف منها ما يلائم ظروفنا واحلامنا وايضا طبيعة مجتمعنا

*فنستطيع أن نحقق جزء من الحلم وقدر من السعادة حتى نستطيع الحصول على المزيد
أى تقسيم الحلم حتى نحقق اكبر قدر من النجاح والسعادة

ولو تمعنا في معانى الحديث الكريم
(إِنْ قَامَتْ عَلَى أَحَدِكُمُ الْقِيَامَةُ، وَفِي يَدِهِ فَسِيلَةٌ فَلْيَغْرِسْهَا )
لوجدنا به الكثير من مقومات النجاح كالاجتهاد والاتقان والضمير والأملx والايمان بقيمة العمل والحفاظ على الحياة

والأهم هو التوكل على الله واليقين بان الله لايضيع أجر من أحسن عملا

*النجاح والسعادة وصفة ليست سحرية
بل نحن من نضع مقاديرها وفقا لامكانياتنا و نسعى لتحقيقهما
قد ننجح وقد لا ننجح ساعتها علينا ان نغير المقادير ونبدأمن جديد
بالسعى الدائب بجد وإخلاص للحصول على هذا النجاح
والاجتهاد والتقوى في أنفسنا وفي أحلامنا ومع الآخرين

*ولو كانت إمكانية السير على خطوات محددة نسير عليهامجلبة للنجاح والسعادة لما شقى أحدا أبدا

* أرى أن كل فرد هو منظومة قائمة بذاتها يستطيع أن يضع لنفسه أسباب نجاحه
سواء أكانت قاعدة واحدة أوإثنتان أو عشرة

*بلx أسباب النجاح تختلف من مرحلة لأخرى

لكنها أطروحة محمودة تبعث على التفاؤل بأن المستحيل ممكن

رزقك الله باسباب النجاح والسعادة آخى