12-06-15, 05:37 PM
| #1001 | ||||||||||||
| نجم روايتي وكاتبة في قسم قصص من وحي الأعضاء  
|  دى مش تصبيره أنتى كدا شوقتينى للفصل أكتر كل ماتنزل مشاركه أدخل أشوف يمكن الفصل وأطلع محبطه يرضيكى | ||||||||||||
|
|
12-06-15, 05:48 PM
| #1003 | ||||||||
| نجم روايتي وقلم مميز بخاطرة من وحي الكلمةوناقده متالقه بالقسم الادبي  
| اقتباس:
صبري علي شوي بس و ان شاء الله تلاقين الفصل جاهز  .. | ||||||||
|
|
|
12-06-15, 09:54 PM
| #1005 | |||||||
| نجم روايتي وقلم مميز بخاطرة من وحي الكلمةوناقده متالقه بالقسم الادبي
|  يا بدايه ما اعرف كيف او متى بِ تنتهي .. السلام عليكم و رحمة الله وبركاته .. البارت الـ 26  كان هادي مبين انه في شي قاهرنه .. طول الطريق يطالع الشارع ومايطالعني .. وقفنا عند سجن النساء وبعده يطالع الخلقاما انا لا .. : بتنزل ..!! لف بـ ويهه لمكان ثاني ..: وليد سألتك بتنزل .. : لا .. خلصي وتعالي .. حسيت بـ شي فيني ينكسر وشي يقول لي "خلاص دامه زعلان لا اتروحين اتجوفينها" .. عقلي يقول لي "انزلي اجوفيها و افهمي منها ع الأقل ترضين شوي ".. فتحت الباب، نزلت و ييت اسكره ..: ان صار شي ما اتلوم غير نفسها ساعتها بطلب بإعدامها .. ويهه بعده ع الجهه الثانية مايبي يجوفني ..!! سكرت الباب و لفيت لـ صوبه .. لف هالمره لجهة مكاني الفاضي .. دقيت ع الدريشه وما رد عليه .. "ناقصه نفسيتك ألحين صح ..!!" : نزل الدريشه .. نزلها وويهه ع جهة مكاني ..: شو عندج ..!! "يعني جيه بتتعامل معاي..!! ألحين بوريك .." احسن لي امشي لـ عند امها .. هاه بيتم ع وضعية الزعل لما انخلص من موضوع ابي ازورها .. تركته و سيرت صوب بوابة السجن .. لقيت امها و اختها من ابوها موجودات .. من جافوني تقربوا مني ..: أشحالج يمة ..!! : بخير ربي يسلمج .. نفس الشي سلمت ع اختها و آخر هالسلام سكوت كأنه في شي غلط من بيننا .. : مشينا عند الشرطي .. حركة رأسي بـ أوكي ، وقفنا في طابور طويل ، كانوا يأخذون الجوازات و يمررون الخلق .. وقت دورنا طولوا بالقراية البيانات .. مرروا امها و اختها لكن انا طول وياي .. كان كل شوي يطالع جوازي و يطالعني "شو عنده ..!!" : المعلومات فيها شي ..!! : شو صلة القرابه من بينكم .. : تكون نسيبتنا .. أمها تكلمت و كسرت هالإنتظار و التأخير بدون سبب ..: غير مسموح لغير القرايب .. : اسمها مكتوب من بين الزوار لو تبي تتأكد بتحصله في الدفتر اللي عطيتوني اياه اول مره .. : لحظات وانتي لو سمحتي انتظري ع صوب (جنب) .. وقفت ع جنب و انا مستغربه من هالحركات .. بدأ يمرر الكل لِما فضى المكان من الزوار .. طلع الدفتر، لقى اسمي و قارنه بالجواز ..: تراه اسمي .. ممكن ندخل الحين .. : تقدرين اتمرين .. تفضلوا حجية .. أسلوبه يرفع الضغط : جوازي متى اقدر أخذه ..!! : يوم اتخلصون من الزيارة .. سمعت هالرد ومشيت داخل معاهم .. شوي و تتقرب مني امها ..: عادي صار ويا اختها بعد .. يقولون انه اسمها مب موجود بين اللسته من عطيناهم الجواز دخلوها .. : جوفي الحظ القريب مب مكتوب و الغريب مكتوب .. : بتحسدين يعني ع الغريب ..!! مكتوب إن الغريب ينكتب و القريب يتنسى اسمه .. : لج حق في هالنقطه دام المتضرر هو الغريب له حق بإنه يعلق .. هذي شو عندها كل شوي تنغز بالكلام و تتحرش فيني ..!! هي اللي تتطلب اني ازورها و عقب اتقول هالكلام ..!! شو المقصد يعني من انها تقول لي تعالي واتطالعني بهالنظرات ..!! غير الإسلوب اللي ما ينوصف ع كمية كرهها لي ..!! : متضرر ..!! مريت من عدالها ..: عدلي اسلوبج و اعرفي شو اتقولين قبل ما تنتطقين فيه .. "قالت متضرر قالت" .. لفيت ع ام وصايل ..: خالتي مشينا داخل ابي اخلص الموضوع .. دخلت امها اول شي و تكلمت ويا الشرطيه عقبها دللووننا ع مكاننا .. جفت ان الطاولة فيها 4 كراسي للزوار و كرسي للسجين .. المفروض نأخذ 3 كراسي لكن الشرطية دللتنا ع هالطاوله .. قعدت ساكته بدون ما ارد ع اي اسئله من طرف اختها الغلسه .. ردودي تكون لأمها بس لا غير .. ما تحملت طريقتي ف انفجرت ..: ألحين انا اكلمج إتسوين لي طاف و اتردين ع خالتي ..!! : فرق اخلاق ، فرق ردود ، فرق تعامل و اهم شي انها حرمة كبيرة لازم ارد عليها ما اطنشها .. آمري خالتي شو قلتي لي ما سمعتج ..!! طول ما احنا هنيه وننطر طلعت بنتهم لازم اجهز نفسي نفسياً .. لازم اعرف بشو اتفكر فيه بالضبط .. 30 دقيقه مرت علينا ثقيله، حاولت اني ألتهي بـ أي شي غير إللي ع هالطاولة .. مجرد تفحص سريع للي حولي .. في ناس مع عايلتهم و ناس لحالهم .. غير انه في طاولات فاضيه خاصة ع جهة اليسار يمكن اربع اشخاص يشغولون كذا طاولة .. : وداد ..!! لفيت ع الصوت كان وليد واقف عدالي .. قلبي حس بـ راحة مب طبيعية .. عيوني تعلقت فيه بـ شوق .. : غيرت رأيك و ييت .. : ابي اكون موجود عسب اسمع شو ب اتقولين لها و شو ب اتقول لج .. "تبي تعرف شو بتقول لي ولا قلبك حس انك بتخسرني مره ثالثه لو ما نزلت ..!!" لف ع خالته ..: اشحالج خالتي ..!! : بخير ع الأقل سألت عن حالي وهاه يكفي .. : اسمحي لي طول ذيج الفترة اراكض ورا حرمتي حتى اهلي ما فضيت لهم .. : روميو زمانك .. هالتعليق طلع من ملاك محد سمعه غيري .. لفيت عليها و عطيتها نظرة اتعرفها حدودها .. طالعتني بـ عيوني ..: خير ليش جيه اتطالعيني .. تقربت من اذنها ..: غيري مكانج ويا ام اختج لا اسوي لج شي هنيه .. : لا يكون ع بالج ان هالمكان انكتب بإسمج بعد ..!! عطيتها نظرة تحدي ، عدلت شيلتي ، رديت الكرسي لـ ورا و وقفت .. : ب إتغيرين ولا امشي ..!! عطتني نظرة كره ، ضحكة حقد و اشرت علي بتصغير ..: عرفت ليش تكرهج هالكثر .. : وانا عرفت عدد الميانين والمتخلفين في عايلتكم .. حركي غيري مكانج ما ابيج قاعده عندي .. كندورة بيضا وقفت بيني و بينها .. : سمعتي اللي قالته لج .. قومي حركي غيري مكانج .. من جافت وليد تحركت ع طول .. صارت ام وصايل ووليد في النص .. انا ع اخر الطاوله من اليمين و الثانيه من اليسار .. افتكيت من تحلطمها اللي ما يخلص .. افتكيت من قلة ذوقها في التعامل وياي .. من بدايتها تغلط ، اتقارن و اتعاير يغربلها من بنت .. صوت تقرب من إذني ..: إنتِ بخير .. بعدت رأسي عنه و غطيت أذني بإيدي .. انا قلبي رجف من هالهمس .. مو وقت سوالفه ألحين.. قلت بهمس ..: لا اتقرب بهالطريقه مني .. كمل بهمس ..: ما سويت شي بس سألت .. : اللي اتسويه مب زين .. عطاني نظرة ..: وافقي عسب انسافر انا مليت من هالويوه (هالوجوه) .. : موافقه بس لا تهمس بهالطريقه و هنيه .. إبتسم ولف ويهه لـ صوب خالته يكلمها .. بديت امسح ع اذني واخفف الحكة اللي طلعت من قربه .. غمضت عيوني اتذكر منظره وهو امعصب من قراري .. كيف وقف بعصبية وكيف رفض الفكرة .. يومها كثر من كلمة مافي روحه ومافي زيارة .. حنيت ع رأسه و طلبت منه يكون موجود .. القعده اللي قعدناها بين اهله و كيف بعد رفضوا إلا امول وافقت اني اروح .. ساعتها الكل طالعها مستغربين من موافقتها .. انا ادري ليش وافقت وهي تدري ليش ابي اسير .. سمعت صوت جرس طلعني من السرحان ذكرني بأيام المدرسه يوم انسوي طابور الصباحي .. باب ينفتح ومعاه تظهر بنت ورا بنت .. يتوزعن ع الطاولات بأوامر من الشرطية .. طلعت اللي المفروض اكسر رأسها ودي اشيل الكرسي و افلعها فيه .. كل هالغيض علشان وحده مثلها .. امها و اختها وقفوا وليد من جافهم واقفين وقف وياهم .. إلا انا تميت قاعدة حسيت انها ما تستاهل اني اوقف لها .. كانت تتقرب و عيونها امصوبه علي .. لـ لحظة كانت منصدمة وفجأة تغيرت النظرة لشي ثاني .. وقفت عند الطاوله مثل الباقيات من سمعوا كلمة " جلوس " قعدت وعيونها علي .. : اجوفج حية تتنفسين ..!! "هيه يقولون انه وليد رد يساعدني بسرعه عقب ما سحبتي انبوب التنفس .." هالكلام اللي كان برأسي و خليته بنفسي .. اريد اجوف وين بتوصل بـ موضوعها وياي .. : خسارة ما متِّ كان بينج وبين الموت شعرة .. " خسارة ما طلب فيج اعدام كان بينج وبين الإعدام شكت ميدار .." ما ادري ليش ما ابي اقول لها اللي فـ خاطري و احطم كل شي ألحين .. : تبين تستفزيني يعني بهالسكوت ..!! هالمرة بـ رد .. : شو رأيج انتي !! ابي استفزج ولا شو الموضوع ..!! جافتني بنظرة و بدأت اتطالع وليد ..: خير ياي اتزورني .. عطاها نظرة ولف علي .. رجع يتكلم بـ همس ..: الشرطيات يطالعون الكل فلا اتحاتين .. حركة له رأسي بـ اوكي .. "بس شو اللي احاتيه بالضبط ..!!" : إن شاء الله .. : دامكم تتهامسون و بهالطريقة شاركوننا فيها .. أبي اعرف انتِ وهو ليش ييتوا ..!! ردت امها .. : أنا قلت لها اتي أبيها اتجوف حالتج و تفرج عنج .. : زين .. دامج قدرتي تقنعين الغريبه .. بناتج وين ..!! وانتي اخوانج وين ..!! أبوي وين ..!! بس اتعرفون اتيبون لي الغرب و ما اتعرفون تسحبون القرب ..!! : البنات مايبون يجوفونج ولا حتى اخوانج .. اما ابوي مب رايق يتابع علومج اللي ما اتخلص .. : خير ملاك طلع لج صوت اجوف .. : ابوي خبرته اكثر من مره عسب يمر و يزورج ..وانا ارد ع سؤالج لا غير .. يقول لي ازور واحد من الربع ولا ازورها .. لو فضيت بفكر امرّها .. : خبريه لا اتفكر تمر خلك قاعد في مكانك ووفر فلوس البترول .. "شو هالوقحة ..!!" طالعت صوب وليد ورجعت اجوفها مصدومه .. المفروض ما انصدم بالعكس اتعود عليها .. مو منها من الحرية اللي عطوها اياه .. : زين يمة و بناتج ليش ما حضروا وياج ..!! : عندهم امتحانات .. : الإمتحانات لـ عليا و الريم .. سلامه والعنود وين .. : إن شاء الله مره ثانيه .. : هاه لو في مرة ثانيه .. ردت تسأل عن اخوانها ..: والشباب ..!! سويتوا لهم عذر ولا ..!! : هم مالهم عذر و ردهم مختصر مايبون يجوفونج .. : محد منهم وافق انه يزورج .. ردت بنفسها ع الكرسي ..: إييه ما عليه .. هاه اللي بنحصل من هالأشكال .. : وصايل إلزمي حدودج .. : خير يا بنت الـ .. مب قايله .. لو فيهم خير كان زاروا اختهم وسألوا مب يايبين لي غرب .. جافتني بنظرات تقول انها واثقه من كل فعل تسويه ألحين ..: يعني أمانه عليج منو بيزورج ..! قولي الحمدالله اننا خلينا وداد و ريلها يزورونج .. كأنه في شخص يدعمها في كل قول تقوله لي .. مالّت برأسها لـ جهة اليمين إموجهه نظراتها عندي .. : انا ما طلبت من حد انه يتوسط لي.. عايبتني (عاجبتني) حالتي وانا هنيه .. اقدر اضمن لنفسي الطلعه بدون ما ارجع لها .. وليد براحة .. : حلو يعني الشغلة اللي مفروض اتسويها انتهت بقرارج هذا .. مشينا وداد .. مسكت ايده ابيه يسمعها .. "لا خلك في شي بعد ما قالته"..: كملي .. : أكمل لـ منو ..!! لج انتي ولا .. أشرت برأسه ع وليد ..: للي قاعد جدامي .. : أختاري الشخص اللي تبينه و قولي له اللي ف خاطرج .. وجهت نظرها لـ وليد، امها و اختها .. "ودها اتغيظني بس ما اتعرف كيف ".. : انا قلت من قبل اني ما احتاج وجود اي حد معاي .. عندي اللي يداري حالي وانا هنيه .. تمنيت حد من البيت يزورني غيركم بس لقيت الفلان احسن منهم ابد لا اتحاتوني .. : واللي يداري حالج راضي بإللي انتي فيه يمه ..!! سكتت و تمت اتطالع ف امها بغيض ..: ليش ييتوا ..!! ملاك بقهر .. : إذا ما تبيننا ما كان لازم تظهرين و اتقابليننا .. : اذا رفضت اقابلكم بيكون فيه حبس انفرادي .. غصبا علي اجابل ويووههكم .. مسكت كم كندورة وليد .. انتبه لي و نزل لي رأسه ..: فيج شي .. قلت له بـ همس ..: هاي شو مشكلتها ..!! لـ الحين ما عرفت شو موضوعها .. : رجعتوا اتساسرون ..!! ما تبون اتشاركوننا .. : ما في شي عسب نتشارك فيه ويا وحده مثلج .. سحبته من كم كندورته ..: ليش هالكلام ألحين .. يهون عليك اتقول هالكلام وانا ودي اتزوج ..!! بكل هدوء ..: اللي مثلج ما تستاهل تكون اخت او زوجه او ام .. جدمت ويهها للطاوله .. : حرام اتقول هالكلام .. مثلا انت و هي متزوجين صار لكم سنة ..!! حاولتوا بس ما انكتب لكم .. "حاولتوا ..!! شو تقصد ..!!" ..: كيف حاولنا ..!! حطت إيدها ع خدها و قدمت بـ جسمها صوبي انا لا غيري .. :وقت ترقدتي اول مرة قالوا إنج كنتِ حامل و سقطتي ما ادري .. ركزت نظرها علي : ذبحتيه .. في شي تحرك فيني .." ما شاء الله .. عندها علوم .." ..: ..... : ولا انا غلطانه بإللي اقوله ألحين ..!! واعتدلت بقعدتها .. هي اتقول الكلام و انا اجوف انه شي عادي .. مو كأنه الكلام عني انا عن شخصية ثانية .. في شي في قلبي كان يتويع و مب قادر يظهر عدل جدامي ع شكل ويع .. شي فيني يتقطع شوي شوي .. شي كان يحس و ألحين يتقطع .. : يعني صح الكلام .. لفت ع وليد وهي تأشر علي ..: لا يكون حرمتك مااتيب عيال الحين ..!! جمَّد الدم في عروقي و حسيت بالمشكله اللي انا قاعدة جدامها ..: .... تتكلم عن شي صار و انتهى بهالطريقة كأنه مايسوى شي .. وليد كان مقهور و بين ع ويهه العصبية حسيت انه وده لو يقوم يصفعها .. : هالشي ما يخصج .. غيري اسلوبج عسب ما يصير فيج شي من عقب هالزيارة .. : هيه ما شاء الله عليكم .. فالحين اتهددون بس مافي فعل .. رفعت عيني لها وانا امقرره شو اسوي ألحين فيها .. : اقدر الحين اتكلم و اقول اللي عندي .. : اخيرا بتتكلم من عقب ما الخوف كان ماكلها أكل .. : انا ما اخاف من حد إلا من اللي خلقني .. اما وحده منحرفه مثلج ما اتهز فيني شعره .. دُوارْتِّجْ حول بيت خالتج مب حباً فيهم و هالشي أكيد .. الطلب اللي طلبته مني امج مابيصير .. سمعت صوت مثل الضربة .. : ليش يا يمة غيرتي رأيج .. بدون ما الف ع امها ..: لحظة خالتي وبتعرفين ليش الحين .. وجهة الكلام لـ وصايل .. : فكرت وجودج برع هالمكان بيخليني ارتكب فيج جريمه مثل ما ذبحت ع قولتج ولدي .. : ههههههههههه .. تبي تثبت لي اني غلطانه وانا عندي كل شي .. : لا ، لا انتي ولا غيرج عنده شي بس كثر كلام ع الفاضي .. سندت نفسها ع الكرسي و تمت اتجوفني بنظرات كلها شر ..: عندي اللي يقول كل شي عنج .. : مصيره هو و انتي تختفون من جدامي .. ع بالي بحصل شي يستاهل انه اعطيج فرصه .. بدأت تضحك بإستخفاف لي ..: الفرص لو لقيتها منج بذبح نفسي بعد ما اذبحج .. مديت نفسي جدام شوي ..: في موضوع المفروض ما اقوله بس بشاركج فيه " اعرفج انا منو ".. أول شي قاعده افكر كيف بجوفج .. بـ اي قلب بسامحج .. بـ أي مخ بطلعج ..!! كل اللي لقيته ..دورت بـ عيوني ع كلمة تناسبها ..: وحده مريضة نفسيا اتعاني يوم اتجوف غيرها فرحان .. أنا مب اللي قعدتي اتحومين حولهم و صيدتيهم انا وداد .. موضوع ولدي مكتوب له يموت وما ايي ع الدنيا ألحين حتى وليد راضي .. اذا كان مكتوب له يعيش يمكن بعدين يموت ع ايدج انتي .. صح ..!! دامج وبكل بساطه سحبتي انبوب التنفس عني وانا في غيبوبه .. ما استبعد تذبحين ياهل ماطلع للنور .. عِلِّتج هي كالتالي وانا مريت ع وحده تشابهج بالضبط ف الكلية و قدرت اعذبها .. الأب و الأم منفصلين ولهم بس بنت عادي تذبحينه صح ..!! طالعتني مستغربه و عدلت قعدتها شوي طالعت صوب وليد شوي ردت اتطالعني ..: ... "هالوتر اللي كنت ابيه من زمان" .. جفتها والإبتسامه مو طايعه تختفي .. رجعت حالتي المتكبرة وشكلي اليوم بخربها .. : يذبحج اتجوفين خالتج بعدها ع ذمة نفس الشخص اما امج لا ..!! اشرت ع امها بعيوني ..: تراها مب زعلانه ع انفصالها من ابوج مرتاحه منه .. بس وجودج انتي يخرب حياتها .. ليش بعدج متعلقه بين العايلتين ..!! ليش بعدج تتنقلين بين البيتين و إتخربين ..!! أظن لا الأخوات ولا الأخوان من الطرفين مستانسين فيج ويوم تدخلين البيت يبتعدون عنج .. صح..!! يعني هم مافيهم يتحملون دخيله مثلج ع بيتهم بس يسكتون لأنج اختهم لا غير .. يذبحج اتجوفين شي تبينه عند غيرج .. يذبحج اتجوفين حد يفرح وانتي امعبيه نفسج بالكره .. يذبحج اتجوفين علاقتنا وانتي هالشي ماعندج .. : إنطمي ولا اتييبين طاريّ بهالطريقه فهمتي ..!! : ليش زعلتي ..!! توج إتقولين إني ذبحته وعن اني ما اقدر اييب عيال من عقبه ..!! إتجوفيني زعلت ..!! تراه قاعد عدالي ويدري بكل شي من طأطأ للسلام عليكم .. اذا هو راضي و موافق انتي ليش مقهوره ..!! اذا هو ما ياب طاري اليهال انتي شو يخصج ..!! قربتي من أمل من سعاد حتى من وليد محد رضى فيج انتي اللي تغصبين نفسج عليهم .. محد راضي يدخلج حياته والسبب انج تفرقينهم عن من يحبونهم .. مشكلتج العائلية لا تنشرينها من بيننا .. إذا احنا ما ندخل مزاجج لا تدخلين مزاجننا .. ضربة الطاولة بإيدها وبصريخ ..: قلت لج انطميييييييييي .. انا ع نفس وضعيتي ما اتحركت من مكاني و اطالع فيها بطريقة اتغيضها .. مب هامني شو بتسوي فيني المهم عرفت علتها وين .. نظراتها لي كلها شر كانت بتقعد مكانها .. شوي ترفع إيدها مدَّتها صوبي تبي تضربني قبل ما توصل لي مسكها وليد .. ع وقفت وليد ركضوا صوبها الشرطيات ..: هدني لا تلمسني .. هدنيييييييي .. ما تفهم انت ..!! هدني خلني ارجع ارقدها في المستشفى ..هددددددني خلني ارجعها لـ غيبوبتها .. هدني عليها ابي اذبحها ألحين .. طالعت صوبي ..: منو انتي عسب اتقولين هالكلام لي .. شو اتعرفين عن حياتي عسب اتيين و تتكلمين بهالطريقة عني .. منووووووو انتي ..!!! سويت نفسي بريئة ومالي علاقة بإللي يصير .. فتحت ثمي ابي ارد عليها لكن .. الشرطية تكلمت ..: وصايل يا تهدين يا تدخلين الحبس الإنفرادي .. : بخليج اتدخليني للإعدام اليوم لأني بذبحها اليوم .. لا يكون ع بالج اخاف من اللي مثلج ..!! لا اتحطين في بالج اني نسيت ضربج لي وتعاملج الحقيير وياي برجع اعيدها .. برجع ارقدج في الغيبوبة و ع طول هالمرة .. تأكدي هالشي ألحين هدوووووووني .. : خذوها ع الإنفرادي ألحين .. : بطلع و بتنذبحين ع ايدي .. تسمعييييين ع ايدي بتموتين .. تكتفت جدامها ورفعت لها كتوفي ..: أخيرا طلع الوحش .. الكل واقف يجوفها وهي اتصارخ إلا انا قاعده في مكاني اتمنظر فيها وهي تنسحب .. امها حالتها تكسر الخاطر بس بنتها ماتستاهل ان الواحد يسامحها .. اختها وقفت عند رأسي ..: ارتحتي ألحين ..!! عيوني امركزه ع الحدث مااريد أضيع اي لحظة تصير لها .. رديت عليها بدون ما أطوف الحدث .. : تبيني أخليج اتسيرين وراها ..!! اكتفيت من خبله مب ناقصه لغيرها تافهه .. عيوني مافيها اتجوفها لأني اعرف انها كوبي بيست عن وصايل .. كنت أناظر وليد وهو ماسك بـ خالته يطلعها من المكان .. رجعت الكرسي و مشيت صوب الباب .. وقفت عند نفس الشرطي و طلبت جوازي .. لمحت وليد و هو يهدي امها مافيني اتم هنيه .. رجعت اطالع الشرطي ابي اقول له يعطيني كان يطالعني بنفس النظرات كأني امسويه شي .. : ممكن تعطيني جوازي ..!! ابي اطلع من هنيه .. دقيقه و مَدْ لي جوازي .. خذيته منه و طلعت برع انتظر وليد .. كيف كانت تتكلم مع امها و اختها هالشي مايخصني انا .. لكن انها تتكلم عن حالتي قبل ما خلاني اتحمل الوضع .. منو هي عسب تتكلم عنه بهالطريقه .. أنا اللي عِشّت باقي هالشهور أتوييع ع اللي سويته فيه .. انا اللي قربت استخف من كثر من يطلع لي ع بالي شي شيين .. أنا اللي انكسرت لجوفته فجأة اييني بذاك الشكل .. أنا اللي قعدت لـ فترة طويله اكلمه و الكل ع باله مينونة .. أنا اللي قسيت قلبي عليه و قررت احرقه لأني كرهت ارضى فيه .. يوم بديت أصالح نفسي و اتمنى قربه طار من إيدي .. انا إللي بديت ادور ع طيفه في الحجرة وما صار يزورني .. أنا اللي حرمت نفسي من اني اسمع كلمة "أماه" .. إيد تمسكني من كتوفي و إتلفني عليه .. : إنتي بخير ..!! جفته بعيون كلها قهر واحس ان الدموع بتنزل .. : أبي اطلع من هالمكان لا ازيد عليها الحكم و اخليها اتخييس في السجن .. : يمه ليش سويتي جيه ليش .. نزلت عيوني ما أبيها اتجوف دموعي .. : اسمحي لي لكن بنتج مكانها في السجن مب برع السجن .. : لا يمه لا اتقولين جيه انا مافيني اتحمل اجوف قطعة مني هنيه .. ما اقدر اتحمل اجوف صورها واعرف انها هنيه تحتاجني معاها .. هي غلطت ما اقول انها ما غلطت بس سامحيها و اعفي عنها .. يمه الله يخليج .. مسكت إيدي ..: خلاص سامحيها هالمرة .. انا بداريها انا إللي براكض وراها وانا إللي بربيها من اول .. يمه خلاص طلعيها .. قلبي عورني ع حالتها بعد ما اقدر مو ألحين بظهرها .. لازم تتربى اكثر و تعرف حدودها .. كنت ادور في رأسي عن حل عسب مااخلي امها اتزورها .. : خالتي عطيني 8 اسابيع وفي هال8 أسابيع ابيج ما اتزورينها .. : ليش يمه ..!! : انتي بدلعج الزايد خليتيها تتعدى ع الكل بدون ما اتحاسبينها ع غلطها .. تبينها تظهر من السجن 8 اسابيع ما اتزورينها .. : يمه كيف يهون عليج تسوين جيه فيني .. : خالتي ما يهون علي اني اسوي فيج اي شي .. الموضوع يخص بنتج وهي لازم تتحمل .. بس 8 اسابيع و بتكون برع السجن .. انتي ممنوعه من زيارتها بس عِدّي لِما تظهر بدون زيارة.. عن اذنج بسير البيت "قربت اتعب من هالموقف" .. السموحه منج .. ركبت السيارة و قلبي رجع يتقطع ع كلامها "ذبحتيه، مااتييب عيال" .. كورة ايدي ع شكل قبضه غطيت فيها ثمي وعيوني متعلقه بالشارع .. ما اقدر اخلي هالأفكار براسي بس .. لازم يعرف .. : وليد .. : .... : انت تدري اني ذبحته صح ..!! : ... : تدري و سكَّت عن الموضوع حتى ما يبت طاريه .. ما كان بخاطرك تعرف ليش سويت جيه ..!! ما مرّ بخاطرك تتقرب مني و اتقول ليش ذبحتيه مثل ما قصيت الصور .. !! : لا .. فردت أصابعي و مسكت الزجاج بقهر ..: ماهمك كل اللي سويته ..!! ما عورك قلبك ..!! : ممكن اتسكرين الموضوع مابي اتكلم فيه .. جفت الشارع بحزن ..: ابي اتكلم فيه .. لفيت عليه و انا اعرف شو ابي منه .. : ابي قلبي ينسى اللي سويته فيه .. ابي اقبل بغيره في حياتي .. أبي احضن غيره وابي اسمع "أماه" أبي اسمع ذيج الضحكه الهبله منه .. أبي هالأشياء لكن الشي اللي واقف من بيننا امخلي كل شي صعب .. اجوفه سهل لكن والله كل شي صعب وايد صعب .. : لو سمحتي بس .. سكّري الموضوع مابي اسمع .. كنت اجوفه وقلبي ع ذكراه يتقطع .. رصيت ع اصابع ايدي ولفيت للزجاج .. أطالع الرمل يمكن يطلع جدامي هنيه .. يسابق سيارتنا و اسمع منه كلمة " أماه".. ذكرني بالوقت اللي كنت فيه في المستشفى .. كيف كان يظهر لي فجأه في كل مكان .. اقدر اصلي و اقدر اجوفه مانساني الذكر .. لكن نسى قلبي كيف يحب اليهال مره ثانيه .. كيف برودة لمساته تخليني انقز من نومي خايفة .. كيف يحاول يضحك و ذيج السنون تظهر .. كيف عقب ما قبلت فيه و بحالته صار ابيض و اختفى .. : آآآآآه .. متى إنسافر بس وأعيش شي المفروض من زمان اعيشه .. متى أبدا وياك صفحة إيديده بدون ذكريات اتعور قلبي وتعذب عقلي .. متى ارضى ب تقربك مني و اجوف هالتقرب عادي و طبيعي بدون خوف ..!! متى صدق اعيش هاللحظات كلها بدون ما افكر في اني اسويها بعدين ..!! شو هالوضع اللي انا فيه و كل مرة يعذب روحي فيه ..!! أبي كل الصفحات وياه تصير بيضة خفيفه ع قلبي .. أبي هالتقرب يكون من طرفي "أنا" ابي هالحضن ما يتوقف .. أبي اللحظات اتكون دوم متجددة معاه و نفس الجنون .. دخلنا العزبة و قلبي مو قادر يتحمل هالسكوت ابي اطلع من هالسيارة .. وقف واناع طول نزلت ما أبي اجوفه ولا اسمعه خير شر .. جفت الكل قاعد في ميلس الحريم سلمت عليهم ، تعذرت منهم و مشيت للحجرة .. قلبي مب وياي ابد و روحي احسها بتتطلع من جسمي .. قلبي مره احس بنبضه و مرة ما احس فيه .. يوقف و يتحرك فجأه يختفي ليكون فاضي .. هالخنقه ، هالإحساس ، هالكبت ، هالقهر ، هالخوف ، هالتمني وهالغصه .. بسبب ذيج يعني ..!! لأنها ذكرتني بالروح اللي المفروض تتكون جفت بطني "هنيه..!!" عقيت كل شي ع الكرفاية ووقفت عند الدريشة اجوف شي ما جفته من قبل .. كل شي مثل ما هو كل شي ع وضعه ما تغير .. عدد الشجر زاد و نسبة الرمل قل .. الشمس و أشعتها ع ويهي تدفي روحي .. غمضت عيوني و فتحتها ع ويهه .. واقف جدامي .. جدامي يضحك لي " ولدي" إبتسمت و الدمعه قررت تنزل .. مسحتها بسرعه ابي اضحك بجوفته سمعته يقول " أماه " و هو يضحك لي .. من سمعتها غمضت عيوني و بديت اخزن الكلمه في عقلي ما ابي اخسر هالصوت .. فتحتها وهالمره جفت ويهه وليد .. عيوني سرحت في ملامحه .. دق ع الدريشه"الشباك" .. فتحت القفل و شرعتها له .. : لمتى بتمين ع نفس الذكرى ..!! : متى بتتكلم فيه واتخليني اتجدم في الموضوع وياك ..!! سِكَّت و تم يطالع ويهي .. رفع نفسه ومد إيده لـ خدي ..: يوم اعترف بإللي سويته واخففه عنج .. : متى تعترف و لمنو بتعترف .. ما صرت اتحمل اسمع كلمة " آماه " مسك ويهي بـ إيديه يبي يقربني من يبهته .. جسمي كله انسحب لبرع الدريشة .. ما وصلت للمكان اللي المفروض نتلامس فيه .. مسح بإبهامه دموعي اللي ما طاعت اتوقف .. نزلت له اكثر .. رفع نفسه شوي و طبع ع يبهتي ..: بسج صياح بتخربني صورة قلبي .. عيون قلبي قربت اتصير فصوص من كثر ما اتفكر و اتعور رأسها في كل شي يعذبها .. : ما اقدر ما افكر .. كل شي فيني يعذبني .. كل شي يردني لـ ورا ما اقدر اتجدم "اتقدم".. : صبري ألف البيت وادخل من الباب .. بخلي هالدموع تختفي و اخلي هالقلب يرتاح شوي .. جفته بهدوء .. قرب يوخر إيديه عن ويهي .. تقبضت فيهم .. : جفت هالدريشه "الشباك" ..!! إدخل منها .. أعفد "نط" لـ داخل و اقصر المسافة .. فتح عيونه ع وسعهها وإبتسم بتحديّ ..: لو سويتها شو بتسوين لي .. مسكت إيديه و حطيتهم ع قلبي .. : بخليك تكون كل شي في هالقلب .. نزلت له رأسي عسب تلمسه إيديه ..: وهالعقل بيتقبل وجودك فيه .. رفعت له رأسي و ركزت نظري ع ملامح ويهه ..: ما يصير تغريني وانا ممنوع .. : لو هديت إيديك بتخسر مابا اعرض عليك هالشي مره ثانيه إلا وقت السفر .. سحب إيديه من إيدي وبعد عن الدريشة .. كان يبتسم في ويهي عطاني نصه اليمين و اختفى .. رجعت لورا لِما قعدت ع الكرفاية و قلبي كل شوي احسه يقطر دم من الصياح .. ما ابي شي ألحين ابي اكون وياه واضحك ع سماع صوته يوم يقول " أماه " .. طك .. طك .. طك .. طك .. فتحت عيوني ع حمدانية تنزل و ترتفع .. تقربت من الدريشه بنفس الوقت كان رافع نفسه لـ ألقاه جدام عيوني يضحك .. : صار لي فترة طويلة من دخلت من الدريشة "الشباك".. وخري خليني ادخل .. ما ادري شو اللي صار فيني .. شكله يضحك وهو يعفد "ينط" للدريشه .. يوم دخل جفت كندورته رافعها لوسطه و رابطنها .. بدأ ينفض التراب عن إيديه .. لو ما كنت واثقه من اللي احس فيه ألحين جان تميت ع خياله .. وقف جدامي وهو يضحك لي ..: اول مره اجوف حرمة تتطلب من زوجها يدِّشْ بهالطريقة .. تقربت منه حطيت إيدي ع خده امسح شي و اوصل شوقي له .. أنا احب هالإنسان .. أحبه صدق ما اقدر اكرهه ما اقدر .. كنت أضحك ع ملامح ويهه ع حمدانيته ع كندورته المربوطه .. النعال اللي فيها فردة والثانيه ما اعرف وين ضيعها .. : عاجبج شكلي وانا متبهدل يعني .. : وايد مب شوي .. نفس الحركة سويتها يوم كنت تشرد من عمي .. اول دريشه "شباك" دخلتها دريشة "شباك" حجرتنا ومحد فجها "فتحها" لك غيري .. نفس الويهه اللي كله رمل .. نفس الحركة عسب تدخل .. تذكرت هالصوت وين سمعته من قبل انت تعيد علي اشياء نسيتها فيك .. عيونه جمدت علي واللون صار فاتح مع شوية ألوان داكنة خلت قلبي يذوب فيهم .. تقربت منه أكثر وصورة لطفولتنا تمشي قدامي .. صوت مثل الخربشة .. لا حد يحرك قبضة الدريشه "الشباك".. تركت اللعبه من ايدي .. ابي اجوف منو اللي عند الدريشه .. فجيتها وجفته هناك .. : وليد شو اتسوي هينه .. : خوزي انتي عن الدرب خليني انخش " استخبى" لا يمسكني ابوي .. : إدخل إدخل بسرعه .. حط حصى تحت ، ركب فوقها ،توازن وبدأ يدخل بجسمه العلوي لداخل .. قعد ع حافة الدريشة و دخل بـ كِله بإنه ينط لـ عندي امسكر الدريشه "الشباك" وراه .. شعره كان فيه شوية غبار مديت إيدي انفض التراب عنه .. مسحت إيدي ع رأسه شوي شوي .. بداية خاف ع بالي اضربه .. : انفض التراب بس .. ضحك لي ..: كملي عيل لا اتوقفين .. : خلصت .. سحب بعمره "بنفسه" من جدامي ..: لج هدية ع اللي سويتيه لي ألحين بييبها لج بعدين .. فتح الباب و طلع ع الوعد اللي قاله لي .. : ذاك اليوم ما عطيتني هديتي لأني ساعدتك .. بس انا قلت لك ع اني بعطيك الشغلتين .. مع العلم اني بعطيك شي و بترك الثاني لنفسي لما تعترف .. تغيرت ملامح ويهه .. فتح ثمة يبي يقول لي شي ..: مافهمـــ .. هالمرة الشوق من طرفي طلع و التقرُّب بدأ من عندي لقلبه .. قلبي قال لي تقربي و عطيه هديته دامه نسى يعطيج .. ذكريه ان الهدايا اتم امعلقه لما تنهدى .. هاللي احس فيه معاه هو المفروض احس فيه من زمان مو الحين .. هاه اللي من الأول كان لازم احس به قريب من روحي .. هالشعور لازم من البداية اسكْنه و اطالب فيه قبل ما يبعدنا الزمن .. روحي من نفسها تتطلب منه انه يتقرب اكثر مني .. بعدت عنه وانا بعدني احس بالفرحة مو قادرة تشيلني الحين .. عيونه تغيرت لـ حزن مو طبيعي فجأة صارت صافية .. مسك ويهي شوي شوي ..: خفي وخليني اخف هالجنون شوي .. لا اتشجعيني ع اني اخاطر بعقلي وانتي اتسوين هالأشياء معاي .. خفي بس خفي ولج اللي تبينه من قلبي .. بس لا اتردين تتذكرين هالأشياء .. من الله متعلق فيج و الجنون اللي فيني سويت له كنترول .. لكن انتي تزيديني واتخليني افكر بإني افقدها وياج وانتي بعدج تتعالجين .. رحميني شوي .. رحمي قلبي شوي .. رحمي روحي إللي نطرتج كل هالشهور .. ب أنطرج اكثر لما يقولون انتي بخير ويشيلج قلبي كله .. " اهبل " ..: مب اهبل انا ابي حرمتي وايد مب شوي وانتي ما اتساعدين .. : وقف ع انك تقرأ افكاري .. : انتي وقفي ع انج تسبيني بهالطريقة .. : انا هبله وانت الأهبل مالي .. رضيتُ بك زوجاً بقِّي ان تصبح حبيباً .. قرب ويهه من جبهتي و طبع عليها بوسه طويلة .. تركني عسب يسكر الدريشة ، يلبس نعاله و يرتب نفسه ..: ان دروا اني ييت من هنيه .. ما اعرف شو ب يقولون عني عادي انسب و السبب انتي .. بغسل إيدي و بسير لهم عسب ما يقولون شي عننا .. نفسيتي تعدلت و احساسي بالضيق اعتدل شوي .. اهم شي اني رديت طبيعية شوي .. كنت امشي عداله اسمعه وهو يحاتي تعليقاتهم ..: محد بيستلمني غير هذيج الخبلة .. لفيت عليه ..: اشفيك ألحين ..!! قول لهم انك سلمت و ما جافوك بس هدي .. : يصيير خير .. دخلنا ميلس الحريم عمي، عمتي والباقيين كانوا موجودين .. امل من جافتني ييت عندي بسرعه .. عيونها علي وكانت صدق خايفه علي ..: صار لج شي ..!! حركة رأسي بـ لا ..: متأكدة ..!! كنتِ وايد متضايقة ييت بلحقج بس امي خلتني اقعد .. ألحين من جفتج ارتحت .. ما ضايقتج هذيج الأذية ..!! : بلا .. عيونها تنقلت بيني وبين وليد .. : شو قالت لكم ..!! : ما عليج ما صار شي اتحاتينه .. : سلام عليكم ورحمة الله وبركاته .. ردوا عليه السلام ، امل ردت عليه معاهم بس وقفت و طالعته بنص عين .. قالت بـ صوت عالي ..: وليد متى مريت من عندنا ..!! : من كم دقيقه سلمت و محد انتبه علي .. : لو سلمت ليش رجعت اتسلم مره ثانية ..!! : السلام لله .. ب إتدقّيقن ع الموضوع بعد ..!! : قلت ادقق ع الموضوع ..!! عيونها بعدها عليه ..: يمة .. : هاه شو عندج ..!! : وليد مر من صوب ميلس الحريم ..!! : لا ما مر .. طالعته في عيونه .. : من وين دخلت ..!! ضحكت ع اللي تسويه فيه مب هينه ابد .. عليها طريقة غريبة بإنها تكتشفه بسرعه .. : من هالصوب دخلت .. شو عندج انتي ..!! : انت شو خاش "إمخبي"عننا .. يلا تكلم انطق يا ولد بنت سعيد .. : هاه شو عندج ع بنت سعيد بعد ..!! : ولا شي يمة اجوف ولدج بس .. : شو تبين فيه ..!! لفت اترد ع عمتي وهو مسك إيدي يسحبني عنها بعيد .. : يمة طلع من الممر فجأة ما قدرت امسك ضحكتي اكثر من جيه .. عطيت نفسي الحرية بإني اضحك ع راحتي .. ما كنت ادري انهم يطالعوني ، كل اللي اعرفه انه وليد يحاول يسكتني وانا مب قادرة اسكت .. : ضحكة دايمة يمة .. اول مرة اجوفج تضحكين بهالطريقة .. استحيت والضحكه بعدها في ويهي .. : وياج يمة .. : صدقتي اميه والله .. ضحكة دايمة .. أخيراً رجعت هالضحكة .. والله انه اول مره و عقب سنوات اسمع ضحكتج بهالصدق .. : ياختي خليني اضحك لا تمسكين علي ألحين .. : زين حلو ولا اتضيعييني .. هاه اخوي العزيز من وين دخلت ..!! : من دريشة "شباك" حجرتي ألحين سكتي عني .. : يمة لحقي .. ولدج يعفد "ينط"من الدرااايش "شبابيك".. رد ع سوالفه وهو صغير .. : خير يا ولد ليش تعفد من الدريشة ماشي باب .. أشر علي ..: وداد قالت لي اعفد .. : يمة شو عندكم تردون يهال .. احنا ما صدقنا نسيناه هالطبع وانتي تخلينه يرد لها .. : الجو حار برع و حرام يضرب خط للباب .. قصرت المسافه و خليته يعفد .. : خير ما سويتي بعد لا اتعودينه لا يعفد " يتسلق" لنا من الدرايش " الشباك" بدل البيبان .. : ما عليج يمة يوم انه حرمتي تعطيني افكار غريبة لا تستغربين من اي شي .. : ما علينا من هالشي .. يمة شو سويتوا هناك خبرينا .. عمي فجأة وقف إستأذن مننا و سار ع ميلس الريايل ..: ولا شي عمتي .. : إلا صار شي ولا ما دخلتي متضايقة هالكثر من الموضوع .. خبرتهم بإللي صار بعيد عن موضوع "ولدي" وإللي حسيت به يوم طعنت قلبي بذكراه .. باقي اليوم كان غريب ع روحي والحزن ما ادري ليش رجع يسكن قلبي .. واقفه عند الكرفاية سرحان بخيال ما ادري خيال منو .. إيديه طلعتني من السرحان .. : لـ متى بتم اتطلعني من السرحان ..!! : لما اجوف حرمتي ترد علي عادي و من اول مرة .. حط ذقنة ع كتفي و حاوط خاصرتي بإيديه .. قربني من صدره اكثر وانفاسه تلفح خدي .. : يوم تسرحين تعرفين بشو اتذكريني ..!! نزلت نظري للحاف و حركة رأسي بـ لا .. : للوقت إللي فتحتي عيونج .. الخوف كان فيها لكن مب الخوف اللي المفروض نخاف منه .. الخوف من انج تفقدين شي من بعدها بديتي تسرحين وايد .. اظن هالسرحان بدأ يخف عنج من قريب وصرتي تنتبهين اكثر لي حولج .. لكن هذيج من قلتي بزورها و انتي ابد مو عاجبتني رجعتي تسرحين وايد .. اول مره اجوف هالسهران و بهالطريقة اللي اتعور القلب .. غمضت عيون لأن الدموع تجمعت فيها ما ابيها تنزل .. جاف ضعفي وايد اليوم مو شوي .. لفيت عليه ابي اجوف عيونه .. أبي اجوف لونهم كيف صاروا ألحين .. "غامق..!!" هالحزن اللي مفروض ما يزور لا عيونه ولا عيوني .. لكن الذكرى للي سويناه بدأ يأثر علينا اكثر واكثر من قبل .. مديت إيديّ ، حضنت فيهم ويهه وقربت يبهتي من يبهته .. أعرف انه شي بيتغير فيننا شي بيخلينا اكثر من هالوقفه .. : إنسي كل شي سمعتيه في ذاك المكان .. بس إنسيه .. حركة إيدي و حاوطت فيهم رقبته أبي اغطي ويهي في صدره .. أبي اتم ع هالوضع لما ارتاح من كلام هذيج الحيَة الله لا يردها .. ماادري كم لنا ع هالوضع بس فجأة حسيت بنفسي ارتفع عن الأرض .. : ويييه .. بعدت رأسي عن صدره ..: شو عندك اتخوووفني .. : إشتقت لـ صوت صرااخج شوي .. : تشتاق للصريخ بإنك ترفعني فجأة ..!! تبا اتسمع البيت صوتي يعني ..!! : محد يسمعه صح غير قلبي .. فلا تهتمين للغير بس اهتمي فيني .. راضي بإني استوي أصمخ والسبب هالصرييخ اللي ماله حل .. : والله زين ما اذكر انك كنت تحب إصراخي و اذكر انك قلت لي لو إتخفين صوتج .. بتلاقين كل شي تبينه عندج .. شو إللي تغير في طلبك ..!! ضحك ودفن رأسه في نحرّي ..: ألحين بديتي تتذكرين هالأشياء .. والله اني اهبل .. : زين انك اعترفت .. يلا نزلني خلني انام .. قبل ما ينزلني طبع ع يبهتي بوسة طويلة .. تم امعلق ع نفس الحركة وانا اتحرك وياه .. كنت انزل شوي شوي لما لمست الأرض .. من تأكد اني تحت بعد عني .. : بغيير و بكون معاج .. كنت ابتسم له ..: اوكيه .. نزلت تحت اللحاف أدور ع الدفا وأدري اني ما بحصلها إلا معاه .. اللحاف يرتفع للأعلى ، يدخل شوية برد لداخله ويرجع يدفيني .. لفيت ب كِلّي له ..: أبي أنام .. مد لي إيديه ، تقربت منه ، حاوطني بإيديه وقربني منه .. تقبضت فيه كأني بخسره اليوم وبيختفي عن يوم بأي لحظة .. تنشقت ريحته ، عبيت صدري فيه و بديت ازفرة شوي شوي .. : خلني كل يوم اتقرب منك بهالطريقة ومابا العوزك .. : أوكي .. لج إللي تبينه ألحين نامي ورانا ردة باجر .. لقيت نفسي إمحاوطه من الرمل من كل صوب .. استغربت اني في مكان مثل هالمكان .. كنت اسأل نفسي عن سبب وجودي هنيه (نفسي ما قدرت تلاقي السبب).. جفت السماء الشمس واقفه ع قمة راسي و الجو عادي مب حار .. بس هالمكان فاضي مافيه غيري و هالشي حسسني بالخوف و الوحده .. غير انه الأفكار اللي مرت ع بالي خلتني ما احس بالأمان.. حطيت ايد ع قلبي و الثانيه طوقت فيها خصري بطريقة دفاعيه .. كنت ادور في الأرض ع اي شي اشيله معاي بس ما لقيت شي احمي فيه نفسي .. غمضت عيوني و شجعت نفسي ع المشي في هالصحرا .. يمكن ألاقي حد او حد يلاقيني و يطلعني من هالورطه .. مشيت لفتره مب طويله في الصحرا .. ما ادري كيف صرت عند البحر .. المفروض افرح لأني لقيت شي غير الرمل .. طالعت يمين و يسار مافي لا نخل ولا غيره.. المكان صدق صدق فااااضي محد فيه غيري .. قربت من الماي بس ما دخلت فيه .. وقفت ع الطرف اجوف الماي وهو يضرب الرمل و يرجع لمكانه .. اطاالع لبعيد ما ادري ليش حزينه وليش احس بـ هالوحشه .. حضنت نفسي بقهر و قعدت اصيح بصووت .. حسيت بـ ايد تمسح ع راسي .. لفيت ورا لقيت وليد يبتسم لي بـ حنان .. حضن ويهي بـ ايده وبدا بإبهامه يمسح دموعي : لمتى بتمين اتصيحين ..!! ما جفت دموعج !! كنت اجوفه ودموعي بعدها تنزل .. عيني مب طاايعه توقف سيل الدموع .. هو يكلمني وانا ما اعرف بـ شو ارد عليه .. ضحك بصوت واطي : ويهج صار كله عيون .. الخشم و الشفايف انتفخوا .. صاروا شي ثااني صدقيني لو اتجوفين نفسج بتضحكين .. كنت انااظره بقهر و غصه اول كلمه طلعت مني له ..: اكرهك وليد .. ما قصدت اقولها بس كانت في بالي و قلتها .. طالعت الأرض بقهر هالكلمه ما كانت في بالي .. كان ودي اقول له وين كنت!! ليش خليتني بروحي في الصحراء !! اختفت ضحكته وحل محلها الحزن .. ما طول بالزعل ابتسم ابتسامه ما اعرف كيف اوصفها .. هي اقرب للحب قرب مني حط ايده ع خدي مسح الدمعه .. قرب ويهه من ويهي .. غمضت عيني وهو طبع بوسه ع عيني و بِعد .. فتحت عيني رجع يبتسم في ويهي .. حرك ايده الثانيه .. حاوط فيها خصري وقربني منه .. كان مركز بنظره علي ما عرفت افسر النظره .. قرب ويهه من ويهي .. جبهته بدأت تلمس جبهتي .. وقال ..: احبج فتحت عيوني ولقيت رأسه قريبه من راسي .. غمضت عيوني براحه ولا إراديا زفرت بـ إرتياح .. تذكرت كلمته "أحبج" .. حطيت إيدي ع خده .. : شو اتسوين !! جفلت من صوته ووقفت إيدي عن الحركة.. لقطت عيونه وقربت نفسي منه .. تميت اناظر فيه وقلبي ينبض له .. سويت حركته لي في الحلم طبعت ع عيونه .. بعدت وأنا اقول في نفسي هاه بيصير واقعي عقب كم يوم .. : ب أنتظر لما هالدكاترة يقولون إنني بخير و عقب نسافر ويا بعض .. : يعني ألحين خربتي نومتي عسب اتقولين لي هالكلام ..!! : لو ما قلتها لك أقولها لمنو ..!! : آآخ بس آآآآآآخ .. أبي انام انا و حرمتي ما اتخليني انااام عدل .. : ب إتنام عدل يوم انسافر فلا تتحرش و ارضى بهالتخريب الحلو .. : والله بسكت لـ ذاك اليوم وعقب برد ع هالتعذيب اللي اتسوينه لي .. ضحكت له ..: مواافقه .. لـ عودة للبارت الـ 27 .. دمتـــم بـــود دائــــم دمـع العيـــــن | |||||||
|
|
|
13-06-15, 03:24 AM
| #1006 | ||||||||||||
| نجم روايتي وكاتبة في قسم قصص من وحي الأعضاء
| أحلى حاجه حصلتلى النهارده انى لقيت فصل اليوم كان كله خناقات فقررت أحلى هروووح أقرى بقى | ||||||||||||
|
|
|
13-06-15, 05:24 PM
| #1007 | ||||||||
| مشرفة ،كاتبة ،قاصة وأميرة واحة الأسمر بمنتدى قلوب أحلام وقلم مميز وحي الكلمة وبطلة اتقابلنا فين ؟ ومُحيي عبق روايتي الأصيل- مفكرة وحارسة وكنز السراديب وقاصة هالوين 
| فصل غييييييير مليان امال وتطلعات لبكره حبيته كثييييير والرومنسيه تبع زوج المهابيل رووووووعه اموت في السب وقرأة الأفكار احب كثير اسلوبك الكوميدي تحسي الحوار عادي بس بنفس الوقت يموت ضحك كاننا حاضرين الموقف برأيي هذا الأسلوب المحترف وصايل عجبني ما جاها من وداد وتحليلها لتصرفاتها جت قويه وخصوصاً ان اللي فهمتها عدوتها بصراحه ما اتمنا وداد تطلع وصايل وبعدين حتى حتى وان اسقطت وداد الدعوى بيفضل شيء اسمه الحق العام او حق الدوله ما ادري ايش اسمه بضبط بس تختلف المحكوميات بين الدول ورغم اشفاقي على امها بس اشوفها تهدد كذا قدامي والله ما اطلعها الا لمستشفى المجانين تأثر وداد بكلام وصايل طبيعي بس كيف عرفت وصايل جنيه هاذي ودخول وليد من الشباك نزولاً عند رغبة الهبله تبعه وتعليق امل حلو انها ما سابتهم بحالهم بس لسا احس في ابوه شيء كأنه ما يحب وداد اكيد مخبيه علينا بخصوصه شي هنا ولا هناك صح اعترفي حبيتي اعترفي عموماً الفصل رووووعه شبعت منه بصراحه حسيت بتخمه من كمية المشاعر والأحاسيس والكوميديا والجنون يعطيك الف الف عافيه تحياتي | ||||||||
|
|
|
14-06-15, 03:40 AM
| #1008 | ||||||||||||
| نجم روايتي وكاتبة في قسم قصص من وحي الأعضاء
| فصل روووووعه قوليلى ليه أقولك لقاء وصايل بوداد ممكن الكل مش يتقبله بس أنا لو وداد عشان أتخطى مرحله صعبه أثرت عليا لازم أواجهها وأكسر حاجز الخوف وصايل أيه الانسانه دى مريضه أنا حسيت من كلامها أنها ملبوسه وضد خروجها لا بعد 8 أسابيع ولا 8 سنين بجدمجنونه كتييير أهلهم بينفصلوا بس بتبقى نفوسهم نقيه مافيش حقد ولا حسد ولا كره لكن وصايل دى لو ملقتش حد تحقد عليه هتحقد على نفسها وليد كل الشعوب عرفت انك تبى حرمتك وكلنا عايزينك تفرح بحرمتك بجد ياأخ وليد محتاجه أقول فيك قصايد ياسلام لما دخل وراها السجن رغم أنه كان زعلان منها الواحد قال ينصر دينك ياشيخ دخوله من الشباك ومزج مشاعر الماضى بالحاضر رررائع وأمل وهى بتحقق معاه ضحكت جدآ الاسلوب جمييييل فبيخلينى فعز مانا متأثره أبتسم وفى عز مانا بضحك أتأثر وليد مستعد يعمل أى حاجه وكل حاجه عشان تنسى وتعيش وأنا خايفه من وصايل بجد بتمنى أسمع خبرها : انا هبله وانت الأهبل مالي .. رضيتُ بك زوجاً بقِّي ان تصبح حبيباً .. ههههههههههه أحلى جمله حبيتها وياررررب تعترف بحبها بقاا | ||||||||||||
|
|
 |
| مواقع النشر (المفضلة) |
| أدوات الموضوع | |
| انواع عرض الموضوع | |
|
|
3Likes
.png)
.png)
العرض العادي
