10-07-23, 11:16 AM
| #451 | ||||
 
|  يا جماللله من بااااارت شاعري …. ويحززززن من قلب يا عمر الغياب متى بتهدأ وترسي سفينتهم على خير … هتان اخيرررررا قلبك حن عليها وحس لا لا في ك الخير والله .. من بركاتك البنت تعبانه نفسيتها وانهيار حاد وفقدان شهية الله لا يوفقك خزامى حبيبتي سلامتك والله… سلامات انتي بعد الله يهديك لا تكابرين عن الوجع طلعي اللي بصدرك عصبي فرغي اهم شيء لا يجلس بقلبك شيء عليه حاااااااقده من قلب على هتان زفت .. ائهرني .. ريم ورياض فقدناهم من غير شر.. نهية وشموع وطالب .. حمدلله على سلامة زين يا طالب احتويت بنتك كافي آنك صاير الابو والام وهالمسؤولية جدا كبيرة كان الله في عونك عااااايض و رواء او حياة ياكثر ما بكوووووني الله يجمع شملهم…. ناصر يا ناصر ماعاد في صورة … حياة هجت المسكينة الله يستر ما يمسكونها عصابة جوهر عسى الله يحميها منهم. ويجعل كيدهم في نحورهم… بدعتي يا عبير عسى يدينك ماتلمسها النار … | ||||
|  |
|
12-07-23, 06:26 AM
| #455 | |||||||
|  الفصل الخامس والعشرين رواية : من يقنع الظلال ؟ أنك فـ أهدابي. بقلم , عمر الغياب / عَـبيّر. *** الفصل الخامس والعشرين " اﻟﺒكاء ﻻ ﻳُﻌﻴﺪ ﺍﻷﺷﻴﺎﺀ ﺍﻟﺘﻲ ﺃُﺣﺒﻬﺎ ـــــــــــــــ" *** أيتها النجمة انها حزينة أهناك في البلد البعيد أرواح حزينة مثلها.. هي في تيه دموعها التي تنهمر على خديها تتأمل المارة والأشجار سريعة من خلال نافذة السيارة ممرات قاتمة تمر بها، أخيرًا وقف التاكسي : لقد وصلنا لوجهة.. نظرت ما بحولها بذعر لتو تستوعب بأنها تائهة في بلدة بعيدة ..! ترجلت من العربة وهي تأخذ أنفاس عميقة تكابر خوفها : مستحيل ارجع لها. هي بعد خاينة مثل أخوها. يداها باردتان قدماها عجولتان خرجت بلا مفر. ما زالت تحيّا ففي قلب جرحٌ طريًا ..! ماذا تفعلين يا حياة ؟ أين هو أخيها؟ لما لا تعلم عنه أي وصال إليه ؟ هي قلقة من المجهول لا وطن لها.. دموعها لن تفيدها بشيء. هل نضبت الآن. هي تستلم الآن.. تحشر نفسها في مقعد وتغطي وجهها بيدها تبكي وحيدة بلا سند غارقة في بحر من الدموع.. عاجزة عن الذهاب إلى أي مكان بعد أن تركها ناصر لتعلم بأن حور ماهي إلا اخته ! الآن هي بلا أحد حياة : يالله يارب اجمعني بأخوي .. يارب اجمعني به. يـــارب. *** قبل ذلك كانت حور تبحث عنها بخوف وتوتر : ياربي هذي فين راحت. حيــــــاة! مالها من بعد الله إلا أنا.. الله يهديك بس ناصر. *** يوم جديد بعد أن أخذتها سديم لدورة المياه لتمد لها بفستان نظيف.. أخذت شور سريع وبقيت لتخرج لتعود بأحضان جدتها فهي لم تستوعب أنها وصلت أخيرً لوجهتها .. صباح الرياض نسمات الصباح الهادئة وجدت جدتها هيّا تجلس بالصالة الداخلية وأمامها صينية القهوة وطبق التمر ابتسمت بترحيب : ياحي ذا الشوف اقربي ياجدتك. ابتسمت ورد وبحب لها : ياروحي ياجديدة. مدري ليه جسار كان قاطع فيكم.. هيّا : ماعليه ياجدتك مصيره يرجع .. تعالي يا فوز. فـــوز. تقدمت فوز وهي تحمل صينية الكيك برائحة الشهية ثم جلست أمامهم : يالبى فوز آمريني. ضحكت هيّا : شفتي اشلون تشبه لأخوك عبدالله. ثم تسمع صوت فوز المتألم المشتاق له فوز أم سعود : ايه بالله لو قلت عبدالله حيّ فهو قدامي الحين مير ورد بشكل انثوي. ورد بحزن : الله يصبرنا على فراقاه.. صدق ليه وثقتوا بالقطيعة.. أبوي آخر فترة كان يطريكم بالخير كثير ولا يوم قال اهلي قصروا فيني. فوز : لان ذا صدق يا ورد ماقصرنا لكن ساعة الشيطان دخلت بين أخوك جسار وولد عمك تُركي وتناشبوا فيها أعمامك بندر وفيصل. مير الله يسامح الي كان السبب. ورد باختناق وبحقد : الا الله يسامحه! أنا عارفة انه الحق والشرع يتزوج ولا يخطب فوق خطبة اخو المسلم. لكن أخوي جسار اعرفه كذا دايم متهور ولا يشوف الي على مزاجه. فوز : على قولة جدتك مصيره يعرف. ما علينا علميني عنك اشلونك الحين عساك ارتحتي بالنومـة. مالِت على جدتها لتمسح على شعرها : دامني بأحضان أم عبدالله فـ أنا بخير وبأحسن حال. ضمتها جدتها وهي تقبل خصلات شعرها البُنية : تعالي ابي اظفر لك شعرك. ابتسمت ورد بطفولة : ايه بالله مارد لك طلب ياعيون ورد. دخلت راما وتبتسم : حمدلله على سلامتك يابنت العم. ما بغينا نشوفك أخيرًا. ورد ابتسمت لها بالمقابل : المهلي مايولي يابنت العم. بصراحة ماتوقعت في بنات بعمري. ضحكت سديم : شكلها لا شافت شهودة بتصدق أكثر نزلت شهد من السلالم وهي تخطو بخطوات عبثية : لا لا وش هالصباح الحلو.. الكل متجمع عند جديده. ولا على مناسبة بنت الخال الجديدة ضحكوا عليها.. شهد : صدق نسخة عمي فيصل. فوز بحنين : موب عبدالله وفيصل يتشابهون كثير. الله يرحمه. انضمت إليهم عمتهم عهد وخرجت أخيرًا من عزلتها هيّا : حي الله أخت البدر. أخير مابغيت تخرجين ياعهد ! فوز بمرح تغمز لوالدتها : تبي تتغلى علينا. حمدلله على سلامة يا عمة. عهد بحزن : البدر صحى! فوز : حمدلله صحته افضل واليوم أنا وبناتي بنزوره. تخاوينا. عهد بغصة تمسح دمعتها بطرف طرحتها : ايه بالله ابي اشوفه واستسمح منه. أخوي مالي غيره. مير ولدي ماعادني معترفه فيه. ياشين ضناك يقتل أغلى ماعندك. حينها الكل دام في لحظة الصمت. لكن ابتسمت هيّا : منهو قاله. مثل ما أخوك غالي عليك تراها هو ولدك معتبره مثل عياله وعفو عنه. نظرت عهد لها وبضعف : عز الله انه معدنه طيّب. عزالله انه ولد رجال. ثم سقطت بانهيار كتمت بداخلها جميع تلك الأيام التي مضت كانت تتقلب على جمر الغضب والندم. ليتها لم تخبر ابنها على أفعال جدها الماضيه ليتها بقيت صامتة لم تستفيد الآن إلا انها ازدادت جروح أخيها أكثر اقتربت منها هيّا وتخطو لها : لا بالله بنت خالتي سارة ما تطيح. قومي يام روّاف. مالك ذنب باللي صار. والله يعفو عنه ويسامحه. عهد ضمتها : ما اجي ربع طيبة قلبكْ يا ام بندر. الله يجزيك الجنه. . . في الأعلى قسم جناحه.. استيقظ من نوم ورأسه يضربه بصداع.. تأمل وجدها نائمة على الصوفا ذات الذراعين رياض : ريم. ريم. نهض ليقترب منها، مسح على خصلات شعرها البنية اللامعة وبهمس : ريم.. ريم. وش منومك كذا. انخمدي بالسرير ولا ماتبين قربي. ريم فتحت عينيها المثقلة ثم رأته مباشرة بوجهها : ريــاض! رياض دخل لدورة المياه : طلعي لي الدشداشة سوداء الشتوية.. تنهدت بملل : ياربي يا بروده. اشلون نمت بلاه من قلق الي راكبني .. الله يسامحك بس. سارت باتجاه خزانة الملابس في طرف الغرفة في هدوء وتمرر يديها لتسحب ما طلب ..! انتظرته وهو خرج يلتف بمنشفته البيضاء على خاصرته ريم بخجل أبعدت نظراتها أمسكها رياض .. امرأة تكون زوجته وتشيح بنظراته تفاصيل جسدها الأبيض .. شعرها البني الغريب ..! وصوتها أيقن أن صوتها عذب وساحر تخونه رجولته وكرامته... فهو لم يكن صبيًا يومًا ما.. مال شفتيه ساخرًا : عسى ما أنتِ بخجلانة من ولد عمك. : هااااه رياض أدراها إليه وابتسم : شفيك مستحية. ما أن رآها بحمرة خديها .. مظهرها بسيط : اشلونه جرحك عساه طاب. قالو لي غرزتين برأسك. ابي اشوفه. ابتعدت عنه : ريـاض. لاا. ابتسم بعبث : لا تمنعني عن حقي الشرعي يا بنت العم. خبرك ما تممنا الزيجة. ريم بتوتر : موب الحين. بلهجته الصارمة : لا تحسبين اني بهين نفسي وانتظر تغلييك. ولا تدرين حسنك ماحدن مثلك. دوري بعده ما انتهى منك. ثم شعرك ليه كذا؟ غريب حتى في ملمسه. : شوف إلا كرامتي يا ولد العم. أنا عزيزة النفس. بالأول حطيت حاجز بيني وبينك. وحطيت أبوي وعمي في الموضوع. تراها سهلة ابعد عنك واصد عنك لكن اني اخضع لك انسـى. ضحك مستمتعا : تصدقين ابي اعرف وش ذا الحـاجز الي بيمنعني عنك هالحين.! ريم بذكائها : انا ماني بنت الهـوى الي تشابهني فيهم. أنا بنت عمك ومن ثوبك. ولا اني اهين نفسي عشانك. رياض باستمتاع من دفة الحوار : تصدقين كل الي اشوفه حكـي بحكي. ثم أنامله تتحرك بين خصلات شعرها نظر لعيناها : وش الي بـرضيك؟ : تعطيني وقت. بعدني ما اعرفك. وكل الي صار سريع بسريع. ابتسم ساخرًا : يكون مفكرة انك مثل الأجانب. أنت زوجتي وزوج وش يبي من زوجته. ريم بتوتر من نظراته التي تلتهمها : أنا ماني طالبه أكثر من حقي. عطني وقت. رياض ابتعد عنها : كبار لكن هالحين اثبت لي أنك صغيرة عقل. غيري ملابسك وتعالي نصبح على أمُي. ريم بغصة : ماعليه خلني شوي. بلحقك بعدين. رياض : لا تلحقين ولا شيء. انثبري بمكانك. ارتدى ثوبه سريعًا وأخذ يتعطر بعطره العود الشرقي وخرج ... ريم : يارب سامحني. لكن قاهرني بأسلوبه خل يعرف ان الله حق. وأن الدنيا ما تشمي على كيفه. اففف ما تطمنت على روّاف. . . في المطبخ : راماوه متحمسة على بيتنا الجديد ألتفت إليها راما وخصلة السوداء مُتمردة تسقط على ملامحها المُرهقة : عادي. شهد : طالعيني راما. شفيك؟ زفرت بضيق : ماني مرتاحة للخطبة. استخرت ولا ارتحت. شهد : طيب وخير. عادي ارفضي.. باقي بعد بالبر. نظرت لها بهم : المشكلة أرسلت غوالي اني موافقة.. بعدين أقول لها اني عييت. شهد : ياشخية ماعندك سالفة. أجل لا جو وكبر الموضوع ترفضين. إذا مستحية أنا اكلمها وقضينا. راما بحب لأختها : يا شخية مافي طيبة قلبك. خلاص علميها والله منحرجة منها. شهد : قايله لك ماعندك السالفة.. تكفين سوي الفطاير من يدينك لها طعم ثاني. راما بروقان : من عيوني كم شهوده عندي.. شهد : هذا أنتِ راما أختي والا مبدله بوحده ثانية. ضحكت وهي تدفعها : عاد دلعناك اليوم. خذي التبسي وجهزي سفرة الفطور سديم : يلا راما... حتى عمي رياض هناك وعماني متجمعين اليوم. راما : الله يجمع شملنا كل يوم... ابشري خذي الشاي والبيالات وانا بلحقكم.. شهد تأخذ من سلطة : يوووووه نفسك حلو راماوووه.. أقول سمسمة.. سديم : لا تحارشيني من صباح ... شهد بغيض : كيفي... سديم : قال سمسمة قال... سحبت سديم الصحن ثم اتجهت للصالة رياض بمحبة : الله ياكبرها.. بنت أخوي موجوده هنا.. يامرحبا ياعمي. ورد بخجل : الله يبقيك ياعمي.. ومبروك زواجك. رياض ابتسم بتهكم : الله يبارك فيك. العقبى برأسك. ورد بتوتر من سيرة الزواج : لا بقعد عند جديده. ماني متزوجة ابد. رياض : ايه جات ورد وخذت الغلا كله يا أم بندر. ضحكت هيّا بسعادة : بنت عبدالله ماحدن مثلها... ولا تحط نفسك بكفتها. ضحك رياض : أفا يا يُمَه. ما كأن سوقي راح. الله يعوض بي. فوز تغمز له : عندك ريم ماظنتي بتلقى أكثر من ذا العوض .. هيّا بمحبة : ايه بالله. كلمها ياوليدي خلها تفطر معنا.. الساعة التاسعة مساءً – تبوك – يدور حول نفسه بقهر من بُعده ، يفكر بأشياء كثير وأهمها ولد عمه الغايب ..! مُنى : شفيك جالس كذا.. مساعد : طفشت من عناده.. انا رايح بلمه. قولي لأبوي مانيب جاي للعشاء. مُنى : طيب تعشا وتوكل للرياض. عادي ماحد بيقلق عليك. مساعد : ماعاد لي خلق اجامل اشخاص مالهم غير ملل... مُنى : اللي يريحك يا أخوي. طيب هو اشلونه ؟ يعني قاعد عند منو؟ مساعد : مدري هو يقول لاحد. كل ما ادق عليه مقفل جواله. بسري الحين. دخل بو مساعد : طَالع وين؟ وانت عارف عندي الرجاجيل مليان المجلس. مساعد : بعد وين يُبَه. بشوف عايض.. قاهرني جالس بروحه وناكر انه عنده اهل وعزوة. بو مساعد : وأنت وش حارقك! واحد بايع اهله. مساعد : كاره نفسه يُبه بعد لا تلومه. بو مساعد : وعسى هو سامعك. كلامك معه لا بيقدم ولا بيأخر. مساعد : يايُبَه اقلها تطمنت عليه. هو من بعد الي صار مو متقبل أي طاري من تبوك. بو مساعد بملل منه : يخلص العشاء ثم توكل. تنهد بملل مساعد.. جامل والده كثيرًا لكن لم يستطع التحمل غادر هذا التجمع ممتلئ برجال اعمال لا يهمه إلا سوى زيادة الأسهم و الاعمال الحُرة.. فهو لا يميل لرفقة أصحاب والدِه.. صعد لمركبته واتجه للرياضْ.. . . قبل ذلك بعد أن خرج من عند الطبيبة تعوذ من الشيطان وأفكاره تقود للجنون : هذي ماهيب صاحية وش تحليل حمل! سلامااات. البنت مادخلت عليها. بعد يا هتان مالها الا ظاهر. وكأنها تلمح لك أنك زوجها .. نظر لها : يلا بنرجع للقصر. تبين اجيب لك شيء تأكلينه. وضعك الصحي موب زين؟ خزامى بتعب وارهاق : لو قلت لك اني ابي خالي بتأخذني له. : لا. انسي تقابلين خالك بهالوضع. بسخرية : أجل ليه تشاورني! صمت عنها لينطلق لسيارته. هتان بضيق : عندي شغل بالشرقية خذي لك كم غيار ونسري هناك. خزامى ببرود : الي تشوفه. ألتفت لها هادئة على غير العادة ، اشغل الراديو ليسمع صوت ماهر المعقيلي وتبث آيات السكينة ﴿ إِذْ جَعَلَ الَّذِينَ كَفَرُوا فِي قُلُوبِهِمُ الْحَمِيَّةَ حَمِيَّةَ الْجَاهِلِيَّةِ فَأَنزَلَ اللَّهُ سَكِينَتَهُ عَلَىٰ رَسُولِهِ وَعَلَى الْمُؤْمِنِينَ وَأَلْزَمَهُمْ كَلِمَةَ التَّقْوَىٰ وَكَانُوا أَحَقَّ بِهَا وَأَهْلَهَا ۚ وَكَانَ اللَّهُ بِكُلِّ شَيْءٍ عَلِيمًا﴾ [ سورة الفتح : 26] اخذ يتأملها الصامتة وهي مسحت دموعها بأناملها عينيها تتأمل الشوارع المارة سريعة.. أردف وهو يخفض صوت الراديو : أساليني أي شيء عني. خزامى ابتسمت بهدوء : السبب.! هتان بملل من صمتها : تزوجتك وانتِ ماتعرفيني. ومسألة أني اعرفك فـ اعرف عنك أكثر ما يعرف عنك خالك. خزامى ضحكت برقة : أنت متأكد هتان ! ابتسم ساخرًا : جربيني طيّب ! نظرت له وهو يتحكم بالمقود بهدوء غير عن نظراته دومًا غاضبة : اجربك. امممم طيّب. ما تحس نفسك انك زودتها أبي ارجع لدوامي. هتان : أحد قال لك انك عبيطة. خزامى : لا ما احد قال غيرك. هتان : أجل اسمعي قايل لك اسألي عني. وش دخل دوامك فيني ! خزامى بمرواغة : موب تقول اسأليني .. وانا سألتك برجع لدوامي. هتان : غيره! خزامى : لنفترض اني ما تزوجتك وش كانت مواصفات زوجتك ؟ ضحك هتان : تصدقين ما كان في بالي شيء. لا تراوغين بالكلام. خزامى بألم : موب تقول اني فضلتك واني منجبر تزوجتني. وش الي جابرك فيني. حاول أن يتجاهل كلامها : بتغاضى عن حكيك. واعتبر نفسي ماسمعت شيء. خزامى بضعف : أجل لا تضيع نفسك بسوالف مالها معنى. هتان وقف سيارته على جانب الرصيف والتفت لها. مسك بيدها التي ارتعشت بين يديه : خلاص خلينا نأخذ هدنة. خزامى ضحكت بوجُع : هدنة ! هتان أنت فاهم اشتقول! وش الي غيرك تفكيرك عني. هتان تأفف : الحين ليه تصعبينها ؟ خزامى بأسى : أنا اصعبها. انا الي انظلمت وما ظلمتك! لا تسوي نفسك انك طيّب وانك تدرايني الحين. موب عشاني طحت تعبانه تستغلني. : ذكية. تحبين تنكدين على عمرك. خزامى بسخرية : تصدق تعودت عليك .. : طيّب .. متعلقة بأبوك كثير الله يرحمه وخالك خليفة.. من بعد تجربة زواجه الثاني.. تنامين على جانبك اليمين أكثر .. تشربين قهوة بدون سكر وبدون اكل بعد .. وتخافين المطر وشوي تموتين منه. نظرت لعيونه : مسرع ماعرفت تفاصيلي. : قايل لك اعرفك وابخصك أكثر من نفسك. ارتفع حاجبي هتان بـ اهتمام : هاه تبيني أكمل واعدد لك أكثر. بخبث : تبيني اقبل بالهدنة. هتان التقط نظرتها الماكرة ابتسم باستخفاف : ايه.. : أجل دق على الشيخ. وأبسأله.. قضية التعنيف والشك وش حكمها بالشرع والدين؟ هتان تدراك الموقف : أنتِ بعقلك. خزامى تود أن تبقى صامدة على عنادها : ايه دق عليه الحين. هتان تنهد وابتسم : طيب بطاوعك نشوف نهايتها. خزامى : سجل رقم الشيخ اعرفه عن طريق خالي خليفة. وبسخرية : خوش والله زوجة.. سايرها ليتصل على شيخ يعرفه عن قريب. : تفضل هتان اسمعك. هتان : المدام بغيت تسألك يا الشيخ. تسمعك هي. الشيخ : تفضلي أختي. خزامى بغيض منه : أبسألك يا الشيخ و ش حكم قضية التعنيف و الشك من الزوج ؟ الشيخ : مافهمت عليك. تدراك هتان وهو مبتسم بداخله : اعذرها يا الشيخ هي قصدها بشكل عام. الشيخ : ايه يابنتي ما يجوز. لكن بعض العادات والتقاليد ما أنزل بها من سلطان لكن يا اختي دام ماتعيبنه في دينه ولا خلقه شيء تراك تأثمين إذا رديتيه. ابتسم هتان : أنا كفيل بها. جزاك الله خير يا شيخ. ثم اغلق الهاتف و نظر لها خزامى بضيق : كريم يا ولد بندر .. كريم من يومك شرطي على الهدنة ماهو تسكتني بكلامك ذا. شرطي ترد اعتباري قدامهم أولها تسجل لي مكتبك باسمي. . . ضحك ساخرًا : وش قلتي طال عمرك. خزامى : ايه مكتبك أقل حقوقي. ضحك من كل قلبْه وبداخله : صدقت نفسها ها المخفة ! كذلك ما الحكمة من تسجيل المكتب بإسمها ! هتان : وش تبين بمكتبي؟ خزامى بمكر : يكفي انه تعبك يكون بأسمي. وترى لا تخاف بالحفظ والصون. تأمل يديها ناعمة التي ترتجف .. متناقضة تطلبين هذا طلب الكبير و ترتعشين، ونظراتك الماكرة من خلف الغطاء تلك العيون هل ضاقت بما رحبت ..! هتان بتحذير : كذابــة. بس ترى ماهو بصالحك يوصل تعجرفك لهذي النقطة. بأهدابها تردف.. تلك التراكمات تجعلها سيئة : سجله بأسمي. واعتبر كل شيء ما بيننا كأنه ما صار. . . . انتهى, طبعًا هالفصل مفاجئ مافيه قفلة. لكن القادم يكون أفضل و أفضل.. ونعوض القصور. | |||||||
|
| |
|
12-07-23, 06:41 AM
| #456 | |||||
 
| اقتباس:
عمر الغياب مايكفيك او امدح من هنا لقدام مبدعة مبدعة < طبعا في ماتكتبينه كل مالنا ونتعمق اكثر متحمسة لشخصية خزامى ضعف ابدا ما يناسبها هتان دخيلك اعتقها لوجه الله ❤️.. عايض، رواء ، كثير متحمسة للقائهم يارب قريب .. ريم ورياض انا اقول تارك مثل ولد اخوك رافع ضغطي شفييييهم ابطال الظلال الاهداب والله انهم رافعين ضغطي اللهم طولك روح. | |||||
|
| |
|
12-07-23, 09:51 AM
| #457 | ||||||||||||||
| كاتبة ومصممة في قسم قصص من وحي الأعضاء وعضو في فريق مصممي روايتي وساحرة واحة الأسمر بقلوب أحلام  
| اسعد الله صباحك فصل جميييييل ورائع كعادتك عمر الغياب .. رياض وريم متحمسه لهم مرررره ما الومه تعامله معها ليتهم التقوا بظروف احسن ابو مساعد عم قاسي وش هالعم بس للاسف موجودين مساعد الله يسعدك ويجبر خاطرك وانت تحاول توصل لولد عمك وتكون سنده ورد ياويل حالي ايش بسوا فيها بس يعرفوا انها متزوجه جاسر استغربت كم عمره يسوي كل اليسويه على حركاته حسيته واحد مراهق ايش يشتغل ومن وين يجي ماء الطاحونة ؟! غوالي الهبلة الكانت تقول لتركي ما تحبني بسببك تفرقت عيله وصله رحم ودم واخيرًا الكوبل الاحبهم ومادري ليه احبهم مافيهم شي ينحب ???????? خزامى وهتان ايش وراكِ يا خزامى ؟!! اكيد وراها شي ولا ماطلبت هالطلب الحمدلله بدت تصحصح وهتان كأنه لان شوي معها بعد مرضتها | ||||||||||||||
|
| |
|
12-07-23, 03:28 PM
| #458 | ||||
| اللهم صل على سيدنا محمد وعلى آل سيدنا محمد كما صليت على سيدنا إبراهيم وعلى آل سيدنا إبراهيم وبارك على سيدنا محمد وعلى آل سيدنا محمد كما باركت على سيدنا إبراهيم وعلى آل سيدنا إبراهيم في العالمين إنك حميد مجيد لا تنسوا الباقيات الصالحات سبحان الله الحمد لله لا إله إلا الله الله أكبر لا حول ولا قوة إلا بالله العلي العظيم | ||||
|
| |
|
13-07-23, 12:28 AM
| #459 | ||||
| اخخخ ياقلبي ❤️❤️❤️ ما اتحمل هالجمال عمر الغياب ✨ كله كوووووم وطلب هتان كوم ثاني اجل تبي هدنة !!! حمدلله على سلامة طال عمرك.. تبي صراحة بنت ابوها ودي احب خشممممك خزخزم من اول بارت وانا قاهرني هويتتتتتن مالت عليه.. احس ماشبعت خلص البارت بسرعة رواء وحياة قسم بالله بكتني حالة الضياع وغدر ناصر لها هي وحور بس تعطيهم فرصة حتى يبررون لها .. الله يستر لا تنهبل من جدد. عايض كممممية الغربة والوحدة اللي يحس ويعيشه يحززززن ومشكلة اصحاب ابوه ناوين عليه عارفين ان رجال جوهر مليهم بلاوووي الله يجمع شملكم انت واختك مساعد حب عظيم لبادرتك اما ابوك مالت عليه قهرنننني… وأخيرًا رياض وريم على قولة ارورا حلوة ليتهم التقوا بمكان افضل .. شكرًا عمر الغياب .. عسانا ماننحرم .. | ||||
|
| |
 |
| أدوات الموضوع | |
| انواع عرض الموضوع | |
|
|
31127Likes
.png)
.png)
العرض العادي
