18-03-24, 01:56 AM
| #3206 | ||||||
 
|  اقتباس:
| ||||||
|  |
|
19-03-24, 09:59 AM
| #3209 | ||||
 
| السلام عليكم ورحمة الله داخله بغضب وعنصريه وتحيز واحقاق وسخط وحواجب مرفوعه ولااااا اشوف قدامي احد مر وقت طويل جدا جدا جدا على اني اغضب من احد بعالم القراءه، بالعاده يستفزني حدث، قفله، قصه، اي شي واجي اهرج، بس اليوم استفزني شي مختلف، يعني الصدق الحمدلله اني ادخل اقرا واطلع ولا انتبه للردود والتعليقات، ولا كان كل يوم جايه اكتب جرايد واخذ راتب للمحاماه المهم والله انا اشوف هجوم على نساء الروايه، اكبرهم سماهر واصغرهم جيداء، ولا اقول مافيه الا سماهر وجيداء انا اشوف اني انسانه اقرأ بعقلي وقلبي، بس يوم اجي اناقش احداث اللي قرأته، مايناقش الا عقلي، ولو قرأت بالقلب وعلقت بالقلب صرّحت بهم، ما ادري هل فعلا عقلي يقرا ويعلق او انا اشوفه كذا المهم وش يقول عقلي؟ يقول ان ابطال الروايه مابعد جاهم شي ووش يقول بعد؟ يقول ان بطلات الروايه توهم مابعد شفنا منهم شي، توهم مابعد انفجروا صح ولا بردو خاطري ووش يقول بعد؟ يقول تهاوشي مع الاوادم كلهم بالله عليكم بنات شفتكم زعلانين من كم نقطه او حدث انا مصدومه انكم زعلانين، مفروض تفرحون ولا تعززون انا يوم شفت كلامكم، قلت يانبوضه ياحبيبتي شكلك ملخبطه ارجعي اقرأي الروايه من جديد، وانا نبوضه اللي ماترجع تقرا شي من جديد الا نادرًا رحت رجعت اقرا، تخيلوا ادميه عندها اختبارين وصايمه ومواصله، راحت تقرا فوق ال٤٠ بارت عشان بس اتأكد من ملخبط، انا ولا انتم؟ وعلى فكره ظل السحاب حتى انتي لازم تعطيني مكافأه لاني رجعت اقرا في حالتي هذي وكفاحي بس الصدق للامانه ماقريت ٤٠ بس قربت نص ونص المهم ادري ثم ادري ثم ادري ان هذي اراء ووجهات نظر وغصبًا عني احترمها بس مسألة اني اسكت وما اناقشكم فيها؟ صعبه حبتين، كذا لازم اتكلم وارتاح انا قريت خمس جمل مستفزه، الخامسه مالي دخل فيها طبعًا بس عصبتني، اللي تقول لفاء واقعي!! يرحم لي امك ضغطتني اكثر من الشايب لفاء بالله بالله بالله الحين لفاء واقعي؟ لفااااااااااااء واقعي؟ ظالم بنات الارض كلهم وشاد حيله عليهم والعيال كلهم وخانق كل من يعرف وشخصيته الزفت محد سلم منها حتى حرمته، وتقولون لي واقعي؟ شايب مليان عيوب واخطاء وسوء وظلم وتجبر ومايحترم لا حي ولا ميت والقى احد يحبه؟ والله جتني دوخه من اول بارت كل شوي يطلع تعليق تقول لي، ياعمري يالفاء، لفاء مظلوم، لفاء مغلوب، والله ما مظلوم غيري انا وصدري الميت حرقه شوفو هو رأيكم وغصب عني أحترم هالرأي ولا يحق لي اجادل فيه بس قسم بالله يوم تحطونه الواقعي بينهم احس كأني مصفوقه كف طيب يلا سلمت امري المحبه للفاء نعديها، تعالو عند سماهر، وش سوت سماهر يادوخة راسي؟ وش فيكم يابنات انا اقرا روايه غير عنكم؟ سماهر ٢٥ سنه ماعندها خطا الا يوم هربت، من بعد ماهربت تابت الاخطاء عنها، الاخطاء هي اللي انحاشت منها لانها سوت خطأ حتى ابليس داخ منه، بس بعدها؟؟ بعدها سماهر تابت توبه والله ليعجزون ابطال الروايه يوصلونها، عقلت عقل ماهو في كبير ولا صغير، تسوي الصح بس ماتسوي الغلط، وفجأه اشوف الاغلب حاطينها غلط، عشان ايش؟ عشان كم كلمة تدافع فيها عن نفسها وعن قلبها؟ دقيقه نتفاهم وركزوا معي مب لازم تردون علي بس لازم تركزون معي الحين سماهر متزوجه واحد هادر دمها، يوم شافها اول مره كان بيذبحها، فوقها يلومها على موت امه هل نسينا يابنات ثاني ليله لهم وش سواة الشيخ هذال؟ فوووووقها كان لا فيه اسلوب ولا شي، هي الصبوره والله على هالزواجه والسبب في راس عبدالله وشماغه ياليته احترق ولا ضاع قبل يرميه عند رجولها عشان يزوجها لهذا اللي مايتحمله غير بنته واذا بنجي لمساوئ شخصية هذال نبتدئ عزيزاتي بأيام صحوته يوم ان المفترض فيه كشخص مفجوع من غيبوبة العشرين سنه يتخبط بس شفناه فتح عينه يهلوس بالحكم وهدر الدم، بعدها ماقصر في محادثته مع عبدالله القذره يوم كان يذكر عبدالله بخطأ سماهر، والله لو ماتدعس سماهر غاربه اني لادعسه يوم فرغ اللي بصدره جاي يدور رضاها، وبنص الرضا يجي يزعل ويقول مشعل ومشعل، الله يعظم اجر مشعل لي شهور اترحم عليه كأنه حي من كثر ما ضغطوني من بداية الروايه ثانيًا جيداء، اعطيتوا سهاج العذر انه مايدري، وش اللي مايدري؟ ليه توه متعرف على لفاء؟ عايش معه فوق الثلاثين سنه وعارف طبعه وفعوله وتقولون ماكان هاقي يخربها؟ اقل شي ماكان متوقع ان لفاء بيسم صدورهم بالكلام؟ الا كان داري ماكان متوقع ان زوجته اللي من يوم شافته وهي ترعد وتبرق وامها وابوها خط احمر بتدافع عن نفسها وبتقب بينهم؟ الا داري بس يستاهل، ويستاهل ويستاهل، يوم مسوي نفسه حكيم ومخلي لفاء يدخل لحاله هذا جزاته اللي يشوته، اقل شي كان دخل ولا ترك ابوه يدخل درع احتياطي ووش سوت جيداء؟ قالت طلق، ماطلق، تمسك وإيوه غصب عنه يتمسك ويطارد وراها، حقها واكثر، حطو انفسكم مكانها، بترضون؟ النفس تعز على الواحد انه يسامح وسهاج من يوم شافها وهو حاط اهله فوقها، ليه طيب تتزوجها دامك مب قد الامانه؟ كان خذيت وحده اهلك ماراح يضرونها وانت ماراح تنزل من مقامها، بس لا لا سهاج ماخذها يعني ها انتي يتيمه وانا زوجك وهذولا اهلي غصبً يصيرون اهلك، حتى يوم كان الزفت لفاء يتهاوش مع سماهر كان يرد جيداء عن الدفاع مسوي حكيم الفهيم، احسن هذا اللي صارله وهذا جزاته وزعلة جيداء قليله، لاتقرأون بقلوبكم اقرأو بعقولكم جيداء قاعده تتصرف تصرف ١٠٠ بال١٠٠ صح، ليه تكمل مع شخص معروفه حياتهم من الان؟ ليه تجيب عيال وبنات منه ويعيشون معاناتها الان؟ وش يحدها؟ مابه شي يحدها، عزيزة نفس وتعرف شلون تعز نفسها، حكيمه وتعرف شلون تمشي بعقلها دون قلبها، هي أغلطت يوم دخلت خطوه في هالزواج لكنها الان قاعده تعالج غلطتها وارجع واعيد سهاج تراه ماغير يطارد كأنه ورع يدور لعبته ماشفته قعد وقال اسف اسف اسف اسف اسف اسف حتى من البدايه مايعرف يطفي الغضب اخ الحمدلله انه موجود بالروايه لو قدامي كان نوريه تصيح بعزاه لها شهر برضو ناديه، الحين وش اللي تقولون ناديه زعلت عشانه هاوشها يوم هربت سماهر؟ دقيقه دقيقه، راشد هذا مليان عيوب من بنته فاطمه لجيداء لاخوه لزوجته، يرفع يده عن كل الامور ثم اذا صار الحطب رماد جاء يمسح عليها ويقول سامحوني، وخير ياطير، وش يبون به عقب مامات كل شي بعينهم؟ راشد اللي ناسي وش مسوي يروح يقرا، ماقصر في ناديه لين خلاها تعوف نفسها وخلق الله كلهم ولو انه مب غلطان ماجاء يتعذر وعارف حدوده، هو فاهم غلطه من وإلى، هذا راشد رخمه مايعرف له الا جيداء وناديه وفاطمه نعم صحيح ناديه كشخصيه فيها عيوب، لكن مع راشد؟ لا مب غلطانه نعم صحيح جيداء تخطي، بس مع سهاج؟ ما أخطت نعم صحيح سماهر أخطت، بس مع هذال؟ لا مابه خطأ اخ وانا اقرا الردود فيه بومّه تصيح فوق راسي حتى هي مفجوعه، اللهم إني صائمه | ||||
|
| |
 |
| أدوات الموضوع | |
| انواع عرض الموضوع | |
|
|
24992Likes
العرض العادي
