16-02-22, 09:52 PM
| #141 | |||||
|  اقتباس:
| |||||
|  |
|
16-02-22, 10:07 PM
| #142 | |||||
| اقتباس:
صدمه !!! يعني يُمنى تكون خالة وتين ورياض كان متزوج اختها وممكن تكون متوفية وهي ربتها 🥲! | |||||
|
| |
|
16-02-22, 10:19 PM
| #144 | |||||
| اقتباس:
| |||||
|
| |
|
16-02-22, 10:33 PM
| #147 | |||||
| اقتباس:
بس ما اتوقع ولا اتمناه كذا 🥺 لان صدق مافيه مبرر له ان يترك بنته اذا كذا 🥺 | |||||
|
| |
|
17-02-22, 12:39 AM
| #150 | ||||
| السلام عليكم ورحمه الله وبركاته صباحكم خير وبركه وسعاده ، صباحكم أغاني وإبداع أغاني 🌿 .. " الفصل الرابع " فصل جميل كشف ووضّح بعض خفايا ابطالنا ، ومن بعد ماعشنا معاهم اجواء العيد وجماله ولمّه الاهل والعيديات والهدايا ، عشنا اجواء عوده الدوامات وروتينها .. تسلّم يدّك اغاني على هالفصل الممتع والجميل 🤎 .. ومبارك للجميله خيريه النجمه ⭐ .. " يمنى " مهما انكشف من اسرار ماضيها مازال الغموض يزيد .. بهالفصل اكتشفنا واحد من اسرارها وهو ارتباطها بـ " رياض " وكونه اب ابنتها ، من اول فصل كنت حاسّه انه زوجها بس كذّبت احساسي .. خصوصاً وقت شفت ابو سحاب مايتواصل مع اهل زوجته لا بفطور رمضان ولا بالعيد شفناه راح لهم .. " إنه صباح مختلفٌ جداً عن كل ما سبقه .. إنها مرحلة جديدة تخطوانها اليوم .. ليعبر صغيرتها ألم الحرمان من جديد .. " رغم اني متعاطفه معاها وبشدّه ، الا اني زعلت منها .. كونك انتي مجرّبه طعم الحرمان واليتم ليش تخليّن بنتك تذوقه !! مهما كان رياض زوج سيء الا انه يبقى أب ومن حق وتين تعرفه .. تنتظرها مرحله جديده مع وتين وهي مرحله التساؤلات خصوصاً بعد ماخرجت من نطاق امها اللي فرضته لها وبدأت برحله المدرسه .. ممكن لانها طول حياتها مع امها وعائله العم تتخيل بعقلها البريء ان كل الناس كذا حياتهم خصوصاً انها ماتختلط بأحد .. بتبدأ تستفسر الصغيره بكل براءه عن ابوها ، كيف شكله ؟ وينه ؟ متى يجي ؟ وغيرها الكثير من اسئله الاطفال .. " و ذاك الإسم يتسرب من تلك الأوراق .. يعبر ذعر قلبها .. و يشتت طمأنينته .. لتتكثف بروحها تلك الذكريات المرعبة .. " واضح كان ماضيها مع رياض من العيار الثقيل الثقيل الثقيل 🥺💔 .. " رتيـل " حمامه السلام بكل مكان تكون موجوده فيه .. احب حنيتها وحبّها لتقديم المساعده لأي شخص محتاج 🥺 .. فيه نقطه صغيره ماحبيتها فيها وهي تباسطها الشديد مع اولاد اعمامها واعتقد سبب هالتباسط كونها يتيمه وتربّت ببيت الجد وكأنها اخت للجميع .. " لا ترعبها تلك الدماء الدافئة التي تعبر أصابعها كل يوم .. لكنها مازالت لم تتخلص من رعب تلك الدماء الباردة التي أريقت بعيداً عنها !! " اعتقد هنا تتكلم عن ابوها ، ومن كلمة " أُريقت " ممكن يكون ابوها مات مقتول .. " سحـاب " تعلقها بحب حاتم مثل تعلق الغريق بقشّه ، لا هي بتنقذه ولا هو استسلم للغرق بدون مقاومه .. نفس الوضع مع سحاب ، لا حاتم يعرف عنها ولا هي بتستسلم ، اعترف اني صُدمت وبشده من فارق العمر الكبير بينهم 15 مو سهله ابداً .. اعذرها لأنها حبتّه كون شخصيته جميله وحنونه جداً 😢🤎 ، اما حاتم فأعتقد ان تصرفاته معاها بالصِغر كانت لانها دلوعه تصيح بسرعه وهو حنون عالاطفال .. " تدرين بوحا أنا دايم كنت أظن إنك خبلة و على نياتك..بس طلعتي غبية و ما تدرين وين ربي حاطك! " بعيداً عن الدلع الغريب " بوحا " الا اني اشكر هالصديقه وحبيتّها جداً .. كذا يكون الصديق الحقيقي ، وقت يشوفك تايه يدّلك الشي الصحيح .. " غـزلان " اعترف في خلال اربعه فصول تغيّرت مشاعري لها جداً ، من البغض لتصرفاتها الى التعاطف 😫💔 .. صعب جداً انك تعيش ازدواجيه بالشخصيه وبالحركات وبالتصرفات وتكون هالازدواجيه اجباريه عليك ، ابو غالب مثال للأب المهمل البخيل ، صح يشتغل ويتعب ويصرف عليهم بس هو مهمل وبخيل عاطفياً .. الفلوس تتعوض بس العائله اذا راحت ماتتعوض لو معاك كنوز قارون واللي زاد الطين بلّه بوضعهم ان الام نسخه من زوجها ، وبدل لا تحتوي عيالها وتعوّض الفراغ اللي بسبب غياب ابوهم صارت حتى هي مشغوله .. " فوالدتها على إستعداد لتقديم أي قُربان لرضى زوجها .. و الحصول على حبه .. و إهتمامه .. حتى لو كانت تقدمهم هم أبنائها ثمناً لهذا الرضا .. " اتمنى ماتكون غزلان قربان لأمها وابوها والله يكفيها شر زياره ام سلطان .. وضع غزلان اصعب من اخوانها لانها ممكن تتورط بزوج يناسب مواصفات اهلها الخياليه الفارغه ، بعكس اخوانها الاولاد اللي كل واحد بيختار الزوجه اللي يبغاها ويستقلّ بحياته زي ما سوّى غالب .. " ليث " الصديق الوفي المكلوم بفراق صديقه العزيز ، شهامته تجبرّه يكون وصيّ عليهم .. ومع كذا احسّ " مازاد عن حدّه انقلب ضدّه " لو يحاول يخفف ويقلّص من زياراته بيكون احسن له ولأخت صديقه وحفاظاً على سمعتها .. وبعدين ماني فاهمه ليش رفضته سماح !! بالله هالادمي احد يقدر يرفضه 🥺🤎🤎 ، والله انه زيّ النسمه يمّر ولا يضرّ 😢 .. " سماح " الاخت اللي فُجعت برحيل شقيقها وسندها ، استغرب جداً عدائتها لـ " ليث " .. ولاحظت اننا للأن مانعرف كيف مات اخوها ، هل ليث له يدّ في الموضوع !! او لأن اخوها كان قريب منها مره وبعد صداقته مع ليث بدأت تحس انه سرق منها ذكريات تصنعها مع اخوها ببعده لسنوات الدراسه في الغربه ، بإختصار يكون الموضوع " غيره من ليث " .. اذا تبغون الصدق ما ألومها يوم تزعل على امها وترفض اي شي من طرف ليث ، مهما كان كرامتها وشخصيتها ماتقبل ان الغريب يصرف عليها حتى لو كان اعزّ اصدقاء اخوها .. " ام دانيه " ماحبيت تفكيرها ابداً ، ياكثر ماصادفنا بحياتنا ناس خريجين ثانوي ولكن يمتلكون من العلم والخبره اكثر من خريجين الجامعات .. صعب اني احصر العلم على سنوات الدراسه فقط ، ناس درسوا جامعه وتخرجوا وهم ناسين كل اللي تعلموه في هالسنوات .. وبعدين مافهمت ايش المُعيب في كون " ابو حاتم " تاجر للمواشي !! عمل كريم مافيه اي شي مُخجل او غير جائز ، قدوتنا وحبيبنا محمد صلى الله عليه وسلم كان راعي غنم .. " عمّـار " ابدعتي اغاني في وصفك لإختناقه وتعبّه من الحِمل الثقيل اللي شايله .. خلانيّ لاشعورياً اختنق انا بعد .. " كان عُمري دامساً لولا ان يديك قد دَّست فيه قنديلاً من حنان " قبل كم يوم قرأت هالاقتباس واول ماقرأته جاء ببالي عمّار ، ان شاءالله بنشوفه يقولها للي نوّرت له حياته الكئيبه .. ومايمنع ترا تكون رتيل 😌😂 .. " دانيه وغالب " رميه من غير رامي ، جمله عفويه قالتها دانيه صدمته صدمه حياته .. للأمانه بعد ماشفت الوضع ببيت اهل غالب بدأت اعذره .. هو نشأ في بيت مايعترف بالحب ولا فيه من علامات الاسره المترابطه شي .. لذلك هو يشوف الحب رفاهيه وشي مو مهم .. " ريـاض " بطل الفصل وصاحب الصدمه الكُبرى .. فكره انه كان زوج ليُمنى وأب لوتين كانت رغم اننا متوقعينا الا اننا انصدمنا .. ماضيه مع يُمنى اكبر علامه استفهام بالحياه .. من كلامه وكلام يُمنى هو ماكان الزوج المثالي ابداً ، ماضي اسود ، بدل لايقتلونه الناس قتل نفسه .. كلها تثبت انه اجرم كثير في حق يُمنى .. الى ان كتب لهم الله فراق وبعدها حرمان من بنته .. " ست سنوات مضت!! كان يخطو أيامهاً جمراً يلهب عمره .. ست سنوات و طفولتها المبكرة تتساقط من قلبه .. بلا ذكرى .. بلا ملامح " يالله ياكميه الوجع 😭، انا مدري كيف قدرت يُمنى تسويها صدق وتحرمه بنته .. واستغرب بعد اهله كيف مارحموه واعطوه لو صوره لبنته تجير خاطره 🥺💔 .. هل معقول اهله مايدرون عنها !! او من سواد وجيههم بعد مصايب ولدهم مستحين يطلبون يشوفون بنتهم ؟ .. حاولت افكر بالسبب اللي يخليهم يحرمونه من بنته وللأسف ماوصلت لنتيجه .. الله يعطيك العافيه اغاني ، وبإنتظار باقي رحلتنا بكل شوق 🌿 .. دمتم بخير وسعاده .. | ||||
|
| |
 |
| أدوات الموضوع | |
| انواع عرض الموضوع | |
|
|
43004Likes
العرض العادي
