05-11-20, 05:37 AM | #3331 | ||||
| صباح الخير🌞 الله الله على هالإبداع ياشوشا بارت ممتع ورائع وبديع ومبهج لدرجة احس بفراشات داخل قلبي😂😂💜يازين فياض وهو هادي ولطيف وكتكوت وخزام مافهمت عليها هل هي كانت مندفعة بمشاعرها والحين فكرت تصحى ايش هالبرود اللي عندها!!! صح قلنا اثقلي بس مو كذا..جوجو احبها واحب هدوئها ورزانتها(إذا تم العقل نقص الكلام)بتال التعليق لا تعليق...ياسمين ويارا منجد قليلات ادب ووقحات ياسمين انانية ماتفكر الا في نفسها ياليت غادة تعرف وتجلدها عشان تتأدب ويارا سخيفة كل تفكيرها متعلق بالحب والرومنسية بس ياليت سلطان جلدها العقاب مايكفي حقيقة تصرفاتهم تصرفات اطفال مافيها اي نضج او إدراك😑فزه صح تصرفها غير مهذب بس تستاهل فهده والله يقويها على فهده🔪 عاد لما جبتي طاري هيونه في البارت كذا اشتقت للرواية💔 وفكرت اعيد الرواية تصبيرة لين البارت الجاي تسلم يدك ياعشوقة على هالبارت اللطيف💜💜بس ياليت تفاجئينا ببارت هدية كذا عاد انتِ كريمة واحنا نستاهل😇 | ||||
05-11-20, 07:47 AM | #3332 | ||||
| فياض ( ارقصي وصوريلي!!!) وين غيرة البدوي؟!!🤔 اتصال اخر الليل وتعالي!!! غير منطقية على شخصيته؟!! يبدو انه اراد اثبات ان هناك علاقة عكسية بين اصالة نسبه والمروءة العربية لديه؟!!! او ربما نسب خزام لايرتقي لتلك الاصالة!!!! خزام ياللعجب؟! كيف فكرت تكرر الخطأ!! رضا كيف نامت من غير ماتقفل الباب وخاصة ان بنتها ملكت يعني ماعاد لها اي طريق عليها!! الواجب انها اكثر حرص لان الوضع الان اشد خطورة!!! عقاب 😷 الاجدر انك التفت لعيالك وربيتهم وقلعتهم للبر شهر كود انه يتعدل سلوكهم وتركت بنت الناس لاهلها يربونها من زين تربيتك؟!! | ||||
05-11-20, 08:09 AM | #3333 | ||||
| اسعد الله صباحكم حبيباتي 😍😍😍 عشوقه وش هالبارت … ماادري هي قلوب 🥰 ولا نجوم 🌟 ولا فراشات 🦋 🍃 فهده 🍃 لا لا وش هالسنع والذرابه ايام بتال … فهدة التي رقصت من الباب حتى الجلسة ..جلست بأرهاق : يووه ركبي بتقوم علي الليلة من طبخ لرقص .. صادق عقاب يوم قال ابي مره لاغبت عن البيت والعيال قامت مكاني… كلمة حق عز الله انها تسد وتكفي … الوضع في المطبخ عالم ثاني … الله يستر مايجي يوم ويصولون العاملات ويحطونها بالقدور بدل الحاشي … وظهر لنا سناعة اسماء مو بس دلوعه تعرف تدبر وتعبر مجهزه مع امها البوفيه اول الوقت وانا اقول وراها توها تجي عقب ماصلو المغرب … 🍃 فياض وخزام 🍃 إما الآن فأصبح كل شيء مشوش ولم تعد قادرة على فهم فحوى مشاعررها الحقيقية .. تريد فقط أن تعود وتعجب به من بعيد كان الأمر أكثر بساطه من دخول مثل هذه المغامرة ..هو شخص لايمكن مشاركته المشاعر فهو قاسي جداً لا لا عشوقه ما اتفقنا كذا لاتخلين ولدنا يعاني عقب مادخل الحب قلبه … ياخوفي تكون خزام مجرد افتتان بفياض لانه بالنسبه لها بعيد المنال ويوم صار الصدق انقشعت الغمامه عن عيونها وبدت تشوف عيوبه … فياض ليزعجها :طيب قومي وشغل أغنية دقوا خبيبتي وأرقصي وصوريلي خزام لتصرفه :طيب حاضر أفكر .. ياربي هنا حسيت بسعادة فياض ، اجل دقي خبيتي تطورنا 😍 لاتملك القدرة على التخلص منه ... جلست ..كلا لن تذهب ... ولكنه أرسل لها مهدداً ... أول رسالة واتس اب منه كانت (بتجين ولا أدق الجرس !!!) يه يه وبعد غراميات اخر الليل يافياض الله يسخرهم لبعض ويهجده هو عن الصراخ عليها ، شوي بالهداوه تقدر تقول اغار عليك مابيك تروحين مع احد غيري … والله عشوقه صدمتيني بفياض ومستوى تعليمه والله لو تدري فهده ان تنفقع مرارتها … وننتظر الحفله بشوق … | ||||
05-11-20, 08:40 AM | #3334 | ||||
| والله مالصقة العنزروت غيركِ أنتِ واختك حسنووه والله حسبي الله عليك أنت واختك واللي مخليكم علىٰ ذمته حتى الحكم حاطين عينكم عليه وشايلين علىٰ فزه ،، حيلك فيها فزه طلعي حقك وحق جوزاء من بين عيونها فهده مايبي لها غير كذا السكوت ماينفع معها 😂😂😂 لا يكون العسكري 🤔بيروح للحرب علىٰ الحدود مادام فيها تسلق وطيحه من الجبل 😂 ليلى وقحه ولسانها طويل ماهي بعيده عن فهده بطوالة اللسان والمرادد ،، ✨ حين لاحظت فزع جوزاء قالت بسخرية :بسم الله على قلبتس ياروحي .. ماعمرتس سمعتي صراخ ...أجل ولدي الهبيلة وش يســوي ليل نهــار .. ✨ ولدك الهبيله شافت منه انواع التجريح والإهانه والذل والضرب ماجت علىٰ الصراخ بس والله يعينها عليه أدع من قلبك يا بتال 😂والله يستر هي تلقاها منك واللى من أمك وزود أمها طالبتها زيارة بعد الملكة ✨ فاطمة بتكشيرة من غادة التي تدع شيء إلا وتعلق عليه :طالعه عليتس ...وليه تشاورين خذيها حلالتس زيتيها حنيهاا لو تبين صلعيها مثل ماصلعتي خواتها من قبل ... غادة بضحكة سخرية :يوم ماخليتي أحد ماحرشتيه علي لاتوبه ماأقص شعور بناتس ولا اقربها فكيناا .. ✨ عرفنا طوالة لسان ياسمين علىٰ مين هذا أسلوب يافاطمه مايكفيها اخوك معيرها بشعرها وكرهته منه وأنتِ اللحين ! غادة مجروحه مجروحة 💔 وحتى الرجعه لسلطان ماضنتي بداويها أنانية ياسمين مالها حل همها مصلحتها بس وغيرها بحريقه 😤 ليت بتال يتولاها بدل ماهو قاهر الضعيفه ويشمل بعقابه بعد يارا ليلى تستاهلين الجلد لأنكِ خليتي جوزاء بوجه المدفع لفهده 😂 ربَّي اخذ حقها منك بسرعة ،، الحمدلله فاطمه هالمره ما اخذلت غـادة وبانت الحقيقة للحاقد سلطانوه منت بعيد عن اخوانك والظلم يمشي بدمكم وزين أعترفتي واخوانك كلهم وعيلتكم كلهم تدبل الكبد بإستثناء عقاب وشعاع 😬 اي والله ياسلطان ماقصرت فيها دللتها بالصراخ والتهزيء والإهانه والتجريح كالعادة لا جديدعندكم الغرور يمشي بدمكم وغيرتها من هجرس وغيرته منها وماشفع لها صغر عمرها ومراهقتها عندك ياشايب العايب 😤 ليتها ماترجع له خلاص الله يعوضها بأفضل منك حسناء وتخب عليك كفوك هي واشكالها .. خزام يا خبله اثقلي ماهو عاد كل ماطلبك المتهور رحتي له علىٰ طول آثار ضرب أمك لسى ماراحت عشان تنسين بسرعة .. | ||||
05-11-20, 08:54 AM | #3335 | ||||
| م شـكــ وبارك الله فيك ـــرا لك ... لك مني أجمل تحية . كيف حالك إن شاء الله دائما بخير ؟ مبدعه ماشاءالله مبدعه جدا وش اقول عن روايتك رجعتنا للزمن الجميل زمن الروايات القويه اللي كنا ننتظرها بكل شغف...الحوار والقصه ككل رائعه استمري في هالابداع | ||||
05-11-20, 09:45 AM | #3336 | |||||||||||||||||||||||
| ،، السلام عليكم ورحمة الله وبركاته .. بارت طويل وجميل كعادتك ياعشوقه ومليئ فكاهه وخفة ظل حتى على صعيد المواقف الشائكة استمتعت فيه جداً خاصه مشاهد سلطان وبنات أخته الحيالات اقتباس:
ياربي لا ماهذا ضغطت الزناد على أعمق نقاط ضعفه المشهد هذا مكتوب بحسيه وتصويريه كأنه وآقع تحت عيني لا ألوم سلطان فيهم هالأثنين أبتلاء مو عائله أستغرب من غاده كيف قدرت تتصافى مع ذكرياتها مع هجرس لدرجة تشجع بنت أخوها تتزوجه تأثيره على ماضيها ومستقبلها كبير مع انه صغير بس أفعاله فوق النسيان .. هل ساتُرى تشوف انه وسيله يوصلها لسلطان! اقتباس:
فزه كل شي مدركته في هالقصر قبل تدخله وهذي النقطه لصالحها دخلت عليهم وهي عارفه نظامهم وكيف تتعامل معهم.. ويالجوز خفي علينا رسميات ماهذا حتى بالأفراح! فكيها شوي إذا أسماء أم نفيسه فاكتها تغلقينها أنتِ ليش خصوصاً مع فزه تثقل طباعها أكثر صعبه انتِ يالحبيبه حتى في انتقاءك من حولك وتقريبهم منك .. تحمست لمقابلة وضحى وفهده اجزم ان فهده بتحسن إستقبالها وبيحن الدم بينهن بالمناسبه أشكر مساعيكم وأقدر وأمتدح سنعكم وتفانيكُم كنترول بالله شيلة وش هذا السنع يادلع ياولع🎤🎵 شوط خاص لفهده ،، تستاهل أم بتال وجوزاء ياحسافه لنا اسبوع نراهن على نشاطها وهمتها وآخرتها قامت تساعد بالغصيبه بمبادره من ليلى إن شاء الله تبذل مجهول أكبر في عشاء عقد سلطان وغاده اقتباس:
بعذرها متربيه في بيئه سليمه خاليه من أوامر الرجال وعصبيتهم مثل ولدك ومع أم قصيرة لسان نقيضك في بيئه تُنعش دلع الإناث وتحتويه .. جبتوها ودفنتوها بهالقصر وتنتقدونها بعد🔪 أعترف حابه فهده في هالجزء حيييييل لئيمممه وتضحك 🤣 خاصه هواشها لعيالها تدقر ولا تُبالي ام بتال اقتباس:
لا مرجع لا مفر ياصغيرهـ أهلاً بك في محطتك الجديده هذا هو الواقع .. حللتِ أهلاً ووطئتي صعباً.. كنتِ نبيهه بما يكفي أن دخلتي عالمه وأنتِ قد أدركتي حقيقة العيش معه.. وستصبحي أذكى إن عرفتي كيف تُديري الحياه معه بما يتوافق مع شخصيتكما معاً.. اقتباس:
الحصني كبر وتغير وماهو اللي على خبرك يافله السنوات التاليه من بعد غادهـ غيرته جذرياً إدعي أن لايخطر في باله يستغل نفس خطتك لصالحه يسعى لرجوع العمه لأبيه ليكسبك .. اقتباس:
الله يسعدك ياعشوقه زي ما أنفجرت بعالي الصوت ضحك وقهقهه في هالمشهد كأنه ملبوس لا أحد يعلم سببه غير يارا وليلى أول مره تصير مسكينه ومظلومه خبيثات بنات فاطمه طالعات على العمات كيف خطرت هالفكره عليهن لم يكتفين برساله وكأنها وصلته بطريقة خاطئه بل بطريقه أخبث عبر شاشه أوسع وأكبر يردنه يدقق ويبحث عن الفروقات العشر فعل السنين بدقهHD اقتباس:
وعلقت في ذهنه وهل أقوى من طيف أمرأة تشبثت في ذهن رجل وإن سطر عقله كل سلبياتها وأطباعها الشائنه إلا وسيخضع براڤوا يا ياسمين وستجدين حوبة حسنا من ادخلتي غاده عليها ضُره في هجرس وحِيالاته من يسعى للوصول لك رغماً عنك ،، اقتباس:
في كل مره يقصد لها تعبث بهاتفها لايكون حسها الأدبي يُدون قصيده من ورانا لتسترجعه بينها وبين نفسها أو لتخلدها في مذكراتها اقتباس:
يُسقط مديحها على الناقه هذي مواصفات الجوز مو الناقه ياخبيث😜 اقتباس:
وهل ياتُرى ستحتاج إلى السلاح يوماً ما! توترني مثل هالتلميحات وكأنها إستباق للأحداث الاحقه ،، كأنه يأمنها على نفسها ويجهزها لعواقب الأيام من بعده اقتباس:
وهنا للأمانه تغير كثير عن البدايه في تعامله معها متروي ومتفهم ويتجاوز مايستطيعه وللاسف لا أجدها منتبهه بالعكس هي متعمقه أكثر في البحث عن عيوب جديده في شخصيته وكأنها تزيد من وضع الحواجز أمان وحصن لها منه .. اقتباس:
يازينك ويازين عقابك الحلو وش هاللطافه هل تُسمي هذا عقاب إذاً ماذا تُطلق عن لسعات عقالك ياسلطان! اقتباس:
غزل ثلاثيني لئيم وش ذنب العذارى والسناقل تسمعهن وتغريهن هاللون على قولت فزه يالله عاد وش بيمسكه اللحين لقاءات تالي الليول ومشاوير الجامعة وإن ماقال بدخل البسها الشبكه ما كأنه اللي خايف على صورته قدام ابوه وأهله اقتباس:
من كثر الجميلات اللي عرفتهن أخذت منهن الخبره وشهادة حسن السيره والسلوك الحسن يعطيك العافيه والله يسعدك دنيا وآخره زي ما تسعديننا بالإنتظــــار👏🏼🤍 | |||||||||||||||||||||||
05-11-20, 09:54 AM | #3337 | ||||
| عاشقة ديرتها يا زين فياض وهو رومانسي 😍 هذا هو الوجه اللي نبي نشوف عيال عقاب عليه ..نبيهم يخقو وتضيع علومهم 😂 ..خزام أركدي يا بنت ولا عاد تروحين له اذا طلبك لانه فياض ما يقدر يسيطر على نفسه ما هو مضمون ابو زواج مسيار 😂 غزة هالبنت احبها اموت فيها ..لا تسمعين كلام جوزاء خذي حقك بإيدك هالعائلة ما ينفع معاهم السكوت خليك قوية 👍 اخيراً موقف فاطمة عجبني كيف دافعت على غادة بالرغم من المشاكل بينهم وكانت منصفة معاها ..بقى ياسمين ويارا يبيلهم تأديب .. ياسمين راح تكون من نصيب هجرس لان من حفر حفرة لاخيه وقع فيها😜 كاتبتنا الجميلة استمري في هذا الإبداع نحنا معاك شبه مقيمين بالمنتدى ننتظر كل بارت بشوق لك كل الحب والتقدير🌹❤ | ||||
أدوات الموضوع | |
انواع عرض الموضوع | |
|
|