24-05-21, 11:59 PM
| #13531 | ||||
 
|  نسينا الثنائي الجميل احمد وأسماء اسماء من كلام أحمد راح تبدأ تشك ان سبب تقيئه مش كرهه للقرب منها ولا كونها مطلقه وواضح انها بتكشف المشكله اتمنى بس متكون ردت فعلها قويه وتحتوي احمد وتساعده انه يتجاوز مشكلته النفسيه اللي دكتوره النفسي مقدر يطلعه منها وحل المواجهه هو الأفضل له مع الايام والأعياد راح يقدر يتغلب عليها احمد مسكين عباله انها نامت ومحست فيه ولا فمعاناته معقوله اسماء ابدا ما فبالها ابنها فياض؟ افتقدنا حامد وفياض وفزه فهالبارت | ||||
|  |
|
25-05-21, 12:37 AM
| #13533 | |||||
| اقتباس:
| |||||
| |
|
25-05-21, 12:37 AM
| #13534 | ||||||
| السلام عليكم ورحمة اللّٰه وبركاته ، مساءكم سعيد حبيباتي 🌷🌹 يا روعــة حرفـك ، فكـرك ، قلمـك وكلــك يا عشوقة ❤️ اللّٰه عليك وعلى إبداعك ماعادت الكمات توفيك حقك وتوصف تميزك وتفردك . لمحة الماضي : الموقف صعب جدًا إنك تشوف ولدك بهذا الحال والفاعل هرب من يدك وما قدرت تسوي شي وتاخذ بحق ولدك ، لكن أعجبني إن أبو أحمد وقف مع أحمد وساعده على العلاج ودائمًا يحاول يخليه ينسى هذا الموضوع ويتخطاه . الخادمة آخ لو تقع بيدي ، ضيفوها لعيلة محمد اللي ودي أجرب عليهم أساليب مساعد الكهربائية 😏😠😠 ليلة السفر للدمام : ياهلا بولدنا هجرس الشجاع 💕 سلامات يا بطل ، يازين الفزعات وراعيها تستاهل التكريم واللّٰه فخورين فيك يا عيني 🌹🌹 وأخيرًا شفت هجرس معصب على ياسمين « الغيرة وماتفعل 😂 » لا تلومها المسكينة وقع قلبها من الخوف عليك ونست وضعها وكل شي 🤣🤭 طلع شبهه بفياض بهذا الموقف 🤣🤣 لكن الحمدللّٰه ياسمين في تطور صايره تخاف عليه وتاكل همه وتتصل فيه تتطمن، عقبال الإعتراف المنتظر وتفرحين قلب ولدنا وتفرحينا معه 🙈❤️ _ مروه : مأثره فيها ليلى 😂 لكنها صادقه ولدنا أخذ كل حظوظ عيال الأرض جمال ومال وأخلاق وفزعات وكل شي ، ربي يحفظه لنا 💕🤲🏻 _ فاطمة : لا بهذا البارت رضيت عليها شوي رغم إن خوفها على هجرس مو علشانه هو ولكن خوفًا من سلطان وشو راح تقول له لو صار بهجرس شي ( بعيد الشر عنه ) . أعجبني إنها حابه تكمل دراستها وتلتفت لنفسها وحياتها ، شي حلو صراحه 👌🏻👍🏻 عائلة محمد الكريمة وبعدين يعني متى نفتك منكم ومن شركم لكن واللّٰه عرف لكم فياض ، ياليت لو جاب حسناء وخواتها وحطهم بالسجن وريحنا من العائلة كلها مره وحده 😈😠 انقهرت إن مساعد ما انمسك وهو المفروض أول واحد ياخذونه اللّٰه يستر منه ومن شره *فياض* ياخي أحب شخصيته بكل ما فيها 💕. بكل موقف يبين لنا معدنه الأصيل وطيبة قلبه وأحب جدًا فزعاته مع الكل وخاصةً أهله والمقربين منه . فياض وخزام : مقدرين موقفك يا فياض لكن كان بإمكانك ترد بطريقة أفضل على سؤال خزام ، هذا إحنا نطلع قهرنا وغضبنا بالأشخاص اللي مالهم ذنب ، وما أعجبني موقفه لما قال لها إن كانك تبين تروحيت أطلعي والباب مفتوح لتس وبعدين يقول لها شيلي هالفكره من راستس وأبوتس ماهو ناقص هموم وهو كذااااب مقفل الباب وواثق إنها ماراح تقدر تطلع من الأول ياخي لا تهايط وقول لها إنك تحبها وما تقدر على بعدها وتحب وجودها بحياتك بدون كلامك السم والتجريح وبعدين لما يروق يقول لها الكلام الحلو ويقعد يتغزل فيها صراحه فياض يقهرني بشي واحد وهو تعامله مع خزام هذا وهو يحبها كيف لو مايحبها اقتباس:
خاصةً وإن مكانة بتال عنده كبيرة جدًا وعلاقتهم أحبها كثير ، إن شاء اللّٰه هالموضوع يعدي بأقل الخسائر وترجع علاقتكم مصل قبل وأحسن ❤️ اقتباس:
تخوفت من الشي اللي بتطلبه خزام من فياض ، ربي يستر من طلباتها وأفكارها أحمد وأسماء : إلى متى راح يظل أحمد تحت تأثير الماضي وأسماء تتخبط مو عارفه شو أسباب حاله هذا . صراحه ودي إن أحمد يقول لأسماء عن قصته عندي أحساس إنها راح تعرف منه هو مو من استنتاجها أو من أحد ثاني وأنا واثقه إن أسماء راح توقف معه وتتقبل ااموضوع وتساعده بتخطيه وتنزاح هذي الحيره والمشكله من حياتهم ويعيشون بسعاده وحب لاحظت إن أحمد ماعنده تحفظ بمشاعره اللي بقلبه يقوله وهذا شي حلو وأسماء تحتاجه ، فعلًا مناسبين لبعض جدًا ❤️❤️ جوزاء وبتال : خوفني حلم بتال جدًا وأكثر شي خوفني إن طفلهم يصير فيه شي أو إن المشكلة تتعقد بينه وبين فياض وتاخذ وقت حتى يتصافون ويرجعون مثل قبل ، يارب مايصير شي من هذي الأشياء أبدًا أبدًا أوجعني كلام بتال مع سلطان 😢😔 لكن للآن موقف سلطان وردة فعله من الموضوع ما اكتملت بما إنه يعرف الحقيقة كاملة يحتاج لوقت أكثر ومواجهه بين فياض وبتال حتى يعطي ردة فعل أوضح وهل ممكن يكشف كل اللي يعرفه أو لا ؟؟؟🤔 شخصية جوزاء الجديدة واللي ظهرت مع الحمل أرجع وأكرر تعجبني جدًا والحلو إنها ماتخلي شي بقلبها كل شي تطلعه ، أهم شي راحة بنيتنا 😌 أوووووه جوزاء خربتها على الآخر وكشفت حملها منتظرة ردة فعل بتال على نااااااار 🔥 عقاب : أفضل شي سواه هو الإبتعاد عن المشاكل والأفضل إنه عرف يختار الأشخاص الصح معه . معه حق هو مو دايم لهم خليهم يحلون مشاكلهم وخلافاتهم بأنفسهم وبدون تدخل منه ليلى : يا سلام وصرنا ندخل بمشاريع وتجارة ، دائمًا تصدمني هالبنت بقراراتها وأفكارها ، رهيبه واللّٰه 😂❤️ الحكم : حي اللّٰه خلف جدان فزه ، طولت الغيبة 💕 موقفه صعب ويضحك بنفس الوقت ، أكشن ياخي 😂🤣 الحمدللّٰه إن حلم فزة تحقق بس بطريقة أفضل بكثييير من ما تخيلنا ، بس كان طمنتها وريحت قلبها وختامها مسك مع المنذر رهيب هالولد هو الدواء لفهوده واللي يعرف لها صح 🤣🤣🤣🤣🤣 ويا هلا بأروى أم عيون زرقاء قاهرة فهدة 😁🤭 دمتم بخير وسعادة أحبائي 💕 | ||||||
|
| |
|
25-05-21, 01:20 AM
| #13535 | |||||||||||
| كاتبة في قصص من وحي الاعضاء و قسم الروايات المنقولة 
| السلام عليكم ورحمة الله وبركاته مساء الخير ...سعيدة بردة فعلكم على الفصل وأن الغالبية عاجبهم واللي ينتظرون ردة فعل بتال على حمل جوزاء بتطلع بالفصل القادم .. اقتباس:
ولا كانت في بداية الرواية شخصية لطيفة متساحمة وكانت تتقبل حتى فكرة أنها هي اللي داخله بين أثنين ومخربه حياتهم ...لكن اللي وصلت إليه اللحين من شخصية بسبب اللي مرت فيه . وهذا شيء طبيعي هي مو ملاك ... اقتباس:
بس مشكلة اللي يقرأ الرواية يشوف معانات بتال يتعاطف ويتهم جوزاء .. وصعب أي أحد بيقدر ينظر للموضوع من جهتها ... اقتباس:
ولايوجد دليل ملموس عليها ولافائدة ترتجى منه ... يعني بديهياً سلطان ماراح يتقبل بأمراءة ميته لو ايش ... اقتباس:
شغاله على قدم وساق ... المشاعر العلاقات الزوجية مالها دخل بالعمر أما أدارة بيت وتنظيف وشيل وحط هذي مايحتاج لها تفكير حتى ... هذا اذا قصدك مخبولة من ناحية مشاعرها ...أما أذا قصدك عقلياً أنا ماأشوف اللي تشوفينه .. بالعكس عادية جداً لاحظي حتى نقاشها مع فياض للحادثه ماكان بوقتها مع أن نساء أكبر منها وأعقل كان ممكن يقلبون الوضع فوق حدث بلحضتها ومايراعون اللحضة من شدة هول الواقعة ... | |||||||||||
|
| |
|
25-05-21, 03:25 AM
| #13538 | ||||
| السلام عليكم جميعا ..... صباح الخير والعسل على الكل ..... عشوقه كل مره اقول لج ابدعتي والبارت روعه هالمره بقول لج البارت قصف ارض جو .... جد البارت ولا اروع وكان طويل لكن فقدت غاده فيه ... اولا بتال وجعني قلبي عليه وعلى تعبيره بالي يحسه لسلطان والله حسيت فيه و تعليقات جوزاء كان قاسي عليه لكن لمحت له عن شعورها لو تزوج عليها واتمنى يفهم مقصدها ولا يتحامل عليها ويتقبل حملها ويكون حنون معاها ولا يحملها اغلاط غيرها مثل قبل لمى تعبت من الزايده تركها لان عبير خانم رزغته بالمستشفى بحجة الم على الفاضي .... خايفه حلمه يتحقق وجوزاء تخسر جنينها ويكون على يده .... جوزاء كلامها مع امها عن زوجها بهذي الطريقه غلط لكن معذوره لانها حامل والهرمونات لاعبه لعب فيها واحيي وضحى على ردودها لها لانها واقعيه ونصايحها مفيده لجوزاء لكن من تكلم وجوزاء عنيده وراسها يابس ..... اسماء واحمد علاقتهم مع بعض حلوه و اذا اكتشفة اسماء مشكلة احمد اتوقعها تكون سند له لانها حبته فعلا واهو بالمثل والماضي واقف بينهم حجر عثر لكن الثنين بيحذفوه بالمصارحه والتفاهم ..... اما عن تعليق البعض عن ان اسماء هامله ولدها فاهي بالاساس كانت تاركته مع المربيه و ما صار لها شهر حتى من تزوجة تبونها تركض لولدها واهي تكلم امها دايما وهم عندها زوجها مصاب فاكيد معذوره واكيد تسال امها عنه حتى لو عشوقها ما وضحت هالشي لان قلب الام مستحيل تنسى عيالها لو انبهرت بزوجها وعمى عينها قلبها يذكر ولدها ..... فياض وخزام علاقتهم تضحكني اغلب الوقت واحس توم وجيري مع بعض لكن خزام تقهر يا بنت اعقلي شوي بفكرج احسها طفله و برغم انها اكبر من اسماء لكن اسماء اعقل منها بوايد وفياض صح متعجرف معاها ويخبي مشاعره لكن هذا البارت تمام معاها وما الومه بشي .... فرحة وايد لمى لم عيال محمد كلهم وتمنيت حسنا معاهم لكن ما بينتي عشوقها مصلح وين عنهم ليش ما انذكر انه معاهم ومساعد اتوقعه هرب وبيطالب حسنا بطلبه واتوقعه جوزاء ويطلب منها تطلقها من بتال لكن لو فعلا حصل هالشي بيكون غبي بطلبه واتوقع اذا قبضو عليه وحققو معاه عن سبب تخريبه لسيارة فياض بيعترف تحت التعذيب لانه ينتقم منه ويضن انه خان اخوه مع اخته وجذيه بتال بيعرف من قتل عبير وليش وبينكشف الي تحفظ عليه سلطان ..... سلطان يبي عيال من حسنا ما اضن هذا معنى كلامه لكن اتوقع انه يقصد اييه عيال بعد ولده من غاده لكن حسنا ضنته يقصدها وكلامها وشماتتها بان غاده ما تحمل بتيي عليها لمى تحمل غاده لكن ودي سلطان يكتشف من لعب بكهربة بيت غاده عشان حسنا تعرف قدرها ويسلمها ضرب ودي تبردي قلبي فيها عشوقها وخلي سلطان يكتشف و يضربها ويطلقها بالمره لانها ما تستاهل تكون زوجه له ..... باين طولة وايد ..... عشوقه ننتظر المقتطفات للبارت الياي تحياتي  .gif "Eh S(7)") | ||||
|
| |
|
25-05-21, 03:32 AM
| #13539 | ||||||||
| شكراً عاشقة ماقصرتي عزيزتي والله ييسرلك جميع أمورك نبدا بالفصل ياناس احد يفهم بتال اسلوب الكلام ايش يعني قلبي مات وبينه وبين نفسه يعترف انها اذا تركته بيموت قلبه صدق ، ياحمار هي بتاخذ على ظاهر الكلام بس وش عرفها عن اللي جواتك .. متشوقة اعرف ردة فعله على خبر الحمل وياويلة اذا كسر خاطرها هالمره انا اللي بذبحه صدق . خزام وفياض وش هالحياة مدري وشلون عايشين خزام وين راح حبها وفياض وش هالاسلوب مدري شلون بيكملون حياتهم هالاثنين . (عندي احساس ان مساعد معجب بجوزاء والخدمة اللي طلبها من حسناء تخصها ) اذا غلط مشو لي الامر احب الاكشن والتخمينات 🙈🙈 شكراً مره ثانيه من زود تعلقي بالرواية امس بالمستشفى اطالع بالناس واخمن من يشبهون هذا بتال وهذا فياض وهالشايب عقاب .. اعذروني على الكلام الزايد بس من الحماس خلصتها من هنا وجيت اكتب على طول | ||||||||
|
| |
|
25-05-21, 06:02 AM
| #13540 | ||||
| سبحان من حبب هجرس بياسمين وهي ما بتستاهل.. قد ما حاولت ما بقدر أهضما هالمخلوقة. يمكن شوي "شوي ها" لما حكت كلمة حق بحق جوزاء ولما طيبت خاطر خالا يوم انحبس هجرس.. بتذكرني بهاد المتل تبع فهدة الحظ للشلقا والبلقا وشينة الملقى.. جوزاء بتكسر خاطري.. ما بيكفي الدنيا والصدف وسوء التوقيت وإمها وجوزا عليها.. وفوقن هي نفسا مو مريحا عقلا عقولة إمي وبتزيدا عحالا بتصرفاتا بتال.. الظالم المظلوم. احترمتك لما واخذت حالك عماضيك مع جوزا وتشكيكك بعفتها. سبحان الله كيف الدنيا دوارة. عقاب أحسن شي.. أخد المرة والعيال وهج.. ليلى موتتني ضحك. كتير تصرفات إلها ))حتى العوجا(( بتذكرني بقريبة بعيدة إلي. يمكن لو مو نهفتها بهالبارت كان طلعت منه مكتئبة. بيعجبني ذكا عشوقة لما تدخللنا تهبيلات ليلى وفياض لتطري علينا البارتات الصعيبة زي هاد أسومة إم عكر عقولة شبابنا بالحارة القديمة.. ما بينلعب معا. ماني شايلة هما مع أحمد التنين عاقلين ومحترمين ووضعن قابل للحل.. بس شايلة هما ك أم.. يحرق ديبك شو هالقلب الي عندك بالغلط ما بتتذكري ابنك ولا بتلهفيلو فاطمة حلال عليها.. تدرس وتعوض اللي فات. وهالكم ساعة دوام بتحط ابنا بحضانة او مع مربية. هالكلام من باب الضمير مش المودة عفكرة.. كنت أحبا اكتر ب اول الرواية كانت حقانية وقصيرة لسان. هلأ الله لا يبلى المسلمين عقولتها.... فياض خلص زوق ع دمك بقا. انتا المفضل عندي بكل الرواية لحد ما نوصل لتعاملك مع خزام وبحس نفسي أخبط.. انما للصبر حدود يا مخلوق لاوي دراع المسكينة ومستغل انو ابوها ضعيف. ترا اذا زوّدتها اكتر ما بيعود يفرق معاها شي مشكورة عاشقة عالبارتات الحلوين.. بانتظار البارت القادم وتسلم الأيادي | ||||
|
| |
 |
| أدوات الموضوع | |
| انواع عرض الموضوع | |
|
|
7459Likes
العرض العادي
