آخر 10 مشاركات
|
| |||||||||||||
 |
| | LinkBack | أدوات الموضوع | انواع عرض الموضوع |
02-10-18, 08:59 AM
| #31 | ||||||||
| مراقبة عامة ومشرفة منتدى الروايات المنقولة  
|  ((يالله وشلون ماحسيت عليها ..كانت تتعب قدام عيوني ..بس انا اعمى ماشفتها ولا انتبهت لها ولادرت بالي عليها ..والله اذا صار لها شي ماسامحك يايمه )) طلع الدكتور من غرفه العنايه المركزه ..وركض له الجميع .. زياد بخوف:هاه دكتور طمنا .. نايف:دكتور سامي عسى خير؟؟ الدكتور سامي :الحمد لله وضعها الحين مستقر غرام:طيب وش عندها ؟؟ الدكتور سامي:هي عندها القلب .. بالاضافه الى الاعصاب الكل متفاجئ ماعدا وائل:القلب؟؟؟؟؟؟؟؟؟؟!!!!!!!! الدكتور سامي:اي القلب هي صاير لها فتره طويله وهي تعاني من هالمرض بس المحزن انها اهملت صحتها ومرضها مما سبب لها مضاعفات كثيره .. زياد:اي بس هي عمرها ماأشتكت من قلبها .. الدكتور سامي:كان المفرض تلاحظون هالشي من غير ماتشتكي خصوصا ان مرضها مو هين نايف:طيب وشنو راح يصير الحين دكتور سامي ؟؟ الدكتور سامي:الحين لازم انكم تبعدونها عن اي ضغوط نفسيه ,,خصوصا انها قد تعبت قبل كذا بسبب الضغوطات .. غرام:طيب ومتى تطلع ؟؟ الدكتور سامي :حاليا ماقدر اعطيكم موعد لخروجها لانها اجرت عمليها حساساه لقلبها ومن الضروري تبقى تحت الرعايه الطبيه فتره .. وائل:طيب واالشغل تقدر عادي ترجع لحياته الطبيعيه ؟؟ الدكتور سامي:تقدر ترجع لممارسه عملها لاكن مو الحين .. نايف:يعطيك العافيه دكتور سامي الدكتور سامي:يعافيك ليال :دكتور نقدر نشوفها ؟؟ الدكتور سامي :للاسف لا ,,وضعها جدا حساس حاليا لاكن ان شاء الله تتحسن وتقعدون معاها ليال :طيب .. الدكتور سامي:عن اذنكم الكل :اذنك معك ......................................... بجهه اخرى كانت عائله ابو ميساء واقفين عند باب غرفه العمليات ينتظرون الدكتور يطلع من العمليه .. كان فارس مسند جسمه على الجدار وضام يده حول بعض .. وميساء رايحه وجايه في سيب المشفى ..وابوميساء جالس على الكرسي وحاط يده على يد ام ميساء ويهديها الدكتور عبدالله :انتم اهل المريض !!! ابو ميساء وقف بسرعه :ايه طمنا عليه وشلون وضعه ؟؟ الدكتور عبدالله :جاه رصاصتين بالصدر بس الحمد لله قدرنا ننقذ حياته ابوميساء بخوف :طيب كيفه اللحين ؟؟ الدكتور:هو باقي تحت وضع المخدر ~~مااقدر اقرر حالته الا لما اصحى .. ام ميساء تمت تبكي :ااه ياولدي ياربي تحفظه .. فارس:طيب وشلون الاصابه ؟؟ خطيره ؟؟ الدكتور عبدالله : احنا سوينا له عمليه واستخرجنا الرصاص بس الحمد الله انهاكانت بعيده عن القلب والله كان راح فيها ام ميساء كان تبكي :اه اه ياولدي كان بيروح من يدي ابوميساء :هدي يابنت الحلال احمدي ربك انه لساته عايش الدكتور عبدالله : اي والله احمدي ربك ان كتب له حياه جديده ميساء ضمت امها وتموا يبكون: هدي يمه الحمد لله انه بخير ومافيه الاالعافيه ام ميساء : انا مابتطمن الا لما اشوفه واتكلم معه الدكتور عبداالله :مستحيل حاليا عليه اجهزه وممنوع احد يدخل عنده ابوميساء :خلاص دكتور يعطيك العافيه الدكتور عبدالله : الله يعافيك وصل اياد وكان مرتبك ومتوتر ووقف قدامهم :هااه وشلون فيصل ؟؟ ابوميساء : الحمد الله عدى الشر بس لسى تحت وضع المخدر .. ام ميساء : وش فيك ؟؟احس في فمك حكي !! اياد وهو يفرك يده ومايدري وش يقول :........ فارس :تكلم ترى خبصت قلوبنا *ميساء كانت حاسه بشئ مايطمن وكان تنتظره حتى يتكلم* اياد : فــــــ واز ام ميساء :وش فيـــــــه الخسيس ؟؟؟ اياد :اعطاكم عمره اليوم .. ميساء جلست على الكرسي~ كان الكلام عليها كالصاعقه~ ابوميساء :لاحول الله ولاقوه متى صار هالكلام ؟؟؟وكيف ؟؟؟ اياد :انمسك وكان يستلم بضاعه مخدرات وداهموهم الشرطه واطلقوا عليه حتى مات .. ام ميساء : الله لايوفقه لادنيا ولااخره.. .ربك مايضيع حق احد فارس :حرام عليك يمه ..قولي الله يسامحه ويغفر له ام ميساء وهي تبكي: لاتلومني ..اجل هذي سوات يسويها في اختك يضربها ليل ونهار وبهذل حياته نساها طعم الراحه ابوميساء :ماتجوز على الميت الا الرحمه .. <<ميساء كانت تبكي مو حزن على فواز ..بالعكس فرح لان من اللحظه هذي صارت حره وقدرت تتخلص من الحكايه المولمه اللي عاشتهاطوال زواجها من فواز<< بعددقايق توجه ابو ميساء وعياله للبيت ..وزياد واخوانه بعد راحوا للبيت بعد انتظار طويل .. .................................................. ................... في نفس اليوم الساعه 5 مساءً.. ببيت ام ريان .. كانت ام ريان جالسه تنتظر ريان وزوجته والدنيا مو سايعتها من الفرحه .,.كانت ريحه البخور والقههوه تملئ المكان..التقديمات والحلويات وكل شي جاهز .. ام ريان تصارخ على بنتها :رغد بسرعه خلصي لبس.. اخوك على وصول هو وزوجته الجده:يـ ام ريان الله يهديك خلي البنت على راحتها ..بتلحق ان شاء الله تخلص ام احمد:حتى جود باقي تلبس وماراح يخلصون الحين .. بعد دقايق دق الجرس وكانت خلود وريان استقبلوهم الجميع بفرحه وزغاريد والدعوات الصاادقه .. ام ريان والابتسامه مو مفارقه وجهها :الله يحييكم تو مانور البيت خلود:تسلمي خالتي الجده :هاه وشلونكم شخباركم .. خلود تتنتظر ريان يرد ولاكنه خيب ظنها :الحمد لله طيبين ماعلينا ..انتم كيفكم الجده:بخير دامكم بخير ام احمد تناظر بريان اللي طوال القعده ساكت:وشلونك ياريان ؟؟ ريان بابتسامه مصطنعه:بخير الحمد لله انتم كيفكم ام احمد:الحمد لله خلود:وين البنات ؟؟ ام ريان:فوق يلبسون الله يهديهم من يوم ماذن العصر.. خلود بابتسامه مجامله:كذا البنات خالتي ريان:وين عمي واحمد؟؟ ام احمد:بالمجلس ينتظرونك .. قطعت عليهم رغد اللي نزلت من الدرج طايره :سلاااااااااااااااااام ريان اخذها بالاحظان :ههههههه بالشويش لاتتكسرين رغد:هههههه وشلونك حبيبي وحشتنيييييييييييييي ريان:وانتي بعد وحشتيني ياقلبي خلود تناظرهم بنص عين وبداخلها تموت من القهر((الحين كل هذا شوق لرغد وماغبت عنها الايوم !!وانا من امس سافلني وحنا باول ليله عرسنا!!!)) رغد سلمت على خلود بهدوء :وشلونك خلود؟؟ خلود بدون نفس:بخير دامك بخير رغد جلست بجنب امها .. ريان:يالله عاد انا طالع لعمي واحمد تامرون على شي ؟؟ الجده :مايامر عليك عدو .. ام ريان بتوتر واضح :ريان انتظر ابيك بسالفه انت ورغد .. الجده فهمت وش تبي تقول ام ريان عيالها لانها حكت لها كل شي .. ريان:عسى خير يمه ام ريان:خير ان شاء الله تعالوا معي لغرفتي ريان ورغد وقفوا عشان يروحون مع امهم ام ريان:عن ذانكم ياجماعه ..واعذروني ام احمد:اذنك معاك وخذي راحتك خلود ذبحها الفضول وتبي تعرف وش السالفه (ياربي وش عندهم ذول اموت واعرف وش تبيهم ؟؟ )) كانت ام ريان وعيالها طالعين الدرج ..والبنات نازلين اول ماشافوا ريان رجعوا غرفتهم .. ام ريان :خلود تحت تنتظركم اماني :ان شاء الله عمتي ..ريان وشلونك وعالبركه ريان :الحمد لله طيب ..يبارك فيك جود بهمس لاماني وعيونها تتفحص ريان:ياويلي طالع شكله خيال هني اختي فيه اماني :اسكتي فضحتينا .. جود:يالله شوفيهم دخلوا الغرفه خل نروح نشوف لخلود .. اماني :يالله نزلوا البنات لخلود وتموا يسولفون معها .. بغرفه ام ريان .. كانت ام ريان جالسه على كرسيها ورغد وريان جالسين عالكنبه قدامها وينتظرونها تتكلم .. ام ريان والربكه واضحه بصوتها :الحقيقه مدري وش اقول لكم ؟؟ رغد:يمه وش صاير ترى خوفتيني .. ام ريان ماتدري كيف تقولهم ان ام طلال اختها :انا امي وابوي توفوا من زمان .. ودايم اقول لكم ان ماعندي خوات ..لاكن الحقيقه غير كذا ريان:وشلون يعني ؟؟ ام ريان :انا عندي اخت .. رغد تغيرت ملامح وجهها لما تذكرت الموقف اللي صار بين امها وا طلال ..وعرفت وش كانت بتقول امها لاخوها .. ريان مصدوم:عندك اخت!!!! ام ريان:اسمها سعاد و تكون ام طلال .. ريان انصدم من كلام امه و مو مصدق اللي تقوله او يمكن مايبي يكون الشك اللي بداخله صحيح :مين ام طلال !!!!!!!!!!! ام ريان:ام اسيل صديقه اختك رغد ريان كان نزول الخبر عليه مثل الصاعقه :.......... رغد:............... ام ريان:ادري ماراح تصدقون ..بس هذا الشي لازم تعرفونه .. ريان:وليه خبيتي حاجه زي كذا كل هالفتره ؟؟ليه توك تتكلمين ؟؟ ام ريان :مشاكل قديمه منعتني من اني اقول لكم ريان لاحظ الهدوء على رغد عكس الصدمه اللي كانت واضحه عليه .. ريان :طيب ومتى شفتيها ؟؟وشلون ؟؟وكيف؟؟ ام ريان :شفتها يوم عرسك بالصدفه ماكنت ادري انها موجوده .. ريان عاقد حواجبه :رغد ليه ماتقولين شي ؟؟ رغد تلعثمت بالكلام :مممم مادري ..يعني انا ادري من قبل .. ريان :تدرين !!!!!!؟؟ رغد بسرعه :ماصار لي فتره من عرفت حتى ماعرفت الا ليله عرسك كنت واقفه معهم لما تكلموا ريان:وانا آخر من يدري !!ليه ماعندي خبر من قبل ام ريان:ريان قلت لك شفتها امس بالصدفه ماكنت ادري ريان يحاول يمسك اعصابه وقف :طيب صار خير ام ريان:وشلون يعني صار خير ؟؟ ريان عصب ولاأول مره يكلم امه بهالطريقه :يمه وش تبيني اقول لك يعني ؟؟جايتني تقولين عندك اختك بحياتي ماشفتها ..وتبيني اتقبلها بيوم وليله ؟؟ وبعدين اختك ذي شايفه عمرها وتكبره ومغروره وماتتحاكى ..يعني مستحيل تكون علاقتنا مع بعض عاديه رغد وام ريان استغربوا عصبيته :؟؟؟؟؟؟؟؟؟؟؟؟!!!!!!!!!!! ريان انتبه لنفسه (وش فيني انا ماني قادر امسك اعصابي ):.............. ام ريان بانكسار وحزن :الله يعين ياولدي وانا ماقلت لكم الا عشان احطكم بالصوره ويكون عندكم علم بالموضوع ريان رجع بسرعه لامه وباس راسها بكل ندم :اسف يمه وربي ماقصدي اقول لك هالكلام..لاكن مدري وش فيني هاليومين ماني على بعضي .. ام ريان ابتسمت واحتضنته بقلب الام الحنون وحست بولدها انه متضايق عشان اسيل :الله يعين ياولدي ريان :طيب المغرب اذن وانا ودي اصلي واروح اشوف للمقهى وش علومه ؟؟ رغد باستنكار:تروح للمقهى ؟؟ ريان:اي بروح المقهى ام ريان:وزوجتك ؟؟ ريان تنهد:تقعد بغرفتها وش بياكلها ؟؟ ام ريان:ريان يمه هذي زوجتك المفروض تقعد معها وتطلعون تتمشون مو تتركها بروحها ..!! ريان منزل عيونه بالارض:الله يعين ام ريان :وهالتكشيره شيلها من على وجهكك عشان جدتك وام خلود مايلاحظون انك متضايق من شي .. ريان:ان شاء الله ام ريان:رغد خلينا ننزل لجدتك وعمتك رغد:يالله .. نزلت ام ريان ورغد وكان صوت الاذان مالي المكان .. اما ريان توجه لغرفته وهو يفكر بموضوع خالته الجديده واللي عمره ماشافها ..فتح الباب وكانت خلود واقفه وترتب ملابسها بالدولاب .. مشى للكومدينه وطلع الجوال من جيبه وحطه عليها .. خلود كانت تلاحقه بنظراتها وهي ترتب الملابس ومسويه نفسها مو مهتمه له.. انتبه لها وهي تدخل بلوزه بيضاء الدولاب :اتركيها لاتدخلينها خلود تناظره بنص عين :ليه ؟؟ ريان من غير مايناظرها :بأطلع الحين .. خلود وقفت بأعتدال وبأسلوب مستفز:تطلع الحين؟؟؟ ريان لف جسمه وناظر فيها بحده :ليه فيه مانع ؟؟ خلود:لاسلامتك ريان كان يتجهز ويلبس .. دق جوال خلود :الوو ربى:الو خوخه كيفك خلود:هلا حبيبتي الحمد لله بخير انتي كيفك ؟؟ ربى:تمام الحمد لله ..كيف حبيب القلب معاك خلود وهي تناظر ريان:تمام ماشي الحال ربى:هههههههه وليه ماشي الحال ؟؟ خلود:بعدين اقول لك ليه ..المهم اخبارك انتي ؟؟ ربى:والله انا تمام ..ماغير المستشفى ربكه هاليومين .. خلود:الله يعينكم انتم دايم كذا دوامكم .. ربى:ايوالله ..مادريتي بأخر خبر ؟؟!! خلود بحماس:لاماَدَرَيت ..وش ؟؟ ربى:اسيل خلود :وش فيها ؟؟ ربى: منومه عندنا بالعنايه المركزه خلود:اما ..ليه وش جاها ربى:مريضه بالقلب .. خلود وهي تشد بالكلام:اسيل مريضه بالقلب ؟؟!! ريان فز قلبه لاكنه اظهر البرود:......... خلود:طيب ومتى تنومت ؟؟ ربى:اليوم الصباح .. خلود:عساها من ذا الحال واردى .. ربى:يالله خلود انا لازم اقفل الطوارئ ينادون علي خلود:اوكيي بالتوفيق .. ربى:باي خلود:باي رمت خلود الجوال عالكنبه اللي بجنب الدولاب والابتسامه مو مفارقه وجهها .. ريان اخذ جواله وتم يدق على اسيل لان جوالها كان مغلق .. كرر الاتصال اكثر من مره والتوتر بدأ يظهر عليه خلود:على مين قاعد تدق ؟؟ ريان:وش دخلك ؟؟ خلود:لا بس سؤال ريان عطاها نظره حاده من غير ماينطق بولا كلمه .. خلود جلست عالكنبه وحطت رجل على رجل وتمت تلعب بخصلات شعرها وتدلع:حبيبت قلبك بالمستشفى .. ريان مو مصدق اللي يسمعه ناظر فيها بخوف :............... خلود:عندها القلب وهي الحين بالعنايه المركزه .. ريان وقف بسرعه :انتي وش قاعده تخربطين ؟؟ خلود:اوف اوف..كل ذا خوف عليها !!هدي نفسك شوي .. ريان:اسيل وش فيها ؟؟ خلود:انتبه قلبك لايوقف من الخوف عليها ريان متجاهلها وتم يلبس بسرعه .. خلود الدموع تجمعت بعيونها من القهر والغيره لاكنها كابرت .. وقفت وراحت له قربت منه حيل حتى صارت انفاسهم مختلطه ببعض .. خلود بهمس :انت وش بينك وبينها .؟؟ ريان باسلوب ساحر وهو يلعب بشعرها ومركز نظره بعيونها:وليه تبين تعرفين ؟؟ترى قلبك بيحترق .. خلود:مو انا اللي بيحترق قلبي ..انت اللي بيحترق قلبك ريان:وليه؟؟ خلود:انت انكتبت حياتك معي ..صرت زوجتك يعني باقعد معك طول العمر ..لاكن هي راح تتزوج واحد ثاني وتعيش حياتها ..وتصير بالنسبه لها ماضي ريان :وش اللي يخليك واثقه كذا انك بتظلين معي طول العمر؟؟ خلود :ريان ريان:............. خلود:انا اللي حبيتك ..وانا عملت المستحيل عشان اكون معك بالنهايه كذا تعاملني .. ريان بابتسامه :على نياتكم ترزقون .. خلود حست باليأس وانها مستحيل تكسب قلبه اما ريان اخذ جواله وطلع وتركها .. ********************************** في بيت ابوميساء ..ويالتحديد في غرفه اياد ومشاعل .. كانت ميساء جالسه على الكنبه ومشاعل على الكرسي ويتبادلون الاحاديث .. ميساء : ماني مصدقه اني رجعت لحياتي ..احس كنت في الغربه مشاعل وهي تبتسم :ياحياتي الله يلوم اللي يلومك ..بس الحمد الله انك تخلصتي منه ميساءبتنهد:انا راضيه باللي كتبه الله لي مشاعل :الحمدالله على كل حال ميساء رفعت خصلات شعرهاونزلت راسها بحزن :....................... مشاعل ناظرت فيها وشافت الحزن بعيونها :وش رائك تدقين على جوليا وتجي تعملك كم شغله ترجعك ادميه ميساء ابتسمت : ليه وش فيني؟؟؟ ..وش حلاتي!!! مشاعل :سلامتك مافيك شئ ..انتي بس طالعي وجهك بالمرايه ميساء :ابي تعدي هالايام الصعبه وبيرجع كل شئ مثل ماكان واحسن ان شاء الله قطع عليهم حديثهم دخله اياد .. اياد : السلام عليكم ميساء ابتسمت بس مشاعل تغيرت ملامح وجها :وعليكم السلام اياد ماساعته الفرحه لما شاف ابتسامه ميساء :كيفك ميسو ميساء : بخير اذا انت بخير اياد :بخير نحمد الله ميساء وكانت بتطلع :انا استاذن اخليك ترتاح اياد :عادي خليك ابي اسولف معك اشتقت لحكاويك مشاعل باسلوب مستفز:بدري كان جلست برا من العصر طالع وتوك تجي .. اياد بدون نفس:كان عندي شغل وتوي خلصته ميساء شافت العلاقه متوتره بينهم مشاعل :اكيد بيشغلونك البنات ميساء :مشاعل وش هالكلام ؟؟!!!!!! اياد :خليها متعود على حنتها ..كل يوم تسمعني هالموال. مومصدقه اني بطلت حركاتي للحين تشك فيني ميساء :مالك حق اياد مستحيل يسوي كذا مشاعل :لا بيسوي اكثر من كذا ..ولاتقولين سالفه البنت اللي جات يوم زواجي عدت علينا اياد معصب :ترى تعبت من حنتك .انا قلت الكلام اللي عندي صدقتي ولا اضربي براسك اي جدار يعجبك لاني مليت منك ومن اسلوبك ..الواحد يجي من الدوام يبي يريح الا انا اجي على صراخ وهواش ميساء : هد نفسك يااياد ..امي لاتسمعك ترى اللي فيها كافيها مشاعل :طلقني..ماابي اقضي عمري مع واحد خاين ميساء : تعوذي من الشيطان ..وش صاير لك انتي اياد :شنو طلقني هذي؟؟!! ميساء:مثل ماسمعت ماعاد ابيك ..خلاص طلقني اياد: ماني مطلق واللـــــي في راسك سويه مشاعل : يعني السالفه عناد اياد : اييه عناد وش عندك !!! مشاعل وهي تبكي :انا مالي جالسه معك أبي اروح عند اهلي اياد راح عند الباب وفتح لها الباب :الباب يوسع جمل ميساء سكرت الباب : انتي مالك طلعه من هالبيت كيف طاوعك قلبك عشره عمر بينكم .. ياجماعه هدواء مافي شئ يستاهل الهواش اجلسوا مع بعض وحلوا مشاكلكم مشاعل فتحت الدرج وطلعت عبايتها والشنطه :طردني وتبيني اجلس معه والله ماني جالسه اياد وكان حاط يده في شعره: انا ماطردتك انتي تبي تروحي .. مشاعل فتحت الباب وكانت بتطلع لكن اياد وقفها :روحي بيت اهلك بس اذا تخلصتي من الوسوسه اللي في راسك بيتك يرحب فيك .. وياليت ماحد يعرف بالسالفه طلعت مشاعل وهي تبكي واياد رمى نفسه على الكرسي .. طلعت ميساء من الغرفه وسكرت الباب وتسندت عليه وكانت تقول في نفسها:وش هالمصائب اللي تتحاذف علينا من كل صوب وش بحالنا انقلب من حال الي حال ..يارب تكون فتره وتعدي ... نزلت ميساء من الدرج وطلعت من الباب الرئسي متجهه للحديقه جلست على العشب وكان الهواء يطير خصلات شعرها اخذها التفكير لعالم بعيد فارس كان بيدخل القصر بس شافها جالسه جاء من وراها بدون ماتحس وحط يده على عيونها ميساء حطت يدها على يده وبدات تتحسس :من انت؟؟ فارس كان ساكت ويضحك :............................. ميساء :فروس ؟؟!! فارس بعد يده وجلس جنبها :كيف عرفتي ؟؟ ميساء : من ضحكتك المميزه . فارس :ليه جالسه لوحدك ؟؟وين الباقي ؟؟!! ميساء : امي وابوي في المستشفى عند فيصل ..واياد في غرفته .. فارس :ليه مارحتي معهم ميساء وقفت:كنت نائمه بس ببدل ملابسي واطلع ..بتروح معي ؟؟ فارس مسك بيديها :اييه ..بس اول شئ ابي اسولف معك شوي ميساءجلست :وهذي جلسه ..اسمعك فارس ماعرف كيف يبداء بالكلام ومتردد :الا كيف صديقتك اسيل؟؟!!سوت عمليها ؟؟ ميساء ابتسمت(ياحياتي ياخوي): اييه سوتها اليوم الصباح والحمد الله طلعت من العنايه المركزه فارس ابتسم : الحمد الله .. ميساء:الحمد االله على كل حال فارس:حرام والله احسها ماتستاهل اللي صار لها ..تعبت نفسها بنفسها بكتمانها .. ميساء :هي تجمعت الهموم فوق راسهاوكانت تجيها صدمه وراء صدمه ..>>ميساء تنهدت <<ياخوي ماتلام هي فاقده حنان الام والاب اللي مالقته الا عند اخوانها الله يخليهم لها .. فارس نزل راسه بحزن :فيهم الخير والبركه ميساء :يله مانبي نتاخر على فيصل وبالمره نمر اسيل نتطمن عليها ..نبي نوقف معها سوت معنا معروف من قبل فارس :من جد ..اي والله ماانسى وقفتها معي ميساء ابتسمت :انا بطلع ابدل ملابسي واجي فارس :طيب بس لاتتاخرين ميساء وهي طالعه :دقائق واكون جاهزه طلعت ميساء وبدلت ملابسها (لبست بنطلون جينز وبلوزه بيضاء )اخذت عبايتها وجوالها ونزلت لفارس اللي كان ينتظرها طلعوا للسياره واتجهوا للمستشفى .. //////////////////////////// في المستشفى بالجناح الفخم والورود من حولها .. دخل ريان وسند جسمه عالباب و ناظر فيها بحزن وقلبه يتقطع عليها .. كانت نايمه مثل الطفله والسواد من تحت عيونها والذبول والتعب كاسي ملامحها الدقيقه .. والغطاء الابيض مغطي جسمها النحيل .. جهاز القلب والاسلاك موصله فيها..والمغذيات بيديها والشاش الابيض ملفوف على يدها اللي كسرت فيها الزجاج .. وكمام الاكسجين مغطي انفها وشفايفها ..كانت بحال يرثى لها .. قرب منها وجلس بجنبها ومسك يدها وهمس.. وش صار فيك ؟؟ ليش كل هذا ؟؟ وشلون تضعفين بوقت انا استمد فيه قوتي منك .. <<مسح شعرها والدمعه بعيونه>>اسيل انا محتاجك ..ابيك بجنبي <<سكت شوي وابتسم بسخريه >>اليوم عرفت انك بنت خالتي ..!!تصدقين اني للحين مو مستوعب ؟؟ تم يناظرها ويتأمل ملامحه المنهكه من كثر التعب .. بعد صمت طويل ومافيه غير صوت الاجهزه الموصوله فيها ,, فتحت عيونها بثقل وتعب .. ريان فرح كثر ومو مصدق اللي تشوفه عيونه:اسيل حبيبتي اسيل تحس الارض تدور فيها شالت الكمام من ع انفها بيدها المرتجفه.. ريان وهو يرجعه :خليه عشان يساعدك عالتنفس .. اسيل شالت الكمام وبصوت غير مسموع:انا بخير لاتخاف ريان بخوف واضح:اسولتي حبيبتي ..وش صار فيك ليت الوجع فيني ولافيك .. اسيل((ريان حرام عليك قاعد تعذبني ماني قادره امثل اكثر ان الوضع عادي )) :سلامتك من الوجع .. ريان:وش صار فيك ليش طحتي ؟؟ اسيل:ريان ماني قادره اتكلم..احس نفسي تعبانه .. ريان :طيب حبيبتي ارتاحي .. دق جوال ريان :الو شنو ؟؟وش صار فيها انا طلعت من عندها وهي بخير ووين هي الحين ؟؟ عمليه الحين !! خليك معاها وانا الحين جاي .. اسيل خافت وصارت تتنفس بسرعه:وش فيه؟؟ ريان :امي طاحت عليهم بالبيت وهي الحين بالمستشفى ومره تعبانه وتحتاج لعمليه جراحيه فوراً اسيل :عمليه الحين ؟؟ ريان بعجل باس راسها :اي ..يالله عن اذنك بروح اشوف امي اسيل :اذنك معك .. طلع ريان وضغطت اسيل زر عشان يجي اي احد من الممرضات ووتطمن على حاله ام ريان لاكن ماحد رد .. رفعت نفسها بثقل وفكت المغذي والاسلاك من ع صدرها ووقفت بصعوبه والارض تدور فيها .. تسندت ع الجدار وصارت تمشي ببطء ويدها على قلبها وهي تتألم لاكنها ضغطت على نفسها وكملت مشيها.. فتحت الباب بصعوبه وطلعت للمر وماكان فيه احد ..صارت تمشي وهي على نفس وضعها .. لاحظت باب الجناح اللي بجنبها مفتوح وفيه صوت احد يتألم .. مشت ببطء وهدوء وتعب للغرفه وفتحت الباب وكان فيصل نايم على جنبه الايمن وجالس يتألم .. اسيل تقطع قلبها من صراخه ..قربت منه وحاولت تساعده .. اسيل بصوت مو مسموع:فيصل فيصل فيصل رفع نظره وناظر فيها وهو يتألم اسيل:وش اللي يوجعك ؟؟ فيصل ويده على صدره :صدري اسيل حست بدوخه وجلست عالكرسي اللي مقابل له :هذا طبيعي بسبب اختفاء مفعول البنج فيصل:بس انا مو قارد اتحمل الالم ..انتي دكتوره تكفين عطيني اي شي يهدي الالم تكفين .. اسيل صار صدرها يطلع وينزل من سرعه تنفسها :دق ع الزر اللي عند راسك وراح تجيك ممرضه ..تعطيك مسكن فيصل:جت وحده قبل شوي وقالت ماقدر اسوي لك شي لازم يجي الدكتور تبعك .. اسيل رجعت راسها ع وراء وغمضت عيونها:والدكتور تبعك وين ؟؟ فيصل لاحظ التعب عليها ومو مصدق شكلها وشلون صارت :عندهم حالات خطيره بالطوارئ .. اسيل صار قلبها يدق بسرعه وبقوه وحست انه راح يوقف ..وقفت واخذت حقنه مسكن وحقنت فيها يد فيصل ويدها ترتجف .. فيصل يناظرها ويتأملها:شكراً اسيل ماعاد قدرت تتحمل الالم شالت نفسها بصعوبه وراحت لجناحها ورمت نفسها ع السرير وتمت تتألم .. بعد دقايق وصلت عائله فيصل .. ام ميساء كانت واقفه عند راس ولدها وتمسح عليه :الحمد الله على سلامتك ياولدي فيصل كان يتكلم بصعوبه والالم باين بصوته:الله يسلمك يمه ابوميساء :ماتشوف شر وانا ابوك فيصل : الشر مايجيك ام ميساء : هااه تحس نفسك احسن واللي للحين تتوجع فيصل :شويت الم ..مو قاعد احس بكتفي ام ميساء وهي تبكي :ليت الوجع فيني ولافيك فيصل :بسم الله عليك يايمه لاتقولي هالكلام .. ام ميساء فتحت صينيه الشوربه وكانت تلقم فيصل بيدها :يله اخذ هذي من يدي فيصل :مالي نفس .. ام ميساءباصرار :لازم تشرب وترجع الدم اللي فقدته من جسمك ابوميساء : منيره شوي شوي على الولد ..ماتشوفينه مو قادر يحط كلمتين على بعض ام ميساء:لا تلومني خائفه على ولدي حشاشه جوفي قطع عليهم صوت ميساء وفارس اللي دخلوا والبشاشه على وجيهم:السلام عليكم الكل :وعليكم السلام ميساء حطت باقه الورد على الدرج وسلمت على راس فيصل : الحمد الله على سلامتك فيصل والتعب في صوته : الله يسلمك فارس :خطاك الشر شده وتزول فيصل :تســــلم ميساء : وشلونك الحين ؟؟ فيصل :تمام لو بعدتوا امي عني ذبحتني من يوم جات مره شوربه ومره عصير وجايبه اكلات الله المستعان الكل :ههههههههههههههاي ام ميساء :الشرهه علي انا اللي خائفه عليك فيصل وهو يبتسم وماسك يد امه :امزح معك ..كلنا من دونك مانسوي قرش ام ميساء ابتسمت :........... ابوميساء : الا وين اياد ماجاء معكم ؟؟ ميساء :جاء هلكان من الشغل ونام ابوميساء : الله يعين فارس : فصول الا انت من متى في الاستخبارت السريه ؟؟ طلعت منت هين ياولد فيصل : من زمان ..بس حساسيه عملي تطلب السريــه التامه .. فارس :ومداهمات واسلحه ..مولايق عليك هالشغل فيصل : اقول لايكثر .. فارس : من متى تراقبون فواز فيصل : صار لنا 4شهور بس مامسكناه الابعد طلعه روح هالخسيس ام ميساء :انا اللي مو قاعده استوعبه كيف قدرنا نعطي بنتنا واحد زي كذا فارس : واحنا وش عرفنا انه راعي هالحركات فيصل كان يناظر بميساءوكانه يوجه لها اعتذار باللي سواه معها :....... ميساء بعد صمت قليل : ممكن تغيروا السالفه .. خلاص قضينا الكل استغرب من رده فعل ميساء وضيقتها بالسالفه . بعد دقائق دخلت الممرضه والدكتور يتطمنون على فيصل .. كشفت الممرضه على الجرح وقاست الضغط ودرجه الحراره ..شاف الدكتور النتائج .. الدكتورعبدالله :لا الحمد الله في تحسن ..النتائج احسن من امس ابوميساء : الحمد الله ام ميساء : متى بيقدر يطلع ؟؟ الدكتور عبدالله : يبغى له يومين بعد ..نتطمن عليه اكثر ويكون تحت عيونا ابوميساء :مشكو يعطيك العافيه الدكتور عبدالله : الله يعافيك ..عن اذنكم الكل :تفضل ..اذنك معك طلع الدكتور وتموا يسولفون شوي وبعدها انصرفوا ام ميساء وابوميساء للبيت وميساء وفارس اتجهوا لاسيل في جناحها الخاص .. نايف كان يركب الاجهزه اللي فكتها اسيل ومو مصدق جنانها :انتي وشلون تسوين حاجه زي كذا؟؟ اسيل ويدها على قلبها :ماعليك عادي بس انت قول لي ...خالتي وشلون وضعها ؟؟ نايف بحسره:بغرفه العمليات ووضعها صعب .. اسيل:وشلون يعين ؟؟ نايف:ادعي لها .. اسيل (يارب تحفظها لعيالها ):..... نايف :ليش شلتي الاجهزه؟؟مجنونه انتي ؟؟لو مالحقت عليك كان قلبك وقف اسيل :مين اللي سوا العمليه لخالتي ؟؟ نايف لاحظ اهتمامها الشديد بام ريان :الدكتور عبدالله والدكتور سامي اسيل:زين الدكاتره اللي مجرين العمليه كبار ومعروفين ان شاء الله تنجح العمليه نايف:ان شاء الله .. دخلت ميساء وفارس اللي كان شايل باقه الورد الملونه : السلام عليكم اسيل وهي متسطحه و بصعوبه في الكلام :وعليكم السلام ميساءسلمت على اسيل وصافحت نايف اللي كان موجود :ماتشوفي شر يالغلا اسيل :الشر مايجييك فارس وهو حزين على حالتها : الحمد الله على السلامه اسيل : الله يسلمك ..وشكرا على الزياره فارس :حق وواجب .. نايف : وشلونك ميساء ؟؟ ميساء(فديت صوتك ):الحمد الله منيحه ؟؟انت اخبارك ؟؟والحمد االله على سلامة اسوله نايف :الحمد الله ..والله يسلمك من كل شر اسيل : وشلون فيصل ؟؟ ميساء : تونا طلعنا من عنده والسستر طمنتنا عليه وبعد يومين بيطلع ان شاء الله نايف :يقوم بالسلامه وتنور برجعته البيت فارس : تسلم ..وياكم برجعة غاليكم نايف :اميين ميساء : يله عن اذنكم حبينا نتطمن على اسيل ونقوم بالواجب نايف (اجلسي ماشبعت منك):وين ماضيفناكم فارس :المره الجايه بطلعه اسيل من المستشفى نايف : ان شاء الله سلمت ميساء على اسيل :انتبهي على نفسك اسيل :ان شاء الله فارس : مع السلامه اسيل ونايف :فمان الله .. &&&&&&&&&&&&&&& اجرت ام ريان عمليه لقلبها ونجحت وطلعت من المستشفى بعد فتره .. وكمان اسيل وفيصل بعد ماتحسن وضعهم وصاروا احسن طلعوا من المستشفى .. &&&&&&&&&&&&&&& | ||||||||
|  |
|
02-10-18, 09:02 AM
| #32 | ||||||||
| مراقبة عامة ومشرفة منتدى الروايات المنقولة
| &&&&&&&&&&&&&&&&&&&& ليله الزواج (قبل الزفه ) ..بغرفه العروس.. كانت ميساء ماسكه المبخره وتتبخر بعد مالبست{{ فستانها الابيض الهادئ و الماسك حتى الخصر والمطرز بالكرستال وعدلت مكياجها اللي كان بالوان هادئه }}دق نايف الباب وفتح الباب ببط وكانت ميساء تناظر من اللي بيدخل ؟؟!! دخل نايف وكله اناقه بالثوب الابيض والشماغ بطريقه {الكوبرا }والبشت الاسود اللي زاد من جماله وقفت ميساء ومشى نايف ناحيتها وكان كل مايقرب تزيد دقات قلبها مسك يدها وكانوا مقابلين بعض ..كانت عيونه العسليه وعيونها السود تتغزل وتتكلم في اللي قلوبهم ~ْْْْْ~ْ نايف وهو مبتسم ومو شايلته الفرحه :كيفك ؟ ميساء وهي متوتره :منيحه ..وانت؟؟ نايف وهو يضغط على يدها:من اللحظه صرت بخير واسعد انسان بالدنيا ميساء بخجل :دوم هالسعاده وانا معاك نايف : ان شاء الله ..وانا بعوضك عن كل اللي راح ميساء نزلت راسها :نمشي نايف :طيب بس عطيني ثواني مشى نايف وجاب علبه كبيره وعطاها ميساء ميساء اخذتها وهي تبتسم :................... نايف : شنو مابتفتحيها ميساء فتحت العلبه ولمعت عيونها من الطقم الالماس {كان عباره عن سلسه وخاتم مطرز بطريقه حلوه وسواره ..} ميساء :مشكور حبيبي .. نايف : العفو ..اهم شئ يعجبك ميساء : بيعجبني لانه منكـ نايف وهو مبتسم مد يده لميساء مد ميساء يدها المترتجفه ومسكوا بعض ميساءوهي نازله وكلها اشراقه .. ((انا بديت حياتي من جديد رجعت لشغل الشركه والازياء وصار ناجح اكثر من اول واسمي لمع بعالم الفن والموضه .. صحيح اني مو قادره انسى المأساه اللي عيشني فيها فواز ودائما اتذكرها لاكن نايف قدر انه يطلعني منها ويأخذني لعالم بعيد عن العالم اللي انا فيه ..كثير احبه واموت فيه ومابي اعيش مع غيره .. وعرسنا اليوم مع فيصل واسيل ..)) اما بغرفه العرس الثانيه كانت اسيل واقفه قدام المرايه الطويله ..وكانت حيل متألقه بالفستان الابيض اللي موديله كثير فخم وسواريه ..مليان بقطع الخرز والاكسسوارات الموزعه بطريقه حلوه ع الخصر والصدر واسفل الفستان .. تسريحتها ومكياجها كانت تدل على فخامه العروس وروعتها واناقتها .. كانت الوان متدرجه بين الاسود والذهبي واكثر شي برز فيها عيونها الواسعه واللي زادت روعه جمالها.. اسيل كانت بعالم الماضي استرجعت بعض الذكريات المؤلمه والمفرحه .. ((اليوم عرسي واليوم هو آخر يوم لي بالسعوديه راح اسافر مع فيصل لبريطانيا ونكمل حياتنا مع بعض هناك .. مادري اذا راح اقدر اكمل مع فيصل !!او اني اقدر اسعده ..لاكن عقلي وروحي وقلبي مع ريان .. صحيح اوجعتني اشياء كثيره بالحياه لاكن مو مثل وجع زواج ريان ..واني اقعد اواسيه وانا محتاجه من يواسيني ..الله يسعده وين ماكان ..وان شاء الله احاول اتناساه .. <<تنهدت<< يادنيا خفي مواجع دخيلك )) دق فيصل الباب وفتحه ببطء ..وقف وتم يناظرها وهو منبهر بجمالها .. فيصل وهو كاشخ لابس الثوب والبشت الابيض والجزمه البيضاء وتحديده اللحيه الخفيفه :مساء الورد اسيل لفت جسمها وصاروا مقابلين لبعض :مساء النور فيصل ابتسم :كيفك اسيل والتوتر واضح عليها :تمام .. فيصل مشى خطوتين ببطء وقرب منها:جاهزه ؟؟ اسيل:اي خلاص فيصل طلع سلسال من الالماس كثير هادئ وانيق ..طوق عنقها بيديه ولبسها السلسال وطبع قبله احترام على جبينها .. اسيل صارت تتنفس بسرعه ونزلت راسها (يالله وش كثر كنت اتمنى ريان يكون مكانك بهاللحظه):.......... فيصل مد يده لها :يالله اسيل حطت كفها بكفه وطلعوا وكان الجميع بأنتظارهم عند الباب بنفس الوقت طلعت ميساء ونايف من الغرفه الاخرى .. واصوات الزعاريد والتهاني هو الشي الوحيد اللي يسمعونه .. الزفــــــــــــه .... نزلت ميساء ونايف من درج واسيل وفيصل من درج اللي جنبه وقفوا شوي وكانوا يناظرون الفرحه في عيون اهلهم وحبايبهم وكانت الزفه عباره عن موسيقى هادئه ورومنسيه ..وبعدها شعر للشاعر المعروف بدر بن عبدالمحسن وبعدها كانت اغاني رومنسيه هاديه نظرات الجميع كانت محوطه ميساء واسيل واللي كانوا جدا متألقين بهالليله والدعوات الصادقه اللي بقلب كل اهلهم واصدقاءهم هي الهديه الحقيقيه اللي قدمها محبي اسيل وميساء لهم .. مشت اسيل وميساء ..ع الستيج ببطء و بكثير من مشاعر الحب والتوتر والخوف والرهبه والحزن والاسى والحسره ..على كل شي فات مشت اسيل وميساء ..وبقلوبهم كثير من الامنيات والاحلام ..وبعقولهم كثير من ذكريات الماضي اللي لازمتهم بكل خطوه مشوها ..وبوجه كل شخص شافوه حاظر وموجود بهالليله .. مشت اسيل وميساء .. والابتسامه مو مفارقه وجيهم ..مشوا وهم متأملين بالمستقبل خير بعد المعانه الطويله والمؤلمه .. جلسوا المعاريس وبدات اغنيه {من لبس هالقمر فستان وتاج وجلسه كوشه اثر هذا القمر انسان عليه عطور مرشوشه } بعدها جات المصوره واخذت صور للمعاريس واخذت صور جماعيه للكل .. خلصت الحكايه وبقينا خلاص بأخرها وصلنا للنهايه وبالخير افتكرها &&&&&&&&&&&&&&&&&&&&&& ((خلصت حكايتنا وروايتنا .. لاكن حكايه اسيل وميساء باقي ماخلصت.. وحكايه الف وحده مثل اسيل وميساء بعدها ماخلصت .. روايه يادنيا خفي مواجع دخيلك ..سطرت الكثير من الاحاسيس والمشاعر ..كثير من المواقف الحلوه والمره ..المفرحه والمؤلمه .. روايه يادينا خفي مواجع دخيلك روايه ..عشناها بكل تفاصيلها ..سردنا احداثها بكثير من الواقع وبعض من الخيال ..استوطننا الحزن في كثير من الواقف وتغلبت علينا مشاعر اليأس بكثير من الاشياء.. هذي الروايه هي روايتنا الاولى ..لذالك نعتذر عن الخطاء والتقصير ونتمنى ان نكون اعطينا صوره مبسطه وواضحه عن ما نشعر به ومانعيشه .. نتمنى ان نكون قدمنا المفيد والنافع .. وان تكون خرجت بالصوره الصحيحه اللي نتمنى ان نراها بها .. تقبلو تحياتي ولكم مني خالص التقدير والاحترام ..)) أسيرة الاحزان .. {لكل بدايه نهايه ولكل نهايه بدايه }..وها قد وصلــت روايه{{يادنيا خفي مواجع دخيلك }} الى النهايه ..هذا رويتنا الاولى واتمنى تحبوها مثل ماحبنها وتعيشوها مثل ماعشناها بكل تفاصيها .. تعجز الكلمات ..ولكن قلوب ابطالنا نابضه بالحب والاحترام }}~ْْْ~ْ {{صمتي حكــــايه }} النهـــــــــــــــــــــ ــا يــــــة | ||||||||
|
| |
|
| أدوات الموضوع | |
| انواع عرض الموضوع | |
|
|
.png)
العرض العادي
