14-11-17, 10:34 PM
| #71 | ||||
|  اولاً : السلام عليكم ثانياً : قريت الروايه ع بالي مكتمله اااااوف شنو يصبرني واني من البدايه اريد اعرف شنو نهاية غادة مع ماجد ومضاوي تسلم ايدك ع الروايه روعه ماحسيت بملل واني اقرأها بس ياريت عندك روايه بالفصحى احس الروايه بالفصحى الها طعم ولذه خاااصه شكراً جزيلا واتمنى ما تطولين علينا ببقيه الفصول .. | ||||
|  |
|
14-11-17, 11:34 PM
| #72 | ||||
| نجم روايتي وفراشة الروايات المنقولة 
| روان كانها على علاقه عميقه بنواف ويمكن هذا سبب اختلافها مع العنود اعتقد انها انتقام الله من ام سلطان لحقارتها ولكن هل ستكون ايضا انتقام من ماجد لانه واضح انه بعد سماعه لكلام غاده مع ريم انها تتسلى كرامته جرحت فهي الوحيده التي حركت قلبه ومشاعره والخوف الان من رده فعله وخاصه انه حس انها ستتركه لا هي قررت تركه غاده خوفها من مقابله فيصل لماجد جعلها تصحى من غفلتها وعرفت انها تتصرف غلط وانها خانت ثقه امها التي حرمت نفسها الحياه لاجلهم وحزن على والدهم مها كما قالت لها غاده خوفها من ان تكون نسخه عن امها جعلها تعمى عن اختلاف منصور عن والدها واتمنى ان تعدل من تصرفاتها معه فواضح انه يبحها ومهتم ان تكون شريكه له بكل شى فصول ممتعه جدا اسلوب راقي واحداث شيقه لي عوده بعد القراءه | ||||
|
| |
|
15-11-17, 12:30 AM
| #73 | ||||
| نجم روايتي وفراشة الروايات المنقولة
| واوووصراحه تغير بالاحداث ظهر الوجه الاخر لماجد احساسه انها ستتركه وانه تسليه لها جعله يغير معاملته ورغم اني اعتقد انه احبها بطريقه تملكيه وزاد حبه لها بعد ما اجبرها على القدوم معه لبيته وتصويرها والاهم انه اعجب بها واعتقد انه وجدها اجمل من تخيلاته عنها اعتقدانه اصبح مريض بها يريدها وبشده وهي لانها لم تحلم ان يكون زوجها بمستواه لم تفكر به بهذه الطريقه لذلك حاولت الانسحاب لما حست انها تعلقت به والان صار الوضع صعب فهو لن ولم يسمح لها وسيجبرها على ان تكون له باي وسيله وللاسف هو باسلوبه الاجباري خسرها ولاننسى عقدته من المراه وانها خاينه فهو مثاله عن االنساء خالته التي خانت امه والتي الان ملتهيه بطريقه لربط سمر بماجد ونسينت اثناء تخطيطها اولادها فهاهي ابنتها تضيع وتنجر للغلط واما ابنائها الصغار لاتعرف شى عنهم اعتقد انها ستعاقب على خيانتها وطمعها بابنائها سمر بعد كلام ماجد لخالته ظنت ان الحلم اقترب تحقيقه وبدات بنشر الخبر وياريت يكون سبب بالغاء ماجد لارتباطه بها اما سلطان فاتمنى ان يكون شراء الاسهم من خاله لمصلحه ماجد وليس ضده البارونه البارت الاخير جعلني ماسكه انفاسي من جمال الاحداث وقوتها اتمنى لك التوفيق والاهم الاستمرار وان تكتمل الروايه لانها بالفعل تستحق واعتقد انها ستكون من الروايات المتميزه هذا العام وبانتظار القادم | ||||
|
| |
|
15-11-17, 04:05 AM
| #74 | ||||
| كاتبةفي قسم قصص من وحي الأعضاء
| صباحكم جميل .. صعب اوصف لكم سعادتي بتفاعلكم وردودكم .. ممتنة لكم جداً تحليلاتكم وافكاركم .. هذا الفصل نزلته بدري هدية لحماسكم ويوم الخميس بـ إذن الله فصل جديد .. صعب أحدد الأيام لكن بيكون أسبوعيا 3 فصول كما وعدت .. " الفصل الحادي عشر " : وَٱنْتَبَهْنَا بَعْدَمَا زَالَ ٱلرَّحِيقْ وأَفَقْنَا لَيْتَ أنَّا لَا نُفِيقْ يَقْظَةٌ طَاحَتْ بِأَحْلَامِ ٱلْكَرَى وَتَوَلَّى ٱللَّيْلُ وَٱللَّيْلُ صَدِيقْ وَإِذَا ٱلنُّورُ نَذِيرٌ طَالِعٌ وَإِذَا ٱلْفَجْرُ مُطِلٌّ كَٱلْحَرِيقْ وَإِذَا ٱلدُّنْيَا كَمَا نَعْرِفُهَا وَإِذَا ٱلْأَحْبَابُ كُلٌ فِي طَرِيقْ : : جربي زين اليوم روان : مجنون انت شيشة مره وحده !! نواف : ماتخرب البشرة يالياي انتي بالعكس تخلي الشفة وردية ..! روان : على اساس شفايفك وردية نواف : ماعليك من لونها زين .. ( وبغمزة ) عليك من طعمها ..!! روان : ليه حقتك ريحتها غير نواف : اخترت لك عنب ابيض وانا تفاحتين ..! ..وبدت روان تجرب وتضحك على محاولاتها .. بمساعدة نواف وهم جالسين في سطح شقة مزين بالشجر الصناعي والكراسي الخيزران ..!! : : غادة : وين بيروح فيصل ..! ام فيصل : معزوم عند فهد وريان عندهم عشاء نجد : من الظهر نتكلم مانتي معنا ابد .. غادة : احس بـ صداع ونادت فيصل ..: قلبي معك فلوس فيصل : يطلع الي في جيبه : اي معي ٥٠ غادة : لحظة باجيب زيادة وتروح تركض مع الدرج فيصل يضحك : هيي لاتجيبين ترى العشاء مجاني الي معي يكفي ..!! نجد بضحكه: خلها تجيبها وعطنيها .. : : ماجد : طيب ووش انتهيتوا عليه سلطان : شريت نصيب خالي بـ ١٠ مليون ماجد يضحك : !! ماتستشير انت ماتعرف تكلم تشوف قيمة الشركة في السوق ..! سلطان بهدوء : ربطت قيمتها بقيمتك وقلت اكيد هذا سعرها .. ماجد : ووش بتسوي في الاثاث الي بيجي بعد ٢١ يوم سلطان : بنعرضه في معارض سمو للاثاث هذا صديق ويبيع نفس النوعية وله ٢٠٪ من الربح ماجد يرفع حاجبه بـ إعجاب : برافو عليك .. والي اخذه خالك في حسابه ..؟ سلطان : صدقه ، لروح خالتي صيته لانها تحب اخوها عبداللطيف وعاملته مثل الأم ..! ماجد وقف يخفي تأثره بكلام سلطان : انا باروح معزوم عند فهد .. الاحد تعال نخلص اوراق الشركة وجيب خالك معك سلطان يأشر على خشمه ( كناية عن الطاعة ) : ابشر يالشريك ..! : : طلعت غادة غرفتها مع اتصال ماجد .. آلو : مساء الخير غادة الي تستغرب تقلب صوته مع مزاجه : اهلاً ماجد : بتطلعين مكان غادة : لا ماجد : طبعاً مايحتاج اقول اذا طلعتي قوليلي غادة : اوك ماجد : وش تسوين غادة : اكلمك مُرغمه ماجد بضحكة : يالله سولفي علي لين اوصل بيت فهد غادة : ماعندي سواليف ... ماجد : من صاحبة السيارة الي رحتي معها ؟ غادة : صديقتي ماجد : ريم او مها غادة الي ماعاد تسأل هذا الشخص عن مصدر معلوماته : وحده منهم ماجد : قلت لك , معك ماحب الاختصار والردود ابو كلمة وكلمتين طيب ،!! عموماً لاتنامين لين اكلمك الليلة اوك غادة : اوك : سكرت غادة ونزلت تحت كانت تحضر العشاء لامها واختها وتفكر انها رغم خوفها من ماجد ماتقدر ترضخ له .. ماتقدر تكون سلسة معه تخاف تزيد متطلباته لازم تبين عدم رضاها لين يمل ..!! وفكرت في المقطع .. من؟ ممكن يساعدها فيه ؟كيف تخليه يمسحه !؟ مجرد تخيلها ان المقطع ينتشر سبب رعب في داخلها .. : وش العشاء غادة : سويت شوربة وصينية دجاج نجد تجلس على الطاولة : غادة اليوم قالت لي مرام شيء غادة وبالها مشغول : وش ؟! نجد : امها تبي تزورنا تقول انها تبي تخطبك لخالها غادة : وفري عليهم المشوار وقولي لا !! نجد : خالها جميل مره وضابط غادة تجلس : وين شفتيه !؟ نجد : مره جاي ياخذها من المدرسة مدت غادة يدها ومسكت يد اختها : نجد حبيبتي اسمعي الي باقوله لك .. مافيه احد جميل وقبيح من برا اذا الانسان من داخل سيء لو وجهه ملائكي .. حبيبتي لاتثقين في احد ولا تصدقين احد ولاتسوين شيء غلط ترى ممكن غلط واحد يوديك للتهلكة .. عمرك ماتتركين حذرك من الناس ومن الصدف عمرك مايصير لك موقف ماتقولينه لي عمرك ماتكون عندك مشكلة لو تافهه ماتقولينها لي عمرك ماتستسلمين لأحد وتخلينه يفرض عليك شيء دائماً دائماً خلي( لا )هي كلمتك لكل شي ماتبينه .. وعمرك ماتطيعين هوى نفسك في حاجة غلط. نجد : غدو لو اكتب نصايحك لي من كنت في التمهيدي اعتقد بتصكين لقمان وابنه عشرة صفر ..!! غادة : ماعلينا قوليلي اخبار المدرسة ..! بدت نجد تسرد احداث الاسبوع مشاكل تافهه واسماء كثيرة اروى ومرام وحنان وتخيلي قصت شعرها .. وتوقعت انها بتجيب درجه كاملة و .. المعلمة هزأتها عشان حاطه على شنطتها شعار الهلال وتخيلي بكت لان الحمام تقفل عليها ومشاكل كثيرة لو تعرف نجد الي تفكر فيه غادة اعتبرت مشاكلها مع صديقاتها .. من اجمل اليوميات ~ : : في مجلس فهد .. فهد بتحفظ : مبروك مع اني توقعت اني اول من يدري بس ماعليه دامك عزمت على الزواج ياماجد الله يجعله مبارك ماجد بعقدة حاجب : زواج !؟ فهد : ولد لاتكون بتخبي بعد اليوم الاهل قالوا لي انك خطبت بنت ابراهيم ماجد بصدق : ماخطبت احد يافهد والكلام اذا وانا اخوك ماجاك مني لاتصدقه وان خطبت انت اول من بيدري ~ كان فيصل الي جالس جنب ريان مذهول من كمية الاحاديث عن المال والصفقات والسفر عالم ثاني ومهما سمع ماتوقع ان فيه احد ممكن يعامل المية الف معاملة المية ريال .. كان الكلام في المجلس كلام كبار اقتصاد وسياسة واعمال وصفقات رغم معرفته ان ريان واهله مرتاحين مادياً نوعاً ما لكن واضح انه من معارفهم جاور السعيد تسعد ../ : : بعد العشاء اتصل فيصل على اوبر ( شركة اجرة ) وارسل لهم اللوكيشن ../ كان ماجد يراقب فيصل الشاب الثابت وهو يقوم مقام الرجال من ناحية الردود والكلام فيصل : كثر الله خيرك يابو تركي انا استأذن ماجد : انا بعد بيت عامر يابو تركي وطلع فيصل وماجد ماجد : انا رايح لشرق الرياض اوصلك فيصل : لا يعطيك العافية ماجد اصر : يارجال خاويني بدال ماتروح لحالك وانا لحالي والطريق واحد فيصل وهو يناظر السيارة الي طلب واقفه : واعدت اوبر ومقدر ارده ماجد : اركب وانا احاسبه واجيك فيصل بشكل قاطع : والله ماتدفع هلله انا احاسبه واجي .. ابتسم ماجد وفكر تصرف مثالي من اخو غادة .. : : في الهاتف ريم : لو الوقت بدري جيتك وغصب خليتك تتكلمين ..! غادة : مافيه شي اقولك ريمو لعبت معه صدفة وعرف يعني صدفة له وحظ سيء له .. ريم : يعني انا فهمت البنات انه يعرف اخوك عن طريق اخو صديقة بس ولو ابي توضيح غادة : مافيه توضيح .. عرف انا مين وانتهينا ريم : بتستمرين معه ..! غادة : لا ! : : سمر : وش رايك في هذا والا البينك !؟ نورة : سمر انزلي شوي للواقع وخلينا في المهم سمر : وش المهم !؟ نورة : انتي عارفه انا احب سلطان و.. سمر : وسلطان يموت عليك نورة : كيف اتأكد !؟ عمره ماقال شي يعني بس نظرات وابتسامات بس عنده مجال يكلمني وعمره ماكلمني .. انا خايفه ان تأخيرهم انه مايبيني ،!! سمر : مجنونة انتي .. يبيك مايبيك اذا خطبك تمسكي فيه بإيدينك واسنانك !!! بعدين تذكرين روان هي الي قالت للعنود ان سلطان هو الي طلب نوره : : رجعت روان البيت نزلت من السيارة وهي تكلم صديقتها قابلها ابوها : وين كنتي ؟ روان : كنت عند صديقاتي اليوم البريثداي لامول ابو ماجد : وامك وين ؟! روان : مدري يمكن عند خالتي سعاد ..! اي صح صح انا سمعتها اليوم بتروح مع الجوهرة صديقتها .. ابو ماجد : وش الريحه الي فيك ؟ روان : يوووه تخيل محتفلين في مقهى وفيه شيشة قرفنا مره عشان كذا طلعنا بدري ابو ماجد : روحي مري اخوانك الصغار شوفيهم تقول الناني ماناموا الا الآن تمر من جنبه حتى تتعداه وهي تمد لسانها رفض للأمر : : : يالله انزلي معي ابوي موب فيه مشاعل : مستحيه من امك مها : يابنت عادي عارفه اننا رايحين للسوق تعالي خليني اقيس واوريك ..! مشاعل : لا باروح للبيت الوقت تأخر انتي قيسي وصوري لنا سناب الي موب مره نرجعه بكره مها : زين خلي السواق ينزل الاكياس كلها لاينسى شي مشاعل : اوك يالله مها : وخلينا بكره نطلع غدو وريم معنا غصب مشاعل : اي بيطلعون : : نجد تقف : يالله يجنن الفيلم غادة ؛ حزين مره نجد : يالله بنام بس قبل لاأنام اسعديني بكلمة .. بكره بنروح مكان ( وتضم يدينها في رجاء ) غادة : اي بنروح للسوق نجد : يييس بس لايكون مع صديقاتك غادة : اي نجد : لاااا مابي امشي وراكم غادة : روحي معي انتي وفيصل وهو يمشي معك وانا اروح للبنات ،، لازم نشري فساتين لزواج مها الجمعة الجاية مايمدينا لان الاحد اختباراتك والي بعدها الزواج نجد ؛ انا عادي احضر بفستان الملكة اغير تسريحتي وبس غادة : لا بنشري كلنا فساتين اصلاً الإجازة جايه وبيكون فيه مناسبات .. وفي هـ الأثناء دق جوالها وطلعت : الو هنا سمعت صوت فيصل وهو يسولف بـ حماس : ياولد كنت ابي طيار بس وييين فهد مايجي اهله الا مره مرتين فالاسبوع صوت ماجد الرزين : كل الوظائف الي فيها دخل كويس ومكانة اجتماعية تاخذ من الوقت عندك الدكتور والضابط والطيار يبيلك تحدد من الآن وش تبي دخلت غادة غرفتها وبدون ماتفتح النور جلست تحت في الأرض ظهرها للكنب ومكانها تسقط عليه اضاءة الشارع من الشباك في ظلام الغرفة فيصل : ودي بطيار بس صعب احس لازم واحد ماوراه شي ماجد : وانت وش وراك ؟ فيصل بنبرة رجولية اكبر من عمره : امي وخواتي مالهم الا انا والا اتمنى اكون طيار ماجد : انت اكبرهم فيصل : لا اكبر مني وحده واصغر مني وحده بس انا اذا كبرت بكون المسؤول عنهم نزلت دمعة غاده وهي تسمع فيصل يتكلم مع شخص غيرهم بأحلامه كان صوته في الحديث متلهف وكأنه ينتظر الشخص الي يكون له أذن بس غلطت يافيصل اخترت الشخص الخطأ ..!!! : سمعت تمتمة الوداع والشكر ووقفت وناظرت مع الشباك لتقف السيارة الفارهه وينزل منها فيصل مبتسم وفخور ويأشر بيده .. مازال الجوال على أذنها : ماجد وهو يناظر الشباك : الو غادة : الف مره قلت لك ابعد عن فيصل ماجد : كنت ابيك تسمعين احلامه ، اي وحده غرفتك !؟ غادة : ماجد اتركنا الله يخليك ..! امسح المقطع واعتبر مسحه ستر لبنت ماضرتك ..! ذنبها انها بس تعرفت عليك بشكل خطأ ..! ماجد : المقطع ماراح ينمسح بالعكس بعد السوالف مع اخوك عرفت وش ممكن يسوي المقطع في شخصيته وثقته بنفسه .. بيدمره ياغادة !! غادة بضعف : تكفى إلا فيصل .. ماجد : افتحي شباك غرفتك باشوف اي وحده ..! مدت غادة يدها وفتحت الشباك وسكرته ماجد بابتسامه ؛ تدرين ياغادة وش اتمنى الحين !! اني معك !! جلست غادة مكانها في الظلام وتحت اضاءة الشارع وبنبرة حزينه : قلت لي مره ياماجد لو احتجتي شيء قوليلي ..!! ماجد : وش محتاجه ؟ غادة بنفس النبرة : احتاج تتركني .. احتاج ارجع لنفسي وحياتي ..انا مش من عالمك والا اقدر اجاريك ولا حتى ارضي شخص مثلك .. ماجد : انا بعد احتاج .. تبقين معي .. وانا تعودت اقدم حاجتي على حاجة غيري .. خليك قريبة من الجوال اذا وصلت البيت باكلمك ..!! سكرت غادة الجوال .. وبگت ..!! : " حرك ماجد سيارته في شوارع الرياض تتعاقب الانوار امام ناظره لتكون سلسلة ~ يحس بألم من صوت غادة الضعيف ..!! ونبرتها الحزينة .. ضعف غادة هزمه .. ماجد بجبروته وماله واعماله لوهله حسد فيصل الطفل لحصوله على حب غادة .. واهتمام غادة .. وابتسامة غادة .. وخوف غادة عليه بس فيصل اخوها وآخر علاقة يتمنى تربطه مع غادة هي الأخوة .. رفع في صوت الراديو ليشغل سمعه وبالتالي ذهنه وتعالت نبرة كاظم الساهر الشجيه : " أحبيني بلا عقد .. وضيعي في خطوط يدي أحبيني لأسبوع لأيام لساعات .. فلست أنا الذي يهتم بالأبد أحبيني أحبيني .. تعالي واسقطي مطرا .. على عطشى وصحراى وذوبي في فمي كالشمع .. وانعجني بأجزائي أحبيني بطهري أو بأخطاءي وغطيني ايا سقفا من الأزهار .. يا غابات حناءي أنا رجلا بلا قدرا .. فكوني أنتي لي قدري.. "" : زفر ماجد هذي مشكلة غادة لو بس حبتني عيشتها ملكة ليش ماحبتني ليش حاولت تتركني وليش قاومتني ..!!!! : : دخل ماجد البيت من المدخل الرئيسي .. وسمع اصوات ابوه وخالته كالعادة جدال عند قوانين البيت الي ماحد يعرفها او حتى ينفذها ~ وبدون مقدمات : سمعت اني خاطب !؟ ام سلطان بذهول : كيف ؟ ماجد : اليوم الكل يباركلي !! ممكن اعرف من خطب لي !! ابو ماجد : خلاص كلامنا ذاك اليوم رسمي واعتبرناه خطبة ..!! ماجد : كلامي كان غير قابل للنشر ، والآن اعتبروه مُلغى مضاوي بخوف : لااا ياماجد لا يُمه .. ماجد : لا اسمعك تقولين لي يمة فاهمه مضاوي : ماعليه بس فشله ياماجد انا قلت لسمر والبنت طارت من الفرح .. حرام نكسر خاطرها~ ماجد : مشكلتكم ، اخطبوها لسلطان ابو ماجد : كلامنا ماراح ينثني ياماجد وسمر ونوره بنروح بكره نخطبهم ماجد : اخطبهم وزوجهم في احلامك انا ماراح اخذها لو تنطبق السماء على الارض مضاوي بغضب : من بتاخذ ؟ ماجد ؛ مالكم شغل !!! مضاوي : اي وحده بتدخل هـ البيت على انها زوجتك ياماجد غير سمر بـ أطين عيشتها ../ ماجد : اي وحده بتدخل هـ البيت على انها زوجتي بتصير راعية البيت فاهمه ؟../ مضاوي : تكبر قد ماتقدر ياماجد لكن مصيرك وحيد بتعيش وحيد وتموت وحيد مثل صيته رغم كل الي حولها ،، اخذت حياة امك تماماً ماراح تكتب لك حياة طبيعية وانت كذا ماجد الي ابداً مانصدم من حقد خالته : لو كل شي مكتوب على شخصياتنا ماكتب تكونين ام ..!! وطلع لغرفته غاضب جداً.. رمى شماغه وفكر يدخل يتسبح قبل لايكلم غادة بكمية الغضب الي داخله لانها اكيد بترعبها ~ : : مازالت غادة جالسه مكانها كأنها سجينة .. انا خذلت نفسي ~ وأجرمت فيها .. بس كل شي طلع من يدي ماكان فيه انذار او خط رجعة قفزت للمنزلق على طول ~ ولا أعرف طريق امان ابداً معقولة ماجد جاد في العلاقة المشوهه الي بيجبرني عليها .. كيف شخص بمكانته وانشغاله يلتفت لي ويشغل نفسه بي ../ كيف اصلاً انهي الموضوع معقولة يبيني عشيقة .. انا ماعرف عن حياته شيء معقولة يجبرني ..!! : فزت مرعوبة من اهتزاز جوالها في حضنها ~ : انتظر ماجد الرد وجلس في شرفة جناحه بتيشيرت اسود وبنطلون اسود وبدون مايحس بالبرد : الو مازال يغلي من داخل :مانمتي ؟ غادة : لا ماجد : وش تسوين ؟ غادة الي تبي تذكره بالله : اصلي ماجد بسخرية : تدعين علي ياغادة ؟ غادة بألم : ادعي لنفسي ولأهلي عندي من الاحتياجات والامنيات الي تخليني مافكر ادعي على أحد ماجد وهو يتأمل الفراغ : محتاج تشمليني معهم ، غادة ترد عليه كلماته : اليوم تعلمت ابدي حاجاتي على حاجات الغير .. ماجد : كنت عارف اني باشوهك .. غادة : انت ذبحتني ياماجد ماجد : لو قلت لك ماقدر اتركك تصدقيني .. غادة : لا ، محد يموت من فراق احد ، لو كان صحيح كان متنا بعد ابوي كان عمري ١٠ سنوات وفيصل ٤ ونجد سنتين ..!! وعشنا بعده .. ماجد بدا صدره يضيق اول مره تتكلم غادة عن ابوها : الموت فراق اضطراري بس انا مش مضطر اتركك وانتي حيه ترزقين غادة بحزن وسخرية : كذا تخليني اتمنى الموت !! ماجد : انا فعلاً باخليك تتمنين الموت لو حسيت انك تخونيني والا بتتركيني ..!! غادة : ليه تحس ان الجميع يخونك او بيخونك او بيسبب لك الألم ليه ماتكون انت الي تسبب للي حولك الألم ماجد : لاتستذكين علي ياغادة ، لاتخليني اضطر اضر الي حولك غادة : لا ، اسحب كلامي .. ماجد : بتروحين بكرة مكان ؟ : السوق : اي سوق : مدري لسى ماجد : باحوّل لك مبلغ على حسابك الي في الرجحي لأني لقيت حسابك في الرياض قديم .. غادة : ماحتاج شي شكراً ماجد بحده : لا , تحتاجين ..! غادة : ماراح اصرفها انت عارف ماجد : بتصرفينها وبتطلبين غيرها وباحوّل لك غيرها وبتاخذين مني كل شي تبينه .. غادة : ماراح تشتريني بفلوسك ياماجد ماجد بضحكه ؛ انا اخذتك مجاناً ياغادة حس ماجد براحه لأنه يحس ان غادة تحت سيطرته .. رغم كرهه للضعف في صوتها ~ طال الصمت ماردت غادة كان بس يسمع تنفسها ~ ماجد : غادة غادة ؛ نعم ماجد : قولي عيون غادة صمتت وكرر : قولي عيون غادة بلعت غادة ريقها وناظرت في الظلام : عيون غادة ماجد : قولي انا لك ياماجد ..!! وبعد صمتها رفع صوته : قولي انا لك ياماجد .. لكن الجواب كان سماعها تبكي .. بصوت مكتوم .. وقف ماجد فجأة حتى سقط جواله الثاني من حضنه وبدون مايهتم : لاتبكين ! الأمر الي زاد من حدة بكاء غادة ..! وماجد يكرر : لاتبكين : : أَعْطِنِي حُرِّيَّتِي أَطْلِقْ يَدَيَّا إِنَّنِي أَعْطَيْتُ مَا ٱسْتَبْقَيْتُ شَيَّا آهِ مِنْ قَيْدِكَ أَدْمَى مِعْصَمِي لِمَ أُبْقِيهِ وَمَا أَبْقَى عَلَيَّا مَع ٱحْتِفَاظِي بِعُهُودٍ لَمْ تَصُنْهَا وَإِلاَمَ ٱلْأَسْرُ وَٱلدُّنْيَا لَدَيَّا : : قراءة ممتعة .. | ||||
|
| |
|
15-11-17, 09:07 AM
| #75 | ||||
| نجم روايتي
| ((حبيبتي لاتثقين في احد ولا تصدقين احد ولاتسوين شيء غلط ترى ممكن غلط واحد يوديك للتهلكة .. عمرك ماتتركين حذرك من الناس ومن الصدف عمرك مايصير لك موقف ماتقولينه لي عمرك ماتكون عندك مشكلة لو تافهه ماتقولينها لي عمرك ماتستسلمين لأحد وتخلينه يفرض عليك شيء دائماً دائماً خلي( لا )هي كلمتك لكل شي ماتبينه .. وعمرك ماتطيعين هوى نفسك في حاجة غلط.)) نصائح غادة لاختها تقهر.. لانه هو اللي صار تحديدا لها.. غلطة وحدة وصلتها للتهلكة من الصعب عدم وجود شخص كبير يمكن الاعتماد عليه .. وان يكون الانسان الضعيف هو مركز العائلة وهو الكبير رغم ضعفه وقلة حيلته.. عم حاول اوجد العذر لماجد انه وحيد ويحتاج الحب والاحتواء.. لكنها لا تحبه وتتعامل معه مجبرة .. فما هو الحب الذي ينشده منها وهو يجبرها باستمرار على كل شئ.. ومتى كان الحب بالغصب.. ومتى كانت كلمات الحب ومشاعره تنطق بالغصب.. بصراحة مستغربة شخصيته يوم عن يوم ..أنا بديت اكره ماجد وبقوة.. للاسف هذا واقع الحياة .. مثلما يحدث مع روان .. تتكلم مع شباب .. تذهب مع شباب.. ولا يوجد رقيب .. والامور ماشية معها حلاوة .. والضعيفة غادة اول ما غلطت انفتحت عليها ابواب جهنم .. برأيي اللي عم تتعرض له غادة شئ صعب جدا .. | ||||
|
| |
|
15-11-17, 09:13 AM
| #76 | ||||
| نجم روايتي وفراشة الروايات المنقولة
| بالرغم من انه ماجد يتصرف بحقاره كبيره مع غاده الا اني عذرته هو احبها وكان صافي النيه معها وبالرغم من انها هي من بدات اللعبه معه وبسبب خوفها على فيصل ومن مشاعرها ارادت الهروب دون الانتباه انهابانهاءها العلاقه ممكن تحطم قلبه هي لم تقصد ان تلعب بمشاعره ولكن الضرر حصل ورجل بشخصيه ماجد صعب ان يترك شى احسه بالحياه ان يذهب من بديه وغاده اعادت ماجد للشعور والاحساس حفصه كل مره اتفاجا بمستوى حقارتها وعدم انسانيتها ياترى في حال تاذى احد من ابنائها هل ستشعر وتحس وتندم ام هي الجشع والمال جعلها بلا مشاعر سلطان استطاع احتواء مشكله خاله واصبح شريك لاخيه هل سيكون يده التي تساعده ام التي تضربه رغم اني احس سلطان يحب ماجد ولايمكن ان يؤذيه روان كل مالها تقع بطريق الغلط واشعر انها ستكون الدرس للجميع شكرا على البارت وبانتظار القادم | ||||
|
| |
|
15-11-17, 11:09 AM
| #77 | |||||||||
| عضو ذهبي
| السلام عليكم ورحمة الله وبركاته فصل جميل حبيبتي تعرفي صعبان عليا ماجد بكل الفلوس الي معه مابيحس بشعور الامان وأنه محبوب بس هو ليش بيعمل هيك لغادة لازم يخطبها ساعتها هي لتشعر انو مايتلاعب فيها ولا بدو إياها عشيقة هو الغلط من الطرفين هي في الاول وهو الحين هو اكيد حينجوزها بس مش هنا المشكله اكيد خالته واخته حيعملوا مشاكل وحيوقعوا بينهم وهو اصلا مابيثق بحدا حيظلم غادة وحيظلم حاله امتعتينا بجد بس ياريت تقولي الفصول اكثر من هيك وشكرا الك | |||||||||
|
| |
|
15-11-17, 02:17 PM
| #80 | ||||
| مشرفة منتدى قصص من وحي الأعضاء 
| مساء الفل والياسمين... فصل راائع تسلم اناملك المبدعة عليه... مشكورة على الفصل الهدية ومشكورة على تعبك والتزامك معنا... لا تقولين ان الموبايل الذي وقع من ماجد في شرفته هو الذي به التسجيل وان الخادمة ستسلمه ل ام سلطان لكن عندي امل ان ماجد عامل password لا يمكن اختراقها وبالتالي لن تستطيع فتحه ام سلطان او غيره باعتباره رجل اعمال مشهور هذا المفترض ان password محمية، اعتقد على غادة محاولة الطلب منه من جديد محوه من الموبايل وتذكر له احتمال سرقة الموبايل او نيسانه له في مكان واذا اراد ان يحتفظ بالفيديو يحتفظ به على قرص CD او على اللاب توب وممكن اذا كما قادتنا افكار صح ماجد سيقتنع ويمسحه من الموبايل وممكن حتى لا يحمله على مكان آخر لكن لا يخبر غادة عنه مع اني ترجمة كلمة مستحيل يمسحه ليس لانه سيهددها به بل لانه كلمة اراد رؤيتها يفتحه ويراها، بالنسبة لتقرب ماجد من فيصل لا اعتقد انه من اجل تنفيذ التهديد بل لانه يريد ان يكون قريب من غادة وايضاً لانه معجب بشخصية فيصل واكيد تربية فيصل تدل على تربية غادة التي ماجد كانت سبب تعلق ماجد بها من البداية والواضح بها عزة النفس وممكن يختبر في غادة بالنسبة ل فرضه عليها المال وممكن يعلم انها لن ترضخ او لانه اصبح يعلم انها يتيمة ف يريدها ان تفرح وان لا تشعر انها اقل من غيرها وضعفها الذي لم يعجبه هل يريد تدريبها ان تكون قوية لانه سيتزوجها وستكون في مواجهة ام سلطان ف لا يريد ان تسيطر على زوجته، ماجد يعلم اكيد ان طريقته لن تجعل غادة تحبه لكن اعتقد ان تعلقه بها وحاجته لها اعمته عن التصرف السليم، كل فصل ماجد وتصرفاته تأخذ تفكري مرة معه ومرة ضده، اعتقد ماجد سيجن رسمي لو علم بالخاطب خال صديقة نجد ... غادة عدا عن الفراق الشاسعة بينها وبين ماجد هل الشعور بالندم والذنب والرعب من ماجد اطفاؤ المشاعر الوليدة تجاه ماجد او لا زالت تلك المشاعر حية، لا اعتقد ان غادة ستفتح قلبها ل ريم فهي الان تريد ان تخبئ ماحدث معها عن الكل لأنها تعتبره غلطة كبرى، غادة مثل المريض الذي لا امل ب شفائه ولكنه يبحث عن شفاء بكل طريقة، اعتقد ان غادة ستسحب المال لكن لن تشتري به شيء فقط من اجل ان تتفادى غضب ماجد وستشتري من مالها فهي تعلم انه سيعلم فقط انها سحبت المال واذا حدث وانفصلوا برضى ماجد ستعيد وقتها المال للحساب الذي لا اعتقد انها ستلمسه مرة اخرى وممكن الى وقتها ماجد يكون عاد له عقله ولن يحدث لها مشكلة واذا حدث العكس وتزوجها ستعيده له مباشرة، مع اني اعتقد انه يعلم انها لن ترضخ لتهديده وتأخذ المال وممكن سيفعل مثلما فعل في المطعم وسيشتري لها الفستان ويضعها امام الامر الواقع، علاقة غادة وماجد في اشدها وبها تحدي عن من ينجح في فرض السيطرة وايضاً اعتقد اصبحت ل ماجد تحدي ان يملك مشاعر غادة ممكن بعدها اما ان يتركها او يتزوجها مع ان هذا المرجح عندي الان... اعتقدت لحظت التناقض في التعليقات والسبب ان العنوان وتصرفات ماجد وغادة مرة تأخذني ان ماجد فعلاً يحب غادة وانه فقط يريد تعليمها درس وبعدها يبدأ كسب ودها ومرة اقول انه يحبها لكنه لن ينسى كلامها وبدايتهم ستقف عائق وانه بعد ان يجعلها ترضخ ويشعر انها بادلته الشعور سيدوس على مشاعره ومشاعرها وينتقم لكبرياءه ويرحل بعد ان يتأكد ان غادة لن تكون لغيره وممكن يتزوج كما فكر من قبل في واحدة تناسب مكانته وتكون آلة تفريغ ولكن ليست سمر لأنها ايضاً اصبحت خارج خريطته، بانتظار الأحداث القادمة... السلطان فعلاً اراد مساعدة ماجد من الخلاص من خاله وانا بصراحة اعتقدت انه نسخة من والدته عندما قام بما قام دون اخذ رأي ماجد... روان وبدأت تقع واعتقد ان الشياشة مغلمة وبانتظار ما سيحدث معها والتي ستكون هي العقاب الذي سيأخذ حق والدة ماجد من ام سلطان، انت قدمت نموذجين لفتيات وطريقة تربية الاهل ف غادة نموذج وروان نموذج غادة التي ربتها والدتها تربية حسنة وبدون اب وافنت تلك الوالدة الغالي والرخيص من اجلها واجل اخوتها وتلك التربية صحيح غادة اغريت وحاولت ان تكسر الروتين ولكنها عندما لم تنزل لدرك الأسفل وبل عندما وجدت نفسها بدأت بالتعلق ب ماجد حصنتها تلك التربية وتراجعت اما روان لا وجود لتربية الام بل تربية ناني مثلها مثل اخوتها وهاهي هي لا تهتم بدرستها ودخلت طريق لا تعلم نهايته... انا والد ماجد تمنيت ان يرحل دون اسف عليه لانه هو الآخر طماع ف هاهو بعد ان حذرته مضاوي من انه قد يتزوج ابنه اجنبية يقف ل ماجد ويكذب ويقول انهم هم من خطبوها ومع انه كلن حاضراً عندما اشترط ماجد عدم ذكر الخطبة او التصرف دون ذلك ومع ذلك هاهو يكذب ويقف في صف ام سلطان واصبحت الان اخاف على غادة اذا تزوجها ماجد لان قبل كانت ستواجه نساء فقط ام سلطان وسمر والان اكيد سيدخل ابو ماجد لانه خاتم بيد مضاوي... مضاوي ماهذه الواقحة والثقة تعترف امام ماجد انها ستطين عيشة زوجته اعتقد الثقة من وقوف ابو ماجد معها وسماعها كذبه اعتقد على ماجد شراء مكان خاص به اذا لازال القصر ملك والده مع اني فهمت انه ملكه المهم اذا ملكه يطلب منهم الرحيل واذا ملك والده يرحل لمكان خاص به الشقة التي اخذ لها غادة او الشقة التي اشتراها في منطقتها، فهو يعلم نوايا مضاوي واكيد لديه خلفية عما فعلته ب اختها ف كيف ستتصرف مع الغريبة اذا لم ترحم اختها المريضة التي من لحمها ودمها... تذكرت الخواطر رائعة هل هي كتاباتك ام هي اقتباسات لان عليك وقتها ذكر المصدر حماية لحقوق الفكرية... موفقة بإذن الله تعالى... في حفظ الله ورعايته... | ||||
|
| |
 |
| أدوات الموضوع | |
| انواع عرض الموضوع | |
|
|
222Likes
العرض العادي
