17-10-17, 10:41 AM
| #31 | |||||||||
| عضو ذهبي
|  الرواية مشوقة يعطيك الف عافيه باين فرق السن بين ماجد وعادة كبير لكن مو مهم طالما متفاهمين بس ليش ماجد مايخطبها وبعدين تكمل عنده زي صديقتها مها وعادة شخصيتها حلوة قويه وطيبة وحنونة أما ام سلطان شكلها هي وسمر ليكونوا سبب المشاكل الله يعين الابطال من بلاويهم وشكله ابو ماجد شخصيته ضعيفة فصل جميل | |||||||||
|  |
|
17-10-17, 12:40 PM
| #32 | ||||
| نجم روايتي
| اليوم بدأت قراءة الرواية ولم استطع تركها حتى وصلت لفصل اليوم وان كان طريقة تعارف ماجد وغادة خطأ ومرفوضة طبعا ( وهذا سبب شك ماجد الدائم فيها) .. الا ان تتابع الاحداث جميل .. معرفتهم مع بعض .. علاقة الندية فيما بينهم.. راحة كل منهم بالتحدث مع الاخر.. تفاصيل جميلة وممتعة بانتظار معرفة تفاصيل مها وخطيبها ... روان اخته مع من تتحدث ؟؟ متابعين معك عزيزتي | ||||
|
| |
|
17-10-17, 01:17 PM
| #33 | ||||
| مشرفة منتدى قصص من وحي الأعضاء 
| صباح الورد والجوري... فصل رائع تسلم الأيادي عليه... غادة تفكر انها تعلقت به لانه محتاجة وليس لانها تحبه اعتقد انها مخطئة لو هي مثلما ذكرت صديقتها كانت ستحكي له عن كل ما يخصها حتى تسمع رأيه في اي مشكلة او موضوع يخصها لكن هي وضعت حاجز بينهما اكيد لانها خائفة ومع هذه ايضاً مستغربة منها خوفها من ماجد المفترض منها بما انها خائفة وغير واثقة منه ان تنهي الإتصالات التي بينهما وليس ان تستمر كل هذه المدة كل ذلك لان مشاعرها هي من تحركها لذلك لم تستطع قطع التواصل معه وان شعور بالذنب انها تقوم ب امر يخالف تربيتها ويخون ثقة والدتها هو اساس علاقتها ب ماجد بمعنى عدم راحتها ان تتكلم معه عن اهلها او ان تعطيه اسمها الكامل واكيد هي تعلم بعد هذه الفترة ان ماجد لا يلعب معها... ماجد مثل الاعمى الذي يبحث عن نور وسط الظلمة في علاقته مع غادة يريد ان يصل لها كي يرتاح وكي يشعر انها الاختيار الصحيح هو من مكالمتهم يعلم انها اختيار صحيح لكن يريد ان يحكم بعد التعرف عليها بدون الغموض الذي تحيط نفسها به لان هذا الغموض هو من يجعل ماجد متقلب معه ومن الطبيعي ان يدخله الشك وتمسكه الغيرة لان هو غادة تعلم عنه الكثير في المقابل لا يعلم عنها شيء، فهما فهم من مكالمتهم يبقى انها تفضل ان تفصله عن واقعها هو الذي يدخل الف سؤال وخاص ان ماجد واضح معها ومن حقه ان يحصل في المقابل على نفس وضوحه لن يرتاح ماجد الا بعد ان يراها ولو من بعيد ولو لمحة او يعلم عنه لو شيء بسيط وقتها هي نفسها ستجد ماجد آخر وذاك المتقلب معها يختفي ، لا اعتقد ان ماجد لازال يختبرها في موضوع الهدايا لكن لماذا اصراره على تقديم الهدايا فهو كما فهمنا ليس معتاد على العلاقات ومبتعد عن البنات من سنوات وحتى عندما طاش لوجود سبب ورحل طياشه مع تلك المرحلة، ماجد مهتم ان تكمل دراستها وهذه نقطة في صالحه لكن هل من المعقول ان ينتظر 3 سنوات حتى تنهي دراستها فهي في السنة الثانية جامعة لا اعتقد ان ماجد سينتظر لا عمره ولا وضعه الاجتماعي سينتظر تلك السنوات... ام فيصل ما سبب عدم خروجها وكأنها قطعت نفسها عن الحياة... روان هل سهرات سهرات مش تمام لان ما اثار شكوكي لبسها البيجاما التي كل قطعة من بيجاما وهذا دليل انها عادت لبيت اما مخمورة اما عقلها طاير... ام سلطان الأفعى هي لا تخفي نواياها بل تجاهر ان همها فقط المال مع ان اعتقد لو نجحت وزوجت سمر ل ماجد ستخسر المال لان سمر صورة طبق الأصل منها واكيد بعد ان تصبح زوجة ل ماجد ستنقلب على خالتها اول واحدة وما تفكر فيه ام سلطان ان من سيختارها ماجد هي من ستأخذ كل شيء سينطبق حتى على ابنة اختها اكثر من الغريبة التي تخافها... انا العنوان جعلنا اشك ان ماجد وغادة قصتهم نهايتها وافتراقا للأبد وليس عاشا بسعادة للأبد فهل ستنتهي قصتهم فقط من المكالمات او ان القدر سيربط طريقهما ويتقابلا وبعدها سفترقان... موفقة بإذن الله تعالى... في حفظ الله ورعايته... | ||||
|
| |
|
17-10-17, 02:33 PM
| #34 | ||||
| نجم روايتي 
| فعلا ما يقلقنى عندما أقرأ الروايه وأتابع علاقه ماجد وغاده هو العنوان احس ان علاقتهم ستنتهى بأى طريقه وفى اى وقت مهما كانت قوتها ومنتظره لاعرف السبب اكيد مرتبط بأم سلطان أتوقع ذلك بالتوفيق بالقادم | ||||
|
| |
|
04-11-17, 04:45 AM
| #38 | ||||
| كاتبةفي قسم قصص من وحي الأعضاء
| صباح الخير : : الجميلة ebti اقرن شكري بـ عُذري : : " أشهد ان الهوى مابه عدال هو خليٍ وانا قلبي عليل " : : ركض فيصل لكافتريا النادي : هات عصير بسرعه ورمى عليه ٥ ريال ورجع يركض للمكان الي جالس فيه ريان ليجد مجموعة متحلقه حوله : طاح فيصل : فيه سكر حاول تمسكه نشربه العصير المدرب ؛ لازم ننقله للمستوصف يا فيصل طبيب النادي : اتصلت على الأسعاف حاول تعطيه العصير يا فيصل .. اتصل فيصل على فهد ( ان الهاتف المطلوب لا يمكن الاتصال به الآن ...) رجع لمحادثته مع فهد يبحث عن الرقم الي عطاه ووجد الرقم : الوووه ؛ السلام عليكم ؛ من معي !!؟ ؛ انا فيصل الصعب صديق ريان ماجد ؛ ريان فيه شيْ فيصل ؛ بننقله للمستشفى الحين : : روان : هلا نواف يالله انا طالعه بس هاه كوفي ومكان عام .. نواف : اوك تعالي التحلية بعدين تركبين معي ونشوف لنا مقهى اوك بيبي روان : اوك حبي نزلت مع الدرج للصالة الداخلية : كويس مافيه احد افتك على الاقل من الاسئلة .. : : غادة : نجد فيصل ماجاء اخاف اقلق امي وهو ماله ساعه متأخر .. نجد : غادة روقي يمكن طلعوا مكان بعد النادي .. والا مسكتهم زحمه غادة : اتمنى بس ادق ويرد مدري ليه شايل معه جوال ام فيصل تدخل : فيصل مكلمني مع ريان في المستشفى تعب عليهم ياعمري وودوه المستوصف وجاء قريبه واخذه لمستشفى ثاني وفيصل معه .. في المستشفى ماجد : ماتقصر يافيصل فيصل : افا عليك ريان مثل اخوي حنا مع بعض من خامس ابتدائي .. ماجد : الحين بما اننا تطمنا عليه برجعكم للبيت فيصل : لاوالله انا باطلع الحين الاهل يقلقون علي ..وبما انك مع ريان وانا تطمنت عليه ماعليه خلاف بادخل اسلم عليه وامشي .. راقب ماجد فيصل وهو يبتعد ؛ ماشاء الله عليه شاب صغير لكن عاقل وراكز حتى احس انه اكبر من ريان ../ : : مها : مشاعل اقولك اقلقني يدق من امس مابي اكلمه طيب مشاعل : طيب ردي عليه تراه زوجك واحسن اذا تواصلتي معه تتفقين على كل شيء معه مباشره بدال اهلك مها : تدرين من الملكة كل يوم يرسل الصباح احس باله طويل وانا ولامره رديت عليه .. مشاعل : غبيه ، يقولون اجمل ايام ، ايام الملكة .. مها : يالله باسكر واشوف اذا دق هالمره رديت .. بعد انتظار ... الو ؛ السلام عليكم مها : وعليكم السلام منصور ؛ وش هالثقل يابنت العم مابغيتي تردين !! مها ؛ معليش عندي امتحانات هالفتره والجوال الاغلب ع السايلنت منصور ؛ كويس اجل رديتي لان فيه موضوع باكلمك فيه قبل لا كلم فيه عمي .. مها: عسى خير منصور : قررت احدد الزواج بعد شهر ونص مها ؛ خير !!!!!خير !!!!وين الي يقول دراستك اهم شي والله اني عارفه انك كذاب وانك ماتبيني اكمل ولاهم يحزنون وسايق علي الاهتمام ومزعجني من البارح عشان تعلمني طيب اذا قلت لا ، ! رأييي له اهمية والا تحصيل حاصل ..!! هاه ،،!! اكيد ماراح يكون مهم وبتسوي الي تبيه لكن ترى باكمل دراستي لو اروح كل يوم الصباح مشي من الدمام للرياض ..!! فاهم !!! .. وسكرت الخط .. منصور الي ناظر في الجوال مذهول من سيل الكلمات الي امطرته مها فيها ؛ امحق انوثه هذي مالها سيره الا الجامعه معمول لها عمل فيها والا وش السالفه !! زين اجل منتي وجه تفاهم ومشاور ..! في منزل غادة على طاولة المطبخ تشرب كوب شاهي وتقرأ السلام عليكم : هلا فصولي فيصل : وين امي ونجد غادة : نجد تدهن امي بكريم العضلات في غرفتها .. هاه وش لون ريان ؟ فيصل ؛ والله ياغادة تعبان مره اتوقع الي فيه عين تخيلي فجأة فيه سكر وفجأة طبيعي ، غادة : يالله ، الله يشفيه طيب قول له يقرأ البقرة فيصل ؛ هو خلاص مقتنع انه مريض سكر في البداية داخ ورحت اجيب له عصير يوم جيت الا مغمى عليه ، كلمت فهد طلع مقفل اتوقع عنده رحله وكلمت قريبهم من بعيد وصديق فهد والله ياهو كاااااااش تخيلي سيارته بمليون و ٢٠٠ غادة ؛ الله يهنيه ، ماعليك من المظاهر الناس باخلاقهم ( وهي توقف وتاخذ كوبها للمغسلة ) فيصل وهو يضحك : وابشرك اخلاق بعد اسمه ماجد العالي !!!! صوت ارتطام الكوب بالارض وتحطم الزجاج وارتباك غادة خلت فيصل يوقف : بسم الله انكسر الشر ان شاء الله ! غادة وهي مرتبكة لاتجي لين اكنس الزجاج فيصل يرجع ويكمل سالفته ؛ المهم تخيلي يوم وداه مستشفى ثاني كل الي في المستشفى بس دروا انه موجود راحوا يركضون يمين ويسار حتى مدير المستشفى بنفسه جاء عندنا عاد ريان استغرب اني ماعرفه يقول معروف غادة بحده ؛ فيصل من متى انت تهتم بالمظاهر والفلوس وتناظر الي عند الناس !!! فيصل ؛ افا وراها قلبت علينا يابنت الحلال من قال اني اناظر الي عند الناس اسولف عليك بس رمت غادة الزجاج في السلة واخذت كتابها وطلعت من المطبخ وصلت عند الدرج ومسكت قلبها وضغطت عليه ; يالله يالله وش هـ الصدفة !!!! ؛ في سيارة ماجد ريان ؛ والله مشوار عليك كان السواق بيجيني ماجد ؛ يارجال شكلك ماتبي خوتي ريان ؛ ههههههههههه لاوالله من قدي انت بنفسك تمشوربي ماجد ؛ ماشاء الله على صديقك فيصل ولد راااكز ماشاء الله ريان ؛ اي معتمد ع نفسه لان ماله اخوان ماعنده الا اختين وابوه متوفي .. : : في منزل مها مها باستغراب ؛ يمه كيف يعني اسكن الرياض ام مها ؛ الحمدلله يقول عنده نقل للرياض وبيتزوج وتكملين وانتي عنده مها : الكلام اكيد والا يلعب علي لين نتزوج ويقول الرياض بح ام مها : هذا الكلام الي قاله لابوك وشوفيه يدور شقه وحجز في قاعه حتى رفض يكون الزواج عائلي مها وهي تقوم من عند امها وتدق على جوال منصور ؛ مايرد !!! شوي الا اتصل وردت ؛ مساء الخير منصور ؛ يامساء الورد مها ؛ الكلام الي امي قالته لي صحيح منصور ؛ وانا وش يدريني عن الكلام الي قالته امك مها ؛ قصدي انك بتنقل للرياض منصور ؛ اي نعم صحيح وان شاء الله القى حجز خلال هالشهرين مها : بس ماقلت لي !؟! منصور ؛ ماعطيتيني فرصه يابنت العم والا كنت ودي انك اول من يدري مها ؛ طيب شهرين ماتكفيني جهاز وعندي اختبارات منصور ؛ الا فيها بركه اختباراتك بقالها اسبوعين ركزي فيها وبعدين جهزي والي مايسعفك الوقت له نجيبه بعدين ترى ماحنا مهاجرين والاسواق مفتوحه على مدار السنة مها ( مالقت كلام تقوله )؛ طيب احس بدري منصور بجديه ؛ مها ! انا اعمل على ان كل امورك تكون سهله فلا تصعبين علي اموري الله يرضالي عليك .. ؛ دخل ماجد الاستراحة وللمرة المليون يتصل على غادة وماترد !! بدا يضيق نفسه وينزعج ويحس بـ الحرارة في جسمه : ليه ماترد !! والاهم ليه يحس بكل هـ الضيق اذا ماردت !! وبدا اتصال ثاني مع شخص ثاني : عبدالكريم حددت لي موقع الرقم ... حلو .. انت في العمل ... ممتاز .. اجل ارسل لي الاحداثية الآن وبدون مايجلس اخذ شماغه ومفتاحه وطلع مره ثانية .. .. في منزل غادة على سريرها تجلس ضامه رجلينها الجوال قدامها تراقب الاتصالات .. ماتقدر ترد !! معرفة انه توه مقابل اخوها ارعبها ورجعها لورا الف خطوة الاحساس المتنامي داخلها بالذنب بدا يرتفع لأعلى حد .. معركة ضارية بين عقلها وقلبها .. لا لا .. قلبي ماله دخل المسألة مسألة روح هذا الشخص تحتاجه روحي لكن عقلي يرفض وقلبي يتفرج لانه اضعف من اني احطه في هالمغامرة .. و ( بمحاولة لتقوية النفس ) اقدر اتركه وبدون مالتفت فقط مع السلامه او حتى بدون وداع اكسر هالشريحة واختفي وانسى والنسيان سهل .. لكن بغض النظر عن قدرتي انا مابغى اتركه واصعب القرارات بين القدرة والارادة ....اسندت راسها على ركبتها بتفكير .. لازم اخذ بريك وارجع خطوة رفعت راسها واخذت الجوال وارسلت رسالة قصيرة لماجد ... .... قدام بيتها في سيارته جته الرسالة ( مرحبا ماجد .. اسفه ماقدرت ارد على اتصالاتك الوالدة كانت موجودة .. وبابلغك اني باكون مشغولة هالفترة عشان الاختبارات .. گُن بخير ..غ ) تنفس بعمق كان حاس انها تتراجع ناظر البيت الصغير وانيق من برا بيت مرتب وصغير وفي حي هاديء .. ابتسم كلمة الاناقة والسحر مرادفة لكل حاجه تتعلق بغادة من رسايلها الانيقة المتكلفة لصوتها الهاديء الانيق لتفكيرها في كل شي وهو متأكد انها تتراجع لانها بدت تسترخي اثناء المكالمات بدت تفقد نفسها معه ..لكن الآن بعد ماعرف بيتها حس براحة كبيرة .. خلها تتوهم انها في مأمن منه وتبتعد وترجع براحتها طالما يعرف دايم وين يلقاها ..رفع نظره للشبابيك العلوية كلها منورة من الداخل ( اي وحده غرفتها ) وفي اي وحده متواجدة واحساس بالإثارة يرتفع اخيراً عرف حاجة عن غادة الغامضة ..!! واخذ جواله وارسل ( موفقة حبيبتي .. فقط قلقت ادرسي زين وطمنيني عليك ..ماجد ) ........ مشت غادة متوجهه لطاولة صديقاتها تحس بانشراح وروقان اليوم خاصة بعد مابشرتهم مها انها بتعيش على الاقل مبدئياً في الرياض والشي الثاني نفسياً تحس انها بتستعيد نفسها شوي شوي بتتخلص من علاقة ماجد خاصة ان الايام الي راحت قلت مكالماتهم جداً صباحكم سُكر : صباح النور غادة : يالله مهاوي عطيني التفاصيل ريم ؛ تخيلي اتصل بيعلمها اول وحده وانفجرت عليه ام لسانين مشاعل : والله حظك حلو الي اكبر مخاوفك بترتاحين منها مها : تخيلوا يرسل كل يوم ادعية وشعر واذا كلمته ماشاء الله رايق والدنيا سهالات عنده غادة : حلو طيب انتي بعد وريه ان الدنيا سهالات ترى ماتحتاجين جهاز واو واحنا بنساعدك نغمة اتصال قطعت كلامها وطلعت جوالها وهي تعرف المتصل رفعت يدها لصديقاتها وبعدت عنهم ؛ الو ماجد : صباح الخير غادة : صباح النور ماجد : كيفك اليوم ماعجبتيني البارح غادة : اي انفلونزا غير اني احاول اركض بين الاختبارات والبحوث واعمال الجامعة ماجد : اذا تبين مساعدة انا بالخدمة ارسلي البحث ودقايق وهو عندك غادة تضحك : ماتصير ماجد لو ماعرضت خدماتك ماجد ؛ عليك بس ترى .. عموماً ماقدر اطول انا طالع الحين جنيف يمكن ارجع الخميس .. اشتاقي لي غادة : بحفظ الكريم ماجد ؛ تبين شي مناك غادة : اي ابي ثلج ماجد ؛ الثلج نروح له مانجيبه اذا تبينه سافري معي ضحكت غادة ( تكره تلميحه لها دائماً بكونها خويته )؛ اوك انا بادخل الكلاس الآن تروح وترجع بالسلامة .. نزلت الجوال ريم بفجأة؛ يالله تأخرنا غادة : بسم الله ريم ؛ سرحانه مالومك تفكرين في الحبيب غادة بمكابره: الحبيب مره وحده لو حبيت مستحيل احب واحد زي ماجد العالي ريم ؛ اجل ليه قاعده معه غادة بهزة كتف ؛ اتسلى !! :: على الطرف الثاني عقد ماجد حواجبه بغضب بعد الي سمعه من غاده رجع حط الجوال على اذنه وكل الي سمعه ازعاج بنات وسكر الجوال : : وصل ماجد الفندق في جنيف ومازال يشعر بالغضب من كلام غادة لصديقتها احرقته فكرة انه تسليه وأنه موضوع حديث متبادل مع صديقاتها .. .. وفي قارة أخرى كانت غادة تضحك بصوت عالي من أسلوب مها : اوك مها سوالفك ماتنمل بس ماما من اليوم لحالها بانزل اتقهوى معها مها : زين وبالمره تمهدين لها اننا بنجتمع غادة : قلبي ماعمرها رفضت ان شاء الله نتقابل عشان نخطط لجهازك صح مها : قولي آمين ان شاءالله تنخطبين وتتملكين ونجهز سوا غادة بضحكه : بقى لزواجك ست أسابيع حتى لو انخطبت باقعد افكر لين تتزوجين وارد ... : : : منزل ماجد ,, ام سلطان : عبد العزيز شوف احد معارفك يوظف روان سلطان : والجامعة ؟؟ أبو ماجد : انتم ماتدرون عن بعض ؟! اختك تاركه الجامعة من شهر سلطان : ليه طيب ؟ وليه تبي وظيفة ورفع سماعة التيلفون الداخلي : ليزا نادي روان ام سلطان : روان طالعة مش فـ البيت رايجه مع صديقاتها سلطان : زين انا باتكلم معها لازم ترجع الجامعة أبو ماجد : ماتبي الجامعة واشك انها تبي الوظيفة البنت لامبالية واتكالية وناظر زوجته ام سلطان : وش قصدك ؟؟ سلطان يوقف : يالله بدت الحرب انا أستأذن : : : يوم الأربعاء في المطار ماجد وفهد طالعين ماجد : دايم انت في الجو وهذي اول مره تصدف اركب معك فهد : لو الامر راجع لك خليتني سواقك يالشيخ ماجد : افاا يابو تركي هذا وانت الي تعرفني زين فهد : لاني اعرفك زين اعرف ان في سماك غيوم ( كناية عن تعكر المزاج ) عسى ماشر وانا اخوك ماجد بثقل : مشاكل عمل فهد : على أساس اني ماقد شفتك وانت عندك مشاكل عسى ماشر ياماجد الاهل فيهم شي ماجد : كلهم بخير تركب معي والا سيارتك هنا فهد : سيارتي هنا اشوفك بكرة سلم واسلم : ركب ماجد سيارته واخذته الهواجيس نجاح رحلته لجنيف العملي سببه غضبه من غادة هلك نفسه عمل حتى اختصر وقت الرحلة وانتهت الصفقة بشروطه ... ولقى نفسه على الطريق الي يودي للحي الي فيه غادة زفر بس بامر اشوف البيت في النهار .. : : " أحفظ انا حجار الطريق .. الي يودي لـ بيتها .. واعرفها زينٍ وانا .. لاشفتها .. ولاجيتها .." قراءة ممتعة صديقاتي | ||||
|
| |
|
04-11-17, 02:47 PM
| #39 | |||||||||
| عضو ذهبي
| مرحبا الرواية ممتعة الصراحة وجديدة واسلوبك كتير حلو ياترى هل ماجد الحين بيحقد على غادة من الي سمعه هي غبيه في الي قالته اذا ماراح تكمل معاه تسيبه ليش تعلقه راح تندم كتير اصلا الموضوع من اوله غلط هذا الي بيعملوه البنات لاهو من ديننا ولا تقاليدنا اتمنى انها تفهم غلطها وماجد شب كويس كتير ومحترم في الاخير اتمنى تنزلي الفصول في معادها لانك طولتي كتير علينا. موفقة بإذن الله | |||||||||
|
| |
 |
| أدوات الموضوع | |
| انواع عرض الموضوع | |
|
|
222Likes
العرض العادي
