12-04-17, 08:36 AM
| #23 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام 
|  \\ البارت الحــــــــــادي عشــــــــــر بسم الله نبدأ مثبته على الارض ونازل فيه ضرب طلع كل قهره فيه للحين مو مصدق ان عبد الرحمن يسويها عبدالرحمن الفقير العايش على باب الله يسوي زي كذا كافي كافي لمتى رح يظل يتلقى الصفعات من الناس القريبين حاس بالعيال الي يحاولون يبعدونه عنه بس مو قادر يبعد خلاص تعب تعب من الناس الي كذا نفسه يذبحه ويذبح الناس الي يبعيون العشره بذيه الطريقه عبد الرحمن صديقه من ايام الثانوي كان يعتبره اخ هو يعرف نص الجامعه بس عمره ما قرب احد منه غير عبد الرحمن ليش ليش مكتوب عليه انه يعيش بعيد عن الناس ليه القريب صار يخاف منه اكثر من البعيد ليه الدنيا ضده كذا نسي انه تعلم الكارتيه ان ضربات ممكن تكون اقوى من اللكمات العاديه كل الي يبيه يرتاح من الوجع الي تسرب لقلبه ............................ بندر : اوووف من ذا الراكان لي ساعه ادق عليه ما يرد هلال يلعب بجواله وهو يمشي : غريبه وش تبي فيه مو من عوايدك تسأل عنه بالجامعه بندر يناظر للتجمهر الي بالكافتيريا : عندي امانه لازم اوصلها هلال رفع راسه من الجوال : ياخي انت والراكان ذا اسراركم ما تنهي بالله بندر يضيق عيونه : هلال مو كأن ذا راكان ؟! هلال يناظر للمكان الي يناظره بندر : ايه هو ... شوف المجنووون بيذبح الولد !!! ركض بندر باتجاه راكان الي واضح عليه انه ناوي يذبح الي تحته وعبدالرحمن يحاول يدافع عن نفسه من غير جدوى وصل بندر لراكان واول ما وصل سمع : ااااااااااااااااااااااااا اااااه صرخه قويه طلعت من عبد الرحمن الي كان يتألم من يده الملويه ورا ظهره بندر ابعد الي كانوا يحاول يبعدون راكان لكن من غير فايده وقرب منه وحط يدينه بين اكتافه وسحبه لورا بحركه قويه وثبت راكان بركبه من تحت عشان ما يقدر يتحرك بحكم انه درس الكاراتيه مع راكان : راكاااااان خلاص ذبحته اهدا راكان بعصبيه وهو يحاول يفك نفسه من قبضة بندر صرخ : الله ياخذه الله ياخذه اتركني بذبحه اتركني .. بنداااار ابعد عني لاذبحك معه بندر صرخ على الي حوله : ابعدوا الولد من هنا مقدر امسكه اكثر هلال يكلم العيال الي حوله : احد يجي يساعدني واتجهوا لعبد الرحمن الي كان ماسك يده ويتلوى من الالم وكانوا رح يرفعونه بس وقفهم وصول الدكاتره الدكتور : شصاير واحد من الموجودين من نفس كلاس راكان : راكان وصديقه تضاربوا الدكتور : الدنيا فوضه احنا بجامعه مو بشارع عشان تظاربون كذا راكان قدر يفلت من بندر واتجه لعبد الرحمن ناوي كمل عليه مسكه من قدام هلال واثنين من الي كانوا موجودين : ابعدوووا من قدامي والله لاذبحكم كلكم >> فصل خلاص*_^ الدكتور انتبه لعبد الرحمن الي طايح بالارض ويتوجع بعصبيه يكلم راكان: تراك مو بشارع ولا بحلبة مصارعه ما كفاك الي سويته تبي تكمل ... يكلم الطلاب : خذوا ذا (يقصد عبد الرحمن) للعياده .. وانت تعال معي على الاداره هلال ماسك راكان من قدام وحاط يده على صدره جهة قلبه الي واضح تسارع دقاته عشان عصبيته همسله بأذنه كلام خلا راكان يهدى ويهجد شوي راكان بهدوء :وخروا عني هلال ابعد عنه : اتركوه خلاص ... فكوه العيال راكان اخذ نفس قوي يهدي نفسه وشد شعره لورا وهو يناظرهم ياخذون عبد الرحمن للعياده غمض عيونه بقوه يبي يسترجع تركيزه يحس فيه نفضه بجسمه ولساته ما فرغ كل الي بقلبه الدكتور بعصبيه يكلم راكان: قداااامي على الادااارة يالله !!!! راكان فتح عيونه وناظره بطرف عينه ومشى معه للادارة بكل هدوء بندر يناظر لظهر راكان وهو رايح : هلال وش قلتله خليته يهدا كذا فجاءه هلال يناظر للارض وعقله واضح مو معه : ولاشيء بندر مسك راسه : اخخخ راكان ذيه اليومين عصبيته زايده فرش الولد فرش هلال : اكيد عبد الرحمن مسوي شيء قوي راكان ونعرفه حتى لو تضارب مع احد مستحيل يأذيه بذا الشكل بندر : الله يستر بس بالاداااره عند راكان الاداري بعصبيه : راكاااان تكلم زين ابي اعرف وش سبب المضاربه راكان جالس على الكرسي قدام الاداري ومتكتف ومرجع ظهره لورا : مافي سبب بس كذا الاداري : انت الظاهر ما رح يفيد معك الا نجيب ولي امرك ... كسرت يد الولد !! راكان ببرود: يستاهل وشوي عليه اصلن الاداري بقهر من اسلوب راكان : لو انك مو حفيد جسار الـ........ كان طردتك من الجامعه راكان رفع عيونه له وبجمود:عادي اطردني ابركها من ساعه الاداري : انت ما ينفع معك الا يجي واحد من اهلك ويشوف حل معك .. والله كأنا بالثانوي اولياء امور وكلام فاضي سكت راكان وهو يناظر لرجوله ويفكر بحل لمشكلته الحين ما يدري وش يسوي وكيف يتخلص من البلوى الي طاحت فوق راسه بجهة ثانيه من الكافتيريا كان واقف ريان ومعه كم ورقه مهمه لازم يخلصها بخصوص التسجيل ابتسم باستهزاء بعد ما شاف المضاربه الي صارت مع راكان : واضح ان ذا الولد راعي مصايب .. الله يعين خالي عناد عليه بس ......................... بشركة جسار الـ........... ناصر كان جالس على مكتبه باسترخاء يناظر عناد الواقف يتفرج لديكور المكتب:والحين وش قررت ؟ لف عناد له وهو يمشي ببطئ باتجاه الكرسي الي قدام المكتب : مدري بس شكلي بكمل المشروع الي بديته بألمانيا ورح افتحلي شغل مستقل زي علاء ناصر : لازم تدرس الموضوع زين قبل لا تسوي أي خطوه تعرف ابوي .. لو فتحت شغل مستقل وما نجحت فيه ما رح يساعدك وبيمنعك من كل فلس بالشركه لان تنجح عناد جلس على الكرسي : ادري .. هو نظام ابوي حلو عشان الواحد يعتمد على نفسه ومو اذا طاح خلاص يسحب على الموضوع ويرجع للشركه .. لا يخليه يقوم من جديد من غير يد تساعده بس احيانا احسه مرا قاسي ناصر : بعد الي صار لعلاء احس نظامه مو زين مهما صار الواحد ببداية حياته ورح تواجهه مشاكل محتاج ليد تساعده عناد :أي والله معك حق علاء بسبب ذا النظام جرب الفقر بكل معانيه ناصر : المهم وشـ..... بتر كلمته يوم سمع جواله يدق رفع الجوال وعقد حواجبه باستغراب عناد :مين؟! ناصر وهو يضغط على الزر الاخضر : جامعة العيال ... الو ... هلا ... أي نعم ..ليه شصار ... طيب هو عندك؟ .... طيب .. خلاص مسافة الطريق واكون عندكم ... طيب ... مع السلامه ، قفل السماعه وهو يتنهد عناد: شصار رفع ناصر عيونه له ما يدري يقوله ولا لا يخاف تصير مشكله بس لازم ذا ابوه لازم يعرف هو خلاص انتهت مهمته هنا ولازم يخلي مسؤلياته عن راكان ابوه رجع ولازم تتصافى العلاقه بينهم : راكان تضاارب مع واحد بالجامعه عناد وقف : ايش ؟!!! وش صار طيب ناصر: مدري يقول الاداري انه مو راضي يتكلم عناد ببرود خالف توقعات ناصر : طيب رح اجي معك ................................... بالمستشفى عند مها : اح اح خلاص يا حيوانه من الصبح وانتي ما سكتني طق خلود : احسن جعلك بالكسر الي يكسر عظامك يا معفنه حسبي الله عليك بس مها : خلاص ترا والله من دعاويك ذيه بموت ناقصه عمر ياخي انسي الي فات مات خلود : مات في عينك امس طول الطريق وماهر نازل فيني سب بسببك يقول صديقتك غبيه زعلانه من اخوها تسوي ذا كله وقالي انتي تكذبين علي مرا تقولين ما عندها اخ ومرا عندها تسوقين امها مها : ههههههههههههههه تستاهلين مفروض تقوليله الصدق ترا على الفكره المكان ما يساعد ولا كان شرحتله القرابه مع راكان خلود : زين ما فشلتيني وقلتي ولدي زي العاده مها ضحكت بصوت عالي: ههههههههههههههههههههههههه ههههههههههههههههههههههههه ه والله كان ودي اقوله كذا بس قلت يحسبني متزوجه ويطير مني خلود : بقي عندك امل ؟! اصلن لو اقول مها بالغلط ذبحني مها : اصلن من وين يلاقيله وحده بجمال مها جاسم خلود : والله جمالك يطير عند دلاختك ذيه مها : ترا من الصبح تغلطين علي وساكتتلك عيب يا ماما : ماشاء الله انتي وياها جالسين في استراحه والله ناقصكم الفصفص والشاي مها بصوت واطي وصل لمسامع الدكتور بدر: أي والله والله اني مشتاقه للفصفص الدكتور بدر بعصبيه: تراك بمستشفى يا اخت مها ... وصرخ : يالله انتي وياها على شغلكم .. صدقوني بذا التكاسل رح ارسبكن وخلوا السبع السنين الي درستوها تروح على الفاضي مها وخلود بخوف من صراخه العالي : حاضر ... وراحوا يكملون شغلهم : خف عليهم شوي بدر : اخخخ من ذولي الثنتين زي العجايز اذا التقوا ما يخلصون سواليف.. بس ماشاء الله عليهم يطبقون كل شيء بدقه بسام بضحكه : شكلك معجب ترا غش اختار وحده مو تحب ثنتين سفهه بدر وهو ماشي يكمل شغله : انت واحد فاضي ولاز تتعالج نصيحه ضحك بسام وهو رايح يكمل شغله ..................................... وصل ناصر وعناد لجامعة الفيصل الاهليه واتجهوا مباشرة للادارة ناصر : السلام عليكم الاداري : وعليكم السلام رفع راكان عيونه لداخلين شاف عمه ناصر وابوه رفع القبوع الي بجاكيته الي اخذه من السياره يوم حس ان الجو شوي بارد وغطى فيه شعره الاحمر ورجع نزل عيونه بهدوء من غير أي كلمة عناد ناظر لراكان وانتبه لحركته بس طنش سأل الاداري : وش صار ؟ الاداري : تفضلوا اجلسوا ... جلس عناد وناصر على الكراسي اكمل الاداري : ولدكم ضارب واحد وكان بقي شعره ويكسر يده بس الحمدلله طلع التواء اقل من الكسر ... ولا هو راضي يقولنا السبب ناصر ناظر لراكان : راكان ليه سويت كذا ؟! راكان ببرود : يستاهل وليتها يده انكسرت ولو هو قدامي كان كسرتله اليد الثانيه بعد عناد بعصبيه: راكاااان .. تكلم زين ليه ضارب الولد ؟؟ ناصر ناظر لعناد يعني بالهداوه مو كذا الناس تتفاهم زفر عناد وقال : راكان يا ابني قولي شصار بينكم مو طبيعي الي سويته مهما كان ما توصل انك تضربه لذيه الدرجه راكان رفع راسه لابوه وحط عينه بعيون ابوه والكلمه تنعاد بباله"ابني"ناظرله بنظرات عناد نفسه ما قدر يفسر ذيه النظرات نظرات لؤم وألم وقهر من زماااان كان يتمنى يسمع ذيه الكلمه من ابوه بس الحين كرهها وكره كونه ابنه نزل عيونه من جديد وتكلم بصوت واطي يالله ينسمع : مشكله بيني وبينه عناد بعد نظرات راكان له وقف وقرب منه ومسك دقنه بخفيف ورفع راسه بحيث راكان يصير يناظرله عين بعين وجلس يناظر لعيونه الرماديه ونسي كل الي حوله ابحر لعالم بعييييد بعيد مرا عن الواقع رجع بذكرياته لزوجته وحبيبته ايلين تذكر الايام الجميلة الي بينهم الايام الي عاش فيها ملك معاها بس فجاءة تذكر قد ايش هي كانت متلهفه للمولود الي بطنها ما رضت تعرف وش نوعه بنت ولا ولد كانت تخمن انه ولد او بنت وتقول الام الصالحه مفروض تحس بعيالها حتى لو ببطنها كانت احيانا تصحيه بنص الليل تقوله خلاص هونت صرت احسه بنت وبعدها بربع ساعه ترجع تقول لا ولد ناظر لابنه الي يناظره باستغراب من فوق لتحت احبه واكره واتمنى اصير قريب منه واخاف من ذا القرب ماله ذنب ادري بس مو بيدي ايلين تطلعلي بكل مرا احاول اقرب منه كل ما احاول انساها يذكرني فيها ليته ما يشبهها ليت ملامحه طلعت علي ممكن يكون الوضع اهون صحاه يد ناصر الي انحطت على كتفه ناصر: عناااد شفيك ! عناد ابعد يده عن راكان : ولا شيء راكان على وضعيته يناظر لابوه ويحس بألم كبييير بقلبه وخاصه بعد نظرات ابوه حس فيها شوي حنيه بس ليش ليش مستخسر عليه شوي حنان واهتمام تنهد وهو يوقف : خلاص اظن جلوسي هنا ماله داعي ناصر : راكااان اجلس ... ولف للاداري : راكان غلط وما فسر ولا اعطى أي عذر لغلطه اتمنى تعاقبه على الي سواه راكان ما صدر أي ردت فعل ساكت ما قال شيء الاداري ما صدق الاشاره من ناصر لانه كان خايف يعاقب راكان بسبب مكانة جده بالمجتمع بس الحين يقدر يعاقبه حتى مو العقاب الي بباله بس المهم يتعاقب زيه زي غيره : اولا لازم يروح يزور الولد لان الي سواه مو شوي مهما كانت المشكله الي بينهم ما توصل لذا الحد والعقاب الثاني لانه تجاوز الثلاث انذارات الاولى بس رح يكون سهل لازم يحظر مشروع كامل ومتكامل عن كل ماده ويشرح بالمشروع المادة بالتبسيط ناصر : ولا يهمك رح ينفذه راكان مو رايق للنقاش سكت منهم ومخليهم على كيفهم يعاقبون ويحددون لان الي يشغله الحين اهم من كل شيء بالحياة طلعوا من الاداره ناصر : راكان الحين ممكن تفهمني وش الي صار راكان بهدوء : يا عم مشكله بسيطه بيني وبينه عناد : بسيطه وتكسرله يده !!! راكان : يستاهل اكثر من كذا تنهد ناصر عارف راكان مستحيل يسوي زي كذا غير لسبب قوي بس مافي شيء يخليه يوصل لذيه الدرجه : طيب بنروح نشوف الولد ورح تجي معنا راكان: مستحيييييل عناد : راكاااان من فوق خشمك رح تروح والي بينكم تحلونه بالهداوه راكان بعصبيه : والله ثم والله لو اروح عنده رح اكمل عليه عناد : رح تجي يعني رح تجي وبشوفك بس تلمس شعره منه راكان : ترا توك جاي مالك الا يومين لا تسوي الامر الناهي ترا مالك سلطه علي عناد فور من العصبيه وهو ناوي عليه : راكاااااان ليته ذا الولد كسر راسك بس والحين السالفه عناد رح تروح يعني رح تروح ونشوف من كلمته تمشي ناصر بينهم ما يدري يتدخل ولا يخليهم بس اذا تركهم مو بعيده يولعون ببعض : عناااد استهدي بالله ... وانت يا راكان تكلم باحترام كم مرا اقلك اسلوبك ذا لازم تعدله راكان : يا عم احس بنار بصدري للحين ما طلعت الي بقلبي مقدر اشوفه ما اتحمل رح اذبحه بأرضه ناصر ناظر عناد : عناد خلاص ما تشوف حالة ابنك روحوا للسيارة وانا بشوف الولد وبجيكم عناد بعناد : رح يجي معك ويشوف الولد ... ترا دلعك ذا خرب الولد زفر راكان ما يضمن نفسه اذا شاف عبد الرحمن :ادري انك تكرهني وما تطيقني .. بس اول مرا اطلب منك طلب ما ابي اشوفه والله مقدر انا اعرف نفسي مستحيل اتحمل اشوف شكله عناد : كلمتي ما رح اثنيها !! راكان بقهر منه قاعد يترجاه ولا همه : جيه ما رح اجي ناصر: خلاص انت وياه عناد انت الاب العاقل لا تحط عقلك بعقله .. وانت ابوك قال كلمه لا تجلس تعاند وقدامي الحين رح تجي معنا راكان حط اصبعه السبابه والابهام بين عيونه يهدي نفسه كل شيء الا عمه ما يبي يكسر كلمته: طيب بس اذا صار شيء انتم تتحملون مسؤوليته عناد : المس شعره منه وشوف وش بيصير ناصر بقلة حيله : عناد خلاص راكان ناظر لابوه شوي وبعدها مشى للعياده ومشوا وراه ناصر وعناد :هلال شوف مو ذا ابوي وعمي عناد هلال رفع عيونه من جواله الي ما يفارقه :ايه هم ،عمي عناد بالموضوع اكيد راح فيها ولد عمك ذا بندر تنهد : بروح اشوفهم مسك هلال بيده : نصيحه لا تروح خلهم يتفاهمون لحالهم بندر: على ساس ما تعرف راكان لسانه فالت وبيجيب العيد مع ابوه هلال ترك يده ورجع ناظر لجواله : براحتك بس صدق لو تحب راكان كان خليته مع ابوه لازم هو وابوه يتفاهمون لمتى رح نظل احنا بينهم وسيط ودفاع بندر ناظر لهلال اول مرا يقول شيء مفيد : توني ادري انه عندك مخ تفكر فيه هلال : هاهاها شايفني بندر مرافق راكان بندر يتفل على نفسه من العين : تف تف من الحاسدين ... اخاف بكرا تخرب علاقتنا من وراك انت وفيصلوه هلال : اصلن مافي شيء يستاهل الحسد تجتمعون على شر احسدكم على ايش بالله بندر : شر ولا خيرهههههههههههههههههههههه هههههههههه والله حلوه هلال يتحمد نعمة العقل وسفهه وراح .................................................. . بالمدرســـــــــــــة عند البنـــــــــــــــــــــ ات وقت الفســــــــــــحه : اوووف والحين اتفسح مع مين كل الي بالفصل ما دخلوا مزاجي ... وناظرت لورا شافت بنت خالتها نوف (بويه) جالسه على الكرسي وفيه بنت ثانيه شعرها طويل لاخر ظهرها جالسه قدام نوف على الطاوله وتتكلم بدلع ماصخ انتبهت نوف لها وابتسمت بود البنت لفت وجه نوف لها بغيره رنيم بصوت عالي تكلم البنت: يع يع من زينها اشبعي فيها البنت بدلع ماصخ وهي تنزل من على الطاوله بمياعه وتلف يدينها حول رقبة نوف بتملك: لا تناظرين نوافي حبيبي رنيم بقرف منهم: وييييييع جاني استفراغ ي ماما من زينك انتي ونوافك المعفنه ذيه البنت : أي انتي حدك الا نوافي ترا بيجيك شيء ما يرضيك ي حيوانه ورح تندمي على الساعه الي دخلتي فيها ذيه المدرسه نوف بصوت شبابي : رسيييل ما اسمحلك تغلطين على بنت خالتي رنيم بقهر : والله لو فيك خير وريني وش رح تسوين .. وانتي أي (تكلم نوف) ترا مو محتاجه دفاعك اقدر ادافع عن نفسي نوف : يا لبى القويين بس رنيم تكش عليها : والله مو منك من عمتي رزان الله يهديها ولا مفروض تصفقك كف يطول شعرك القصير ذا ... وطلعت من الفصل ابتسمت نوووف بقوه يعجبها ذا النوع من البنات بعدت يد رسيل منها وراحت ورا رنيم رسيل بقهر : وجع وش شايف فيها من زينها ذيك المتكبره وحده من البنات الي كانت جالسه معاهم : نواف اذا دخلت وحده مزاجه مستحيل يرجع يناظر للي قبلها رسيل تاكل اصابعها : والله لاندمها الحيوانه كيف تسرق نوافي مني عند رنيم تكلم نفسها : وش ذيه العايله المعاقه وحده بويه والثانيه تغطي وتكشف على كيف امها والحين وش اسوي بنفسي ما ابي اجلس لحالي بالفسحه شهد مستحيل اروحلها تقهرني وذيه البويه لو اموت .. ابتسمت بفرح : لقيتها ليان هي الوحيده الطيبه بينهم بس شهد وذيك الخبله مخربينها سمعت صوت من وراها : رنيم لفت للصوت وكشرت : خير ي البويه شتبين نوف بابتسامه : قلت حرام اخلي بنت خالتي لحالها من اول يوم لها رنيم بلكاعه : مشكوره ما قصرتي بس ماني محتاجه سمعتي تخرب من اول يوم لي نوف : لا تفهين غلط صح اني بويه واخاوي بنات بس ترا ما نسوي شيء كلها سوالف عاديه وكل الي بالمدرسه يدرون رنيم تناظرها من فوق لتحت : وانتي وش حادك تسوين بنفسك كذا وتشككين العالم فيك نوف بنبره غريبه ما فاتت رنيم : الدنيا خلتني كذا .. وضربتها على ظهرها : يالله تعالي معي يالله يمديني اخذك لفه على المدرسه شوي وتخلص الفسحه رنيم تكح: كح كح شوي شوي ماما كسرتي ظهري نوف : اووه نسيت بنت خالتي دلوعه رنيم : انقلعي محد دلوع غيرك ... المهم شكلك طيبه ليه امس يوم جيتوا بيتنا واضح شوي وتذبحوني ضحكت نوف : هههههههه ذيه تعليمات شهد تبي تنتقم لمها رنيم كشرت من طاري مها : وشهد وش دخلها فيها نوف : شهد ما عندها خوات كل اخوانها عيال وتعتبر مها اختها الكبيره رنيم : طيب ليه مها تسكن مع راكان ؟ نوف : للامانه مدري مقد سألت بس كل الي اعرفه انها ساعدت راكان يوم كان مريض وصارت تعيش عنده رنيم : اها واهلها وين؟ نوف : على حسب كلام شهد ان امها ماتت وهي عندهم يعني امها كانت بالمستشفى تعبانه بعدين ماتت رنيم : اها ... طيب واذا ما عندها احد خطا يخلونها تعيش مع راكان لحالهم نوف وقفت قدام رنيم : انتي ذا كلامك بس تعرفي عليها زين وبتعرفين مها صارت قريبه من العايله كلها رنيم وهو كل الكلام مو داخل مزاجها : اها : شهد شوفي مو ذيه بنت عمتك البويه اووف الي معاها خطيييره شهد ناظرت للمكان الي تأشر عليه صاحبتها وداد وإحمر وجهها بعصبيه كيف نوف سوتها هي محذرتها انها لا تكلمها والحين طالعه معاها بالفسحه اتجهت لنوف ووراها صاحباتها وداد والهنوف مسكت يد نوف وسحبتها باتجاهها: وش مطلعك مع ذيه هاه؟ نوف تفلت يدها:اوب اوب هدي يا بو الشباب رنيم تلعب بطرف ظفيرة شعرها الطويل: ابي افهم انتي وش قصتك فهمنا انك زعلانه عشان ذيك الي ما تتسمى ذولي وش دخلهم كل واحد حر بتصرفاته !! شهد بقهر : لو كانت اختك هي الي مرت بمثل ذا الموقف كنتي رح تستكتين عن حقها !! رنيم بغرور غريب عليها وعلى شخصيتها: كل الي صار مو غلطي بس هي كيف تسمح لنفسها تجلس ببيت احد غريـ............ بترت كلمتها من الكف الي جاها من شهد شهد بقهر تدفها وتضربها على اكتافها : اوص اوص مها اشرف من الكلام ذا الي تقولينه فااااااهمه وداد والهنوف مسكوا شهد يحاولون يهدونها رنيم حاطه يدها مكان الكف وبقهر العالم كله سحبت شهد بقوه من شعرها لدرجة كم خصلة جت بيدها شهد تتألم : أي أي يا حيوانه وخري يدك جعل يدك الكسر ... انتبهت لطرف ظفيرة رنيم المتدليه على اكتافها بسبب طول شعرها الي يوصل لنهاية ظهرها سحبتها بقوه وذا خلا رنيم تميل باتجاه شهد وفكت شعر شهد وهي تحاول تبعد يدها عن شعرها الهنوف بصراخ : نوووف تعالي ساعدينا نوف متربعه قريب منهم وحاطه يدها على خدها كأنها تتابع فيلم : والله كيفهم بنات خال ويتصافون وبعدين رنيم غلطانه وتستاهل الي يجيها وداد : خليك من ذيه النفسيه وشوفي شهد قطعت شعر البنت شهد : والله لانتفه لك شعره شعره رنيم تصرخ: سوي الي تبينه بس وخري عن شعري اتركي شعري : بس انتي وياها جالسين بحلبة مصارعه نوف : لاااا استاذه خليهم شوي لسه بدت تحمى المضاربه جت معلمه ثانيه من وراها ومسكت اذن نوف : بدل لا تقومين تفكينهم جالسه تتفرجين نوف : اح اح استاذه .. بس بالله عليك مو مضاربتهم فنانه المعلمه شدت على اذنها زياده : نووووفوه على فصلك يالله نوف تفرك اذنك بعد ما فكتها الاستاذه : طيب طيب رايحه ما انتبهت ان الفسحه خلصت ومرت بجانب رنيم الي كانت واقفه جنب شهد والاستاذه قدامهم تهزئهم : والله الي سوته شهد فيك شوي ترا كلنا ما نرضى على مها وما اظن ترضين ان احد يتكلم عنك بذيه الطريقه رنيم بصراخ : ترا ماني طايقتك انتي لثانيه المعلمه : بس انتي وياها ... وانتي (تكلم نوف) وش قلتيلها نوف ببرائه : ما قلت شيء يمكن البنت استخفت رنيم : والله محد غيرك استخف هنا المعلمه : خلاااااص وقدامي على الاداره اتجهت نوف لفصلها وراحت رنيم وشهد مع الاستاذه للاداره ووقعوهم تعهد ورجعوهم لفصولهم لان مثل ذيه المضاربات تصير كثيييير بالمدارس فمعد صاروا يستدعون اولياء الامور الا في المواضيع القويه ....................................... بالعيادة عند عبدالرحــــــــــــــمـن ناصر: كيف يدك الحين يا ابني ؟ عبد الرحمن وعينه كل شوي تنرفع لراكان الي واقف عند الباب تكلم بهمس يالله ينسمع : بخير عناد مسك يد راكان وقربه من عبد الرحمن :الي تبيه رح يسويه تبيه يعتذر او تاخذ حقك رح يسويه راكان سحب يده من ابوه : شفيك يعني لانه هو المتضرر صرت انا الغلطان .. طيب اسأله قوله ليه راكان سوا فيك كذا شوفه اذا يقدر يجاوب اصلن؟ عبد الرحمن نزل راسه وبرجفه واضحه بصوته : را .. راكان انــ.. انا اسف راكان بعصبيه : انت اوووص ولا اسمعلك حرف هه اسف وين اصرفها ذيه جاوبني اسف وش رح تسوي رح تطلعني من المصيبه الي انا فيها هه اسف اسف اسف وش استفيد منها جاوبني ... وقرب منه ومسك ياقته وقرب من اذنه وهو مثبته : اسمع يا عبد الرحمن انا تركتك الحين عشان العشره الي بينا انا ما رح انسى الايام الي راحت والاشياء الزينه الي سويتها بس قسم بالله ي عبد الرحمن والي خلق سابع سماء والله ثم والله لو احد عرف عن الموضوع ما تلوم الا نفسك ..وتركه بعد ما سحبه عناد عناد : راكااان خلاص عبد الرحمن تأثر من كلام راكان وانه ما نسي ايامهم ودموعه على خده : راكان والله والله غصب عني والله مو بيدي والله مو بيدي راكان : اسكتتتت اسكت ما ابي اسمع صوتك ما ابي اعذار كذب .. وطلع عناد واقف فجاءه ونفس الموقف ذا مر عليه تذكر جابر صديقه وكيف انه ما عطاه فرصه يبرر الحين حس ان الي سواه خطا لانه يشوف راكان غلطان مفروض يسمعه ويسمع اعتذاره لانه مافي احد يعتذر بذيه الطريقه والحق معه ناصر : معليش يا ابني مدري وش بينكم بس راكان طيب بس يهدى رح يرجع يكلمك وتحلون امورك بالهداوه عبد الرحمن ابتسم مجامله : ان شاء الله ..وبقلبه مسحيل يرجع يكلمني بعد الي سويته بس انا ما رح اتركه رح افهمه كل شيء عناد طلع يبي يلحق راكان عشان لا يصيرله شيء طلع وهو معصب خرج لمواقف السيارات اول ما وصل انتبه لسيارة ابنه يشخط فيها بسرعه اشرله : راكااااان ... راكاااان وهو يجري ورا السياره بس مافي فايده راكان ما انتبهله وقف وهو يلهث بعد ما خرج راكان من المواقف طلع جواله يبي يدق عليه استوعب ان رقمه مو معه ضرب الارض برجله بقهر بقوه ودق على ناصر عشان يكلم راكان ما يسوق بسرعه عناد : الو ناصر .... دق على راكان قله يخفف سرعته ناصر : دق عليه انت طيب عناد باحراج : ما عندي رقمه ضحك ناصر باستهزاء :هههههههه ما تعرف رقم ابنك اهنيك صراحه عناد: ناااصر مو وقت محاضراتك الحين دق على الولد تنهد ناصر : ان شاء الله .. مع السلامه قفل عناد من ناصر وهو يفكر بنفسه وبحياته مع ابنه وكيف رح تكون نهايتها .......................................... وقف راكان قدام الكوفي وحط راسه على الدراكسون وتنفسه يعلى اخذ نفس قوي وهو يسند جسمه على الكرسي ومد يده لدرج السياره واخذ المسكنات منها وشربها دفعه وحده وجلس يتنفس ببطئ وهو حاط يده بجهة كليته يحسها بتطلع من مكانها من كثر الام حسها خفت شوي بعد المسكنات : الحمدلله خف الالم لازم اروح المستشفى اخاف افقدها زي اختها.... تنهد وهو يناظر لشباك السياره : والحين وش اسوي مستحيل اصير مدمن لازم اتعالج بس كيف اوووف وش ذيه الحاله اطلع من مشكله تطلعلي الثانيه استغفر الله ي رب الحمد لله على كل حال يمكن حالتي احسن من ناس ثانيه... سمع جواله يدق رفعه ورد من غير لا يناظر الاسم راكان : الو ...... هلا عمي ..... لا صوتي مافيه شيء..... يمكن من العصبيه صار كذا .... لا واقف .... والله واقف .... عندي شغله بسويها .... يا عمي والله مالي نفس .... لا مقدر اجي بتغدا برا .... طيب .... ان شاء الله ... اكيد طيب.... يالله مع السلامة تنهد وهو ينزل جواله : الكل يوصي فيه الكل مهتم فيه وانا محد يهتم فيني انا انظلم بسببه انا اعاني بسببه ليش ليش ليش وصرخ باعلى صوته وهو يضرب بيده على الشباك : ليييييييش!!!! ابــــــــــي جوووووواب جواااب واحد بس ... يرخي صوته بالتدريج : بس واحد بس واحد واحد بس دق جواله مرا ثانيه وهو بيده ناظر للرقم شافه غريب ماله خلق يرد تركه يرن لان فصل مرا ثانيه بس صاحب الرقم ما استسلم ودق مرا ثانيه وثاثه ورابعه وخامسه وراكان قاتعد يسمع رنة جواله بس ماله خلق يرد جلس على ذيه الحاله قرابتا لساعه وبعدها اعتدل بجلسته وهو يفرك عيونه ناظر لساعة سيارته الـbmw : يالله شوي وبيطلعون البنات ... حرك متجه لمدرستهم وطول الطريق وهو يفكر انه يبدأ اول خطوه لازم يخلص هذه الشغله قبل لا يبدأ يتعالج حط فتح فمه وحط اصابعه بخده عشان يبعد التكشيره ويبتسم بعد ما لمح البنات جايات دخلت شهد اول وهي ساكته وبعدها ليان الي ابوها قالها ترجع مع شهد لانه مشغول وسلمت بخجل وصوت واطي وبعدها رنيم معصبه لانه تأخر وبعدها نوف الي قررت تجي عباطه بتشوف وش يصير بالسياره وبطريقه شبابيه : سلااااااااام راكان : وعليكم السلام لليان بس ولا الشباب الي ورا ما يجوز رد السلا عليهم اصلن والباقيات داخلات على كفار انتم نوف : احسن لا تسلم .... ههههههه راكان نصيحه ابلع العافيه ترا في قنابل بتنفجر رنيم : محد قنبله غيرك انتي وبنت خالك الغبيه ذيه راكان عارف انها قاصده شهد بس استغرب سكوتها يعرف شهد لسانها مترين لقدام ومستحيل تسكت: رنيييم انتبهي لالفاظك ياخي انتي من يوم جيتي وانتي من مشكله للثانيه رنيم : والله كيفي سفهها راكان ووجه كلامه لشهد : شهوده شفيك ؟ شهد ماتبي تكبر السالفه ولا تبي راكان يعرف عشان لا يتمشكل مع رنيم ويعصب منه ابوه بعد الي شافته وشافت عصبية راكان مستحيل تخليه يعصب وهي عارفه ان مها مو أي احد مها غاليه حيييل عليه ولو عرف كلام رنيم رح يولع فيها بهدوء: مافيني شيء بس تعبانه اليوم كله مليان حصص حتى مافيني ارد على الخبله ذيه رنيم : نعم نعم مين الخبله راكان : يالله وانتي بكل كلمه ناطه اعقلي لا يجيك كف يعقلك نوف : والله يا راكان الكف شوي عليها شهد بصراخ : نووووف !!! خلاص رنيم : ليه سكتيها خليها تقول تراني مو خايفه من احد راكان : ممكن تفهموني وش الموضوع انتي وياها شهد بدموع ما تبي مشاكل لراكان : خلااااص خلااااص ما صار شيء رنيم : الا صار شهد بدت تحس بكتمه وبدت ترتخي يدها الي كانت ماسكه ليان بجنبها ليان : راكان شهد راكان مسك برييييك بقوه ونزل من السياره واتجه للباب شهد وفتحه لاقاها شبه دايخه فتح وجهها عشان تقدر تاخذ نفس : ليان فتحي شنطتها بتلاقين بخاخ الربو حقها عطيني اياه بسرعه يتبع... | ||||
|  |
|
12-04-17, 08:37 AM
| #24 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
| ليان تفتش وهي مرتبكه ويدها ترتجف رنيم شافت وجه شهد الي بدا يتحول للازرق اخذت الشنطه من ليان المتوتره وجلست تدور لان لاقت البخاخ هاه لقيته اخذه راكان منه وبخ بختين بفم شهد لان بدت تتنفس طبيعي حس براحه اذا تأخروا شوي ما يدري وش كان ممكن يصير وهو ما عنده أي خلفيه عن الربو ابتسم بحنيه : الحمدلله كيف تحسين الحين ؟ شهد بتعب : بخير راكان بحنان : انتبهي مرا ثانيه وحاولي لا تنفعلين كثير لان الانفعال يضرك شهد وهي تسند راسها على كتف ليان وتغمض عيونها : طيب تنهد راكان وهو يرجع لمكانه وحرك للبيت وسط الهدوء الي خيم على السيارة .................................. : هلا يمه .... يمه الحين مشغول خلي عدنان .... ليه خالتي بتجي عندكم ؟.... لا خلاص انا بروحلها .... هههههه كل شيء يهون لخالتي ايلين .... يالله بحفظ الرحمن : بدر طالع ؟ بدر : ايوا بجيب اغراض للبيت وبوصل خالتي وبرجع بسام : والمتدربين ؟ بدر : رح اعين احد مسؤل عنهم بسام : لا تعليق بدر : خلك باوراقك بس اتجه بدر للمتدربين لان بذيه الساعه يخلصون مهامهم للفتره الاولى ومفروض يعطيهم تعليمات للفتره الثانيه بدر : السلام عليكم الكل : وعليكم السلام بدر: الحين انا طالع وراي مشوار اقضيه مها بهمس لخلود: اخيرررا راحه خلود : اووص لا يسمعنا بدر: وقررت اعين مها مسؤله عنكم بغيابي مها: هااااه الكل حولها بدا يتهامس وحده من المتدربات : ليه هي بالذات يا دكتور الكل وافقها بدر: لانها هي اعلى درجات بينكم ولو تترك الكلام الزايد كانت رح تصير احسن منكم ... وتراني محب احد يسألني عن أي قرار اخذه جاوبتكم الحين لانكم لسه ما تعرفوني زين المره الجايه رح تنقصون .. وبصراخ : فاهميييين !! الكل بصوت واحد: فاهمين بدر: وانتي اخت مها امسكي ذيه المهام وزعيها عليهم اخذتها مها وهي فاهيه وتناظر لظهر الدكتور بدر الي اعطاها الاوراق وراح خلود قرصتها بيدها مها مسكت مكان القرصه : اح شفيك انتي خلود : بس عشان تصدقين مها : والله محتاجه قرصه ثـ.. اححح وجعوه ما تصدقين خبر انتي خلود : ولو احنا بالخدمه مها توها تستوعب صرخت : واااااه ماني مصدقه الدكتور بدر خلاني مسؤله خلاص خلود معد ابي اخوك حولت على بدوري خلود داست على رجلها مها : أي أي كسرتيني خلود : تستاهلين قال تحولين من اخوي قال المتدربه الي قبل شوي تكلمت : شوفتي بدر الوقح : قلتلك بدر ما عنده لا بنت عم ولا بنت خال : والله لاندمه مخلي ذيه الملسونه مسؤله عنا .................................. وصل راكان البنات لبيوتهم ووقف قدام بيت عمه ناصر بعد ما نزل شهد واتصل على بندر وبعد رابع رنه رد : الو وينك بندر : بالبيت راكان : انزل انا قدام بيتكم بندر: راكان الحين بيحطون الغدا اطلع تغد معنا راكان: بندر ما عندي وقت تعال وبنتغدا سوا تنهد بندر: وش صار بينك وبين عبد الرحمن ؟ راكان : تبني اقولك بالجوال انزل حاقلك الموضوع بندر : طيب طيب جاي ولو ما تغديني على حسابك رح اخلص عليك تراني مطفر وجوعان راكان : طيب ... صح بندر جيب الي تحديتني عليه بندر: متأكد؟! راكان : اكثر من اول بندر : طيب ... وقفل منه ناصر : مين ذا راكان ؟ بندر: ايه يبه وطالع معاه الحين ناصر : قله يطلع يتغدا وبعدها روحوا أي مكان عارف ذا الولد ما رح يروح بيتهم بندر: قلتله يقول عنده مشوار ويبيني اجي معه ناصر: الله يستر من مشاوير ولد عمك ذا .. ولا تنسى تسأله وش الي بينه وبين عبد الرحمن ذا احس المشكله كبيره بندر : ان شاء الله يبه يالله عن اذنك ناصر : استودعتكم الله ........................................ عند رنيم جت البيت مهلوكه سلمت على امها وطلعت لغرفتها وانسدحت على سريرها من غير ما تبدل ولا تسوي حاجه نامت وشنطتها على ظهرها وجزماتها برجولها (وانتو بكرامه) والعبايه لسه فيها ..... بنفس البيت بالطابق الي تحت فاطمه : راكان وينه تأخر عناد وهو ياكل: ناصر يقول بيتغدا برا ريان : والله يا خالي الله يعينك على ذا الولد عناد باهتمام: انت شوفت الي صار ؟ ريان : ايه كنت مار جنب الكافتيريا وشوفته هو والي معه كانوا جالسين على الطاوله فجاءه راكان هجم عليه وبدت المضاربه بس ايش السبب الله اعلم عناد : يعني راكان هو الي بدا المشكله ريان : ايه عناد وقف: الحمدلله شبعت .. وراح فاطمه اول ما راح اخوها ضربت ريان على يده بالملعقه ريان: أي يمه شفيك فاطمه : تستاهل اذا ما عندك كلام زين اسكت راكان مو ناقص مشاكل كله من وراك انت واختك من يوم جينا ما جلس راكان ولا يوم معنا ياكل على الطاوله ... وقفت وراحت وهي مقهوره من عيالها ريان يكلم نفسه: مدري ليه يدافعون عنه وهو راعي مشاكل جنان: وانتم وش حشركم فيه خلو الولد بحاله وهو وخالي عناد يتفاهمون ريان سفهها وكمل اكله وبعد دقايق : وين عادل جنان وهي تشرب عصير وتقرا كتاب من كتبها الروائيه : اتصلوا عليه مستشفى........... التخصصي بعد ما سمعوا باستقراره هنا تعرف اخوك كان مشهور بألمانيا بسبب عملياته الناجحه ريان : الله يوفقه .................................... عند راكان وبندر باحد المطاعم بندر يمد له الظرف: راكان انت عارف ان ممكن ذا الموضوع يأذيك راكان اخذه وبعيون كلها تصميم وهو ينزل الصور الي جوا الظرف : صدقني بذيه الفتره زدت تصميم اكثر من اول بندر : براحتك وانا رح اظل معك للنهايه ابتسم راكان : الله يسعدك يا بندر يمكن لو عندي اخ كان ما سوا الي قاعد انت تسويه عشاني بندر مد يده وحطها على جبين راكان : شفيك مسخن من متى انت تشكرني ضحك راكان بغصه : ههههههههههههههههههههههههه ههههه انت ما تستاهل احد يشكرك بندر بجديه: راكان شفيك ؟ راكان يكمل اكله: ما فيني شيء بندر: راكاااااان!!! راكان : بندر نفسي ابكي بندر : هاه راكان: تدري متى اخر مرا بكيت يمكن يوم كنت بعمر 14 سنه وبعدها وعدت نفسي ما ابكي بس الحين صار الوضع مو بيدي احس بغصه واقفه بحلقي ابي ابكي اطلع الي بقلبي بس مو قادر يا بندر حتى الدموع مو راضيه تساعدني بندر نزل عيونه لصحنه ما يدري وش يقوله راكان يعاني يعاني كثير ولا يتكلم متأكد ان صار شيء قوي زمان هو الي دخله المستشفى متأكد انه سبب دخوله مو حادث زي ما يقول ابوه راكان في اشياء من الماضي تلاحقه للحين ومو راضي يتكلم نفسي ادخل براسه واعرف كل شيء عنه راكان : ههههههههههههههههههههههههه ههههههههههههههههههههههههه هههههههههههههههههههههههه امانه شوف شكل وجهك ههههههههه ما توقعتك حساس لذيه الدرجه بندر ابتسم مع انه عارف ان راكان يقول كذا عشان ما يخوفه عليه : كل كل وانت ساكت بس برد الاكل وانت تتكلم زي العجايز راكان يتحلطم : بندروه لا ذمه ولا ضمير انا احكيله وهو يفكر بالاكل قال حساس قال بعد ما خلصوا اكل راكان : يالله مشينا بندر : وين بنروح ؟ راكان : بيت اهل مها بندر: ايييييييش!! راكان ببرود : الي سمعته بندر: اصلن انت متى لاقيت اهلها راكان : من زمان يمكن لي اسبوع ابوك لاقاهم وقالي بيرتب يوم عشان نروح .. بس الحين بعد المشاكل الي صارت انا اشوف انه انا وانت نروح الحين بندر: قلت لابوي؟ راكان : لا طبعا لو قلتله مستحيل اخليني اروح بندر: اها وناوي تروح تقول لاهلها بنتكم عندي وبصفتك مين اخوها ولا زوجها؟!!! راكان : شوف بندر انا بروح بروح والله لا يعيق مسلم بتجي معي حياك ما تبي براحتك زفر بندر: هذه المشكله انك تسوي الي ببالك من غير تفكير رح اجي معك واشوف نهايتها راكان بفرحه : يا لبى ولد عمي بس بندر وقف : اوص اوص امش قدامي بس راكان بضحكه : طيب ........................................ ببيت الدكتور بـــــــــــــــــــدر بدر: تفضلي خالتي : مشكور يا ولدي تعبتك معي بدر: ولو يا خاله مافي تعب : تسلم بدر: صح خاله معليش بتعبك معي بس قولي لامي جبت الاغراض الي موصيتني عليهم وتخلي واحد من العيال يجي يساعدني انزلهم : ولا يهمك يا ولدي ومافيها تعب ولاشيء دخلت من الباب واستقبلتها ام بدر ام بدر: يا هلا والله تو ما نور البيت هلا والله بالحلا كله هلا بايلين ايلين تفتح وجهها : هههههههه ترا اصدق نفسي وبعدها اتكبر عليك ام بدر : تكبري وشوفي وش بيصير فيك ايلين ترفع يدها بحركة استسلام : لا خلاص خوفت ما رح اتكبر : خالتي ايليييين ايلين بضحكه تفتح يدها لها : هلا برينادوووه كبرتي ولساته عقلك صغير ريناد بحنق : يمه شوفي صديقتك تقولي عقلك صغير ام بدر : وهي الصادقه ولا وحده كبرك للحين تاكل سليلاك ريناد: يممممه والله طعمه يجنننن يا لبيييييه بس ام بدر: الله يخلف علي بس : اووف بساموه الزفت ما يرد انا اوريه ام بدر : وجع فشلتينا يالخبله تعالي سلمي على خالتك ايلين بسمه : يمه خالتي ايلين مو غريبه خلاص صارت وحده من العايله وما تزعل منا صح خالتو وهي ترمش بعيونها بدلع ايلين : ههههههههههههههههههههه أي صح ي عيون خالتك انتي بسمه : شوفتي يمه عسل عسل ام بدر : اسكتي بس بسمه صرخت : يمااااااااه شوفي الزفت بسام ما يرد يعطيني مشغول ام بدر: وجع ان شا الله الي يوجع عظامك خرشتيني ايلين احمر وجهها من شكل ام بدر: ههههههههههههههههههههههههه ههههههههههههههههههههههههه ههههههههههههههههههههههههه ههه امانه اريام شوفي وجهك ههههههههههههه ريناد ضحك بضحك ايلين وبسمه ناظرت لامها ببلاهه : شفيه ضحكوني معكم ام بدر : أي غرام تعالي والله محد عاقل بذا البيت غيرك ولا شوفي خواتك ما به عقل بروسهم غرام ضحكت بخفه وهي تقرب من ايلين عشان تسلم عليها: اخبارك خالتي ايلين بابتسامه : بخييييير ..... وضربت راسها بخفه : يوه اريام الله يهداك نسيتيني بدر يقولك جاب الاغراض ويبي احد من العيال يساعده ام بدر : الله يخلف عليك بس ... ريناد قومي يمه قولي لحمد ومشعل يروحون يساعدون اخوك ريناد بتحلطم : كل شيء ريناد ريناد وراحت بسمه : هههههههههههههه شوفتي يمه عشان لو بيوم قلتيلي فاهيه بذكرك بخالتي ايلين ايلين : هاهاها بايخه كله من امك مستقبلتني حلا وفستق ونستني ام بدر: الحين صار الحق علي بسمه : ههههههههههههههههههه ليتكم خوات والله فله عشان نصبح ونمسي على هواشكم غرام : صح خالتي ايلين ما عندك خوات ؟ ايلين بابتسامة حزن : عندي اخ بس مدري وينه الحين ام بدر خزت بنتها بقوه : ايوا ايلين اليوم سويتلك كبسه يحبها قلبك ايلين تحاول تنسى الي راح بس الحزن واضح بصوتها : نذوق ونحكم بسمه جلست جنب غرام وقرصتها بيدها : حماره انتي كم مرا امي محذرتنا ما نسأل الخاله ايلين عن اهلها غرام تفرك يدها : اححح والله ما انتبهت لكلمتي عند بدر خلص تنزيل الاشياء بمساعدة اخوانه حمد ومشغل بدر: حمد قول لامي تبي شيء ولا رايح الدوام حمد : طيب ... وراح من ورا الباب : يمه بدر يقول تبون شيء ولا بيروح ام بدر: قله يجلس يتغدا حمد وهو عارف رد اخوه : يمه مشغول بيتغدا هناك ام بدر : طيب براحته ... الله يوفقه يا رب حمد يكلم بدر: تقولك ما تبي شيء والله يوفقك بدر : زين تراني ماشي وخرج من الباب الداخلي للحوش وفتح الباب الخارجي عشان يطلع بس عقد حواجبه من الشابين الي كانوا واقفين قدام باب البيت : السلام عليكم بدر : وعليكم السلام ... اقدر اخدمكم بشيء : كذا تستقبلون ضيوفكم عند الباب بدر وهو يدقق بملامح الي يتكلم يشبه لاحد شافه زمان : تفضلوا ... ودخلهم المجلس بدر : عن اذنكم دقايق ... وراح عشان يضيفهم خرج بدر متجه للمطبخ وهو ينادي : حمد حمد حمد : هاه بدر : الناس تقول سم مو هاه حمد بطفش : طيب طيب بدر : روح قول لعدنان ينزل في ضيوف بالمجلس وقول لامي تصلح القهوه لهم حمد : ان شاء الله وراح ومن وراء الباب: يمه بدر يقول فيه ضيوف وجهزوا القهوه لهم غرام تناظر ساعة يدها الحين 2ونص الظهر مين الي بيجيهم ذا الوقت ام بدر: ضيوف بذا الوقت غرام : خلاص خليها انا بسوي القهوه ام بدر جزاك خير يا بنتي وراح حمد للملحق عشان يقول لعندنان عدنان : ابو الازعاج موق لتلكم لحد يزعجني حمد بخوف : بدر يقول في رجال بالمجلس روح اجلس عندهم عدنان بتأفف : طيب طيب اطلع انت بس طلع حمد بسرعه عدنان : ذا وقت ضيوف بدر الحين اوف محد يرتاح بذا البيت بالمجلس : انت حمار ولا ثور يقلده ... كذا تستقبلون ضيوفكم عند الباب ... ورجع صوته الطبيعي : والله ترا احسنا ما رح نطلع سليمين من هنا : بندر ريلاكس ما رح يصير شيء بندر : راكان والله مدري كيف تقدر تكون هادي بمواقف زي كذا راكان : اوص احد جاي دخل عدنان : السلام عليكم راكان وبندر : وعليكم السلام بعدها بدقايق دخل بدر ومعاه القهوه : حياكم راكان : تسلم ... بس ما رح نشرب قهوتكم لان نلاقي جواب لسؤالنا بندر بهمس : راكان انت جاي تخطب راكان بنفس الهمس:اسكت بس بدر عقد حواجبه : اسأل ولك مرادك راكان بهدوء : ابي اشوف اريام عبد الله الـ.......... عدنان وقف بعصبيه : ومين انت عشان تعرف امي راكان بهدوء : انا جاي هنا عشان اشوفها بدر يحاول يضبط اعصابه : عدنان اجلس ..... قول الي تبيه واحنا نوصله لها راكان حط رجل على رجل : كلامي مو معكم معاها هي بندر حط يده على راسه عارف راكان جاب العيد بدر بعصبيه ما قدر يمسكها : جاي لبيتنا وتقول تبي تقابل امي !!! ترا ساكتلك لانك ببيتي ولا الذبح قليل بحقك بالداخــــــــــــل بسمه : يمه كأنه صوت بدر وشكله معصب ؟ ام بدر بخوف وهي تسمع اصواتهم تعلى : يا ربي شصار ايلين تهديها :لا ان شاء الله مافي شيء جاء محمد اصغر عيالها يركض : يمه في ولدين برا يبون يشوفونك وبدر وعدنان يتهاوشون معهم ام بدر ضربة خدها على خفيف : ومن ذولي تكلم محمد : مدري اول مرا اشوفهم ام بدر راحت بتلبس عباتها ايلين : وين بتروحين ؟؟ ام بدر : بطلع بشوفهم ايلين : اريام !!! من جدك بتطلعين وش بتسوين وجاء سامي وشافك وش بيقول ام بدر : مدري بس ما رح اخلي عيالي ولبست عباتها وطلعت كانت ايلين بتطلع وراها بس شافت حالة البنات ريناد وبسمه وغرام جلست عشان تهديهم بذا الوقت دخل ابو بدر البيت ومعه ولده بسام بسام : يبه وش ذيه الاصوات جايه من المجلس ابو بدر ركض للمجلس ووراه بسام دخل وشاف بدر ماسك ولد من ياقته شعره احمر عقد حواجبه وهو متأكد انه قد شافه من قبل وواحد غريب ماسكه عدنان من الجهه الثانيه ابو بدر بعصبيه : بدر عدناااان اتركوهم كذا علمتكم تعاملون ضيوفكم والي ببيتكم عدنان : يبه ابو بدر : اوص ولا كلمه احد ببيتك حتى لو غلط عليك ما لك حق تمد يدك عليه راكان وعينه على ابو بدر يحس اطرافه جمدت لا لا ما يبي أي شيء من الماضي يرجعله اخذ نفس لا لا اكيد نساني ما رح يتذكرني اكيد : يا عم اسفين على الي سويناه بس انا جاي ابي اشوف اريام عبدلله الـ............ وموضوع ضروري ويهمها ويمكن يهمك انت بعد من ورا الباب : انا اريام قولي الي عندك يا ابني ابو بدر تأكد انه هو نفسه : ام بدر ادخلي خليه يقول الي عنده بدر: يبه ابو بدر بحزم : خلااص دخلت ام بدر بخطوات واثقه : وصلت قولي وشتبي راكان بابتسامه : سمعت ان عندك بنت ضايعه ام بدر بصوت باكي : دخيلك قولي تعرف شيء عن بنتي الله يخليك لا تخليني اتأمل على الفاضي لا توجع قلبي وهو موجوع .... قرب منها ابو بدر ومسكها : راكان قول الي عندك تعرف شيء عن مها ؟!!!! راكان ارتجفت اعضائه يوم ذكر اسمه الحين تأكد انه ما نساه راكان بهمس : ما نسيتني عقد بندر حواجبه من كلمة راكان ابو بدر : كيف اقدر انساك وانت كنـ... راكان وهو يناظر بندر: الماضي ماضي وخلاص ومشكور يا عم على كل شيء سويتله لي زمان ام بدر بحرقة قلب: بس خلاااص بعدين تكلموا الحين ابي اعرف بنتي وين بنتي راكان : بنتك بالحفظ والصون .. بنتك عايشه عن اهلي بعد ما توفى ابوها وامها الي ربتها ابو بدر : جاسم توفى راكان هز راسه : ايه بحادث ام بدر ببكى : طيب بنتي خذني عند بنتي الله يخليك راكان بتأثر : مقدر يا خاله بس اوعدك بكرا رح اجيبها لهنا ام بدر : اهى اهى اهى ليه ليه مو اليوم ابي بنتي ابي بنتي 25سنه >>> تعديل عمر مها 25 مو 24 غلطت بالحساب *_^ وانا ادور عليها ابي بنتي اهئ اهئ اهئ راكان : انا جيت اول بتطمن اذا كانوا اهلها يبونها وطيبين ويبونها عشان لا تعاني البنت يكفي الي مرت فيه بعد وفاة ابوها .. وللحين ما خبرناها اننا لقينا اهلها بس وعد مني بكرا رح اخليها تجي وتعيش بينكم هذه كانت وصية ابوها قبل لا يتوفى وهي حابه تسويها ام بدر غرقت بحالة بكى هستيريه قرب منها عدنان وهي يحاول يهديها : اهدي يمه بنتك بترجعلك خلاص ام بدر تبتسم بين دموعها : اخييييرا لاقيت بنتي اهئ اهئ بعد 25 سنه اهئ اهئ كنت ابكي ليااااالي كثيره اهئ استنى مها ترجع لحضني مقدر اصبر لبكرا اهئ قله يجيبها اليوم راكان خرج وهو متأثر من بكاها وتبعه بندر بندر : والله تحزن مسكينه راكان : والله ماخذ هم ذيه المسكينه بندر: ليه؟ راكان : عاد ما تعرف مها لو تبكي من اليوم لبكرا وهو يحاول يقلد صوت مها : خلصتي بكى ولا لسه بندر : ههههههههه في هذه صدقت مها مو صاحيه والله : راكاااان راكان لف لصاحب الصوت وبعدها ناظر لبندر ورجع ناظر للي ناداه : هلا ابو بدر : قولي كيف لاقيتوا مها ؟ وكيف عاشت عندكم؟ راكان وهو كل شوي يناظر بندر بتوتر وذا ما خفي على ابو بدر وعرف ان راكان ما يبي ذا الشاب بعرف عن ماضيه ابو بدر يكلم بندر: انت اخوه ؟ بندر : لا ولد عمه ابو بدر : ما شاء الله ..... ويكلم راكان : امسك رقمي ولا تنسى بكرا تجيب بنت اخوي زب ما وعدتنا راكان : انت عمها !!!! ابو بدر بابتسامة حزن على اخوه الي توفى بعيد عنهم : ايه انا عمها راكان سجل الرقم : ان شاء الله نشوفك على خير يا عم ابو بدر : يالله فمان الله بندر استغرب كيف العم راح وما سأل راكان مرا ثانيه كيف لاقى مها وراكان كان مرا متوتر وهو يكلمه اكيد بينهم شيء قوي بالداخل ام بدر جالسه وحاطه راسها بحضن ايلين وهي تبكي فرح والم السنين الي راحت كلها ايلين : خلاص اهدي خلي كم دمعه لبكرا نزليها يوم تشوفينها ضحكت اريام من بين شهقاتها : ههه اهئ اهئ وبعدها وقفت وهي تمسح دموعها : اهئ تذكرت وتتكلم وتشاهق : لازم ارتب غرفة لها رح تجي تعيش معنا ايلين تناظرها وتضحك والبنات جالسات يناظرون امهم بخوف وحيره من الي راح يصير وكيف رح تكون اختهم الضايعه ........................................... بالسياره بندر: انت تعرف عمها ؟ راكان وهو شارد : ايه اعرفه بندر : ممكن تقولي كيف عرفته راكان : ساعدني بموضوع زمان بندر رفع حاجب : وشهو ذا الموضوع راكان: يقولون اللقافه قتلت عجوز بندر: راكااان!! راكان هز كتوفه : شفيك اقلك عشان لا تموت قاصر عمر بسبب لقافه بندر : وقف وقف شوي وقف راكان السيارة على جنب : شفيك بندر فتح الباب ولف لراكان : ناظر للساعه الحين 3 ونص ومها تطلع اربع روح جبها وانا بروح البيت بتاكسي راكان رفع حاجب : وطيب واذا بجيب مها بندر : يالله غبي ذيه فرصتك عشان تكلمها بموضوع اهلها راكان : صح نسيت .. وبعدين واذا بكلمها عادي انت عارف بالموضوع بندر صربه بجبينه : انت غبي ...لازم تكلمها لحالكم عشان تاخذ راحتها راكان : مافهمت اصلن من متى مها تستحس منك بس اوك براحتك بندر : باي وخرج وفقل باب السياره بقوه عشان ينتقم لسيارته الرياضيه راكان : جعل يدك الكسر شوي شوي على الباب مشى بندر وهو يأشرله بباي وهو يبتعد ابتسم راكان وحرك السياره للمستشفى وصل المستشفى ووقف بالمواقف ناظر للساعته : بقي عشر دقايق وتطلع ... حط يده على خده بملل سمع جواله يدق رفعه نفس الرقم العريب الي يدق عليه من الصبح قرر يرد عليه : الو الطرف الثاني: شوف كم مكالمه مني توك تستوعب رفع حاجب من ذا الانسان الي يكلمه كأنه يعرفه من سنين : مين معي ؟ : اما نسيتني ؟ راكان تذكر: وليد النشبه وليد : محد نشبه غيرك الكل يتمناني معه راكان بملل: اجل روح مع الي يتمنونك وليد : المهم ما علينا ركون ابيك بموضوع مهم تقدر تمرني اليوم بعد المغرب للكوفي الي كنا فيه راكان : ما اظن اليوم مشغول وليد: حاجه ضروريه ما تتأجل راكان يبي يفتك منه : ان شاء الله رح اجي خلاص وليد : الله يسعدك تعال وما رح تندم مع السلامه وقفل منه : وش تبي فيه وليد هز كتوفه بعد مبالاه : تصدق تركي اذا قلتلك مدري بس نفسي اشوفه ولا ادري ليش تركي :الله يديم نعمة العقل بس وليد بضحكه : امين ي رب نرجع لراكان دخلت مها السيارة: هاااااااي راكان : وعليكم السلام مها : رويكن لا تخرب فرحتي بالله راكان حرك : فرحيني معك مها : راكان ما رح تصدق الدكتور خلاني مسؤله عن المتدربين مرا وناسه انك تتأمر على الخلق راكان : وذا الي عاجبك تنافخين عليهم مها : ايوا اكيد .... وباستغراب : ذا مو طريق البيت راكان : باخذك لفه بالشوارع عندي موضوع بقلك عنه مها : اتحفني وش مسوي وش مهبب بحياتك راكان بهدوء: تذكرين قبل يومين قلتلك انه لاقيت اهلك مها بتركيز : ايوا؟ راكان : اليوم روحت وشوفتهم تذكرين العقيد الي كان مسؤل عن قضيتي يوم كنت بالمستشفى مها عقد حواجبها وش دخله الحين ذا بالموضوع : ايوا ؟ راكان : طلع عمك اخو ابوك مها : مستحييييييل!!! يعني من اول قدامي واشوفه وما ما كنت ادري انه عمي وتعبتك ذا التعب كله تدور عليهم راكان بابتسامه : تدرين الحمدلله انه ما عرفتي انه عمك ولا كان روحتي من زمان عني وانا كنت بذيك الفتره محتاجك مها : يعني الحين مو محتاجني ؟ راكان بحنيه:هه وانا اقدر اتخلى عنك انتي الي بقيتيلي بعد ما الكل تخلى عني انتي وعمي ناصر جميلكم برقبتي ليوم الدين مدري كيف اقدر اوفيكم حقكم ... بس خلاص انا كبرت وانتي لمتى رح تجلسين تهتمين فيني مها انتي قدامك حياة لازم تهتمين فيها قدامك مستقبل زوج وعيال لازم تهتمين بنفسك شوي انتي كرستي حياتك عشاني وساعدتيني كثييييير وصرتي ام واخت لي كنت اذا تضايقت من أي شيء الجألك اذا تعبت تكونين اول وحده فوقي مها ادري معرف اجمع كلام او اوصلك الي احس فيه تجاهك ... بس صدقيني انا ابي مصلحتك بعد ما شوفت امك كيف تبكي تبكي الحرمان الي عاشته والسنين الي عاشتها من غيرك تذكرت نفسي 19 سنه محروم من حنان اب ولازلت تدرين اني حسدتك على ذيه الام مرت 25 سنه وصار عندها عيال وفوق ذا ما نستك العيال ما نسوها ان عندها بنت من صلبها ضايعه مها بدموع : راكان خلاص يتبع... | ||||
|
| |
|
12-04-17, 08:38 AM
| #25 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
| راكان : هههههههه من جدك تبكين مها : انقلع راكان بعد صمت لدقايق : شفيك ساكته مها : افكر راكان : بكرا وعدتهم اني رح اجيبك لهم شوفي امك المسكينه بالعافيه رضت تشوفك بكرا ولا ودها تجيك الحين وبعدها فكري بالموضوع اذا حابه تعيشين معاهم او تجين معانا البيت مها : بنفذ وصية امي وابوي ورح اعيش عندها راكان : براحتك واذا تضايقتي او احد قالك شيء اتصلي علي وبتلاقيني عندك مها بتفكير : راكان تتوقع يمنعوني عنك ابتسم راكان : حتى لو منعوك من حقهم لا تنسين يا مها انا ما عدت راكان الصغير وماني محرم لك مها : خلاص هونت ما ابي اشوفهم ما ابي احد يبعدني عنك راكان ضحك وهو وده يبكي : ههههههههههه مها لا تصيرين بزره وبعدين اصلن انا ما رح اتركك وكل يومين رح تشوفيني عندك مها بابتسامه : وعد راكان: ايه وعد وبعد دقايق مها: راكان ودني بيت عمتي سناء راكان : على اخر يوم رح تروحين هاك مع نفسك تجين عندنا مها : لازم اكلمها وكذا راكان : براحتك بس اول تعالي بيتنا عمتي فاطمة تبي تشوفك مها بهدوء طيب ......................................... ببيت عنـــــــــــــــــــاد تن تن تن ريان : مين الفاضي الي بيجي ذا الوقت ووقف واتجه للباب وفتحه : عناد موجود ريان: ايوا من اقله ؟ : قله واحد يبي مصلحتك ريان رفع حاجب : تكلم زي الاوادم ؟مين انت وايش تبي؟ : ريان شفيك واقف عند الباب ريان : خالي ذا واحد يبيك عناد : امر ؟! مد له ظرف : اعتبرني فاعل خير وراح اخذ عناد الظرف باستغراب وراح للصاله وجلس وفتحه وانصدم باللي لاقاه جوا الظرف ...................................... ببيت نـــــــــــــــــاصر : يماااه طفشان ام مهند جالسه تناظر للتلفزيون ردت بطفش: فيصل طفشتني طيب وش اسويلك فيصل : يمه ابي اتزوج ؟ ام مهند ناظرت بتفاجئ : تبي ايش فيصل : ابي اتزووووووواج واكمل نص ديني ام مهند مسكت اذنه : تبي تكمل ايش انت اول كمل النص الاول كل صلواتك تجمعها ونوم من غير فايده واذا صاحي ما تصلي بالمسجد تبيني ابلي بنت الناس فيك فيصل : اح اح خلاص والله توبه معد ابي زواج ولاشيء احححح والله يمه يدك قويه ماشاء الله ام مهند رجعت تقلب بالتلفزيون : احسن فيصل : الا صدق يمه وين شهد اليوم ما شوفتها ام مهند بتنهيده : نايمه بغرفتها مدري شفيها اليوم جايه متضايقه من المدرسه بس تصحى رح اسألها شفيها فيصل : والله تلاقين فيها دلع بنات ام مهند : كل البنات يدلعون الا شهوده مسكينه حتى لو متضايقه تضحك ولا تبين للناس فيصل : بتشوفين يمه رح يطلع دلع بالنهايه ام مهند تسلكله: زين زين ................................................. : راكاان والله خايفه ادخل تخيل ما يبوني راكان يعدل شعره بالمرايه الاماميه ويبخ شعره : يا مها تراك صايره بثره كم مرا عدنا الموضوع ما رح يصير شيء وعمتي فاطمه هي الي قالتلي هذا بيتها وخلها ترجعله مها : وبعدين راكان ليه تلون شعرك كذا راكان: لانه ما يحب لون شعري مها : قصدك ابوك َ!! راكان انسى الي راح ابوك ما جاء الا وهو ناوي يتغير عطه فرصه انت بكذا تبعده مئات الخطوات عنك راكان : ليتني اقدر بس نو بيدي مها بابتسامه : الا بيدك انت بادر باول خطوه ورح تشوف النتيجه بس انت تعانده وهو يعاندك ما رح تطلعون بحل كذا ورح تعانون انتم الاثنين راكان خلص من شعره : ان شاء الله بحاول مها بنص عين : تسلكلي صح راكان بابتسامه غباء : الحمد لله عارفه مها : رح تندم راكان : اوك اوك وخرجوا من السيارة ودخلوا للبيت بس وقفهم طاااااااااااااااااااااااا اخ الكف الي جاء بخد راكان بقوه ما توقعها عناد بعصبيه بعد ما عطى راكان كف بكل ما عنده من قوه رمى الظرف تحت رجول راكان : وش ذاااا جاوبني وش ذا هاااه بنت يا راكان بنت وبوسط الشارع راكان بهدوووووء تام كأنه رجل الي ما يحس بالالم مع ان خده ومحمر وفيه زي الجروح البسيطه بسبب حرارة الكف نزل للظرف وفتحه ونزل الصور الي فيه وابتسم باستهزاء جن جنون عناد وهو يشوف ابتسامته وقرب منه ومسك بشعره وحرارة انفاسه تلفح بوجهه : تبتسم عاجبك الي سويته فرحان بقلة الادب الي انت ماشي فيها وضربه كف ثاني بنفس مكان الكف الاول طاح راكان على الارض وطاحت الصور من يده مسكتها مها وشافتها ووقفت بين عناد وابنه مها ببكى: الله يخليك يا عم لا تحكم على راكان بذيه الطريقه انا السبب اضربني اذبحني بس اتركه هو ماله ذنب والله ماله ذنب عناد بصراخ : ممكن تفهمني وش الي بالصوره ؟ انا اعمى صح مها ويدها كلها ترتجف تأشر على الصوره وعلى نفسها: شوف ذيه ذيه انا ناظر ناظر لعباتها وناظر لعباتي شوف عيونها نفس عيوني را راكان كان رح يصيرله حادث وكان رح يموت لولا ربي ستر وضميته من غير ما احس اسفه والله اسفه بس والله راكان ماله ذنب عناد هدى واخذ الصوره منها وهي يناظرها ويناظر للصوره تذكر كلام ناصر وايش البنت تعني لراكان وهي يعتبرها ام واخت عض شفته بندم تسرعه ذبح ابنه ما يدري وش يسوي نزل لمستوى راكان : راكان انا ... راكان رفع عيونه لابوه بنظرات بارده قرر من اليوم ورايح رح يتعامل ببرود مع كل موقف يصير معه : عادي ووقف راجع ادراجه لبرا مسك عناد يده : راكان لا تطلع بذه الحاله راكان يتنفس بقوه يهدي اعصابه لف لابوه وببرود: بقي شيء بقلبك ما طلعته وتبي تكمل عادي كمل ترا ما تحتاج سبب عشان تضربني ترا انا راضي لو تذبحني من غير سبب رد راكان سكته ما عرف وش يقول فك ليده وانسحب لداخل وراكان ركض خارج لبرا لحقته مها مها تبكي: راكان الله يخليك وقف راكان ما يسمع احد تظاهر بالهدوء قدام ابوه بس من داخل رح ينفجر ركب سيارته وشخط فيها بقوه مها ركضت ورا السياره تبيه يسمعها تبيه يوقف خايفه يصيرله شيء لانه وهو معصب ما يحسب حساب السرعه ويدوس بنزين من غير تفكير شافت سيارته وهي تخرج من اسوار بيوت جسار الـ........... غيرت اتجاهها واتجهت لبيت ناصر دخلت البيت ركض من غير تفكير سمعت صوت بندر بالمجلس دخلت وما انتبهت اذا احد عنده او لا مسكت يد بندر وهي توقفه وتبكي : بندر الله يخليك قوم الحق راكان لا يسوي بنفسه شيء ابوه ضربه وطلع معصب بندر فاهي في الي ماسكه يده ومو قادر يلقط كلمه صحاه صراخها مها : بندااااار بندر من غير لا يفهم السالفه طلع وهو يدق على راكان ناصر : مها بنتي شصار اهدي وتكلمي بشوي شوي مها : وحكتله كل الموضوع من يوم ما دخلوا البيت ويوم ضمت راكان وكل شيء كل شيء ناصر عصب من اخوه عناد بتسرعه رح يدمر ابنه وبحنان : خلاص يا بنتي ادخلي جوا عند عمتك ولا تخافي بندر راح ورا راكان ولا رح يصيرله شيء مها من بين شهقاتها : طيب دخلت رنيم لداخل عند عمتها سناء وناصر التفت للشخص الي كان جالس بالمجلس وشاف وسمع كل شيء : بعدين نكمل اجتماعنا بابتسامه : حصل خير .... والله يكون بعونكم يالله عن اذنك .............................................. عند راكان كان داعس بنزين ويسوق وهو ما يشوف قدامه مقهور من نفسه ومن حياته ومن كل شيء كل يوم مشكله تعب متى رح يستقر بحياته لمتى رح يظل يعيش كذا نفسيته تعبت سمع صوت اذان المغرب هدا وهو يستغفر ويسبح وكرر ورا الاذان ودعاء بكل خشوع ان ربه يسرله امره ويكتب الي فيه الخير له سمع جواله يدق قفله وهو ماله خلق اتجه لاقرب مسجد ودخل وصلى ركعتين تحية المسجد وجلس يستغفر جلس جنبه رجل عجوز وواضح ان الكبر دهوره : الله يوفقك يا ابني ما شاء الله اتمنى لو واحد من عيالي طلع زيك يصلي ويجي المسجد بدري قليل من الشباب الي يجون قبل الاقامه راكان بابتسامه : الله يهديهم ادعيلهم بالهدايه : امين امين ي رب ويهدي الجميع ... انتبه لخده المحمر : مسح عليها بحنان قلي يا ابني من ايش ذا راكان حس بقشعريره بجسمه حس بحنان غريب من ذا الرجال مسك يده الي على خده وباسها : انت نعمه عظيمه لعيالك انا مو ابنك وحسيت بحنان يفيض منك : وييييه ليت عيالي حسوا فيها كل من تزوج نساني ونسي ان له اب راكان: رح يجي يوم ويرجعولك نادمين الاب ما يتعوض : وصيتي لك يا ابني امك وابوك لا كبرت واتزوجت لا تنشغل عنهم تراهم تعبوا وربوا والدنيا دواره والي تسويه لاهلك رح يسونه فيك عيالك بابتسامة حزن : حالتي يا عم عكس حالتك امي متوفيه وهو ما يبيني ويمنى موتي اليوم قبل بكرا : ابوك ؟ راكان هز راسه : ايه حتى ذيه الكلمه مقدر انطقه الرجال حط يده على يد راكان : تحبه راكان ناظر الرجال وسكت الرجال بابتسامه : عرفت الجواب من غبر لا تتكلم واذا حاب تكسب ابوك بر فيه يسوي الي يسويه بر فيه حتى لو بيذبحك الله اكبر الله اكبر وقفوا كل المصلين ووقفوا بانتظام وخشوع ورا الامام كبر الامام وبدوا يصلون صلوا صلاة المغرب وصلى راكان ركعتين بعدها وطول بالسجود في ركعاته وبعد ما خلص تلفت يدور الرجال العجوز الي كان جنبه ومالاقاه خرج من المسجد وهو حاس براحه وحمد ربه على نعمة الصلاة الصلاه راحه من الدنيا وهموها ركب سيارته وشغلها وتذكر موعده مع وليد اتجه للكوفي وصل تلفت ما شاف وليد جلس بوحده من الطاولات وفتح جواله جته 15 مكالمه من الخاسر ومكالمتين من وليد جاء بيدق على وليد وليد: اخيرررا وصلت ضيعت المطعم والله راكان رفع راسه له : الحمدلله على السلامه وليد جلس وانتبه لخد راكان: وانت كل ما اشوفك لازم الاقي علامه بخدك ... مسكت دقن راكان وصفر: ذيه شكلها جديده من سطرك كف راكان وخر يده : انجز وش تبي وليد : الصر...... دق جوال راكان شاف اسم الخاسر رد : هخير شتبي وليد: وش ذيه الاخلاق سفهه راكان وهو يكلم بندر: لا وقفت ..... طيب لا تصرخ .... مو مها الي قالتلك اسألها عن الموضوع ..... خير شفيك تضحك مع نفسك ..... لا بخير ...... ههههه لا ما صار شيء بس كفين ع الطاير وكم شعره راحت بيده ..... لانك ثور ..... زين زين باي وليد رافع حاجب ويناظر لعيون راكان : مين الي ضربك راكان: وش دخلك وليد بجديه : راكان صح اني ما اعرفك الا من يومين بس يمكن اقدر اساعدك مو معقوله كل يوم فيك علامه راكان : جايبني وش تبي اخلص علي وليد : انا اسألك راكان : وانا ما عندي جواب لك دق جوال راكان للمره الثانيه وليد : قفل جوالك ذا لاكسره فوق راسك راكان وسفهه ورد : هلا مهوي ... سمع صوت صراخ : مها شصار ...... عمي ناصر!!! طيب طيب جاي معليش وليد بعدين اكلمك الحين مشغول وراح وليد يناظر لظهر راكان: ذا شكله عنده مصايب لازم اعرف وش قصته ......................................... ناصر : عناد لمتى ذا الحال ياخي قبل لا تسوي أي شيء اسمع من الطرف الثاني ترا مو كل شيء تشوفه العين تصدقه عناد : ناصر خلاص لا تزيدني عارف اني غلطان خلاص ناصر : لا مو عارف ذيه المرا الثانيه يا عناد لسه مالك جاي الي يومين وذبحت الولد بكفوفك دخلت فاطمه للمكتب وهي تسمع اصواتهم توها جايه من عند اختها رزان : ناصر عناد شفيكم اصواتكم واصله للشارع ناصر :......... : ااااااااااااااااااااااااا ااااااااااااااااااااااااا ااااااااااااااااااااااااا ااااااااه صرخه خلت كل الي بالبيت يتجهون بخوف لمصدر الصوت ريان : رنيم شفيك رنيم جالسه على الارض وشعرها منثور حولها على الارض : رياااان شعري اهئ اهئ شعري ريان ناظر : لشعر اخته الي صار قصير لان اكتافها تقريبا وهو مذهول من الي يشوفه رنيم مستحيل تقصر شعرها الي من كثر ما تعتني فيه تحسه ابنها قرب منها وضمها وهو يشوف حالتها منهاره دخل عناد وناصر وفاطمه ومعهم جنان وشافوا منظر رنيم وريان ضامها وشعرها حولها ناصر : شصار ؟ رنيم انفجرت بعمها من غير وعي : بنتك السبب هي قالتلي بتنتفه شوف وش سوت بشعري راح شعري راح اهئ اهئ ابوي كان يحب شعري وعدته ما اقصه شوف بنتك وش سوت ناصر يناظر لرنيم وحالتها : مو مصدق ان بنته شهد ممكن تسوي زي كذا خرج متجه لبيتهم وهو ناوي على شهد اذا طلعت صدق هي مسويه كذا فاطمه راحت ضمت بنتها وهي تحاول تهديها عناد لحق اخوه ما يبيه يتهور زي ماه وسوا قبل شوي ببيت نـــــــــــاصر بغرفة شهد مها : شفيه وجهك؟ شهد : مدري تعبانه تعبت بالسياره وعطاني راكان بخاخ الربو ومن ذيك الساعه وانا مخنوقه مها باهتمام: باسم الله عليك من ايش لازم تروحين المشفى لا تستهيني بالربو شهد بصوت مبحوح: هههه تبيني اروح المشفى وعندي دكتوره مها هنا مها : اوك تبيني اكشف عليك اجل مالي دخل لو صرتي مشلوله شهد : وش دخل الربو بالشلل مها : مدري بس اوصفلك مقدار ثقافتي شهد : ههههههههه والله متأكد هانتي ما نجحتي الا بالغش مها: وسكت يوم انفتح الباب بقوه وحطت الطرحه على راسها ولفتها وغطت وجهها بطرفها ناصر بعصبيه : شهاااد شهد بخوف من عصبية ابوها : نـ نعم ناصر : انتي قلتي لبنت عمتك رنيم رح تنتفين شعرها بالجهة المقابله دقت مها على راكان شهد بخوف : أي ايه بس والله كنت معصبه ومو قصدي ناصر يقرب منها وهو مو مصدق بنته ممكن تسوي شيء زي كذا جت سناء ركض وضمت بنتها وهي تشوف عيون ناصر مو ناويه على خير : سناء وخري لا يجيك شيء ما يرضيك سناء ضامه شهد الي متمسكه فيها وتبكي : ناصر انت هدي شويه مافي شيء يمشي بالعنف ناصر : سناااء وخري روحي شوفي حالة البنت بنتك المصون قصة شعرها سناء : شهد ما تسويها شهد من الخوف معد صارت تسمع وبدا التنفس يضيق عليها ناصر : والله ثم والله يا سناء ان ما بعدتي فيصل: يبه !!!! ناصر : فيصل اطلع منها فيصل : يبه اهدا الله يخليك ولا تنسى شهد عندها الربو ناصر بعصبيه : لو عندها القلب ما يحقلها تسوي الي سوته ببنت عمتها وصل راكان وركض لبيت عمه ناصر شاف ابوه واقف عند الباب لانه خاف يدخل وتكون سناء بالبيت وحاول يتصل على ناصر بس مافي فايده دخل راكان البيت وهو ينادي على عمه سمعت مها صوت راكان رمت جلال الصلاة على عمتها عشان تلبسه وتغطي نفسها دخل راكان وشاف عصبية عمه راكان مسك عمه ناصر يحاول يهديه : يا عم استهدي بالله ناصر : راكااااان خذ فيصل واطلعوا منها بنتي وكيفي راكان مع انه مو عارف السالفه: اسألك بالله يا عمي انت شاك لو واحد بالميه ان شهد ممكن تسوي شي ناصر : سألتها قالت ايه اكيد ما توقعت ان شهد رح تقدر تسوي شيء زي كذا راكان بهدوء : عن ايش سألتها؟ ناصربهدوء: سألتها ان كانت هي الي قالت لبنت عمها رح تنتف شعرها قالت ايه راكان رفع حاجب : يا عم وشهد ما رح تكذب وقالتلك ايه لانها قالت ذيه الكلمه بس اسألها اذا كانت صدق سوتها ولا بس كلمه ناصر توه يستوعب مدى غبائه قرب من شهد وابعد سناء عنها وبحنيه:شهد انتي قصتي شعر رنيم شهد : والله لا والله يبه ما قصيته ولا شيء احنا تضاربنا بالمدرسه وقلتلها بنتف شعرك بس والله ما قصيته وبدا يخف صوتها بالتدريج ناصر يهزها : شهد شهااااد اصحي شهد مها دورت على بخاخ الربو حقها : شوي يا عم ابتعد ناصر وهو ندمان على تسرعه ويحمد ربه ان راكان جاء قبل لا يسوي شيء يندم عليه مها سوتلها بعض الاسعافات الي تعلمتها والحمدلله رجع تنفسها طبيعي خرج راكان من بيت عمه وهو يفكر بالتسرع على الحكم بالناس تذكر عبد الحمن وكلامه هو يقوله اسمعني غصب عني مر من جنب ابوه من غير كلمه وعناد ناظر لابنه بندم ركب راكان سيارته ودق على عبد الرحمن ومن اول رنه رد عبد الرحمن : راكان اسف اسف الله يخليك اسمعني راكان ببرود : اسمعك تكلم عبد الرحمن : يا راكان اختي هيفاء اختي الي عمرها اربع سنوات خطفوها ابوي تدين من ناس 50 الف وكان ابوي بينسجن جيت اخذت فلوس من ناس يدينون وتوقعتم زي غيرهم الحين يطالبوني بالدبل 100 الف قلتلهم مقدر اسددها خطفوا اختي وهددوني خلال شهر اذا جبت عميل لهم يشرب من مخدراتهم ويدفعلهم رح يقتلونها اسف اسف يا راكان ما لاقيت الا انت والله اسف راكان ببرود : بعد نص ساعه وقف بنهاية شارع بيتكم رح اجي واجيب الفلوس معي عشان تساعد اختك .. وقفل من غير لا يسمع رده تنهد واتجه للبنك عشان ياخذ ال100 الف من حسابه لان عمع ينزله شهريا مبلغ بس هو ما يصرف كثير منها وتجمعت لان وصلت200 الف تقريبا سحب الميه دفعه وحده وهو عارف انه رح تجي رساله لعمه بالمبلغ الي سحبه وذا الي يبيه مر لعبد الرحمن وركب عبد الرحمن وهو ما يدري وش يقول وراكان ساكت راكان : وين مكانهم بالضبط وصفله عبد الرحمن المكان وقف راكان بعيد شوي واعطى عبد الرحمن الفلوس : رجع اختك هي مالها ذنب بمشاكلكم عبد الرحمن نزل راسه : طيب خرج عبد الرحمن ودخل مستودع قديم طق طق طق سمع صوت صفقه: اووووه دحوم هنا هاه جبتلنا مدمن عبد الرحمن بخوف: جبتلكم فلوسكم : اوووه وليكون اخذت الفلوس من عصابه ثانيه ... قرب منه ومسك ذقنه : مسكين رح تدخل نفسك بمشكله اكبر لو جبتلنا مدمن كان ريحت نفسك من الديون وشخطه بالسكين بخده : بس رح تظل انسان غبي عبد الرحمن تألم من السكين : وين اختي ابتسم : لا تخاف اختك بخير مو انا الي اخلف وعودي .. واشرلهم يجيبون اخته هيفاء ركضت باتجاهه وتعلقت برقبته وهي تشاهق شالها عب الرحمن وهو يهديها : دحووم عبد الرحمن : خلاص هيونه انتب معي لا تخافين واخذ اخته ورجع لسيارة راكان راكان يوم شافه جاي وشايل اخته بين اكتافه ابتسم براحه انه قدر يساعد اخته ويود دخل دحوم واخته حرك السياره بجمود ووصل عبد الرحمن لبيته نامت هيفاء بالطريق عبد الرحمن قبل لا ينزل: راكان انا اسف راكان : ساعدتك لانك كنت صديقي من اليوم انسى انك بيوم عرفت شخص اسمه راكان عبد الرحمن : بس ... نظرت راكان سكتته سكت لدقايق بعدها : راكان برجعلك فلوسك مقدر اعيش برقبتي فلوس لاحد راكان ببرود : رجعها بالتقسيط متى ما قدرت رجع الي يتيسرلك عبد الرحمن : جزاك خير ... وخرج من السياره وحك حبتين من المخدرات على الكرسي : رح تحتاجها وقفل الباب تنهد راكان وهو يناظر للمخدرات وراه ....................................... عند رنيم الي جالسه بغرفتها تبكي وامها ضامتها تقرا عليها وتهديها ناصر يكلم عناد : اذا مو شهد مين سوا فيها كذا عناد: مدري بس يمكن متمشكله مع احد بالمدرسه ناصر : اذا احد من المدرسه كان انتبهت لشعرها اول ما وصلت عناد : رنيم جت تعبانه من المدرسه ونامت بملابسها وبكل شيء ما بدلت حاجه ناصر : الله يعين بس .... جت رساله بجواله رفع جواله وعقد حواجبه من الي شافه راكان وش يبي بمثل ذا المبلغ عناد : شفيك؟ ناصر : ولاشيء ... يالله عن اذنك بروح اشوف شهد عناد : طيب خرج ناصر واتصل على راكان الي قاله جاي بالطريق ..................................... وصل راكان للبيت اخذ نفسه وهو خارج من سيارته وداخل لبيت عمه ناصر وهو مقرر يفجر القنبله طق طق : ادخل دخل راكان مكتب عمه : هلا عمي ناصر : ليه اخذت كل ذا المبلغ ابي توضيح راكان : يا عم انت واثق فيني ؟ ناصر : لو مو واثق فيك كان ما خليت مثل ذا المبلغ بحسابك راكان : يا عم بقلك شيء واسمعني للنهاية من غير لا تقاطعني ناصر : تكلم اسمعك راكان رفع عيونه لعمه : انا مدمن مخدرات ................................. انتهى البارت توقعاتكم سبحان الله وبحمده سبحان الله العظيم | ||||
|
| |
|
16-04-17, 06:51 AM
| #27 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
| البارت الثاني عشر بسم الله نبدا وصل راكان للبيت اخذ نفسه وهو خارج من سيارته وداخل لبيت عمه ناصر وهو مقرر يفجر القنبله طق طق : ادخل دخل راكان مكتب عمه : هلا عمي ناصر : ليه اخذت كل ذا المبلغ ابي توضيح راكان : يا عم انت واثق فيني ؟ ناصر : لو مو واثق فيك كان ما خليت مثل ذا المبلغ بحسابك راكان : يا عم بقلك شيء واسمعني للنهاية من غير لا تقاطعني ناصر : تكلم اسمعك راكان رفع عيونه لعمه : انا مدمن مخدرات ناصر رفع حاجب: عشان كذا سحبت الفلوس؟ راكان : يا عم اسمعني ناصر بعصبيه : اسمع ايش جاوبني !!! جاي تقولي انك مدمن متوقع مني اخذك بالاحضان يعني راكان جلس على الارض ورفع راسه لعمه : يا عمي اسمعني للنهايه وبعدها والله لو تذبحني ما رح اتحرك حلالك بس الله يخليك اسمعني زفر ناصر ووجهه بدأ يحمر وشاد على ايده بقوة : قول خلنا نشوف اخرها معاك . راكان بعد سكوت دام ثواني : في واحد كنت معتبره صديقي وكان قريب مني كثير كان يحط لي حبوب في الكوفي حقي ما كنت ادري كان يجيني صداع من فتره بس كنت اشرب الكوفي يروح بس ما توقعت واحد بالمية انه ممكن يسوي كذا فيني وجلست فتره على ذيه الحاله واليوم قالي انه يحط حبوب بالكوفي عشان كذا جيتك وابي اتعالج.... اخذ نفس واردف بصوت واطي اقرب للهمس وهو منزل راسه : تتوقع يا عم لو انا بكيفي صرت مدمن رح افضح نفسي واجي بقلك ابي اتعالج ؟! يا عم انت عارف كل الي انا مريت فيه والمصايب الي كل يوم والثاني تزيد فوق راسي تتوقع رح احط مصيبه ثانيه فوق راسي ؟... رفع راسه مرا ثانيه لعمه : يا عم انا جايك وانا طالب مساعدتك انا ادمنت غصب عني لو كنت ابي استمر ما كنت جيتك . اعطى ناصر ظهره لراكان وهو شاد على قبضة يده : راكان اطلع برا الحين ترا لو اشوف وجهك بذيه اللحظة رح اسوي شيء اندم عليه يا راكان حتى لو مو ذنبك بس موضوع المخدرات موضوع كبير ... وبصراخ : كبييييير فاهم وش يعني كبير لان الموضوع ما يخصك انت بس يخص العايله كلها ولو احد عرف انه واحد من عايلتنا يتعاطى رح يسببلنا مصيبه ... ضرب يده على الطاوله بقوه وصرخ : ما تسمع اطلع برااا!!! راكان ناظر لظهر عمه وهو مقهور من نفسه كل يوم يوعد نفسه انه ما يسوي مصايب لعمه يكفي تحمل مسؤليته بعد ما تركوه اهله بس كل يوم يلاقي نفسه في حفره اعمق من الي قبلها طلع من المكتب وهو نفسه ،يولع بنفسه ويرتاح ويريح العالم منه طلع من بيت عمه متجه لبيتهم دخل البيت ................................. طلعت فاطمة من غرفة رنيم بعد ما هدت ونامت : كيفها الحين؟ زفرت بضيق : مدري وش اقلك يا ريان ...رنيم بس تتوعد بشهد .. وشهد مسكينه مالها دخل ريان : طيب كيف تأكدتوا ؟؟ فاطمة: ناصر بعد ما سمع هذيان رنيم راح لبيتهم وهو ناوي على بنته بس راكان الله يجزاه خير وقف ناصر وخلاه يسمع من بنته .. وفهموا منها السالفة ان هي ورنيم تضاربوا بالفسحة وبعدها ما شافتها الا بالسيارة ريان : وراكان هذا بكل المشكله لاز يتدخل فيها يعني ؟ فاطمه بحزم: ريان !! ..... راكان ما قال الا الحق ريان مقهور على اخته: أي حق يا يمه أي حق صدقيني بالنهايه رح يطلع شهد وراكان متفقين على الموضوع وانه هو يغطي عليها فاطمة بحزم وبصوت عالي : رياااان !! : خلية يا عمه اصلا انا سبب كل مشكلة بهالبيت فاطمة وريان يناظرون الدرج فاطمة : راكان لا تقول كذا ريان : وانا ما قلت شيء غريب هالشيء الكل يعرفونه راكان : مو انت يعني ما تعرف من السبب .. مو السبب بهالشيء جدي اللي يبي سبب عشان يطردني من البيت .. ولا من هههه اللي مسوي نفسه ابو اللي مع كل فرصة يضرب حتى من غير سبب ريان :: كل هالاشخاص اللي تتكلم عنهم ما سووه الشيء الا انك مساوي شيء وكبير بعد راكان بهدوء : الشيء الكبير اللي تتكلمون عنه كلكم وضحوه .. تكلموا قولولي .. حتى انا ابي اعرف وش هالشيء الكبير اللي متهميني فيه .. اقل شيء يكون عندي علم حتى المجرم قبل يحاكمونه يعرف جريمته .. وانا الى يومك هذا ما عرفت وش سويت .. تعاقبوني بجريمة غيري !! .... اذا انتم تكرهون امي انا وش دخلني وين ذنبي بهذا كله .. وبستهزاء: لاني ابنها اتعاقب؟ مو انا الي اخترت تكون امي !! مو انا الي اخترت اكون بذيه العايله !! كل شيء مو انا الي اخترته حتى حياتي تمشي بالطريقه الي عايلتكم تحددها ... ناظر لفاطمة واردف:.. حتى اللي اعتبرتها امي تركتني . بس تدري انا اصلا ما الومها تركتني لاني مو ولدها .. الله يجزاها خير انها سمحتيلي اعيش معكم وربتني في الوقت اللي كلهم حكموا علي فاطمة ودموعها بعيونها : راكان انت ولدي ... لا تقول كذا انت تدري لولا ضروف شغل عمك ما تركتك .. راكان وهو مبتسم على جنب : هههه لا تضحكين على نفسك .. لو هو .. وناظر ريان من فوق واردف : لو هو ريان ما تركتيه لوتنطبق السماء على الارض .. ريان برفعة حاجب : اكيد يابابا ... انت مهما سويت حتى لو امي رضعتك بتضل ولد البريطانية راكان لف لريان :ههههههههه بتضل نفس عقليتك مهما كبرت .. كملها قول اني سرقت حليب امك ... لساتك نفس البزر ما كبرت ريان وهو يتقدم يبي يتضارب مع راكان مو عشان الكلمه عصب لا بس هو حاس ان راكان له دخل بقص شعر اخته : من تقصد بالبزر فاطمة تمسك يد ولدها : ريان هد اعصابك راكان وهو نفسه يتضارب مع احد يطلع حرته باحد :ما تختلف من صغرك بشيء... رح تظل ريان الطفل الدلوع .. الي يحتمي ورا امه وابوه ريان عصب وفلت من يده من امه وقرب من راكان وهو ناوي يعطيه بوكس مسك راكان يد ريان قبل لا توصل لوجهه: ترا ما عدت راكان الي تقدر تضربه وما يقول كلمه عشان ابوك ما يعاقبه ريان مد يده الثانيه بيضربه بوكس بس راكان نزل لتحت وهو لساته ماسك يد ريان ولف من وراه وثبت يده ورا ظهره ولزقه بالجدار وتكلم من بين اسنانه : لا تخليني ادخلك براسي لا اقسم بالله لا اخليك تهلوس فيني حتى باحلامك فاطمه بخوف عليهم من بعض ومن عناد انه يجي يشوفهم مسكت كتف راكان : راكان الله يخليك اتركه خلاص لا يجي ابوك ويشوفكم كذا راكان ناظر لعمته وبعدها ترك ابنها بصمت ولف ماشي لغرفته ريان مفور من العصبيه ومستحيل يخلي راكان بذيه السهوله انقض على راكان من ورا وذا خلا راكان يسقط على الارض جلس فوقه وهو حاول يضربه بس راكان كان يدافع عن نفسه وبعدها بدت المعركه وكل واحد يسدد ضربه للثاني فاطمة بدموع صرخت : خلااااص!! خلاااص انت وياه ريان ابعد عنه راكان اتركه : خلاااااص انت وياه !! ما تحشمون امكم تضاربون قدامها فك راكان ياقة ريان بعد ما كان ماسكها وهو يلهث من التعب ومكان الخياطه القديم يألمه بسبب بوكس ريان الي جاء ببطنه .. وريان نزل يده الي كانت مرفوعه باتجاه راكان ومسح الدم الي نزل من خشمه بسبب ضربة راكان عناد بعصبيه : ممكن تفهموني ليه تضاربون كذا!! راكان مشى بصمت متجه لغرفته ومر جنب ابوه عناد مسك يد ابنه : شايفني مزهريه هنا !! اكلمكم انت وياه ليه تضاربون ؟!!! زفر راكان وبهدوء رفع راسه لابوه : لو تكلمت ما رح تسمعني ولا رح تصدقني ورح تصدق ريان فما يحتاج اتعب نفسي على الفاضي واترك يدي بروح!! ريان يناظر لراكان من فوق لتحت : يا خال انا بفهمك الموضوع عناد واسلوب ذا الولد يقهره : ريان اسكت انا ابي اجابات من راكان !!! يالله الحين اسمعك تكلم ريان انقهر من خاله كيف يسكته كذا فاطمه عارفه ان راكان رح يعاند ابوه: خلاص عناد انا بقلك الموضوع اترك العيال يروحون غرفهم عناد وعينه بعين راكان : خلي راكان يتكلم ... وبسخريه : مو احنا ظالمينه .. ما نسمعه ... ما نخليه يتكلم راكان ما عجبه اسلوب ابوه الساخر : ليه انت شايف نفسك مو ظالمني ؟! نسيت الي سويته زمان ؟!! انا بسببك تدمرت حياتي !! اللحظه الي شوفتك فيها قبل تسع سنوات دمرتني تدري!! عناد ناظر لفاطمه وبعدها رجع ناظر لابنه ناصر قاله انه محد يدري بأنه هو السبب بدخول راكان المستشفى قالهم انه صارله حادث صرخ:راكااان!!! راكان وخر يد ابوه بعصبيه وتكلم بصوت عالي: راكان وراكان وراكان الله ياخذ ذا الراكان ويريحكم منه الله ياخذني وتعيشون مبسوطين كل شيء انا السبب فيه كل شيء انا وانا انتم الي تغلطون وانا الي اتحمل غلطكم فاطمة نزلت دمعه على خدها قربت من راكان تبي تضمه وتهديه : راكان اهدى وكل شيء بينحل ان شاء الله راكان دفها بقوه من غير وعي : وخري عني ما ابي اهتمام مزيف ما ابي اهتمامكم ما ابي شيء منكم اتركوني بحالي خلاص كانت فاطمه بتطيح من دف راكان لها بس مسكها ريان : انت مجنون!! بعقلك شيء .. شدت فاطمه على صدر ابنها وناظرتله بعيون راجيه يعني خلاص اقصر الشر عض ريان على شفته السفليه وسكت عشان امه عناد مسك يد راكان وسحبه لأقرب غرفة دف راكان وسط الغرفة ولف سكر الباب فاطمة شهقت وراحت ركض للغرفة ودقت الباب : عناد افتح .. استهدي بالله يا عناد .. الولد ماله دخل .. ريان هو اللي بدأ .. عناد تكفى لا تسوي براكان شيء .. يكفي اللي جاه من يوم ما جينا وحنا مسببين له مشاكل اهئ اهئ اهئ ريان راح لعند امه وهو خايف على راكان .. لان عنجد خاله ما كان طبيعي جوا الغرفة : راكان كان جالس على الارض ماسك خصره ومنتظر ابوه يكمل عليه عناد كان واقف قبال راكان يحاول يهدي نفسه لا يرتكب جريمة بالولد اللي قدامه .. اخذ نفس : راكان ممكن تقولي ايش صار .. راكان رفع راسه لأبوه وابتسم : تبي تعرف السالفة روح اسأل ولدك ريان عناد وهو راص على اسنانه : بتتكلم الحين والا اشلون .. لو ابي اسمع من ريان كان سألته .. جاوبني ايش الي صار بينك وبين ريان .. وش الي يخليك تقول مثل ذا الكلام راكان وقف واعتدل بوقفته وحط اصبعه على راسه زي الاطفال : ماني متكلم .. وانت تبي السالفة روح عند ريان .. وانا اصلا انا طالع من ذا البيت ورح اريحكم مني عناد : مو بكيفك تجلس او تطلع ... اخذ نفس وحاول يلطف الجو شوي : يا ولدي انا وعمتك فاطمة ما نبي لك الا الخير .. ادري ان ما كانت بدايتنا ابداً كويسه .. بس و الله مو قصدي من اول ما جينا وانت صادد عني ما تبي حتى تعطيني فرصة اكلمك راكان وهو رافع راسه لفوق يحاول يكتم الام اللي قاعد يزيد : مصلحتي !! مصلحتي انكم تروحون وتخلوني مصللحتي انكم ترموني ولا تسألون عني وين مصلحتي بالموضوع ...لف راكان وعطى ابوه ظهره .. ويحاول يتمالك نفسه من الالم : انت ما كنت لي اب يوم اني احتاجك .. يوم كان عمي فهد يفضل عياله علي .. يوم كان ريان يقول هذه امي وهذا ابوي وانت حرامي تسرق حليب امي .. يوم كان عمي ناصر قايم على كل اموري وأوراقي ... يوم كنت مرمي بالمستشفى بسببك .. ضحك باستهزاء: هه انت حتى ما تدري وش صارلي بالمستشفى تتوقع صدق جلست اربع سنوات بغيبوبه!! .. عمرك سألت ليه راكان طول بالمستشفى!! ... طبعا لا لاني مو ابنك ولا مرا بحياتك حسيت اني بيوم ابنك لا تخدع نفسك وتخدعني بذا الكلام ...تبي تعرف وش صار بيني وبين ريان ؟! ريان يحسبني ورا موضوع قص شعر رنيم !! ريان قاعد يتهمني اني اغطي على شهد !! خلاص عرفت الموضوع يالله تعال اضربني لانك حتى انت اكيد شاك فيني .. راكان ولد البريطانيه مسؤل عن كل مشكله تصير بذا البيت !!... راكان ولد البريطانيه الي محتاج تربيه من اول وجديد !! ... كل شيءء براكان خطاء .. خلاص تعال عدلني تعال اذبحني وخلص علي ... لان وجودي بذا الدنيا يتعبك !!.... ادري انك بقلبك تتمنى اني مت مع امي ... غمض عيونه وهو نفسه لو دمعه من الدموع المتراكمه في محاجره وتحرقه انها تطلع وتريحه بس ما يقدر يبكي ما يعرف : تدري اني اكرهك .. واكره كوني ابنك .. اكره ان اسمي انربط باسمك... اتمنى اني يتيم ولا اكون ابنك ... اتمنى اني مقطوع من شجره ولا اكون ابنك ... اشوف الناس كلها عايشه وفرحانه مع اهاليهم الا انا ... وجودي خطا بين اهلي ... تدري اني اخاف اجلس معهم ... تدري ان عيال عمي كلهم يناظروني بنظرات شفقه ... وابوك الي عمري ما جلست بينهم الا يصغرني ويذلني ... انت تكره امي ... طيب ليه من البدايه ما تبريت مني وريحت نفسك وريحتني عناد مصدوم ما توقع كل ذا بقلب ابنه هو ايه تركه وراح بس توقعه انه عايش عند ناصر مرتاح ونسي كل الي راح بس للحين حاقد وشايل بقلبه: راكان اسمعني صرخ راكان : ما ابي اسمع شيء ابي اموت .. الله ياخذني ويريحكم مني .. الله ياخذني ... ومسك أي شيء تطيح يده عليه ويرميه بهستيريه وهو يدعي على نفسه عناد يناظر ابنه بتأثر وهو ندماااااان انه ترك ابنه ندمان لانه راكان وصل لذيه المرحله بسببه يتمنى لو يرجع لوراء ولا عرف ايلين ولا ساعدها يتمنى لو انه ما حبها وتزوجها ضاااع ولده الي كان يحلم فيه بسببها من زمان وهو يحب الاطفال وكان يحلم يتزوج ويصير عنده عيال ويربيهم احسن تربيه ويكون اخوهم قبل لا يصير ابوهم يكون قريب منهم بس بالنهاية وش صار حرم ابنه حنانه ووجوده حرم ابنه كلمة اب واهل وبيت وامان اخذ نظره اخيره على ابنه الي يصرخ بهستيريه ويرمي كل شيء حوله ما يقدر يتحمل يشوفه بذيه الحاله خرج من الغرفه وقلبه يعوره على ابنه .................................................. ........... عند رنيم بعد ما طلعت امها جلست تفكر رنيم : و الله لأنتقم منك .. و الله ما اخليك ان ما حرقت قلبك زي ما حرقتي قلبي على شعري ما اكون رنيم بنت فهد قامت تدور بالغرفة .. وهي تفكر وقفت يوم شافت انعكاس صورتها بالمراية . قربت من المراية .. امتلت عيونها دموع مررت يدها على شعرها .. وهي تتذكر كانت تركض ورى ريان عشانه اخذ دفترها اللي تكتب فيه ذكرياتها رنيم : و الله ياريان ان ما جبته ما يصيرلك خير ريان : والله ما ارجعه ليه تخربين البلاستيشن حقي .. رنيم وهي معصبه وشعرها يتمايل يمين ويسار .. كان مفتوح .. لانها ماتحب تلمه .. دايم امها تتعب معها اذا تبي تلم شعرها ريان وقف وكانت بينهم كنبة وهو يحاول يفتح الدفتر رنيم عصبت زياده يوم شافت ان ريان يحاول يفتحه نطت من فوق الكنبه وطاحت فوقه وجت ركبتها على يده .. رنيم نطت من فوق الكنبة وطاحت فوق ريان على ايده رياان : ااااااااه رنيم : جلست بسرعه وشالت دفترها ريان وهو ضاغط على ايده : ايدي يا حمارة .. وسحبها من شعرها ... رنيم : اااااااااه .. ريااان ياكلب اترك شعري ريان : كسرتي يدي يا معفنه رنيم وهي مغمضه عيونها بقوه ووجها احمر : اترك شعري اااااااه : ريااااااااااااااان نط ريان من الفزعه ولف لمصدر الصوت : يبه قرب فهد من ريان ومسك اذن رايان : ليه ماسك شعر اختك .. فك شعر اختك اشوف ... يالله ريان وهو عيونه مليانه دموع واذنه حمرا ترك شعر رنيم : طيب طيب انا اسف تركه فهد وراح ركض لعند امه .. رنيم كانت تبكي وهي ماسكه شعرها فهد قرب من رنيم وجلس على الارض قدامها وحضنها : خلاص يابابا . لا تبكين انا ادبته ما رح يعيدها رنيم وعيونها دموع : بابا شعري يعورني .... دايم يسحب شعري بقوه ... تعبت منه بقصه ابي شعري قصير فهد وهو يمرر يده على شعر رنيم ويرتبه لها :لا يا بنتي شعرك الطويل حلو... احلى من الشعر القصير رنيم : وهي تمسك شعرها وتلمه لقدام تحطه على كتفها :بابا فيه بنات عندنا شعرهم قصير فهد بابتسامه : رنيم حبيبتي زينة البنت بشعرها ... وهنا بألمانيا ما يعرفون ان البنت الي شعرها طويل حلوه .... شوفتي في السعوديه الي شعرها طويل يحبونها الناس وتصير محبوبه رنيم بفرحه طفوليه : صدق !! يعني لو رجعت السعوديه وشعري طويل رح يحبوني الناس فهد ماسك ضحكته : ايه بحبونك الناس وقفت رنيم بفرحه وباست ابوها بخده : وعد مني ما رح اقص شعري ابدا وابد ورح اخليه طويييييل مراااااا... وركضت لداخل بفرح تبي تخبر امها بالوعد الي قالته لابوها رجعت للواقع وهي تناظر للمرايه بتصميم : والله لا انتقم منك يا شهد سمعت كل الي صار بين راكان وريان قدام غرفتها رنيم باستهزاء: هه وطلع راكان مشترك معاها والله لاخليهم يندمون طول حياتهم ..... واتجهت لسريرها وتلحفت وهي تخطط وتتوعد فيهم .................................................. برا الغرفه عند فاطمه وريان فاطمه تدق الباب باقوى ما عندها : عنااااد افتح الله يخليك عناد الله يخليك لا تسوي شيء للولد .... وبصوت ضعيف :عناد اهئ اهئ ريان مسك امه وابعدها وهو كمان خايف لا يسوي خاله شيء : يمه اهدي شوي .. خالي مو وحش ما رح يسوي شيء لابنه صدقيني انتي اهدي شوي فجاءه رفعت فاطمه وابنها راسهم للباب وهم يسمعون صراخ راكان واصوات اشياء تتكسر صرخت فاطمه بفجعه وهي تبعد ريان وتركض للباب : رح يروح راكان رح يضيع ابني اهئ اهئ ريان اتجه للباب مع امه ودق الباب: خالي افتح .. خالي عناد افتح الباب جلست فاطمه على الارض تبكي وتشاهق : راكاااااااان اهئ اهئ راكااااااان .... ووقفت بسرعه اول ما انفتح باب وخرج عناد ووجهه ما يتفسر مسكت يده : دخيلك يا عناد خلني ادخل بشوف ابني اهئ اهئ عناد بصوت اقرب للهمس مسك فاطمه من اكتافها : فاطمه راكان ما يقدر يشوف احد حالته ما تسمع خليه يريح اعصابه وبكرا شوفيه فاطمه ولا زالت تسمع اصوات تكسير وصراخ راكان هزت راسها بلا : ما رح اتحرك من هنا ابي اشوف ابني .. انت ما تسمع اخاف يسوي بنفسه شيء عنااااد وخر عني بشوف ابني عناد صرخ : فااااطمه خلااااص خلااص خلي الولد بحاله تراه كاره كل واحد فينا خلاص !!! راكان مو محتاجني وانتي عارفه ذا الشيء .. ومسك بكتفها بقوه وهو يقربها من الباب بعنف : تبين تدخلين ادخلي بس لو صارله شيء رح يكون ذنبه برقبتك راكان رح تزيد حالته اذا شاف واحد منا اتركيه بحاله ... وتركها وطلع من البيت بكبره جلست فاطمه على الارض ونحيبها زاد عن اول .... ريان جلس بمستوى امه ورفعها يبي يقومها بعدت فاطمه : لا ابي اجلس ههنا ابي اتطمن على راكان ريان : يمه خليه الحين رح يهدى من نفسه فاطمه رجعت جلست جنب الباب : ما رح اتحرك لان يهدى تنهد ريان وجلس جنب امه .................................................. ..................... جوا داخل الغرفة تدور حوالين نفسها وكل شوي تطل على الي جالس يصارخ ويرمي الاشياء حوله ويكسرها : يا ربي وش اسوي اخاف يسوي شيء بنفسه والله اني خايفه انا وش دخلني ذا الوقت لغرفتي ... يا جنان فكري بطريقه تهدينه ... وخالي الله يهديه كيف يتركه بذيه الحاله .. حست انه بدا الصوت يخف طلت من باب غرفة التبديل لانها توها تسبحت ودخلت عشان تبدل وسمعت اصوات بغرفتها فتحت الباب بشويش شافت خالها وراكان وسمعت كل الي دار بينهم حزنت كثير على راكان الي ما عاش حياة طبيعيه ابدا ... شافت راكان جالس على الارض وساند ظهره على السرير وماد رجوله الثنتين وحاط يده على خصره وزام شفايفه ومغمض عيونه وهو يتنفس بصوت مسموع : ليكون فيه شي شكله مرا يخوف وجلسته مو طبيعيه ... رجعت تدور بالغرفة: الله ياخذك يا جنان وش مدخلك الغرفه بذا الوقت الحين وش اسوي مقدر اخليه لحاله كذا يا رب ساعدني يا رب ساعدني ... ورجعت طلت مرا ثانيه من الباب وشهقت برعب وهي تشوف بلوزة راكان من الجهة الي حاط يده فيها كلها دم ولان بلوزته بيضاء صار الدم مرا واضح مع ان البقعه مو كبيره مرا .................................................. ................. راكان حس كل قواه راحت جلس على الارض والوجع يزيد عليه توه يصحى من الي كان فيه حط يده على خصره وهو يناظر للغرفه حوله وكل شيء مرمي والعطور بكل مكان ومكسره غمض عيونه وهو زام شفايفه بالم وجلس يفكر: مسكين صاحب الغرفة كسرت كل اغراضه ... مدري وش صارلي .. بديت كثير افقد وعيي واسوي اشياء من غير ما احس .. هه شكلي بديت ادخل بمرحلة من الجنون ... وذيه ما صدقت التأمت بعد العمليه والحين رجعت انزف من جديد ... فتح عيونه يوم سمع صوت اقدام تقترب منه جنان طلعت من غرفة التبديل وهي تبلع ريقها شافته يفتح عيونه ويناظرها تكلمت بصوت يرتجف : را راكان دم بلوزتك .. انت تعورت؟ وخر راكان عيونه منها وابتسم بسخريه على رجفتها اكيد خايفه منه جنان قربت منه وحطت يدها المرتجفه على يده تبي توخرها عشان تشوف الجرح راكان مسك يدها بيده الثانيه وبحزم: شيلي يدك مو محتاج مساعدة احد جنان غمضت عيونها واخذت نفس وفتحتها وحطت عينها بعينه : مو على كيفك .. وانا مو قاعده اساعدك اساعد اخوووي .. وشددت على ذيه الكلمه راكان : هههههههههههههههههه لو اخوك صدق ما كان كل جسمك يرتجف ... خايفه مني صح ؟ جنان وخرت يده من مكان الجرح واشرت باصبعها برجفه على مكان الدم : اكيد خايفه تتوقع اشوف اخوي ينزف من مكان خطر ولا اخاف عليه ... راكان شوف بلوزتك قالبه حمراء راكان ناظرلها وابتسم: عادي شوي ويوقف من نفسه جنان وقفت : انت مجنون رسمي ... اصبر شوي بنزل بشوف عادل اذا هنا بخليه يجي يشوفك مسك راكان يدها: ما يحتاج تقولين لاحد جنان بدموع : راكااان .. مستحيل اخليك كذا راكان : عندك اسعافات اوليه ؟ جنان : ايه عندي .. وركضت لدرج التسريحه وفتحت ثاني درج وطلعت علبة الاسعافات ورجعت لراكان : هذه هي راكان اعتدل بجلسته : عطيني العلبه وروحي انا بداوي نفسي جنان هزت راسها برفض وجلست على ركبها جنبه ومسكت بلوزته : ما رح اخليك رح اعالجك انا راكان بهدوء : ما رح تتحملين الي بتشوفينه جنان بعناد : راكان قلتلك رح اعالجك يعني رح اعالجك راكان : بس اوعديني ما تسألين عن شيء جنان وببالها بس تعالجه: وعد ما رح اسأل راكان تنهد وفصخ بلوزته وابعد عيونه عنها سمع شهقتها بس ما عبرها وببرود: مرري قطن على الجرح عشان ينظف المنطقه من الدم وبعدها ادهنيها بالمرهم الاحمر ولفي الشاش هزت راسها وهي تناظر للخياطه الطويله من نص ظهره لان بطنه تجمعت الدموع بمحاجرها وبدت تسوي نفس ما قالها راكان وتحس بقشعريره بجسمها بكل مرا تلمس الجرح وهي تدهن المرهم وبدت تلف الشاش وساعدها راكان بلفه وبصوت باكي : خلصت راكان مسك بلوزته بيرجع يلبسها : يعطيك العافيه مسكت جنان بيده : بلوزتك كلها دم اصبر معي هنا ملابس حق ريان لان شنطته ما كفت وحط كم غرض حقه معي راكان ابعد يدها : ما ابي شيء له صله بريان جنان سحبت البلوزه من يده وبحزم : انا اختك الكبيره ولازم تسمع كلامي ... وراحت للشنطة الملابس الي له ما فرغته واخذت منها بلوزه سوداه باكمام طويله راكان ابتسم لاول مرا يحس ان صدق عنده اخت تهتم فيه .. ايه مها ما قصرت معه بس يحس بامتنان تجاهها لانها مو مجبوره تساعده بس هي ما تركته .. بس ذيه اخته ومن واجباتها انها تساعده : جنان جنان تقفل الشنطه : همممم راكان : مشكوره جنان مدت له البلوزه وساعدته يلبسها : ما بينا ذا الكلام راكان حاول يوقف حس بنغزة حط يده مكان الوجع وزم شفته ... مسكت جنان : راكان على وين يالله يمديك توقف راكان : اتعبتك بروح غرفتي بخليك ترتاحين جنان ساعدته على والوقف وحطت يدها على خصره والثانيه ماسكه فيه يده عشان يقدر يتوازن : ادري انك تعبان ولا تبي تقابل احد خلك هنا اليوم راكان : بس جنان سكتته : اوووص مافي بس راكان باستسلام : طيب بس وديني للكنبه جنان تهز راسها برفض : لا نم على السرير راكان بعد عنها وتمسك بطرف السرير: تبني اجلس هنا وديني الكنبه ولا خليني بروح غرفتي رجعت مسكته من جديد: براحتك خلاص ... ومشته للكنبه وجلس وهو حاط يده على خصره وانسدح على الخداديه الي فوق الكنبه وغطا عيونه بيده راحت رنيم تجبله لحاف ولحفته .. وسحبت كرسي وجلست عند راسه ودخلت اصابعها بين شعراته الملونه بتردد ولاحظت كم شعره حمرا بينهم راكان حس بيدها تتغلل بين خصلات شعره حس براحه غريبه من زماااااان محد سواله ذيه الحركه .. اخر مرا قبل خمس سنوات قبل لا تتحجب مها منه جنان جلست تناظرله وتناظر لملامح وجهه الباينه بسبب يده الي تغطي عيونه... ناظرت لشعره المصبوغ للحين تذكر لون شعره الاحمر لانهم راحوا المانيه وهي بثاني ثانوي .... للحين محيرها ليه يصبغ شعره كذا .. ليه يغير شعره ... تنهدت وهي تذكر الجرح الي فيه واضح انها خياطه شكله مسوي عمليه .. تمنت انها سمعت كلام اخوها عادل ودخلت طب .. ممكن كانت عرفت نوع العمليه من الخياطه الي فيها ... بدت انفاس راكان تنتظم يعني اكيد انه نام ... تسحبت بشويش عشان ما تصحيه ... سمعت دق امها على الباب يوم كان خالها عناد بالغرفه وخرجت عشان تطمنها عليه .................................................. .......... برا الغرفه عند فاطمه لساتها على وضعيتها جالسه على الارض قدام الغرفة وهي تحاول تكتم شهقاتها ... خايفه كثييير على راكان خاصه بعد ما هجد الصوت ومعد سمعتله حس وريان جالس قدامها ويناظر لامه الي تطلع منها شهقه ورا الثانيه بين فتره وفتره : يمه خلاص ذبحتي نفسك من الصياح ما فيه شيء ان شاء الله روحي ارتاحي فاطمه : اهئ كيف تبيني ارتاح اهئ وابني جوا مدري وش صار فيه اهئ اهئ تنهد ريان ونزل راسه وسكت بعد ثواني انفتح الباب وفزت فاطمه واقفه شافت جنان طالعه من الغرفه : يمه جنان انتي هنا طمنيني راكان كيفه هو بخخير ؟ عقد ريان حواجبه من تواجد جنان بالغرفه وبعدها تذكر ان ذيه غرفتها جنب غرفة رنيم جنان مسكت امها تهديها : اهدي يمه راكان ما فيه الا العافيه والحين هو نايم فاطمه : كذابه كيف يكون بخير وصوت ذاك التكسير كله ؟ جنان : يمه والله بخير ومافيه شيء... بس كان معصب من خالي عناد ورمى كل شيء حوله وبعدها هدا ونام و لحفته وهو مافيه شيء فاطمه : خليني بدخل اشوفه جنان بابتسامه تطمن امها : يمه انتي الحين تبكين ويالله تمسكين شهقاتك ... ولساته نايم يمكن تصحينه وهو تعبان من الي صار ويبي يرتاح اكيد فاطمه بدت تقتنع : طـ طيب .. بس جنان خليك عنده ولا تروحين مكان يمكن يحتاجك جنان : ان شاء الله يمه ما رح اتحرك شبر من مكاني ... روحي يمه غرفتك ونامي تأخر الوقت فاطمه وهي ما ودها تروح بس مافي شيء تقدر تسويه : ان شاء الله .. يالله تصبحون على الخير .. وراحت باتجاه غرفتها جنان : وانتي من اهل الخير ريان بعد ما راحت امه : شفيه فصل كذا فجاءة تنهدت جنان وناظرت اخوها بحده : انت اخر واحد تتكلم انت السبب بكل شيء ... ولسانك الطويل ذا يبيله قص رفع ريان حاجب : والله!! وطلعت الحين انا الغلطان .. سفهته جنان ورجعت دخلت الغرفه وقفلت الباب وراها ريان : حمدلله والشكر أي ضيء يصير لراكان قالوا انا .. وزفر : الحمدلله خالي عناد ما سوا شيء ونزل للصاله تحت يشوف برنامجه الي يجي الساعه 11 بالليل .................................................. .... : يا حيوانه يا معفنه يا كلبه الله ياخذك ليه ما قلتيلي : نسيت ضربتها بالمخده : مهاااااااا مو وقت استعباطك بكرا بتروحين لاهلك واحنا اخر من يعلم مها : اولا مو اخر من يعلم لان محد يعرف الا رويكن واخوك الدلخ .. وانتي الحين واصلن راح الموضوع عن بالي شهد عضت المخده بقهر : كيف راح عن بالك مها انتي براسك مخ بالله ... كيف بتروحين اول مرا عند اهلك كذا مها باستغراب : وش قصدك؟ شهد توقف قدام مها فوق السرير وتعدد باصابعها : اولا لازم تجيبلهم هديه وحركات ... صح ذكرتيني عندك اخوان ؟ مها هزت اكتافها بمعنى مدري: ما سألت راكان شهد صرخت بقهر : لاااااااااا انتي مجنونه كيف ما تسألين عن اهلك ... لازم تتجيبين هديه لكل واحد منهم يا الثوره انتي مها انسدحت على سرير شهد الواسع الي يكفي نفرين: اخر همي الا اعرف كم اخ عندي جلست شهد جمبها : طيب انسي اخوانك وانتي شايفه شكلك لازم تروحين مشغل تسوين تنظيف بشره تحطين مناكير واشياء لازم تصيرين احلى وحده مها جلست فجاءه وناظرت شهد: شهد شهد باستغراب: شفيك مها : انتي كذابه ما كنتي تعبانه الحين لك ساعه تصارخين زي البعير نزلت شهد عليها ضربه بالمخده : كلي تبن يا معفنه ع بالي عندك سالفه مالت عليك وعلي الي اكلمك ... احسن انقلعي شوفي اهلك انتي وشوشتك ذيه المعفنه مها تضحك بشكل هستيري وهي تحمي وجهها من ضربات شهد: ههههههههههههههههههههههههه ههههههههههههههههههههههههه ههههههههههههههههههههههههه ههههههههههههههههههههههههه ههههههههههههههه والله ههههههههههههههههههههههههه هههههههه صدق ههههههههههههههههههههههه قبل هههههههه دقيقه تعبانه والحين تصارخين ههههههههههههههههههههههههه ه شهد : وجع قولي ما شاء الله مها وبطنها يمغصها من الضحك: هههههههههههههههههههههه ما شاء الله خلاص بعدي عني هههههههههههههههههه انسدحت شهد وعطت مها ظهرها : خلاص اوص بنام سكتت مها لفتره : شهد نمتي ؟ شهد : هممممم شتبين يا القلق مها : خايفه شهد تنهدت : اكيد طبيعي تخافين اول مرا رح تشوفين امك مها : تخيلي يكرهوني او ما يبوني لفت شهد لها : صدقيني راكان ما قالك عنهم الا وهو واثق انهم بيصونونك راكان يخاف عليك حتى من النسمه مها : ان شاء الله ... خلاص نامي ابتسم شهد وباستها بخدها تطمنها وحطت راسها على المخده ودموعها بمحاجرها تتمنى الخير لمها وفرحت كثييييير انها لاقت اهلها بس بنفس الوقت خايفه ان مها تروح من عندهم هي خلاص تعودت على مها وصارت اخت لها .................................................. ...... عند عناد كان خرج من البيت بعد ما سمع الكلام الي قاله راكان واتجه لارض فاضيه من اراضي الرياض مكااان فاضي مافيه اضواء ولا شيء ما تسمع خير اصوات الكلاب يتردد صداها بسبب خلو المكان ... وقف سيارته وخرج منها واخرج بكت سجاير وجلس يدخن وحده ورا الثانيه ترك عادة التدخين من زمان بس الحين رجعلها من الثقل الجاثم على صدره ................................................ عند ناصر وقف خارج من المكتب وهو مقرر وش راح يسوي في موضوع راكان ............................................... اشرقت يوم جديده على ابطالنا وحامله في ساعات اليوم الجديد الكثير من المواقف والاحداث>>> حسيتني في فيلم كرتون^_* انتهى الباااااارت توقعاااتكم سبحان الله وبحمده .... سبحان الله العظيم | ||||
|
| |
|
19-04-17, 10:59 PM
| #29 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
| \\ البارت الثـــــــــالث عشر \\ اشرقت يوم جديده على ابطالنا وحامله في ساعات اليوم الجديد الكثير من المواقف والاحداث فتح عيونه بشويش وهو يحس كل خليه بجسمه تعوره رجع غمض عيونه بقوه مرا ثانيه من الالم الي اجتاح راسه اخذ نفس يحاول يهدي الصداع الي بدا يتسلل لراسه وهو عارف وموقن ذيه المره سبب الالم وعرف ليه المسكنات ما تأثر فيه .... ناظر للغرفه حوله عقد حواجبه ذيه مو غرفته بعدها تذكر كل الي صار امس وكل كلمة قالها لابوه ... حاول يعتدل بجلسته بس عض على شفته من الالم الي حس فيه جهة خصره جلس وهو حاط يده على خصره وتنهد بتعب: والحين وش الحل عمي ناصر وما عطاني كلمه رح يخليني اتعالج ولا لا ..ابتسم بسخريه على حاله : اكيد ما رح يخليني اتعالج لان اسم جسار مرتبط فيني وجدي لو عرف رح يذبحني ويذبح عمي معي .. شهق برعب وهو يتذكر مها وانها مفروض اليوم تروح تشوف اهلها : يا ربي يا ربي انا كيف راح الموضوع عن بالي .. الحين لو اقله بيولع فيني ما عندي حل الا بندر ... طلع جواله من جيب بنطاله الي عليه من امس وبحث بين الاسماء لان وقف على اسم الخاسر واتصل وبعد رابع رنه : الو راكان: بندر وينك؟ بندر باستغراب : راكان شفيه صوتك كذا؟ راكان بهدوء : مافيني شيء .. انت وين بندر استغرب هدوء راكان : بالجامعه راكان نزل جواله من اذنه وشاف الساعه تشير للعاشرة صباحا : طيب بطلب منك طلب بندر : راكااان!! شفيك ؟ راكان : ممكن ؟!! بندر بذهول راكان عمره ما تكلم معه بأدب واذا عنده شيء يقوله من غير استأذن: ايه قول راكان: قول لابوك عن اهل مها لاني نسيت اقله امس بندر : ما رح اقله لان تقولي شفيك تنهد راكان : بندر مافيني شيء .. بس قله عن موضوع مها مع السلامه ..وقفل بندر: راكــــ.... ناظر لجواله : قفل : وش يبي ولد عمك ؟ بندر وعقله مع راكان : موضوع بيني وبينه عمر (اخو نوف): اها صح مواضيعكم انتم ما تخلص ... المهم وراي محاضرة .. بندر بشرود: الله معك ناظرله عمر بلا مبالاه واخذ كتبه وراح وقف بندر بعد ما كان جالس بطاوله بكافتيريا الجامعه وناظر ساعة يده : بقي محاضرة وحده .. ما رح يضر اذا سحبت عليها .. وخرج من الجامعه وهو مقرر يروح لابوه وبعدها يروح لراكان ويشوف وش قصته .............................................. : خلاص لا تكبرين الموضوع ترا كله شعر رنيم بدموع: انتي اسكتي يا متبلده ... ابوي كان يحب شعري وانا وعدته ما رح اقصه .. ابوي رح يكرهني الحين جنان: رنييم !! كبري مخك شوي.. ابوي ايه كان يحب شعرك .. بس بيزعل منك اكثر اذا شاف الي تسوينه بنفسك رنيم ترمي عليها المخده وبصوت باكي : انقلعي برا برا انتي اصلن تكرهين ابوي .. انتي السبب بموته .. انتي قتلتيه الله ياخذك الله ياخذك جنان مسكت راسها بيدينها الثنتين وصارت تهزه بعنف: مو انا الي قتلته افهمي... انا مالي دخل باللي صار ... وبصوت اقرب للهمس : مالي دخل رنيم: انتي تكذبين على نفسك ... عارفه انه بسبب عامر الزفت ابوي مات جنان صرخت بصوت مرتجف: خلااااااااااااااص!! اسكتي خلاااااااااص دخلواريان وامه على اصواتهم فاطمه: شفيكم شصاير ؟ جنان صرخت : يمه قوليلها ما قتلته مالي دخل انا ... مالي دخل بعامر .. يمه فهميها فاطمه ناظرت لرنيم بنظرات لؤم وراحت لبنتها الكبيره جنان وضمتها: اهدي يا بنتي انتي مالك ذنب باللي صار اهدي.. ابوك توفى لانه ذا يومه ريان بعصبيه راح عند رنيم الي ضامه رجولها وتبكي : انتي ايش مخلوقه من ايش... رنيييم لمتى رح تظلين كذا ما تحاسبين لكلامك .. والي خلقني يا رنيم لو اسمعك تفتحين ذا الموضوع ما يحصلك طيب رنيم رفعت راسها له ووجها مغطي بالدموع: ليه كلكم .. تخافون من الصدق هي الي ذبحته هي الي ذبحته ... جنان بعدت عن امها وصفقت رنيم كف: باااااس خلاص... اسكتي اسكتي ... الحين صرت انا السبب مين الي كانت تشجعني ... مين الي الي كانت تقولي ما عليك من احد امشي مع قلبك .. بصراخ : مين جاوبيني؟!! فاطمه مسكت بنتها : خلاص جنان اهدي رنيم: بررررررا اطلعوا برررررا ما ابي اشوف احد اهئ اهئ اهئ فاطمه شدت على يد جنان وطلعتها معاها ريان ناظر لاخته الي كانت دافنه راسها بالمخده وتصرخ باطلعوا : ليت الي قصة شعرك قصة لسانك الطويل ذا ... وطلع وقفل الباب بقوه وراه ................................. عند راكان بعد ما قفل من بندر وقف وهو ماسك راسه الصداع كرماله يزيد .. ابتسم على نفسه: الحين لاني عارف السبب قاعد احسه اقوى من اول ... الله يعين بس ... بروح ابدل وبدق على مها بشوف وضعها .. يا رب ما تكون داومت ... بخلص من مها وبعدها بشوف عمي .. ان شاء الله يكون هدا ... تنهد بألم: اول مرا اشوفه كذا ... لمتى رح يظل ذا حالي .. بس اسبب مشاكل للي حولي ... كل ما اقول خلاص حياتي تصلحت... ادخل بمشكله الثانيه .. الله المستعان خرج من غرفه وهو حاط يده على فمه يتثاوب شاف عمته فاطمه وريان يركضون لغرفة رنيم : وذيه لساتها بقضية شعرها الله يعينها على نفسها ... بس عقد حواجبه من كلامها واقترب من الباب شاف وسمع كل الي دار بين جنان ورنيم خرجت فاطمه ومعاها جنان الي كانت متمسكه بامها وتبكي شافت راكان الواقف عند الباب: معليش راكان صحيناك من النوم بصراخنا راكان يناظر جنان: شفيها ؟ فاطمه ناظرت لبنتها وتنهدت : ما فيها شيء .. بس متزاعلات هي ورنيم ...خوات يومين ويتصالحن راكان برفعة حاجب : اها .. ع العموم مو لازم تكذبين قوليلي مالك دخل وخلاص فاطمه: راكان لا تـ...... قاطعها ريان الي توه خارج من الغرفه : الحمدلله عارف ان مالك دخل بشيء يخصنا راكان يتمغط بلا مبالاه : طنش الحمير تعش امير ريان : محد حمار غيرك هنا جنان صرخت الي فيها يكفيها ماهي ناقصه ذولي الاثنين : خلاص انتو وياه تبون تتهاوشون تهاوشوا بعيد عن غرفتي ... وترك يد امها واتجهت لغرفتها وقفلت الباب وراها فاطمه : عاجبكم الي سويتوه ... ولحقت جنان ريان ناظر لراكان من فوق لتحت : الحين شهد الي قصة شعر رنيم او لا ؟ راكان : حمد لله والشكر ... ولف رايح غرفته مسك ريان يده ولفه له : يوم اكلمك لا تعطيني ظهرك وتمشي فاهم!!! راكان ناظر ليد ريان الي ماسكه يده : ريان !! تبي مشاكل دور احد ثاني تمشكل معه .. ماني ناقصك انت بعد ريان : انا سألتك ومستني جواب !! راكان نفض يده من يد ريان : اسأل اختك الحوله ولا فيه وحده بكامل قواها العقليه ينقص شعرها من غير لا تحس!! ريان : تتوقع ليه حددت شهد ... اكيد شافتها تقص راكان يقرب من ريان ويحط يده على خده ريان كردت فعل طبيعيه ابعد يد راكان عنه : خييييير شفيك انت!!! راكان وهو ماشي لغرفته : ذا جواب لسؤالك ... لانها لو شافتها كان ما تركتها بالساعه الي انقص شعرها فيها ... زيك ابعدت يدي بالوقت الي حطيته على خدك... وكبر مخك حبيبي شوي ريان بقهر ضرب قبضة يده بالجدار : الحيوان... طلعني غبي عنده ................................. طق طق طق : ادخل : فاضي ؟ : ايه تفضل : ناصر ... ممكن تجاوبني بكل صدق ؟!! عقد ناصر حواجبه : عناد شفيك ... وش فيه شكلك كذا؟ جلس عناد قدام ناصر على كرسي المكتب : ناصر بسألك وابي جواب؟!! ناصر : ما رح اجاوبك عن شيء .. لان تقولي شفيه شكلك كذا؟!!... وناظره من شعره الي مو مرتب كأنه صاحي من النوم لعيونه الي تحتها هالات سودا علامات قلة النوم والارهاق الى ثوبه الي مفكوك اول زرين تنهد عناد: امس ما نمت ... والحين ممكن تسمعني؟! ناصر : ليه ما نمت ؟ عناد : ناااااصر!! مو وقت تحقيقك ناصر نزل عيونه للاوراق الي عنده : اكيد الموضوع فيه راكان .. قول شصار بينكم؟ عناد : شصار لراكان يوم كان بالمستشفى؟ ناصر رفع عيونه له: ليه راكان وش قالك؟ عناد وعينه بعين اخوه : يعني صدق صار شيء وان راكان ما جلس اربع سنوات بغيبوبه نفس ما قلتلي ؟!! ناصر بهدوووء: راكان وش قالك ؟ عناد: ناصر انا سألتك لاني ابي جواب مو عشان تجاوب سؤالي بسؤال !! ناصر : تبي تعرف وش صارله ؟! عناد : ما سألت الا لاني ابي جواب !! ناصر سند ظهره على الكرسي الي جالس فيه : ابنك جلس سنه وحده بس وباقي السنوات كان يتعالج نفسيا!! عناد باستغراب: ليش ؟ ناصر بسخريه: لان ابوه بعد غياب عشر سنوات عن ابنه ويوم جاء ابنه فرحان انه بيشوف ابوه اخذه بالاحضان عناد: نااااصر !! ناصر بجديه: وش تتوقع يصير لولد جاي يركض يبي يقابل ابوه .. يستقبله بضرب يدخله غيبوبه سنه كامله!! ولانه ما لاقى الصدر الحنون الي عاش طول العشر سنوات باحضانها !! راكان بذيك الفتره دخل بصدمه لان كل الي يغليهم تركوه وراحوا !! لاني ما ابي اخوف فاطمه عليه قلتلكم انه لساته بغيبوبه ... خلاص عرفت وش صار ... يالله روح عوضه الي راح ... من يوم ما جيت وانت ماسكه طراقات ... عناد انت ليه تزوجت ؟ وانت مو قد المسؤليه عناد ما توقع ان ضربه اثر على راكان كذا ناسي انه كان طفل صغير عاش العشر سنوات كلها يحلم بابوه ويفكر شلون رح يقابله وشلون رح يدلعه ويحتويه : ناصر انت ادرى بالي صار ناصر بعصبيه : ادرى بايش جاوبني ؟!! اصلن انت مفروض من اليوم الي تزوجت فيه تحط ببالك ان بين الزوج والزوجه تصير مشاكل ممكن توصل لطلاق!! يعني ممكن تكره زوجتك لاي سبب كان !! فيوم تكره زوجتك تكره عيالك الي من صلبك أي منطق هذا ؟ عناد : خلاص يا ناصر خلاص !! انت عارف كل الي صار والي سوته ايلين .. الموضوع مو طلاق او زواج .. ايلين مرووووجه فاهم شيعني مروجه !! ناصر : اها .. وعناد المسكين لان زوجته مروجه من حقه يعامل ابنه بقسوه كذا عناد : ناصر خلاص انت اكثر واحد عارف انه مو قصدي بس كل شيء فيه يذكرني بايلين ناصر بصراخ: عناد لمتى وذا حالك تحط اخطائك على غيرك ؟! مهما كانت امه راكان ابنك افهم ابنك يعني لازم تعطيه حقوقه عناد حط راسه بين يدينه : يا ناصر والله حاولت بس كل يوم يطلعلي بمشكله ناصر : مشكله ؟! ولا ذا تسرعك ليه ما تسأله ليه دايم تسرع ليه ما تعطيه فرصه يشرحلك عناد رفع راسه له : اذا سألته ما يجاوبني ؟ ناصر : لانه عارف ان جوابه ما يهمك عناد : ناصر بدل لا تفهم الولد وتعقله توقف معه ضدي!! ناصر : انا الي مفروض افهمه واعقله ؟!! عناد : ناااااااصر هو ما يسمع الا منك ناصر : واذا عاملته زي الاوادم رح يسمع منك عناد بهدوء : طيب قولي كيف اعامله ورح انفذ كل حرف تقوله ناصر باستهزاء: اها تبيني اعلمك كيف تربي ابنك ؟ عناد : قول الي بتقوله كل الي ابيه الحين ابني يرجعلي تنهد ناصر : لازم مهما سوا لا تمد يدك له واسأله بالهداوه ذا اولا ... وثانيا حاول تتقرب منه وتسأله عن يومه وكيف يقضيه .. حاول تكون حوله وحوليه حسسه بوجودك ... واذا صارتله مشكله حتى لو هو الغلطان دافع عنه وبعدين خذه لحاله وفهمه خطاه .. لاازم تنزع الخوف الي بقلبه عناد بتعقيدة حواجب: خوف؟!! ابتسم ناصر باستخفاف: اجل تتوقع ليه يلون شعره منك!! عناد باستغراب: الحين يصبغ شعره خوف ؟؟! تنهد ناصر من استيعاب اخوه البطئ: عناد .. راكان متوقع انه ضربته زمان بسبب لون شعره الاحمر لانه يشبه امه فهمت الحين عناد بصدمه: للحين ما نسي الي راح .. وبعدين اذا على الضرب دايم اضربه ليه ما اشوف الخوف الي تتكلم عنه بعيونه .. كل الي اشوفه عناد وتحدي بعيونه ناصر تنهد: تقدر تقول عامل نفسي ... راكان للحين يعاني باضطرابات نفسيه بسببك .. وبهمس ما وصل لعناد : وموت صقر عناد : ان شاء الله رح احاول اصير اب صالح له وانسيه كل الي راح واعوضه كل شيء .... وقف : يالله عن اذنك بخليك تكمل شغلك ناصر وهو يكمل الاوراق الي بيده: لحظه نسيت اقلك.. ترا راكان اليوم مسافر مع خويه عناد رفع حاجب: وجامعته ؟! ناصر بكذب : ابو خويه تعبان وبيروح معه بيرافق عناد: سفر ممنوع ... ابو خويه الله يشفيه .. ويكفي الولد مع ابوه ما يحتاج مرافق وهو يجلس يتفرغ لجامعته رفع ناصر عيونه لاخوه: قد حجزت لهم ورح يسافرون اليوم عناد بعصبيه : نااااصر ! شايفني رجل كرسي هنا .. كيف تحجز وتقرر من غير لا تكلمني ناصر بهدوء عكس عناد المنفعل : ابنك كلنتي وانا وافقت .. واذا هو يبي يقولك انت عنده ويقدر يقولك عناد : واذا بندر قالك كذا كان خليته يسافر ويترك دراسته ناصر: عناد ترا طول المده الي جلسها ولدك عندي عمري ما فرقت بينه وبين عيالي ويمكن راكان فضلته عن عنهم لانه يتيم واي شيء رح يأثر فيه ويحس نفسه مثقل علينا عناد: سفر ما رح يسافر ... وامس مسويلي محاضره ... بدل الكلام الفاضي الي قاله يقولي بسفره ... وتبيني اعدل اسلوبي معه اصلن هو عنده اسلوب عشان الناس تعامله زين ناصر : عشان كذا مستحيل تكون اب ... عناد انا ربيت الولد وعارف مصلحته وصدقني اني خايف على مستقبله اكثر منك عناد مقهور من ناصر وولده الي ما قاله اجل ابنه يسافر وهو اخر من يعلم : كلمه قلتها وما رح اثنيها سفر ما رح يسافر ... وانا بشوف شغلي مع ذا الولد ناصر: للاسف يا عناد ... بس ذيه المره الموضوع ما رح يمشي على كيفك ... ولا تسويلي بعد 19 سنه الاب الخايف على مستقبل ابنه ... تبي تعدله وتتقرب منه خلها لان يرجع من السفر ... لان اذا منعته رح ينقلب الوضع ضدك ... وهو يبي يساعد خويه عناد بعصبيه: وانت بكذا تشجع الولد علي!! بدل لا تعلمه انه ذيه المواضيع مقروض يستأذن مني فيها ناصر ببرود: العم نفس الاب واستأذن مني وانا وافقت عناد شد على قبضة يده .. وهو ناوي يخرج قبل لا يغلط بكلمه مع اخوه الكبير ورح يتفاهم مع راكان الي مو حاسبه حساب .... خرج من المكتب وصفق الباب وراه بقوه زفر ناصر بضيق: وش تبيني اقلك ابنك مدمن وابي اعالجه... الله يعين ويمشي الموضوع على خير من غير مشاكل ... مسك جواله وارسل لراكان يقول لابوه انه مسافر مع خويه الي ابوه تعبان وانه العصر رح يجي يشوفه .......................................... وصل بندر لشركة جسار الـ........... خرج من سيارته بعد ما وقفها في مواقف الشركة ودخل الشركه باستعجال عشان يكلم ابوه ويروح لراكان ضغط على زر الاصنصير وهو يهز رجله ويتأفف وكل شوي يناظر ساعته قلقان على راكان كثيير يحس انه فيه موضوع وكبير بعد : وترتني اهجد شوي ناظر للمخلوقه الواقفه جنبه المغطيه بالسواد من راسها لرجليها ومو واضح منها غير فتحة عيونها واطراف اصابعها الي تخبيها بأكمام عبايتها الطويله: استغفر الله بس ... ولف وجهه عنها البنت: خير تستغفر شايفني كاشفه لا سمح الله بندر: حرام الواحد يستغفر؟!! البنت : لا مو حرام بـ.... قاطعها بندر: الحمد لله عارفه انه مو حرام ... وركب الاصنصير الي انفتح ... وركبت البنت بعده وما كان في الاصنصير غيرها هي وبندر ... ضغط بندر على الطابق الرابع البنت : ذا طابق المدير ...وكل الي يشتغلون بذا الطابق هم رؤساء الاقسام والمصانع تبع الشركه فأنت وش تبي من هنا ؟ بندر بينه وبين نفسه ذيه ملقوفه زي مها بس شكلها عارفه عن الشركه اكثر مني : ما اظن ان ذا شغلك البنت : ادري ادري تبي وظيفه ... لا تخاف مدير الشركه انسان مرا طيب بس انت اشكيله الحال ورح يقبلك على طول... وناظرت لبندر من فوق لتحت كان لابس بنطلون احمر وقميص ابيض باكمام طويله ماسك على جسمه وبارز عضلاته ومعلق نظاراته الشمسيه فوق بالقميص> المهم فهمتوا*_^: شكلك منتف وحالتك حاله .. ومتسلف ذيه الملابس من احد ... يا غبي لو جيت بحالتك كان ممكن يقول ذا فقير وحالته حاله ويشفق عليك ويوظفك ....مثلا عندك انا لا شهاده ولا هم يحزنون ... ووظفني المدير بالشركه عشان يساعدني وصرت الحين زي المراسل اوصل الاوراق بين العاملين هنا بندر يناظر لنفسه : نهاية الكشخه والماركات اطلع منتف ومتسلف ملابسي ذيه البنت اكيد حوله ولا فيها شيء البنت: شفيك تكلم نفسك؟ بندر : مشكوره على نصايحك البنت : تستهزء فيني!! كيفك انا نصحتك بندر: ما قصرتي رح اعتمد نصيحتك ذيه انفتح الاصنصير كان جاي للاصنصير يبي الطابق الارضي بيودي كم ورقه وبيرجع رفع راسه يوم انفتح الاصنصير: بندر!! غريبه وش جايبك هنا بندر باستعباط ناظر لاخوه وناظر للبنت : استاذ عبد الرحمن انت هنا .. كنت جاي ابي اشوف مدير الشركه الاستاذ ناصر اذا هو فاضي عبد الرحمن باستغراب : بندر فيك شيء؟ بندر : شفيك يا استاذ مو انا كلمتك تتوسطلي ابي وظيفه محترمه بشركتكم البنت : غش معك واسطه كبيره هنا ابن المدير وانا تعبت نفسي انصحك عبد الرحمن ناظر للبنت : ممكن تفهموني السالفه انت وياها ؟! بندر بابتسامه : ابد والله بس امشي مع نصايح .. الاخت الي بشركتكم عبد الرحمن : اصلن مدري ليه اتعب عمري واسألك من يومك خبل ... وناظر للبنت: منى خذي ذيه الاوراق وديها لمريم المسؤله عن المنتجات النسائيه المستورده وخليها تدققها وخلاص ساعتين بالكثير ابيها تكون عندي منى : حاضر طال عمرك ... وبتردد: لو سمحت استاذ عبد الرحمن : هلا ؟ منى : ترا ذا .. وتأشر على بندر: مسكين محتاج وظيفه .. يعني لو هو مرتاح ما كان جاء يدور وظيفه وخاصه انه واضح عليه انه تقريبا جامعي ... ولا مستحيل واحد بذا العمر يترك دراسته ويجي يدورله وظيفه انفجر بندر ضحك ما قدر يتحمل سوت فيلم كامل متى هو قالها انه ترك دراسته : ههههههههههههههههههههههههه ههههههههههههههههههههههههه ههههههههههههه .. وتكى على كتف اخوه وهو يضحك: اخخخخ بطني .. ليت راكان معي ويشوفك منى رفعت حاجب: ترا مافي شيء يضحك تراني احاول اساعدك!! عبد الرحمن ناظر لاخوه: تركت دراستك ما شاء الله ... وتدور واسطات بعد بندر: لا تناظرني انا ما قلتلها شيء هي الي سوت فيلم كامل عبد الرحمن : سبحااان الله هي من عقلها قالت انك جاي تتوظف.... بندروه شعندك اخلص بندر : جاي اشوف باباتي وبروح عبد الرحمن: اصبر لان يرجع البيت بندر: الموضوع مستعجل عبد الرحمن : اكيد مسوي مصيبه انت وولد عمك راكان بندر: الحين ليه كل ما تشوفوني تقولون مسوي شيء انا ورويكن عبد الرحمن : او لا انت ما رح تجي الشركه الا عشان مسوي شيء وعارف ان ابوي ما يقدر يعصب عليك وانت بالشركه ... وثانيا انت وراكان ما تجتمعون الا على شر بندر : تسمع !! عبد الرحمن باستغراب : اسمع ايش؟ بندر: صوت قلبي الي انكسر من كلامك الجارح عبد الرحمن : بندر من متى محد صفقك طراق على وجهك بندر: من زمان والله عبد الرحمن: اها .. عشان كذا مشتاق لواحد يعدل مخك بندر بضحكه: عصب البزنس مان ... خلاص والله المهم ابوي فاضي؟ عبد الرحمن: مدري قبل شوي جاء عمي عناد .. روح شوفه يمكن طلع منى وسطهم: انت مو جاي تدور وظيفه بندر نسي وجودها: ههههههههههههههههه امانه عبد الرحمن كيف ابوي وافق يوظف وحده فاهيه زي ذيه عبد الرحمن ناظر لاخوه بحده: بندر!! احترم وجود البنت ... وبابتسامه لمنى: غلطانه يا اختي ذا بندر اخوي الصغير منى بتلعثم : كيف يعني كيف هو ما يبي وظيفه .... تذكرت الي قالته عن ملابسه وباحراج: اسفه اسفه طال عمرك ما كنت ادري بندر بابتسامه غريبه: عادي استأذنت منى وراحت توصل الاوراق الي بيدها عبد الرحمن : شفيك هجدت فجاءة بندر : ذيه البنت ليه ابوي موظفها وهي ما عندها شهادات ولا خيرات عبد الرحمن : وانت وش عرفك بندر: هي قالتلي ... المهم بروح مستعجل بشوف ابوي وبعدها بروح لراكان عبد الرحمن : طيب براحتك راح عبد الرحمن يكمل شغله ... وبندر اتجه لمكتب ابوه وصل المكتب وكان رح يدق الباب بس طلع عمه راكان استغرب وجه عمه المعصب: السلام عليكم يا عم ... بس عناد ما عبره ومشى بعد ما قفل الباب وراه... : شفيه معصب .. الله يستر ليكون متهاوشين هو وابوي طق طق طق ناصر: ادخل طل بندر براسه : يبه فاضي ولا مشغول؟ ناصر: ادخل ادخل اليوم كاثره الزيارات العائليه دخل بندر : شفيه عمي خرج معصب ناصر : بندر اخلص قول شعندك بندر بابتسامه عبيطه: شوف يبه انت خذ نفس يهدي اعصابك ناصر بحده: بندر اخلص بندر اخذ شهيق وزفير: امس انا وراكان روحنا عند اهل مها ناصر وقف بعصبيه مبالغ فيها : لييييش !! وش موديكم هناك وليه ما قلتولي بندر بتلعثم من عصبية اخوه وبكذب : لان مها قالت ناصربصراخ: ومن قال لمها اننا لاقينا اهلها بندر: راكان ناصر : راكان راكان راكان... متى برتاح من مصايب راكان ذيه كل يوم يطلعلي بموضوع ... ذا الولد بدا يطلع عن السيطره وش الي موديه هناك من غير لا يقولي... انا قلتله بلساني يصبر لان الاقي وقت مناسب اروحلهم بنفسي... الحين وش يقولون عنا الناس راسلين واحد من الشباب يقولهم عن بنتهم واحنا الكبار ولا واحد فينا جاء بندر مستغرب من عصبية ابوه المفرطه توقع انه يعصب بس مو لذيه الدرجه وكلامه عن راكان اول مرا يقول كذا دايم هو اول شخص يوقف مع راكان الي يقول تعب منه : يبه .. شفيك راكان ما غلط بشيء ناصر بعصبيه : انطم ما ابي اسمع حسك ... وانت زي الابله تمشي ورا راكان بكل شيء ... يالله قدامي على البيت وحسابي معك بعدين .. اخذ جواله ومفاتيح السياره وكم ورقه معد له خلق يكمل دوام الشركه وراكان من امس ماخذ كل تفكيره مو قادر يركز بشيء بندر بلع ريقه من عصبية ابوه.... وطلع ورا ابوه ................................... بغرفة جنان كانت جالسه تبكي وحاطه راسها بحضن امها جنان تبكي وتشاهق وتتكلم بين شهقاتها: يمه متى بتفهم اهئ انه مالي دخل بالموضوع اهئ اهئ انا ما مشيت ورا عامر وتخطيطاته اهئ اهئ ليه تتهمني بشء مالي يد فيه اهئ ترا هو ابوي نفس ما هو ابوها اهئ اهئ فاطمه تمسح على راسها : خلاص اهدي يا بنتي رنيم ما ان قصدها هي متضايقه من موضوع شعرها وتقول كلامها من غير وعي اعتدلت جنان بجلستها: يمه اهئ تعرفين رنيم اهئ أي شيء بخاطرها على لسانها واكيد للحين كارهتني اهئ اهئ فاطمه: جنان انتي كبيره وعاقله ... واختك لساتها صغيره وحزنها على ابوها يخليها تقول ذا الكلام من غير لا تحس كل الي تبيه انها تطلع الي بداخلها جنان انسدحت على السرير وتلحفت وهي تحاول توقف صياح: يمه بنام امس ما نمت زين تنهدت فاطمه وهي تشوف حال عيالها كل يوم واحد فيهم حالته تدهور .. خرجت من الغرفة من غير أي كلمة زيادة بالغرفه الي بالقرب من غرفة جنان ناظرت لساعة المعلقة بجدران غرفتها الي كانت تشير للساعه 12:00 ظهرا : بقي نص ساعه ويطلعون.... مسحت بقايا دموعها ولبست عبايتها وهي تدعي بقلبها ان محد يشوفها عشان تقدر تنفذ خطتها من غير لاحد يخرب عليها ... خرجت وهي تسحب من غرفتها ومرت من غرفة جنان ويوم قربت للدرج شافت خالها عناد طالع ... غمضت عيونها بخيبة امل لانها ايقنت بأن خطتها رح تفشل... فتحت عيونها بشويش وشافت خالها الي مشى جنبها ولا عبرها متجه لغرفة ابنه ... حطت يدها على قلبها وحمدت ربها انه مشغول باله ولا ركز عليها ولا مستحيل يمر من عندها من غير لا يكلمها ويسولف معاها نزلت الدرج بشووويش وعيونها تجول بالمكان خوفا من انها تشوف ريان ولا عادل وقدرت تخرج من البيت بنجاح من غير محد يلاحظ ابتسمت بنصر وهي تتجه للبيت الي راجيه من صاحبه انه يساعدها .................................... بغرفة راكان كان واقف قدام المرايه يلون شعره وهو حاس ان الصداع مع كل دقيقه تمر يزيد ... اخذ جواله بعد ما خلص ...قرا رساله عمه تنهد بالم بعد ما قرا رسالته وتأكد ان عمه رح يوديه اليوم عشان يتعالج ... كان ناوي اولا يودي مها لاهلها بس شكله ما يقدر ولا عنده الجرأة انه يطلب من عمه ذا الطلب بعد الي سواه ... اتجه لقائمة الاسماء ووقف على اسم دنيتي واتصل وبعد سابع رنه ردت : الو راكان: داومتي ؟ : انت شرايك اكيد داومت راكان : مها انتي بعقلك شيء ؟! اليوم بتروحين لاهلك كيف تداومين؟ مها : رويكن ... وش تبيني اسوي اقلهم ما رح اداوم لاني بشوف اهلي اول مرا بحياتي راكان: انتي الكلام معك ضايع ... المهم متى تخلصين .. نفس كل يوم؟ مها: ابشرك اليوم اخلص بدري على الساعة 2 الظهر اخلص راكان: زين ... اجل بمرك ابيك بموضوع مها : وبعدين شفيها مواضيعك زايده ذيه اليومين تنهد راكان: كل شيء جاء بوقت واحد مها: راكان شفيك؟ راكان : مافيني شيء بس طفشت اليوم ما داومت ومافي احد اسولف معه مها: راكان لا تكذب ترا اعرفك انت فيك شيء بس اصبر لان اجي واعرفه راكان: ههههههه اوك يا المحقق كونان اذا جيتي يصير خير ... يالله روحي كملي شغلك يا المسؤله مها: لا تذكرني ذا الدكتور الخبل امس مخليني مسؤله واليوم مطلعها من عيوني كارفنا كرف الله وكيلك انفتح باب رفع راكان عيونه للي دخل: يالله مها اكلمك بعدين... انتبهي لنفسك مع السلامه مها : اوك باي قفل جواله ودخله جيب بنطلونه ورفع راسه للي دخل الغرفه والعصبيه مرسومه بين ملامح وجهه بعصبيه: انت شايفني مزهريه بذا البيت هاه .. جاوبني ليه ما قلتلي عن موضوع سفرك راكان ببرود: اذا قلتلك ما كنت رح توافق عناد: راكاان دامك عارف اني ما رح اوافق ماله داعي تروح راكان : صديقي ويبيني اجي معه مقدر اقله لا عناد جلس جنب ابنه على السرير ولف يده على كتفه وبحنيه غريبه: راكان .. صديقك رح يقدر يدبر نفسه انت اهتم بجامعتك ودراستك فز راكان من مكانه زي المقروص وخاصه يوم التمس بعض الحنان بصوت ابوه لا هو ما يبي ينصدم بشيء جديد ما يبي حنان بساعه وضحاها يتبدل .. تكلم وهو يناظر لكل شيء بالغرفة ما عدا وجه ابوه : الحين مقدر اقله مقدر اجي معك بعد ما وعدته .. وطيارتنا اليوم وعمي ناصر حجزلي معه عناد وعيونه على راكان الحين تأكد من كلام ناصر وان راكان محتاج اهتمام وحنان عشان يهدا ويتعدل العصبيه ما تزيده الا عناد فوق عناده وبابتسامه نقيه لاول مرا تطلع لابنه: تروح وترجع بالسلامه راكان مفهي بابوه الحين مو مستوعب وش يقول توقعه يسوي مشكله كبيره : يعني عادي اروح؟ تنهد عناد بابتسامه: اصلن معد فيه مجال للرفض كل شيء جهزتوه انت وعمك... الله يشفي ابو صديقك وترجعلنا بالسلامه راكان ببرود: اها.. توني استوعب اسلوبك الهادي هذا ... لاني بروح وبريحك مني عشان كذا وقف عناد وقرب من ابنه ورفع وجه راكان له : راكان ناظر عيوني ... وانت بتعرف كل شيء راكان ناظر لعيونه ابوه لثواني بعدها غمض عيونه بقوه ولف معطيه ظهره: انت تأخرت تأخرت كثير بعد .. الحين انا ما ابي منك شيء بعد ما كل شيء بحياتي تدمر عناد لفه له: الي تدمر يتصلح راكان نفض نفسه من ابوه وبصراخ : وش الي بيتصلح الي راح مستحيل يتصلح فاهم مافي شيء بيتصلح ... وبصوت واطي: والي ماتوا مستحيل يرجعون احياء ... وخرج من الغرفه بكبرها عناد : راكـــ... رجع جلس على السرير بعد ما طلع ابنه وجلس يجول بعيونه بارجاء الغرفه .. كان لونها دمج بين الاسود والفضي كانت كل الجدران بالاسود الي جدار مصبوغ اسود وعليه تمويجات طوليه باللون الفضي وكل اثاث الغرفه كان فضي مع ابيض وفارش الغرفه باللون الاسود .... ناظر للصور الموزعه بجدار الايمن للسرير وكانت كلها صور له ولبندر وكم صوره بسيطه مع هلال وعمه ناصر وعيال عمه الباقين قرب من الصور وهو يتمعن بملامح ابنه وبشعره الاحمر الي من يوم ما جاء ما شافه : اكثر صوره مع بندر شكله اقرب واحد له من عيال عمه .... ناظر لكل صوره له كان فيها مبتسم او يضحك بس بعيونه لمعة حزن غريبه ... واستوقفته صوره صغيره بالنص له واقف بالبر وهو عمره تقريبا 16 وبيده صقر وعيونه على الصقر ولمعة واضحه بعيونه تأمل ذيه الصوره لدقااااايق طويله بعدها خرج من الغرفه وعقله مع ابنه ............................... يتبع... | ||||
|
| |
|
19-04-17, 11:00 PM
| #30 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
| بسيارة بندر الي كان يمشي ورا ابوه متجهين للبيت وعقله بعصبية ابوه الزايده .. وصوت راكان الصبح ما كان طبيعي تأكد ان بينهم شيء وراكان مسوي شيء مخلي ابوه يعصب لذيه الدرجه ضرب بيده على الداركسون: راكان الغبي ... كل يوم يدخل نفسه بمشكله... والله اني صرت اخاف عليه حتى من ابوي ... كافيه مشاكل من كل صوب وبغباءه كل يوم يدخل نفسه بموضوع .... اخخخخخ يا راكان متى بتفهم... ان الكل بعايلتنا يدور عليك الزله وخصوصا جدي... وابوي ما يقدر يغطي على مشاكلك... مدري وشهو الموضوع بس اكيد شيء كبير... الله يستر ويكون كل الي افكر فيه خطا .... وان الموضوع ان ابوي بس هو الي يبي يكلم اهل مها منعا للمشاكل احبك يا الغالي ... احبك يا ساكن فؤادي>> الاغنيه من جيبي مدري اذا صدق فيه كذا او لا *_^ بندر رفع جواله الي يدق وهو عين للطريق وعين على شاشة الجوال : ابن الحلال عن ذكره يبان.... هلا راكان راكان: بندر كلمت عمي؟! بندر : ايه كلمته والحين راجعين البيت راكان: الله يسعدك مشكور بندر: راكان خيييير شفيك اليوم راكان: تدري بندوره انت مرا ما ينفع الكلام الزين معك.... اجل كل تراب واصلن غصبا عنك تقوله بندر ارتاح نسبيا ان راكان بدا يرجع طبيعي: اولا لا تناديني بندوره لا افقع وجهك... وثانيا ترا تكرما مني قلتله راكان: لا يكثر يا تكرما مني ... المهم اسمع سريع سريع خلصت رصيدي .. البنات انا بجيبهم من المدرسه عندي كلام معاهم بندر: اعوذ بالله من البخل الي عايش فيه ... وذا وربي رازقك وتتكلم عن الرصيد .. انت لو فقير اشك لو تشتري علبة مويه لنفسك راكان : طوط طوط... ان الجوال الذي تكلمه اغلق في وجهك بندر: هههههههههههههههههه والله انك موب صاحي ... باي باي بس وقفل : الله يسعدك ويوفقك يا راكان ...................................... عند رنيم الي تمشي في المزرعه الكبيييره الي تفصل بين بيتهم والبيت الي ناويه تروحله ... وصلت للبيت وهي تلهث من التعب: ذيه المزرعه يبيلها سياره والله ... ناظرت لباب الدخول وهي مصممه انها تاخذ حقها ... دخات للبيت شافت الخدامه بوجهها سألت عن مكان تواجد الشخص الي تدور عليه دلتها الخدامه على المكان تواجده : هلا ببنيتي هلا تو ما نورت الجلسه رنيم : هلابتس جدتي الجده : تفضلي حياتس يا بنيتي اقلطي الجد: ورا ما داومتي اليوم؟ رنيم : يا جد وانا جايتك بسبب الي خلاني اغيب الجد : يا بنت فهد ترا دلع البنات ما يمشي عندي فاهمه ... وما احب الغياب رنيم تشيل الطرحه من على راسها : مو دلع بنات يا جد.. بس انا جايه وطالبتك تاخذ حقي من بنت خالي ناصر الجد واسلوبها دخل مزاجه: وبنت ناصر وش مسويه بتس ؟! رنيم رفعت شعرها الي يوصل لاكتافها : شوف بنت ناصر وش سوت شهقت الجده : هااااا ... وين شعرتس راح كان ما شاء الله تبارك الرحمن لان اخر ظهرتس الجد: حقتس تاخذينه من خالك ناصر مو مني رنيم : وانا ما جيتك يا جدي الا بعد ما روحت لخالي ناصر ... بس ما عطاني حقي وفضل بنته علي الجد: وانتي وش الي يرضيتس رنيم بحقد : اخذ حقي واقص شعرها نفس ما قصة شعري الجده ناظرت لرنيم والجد: يا بنيتي استهدي بالله ... انتم بنات خال وتصير بين البنات مشاكل ومطاقات الجد: البنت جايه لبيتي وطالبتني ... وما رح اردها وحقها بتاخذه ابتسمت رنيم بخبث ذا الي تبيه الحين بتاخذ حقها من شهد وبعدها تتفرغ لراكان الي يغطي عليها ................................... بالسيارة عند راكان بعد ما اخذ البنات شهد: غريبه راكان اليوم انت الي جيتنا نوف تاكل فصفص : وبعدين ليه قلت لشهد تنادينا راكان: انتي هيه ارمي الي بيدك كتمتينا انتي وفصفصك... ولا ترمين شيء بالسياره لساتها امس طالعه من التصليح نوف تفصفص بصوت عالي عشان تقهره: تعليمات ثانيه اخ راكان راكان: ياخي خلوكم زي ليان ما شاء الله مالها حس حمر وجه ليان باحراج وسكتت شهد : تحت السواهي دواهي نوف : لا يغرك الهدوء بس قرصتهم ليان بفخوذهن لانها كانت جالسه بالنص نوف بصوت رجولي : احححححححح ي حيوانه سلطعون مو بندي ادم شهد تفرك القرصه : خلاص اسحب كلامي محد يفوز عليك بالقرص راكان: ههههههههههههههههههههههههه ههه تستاهلن ... وترا شوي الي سويتيه فيه يا ليان ليان ابتسمت بحياء شهد تكش عليهم : مالت عليك انت وياها راكان بجديه: الحين ممكن تعلموني شصار مع رنيم وكيف انقص شعرها نووف ضحكت بشكل هستيري: ههههههههههههههههههههههههه ههههههههههههههههههههههههه ههههههههههههههههههه والله فاااتني شكلها كان ودي اجي اشوف شكلها يوم تشوف شعرها .... بس امي منعتني راكان مسك فرامل بقوه ولف وجهه لهن ورا: انتي الي قصيتي شعرها!!! شهد: يا معفنه... وذيك البقره اتهمتني انه انا الي قصيت شعرها نوف رجعت تفصفص : شفيكم علي شوي شوي اكلتوني..لا طبعا لسه ما جنيت راكان حرك: اجل ليه تضحكين ؟ وش عرفك ان شعرها انقص نوف ترعت بالمقعد ورا : اسمع اسمع القصه .... هي بالفسحه تضاربت هي وشهد حلو وانا كنت مقهوره منهاا وقلتلها تستاهلين وشوي الي جاك من شهد.... ورحت فصلي ... وبعدها هي جت راكان قاطعها يكلم شهد: لي جلسه معك بموضوع مضاربتكم بس مو الحين... وانتي تحكين قصة سندريلا انجزي بسرعه نوف : راكان بتخليني اكمل ولا مع نفسك مو لازم تعرف القصه راكان : كملي كملي خلصيني نوف رجعت لحماسها: المهم يوم دخلت الفصل كان شعرها طاير بسبب المضاربه ... جت بنت اسمها وديان قالتلها بصلحلك شعرك كانت بترفض ... بس يوم انا قلتلها نصيحه لا تخلينها تضبط شعرك .. جت بتعاندني ..وقالتلها حلالك ... قلتلها مجرد نصيحه ... قالتلي لو شوفتيني اموت ما ابي نصيحه منك ... قلتلها اوك ... عاد قص الشعر مو موت راكان: كنت شاك ان ما عندك عقل بس الحين تأكدت ايوا كملي كملي نشوف اخرتها نوف : ما رح ارد عليك .. لاني متحمسه ابي اكمل.. المهم ان البنات من اتفاق من رسيل بدوا يسون ازعاج وكذا ... ووديان قصة شعر رنيم وهو مظفر وبعدها ظفرت الجزء الي فوق الي انفتح بسبب القص وحطت بالنص ربطه عشان تجمع الجزئين من غير ما تحس رنيم ...الي كانت تحسبها فتحت شعرها ورجعت ظفرته... وبعدها وديان وشلتها الي موصيتهم رسيل بدوا يشغلون رنيم عشان لا تلمس شعرها وتحس الربطه الي بالنص .... وانا كنت جالسه بزاوية الفصل اناظرلهم واضحك<< ترا ذيه قصة حقيقية صارت بوحده من المدارس زمان *_^ بس تدري مستغربه كيف اختك الدلخه ما حست الا المغرب راكان: صراحه لا تعليق ... بس ذا كله تقولينه اليوم لرنيم فاهمه نوف بضحكه : على امرك وصلوا للبيت وقف اول شيء تحت بيت عمه ناصر عشان ينزل شهد وبعدين يوصل الباقيات نوف : خلاص ما يحتاج رح ننزل كلنا هنا ونروح بيوتنا المسافه مو بعيده راكان غمض عيونه من الصداع الي زاد فجاءه: براحتكن نزلت شهد ومعاها نوف وليان من السياؤه : مس شهد بابا كبير يبغى انتي شهد بفهاوه:هاه مين يبغى انا : بابا كبير يبغى انتي في المكتب حق هوا نوف: جااك الموت يا تارك الصلاه جدي ما ينادي احد للمكتب الا لو بيتعاقب شهد بخوف: وش يبي جدي مني ... نوف خايفه ضربتها نوف على ظهرها : لا تخافين .... موصاير شيء واكيد جدي يبيك بموضوع او بيستشيرك بشيء بلعت شهد ريقها: بروح انادي راكان بقله يجي معي نوف : يا الثوره ... انتي عارفه كره الجد لراكان ... واذا جاء رح يسويله مشكله ليان: رح نجي معك انا ونوف لا تخافين شهد بابتسامة خوف تحاول تطمن نفسها : مشكورات واتجهوا لبيت الجد وبعد مده من المشي وصلوا البيت ودخلوا قدام مكتب الجد ليان : ادخلي واحنا بنستناك عند الباب شهد شوي وتبكي: لا لا اخاف ادخلوا معي نوف: تعرفين جدي رح يعصب علينا وبيطردنا ... وتراه جدك مو وحش ما رح يسوي شيء اخذت شهد نفس عميق وزفرته بشوويش : ادعولي : وطقت الباب جوا المكتب كان الجد جالس على مكتبه ورنيم واقفه قدام تعض اظافرها بتوتر تبي تنتقم بسرعه وترتاح طق طق طق الجد بصوت جهوري: ادخلي دخلت شهد وناظرت لجدها ولرنيم الي تبتسم بمكر بلعت ريقها : السلام عليكم وقف الجد واتجه لرنيم الي صنمت بمكانها من الخوف من غير لا ترمش ولا رمشه الجد: انتي الي قصيتي شعر رنيم ؟ شهد من الخوف ما عرفت تتكلم غير دموعها الي انهمرت الجد ضرب شهد بعصاه الي ما تفارقه على ساقها من الجنب : جاوبيني انتي الي قصيتي شعر رنيم ؟ شهد صرخت : اااااااااه ...جلست على الارض من الم ساقها وبخوف هزت براسها بلا وهي تبكي : لا مو انا والله مو انا اقسم بالله مو انا رنيم ما كانت تبي توصل الوضع ان الجد يضربها بس سكتت كل الي تبيه الحين تنتقم لشعرها وبس الجد يرفع عصاه: شهد اخر مرا اسألك برا الغرفه كانت نوف حاطه اذنها على الباب بس سمعت الي صار فتحت الباب من غير استأذان : يا جدي انا اعرف من الي قص شعر رنيم الجد ناظر للي دخلت المكتب: وانتي وش جاااابك ؟.. وكيف تتنصتين على الباب رنيم بخوف من جدها تخفيه وتكلمت بثبات: اذا مو شهد مين الي قصه نوف ناظرت لرنيم بكره كل مواضيعهم تنحل بينهم عمرهم محد وصل الكلام لجده الا ذيه : لاني بفصلك وشوفت كل الي صار الجد بهدوء رجع لمكتبه: نوف تكلمي نوف ناظرت لشهد الي جالسه على الارض تبكي وحكت كل الي صار للجد ........................................ راكان لازال موقف مكانه قدام بيت عمه وتوقع البنات دخلوا بيوتهن .. كان حاط راسه على الدراكسون بعد ما شرب المسكنات عشان كليته وهو مقرر بعد ما يتعالج من المخدرات... رح يروح المستشفى ويشوف لها حل ... من يوم ما اعطاه عبد الرحمن المخدرات وهو يتألم من الكليه ... تهجد اذا شرب مسكنات بس لازم يتطمن عليها ... ناظرت ساعة السياره كانت تشير 1:00 : بقي ساعه وتطلع مها بخلص كل اشغالي قبل العصر رفع راسه لصوت الي يتجه له ليان جايه تركض وهي تحمد ربها انها لاقت راكان لساته مكانه ما تحرك وببكى يالله ينفهم كلمة منها : راكاااان الحق شهد اهئ نوف دخلت عند جدي اهئ نزل راكان من سيارته : ليان اهدي وكلميني شصار شفيهم شهد ونوف؟!! ليان: رنيم قـ قالت للجد عن قص الشعر والجد ضرب شهد ونوف دخلت بتقوله الموضوع ... وانا جيتك ركض ابي اناديك راكان الله يخليك الحق عليهم لا يضربهم الجد اهئ اهئ راكان نسي كل اوجاعه وركض لبيت جده ...................................... رنيم تسمع بذهول ما توقعت واحد بالميه انه رسيل ممكن تسوي ذا الشيء وخاصة انه ما بينهم شيء بس ذيك الكلمتين قالتها لها ونست موضوعها اساسا ما توقعت منها انها تحقد عليها لذيه الدرجه ناظرت لشهد الي قاعده تصيح حست بندم على تسرعها وناظرت لملامح جدها الجامده الجد: خلصتي؟ نوف هزت راسها بايه: ايه ذا كل الي صار الجد : رنيم رنيم بخوف تسلل لقلبها بس اخفته: هلا؟ الجد وهو يقرب منها: انتي شوفتي شهد تقص شعرك يوم اتهمتيها رنيم : لا ما شوفتها الجد ضربها بنفس المكان الي ضرب فيه شهد : اجل ليه تقولين ان شهد قصة شعرك رنيم عضت شفتها بألم وناظرت لجدها بعد مبالاه : لا ما شوفتها بس ... واعترف اني غلطت يوم اتهمتها من غير دليل الجد منقهر من اسلوبها الي يذكره براكان : حلو حلو .... وهو يرفع العصا بيضربها بزندها غمضت رنيم عيونها بقوه ... سمعت صوت العصا وهو يهوي بقوه بس ما حست بأي وجع فتحت عيونها بشويش شافت ظل واقف قدامها رفعت راسها وامتلت عيونها دموع وهي تشوف راكان تلقى الضربه عنها راكان: رنيم غلطت وهي شهد بيتصافون خلاص الجد ضرب راكان بنفس المكان الي جت فيه الضربه الاولى : بنات عيالي وانا حر فيهم ..... راكان لا تخليني انساهم واقلب عليك رنيم تمسكت بظهر راكان وهي تبكي: اسفه ... اسفه راكان عينه بعيون جده : نوف خذي شهد ورنيم واطلعوا برا الجد رفع حاجب: يعني ناوي انت الي تاكلها راكان بحده : نووف ما تسمعين فزت نوف وقومت شهد وطلعت من المكتب وليان الي كانت واقفه عند الباب مسكت شهد الي كانت منهاره تبكي رنيم بصوت باكي: راكان راكان مسك يد رنيم الي شاده عليه : انتي روحي الحين ... مع البنات ولا تخافين ما رح يصير شيء وقفلي الباب وراك سوت رنيم الي قاله راكان بانصياع وخرجت من المكتب وعقلها مع راكان الجد بعد ما خرجوا البنات ابتسم: تدري من زماان مشتهي اعاقبك بس ما جت فرصه... والحين انت جيتني برجولك راكان الي متعود على عقاب جده رفع بنطلونه لنص الساق واتجه من غير أي كلمه للكرسي الخشبي وطلع فوقه وصار جالس على ركبه اقترب من الجد ورفع عصاه وبدا يضربه بساقه من ورا ... وراكان كان يشد على الكرسي مع كل ضربه من غير لا يطلع صوت برا المكتب البنات يبكون شهد بدت تبكي اقوى من اول واستوعبت ان راكان جوا قامت لعند رنيم وسحبت شعرها : بسبب ذا الشعر شوفي وش صار اهئ اهئ جدي رح يضرب راكان ويعاقبه ... دفتها بقوه وفكت شعرها طاحت رنيم على الارض من غير لا تتكلم: الله ياخذك انتي وشعرك الله ياخذك نوف متوتره : شهد خلاص وليان جالسه تبكي بصمت وقفت رنيم وركضت خارجه من بيت الجد شهد تشاهق: شوف الحيوانه راحت ما كأن الموضوع صار بسببها نوف بقلق : خليك منها بالطقاق المهم راكان عند رنيم ركضت لبيتهم بسرعه ما توقعت انها تملكها وصلت بدقيقتين لبيتهم سمعت اصواتهم بغرفة الطعاام لانه الحين وقت الغدا ركضت لهم واتجهت لخالها عناد وشعرها لازق بوجهها بسبب دموعها ومغطي ملامحها فاطمه: رنيم ؟!! من وين جيتي مو كنتي فوق بغرفتك رنيم مسكت يد خالها : دخيلك يا خال الحق راكان اهئ جدي بيذبحه بسببي اهئ اهئ الله يخليك الحق عليه وقف عناد اول ما سمع باسم راكان واتجه لبيت ابوه مسرع وخلفه عادل الي توه جاي من دوامه من امس لان كان عنده مناوبه وريان فاطمه ضمت بنتها الي تبكي: اهدي يمه فهميني الي صار رنيم بحضن امها : يمه انا السبب اهئ اهئ انا السبب بكل شيء صار اهئ ليتني ما رحتله نزلت فاطمه دموعها مع دموع بنتها : اهدي اهدي مو صاير شيء عند الجد الي تعب وهو يضرب راكان ويتمنى لو مرا وحده يسمع صرخه وحده من راكان راكان شاد على الكرسي بقوه ويحس رجوله بتنخلع من مكانها الجد رفع العصا وهو ناوي تكون ذيه اخر ضربه وبعدها بيخليه يروح برا عند البنات شافوا عناد وعياله متجهين لهم فزت شهد واقفه الي كان وجهها مكشوف ونص شعرها باين ما اهتمت كل الي همها راكان : يا عمي اهئ الله يخليك وقف الجد دخل عناد المكتب وشاف ابوه رافع العصا وراكان فوق الكرسي عناد: يبه!!!! الجد ناظر لابنه وهو رافع العصا: تعال شوف ابنك العاق وش يسوي مو محترمني ولا محترم كوني جده عناد قرب من ابنه وهو يناظر لسيقانه الي فيها علامات خضرا علامات ضرب الجد له عناد مرر اطراف اصابعه على ساق ولده : يبه ... وش ذا ليه سويت فيه كذا نزل الجد عصاه: يستاهل عشان مرا ثانيه لا يتدخل بشيء ما يخصه عناد بعصبيه يحاول يكتمها : يبه مهما سوا ما توصل لذيه المواصيل ناظر كيف رجوله مخضره ومزرقه الجد رجع لمكتبه : يستاهل وشوي عليه عادل وريان الي توهم داخلين ناظروا شكل راكان راكان نزل بشويش من الكرسي بسبب الم سيقانه الي يحاول يخفيه وجلس على الكرسي من غير لا يناظر احد من الموجودين نزل لمستوى رجوله عشان ينزل بنطلونه ويغطي ساقه عناد نزل لمستوى رجول ابنه وبحنان : تعورك !! راكان بهدوء من غير يناظر ابوه : لا ما تعور تعودت ووقف بتثاقل وهو يحاول ما يبين وجعه ... ومشى خارج من المكتب مسكه ريان من يده عشان يساعده يمشي راكان: ابعد عني ريان : راكان لا تكابر راكان : مالـ... قاطعه عادل الي مسكه من الجهه الثانيه : امش معانا شوي شوي لان نطلع من هنا مشى راكان معهم بانصياع خرجوا من المكتب وكانوا البنات مستقبلينه عند الباب شهد بدموع: راكان ابتسم راكان لها بود: شهوده امسحي دموعك ... لا تخافين مو اول مرا وانتي عارفه ذا الشيء شهد تمسح دموعها : بس اول مرا تصيرلك بسببي راكان: روحوا بيوتكم اكيد عمامي قلقانين عليكم راحت شهد وليان ونوف الي ما قدرت تنطق بكلمة وحده ريان يناظر لراكان ونبرته الحنونه الي يكلم فيها البنات وهو بذا الوضع حس ان راكان انسان طيب بس احنا ما قدرنا نفهم او بالاصح ما عطينا لنفسنا فرصه انا نفهمه عادل: تقدر تمشي للحديقه ؟ راكان هز راسه بايه من غير لا يتكلم مشوا فيه للحديقه وجلسوه على الارض عادل: بروح اجيب الاسعافات وبجي .. ريان خلك عنده راكان وعيونه بالارض : ما يحتاج عادل : الا يحتاج ... عشان لا يصير انتفاخات ... او التهاب بمكان الضرب ... وراح من غير لا يسمع رد راكان جلس ريان جنب راكان : وش صار ؟ راكان بهدوء: مالك دخل ... مو انت طلبت مني ما اتدخل بشيء يخصم وانت لا تدخل بشيء يخصني ريان : راكااان !! ابي اعرف وش الي خلا جدي يضربك بذيه الطريقه راكان رفع راسه له: وش تبي تعرف ... مو انت تقول اني اسبب مشاكل ... ضربني لاني سببت مشكله خلاص انتهى ريان انقهر من اسلوب راكان: ادري انه مسويه بلوى ويمكن صدق زي ما قال جدي الي جاك شوي راكان وقف ريان مسكه : وين تبي الحين بيجي عادل راكان دف ريان عنه : مالك دخل وابعد عني مو محتاج مساعدتك لا انت ولا اخوك ريان اتنرفز منه : احسن انقلع مشى راكان بخفيف وهو يحاول يبين لريان انه مافيه شيء ويقدر يمشي بمكتب الجد عناد: يبه أي شيء يسويه راكان كلمني وانا بعاقبه بطريقتي الجد : لا تعال اضربني احسن عناد شاد على قبضة يده : يبه انت ربيتنا ولا احد تدخل بتربيتك... وراكان ابني ورح اربيه بطريقتك الجد باستهزاء : بعد ايش بعد ما خرب جاي تربيه ... ليته مات مع امه وريحنا عناد: يبه !! لا تدعي عليه ... الحمد لله ما مات ولا ما كان لي ولد يحمل اسمي الجد: كم مرا اقلك تزوج مو راضي... ولا الحين معك درزن عيال مو واحد ومبتلي فيه صايع ضايع عناد زفر بضيق : يبه ابني وانا بعقله ... عن اذنك الحين الجد : الله معك بالحديقه عادل : كيف تخليه يروححح ؟ انت شايف رجوله كيف ريان استفزني !! عادل بعصبيه : رييييان متى تبطل مبزره متى بتكبر ريان : هو كبير وعقله براسه يبي يتحمل الم رجوله بكيفه عادل : انت الكلام معك ضايع .. واتجه لخاله عناد الي كان جاي عناد: وين راكان ؟ عادل: راح عناد : وين راح وحالته كذا عادل : تركتهم هو وريان وروحت اجيب الاسعافات لا قيته راح تنهد عناد ومشى متجه لبيته ولحقه كل من ريان وعادل .................................... عند راكان كان يسوق وهو يحس بشد عضلي بسيقانه يناظر لساعته الحين 2:15 تأخر كثيييير عن مها وصل المستشفى ودق على مها الي قفلت الخط بوجهه وبعد ثواني ركبت السياره وقفلت الباب بقوه وراها : كان تأخرت دقيقتين زياده بعد راكان يحاول يكون طبيعي : كنت ناوي بس بعدين رحمتك مها : وجع رووويكن راكان : مها اسمعي مها : هممم راكان اليوم بتروحين عند اهلك صح؟ مها : طيب؟ راكان : مقدر اجي معك مها : لييييييه ؟ ما رح اروح اذا ما جيت راكان بنبره هاديه: مهوي تعرفين عبد الرحمن صديقي صح مها : ايوا اعرفه شفيه راكان : ابوه تعبان وحالته حرجه ومضطر اني ابقى معه .. وتعرفين ان عبد الرحمن عنده اخت صغيره مافي احد يجلس معاها ولا يقدر يشتتها بالمستشفيات مها : بس انا ابيك ابتسم راكان بحنيه: صدقيني امك طيبه وحنونه شوفتها ومرا رح تحبينها مها : بس راكان : مافي بس واذا صدق تعزيني رح تروحين لاهلك مها بضيق : طيب الي تشوفه ابتسم راكان بحزن كان نفسه هو الي يسلم مها لاهلها بس لا تمشي الرياح بما تشتهي السفن ... وقف قدام بيت عمه ناصر ... نزلت مها وراكان دق على عمه وبعد رنتين : الو راكان : يا عم اذا تقدر ما ابي استنى العصر بروح من الحين ناصر: براحتك ... ويكون احسن لو نروح الحين خرج ناصر من بيته وركب مع راكان بسيارته من غير أي كلمه حرك راكان ... وبدا ناصر يوصفه لان وصلوا لحي فقير ناصر : وصلنا راكان ناظر للحي حوله وللعيال الي يلعبون بالشوارع: عمي هنا مافي مستشفى لعلاج المخدرات ناصر ببرود: ومن قال اني رح اوديك مستشفى نهاااااية البارت توقعاتكم سبحان الله وبحمده ... سبحان الله العظيم هل ممكن عناد انه يرجع اب صالح ويصير يهتم بابنه؟ وش قصة البنت منى الي شافها بندر وهل لها دور كبير بالقصه؟ وش قصد رنيم بالكلام الي قالته لاختها ومن هو هو عامر ؟ وهل له دور بروايتنا او شخصيه لها علاقه بالماضي وبس؟ ناصر ليه مودي راكان لذا الحي ؟ وش بيصيرله هناك ؟ زاخيرا تتوقعون لوليد ظهور بالبارت الجاي او لا؟ معرف اكتب اسئله المهم ذا الي طلع معي | ||||
|
| |
 |
| مواقع النشر (المفضلة) |
| أدوات الموضوع | |
| انواع عرض الموضوع | |
|
|
1Likes
العرض العادي
