09-03-17, 07:18 AM
| #23 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام 
|  لا تلهكم الروايه عن الصلاه وذكر الله الله اكبر............الحمدلله استغفرلله...........لا اله الا الله لا حول ولا قوة الا بالله الجزء السابع عشر (مها:لين بكتب لك رقمي في ورقه وبحطها في شنطتك وكلميني اذا رحتي دام ما معك جوال كنت مشغوله بترتيب ملابس جايبتها من السوق عشان بعدين احطها في الشنطه لين:طيب اكتبيه مها:مدري ليه ما تبين جوال لين :ما احس اني في حاجته مها:عشان نتواصل لين:ان شا الله بنتواصل وبجيكم ازوركم دايم مها:ان شاء الله ) تذكرت ذاك الوقت الي اعطتني فيه مها الرقم مدري كيف نسيت منه او ما فكرت فيه جلست افكر ليه ما ادق عليهم يجون ياخذوني من هنا ابوي مجبور يستحملني هو الي جابني الدنيا مجبور يتحملني انا معد اقدر اعيش اكثر هنا بس كيف اتواصل معهم ما عندي جوال تذكرت تلفون البيت الي في الصاله بس لازم ادور وقت تكون فيه الصاله فاضيه ما فيها احد عشان محد يسمعني نزلت تحت اشوف فيه احد بس كانوا كلهم موجودين الا جاسر الي مسافر من اسبوع كنت برجع بس نادتني ام طارق وقفت طالعتها وانا مطنشه الكل ام طارق:اجلسي يا لين لفيت برجع :ما ابي اجلس شكرا مريم بقهر:هي انتي تري عماتي وخالتي بيجون اليوم يعزونك جهزي حالك طالعتها بقهر اكثر:ما ابي احد يعزيني شكرا طارق:اشوف طال لسانك وتبين من يقصه لك طالعته وطنشت بطلع بس حسيت احد يشدني من يدي يرجعني الارض بعد ما كنت طالعه درجتين طارق:وقسم بالله لاطلع حركاتك ذي من عيونك لين بعناد:انت وش تبي فكني واهلكم ما بطلع لهم ومو بالغصب طارق وهو يشد من مسكته ليدها:تري ما يمشي معي عنادك الي طالعه لي به الايام هذي والله ادفنك ومحد دري عنك لين بحده:انت تفكر مالي احد ترى والله ابوي ما يسكت لك لو صار لي شي طارق بسخريه وهو يفك يدي ويدفني عنه :ابوك ما شاء الله والابو انا اشوفه مقطع الطريق وهو رايح جاي عندك لين بقهر:انت الي حرمتني منه ام طارق:خلاص يا اولاد بلا مشاكل لو يوم واحد نعيش بدونها لين:انتوا ساس المشاكل شفت طارق قرب بيضربني هربت بسرعه ما قدرت اطلع الدرج فرحت على طول ورى ام طارق طارق:حيوانه قامت تستقوي ام طارق:خلاص يا طارق فكنا من المشاكل وهي في وجهي بعد عنها لما شفت ام طارق ماسكه طارق وتحاول تبعده عني استغليت الفرصه وهربت فوق لغرفتي اكيد بتقولوا ليه ما رجعت لمستودع رحت وحاولت اكثر من مره شكل ام طارق قالتلهم يقفلونه عشان ما ارجع له حاولت اكثر من مره اني اكلم من الصاله بس مكان يجي لي فرصه ومره نزلت في الليل مكان في احد طالعت الساعه كانت قريب تصير الساعه ثنتين اخذ السماعه وكنت وانا افتح الورقه برتباك واكتب الرقم سمعته بس سمعت صوت وراي بسرعه تخبيت ورى الكنب سمعت صوت طارق داخل وشكله يكلم احد طارق:انا مسافر بعد يومين ......... طارق:اوكي بحجز لك ونلتقي هناك .... طارق:لا حياتي مقدر اخذك معي انا بحاجز لك اليوم الثاني من وجودي وانتي تعالي ....... طارق:اريام هذا الي عندي تبين ولا الغيت الجحز واجلسي مكانك ... طارق:خلاص خلاص بكره اشوفك كان وهو يتكلم موقف في الصاله وانا كنت متخبيه ورا الكنب شكل يكلم الي كانت معه هنا وحده من حريمه لا ويبي يسفرها معاه مالت عليك اكرهك حسيت فيه راح طليت براسي اطالع ما شفت احد خرجت وكنت بطلع بس لقيته في وجهي موقف عند الدرج ويلعب فيه الجوال خفت مدري وين اروح كنت برجع بس هو شافني طارق بصدمه:انتي اش تسوين هنا في ها الوقت وتعداني يطالع في الصاله يشوف في احد طارق بحده:اش كنتي تسوين هنا في الظلام وفي هذا الوقت لين برتباك:كنت في المطبخ اشرب مويه من الخوف معد عرفت وش اقول وزد الطين بله اصلاالمطبخ في الجهه الثانيه طارق بغضب وهو يمسك يدها:تستهبلين المطبخ من هناك وش بيجيبك هنا تكلمي من كان معك ولا انتي من وين جايه انقهرت من كلامه وتهاماته:هي هي انت احترم نفسك انا كنت بنزل اشرب مويه بس سمعت الباب تخبية على بالي جاسر كان يطالعني بغضب ونفسه متسارع وبسرعه مسكني برقبتي:ليه ما شفتك يوم دخلت لين بخوف:كنت متخبيه ورى الكنب والله العظيم كنت متخبيه فكني بس دفني قدامه بقوه كنت بطيح بس مسكت نفسي طالعته شفت في عيونه الشك شكله ما صدق طارق:شوفي يا الزفته اذا مخبيه شي قولي ولا والله لو كشفته بنفسي رح يصير لك شي ما عمرك شفتيه لين بقهر مصدق نفسه بقوه:هي انت ترى انا متربيه زين والحمدلله اخاف ربي وكل يرى الناس بعين طبعه طارق بحده؛اش قصدك لما شفته يقرب مني هربت بسرعه طالعه الدرج الي كان قريب مني شفته وراي خفت اكثر وسرعت بهرب للغرفه قبل يوصل لي بس قبل اوصل الغرفه مسكني طارق:انتي قد كلامك الي قلتيه لين بخوف ما ردت هزني بقوه:انتي قده ما قدرت اتكلم من الخوف وهزيت راسي بلا كان شاد على يدي انتظرت يفكني بس طول رفعت راسي اطالع وجهه شفته يطالعني بسخريه طارق:تصدقين يعجبني شكلك وانتي خايفه شغل انا قويه ومدري وش اتركيها عنك ما رديت عليه بس خفت لما شفته يمد يده ويمسح على شعري طارق:تصدقي اشتقت للجلسه معك من زمان عنك حاولت اسحب يدي منه لين :بعد عني طارق:شو نسيتي اني زوجك وانك خلاص صرتي هنا في الجناح يعني علني قدام الكل زوجتي معاد فيه شي يتخبى لين:وخر انا ما ابغيك طارق بضحكه:وليه احد طلب رايك ان شاء الله حاولت افك نفسي ما قدرت كنت ابكي بقوه ما ابيه ما ابيه بس هو ما يفهم دخلني غرفته وقفل الباب قلت ببكى:خلني اروح ما ابيك ولا انا طايقتك طارق ؛شعور متبادل وكيفك تبين تطلعين بس تذكري ان الحرمه اذا دعها زوجها ورفضت الملائكه تلعنه خفت من كلامه مرره معاد عرفت اش اسوي اخرج او اجلس طارق بسخريه:وانتي قبل شوي تقولي تخافي ربك كثير انقهرت منه مره دايم هو ايكون المسيطر والي يتحكم بكل شي ليش ليش ما حسيت في نفسي الا وهو يسحبني عنده كنت ابي ارجع غرفتي بس طارق بحده :وين وين لين بقهر والدموع بعيونها:بروح غرفتي طارق:ارجعي انثبري مكانك ما فيه لك غرفه الا هذي تري انا انسان ابي احس ان عندي زوجه اذا جيت البيت القيها هنا مو مسكره عليها في غرفتها لين بقهر:بس مكان هذا اتفاقنا طارق بحده:مكان هذا قبل تروحي تقولي لزفته روز تروح تخبر امي انك عندي هنا بس انتي جنيتي على نفسك لين بصدمه:والله ما قلت لروز تفتن طارق بسخريه:مفكره اني غبي وتمشي علي حركاتك لين:والله العظيم ما كنت ادري ان روز تعرف اني اجيك رجع انسدح وتلحف:ما علي وش كنتي المهم الحين ارجعي انثبري نامي مكانك لين ربي يفرجها عليك وطالعني بسخريه انقهرت منه ورجعت تلحفت غطيت نفسي بالكامل طارق:انتبهي تنكتمي وتلحقي جدتك انقهرت منه مره هذا ابد ما يحس وما عنده قلب اكرهه من كل قلبي كنت ابكي بصمت لين نمت مكاني صحيت اليوم الثاني وانا في غرفته اذكرا امس جلست ابكي لين نمت مكاني بكيت ضعفي وعجزي مهما سويت له هو منتصر علي قمت اطالع الغرفه ما فيها احد شكله ذلف على شغله وقفت بروح الحمام استغفرلله فاتتني صلاة الفجر بس وانا اوقف حسيت زي الدوخه مسكت راسي وجلست بعدين حسيت تقلصات في بطني وابي استفرغ بسرعه ركضت على الحمام كنت ازوع وكح بس ما في شي في بطني عشان استفرغ غسلت وجهي بصعوبه وليه احس راسي دايخ لها فتره تجيني اكيد الي فيني هذا من قلت الاكل كم لي مقد اكلت وجبه زي الناس صليت بالغصب ورحت غرفتي بقفل علي لقيته مقفلها وماخذ المفتاح وش فيهم ذولي يحطون لي غرفه بعدين يقفلونها طالعت اغراضي الي مطلعها كلها في الصاله اوف والله ما فيه حيل ارتبها في غرفته رحت على الكنبه الي في الصاله وانسدحت شويه بطني يوجعني جوعانه ولا فيه حيل انزل تحت ما حسيت في نفسي الا نايمه حسيت بدق في كتفي فتحت عيوني شفته واقف قدامي طارق:ليش ما رتبتي اغراضك داخل جلست وانا اعدل بجامتي وشعري طارق:قاعد اتكلم لين:كنت تعبانه ما قدرت طالع فيه فتره:قومي نتغداء امي حالفه ما تاكل الا وانتي موجوده طالعته بصدمه غداء :ليه كم الساعه طارق :ثنتين الظهر لين بستغفار اوف فاتتني صلاة الظهر كمان لين وهي توقف وتحس الدوخه لسه ما راحت كنت رايحه الحمام طارق:لا تتاخرين لين :اصلي وانزل توضيت وطلعت شفته لسه مسنتر في الصاله طنشته كنت بروح اصلي طارق:اسمعي بتنزلي الحين لا اشوفك تطولي صوتك على احد من الي تحت والله اقص لسانك امي تعبانه ومو رايقه لهبلك لين وانا لافه له ظهري:ان شاء الله دخلت مقهوره منه انا الي رايقه لكم والمشاكلكم الله يصبرني بس صليت وخلصت ونزلت تحت كانوا مجتمعين لما شافوني ام طارق:يالله نتغداء الغداء جاهز قامو كلهم كنت جالسه جنب طارق وسمر ومستحيه مره وانا اكل وجاسر موجود اش فيهم هذولي ما يحسون ان وضعي غلط قدامه انا يوم نزلت على بالي لسه مسافر بس شكله رجع بس مع كذا كنت لابسه حجابي الاحتياط كنت اكل بصمت وهدؤ لاني جوعانه حدي سمعت رشا بخبال:طارق ما سمعت اخر خبر طارق بهدؤ:لا وش رشا؛سمر حامل طارق يطالع سمر :صدق الله يتمم لك سمر بخجل:امين عقبالك طارق:لا مومفكر الحين ام طارق:عمرك الحين 34متى بتفكر ان شاء الله طارق:قريب بس مو الحين الله والموضوع الي يفتحونه الحين يسد النفس وهذا مفكر بموت ويجيلي عيال منه احس جت منه هو مالت شفت ام طارق تطنشه وتتكلم مع سمر ام طارق:طيب كيف وحمك الحين سمر :باقي الله يعين بس طفش دوخه وغثيان كلهم:الله يعينك حزنت عليها مررره ما تستاهل سمر مره طيبه باين التعب في عيونها بعد الغداء جلسوا الكل في الصاله كنت بطلع غرفتي بس سحبتني سمر سمعت طارق ينادي امنه امنه:نعم بابا طارق :رتبي الجناح استغربت من حركته غريبه ما خلاني انا ارتبها طنشت ولفيت على سمر الي تكلمني سمر:اش فيك يا لين حنا اهل لا تستحي منا لين:سمر استحي من جاسر سمر خلاص بنجلس وحدنا على جنب جلست انا وهي وجت عندنا هدى هذي سبحان الله مالها في احد وهاديه بقوه حتى كلامها قليل ليت الثنتين الباقي زيها ولا اخوها وجه الغول زيها بعدين جونا مريم ورشا كانوا يسولفون مع سمر شوي انشغلو في جوالاتهم لفت علي سمر:ها كيفك لين كيف نفسيتك لين :طيبه الحمدلله مسكت سمر يدي تواسيني :حاولي تتمسكي بحياتك وتصلحيها لين وانا الف راسي عنها:ما فيه امل كنت ابي اغير السالفه هذي سمر ما تمل ما تعرف ان انا واخوها لا يمكن نكمل مع بعض لين؛كيف عرفتي انك حامل سمر طالعت فيه بضحكه:مو من جدك ما تعرفين طالعتها باحراج :والله ما اعرف سمر:تاخرت عندي الدوره الشهريه شهر وعليها وحسيت بتعب وخمول حللت وعرفت سكت وتغير لوني وانا اذكر من متى الدوره متاخره عندي ما اذكر الصراحه يمكن لها شهرين وانا مع الاوضاع الي كنت فيها ما كنت مهتمه سمر :لين اشفيك لتكوني حامل لين بسرعه:لا وين اصلا انا علي ادوره الحين سمر:الله يزقكم لين بسخريه:على قولت اخوك مو الحين بعدين سمر:لين لا تاخذي بخاطرك منه لين:لا ارتاحي ما همني سمر:الله يصلح حالكم والله يا لين تري طارق ما يستاهل بس انتي تقربي منه بتعرفينه زين سكت عنها وما ردين خلي زينه لنفسه ما علي منه جلست افكر معقوله صدق انا حامل طيب انا احس بنفس الاعراض الي تجيها تجيني ولها فتره معقوله والله لو احد يدري معاد يخلوني اروح لابوي انا لازم اهرب لازم باسرع وقت سمعنا طارق يتكلم من الصاله الثانيه كنا نقدر نشوفهم لان بعيدين عليهم بس شوي طارق :طارق بنات تبغون نروح المزرعه يومين نغير جو مريم؛ايه تكفى طارق ونقول لخالتي يجون معنى دقتها رشا بخفه :خالتي هاه حركات مريم بهمس:اسكتي يا الهبله طارق:نقولهم اكيد خلاص تجهزوا عطلة الاسبوع نطلع سمر:كويس نغير جو وطالعتني ببتسامه :وانتي كمان تغيري جو المزرعه مررره حلو بتعجبك ابتسمت لها كويس جت لين عندي فرصه لازم احاول اجلس هنا عشان كذا بقدر اكلم مها ويجون ياخذوني جلست معهم بجسد وعقلي كان في مكان ثاني افكر كيف اخليهم يخلوني اجلس هنا يالله وليه اتعب حالي يمكن ما يهتمون لي جلست او رحت بس هم دايم قدام يسوون خالتهم انهم مرره معي ولا فيه اي شي بينا واكيد بيتسائلون ليش ما جيت معهم كنت اطالع لهم يخططون اش بيسوون وانا اخطط اش بسوي شوي وسمعت صوت طارق طارق:لين يالله تعالي طالعته بستغراب وين اجي شفته واقف عند الدرج ينتظر قمت بسرعه قبل يصارخ علي مو غريبه عليه هذا يسويها قدام اخوه اصلا قد سوها بس حتى احراج قدام اخوه طلعت معه لما دخلنا الجناح كان نظيف ومرتب وملابسي مالها اي اثر في الصاله كان رايح الغرفه وانا رحت بجلس على الكنب لف علي:حط في بالك ترى بتروحي معنى كمان اوف كانه يقراء افكاري وداري اني ما ابغي اروح سكت ما رديت وهو راح الغرفه ما ابي اسوي شي الحين او ابين اني ما ابغي عشان ذاك الوقت اذا رفضت يصدق يالله متى يجي اليوم الي افتك صدق من ها الهم تذكرت كلام سمر حطيت يدي على بطني بخوف معقوله معقوله الي في بالي واكون حامل لا ان شاء الله ما يكون فيه شي انا يالله بنفسي وين اشل طفل معي فين اروح فيه ومن لنا يا رب سهل امري يا رب انسدحت على الكنبه واحس فيني نوم ما حسيت بس غمضت عيوني نمت بدون ما احس بنفسي الايام الي فاتت الكل يجهز لروحه كنهم بيسافرون شكل المزرعه هذي بعيده في الليل قبل الروحه للمزرعه كنت في الغرفه اشوف طارق يلبس بيطلع لسهره لين بتردد؛لازم بكره اروح احس نفسي تعبانه طارق بملامح بارده:ما فيه نقاش سكت عنه هذا ما منه رجاء لما طلع لبست عبايتي ونزلت تحت كنت بروح الصاله بس شفت جاسر منسدح على الكنبه ويلعب بالجوال من شافني قام بسرعه وارتباك كنت برجع للجناح بس هو بسرعه قام جاسر وهو منزل راسه:خذي راحتك وطلع والله يا ها الولد انه اخلاق احسن من اخوه كنت منحرجه مره احس مو ماخذين لا انا ولا هو رحتنا بها الوضع كانت بس ام طارق في الصاله بعد ما طلع جاسر ام طارق:تعالي لين خلاص جاسر راح انتبهت لنفسي اني لسه واقفه مكاني قربت منها وجلست بتردد ابي افتح السالفه بس خايفه ترفض وهي اخر امل لي هنا ام طارق شكلها حست اني ابي اقول شي ام طارق:وش فيك يا لين تبين شي محتاجه شي لين بتردد:لا بس سكت شوي طالعتها كانت لسه تنتظرني اتكلم لين بسرعه:ما ابي اروح بكره معكم ام طارق بهدؤ:ليش لين برجا:احس نفسي تعبانه بعدين نفسيتي ما تسمح اني اشوف احد ام طارق:لين حنا ودنا تروحي تغيري جو وترتاحي لين:لا تضغطون علي مو مستعده اقابل احد وامثل قدامه ان ما فيه شي ما اقدر والله ما اقدر ودمعت عيوني كنت ببكي ام طارق:خلاص لا تبكي خلاص مالها داعي روحت المزرعه اصلا انا فكرت فيها عشانك قلت تغيري جو وترتاحي اوه هذا الي ما كنت ابغاه يبطلون وما كان شي صار لين:لا لا تبطلوا عشاني والبنات مجهزين نفسهم ما ابي يزعلون ان انا السبب ام طارق:لا زعل ولا شي لين برجل:تكفين لا تسونها بعدين يمكن يكرهوني اكثر يكفي الي بينا سكتت ام طارق وكنها تفكر ام طارق:طيب ما بنقول لاحد يجي بس حنا وكذا بتاخذي راحتك اكثر لين:لا انا ما ابي اطلع من هنا مالي نفس اطلع من البيت ام طارق :بس يا لين ما نقدر نخليك بروحك هنا وكلنا بنروح ونجلس يومين لين:عادي تجلس معي امنه او مارتا اصلا متعوده من زمان على الجلسه لوحدي سكتت تفكر ام طارق:خلاص افكر واشوف ولسه بسال طارق يمكن ما يوافق يخليك بروحك لين برجا:الله يخليك اقنعيه انا فكرت اكلمه بس هو ما رضي الله يوفقك والله مالي نفس وما ابي اخرب على البنات حماسهم ام طارق:خلاص لك الي تبين فرحت انها اقتنعت بس باقي وجه البومه لازم يقتنع عشان صدق احس اني نجحت كنت في صالة الجناح جالسه ما حسيت الا بلي داخل علي جلس على الكنب طارق بحده:وليش الست الهانم ما تبي تروح معنى ما كنت ابي انرفزه عشان ما يحلف ويخليني اروح غصب لين بهدؤ:والله تعبانه ومو مستعده اقابل احد الي فيني مكفيني طارق:لا يا شيخه حسيته بيرفض انقهرت منه ما امداني افرح بموافقة ام طارق طلع لي هذا دمعت عيوني لين برجفه:الله يخليك انخنق صوتي من العبره صرت بسرعه ابكي من جيت ها البيت طارق:لا تبدين بمسلسل الحزن حقك الحين وقف بيروح الغرفه طارق:كيفك بطاقاق بتجلسي اجلسي بخلي معك مارتا بس يا ويلك اسمع انك عتبتي باب البيت فاهمه هزيت راسي وانا امسح دموعي هذا له يومين ساكت وما يصارخ ويعاملني ببرود والله بروده احسن من عصبيته يعني هو مو معتبرني موجوده في البيت يتجاهلني احيان من كثر تجاهله اشك انه يشوفني يالله ما يهم اهم شي الحين ضمنت اني بجلس هنا ما بروح طلعت اليوم الثاني من الجناح كان في حوسه مره عشان الحين بيروحون طالعت الساعه 10الصباح والله فكرتهم طلعوا من وقت بس شكلهم باقي نزلت اشوف اش يصير تحت لقيت ام طارق في وجهي ام طارق:ما بتغيري رايك وتجي معنى سكت ما رديت بس هزيت راسي بلا شوي رجعت للجناح شكل لو جلست قدامهم بيغيرون رايهم ويخلوني اروح غصب دخلت الغرفه كانت فاضيه هذا طالع من الصباح كنت نايمه لما راح رحت نمت على الكرسي لازم اسوي اني نايمه لو دخل او شي يشوفني نايمه ويسكت ويروح من امس اتجنبه ما ابي يصير بينا كلام عشان ما يتنيحس ويجيرني جلست منسدحه ما حسيت في نفسي الا وانا نايمه قمت على صوت اذان الظهر اوف كنت ابي امثل انوم ونمت جد مدري اش فيني ها الايام بس احط راسي انام والله من الضغط الي انا فيه اصلا نومي مو مريح وكله كوابيس عشان كذا كل شوي اصحى صليت ونزلت تحت كان البيت هدؤ ما فيه احد يعني راحوا رجعت بسرعه غرفتي واخذت الرقم من مكان ما خبيته لازم اكلمهم بسرعه خلاص معاد اتحمل نزلت الصاله رحت التلفون دقيت الرقم وقلبي يدق معه بس دق دق ما فيه احد يشيله يمكن مها لسه نايمه مدري والله رجعت مره ثانيه وثالثه ما فيه رد قلت يالله بنتظر ساعه وارجع ادق كنت احس نفسي على اعصابي هذا الي ما حسبت حسابه انها ما ترد علي وش اسوي لو رجعوا ولا قد ردت علي والله اخر امل لي يتبخر واجلس انتظر هنا سبعه شهور زياده ما اتوقع بتحمل يمكن يجيني شي وما قد خلصت السبعه شهور هذي طالعت الساعه شفتها ما تتحرك تو مر بس نص ساعه واحس دمي نشف في عروقي من الخوف يالله مو لازم اكمل ساعه برجع ادق واشوف كنت بدق بس شفت مارتا جايه جهتي بعد يدي عن التلفون بسرعه ما ابيها تشوفني وتخبر ام طارق او طارق هذولي اكيد كلهم فتانات ما يتامن لهم مارتا:يبي غداء لين:لا ما ابي راحت عني هو احد له نفس ياكل الحين طالعت اتاكد انها راحت عشان ادق على راحتي ما شفت احد قربت لا نص الصاله بس ما احد شكلها دخلت المطبخ رحت بسرعه ارجع ادق جلست انتظر الرنه طول محد رد حسيت بخيبت امل مررره بس سمعت صوت الووووووو كتتتتت انتظروني الاثنين ان شاء الله لكم ودي | ||||
|  |
|
13-03-17, 10:40 PM
| #26 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
| السلام عليكم ورحمة الله وبركاته كيف حالك إن شاء الله دائما بخير ؟ الكاتبة أجلته ليوم الخميس موفق بإذن الله ... لك مني أجمل تحية . | ||||
|
| |
|
15-03-17, 02:36 AM
| #28 | ||||
| نجم روايتي وفراشة الروايات المنقولة 
| السلام عليكم ورحمة الله وبركاته الحمدلله والصلاة والسلام على رسول الله وعلى آله وصحبه أجمعين الروايه حلوه والاسلوب بشد الانتباه. تسلم يد الكاتبه بس يا ترا. زي باقي الروايات الغير. مكتمله. او لها. تكمله تسلمين لامار عالنقل. | ||||
|
| |
|
17-03-17, 04:27 AM
| #29 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
| لا تلهكم الروايه عن الصلاه وذكر الله الله اكبر............الحمدلله استغفرلله...........لا اله الا الله لا حول ولا قوة الا بالله الجزء الثامن عشر جلست انتظر الرنه طول محد رد حسيت بخيبة امل مررره بس سمعت صوت الووووووو لين بسرعه:الوه مها مها بستغراب:ايوه من معي لين :انا لين سمعت هدؤ في الطرف الثاني حتى شكت انها قفلت لين:مها معي مها:ايوه معك كيفك لين لين ببرود:ابوي عندك مها:لا طالع بس يمكن ما يطول لين:طيب اذا جاء خليه يكلمني انتظره مها :طيب لين ما قلتي اخبار قاطعتها :انتظرك مع السلامه قفلت عنها مع اني كنت متلهفه ترد علي بس لما ردت حسيت برود بكل اطرافي ما قدرت انسى ولا لحظه انها احد الاسباب الي انا فيه الحين جلست انتظر يدق ابوي علي ما ابي اقوم ويدق التليفون وما اسمعه شغلت التلفزيون اتابع بس ابد ما كنت معه مدري كيف بقابلهم لو رحت عندهم او كيف بعيش معهم بس مهما كان بتكون العيش احسن من هنا بكثير جلست انتظر مر ساعه الحين ولسه التليفون ما دق معقوله سحبت علي وما بتخلي ابوي يكلمني لما طرا في بالي الفكره بسرعه قمت ادق مره ثانيه انتظرت انتظرت ما ردت معقوله سحبت علي رجعت التليفون بعصبيه لين:اكيد ما صدقوا ينفكون مني مستحيل ياخذوني انا وش الي كنت افكر فيه سمعت التليفون يرجع يدق قمت بسرعه رديت مها:هلا لين اسفه يوم دقيتي جوالي مكان قريب مني لين:لا بس شفتك تاخرتي وبغيت ابوي ضروري مها:لسه ما جاء لحظه لحظه سمعت صوت وشوشه بعدين مها :لين خذي ابوي معك ابو وليد:السلام عليكم لين بنتي كيفك لين بعبره:وعليكم السلام الحمدلله ابو وليد؛بالله يا لين طمنيني عن حالك لين بقهر:اهمك يعني ابو وليد:والله انك غاليه علي وكل ما ادق على طارق اساله او اجيك ما يخليني لين ودموعها تنزل:اذا غاليه تعال خذني الحين ابو وليد:جيت اكثر من مره ما خلاني طارق لين:محد في البيت رايحين المزرعه تعال ابو وليد بعصبيه:مخلينك وحدك في البيت لين:ما يهم الحين بتجي ولا لا ابو وليد :خلاص شوي وجايك لين بتردد:لا تجي انت خل خالد يجي ياخذني ابو وليد:ليش لين:بس كذا ابو وليد:خلاص بشوف اذا خالد موجود وفاضي ولا قلت لوليد لين:لا لا تقول لوليد خل خالد الي يجي ابو وليد بستغراب:خلاص والا يهمك لين:مع السلامه سكرت منهم وجلست ابكي ما كنت ابي اشوف احد من الي احس ان لهم يد في موضوعي خالد يمكن ارحم واحد ما كان له دخل في الموضوع مع انه دري وسكت بس اكيد بيحب اخته من امه وابوه اكثر مني وبيبديها علي وانا توه يعرفني كنت انتظر سمعت صوت صجه عند الباب توقعته خالد جاء رحت بسرعه ولبس عبايتي طلعت لقيت البواب مو مخلي خالد يدخل و خالد معصب قربت منهم لين:هذا اخوي خله يدخل البواب :بابا يقول ما احد يدخل هنا خالد:انا اخوها سمعت افتح قربت من البواب وهو بعد شوي بس لسه ماسك الباب لا يدخل خالد كان فاتحه فتحه صغيره وانا لاني نحيفه بسرعه خرجت منها البواب:بسرعه مدام ارجع بعدين بابا سوي مشكل لي انا لين:طيب بعدين كلم بابا البواب:مدام ارجع ولا انا كلم بابا الحين رحت السياره فتحت الباب :كلمه عادي ركبت شوي ركب خالد وحرك خالد:كيفك يا لين لين بسخريه :زي ما تتوقعون سكت معاد تكلم معي كان الطريق احسه دهر وانا انتظر اوصل بسلام وخلاص اصدق اني معاد برجع لهذاك البيت لما وصلنا نزلت بسرعه كنت اتمنى ما اشوف احد قدامي بس لقيت ابوي ومها ينتظروني في الحديقه شفت ابوي يجي قريب مني وكان يبي يضمني بس رجعت ورى شوي فكيت غطوتي اطالعهم ابو وليد:كيفك يا بنتي لين:كيف تتوقع اكون ها بعد ما رميتني كذا عشان بنتك ترتاح كيف تتوقع بكون سكت ونزل راسه بس احس في قلبي قهر ما يطفيه شي ونسيت ان الي قدامي ابوي لين:ليش سويت كذا يعني هي كانت بنتك وانا لا تضحي فيه عشانها اقل شي هي شافت منك حنان وربيتها من هي صغير بس انا وش وكملت بصراخ رميتني صغيره ولما جيتك رميتني من جديد صدقني لو لي مكان غير ها المكان مكان جيت بيتك لو على جثتي خالد:لين هذا مهما كان ابوك لين بقهر؛من متى صار ابوي بس قبل شهرين من زواجي وبعدها تخلا عني اي ابو هذا ابو وليد:يا بنتي كنت مجبور لين بحده:وش الي جبرك هاه خوفك على بنتك الدلوعه ولا خوفك على فلوسكم نزلت دموعي من قهري :ما فكرت فيني ما فكرت اش بيصير لي كيف بعيش ناس ما اعرفهم مجتمع جديد وانسان حجر ما يحس ما فكرت جلست على الارض ابكي نزل لي ابوي:خلاص يا بنتي والله لعوضك ان شاء الله لين تبكي بقوه:حرمني بسببك من جدتي ما شفتها حيه ولا ميته ما جيت عزاها ماتت كنها غريبه مالها اهل وانا موجوده الله لا يسامحكم قهرتوني الله لا يسامحكم ضمني ابوي لصدره ما حاولت امنعه ابد كنت اشهق على صدره كم تمنيت حضن يضمني ويخبرني اني بخير كم تمنيت ارجع لسعاده الي انخطفت مني بلمحة بصر جلست ابكي قهر الشهور الي فاتت كلها كان ابوي يمسح على راسي ابو وليد :خلاص يوبه خلاص والي تبينه انا حاضر فيه لما سمعت كلامه رفعت راسي ادور لصدق بعيونه ابو وليد ؛اوعدك الي تبيه انا حاضر فيه لين:ابي ما عاد اشوفه او ارجع له ابو وليد :خلاص تم وعتبري نفسك حرت نفسك من اليوم وقفني ولف على مها ابو ليد :مها قولي لشغلات يجهزوا غرفه لها لين وانا اطالع في مها بحقد كانت تبكي على وش شفقه على حالي الي وصلت له ولا راحمتني لين:لا قولي يرتبون لي ملحق الخدم وبسخريه طالعت ابوي بروح المكان الي حطيتني فيه انا وجدتي اول ما جيناك نزل ابوي راسه انا بعد عنهم ورحت الحديقه ما ابي احد ابي اعيش وحدي عشان كذا اخترت الملحق كنت في الحديقه اشوف الخدم ينظفون في الملحق ما كنت ابي ادخل البيت رفعت راسي عشان احس بضوء الشمس على وجهي الله من زمان عن الشمس ودفها من زمان نفسي افتح عيوني والاقي نفسي في ديرتي وجنبي جدتي وانسى كل الي هنا وكاني ما اعرفهم نفسي لو يوم او لحظه فتحت عيوني ومسحت دموعي خلاص لازم اقوي نفسي كافي بكى لازم اعتمد على نفسي اول شي بسويه بكمل دراستي ما اخلي لاحد مجال يكون له فضل علي ابد شفت وليد جاي جهتي لفيت وجهي عنه وليد بستغراب:لين كيفك من متى وانتي هنا طالعته بحقد:قبل شوي وليد:طارق جابك لين وانا ابعد وجهي ما ابي اشوفه:لا خالد وليد:طيب تعالي ادخلي ليه جالسه هنا وحدك اشرت له على الخدم:انتظرهم ينظفونه وبدخل وليد:طيب خلاص تعالي الصاله انتظري لين:ما ابي مرتاحه هنا شكرا ما تقصرون طالعته بسخريه سكت شوي بعدين راح هذا الي مفروض يكون سندي هذا اخوي الكبير ما ابي يكون قلبي اسود واحقد على اهلي بس اذا تذكرت انهم ضحوا فيني عشان سعادة مها غصب احقد عليهم خصوص ابوي كلنا بناته كيف ما هانت عليه مها وانا هنت عليه لازم انسى الماضي من اليوم معاد بفكر في شي خلاص خلصوا تنظيف الملحق دخلته حسيت زي الضيقه على صدري كان اخر مكان يجمعني بجدتي جلست اطالع تمنيت اشوفها جالسه وتتغطا عن الرجال الي في التلفزيون ولا تكون قاعده على الكنبه هنا تتقهوا وتستغفرلله وتسبحه اها اها من قلبي اقولها الله يرحمك يا جدتي ويجعلك في الفردوس الاعلى من الجنه يا اطهر قلب شفته بعد المغرب سمعت صوت صراخ برى البيت فتحت الباب اطالع وانا حاطه الشيله بس تجمد في مكاني وانا اشوف طارق وابوي وخالد وليد وشكلهم كلهم معصبين مررره طارق:اقولك الحين تطلعها وتخليها تمشي معي ابو وليد :مارح تطلع وخلاص جاها منك الي يكفيها ما هربت منكم الا شافت منكم البلا طارق:ارحمنا يالي شايفه معك الهنا ما كملت عندك شهر الا ورميتها علي وليد:طارق احترم نفسك طارق وهو يلف عليه بعصبيه كبيره:انت بذات انكتم ولا تكلمني لتشوف شي عمرك ما شفته قرب وليد منه اكثر:وش بتسوي لي يعني ورني كان بيمد يده طارق بس ابوي وقف بينهم ابو وليد:بعدوا عن بعض مو وقتكم ابد وطالع في طارق:انت اش تبي الحين طارق:ابي زوجتي ابو وليد:واذا قلنا مالك زوجه عندنا طارق:ناسي ان بينا اتفاق لمدة سنه ابو وليد :وانا عند وعدي وبكره اسلمك الي اتفقنا عليه بس مالك مره عندنا طارق:وهذا المطلوب ابي الاتفاق بس اما بنتك دامها جتك فتقعد عندك كان بس خوفي تغير رايك في الاتفاق الي بينا لف طارق بيمشي ابو وليد:قبل تمشي طلق البنت قدامنا طارق بخبث؛مهو قبل استلم التنازل ابو وليد :خلاص انتظر لحظه اوقعلك واجي ابي انهي السالفه هذي باسرع وقت شفت ابوي يتوجه للبيت وطارق كان يطالع وليد وخالد بستخفاف وليد:وش سويت باختي طارق:بدري تسال كان خليت السنه الجايه سالت قرب منه وليد بسرعه بيشده من ثوبه كان طارق اطول من وليد بكثير واضخم دفه طارق بقوه عنه :انتبه تعيدها وقتها تحمل الي يجيك وليد:عمرك ما تخوفني طارق:يمكن ما اخوفك بس اخوف اختك شفت وليد يشد على يده بقهر وليد:الحين ان شاء الله تتخلص منك طارق:الا قول انا بفتك منها جرحتني كلمته بقوه كان كل كلامه من عرفته بكفه وهذي الكلمه بكفه خالد:خلاص احترم حالك سكتنا عنك واجد كان بيرد طارق بس قاطعه ابو وليد وهو جاي ويمد له ورقه ابو وليد:هذي ورقة تنازل يالله طلق طارق يطالعها ببتسامه:اوك بنتك طالق لف وراح ولا كان صار شي ولا اهتز منه شعره مدري ها الانسان وش القلب الي عليه عكس انا مدري ليه حسيت بانهيار لما قالها معقوله احبه او انه شعور اي وحده تطلق جلست وانا احس دموعي تنزل تذكرت قبل اتزوج لما كنت احلم احلام معه بدون ما اعرفه تذكرت افكاري حتى خصام جدتي لي لما كنت اسرح وانا اتخيله وقفت اطالع من الشباك شفته لسه واقف عند الباب بس ها المره مع ابوي بس مدري اش يقولون كان لاف بظهره لف يطالع مدري اش كان يطالع شفت نظراته الحاده الي ماتتغير من عرفته كنت وانا اطالعه اعرف انه بيكون صفحه وبتنطوي من حياتي وهذي يمكن اخر مرره اشوفه فيها رح وسكر الباب وراه وتسكرت صفحه من حياتي كانت قاسيه مررره يمكن له شي في قلبي موجود قبل اعرفه حتى لما عرفته ما قدرت ابعده عرفت ان له هذي المكانه لما خرجت من بيته لاني كنت هناك مكتومه وكان كل المكان واهله كاتمين على قلبي بس لما جيت هنا عرفت اش فيني صح بس هذا ابد مكان ممكن يخليني ارجع له او افكر اني ارجع له طالعت بطني طيب اذا الي في بالي صدق لفيت باصرار حتى لو صدق ما برجع وبربي ولدي او بنتي وحدي مو محتاجه احد ابد مو محتاجه احد مستحيل اتخيل ارجع لهذاك البيت مره ثانيه واصلا هو ما يبغى عيال مني وهذا مريحني يعني بيكونون عيالي وحدي مر علي اسبوع وانا عند اهلي كنت اتمنى اشوف اشاره اني مو حامل اي شي بس ما في شي يثبت تجراءت اروح بيت ابوي عشان اكلم ام وليد هي كبيره وتعرف اكثر مني دخلت الصاله كانوا كلهم جالسين سلمت عليهم وجلست بعيده شوي حاول ابوي يفتح مواضيع معي بس انا كانت ردودي عليه مختصره حتى مها الايام الي راحت حاولت تتكلم معي اكثر من مره بس انا مكان لي نفس وكمان خلاص معاد ابي اتكلم في الموضوع ابغى انسى شفت ام وليد قامت رايحه المطبخ تشوف الغداء قمت ورها بكلمها لين:خالتي ام وليد:هلا لين لين:ابيك في موضوع ام وليد:يالله قولي جلست على الطاوله الي في المطبخ سكت ما عرفت اش اقول ومستحيه مرره منها ام وليد:اش فيك لين قولي لا تستحين اعتبريني زي امك ليتك امي والله يا ليت ان امي هنا جنبي لين باحراج وانا انزل راسي:ابي جهاز حق ما قدرت اكمل كنت خايفه من ردت فعل الكل لو عرفوا يرجعوني لطارق ام وليد:حق وش تكلمي لا تستحي ما قدرت ارد سكتت فتره وقالت:انتي حامل حمر وجهي هزيت راسي بمدري ام وليد مسكتني وجلستني على الطاوله الي في المطبخ ام وليد:كيف ما تدرين متى اخر مره جتك الدوره لين:ما اذكر ام وليد:مو من جدك يا لين ما تدرين لين:والله ما ادري ام وليد:خلاص طيب بشتري لك جهاز تتاكدي بس بعدين اش بتسوين لين بستغراب:كيف يعني ام وليد:لو طلع فيه حمل كيف بتقولي لطارق وترجعي له وقفت بسرعه:مستحيل ارجع له لو على موتي ام وليد:بس انتي لين:لو وش مابرجع له ابوي وعدني ابو وليد من ورى:وانا عند وعدي بس وش السالفه طالعت ابوي وطالعت ام وليد بخوف اخاف يكون تفكيره زيها ويفكر يرجعني له ام وليد:انت اش جابك هنا ابو وليد:ولا شي شفتكم تاخرتوا جيت اشوف اش فيكم رجع طالعني وطالع خالتي ابوي:فيه شي ام وليد :بس لين شاكه انها حامل كنت اطالعها بتحذير انها ما تقول بس ما انتبهت لي طالعت ابوي باحراج وخوف كان ساكت خفت من سكوته لين بخوف:ما رح ترجعني له انت وعدني او وليد:لا تخافي ما برجعك واذا صدق وربي تمم لك انا اصرف عليهم ولا اخليه يحتاج لاحد وانا موجود ارتحت من كلامه مرره هذا الي كنت انتظره امان بس كلمة امان كنت جالسه في الملحق بعد المغرب اطالع التلفزيون سمعت دق على الباب قمت افتح لقيتها مها لين:هلا ادخلي من لما جيت هنا وانا اتجنبها ما ابي اي احتكاك فيها حاولت تكلمني اكثر من مره بس انا ما اعطيها مجال مها تعطيني كيس بيدها:هذا جهاز الي طلبتيه من امي اخذته دخلنا جلسنا في الصاله بس الكل كان ساكت بعد فتره من السكوت مها:لين انا والله مكان اقصد بس قاطعتها :خلاص مها شي وانتهى ما ابي اذكره مها:بس ما ابيك تجلسي زعلانه مني لين:ما اقدر اقولك مو زعلانه بكون اكذب عليك بس الايام كفيله تشفي الجروح سكتت مها وجلسنا نطالع التلفزيون مها فجاه:طيب ما تبي تشوفي الجهاز فتحت لين الكيس وبستغراب: كيف استخدمه جت بسرعه مها وجلست جنبي وتاخذ الكرتون وعلمتني كيف اسوي وهي ماسكه الكرتون مها:اذا حللتي طلعي لي الجهاز وانا بقولك اذا حامل ولا لا لين؛وكيف بتعرفين مها:حاطين على الكرتون كيف اعرف لين:طيب خليني اشوف مها تبعد الكرتون عني؛لا انا ابي اعرف اول شي يالله اخذت الجهاز ورحت الحمام ومها تنتظرني في الصاله بعد فتره طلعت ووريت مها الجهاز مها بصدمه:مبررررروك لين برتباك:لا تقولي اكيد ما فيه شي مها:وين شوفي خطين واضحه لين:طيب واذا مها:خطين يعني حامل شوفي كاتبينها هنا واعطنتي الكرتون جلست بهم وش السوي الحين خايفه مره خايفه من طارق بس تذكرت لما مره قالوا ان زوجته الاولى كانت حامل وسقطت قبل الطلاق وكمان لما يقول انه ما بيغى عيال يعني يمكن ما يهتم حاولت اخفف عن نفسي ايه صح يا لين يمكن ما يهتم اصلا هو ما يبغى عيال منك وباربيهم انا وحدي وهو ماله علاقه فيهم اذا يبغى بعدين يتزوج كيفه كنت سرحانه في عالمي الخاص ومها حست علي وقامت راحت جلست وحدي مهما قلت اني تخطيت الي فات وصار عادي انا من داخل نفسي اعرف اني كذابه لان بداخلي شي انكسر ومعاد فيه شي يرجعه زي زمان مرت الايام عرفت ان مها سوت لي تاجيل لترم في الجامعه انبسط مره يعني بقدر اكمل الترم الثاني كان باقي على الترم الثاني شهر بس وبداء اداوم اليوم جايين اعمامي كلهم الاسبوع الي فات كان عند عمي ابو فارس بس انا اعتذرت بس دامهم جايين هنا لازم اطلع لهم ما ابي ابين لاحد اني ضغيفه وان طارق قدر يكسرني حتى لو العكس صحيح رحت لبست وتضبط صرت اعرف اسوي زيهم وكثر يمكن حسي الفني مساعدني اكثر لبست عبايتي ورحت بيت ابوي دخلت لقيت خالتي ام وليد ومها سلمت عليهم وجلست ام وليد؛مرره نحفانه يا لين مكان مبين قبل بس في البنطلون والبلوزه هذي بين مره لين:عادي مع الايام تجي العافيه سكت عنها ولفيت اكيد بنحف وبموت ما شافوا الي شفت ما يشرهون شوي سمعنا الباب دخلوا اهل عمي فارس سلمت على عمتي والبنات نجوى وريهام سلمنا عليهم كنت اتجنب نجوى مقدر اقولكم اكرها يمكن لانها هي كانت احسن وحده بينت لي مشاعرها من اول شي ما جاملتني ونافقتني جلسوا يسولفون كنت متخذه الصمت جوا اهل عمي سعيد وكتمل الجمعه بهم كلهم نجوى:كيفك لين لين بهدؤ:الحمدلله انتي كيفك نجوى:تمام اش فيك ساكته من اول ما جينا لين:ابد ما فيه كلام يجذب اتكلم فيه نجوى:اوه شكلنا ما صرنا قد المقام وقفت بروح عنها:مو كذا بس دام انتي شايفه نفسك مو قد المقام شي راجع لك طنشتها ورحت المطبخ شوي حسيت احد وراي لفيت كانت رنا رنا:لين اش فيك مطنشتني من اول ما جيت لين:سلامتك ما تستاهلي احد يطنشك ما استحي ترى سكتت رنا تطالعني شكلها متفاجئه من اسلوبي:لين انتي زعلانه مني لين:ما تهميني لفيت عنها اشرب مويه رنا:طيب اش سويت والله ما سويت شي طالعتها شوي :انتي كنتي تعرفي انه خطيب مها مع كذا ما قلتي لي مع اني كنت اعتبرك اقرب وحده لي نزلت رنا راسها :اعرف وكنت بخبرك اكثر من مره بس ما قدرت ابوي كان مهددني اني اتكلم سكت بسخريه على نفسي مو بس ابوي الي ضحى فيه العايله كلهم سوو كذا لين بغصه:ليه سوو كذا كنت دايم اسال نفسي رنا:لان مها كانت رافضه بقوه ما تبيه وما قدر عمي يجبرها لان اكثر من مره تعبت عليهم بسبت هذا الشي لين:طيب ليه ما قالوا له ورفضوه ليه حطوني انا بوجه المدفع رنا بضيق:لان طارق واحد واصل وله اسهم في الشركه وكان ممكن يدمرهم لو رفضوه كان لاوي يد جدي ولا جدي ما يبي نسبه ابتسمت بزعل على نفسي يدرون انه متعاشر ومع كذا رموني عليه لفيت على احد دخل المطبخ من الجهه الثانيه هي يقول عمي جهزي العشاء لف علينا رنا انتي هنا بس سكت وجلس يطالعني وانا من الربكه ما عرفت اش اسوي بس استوعبت بسرعه ركضت برى المطبخ سمعت رنا تقول :انت اهبل تدخل كذا المطبخ محمد:وش دراني فيه احد اعرف ما احد يدخل المطبخ ودايم ندخل انا و العيال على كيفنا رنا:اوف البنت في العده يش تسوي الحين محمد بستغراب:عده عدة وش رنا:هذي لين بنت خالي احمد ولا تطلقت قبل اسبوع وهي الحين بالعده وانت شفتها يمكن ما يصير محمد:هذي لين رنا؛:انا في وش وانت في وش محمد:ما اظن عليها حرج لان مو بقصدها بعدين بنسال شيخ خلاص ولف بيطلع:جهزوا العشاء بسرعه عمي معصب طلع برى وطلعت رنا لقيتني باقي واقفه برى المطبخ رنا:اش فيك واقفه هنا لين:موقادره امشي شوفي مديت لها يدي كانت ترجف رنا:ما صار شي بس متعودين العيال ان ما ندخل المطبخ فيروحون ويجون على كيفهم ما توقع بيكون فيه احد لين:بس انا في العده تتوقعي بيصير علي اثم رنا:لا ان شاء الله وانتي مو قاصده لين:ان شاء الله لازم اسال واشوف رجعنا البنات وجلسنا كان كلامي مختصر الا مع رنا صح كنت شايله عليها بقلبي بس من جدها ما تقدر تخالف كلام اهلها اليوم الثاني كلمتني رنا وقالت انها سالت شيخ قال عادي دام بالغلط الحمدلله والله كنت شايله هم غير ان العده لين اولد الله يعين امس طلبت من ابوي جوال لاني بحتاجه جابلي اجدد موديل ايفون كانت مها تعلمني عليه مها:وهذا الواتس اذا تبي تسولفي مع كل الي عندك بس تكتبي لهم كذا كنت اطالع معها ومركزه ابي اتعلم مها:تبغين كمان احط لك النستقرام والسناب لين:وش هي له ذي بعد مها :النستقرام تشاركي مقاطعك وصورك مع كل الناس اما السناب بس مع الي اني تضيفينهم لين:لا يكفي الواتس خلي اتعلم عليه بعدين اشوف الثانيه كنت جالسه اتعلم في الجوال دخلت الواتس ودورت لاسم رنا لين:السلام عليكم رنا :وعليكم السلام مين لين:انا لين رنا:هلا والله نور الواتس اخيرا لين:بوجودك يعني اكيد بحتاجه في الجامعه اسمعي بنت رنا:هلا لين:ابي تسالي الشيخ الي سالتيه عادي اطلع الجامعه وقت العده وكمان ابي اشتري اغراض للجامعه رنا:طيب بسال وارد فيك لين:شكرا مرت الايام وانا اقضي للجامعه لان خلاص قربت باقي بس اسبوعين كنت احس بفرح احس بتغير نفسيتي شوي وبسلي نفسي وبضيع وقتي وانسى مع ان الايام هذي زاد الخمول عندي وتعب حتى بديت احس بثقل اليوم موعدي في المستشفى امس جاني ابوي قالي ابو وليد:لين ترى اعطيت طارق خبر انك حامل لين بخوف:ليش تقوله مكان له داعي ابو وليد:من حقه يعرف بعدين قلت له انه تحليلي منزلي لسه ما رحنا المستشفى واصر بكره نروح المستشفى بيتاكد وهو بيجي لين بخوف اكثر:صح حتى لو طلع الشي هذا صح ما بيتغير شي في كلامك وما بترجعني له ابو وليد: ايه ما بيتغير شي وانا اعطيته خبر قلت حتى لو تاكد البنت بتجلس عندي معاد بترجع لك لين بسرعه:وش قال لك ابو وليد:مارد بس ما بيقدر احد يطلعك من ها البيت الا اذا انتي بنفسك قلت بطلع ارتاحي الحمدلله اهم شي ابوي واقف معي ها المره مع اني متخوفه يغير رايه اذا ضغط عليهم طارق اليوم الثاني رحت المستشفى اول ما وقفنا في مواقف المستشفى ونزلنا ابوي:استني لحظه هنا طالعت فيه متجه لسياره شوي ونزل منها طارق تكلم معه شوي ومشى معه المستشفى لحقتهم لما اشر لي ابوي كنت في الانتظار انتظر ينادون اسمي جت لي السستر وقالت عندي اشعه سويت اشعه بعدين رحت عند الدكتوره لما دخلت عند الدكتوره قالت :زوجك طلب انو يدخل معك عشان كذا بننتظره سكت مستغربه ما كنت ادري انه بيدخل شوي ودخل جلس على الكرسي الي قدامي وبدت الدكتوره تتكلم طالعت فيه كان مركز مع الدكتوره من لما دخل ما طالع فيه ولا التفت علي ولا كاني موجوده الدكتوره:كل شي تمام بس لازم تهتم باكلها اكثر لان وزنها مررره ناقص وبكتب لك فيتامينات لازم تستخدمها الدكتوره ببتسامه؛والمدام عندها تؤم عشان كذا لازم غذاها يكون اكثر عشان صحت الاجنه طارق متفاجئ:تؤم حتى انا انصدمت بقوه طارق:هي بكم شهر الدكتوره:هي بنهاية الثاني زي ما طلع لنا بالاشعه طالع فيه طارق بسخريه:نهاية الثاني وتوها تدري الدكتوره :هو ما بنقدر نحدد موعد الحمل مزبوط لان المدام مو متذكره تاريخ اخر دوره فابكذا بنحسب بالعمر في الاشعه عندنا طارق وقف:مشكوره دكتوره الله يعطيك العافيه طلع وطلعت معه توجه لصيدليه انا ما كنت ادري وين اروح مدري وين ابوي فيه شوي ورجع طارق:امشي قدامي رحت معه شفت ابوي وقف وجاء جهتنا ابوي:هاه يبه اش قالوا لك طارق بسرعه:عندها تؤم ابوي بصدمه:من جدك طارق:والله طالعته مره مبسوط الاخ مو قبل فتره ما يبيهم شفته يعطي ابوي العلاج طارق:الدكتوره تقول لازم تهتم باكلها عشان وزنها ناقص ابوي:ان شاء الله مشيت ورى ابوي لما ركبت السياره سمعنا صوت طارق ينادي ابوي نزل ابوي يتكلم معه لفيت اشوفهم كانوا يتكلمون وباين انهم معصبين الاثنين اش عنده هذا مو مخليها تعدي متاكده بس شوي دخل ابوي وجلس جنبي لين:اش كان يبي منك ابوي؛........ كتتتت ان شاء الله يكون طويل ويعجبكم والله هذا الي قدرت عليه وان شاء الله الجاية اكثر | ||||
|
| |
 |
| مواقع النشر (المفضلة) |
| أدوات الموضوع | |
| انواع عرض الموضوع | |
|
|
65Likes
العرض العادي
