09-03-17, 05:54 PM
| #342 | ||||||||||||
| نجم روايتي وكاتبة في قصص من وحي الاعضاء وبطلة اتقابلنا فين ؟ وراوي القلوب وكنز سراديب الحكايات ونجم أسماء أعضاء روايتي وأميرةخباياجنون المطر 
|  السلام عليكم ورحمة الله وبركاته أسعد الله مسائكم بكل خير دقائق وأضيف الفصل الجديد أتمنى يحوز على اعجابكم وقراءه ممتعه للجميع تحياااتي ^_^ | ||||||||||||
|  |
|
09-03-17, 05:56 PM
| #343 | ||||||||||||
| نجم روايتي وكاتبة في قصص من وحي الاعضاء وبطلة اتقابلنا فين ؟ وراوي القلوب وكنز سراديب الحكايات ونجم أسماء أعضاء روايتي وأميرةخباياجنون المطر
| كــــنت احسب اني عرفت الحب قبل اعرفك وعشقت قبل اعشقك واشتقـت قـبل التقيك وكنت احسب اني لقيت احباب قبل اوصلك واثري توهمت في غيـرك وانا كنت ابيـك تعال نعطـش وتشربنـي وانـا اشربـــك تعـال قبل الوعد اجلس مـعــي نحتريـك تعال شفنـي وانـا استنـاك كـم اشبهـك يـطري علي الف راي و راي واحتار فيك اجي مكان الوعـد والا اسبقـه انطـرك والا آخذ المـوعـد الـلي يحتريك واجيـك يا آخر الحب ذقـت الحـب فـي اولـك ويا اول الشوق اقصى الشوق ما ينتهيـك علمتنـي كيف اعرفك ليـن صـرت اجـهلـك ضيعـتني فـي مــتاهاتـك وكنـت ارتجيـك حبــيـب الاحـلام يـــابـعـدك ويامقـربـك حـرام يكفـي تـبعثرنـي وانا احتـويـك ان شفتك بـحلـم صدقتـه وانـا اتوهمـك وان شفتـك بعلـم كذبتـه اليـن انتشيـك اخاف اغمض عيوني وان رمشت افقـدك واخاف افـتح وتصبـح حلـم ولا التقيــك "" الفصــل الخامس "" تظل الذكريات قصــص صامته تركت فينــــا أثرا لا يزول ولايمــــحيه مرور الســـنين رمـــشت بعيونها كــم مره مـــــازالت نظراتها تتـــــبعه يمشي ببطى ومنــــزل رأسـه رفعت يدها وحـــطتها على جبينهــــا حرارة انفاسه تداعـب جــبينها غمضت عيونها وسالت دمعتها علــى خدها وش ألي بيستفيده من تصرفه الي قبـــل ثواني ليش يتكلم بهالنبره الحزينه ليش يتجرأ ويتقرب منــــها زود ويـبوسها وكأنه مـــــقرب منها بالحيل... نــزلت يدها وشدت علـــــيها بقوه مـن شـافتــــه يطـلع من الــــبيت سمعــــت صوت تصفـــير وراها لفــت بسرعه وانتـبهت ل ديمـا واقفه فوق وواضح انها شافت كل شي مااعطت لها اي أهميه زادت بخطواتها وطــلعت الدرج بسرعه مرت من جنب ديـــما و حــست فيها تـــمسك ذراعهــــا التفت لها وعـــــد وتكلمت بصـــــوت باكي :ديما اتركي يدي مــــاني رايقه والله الي فيـــــنــي مكفيني ابتــسمت ديما وناظرت وعد بشك :الحـــــين ابي افهم مدري وشلون قبــل دقايق لسانـــك اختــــفى بقرب سعود وتركتيـــــه يقرب منك لهالحد ويبوسك بكل هدوء والله وشكلك طحـــــتي يــاوعوده ناظرت لها وعد بنــظرات إنـــكسار :حكم القدر اخــتك حيل غبـيه وماتعـــــرف تتصـــــرف بهالمواقف عقدت حواجــــبها ديما وابعدت يدها عـــــن اختــها :وعد انتــــبهي لاتفرطين ب سعود تراه انسان زين والكل يشهد له والكل عارفين ان مــاله يد بــــوفاة ابوي زي ماانتي مفكره نزلت راسها وعد ودموعها رجعت تاخذ مجراهـا وبغصه :سمعتي اخــــر خبر بروح معه بكرا بيتم زواجنا ياديما بصيـر له وبيصير لـــي مثل ماتمــــنـــــى المرحوم سكتت شوي تاخذ أنفـــاسها المتســــارعه وكملت : وعدني يأخـذ حق ابـــــوي ماادري احس ان السالفه كبيره وســــعود قال مهما صار بيعرف ميـن قتل ابوي وبــــعدها بيطلقني هذا إتفاقنا ديما بهدوء :دامه وعــدك فهو عند وعده أما الطلاق متاكده انك انتي الي طالبته هزت رأسها وعد بـــالايجاب :ايــــه انا... مااقدر أعيش معه انتي عارفه ياديما ليش ماتقبـــلته والكل عارفين ان ابوي طلبه لي عكس النــــاس يعني هو أخذنـــــي مو بــإخـــــتياره ولابــكيـفه ابـتسمت ديما :طيب مافيها شي تدرين متـاكده انك بـتغيـــرين كلامك وبتدعين لابوي لأنه حاول يجمعك مع انسان رائــع ومتفاهم ومحبوب من الكـل ناظرت لاختــها بحزن وابتعدت عنها كم خطوه وشفاتها تــرتجف تكلـمت ببحه :لـيش واثقين من هالشي ليش كلامك نفس ابوي قبل لا يموت ليش سعود محط اهتمام الكل اعطت اختـــــها ظــهرها وصارت تركض وشهقاتها تعلى بإنهيار :وليييييـش قلبي مايـبـيه ولاهو قادر يتقبل حتى قربه هزت رأســــها ديما بياس من هالـــبنت :مــــصيرها تتـــقـــــبل كل شـــي وتعرف أن مالها إلا زوجــــها نزلـــــت بخطوات هاديه وشافت رعد و أمها جالسيــــن بالصاله سلمت عليهم بهدوء وجـــلست جنب رعد وجهـــت نظرها لامها :صحيح يمه بكرا وعــــد بتروح مع سعود هزت رأسها ام رعـــد بحزن :صحيح يايمه بكرا بنسوي حفــله صغيره بدون كــــلافــــه جهزي نفسـك وحاولــي تقنعين وعـد تجهز نفسـها لاني عارفه انها مو مـــن قــــلبها وافقــت هــزت رأسها ديمـــا وناظرت رعد الي واضح انه ماهو مـعهم ابد نــــادته بهدوء :رعد .....رعد رفع رعد رأســه توه ينتبه اصلـــــنا لوجود أخــــته جـــــنبه ابتسم ورفع يده حطــها على رأسها :سمي ديما ببتسـامه :سم الله عدوك يااخـــــوي إلا ابي اقولك ماعـــندك كـــــتب للتصحيح حدي طفشانه وأبي شـــي أتسلى فيه ضحـــــك رعد بخفه : هههههه يــــالبى هالــقلـــب إلا والله فيه وكأنــك حاســــه اني مالي حيل اصـــحح ابـــد ضحكت ديما :هههه إحساسي مــــيــــه بالميه يلا جـــــيبــهم خلنــي أتسلى فيهم صاير البيت كله كئـــــيب حتى كاتي متوحـــش علي هالايام مـــاادري وش فــيه أخاف انه تعبان بعدين ابيك تـوديه للبيطري ابتسم رعد :تمام اجيبهم لك الا على طاري قطوتك وش فــيه وقفت ديما بهدوء :مدري احس انــه تعبان ابيك تاخده للعياده البيطريــــه بلـــليل الحين اكيد بـــــالحديـقه بروح اشوفه هــــز رأسه رعد :اوكيــه بلــــليــــل اخذه ولا تخافين مافيه إلا العافيه هزت راسها ديما بقلق على قطــــتها وابتعدت كم خـــــطوه طلعت للحديقه تتفـــقده بـــعد مــاراحت ديما رفع رعد نظره لامه وهو يمسح على ذقنــه :يمـه تتوقـــــعيـــن وشلـــــون اقنــــعها سعود ابتســمت ام رعد :تدري ان هالولد كبر بعيــوني واكيد جـــاها ب أسلوب زين تعرف انت وعد عنــيده وراسها يابس ومايمشــــي معها أي كلام ضحـــك رعد :هههه والله ماهو بسهل سعود وقدر يقنـــع وعد بــــكل سهوله ام رعـــــد بـــبتسامه :الله يوفقهم يارب ويــــحقق كـل أمـــانيهم رعد بهدوء : امين يـــارب """"""""""""""" اللحظات السعيده الي حولـــه تنسيه كل شي مـــــضــــى توسعت ابتسامته وهو ينزل من على الدباب :والحين يا بــــدر خلاص تعبت من المغرب واحنى ماغــير سباقات الساعه صارت عشر مامليت نزل بدر مـن الدباب وواضح الـنـــــوم في وجهه ضـــــحك ب شقاوه :ماشبعت بس ابـــــي انام حرك يده راكــــان بالـــنفي :لا لا مـــافيــه نــــوم حتى تتعشى وبعدها نام وإلا بــــزعل منك مـــــد يـــده ومسك يد بدر بحنان :يلا مشينا امـي تنتظرنا واكيد العشى الـــــي طلبته وصل مشى بدر مع راكان بدون مجادلـــــه التعب نال منه وصلوا للشاليه الخاص فيهم دخلـوا وشافوا أمهم واقــفه تنــتظرهم ابتسمت بحنان :أخيرا جيتوا هذا طبــــعكم تتركوني لوحدي وتروحون دوم ضحك راكان بخفه :هههه حقك علينا يالـــغاليه وبــعديـن قلت لك تعـالي اركــبك على الدبــاب تستانـسيـــن وتغيرين جو مارضيتي عقدت حواجبها ام راكان :ياويلي تبـــــيني أركب دباب على آخــر عمري ابتســــم راكان وهو يقرب من أمه :لا لا وش هالكلام انتي كل الشباب ااخ بس لو رضيتـــي كـــــان أخذت فيك أحلــى دوره ضحكت ام راكان :هههـه يمه منــك يلا الأكل وصل من فتره مو اقولــــك دوم تتركونـي انتظر لحتــــى الأكل يبرد ابـــــتسم راكــان وهـو يسحب بدر معه :اوكيه اسبقينــــا يمـه نغـسل ونــلحقك غــسل يدينه وغسل يـد بدر معه واتـجهوا مكان أمهم الـي جالسه بالشرفه والجــــو رهيب ابـتسم راكان وهو يناظــــر أمه :يـافديت هالطله يـا ام راكان تدرين من اشوفك احس ان هالحياه كـلهـــــا بخير ام راكان بحب : ياويلـي من هاللسان انا مدري وشـلـــــون زوجتك بتعـــــاملها غمز راكان لامه :هذا الأسلوب مخصوص بس حق ام راكان وبدر ومحــــد يـــــحصل عليه بسهوله ابتسمت ام راكان وهي تـــأشر له يجلس جلس راكان وجنـــبـــه بدر تكـــــلمـت بهدوء من شافتهــــم جالسين وهي توجه نــــظراتــهـــــا على راكان :متى بتلين هالــــراس بس وتتزوج العروس موجوده بنت ابو رعد ديما كل حنــان الـــــدنيا في هــالبنت وش قلت ياراكان نزل راكان قطعة الــخبز الي بيده بهدوء ورفع نظره لامه :اسمها ديما ام راكان بنفس هدوءه :ايه اسمها ديما بنت ولا كل البنــــات ابتسم راكان بــــحزن :اتركي يمــه هالموضوع لوقته وبعدين مـــا أظن أن فيه احد بحنانك مااظن ابــد هزت رأسها ام راكان بياس إلى متى بتظل تترجاه يتــزوج تبي تفرح فيه وتشوف عياله :فيه يـــــايــمـــــه فيه بـس انت عيــونك مــــعميه عن الكل مـصيرك تجيني وتــطلب مني ازوجك ووقتها راح أكـون أسعد ام بالكون ســـــكت راكان وصار يأكل بكل هدوء ولاكأن أمه قالت شـي مايبي يـتزوج مايبي يجيب زوجه تعامل هـــــالـــمسكين أخوه بقسوه مايبي يجيب عيال وبعـــــدهـــــا يروح ويتركهــــم ويـــترك بصمـة حزن بقلوبهم ... كذا هو مــــرتاح حيل ومــــافيه أسعد منه بوجود أغلى ناسه حوله | ||||||||||||
|
| |
|
09-03-17, 05:59 PM
| #344 | ||||||||||||
| نجم روايتي وكاتبة في قصص من وحي الاعضاء وبطلة اتقابلنا فين ؟ وراوي القلوب وكنز سراديب الحكايات ونجم أسماء أعضاء روايتي وأميرةخباياجنون المطر
| وش كثر صعب البكاء بدون دموع والاصعب شعورك بالضيق وكأن المكان من حولك يضيق تتكلم بدون صوت تشوف كل الي حولك عدم ويتبلد احساسك بالنــدم على إثم ماتعرفه وذنب ماسويته ابد طريقه صعب ومتعب حيل بيكمله بــلا رفيق ولا شريك ولا حتى حبيب يـــــعيش داخـل نفسه وحيد يحس الفرح عنه بعيد ويعـاني الجرح العميق جرح مايــــدآويه طبيب يـبي له قـلب كبير قلب يــــنسيه ويشيل الهــم عن قلبه الــعليـــل فـتح الباب بهدوء ودخل تنهد براحه من مرر نظراته حوله وماشـــاف أحد مايبـي أحد يـــسأله تعـب يوزع الابتــسامات حوله وكأنها من قلبــه غمض عيونـه وشد على المــلـــف الي بــــيده وصار يمشي بكل هــدوء يبي يــــختـــــلي بنفسه بااسرع وقت ويشوف وش المجهول بهالملف الــي قلــــب حياته فوق تحت وقف قبال الدرج يبي يطلع لكـن لفت انتباه صوت عصاة جدتــــه بالأرض التـفت لـــلــخلف ورسم ابتسامه بهاتـــــه من شافها واقفه حركـــت راسها ام ســـلطان بـــــعتاب :كــــذا تسوي فـــــيني ياسعود تاركني احاتيك من الصبح إلى الحين الـــــساعه صارت 12 الليل ومافـــيه مـــنك أي خبر دقيت عليك كم مره ومارديت تـــراجع للخلـــف وتقدم منها وش كثــر ملامحها الـــــمجعده تجيب لنفسه الراحـــه ظن انها نامت إلا كان ماطـلع لحتى يمر عليها يســمع كلامهــــا الحنـــــون الي يداوي قــــلـــــبه العـلـــــيل تكلم بنبره هاديــه : سامحيـــــني يايـــــمه انشغلت حيل ام ســـلــــطان بزعل :انشغـلت عني قلي وش ألي مشغلك عن جدتك تقدم ســعود مـــنـــها زود وانـــــحنى طبع بوسه على رأسها :وهاذي حبت رأس يالغـالــيه كل شـــي ولازعلك انا اقولك وش اشغلني كنت أظن انك نايــمه قلـــت اخبرك الصـبح بس دامك صاحيه اقولك الحين ام سلطـــــان بــــهدوء :عــــساه خير ياولدي ابـــــتسم سعود بحزن :خيـر يايمه خــير سكت شوي ينـاظر ملامح جدته الي متــلهـــفه لــلخبر واثق انه راح يسعدها فيه : بـكرا بـــــيتم زواجي على وعد و بنسوي حفله صــغيره ببــــيت عمي وأخذها معي رمشـت بـــــعيـــونها كذا مره وكأنها ماهي مصدقـه رسمت ابتسامه حنونه عـــلى وجهها وبـــصوت اتعبته الــــسنيــــن :صدق ياسعود صدق ياولدي وعد وافقت متاكد من الـــي تقولـــــه بتفرح قلبي وتأخذ زوجتك توسعت ابتـــسامته من شاف ابتــسامتها مد يده وسحب يد جدته وضـــــمها بين يدينه رفعها لـــفـــمــه وباسها بإحـــــترام ابعدها عـــن فمه وركـز نظراته على جدتـه :صدق يايمه صدق وعد من بكرا بتكون هنا جنبك وحـــولــــك دمعت عيـــونها من السـعاده ياكم تمنت هاليوم يجي بسرعه وتشوف وعد وسعود مع بعض وتفـرح فيهم وهـي حيـــه تكلمت بصوت باكي :ياجعل عيوني ماتبكيك ياسعود الله يسعـــد قلبــــك ياولدي مـــثل مااســعدتني ب هالخبر الي يرد الروح رفع يدينه سعود وصــــار يمسح دموعها بحـب :يافديتك يايمـــه ياجعل يومي قبل يـومك ولاتبكيك عيونـــــي انا رفعت عصــاتــــها ام سلطان وضربته على كتفه بخفه :وش هالدعاء انت وراك حياة وزوجه وتجيب عيـــال وتربيهم وتكبرهم أما أنا هيييه معاد بـــاقي بالعمر أكــثر من الي مضى تراجع شـوي سـعود وضحك من ضربة جدته الـــي كأنــها لمسه بارده على كتـــــفه :ههههه تدرين الزين كلــــه فيـــــك لاعصبتي نزلت عصـــــاتــــها ام سلطان وابتســـــمت :تــبي تضـــحك علي بكم كــــلمه مثل مشعلــــوه ياخوفي يعلمك سواليفه بعد ضحك ســـعود وكأنه نـسي كل همومه :ههههه لا إلا مشعل ماحــد يبي طباعه خليـنــــي كذا احسن هزت رأسها ام ســـــلطان واكتـــست ملامحها الجديه :ايه كذا احسن ...إلا قلي وشلون وعد اقتنعت تنهد سعود من تذكر كلام وعد له قـبل لايطلع وهز رأسه بالايجـــاب :وافـــــقت وتم كل شي تامرين على شي يالغاليه بروح انام ورأي قـــــومـه عرفت انـــه يـــبـــي يهـرب من الجواب تعرفه من بــــين الكـل وتــــعرف وش شايل بقلبه مـــن سنين تربية يدينها ابـــتسمت بحنان :روح يـــايمه نام وارتاح اكـيد بكرا معرس وش عليك سعود بنبره حزينه :اكيد يايمه ولازم انام زين ...تصبـــحـــين علــى خير يالغاليـه ام سلطان :وانت من أهل الخير ياولدي ابــــتعــــد سعود عنها طلع الدرج وصار يمشي بخطوات سريـــــعه لحتى وصل لغــرفته وانـــــفاسه متــسارعه سحب الملف وضمه لصدره دقـات قلبــــه تتزايد وأفكاره تاخذه لااعماقه حرك يده بسرعه وفتح الباب دخل وقــفــــلـــــه بسـرعه وراه.... خايــف يقاطعه أحــــد أو أحد يـــــبعده عن الي بيـــدينه هنا كل شي هنا الــسر الي تركه انســان غالي قتلــوا فرحته بــموتـــه كان الملجأ له كان كل دنـــــيته ماينكر وجود جدتـه وابوه معه لكن أفكــــاره نفس أفكار عمه اهتـــماماتهم نفسها شخصياتـــــهـــم مـــتشـــابهه وهذا كلام الكل آآآه و آآآه إلى مـــتى ينتــــظر الظروف تهـــــدى وتـتـــفق مــعه دنياه تــقدم من مكتبه الي بزاوية غرفته الكبيره رمـــى الملف عليه وجلــس على الكرسي بتـــعب تنهد بهم : آآآآه هــــذا يومي كــــله ضيقات فيــني حنين لك ..للكلام معك ودي افضــفـض لك وأحكي لك احتريتك إلى أن شابت عيوني انـــــت وينك فيه لـــيه رحت عقبك الدنيا بلا معنى ولا لون رحت ياعمي وتــــركتـني لهالمصاعب ياخوفي مااكون قـــــدها واخذلـك ياخــوفي سحب الملف الأبيض وبدأ يفتحه بيدين مرتجفـــــه ومــن وضح لـــــه الـــــي داخلـــــه زاد ارتباكه سحب الملف الثاني الي واضح ان كـــل الأوراق فيه عدله قباله وبلع ريقـه الجاف فتح اول ورقه وعقد حواجبه وش هالصورتـــين الي قبــالـه مرر يــــده على الورقه وش الي يشــــوفه ووش الي يقصد عمه في هالصور تـكـــــلم بهـــمس : صورة خاتم ايه نفـس الخاتم نفسه دخل يده بجيبه وطلع الخاتم الي معــه ناظـــر فــيه بتمــــعن ورجع ناظـر للصوره الي بلملـف تكلم بكل قهر :واضح انه شعـار للعصابه بس وش تقــــصد يـــــاعمي من صورة هالذيب تكلم بـــتسال :اكيد ان هالصوره لــــها دخـــــل بكـل شي الا ماكـان حطها عـــــمي وب اول ورقـــــه فـتح الورقه الثالثــه وصار يمرر عيونه بحـركه سريعه وشفاته تتحرك بـــــهمس بدا يـــــقرأ كل كلمه وعــــيونه تتوسع ودقات قلبه تزيد إحساســـه بالألم زاد وأنشدت عروقه الـــــعرق بدأ يــــنزل رغم برودة الغرفه فتح الورقه الرابعه والخامسه السادسه. ....... إلى هنــا وبس ماهو قادر يـتحمل يقرأ أكثر مـــــن كذا تعب قلبه زود عض عــلى شفاته السفليه بـــــكل قهر والم أخذ الملف ورماه بكل قوته بالأرض صرخ صرخه طالعه من قلــبه... ~ ~ ~ ~ لهدرجه فيه نـاس تتاجر بالناس... والارواح عندهم تنــــهدر بكــل سهوله... ياويل حالــــه ياويل حــاله ظـــــن انهـــا المسأله مجرد مخدرات ياليتها مخدرات وبس إلا طلعوا بعد يتاجرون بأعضاء الخـــلق أي قلوب تحــتـــويهم أي قلوب تكــــلم بمراره:عصابة الذيب ياويلكم ياويلـــــكم مني ...أرواح الناس مـــــاهي لعبه ماهي لعبببببه حسبي الله ونعم الوكــيل حسبي الـــله ونعم الوكــــيل شد على الخاتم بـيده ورفعه ل عيونه و الـشرار يتــطاير مــنها شد على اسنانه بــــقهر :مصيركم توقعون بيديني والله مـا ارحــمكم ل اجركم لــلقـصاص واحد واحد... """"""""""""""" انــسدحت عــــلى سريرها وتنهـدت بتعت الــيوم كله وهـي تكرف ظهرها حيل يوجعــهـا وواضح انها فيها حراره تحس بتعب مو طبيعي اكيد انها بدايــــة الــتهاب بحــــلقهـــــا مــن اليوم حاسه انها مــــاهي قـــادره تبلع رفعت يـدها وحطتها على رأسها غمضت عيونها وهــي تتذكر تصرفـــــات حصه معــها اليوم وكأنها تبي تسوي شي ياخوفها لو شـــافت الي صار وخبـــــرت ابــــوها هزت رأسها بالــنفي وبـهمس : لا أن شاء الله ماشافت شي يارب اكفيني شرها وأبعدها عـــــني حست بيد صغيره على كتفها رفعت يدينها عن رأسها وناظرت ل أسامه الي واقف جــــنبهـا ابـتسمت بهدوء :وش فيــــك اسومـــي حبيبـــي أسامه :ابـــي مويا جلست جوري بـــهدوء ناظرت للكوميـدينه وتــــنـــهدت حتـــــى مويا نـــست ماتحـــط لهم اليــــوم رجـــعت ناظـــــرت أســـــامه بتعب :روح جيب لك مويا حبيبي احس اني تعبانه واترك الباب مفتـوح انا انــتــظرك هز رأسه أسامه بــطفوله :طـيب انـــــتي تبين اجيــــب لك جوري ببحه :لا حـبيبي اشـــرب انت وتعال بــــســـــرعه الوقت تــأخر لازم تنام هز رأسه أسامه وطلع يركـض عشان يرجع بسرعه رجعت جوري نزلت راسها على المخده وغمضت عيونها .... مرت لحظات وأسامه مــاجاء عقدت حواجبـهــا مــن سمعت أصوات عاليه من حولـــــها الخوف صار يمـشي بكل عروقها رفعت نظرها وانتـــبهت ل ابوها واقف قبال باب غــــرفتها المفتوح اعتدلت بجلســـــتها وبلعت ريـــقهـا تكلمت بإرتبــــاك :يـــــبه وش فيك تقــدم منها أبو أسامه ووقف قبال سريرهــا مرر نظراتها عليهــا وهز رأسه بكل الم رفع يده بحركه سريعه ومسك شـعــرها بقسوه سحبها لحتى صار وجهها قريب من وجـهه شد على اسـنانه :وش فيني هااه ااااخ يـا جوري هاذي أخرتها تخــــونين ثقة ابــوك فيك صـرخ وهو يشد على شـــــعرها زود ويهـزها :تكلـــمي انطقي وش ألي خلاك تكشفين قدام الرجــال لا وبوسط بـيتنا منتي خايــــفه من أحد لا وبكـــل جرائه تضمين اخوك قــدامه ولا كأن رجال طول وعرض قدامك وين تربيتي لك وينهااااا ارتجف كل جسمـها من بـيـن أنفاسها الحاره المتسارعه فكــــها السفلــــي يرتجف وشهــــقاتـــها بدأت تطــــلـع بكل حراره :مين قــــالك مين رفع الجوال بوجههـــا وضـغط زر التشغيل وبدأ الفيديو يشتغل من دخل أسامه لحتــى طلع رعد غمضت عيونها بــمراره وعرفت ان كل الـــي هي فيه مـن سوات حصه رفعـــــت نظرها وشافتها واقفه ورا ابوها ومتكتــفـــــه وابتسامــة الخبث مرسومه علــى وجهها رجعت ناظرت لأبوها وتكلمــــت برجا : يبه... لاتفهم غلط والله والله ... قاطعها بكف بــــكل قسوه لدرجـــــة انـــلف وجهها للجهه الثانــيه : لا أفهم غلط اااخ لو بيدي لا اذبـــــحك وأخلص منك كل الي كاسر ظــهري ان هـــــالــــشخص آخـــــر واحد تمنـــيت يدخل بـــيتي مالقـــيتي إلا رعد مــالقيتي إلا ولـــــد سـعــــود ياويلي ياويلي من الـجاي ياجوري خسرت نفسي وخوفي من رب العباد بسبـبكم والـحين بكل بساطه تنزلين رأس ابوك مع رعد حصه بصــوت مرتجف وكأنها خايفه مــــن الي يصـيـــر :هدي يا ريــــاض خــلاص هي غـلطت سامحها وربي يــتوب عليهــا انــا كنت ساكته عن لقائتهم كم مره بس عـــــشان سمعتك بـــس اليـــوم ماقـــدرت أسكت أكثر من كذا وانا اشوفهـــم قدام عـيوني هذا الشي مايرضيني ولايرضي ربي ناظر لـــها أبو أسامه بحده :اسكتي ولا كلمـــه اطلعي واقفلي الباب وراك و روحـــــي شوفي أسامه طلـعت حصه قبل لاتنفلت منها ضحكات الشماته وقلبها يتراقص فرح زادت بخطواتهـــــا لمكان أسامه وكأنها فرصتها تبي تتسلى بإذيـــة هالصغـير الـي ماله ذنــــب من انقفل الباب رجع ناظر لها نظرات اشمئزاز :قتلـتي ابوك وهو حي طـيحتي راسي بـــــالأرض والله والله لاتــشوفين شي عمـرك ماشفتــــيه رمـــاها على الــســـرير بقـسوه انكمشت جوري على نفسها بإنهيار هذا مو ابوها الي قبالــها ليش ماصدقـــها لــــيش يبي يهينها ويوجعها عـــــلى شـي مالــــها ذنب فيه صرخت بصوت باكي وهي تشـوف ابوهـــــا يفتح دولاب الملابـــس ويسحب العـصا الخشبيه الي معلقه عليها الملابس طاحت الملابس قدام عيونها والعصا الطويله بـــيد ابوها سحبت نفسها لـورى وصارت تهــز راسها بهســــتيـريا :ووش ...وش تـــــبي تسوي يبه والله مالي ذنب ح..حصه تكذب عليك صــدقني يبه انا تربية يدينك لا تســوي شي تندم عـليه يبه مالي غيـــرك اذا ماصدقتنـــي مين بيــــصـــــدقـــــني لا تسوي فيني ... توسعت عيونها من حست بالعصا تـــــضرب في كتفها بكل قسوه صرخت بألم :آآآآه اهييــييي لا لآآآآآآآآآآآ يبه والله يوووووجع رفع العصا مـره ثانيه وصار يضـــربهــا بكل قسوه نسى انها بنته نسى كل شي كـــــلام حصه عـــمى عــيونه ووجود رعد بذات مع بنته زاده شراسه ماكان كـــذا تغير صار انـسان قاسي اثقله الذنـــــب ونسى خوفه مــــن رب العبـاد قتل وهدر روح بلا اي ذنـــــب ..... طبيعي انسان ضعـيف إيمان عكس الي يشوفــونه الكل يذبح بنته بكل سهوله .... مــــا سمع توسلاتها ولا رجفتها ولا حتى تعبهــا كل الي يبه الحـــــين يرمي كل اثــقــاله على هالمسكينه الي قباله أخذ نفس من بين انفآســـه السريعه ومرر نظراته الـقاسيــه عليها رمى العصا الــــمتكسره جنبها وتفل عليها تكلم بصوت قــــاسي غير العاده : هاذي جزاتك وجزات الخاين ابتعـــد عنها من غير لا يبـالـــي بالدم الي ينزف من رأســها والكدمات الــي سببهـا لها مـــن غير ذنب طلع من غرفتها وقفل الباب بــــالمفتاح نزل بخطوات ســريعه لتحت انتـــــبــه ل أسامه يبــــكي وسط الصـــــالــــه وحصه من شافتــــه نازل ضمته لصدرها :خلاص حبيبـي خلاص لاتبكي ناظر لها أبو أســامه بـحده :سكتيـــــه وإلا بـــــرتـــكب فـــيه وفـــــيك جريمه بلعت ريقها بخوف ماعمرها شافته كذا غمضت عيونهــــا لــحظات و اسامـه قريب من صدرها سـمعــت صـــــوت الباب ينقفل بكـــل قوه عرفت انه طلع من البيــت بكبره فتحت عيونها و ناظـرت ل أسامه بـــبتسامه رفعت يدها وسحبـــــت أذنه بكل قوه :الي صار الحين ياويلك يطلع فاهم دفها عنه اسامه وابتعد عنها بسرعه وصار يركض على الدرج وصوت بكاه يعلي تــــكلم بشجاعه وثقــــه :ياويلك من جوري هي قالت الي يمد عليك يده اكسرها كتفت يدينها حصه وضحكت بشر :هههههه..ههههههه جوري ياحرام يمــــكن ماتت البنت هز رأسه أسامه بخوف وزاد ركض وصل لغرفتهـم هو و جوري حاول يفتح البـــاب بس ماقدر صار يضرب البـــــاب بكل قوته وهو يصرخ بألم وخوف وإنهيار :جوررري افتحي تكفييين لاتمــوتين حــصه تقول ماتت انا ماابــــيك تموتيــن مثل ماما اهههههـييـي جوري جوررري مافيه أي رد من جــــوري ولا همس انتظر ترد عليه تتـكلـــــم تضمه لصدرها الحنون تهـدي خوفه جلس بياس عند الباب وضم نفسه وهو يرتجف وصار يبـــــكـي ويبـكـــــي بكل مراره لحتى غلبه النوم قبال الباب..... | ||||||||||||
|
| |
|
09-03-17, 06:01 PM
| #345 | ||||||||||||
| نجم روايتي وكاتبة في قصص من وحي الاعضاء وبطلة اتقابلنا فين ؟ وراوي القلوب وكنز سراديب الحكايات ونجم أسماء أعضاء روايتي وأميرةخباياجنون المطر
| كل دمعه كل عبره من مواعـــــيد الـــــعمر والليالي فرقتنا بـــعــد ماطـــاب الســــمـر كل لحظه وكل ساعه صايره ذكـرى وشوق وكل خلـــن في وداعه هز وجدان الخفوق شــــوفوا لحـــظات الوداع وشـلون تـــــقتلـــنا قهر والعيون الي ترقب صار يضميها السهر تذبل الازهار تذوي حايره بين الفصــــول والحزن عن ويش يـــروي ضايعن بين الضلوع مـــــر هالــيوم بسرعه وجــاء الوقت الحاسم ل وعد يا كثر ما هالــــضلوع توجعها خلاص كل شي بيتم وتصير لسعود تصــــير عنده بنفس البيت... النوم جافهـــــا وماهو راضي يسايرها ابد والتفكير ذابــــحها من أمس والندم هاد حيلـــها ماتدري وشلون رضت بكل سهوله طلعـت من الحمام ومنـــــشفتها علـى راسها توجهت للتسريحــه وقفت قبالها وصارت تناظر نفسها و تتأمل ملامحها الـــــذبلانه لــفت بسرعه وتسندت عــــلى التسريحه ماتبي تشوف نفســـــها عافت كل شي بهالـــــدنـــيا بعـــد ماكان كل اهتمامهـــــا بنفسها اهملتها حتى الـكحل ماجــــاء بعيـــونهـــــا من وفاة ابوها انتبهت ل شنـطتها الي جــهزتها لها ديما عضت على شفاتـــها بألم خلاص مصيرها تحدد مع سعود حســــت ب دموعها تنزل من دون سابق انـــذار رفــــعت يدها ومسحتها بســرعه وبنـــــبره يأسه :كافيه دمـــوع تعبت والله تعبت ليـــش يـــبه زودتها عــــلي لـــــيش يالغالي سمعت صوت الباب ينفتح لفت لجهــة الباب واعتــــدلت بـــــوقفتها :هلا ديما بغيتي شي شـــهقت ديما مــــن شافت وعد بــــبجامتهــا والمنشفه علـــى رأسها ولاكأنه اليوم زواجـــــها :وعد مابعد خـلصتي الساعه صارت 6 الـــــمغرب هزت كتوفها وعد بـــلا مبالاه :ليش وش تبيـــــنـــي اسوي تقدمت منها ديما وتكــتفــــت :لا بللــه انتي بتجلطيــني بتطلعين للناس كذا وزوجك وش بيقول ناظرتــها وعد ببــتسامه شاحبه وصارت تتأمل أختهــــا الي جاهزه و لابـســه فستان وردي ناعـــم ومســـــويه شعرها كيرلي ومـــكياجـها نــاعم و زايدهــا انوثــه وجمال :طالعه حلوه مــــااهـــــتمت لكلامها ديمــــا وتكلمت بـــعجله :مو مهـم انا المهم انــــتي ياخبله يلا بسرعه خـــليني أجهزك اكيـــد جدتي والأهل كلهم عـــــلى وصول وبعد ام راكان امي قالت إنها بتجي وعـد ببرود:ديما مالي خلق للزيــنـه ب البس أي شــي طلت أمهـــــا مع البـاب وهـــــي شايله بـــيــــن يدينها فـستان ابيض تقدمت بهـــــدوء ونزلت الفســـتان عـلى سرير وعد تحت أنظار بناتها رفعت نظرها ل وعد :هــــذا فستانك أرسله سعود كله ذوق هالولد البسيه يابنتــــي والكـوفيرا هاذي هي برا عند الباب رفـــعت صوتها :ادخلي ياسمر الــعروس هنا دخلت الـــــكوفيرا ومعها عدتهــــا اشرت على ديما ببتـــسـامه :ماشاء الله تبارك الله اكيد هاي العروسه اشرت لها ام رعــد على وعد :لا هاذي العروسه أبدي شغلك توسعت عيونها وعـــد وهي تشتت انظـــارهـا على الفستان وأمها والبنت الي دخلت ماهي قادره تستوعب وشلون يتجرا ويرســل فســـتان وهو عارف ان زواجهم على الورق وبس لـفت ناظرت ل ديـــما وبهمس :ديما وش هالجنون ماراح البس هالفستان سمعتها أمها وابتسمت :وعد بتلبسينه يعني بتلبسينه وإلا والـله لا ازعل منك هزت رأسهـــــا وعد وهي على وشك البكا :بس يـمه ام رعد :قلت تلبسينه ويـــــلا الكل على وصول سـاعتين ونـــزفك لزوجــك أخذت نفس تبي تهدي نفسـها مررت نظراتــها مره ثانيـه على الفــــستان الـي على الــسرير صـحيح بقمة الذوق هادي ويجذب الأنظار بتطـــــريزه والخرز الي يلمع من بـعيد بـس وش قصده بإرسال هالفستان حست بيد ديما تمسك يدها وتســـــحبها :امــــشي إجلــسي الكوفيرا تعبت وهي واقفه جلست وعد وكأنها مسـيره ماهي ب كيفها استسلــــمت للـــــكوفيرا الي بدت تتفن بــوضع المكــــياج بإتقان على ملامح وعد الجميــله الـــــهاديه """"""""""""" مهمـا تعثرت فيه الحياه وتقلبت الظروف واوشكت الأماني على الرحيل ماراح يودعها ولاراح يستســـــلم بيظل ينتظـــــرها بروح مليئه بالأمل بيـــــرمي الياس ويـلبس لباس الثقه والشجاعه ويجمع شتات نفسه ومهما كانت ظـــــروفه قاسيه بيظل يحيا بروح الأمل بيحقق احلامه المــــتوقفـــه واحــــلام وعد المنتــــظره وبيـــرسم الابتســـامات بوجهه وبوجه غيره عدل شماغه وهو واقــــف قبال المرايه الكبيره مرر نظراته على نــــفسـه ابتسم وكأنه يرمي كل شي وراه ب هالابتسامــه تخــــيل ملامح وعد وهي لابسه الفستان الي أرسلـه كــل الي يبيه الحيـن انه مايتــــرك هاليوم يمــر مثل أي يوم عابر عارف أنها بــــتـــــنجــن من تشوفـه ويمــكن تــــهاوشـــــه بعد ضحك بخفـه وملامــحها أمـس مــافارقــت عيــــونه تكـــلم ببــــحه :هههههههههه ماكنت ادري ان هالبـــنت تخفي هاذيك الملامح ورا قسوتهـــــا وشراستها طل مــــع الباب ورفع حاجبه :يــصـــير ادخل لف سعود لجهة الباب وضـــــحك من شــاف أخوه واقـف اشر له :مــــو انت دخلـت يصير تدخل مشعلوه دخل مشعل وهو راسم أحلى ابتسامه علـــى وجهه وقف جنــــب أخوه وصار يعدل شمـاغه :وش رأيك فيـــــني ضحك سعود بخفه :ههههه الحين ابي اعــرف انا العريس وإلا انت رفع يده مشعل وصـار يمسح ذقنه :ام يقال انك المعرس بـــس عـــلامه وجهك شـاحب ايه ووين بشتك ابـــتـسم ســـــعود :لا شـاحب ولا شـي تقدر تقول مانمت زين حرك مشعل حواجبه بحركه تضـــــحك :ايه اكيد ماراح تنام وكل تفكيرك بزوجة المستقبل ضـــــحك سعود وهو يـخفي ألآمه خـــلف ضحكته هاذي بذات مايدري أخوه وش ألي فيه ولا أحـــد يقدر يــــتوقع الألم الـي يحمله ومع هــــذا يبي كل شي يصير على الوجه المطلوب يبي يتسلح بقلب قوي حتى يقدر يواجــه الجاي :تقدر تقول تفكيري كله ببيت عمي ابتســـم تركي وهــــو واقف عند الباب يسمع كلامهم :ماهقيت وعد تسوي فيك كذا لف سعــــود جهة تركي وصار يمشي لجهته :لا سوت الأكثر من كذا ...إلا وين البشت رفع تـــــركي البشت :هذا هــو يلا يـــا عريس البسه والحقنا الكل صاروا تحت جاهزين و يــــنــتـظرونك هز سعود رأسه بهدوء :اوكيه انتــم اسبقوني وانا جاي طلعوا من عنده مشــعل وتركي وهو لبـــــس بشته بسرعــه وأفكاره تاخذه بدرب مجهول مـــــايــــدري وش نهاية علاقتــه بوعد اخذ نفس عمــيق ورسم على وجهــه ابـتســامه حلوه كلها تفــائـــــل ... """""""""""""""" دارت حولــــها نفسها اول مره تحـــس ب القلـــــق الوقت صـــــار الـمغرب وهو مارجع من أمس الليل ياخوفها يصير شي وبعدها هي تندم واكيــــد راح ترجـــــع بيت اخوها للذل والإهانة مافكــرت بهالشي ابد بـــلعت ريقـــــها وهي تـــسمع أذان العشا وواضح انه مو صوت أبو أسامه بلعــت ريقهــــا :وين راح هالرجال يبــــي يــبليني ببنته ياويلي لو ماتت اكيـــــد ببتـلي فيها تقدمت مــن الكوميدينه فتحـــت الدرج الاول وحركت يدها بإرتـــباك تــدور على مـــفاتيح الاحــــتياط حطـــت يدها عليها وسحبتها بــســرعه بلــــلت شفـاتها الجافه وطلعت بخطوات سريــعه من غرفتها توجـــهت لغرفة جــــوري انتـبهــــت ل أسامه بعده جالس عند الباب ويبكــــي قربت من الباب برجفه وصارت تجرب المفاتيح لحتى انفتح الباب تـنهدت بخوف وفتحت الباب ببطى اول مـــــاانـــــفتح الباب دف أسامه حصه عن الباب ودخل بسرعه حــاولت تسيطر على اعـصابها لاتـسحــبه ب شعره ماهو وقته ابد دخـــلت بهدوء ومـررت نظراتها على جوري شــكلها جدا يخوف وجهها شاحب والـــكدمـــــات مــــتفرقه على جسمها رأســها واضح انه كـــان ينزف الدم متجمد على جـــبينها انرسمت على شــفاتها ابتسامة إنتـــــصار وبعــدها اســــتــوعبـت الوضع الي هي فيه ضربت رأسها وتـــــراجعت للخلـــــف بإرتباك :لايـكون ماتت زادت شهقات أسامه الي واقف جــنبها نزل راسه وحطه عــلى صـدر جوري وصار يــهـــــزها : جوري قومي تــكفيـن جوري مايصــير تسويــن كذا ليش فيه دم براســـــك لـــيش اكيد يـــــوجعك صح يــلا قومي لازم نوديـــك للطبيب عشان يعالجك وتــرجعيــن مثل اول تـــــراجعت حصه للخلف وطلعت بخطــوات ســـريعـــــه من سمعت صـــوت باب البيت ينقــــفل بقوه عـرفت انه أبو أسامه جــــاء اكيد الحـــــين بيهاوشــــها دخلت غرفتها بسرعه وقـــفلت على نفسها الــــباب خــايفه بعد يذبحهـا هي أمس اول مره تشوفه انسان وحـشي بتعامله طلع بخطوات بطيــئه وثقيله ياما اثقـــلته الهموم وقف من شـــــاف باب جوري مفتوح زادت دقات قلبه الحين وبهالـــــحظـــه استوعب انه أذى بنته كان بــيذبحها مـــــاسمـــع لتوسلاتها ولا لرجاها زاد بخـــطواته لغرفــة بنته وقف قبــــال الباب وتوسعت عيونه من منظرها المؤلم معقولــــه هو سوا فيها كذا مـــــعقوله ..... تقـــدم منها بسرعه وقف جنبها ومرر نظراته بكل الغرفه لمح عبايتها طايحــــه بالارض بين الملابس تقدم منها انحنى وسحب عبايتهـا قرب منها زود بإرتباك ونـــاظر ل أسامه :أبعد عنها يــــا أسامه رفع راسه اسامه وانتبه لوجود ابــــوه وصار يبكي زود :يــــبه جوري ماتت والله ماتــــت معاد تتكلم ولا تقول شي ارتجف كل جسمه مــــن كـــلمــــة ماتت انـــــحنـــى زود وغطى جوري بعبايتـــها رفعها بخفه بـــــيـن يـدينه وصار يمشــــي مثـــل المجنون معقوله الي يقتل مره يعيد جريمتـه وب أقرب الناس له ماكــان لازم يتصرف هالتصرف ... الشر أعـــمى عيونه ... والذنــــوب غطت علـــيــــه... وكأن الي صار عقاب لــــه بـــيفقد بـــــنته وهو السبب نزلها ب المقعد الخلفي وركب بسرعه مكانه اشر ل أسامه الي يــــرتجف عند باب الــــبيت :أركب ياولد ركـــب أســامه قدام وشــــهقاته الطــفوليه تكسر القلب حرك ابو اسـامه سيارتــــه بجنـــــون وكل الي ببـاله انه قـتل مره ثانيه وأقرب النــــاس له مايصير يعيش انسان مثــله معدوم الثقه والإنسانيه حياة خاليـــــه بدون هـــــموم هذا هو جنا على نفسه وعيالـــه بــتعاســـه طول عمرهم يـــاما كان يسمع نصائح أبو رعد ويطــــنشها و بكــــل سهوله غدر فيه وذبحه بسبب ناس تافه طيـــح نفسه بيــــدينهــــم من غير قصد كل الي كان يبيه بهذاك الوقت انه يعيش مثله مثل أي إنسان خــــاف انه يمـوت خاف انه يترك عياله لكن بكـــــل اسف راح بطريق مسدود ومظلم ونهايته معروفه إلا وهي الـــتعـــاسه الأبدية الي بتطغى عليه وعلى عـياله ...... | ||||||||||||
|
| |
|
09-03-17, 06:03 PM
| #346 | ||||||||||||
| نجم روايتي وكاتبة في قصص من وحي الاعضاء وبطلة اتقابلنا فين ؟ وراوي القلوب وكنز سراديب الحكايات ونجم أسماء أعضاء روايتي وأميرةخباياجنون المطر
| مرت الدقايق والساعات وكأنــــها تعاند وعد وقفــــت قبال الــــمرايه تناظر نفسهـــــا نظره اخيره قـــبل لاتــــرسم ابتسامة تــــخدع فيها الكل كانت قمه بالجمال من زمــان مــاشافت نفسها بهــــالشكل أو بالأصح ماعـــمرها تزينت ب هاذي الطــريقه دوم مــكيـــاجـــــها هادي حست وكأنها امـيــره بهالمنظر فـــسـتان عروسه تــوب كتوفها كلها برا هـــادي وماسـك على جسمهــــا كله يزينه الـتطريز الراقـي والخرز الناعم رفعت نظرها ل شعرها تسريـــحة الشعر الطويل ونـازل على جنـــب والطرحه القصيره مثبتـه خلف الــتسريحه بطريقه جذابه ابتســـمـت بحزن وهي تشوف أختـــها واقفه وراها رمشت بعيــــونهــا بالم :ديـما الي يصيـــر هو من الواقع انا خلاص بصير ببيت سعود بعـيش معه و قــاطعتها ديما بـــحب :هـــــذا حال الدنيا مــايصير ياوعد تسوين كذا أو تعترضين هذا حــكـم الـلـــــه ومكتوب لك وان شاء الله حياتك معه تصــــير كلها حب واحتــرام لفت وعد لاختها وتـــكلــــمت بنبره حزن :ماأبي ابكي غير اليوم ابي أخذ حق ابوي ابي أصيــــر قويــــه واصبر الــحياه صعبه ويـــــبـــــي لــها صبر هزت رأسها ديما ببتسامه جذابه : يافديت هالـــــكلام الزين والله وكـــبرتي ياوعد و صرتـي تحكين كلام رزين تدرين بشتاق لك يادلوعه ابـتسمت وعد وهــي تحاول قد ماتقدر ماتنزل دموعها وقربـــت مــــن أختها ضمـتهــا بحـب :وانا بعــد بــشتاق لــك يالغاليه ضحــــكت ام رعد من بـــــيــن دموعها :وانا بعد بشتاق لـــك يابنتي ابتــــسمت وعد وهي ترفـــع رأسها لأمهـا وقربت منــها رمت نفسها بحظـــــن أمها تبي منها ضـــــمه بوسه تخفف من عنا الوقـــت الي جار عليــه حست بيدينها الحانيــه تربت على ظهرها ابتسمت ورفعت راسها باست رأس أمـــها بــــحب :ياجعـــــلنــــي مـاانحــــرم منك يمه توسعـت ابتسامة أم رعد وكــأنها تشـــوف بنت ثانيه غير وعد هاديه كلامه فيه نضج :ولامنك ياقلبي ...يلا يايــمه لازم تنزلين الحين قبل لايدخل زوجك تسارعت دقات قلبها لفـــــت ونــــاظرت ديما :وانتي مـــــو جايه ديمـــــا ببتسامه :الا البس عبايتي والحقك انزلي انتي بالاول مسكت وعد يد أمها وصار تمشـــي معها بتوتر ودها الأرض تنشق وتبلعها ولا يشوفها سعود بهالمنظر نزلت بهدوء ونظـــــرات الكل لها إعجاب فــــي إعجاب سبحان من صورها اية جمال تمشي بالأرض انجــــنــوا لميس وام سلطان على شكلهـا أجل وش بيصير بســــعود المسكين ... ~ ~ ~ ~ مرت ربع ساعه و جاء دوره يدخل على زوجته وقف وسمى بلله وصار يمشي مــتوجه للصالـــــه الداخليه للــحريم التوتر طاغي عليه بهالحظه وقف مع الــــباب وارتــبـــاكه زاد رفـــض أن أحد يدخل معه لا ابوه ولا تركــــي ولا حتـى رعد دخل الــــصاله وهـــو منزل رأسه بالأرض حس ب جدته جنبه وتزغرد بـــفرحه :الف مبروك ياولدي الف مبروك التفت لها سعود وبـــــاس رأسها وبهــــمـــس :الله يــبارك فيـك يــالغاليه مـــــسكت يده ام سلطــــان وصـــارت تمشي بهدوء وســعود معها رفع نظـره سعود يدورها بعيونه لكن صار الي ماتوقعه تعـــــلـــــقت انــــظاره بالي واقفه وكأنــــها حورية نادره بالوجود الفسـتان زايـــــد حلاهــــا اول مره يشوفها بهــــالشكل حس بحراره تسري بكل جــسده غمض عيونه يهدي انفآسه المتسارعه ولف ناظـر لجدته الي زغاريــدها مــاليه المــكـــان بلع ريقه ووقف قبــالها حـــرك نظراته عليها وابتسم بـــــلا شعــــور قرب منها زود رفع يده وحطـهـــــا على ذقنها رفعه له بـهداوه وبهمــس محد يسمعه إلا هي :اتركينـي اشوف عيونك الذبـاحه نـــــاظرت له وعد بإرتباك وكل الي ببالها ليش هالــنظره منه وهالكلام الهادي خافت منه حيل والرجفه زادت ب جســـمـــهـــا حاولـت تقوي نفسها وتكلمــت بهمس :مـــــو قلـــــت لـــك بتذبحك هــــالعيون بس مـو حب كره مااعطــى أي اهتمام لردهــــا رفع يدينه وحاوط وجهها قرب منها زود وطبـــع بـوسه على جبينهـــــا : مبــروك عليك انا ارتجفت وعد زود وحاولت تدفه مع صدره من غيــر محـد يلاحــــظ :واثق الأخ ضحك سعــــود بخفه من حس بيدهـــــا تدفه ثبت نفــــسه ونزل يده مسك يــــدها بقوه و جلس وجلسها جــــنبـــه قرب وجـهه منها وهمــس لها بإذنها : كـنت واثق أن الفســــتان بيكون راكب عليك و جنان شدت اســـنانها وعـــــد وبـنفس الــــهــمس :عساه يركبــك جـني قل امين ابتسم سعود ورجع همس لها :ماراح ارد عــلى كلامك بس تدريـــــن انـي راح اخـــــليك تـغيـــرين نظرتك لي لـــفـــت وعد تناظر لأمهـــا وجدتها الي الـسعاده مــاليه وجيههم وتكلمت بهدوء :ماتقدر لأنها ذبـلت ورودي شد سعود عــلى يدها وخلل أصابعه بــاصابـــــعهـــا :واذا قلت لك بخلي هالورد ترتوي وماتذبل على الطاري سحبت يدها منــــه بقـــوه وبنبره جافه :ماتقدر لأنها ذبلت وانتهـــت ومـــافيه شي يقدر يرجع يرويها من جديد وانــا حذرتـــــك أكثر من مره سـعـــــود لاتقرب مني أكثر من كـــــذا وخـلــي بيننا حدود همـس سعود بثقة :يصير خير خافت حيل مـــن نبرة صوته ودها تصرخ بكل صوتها وتقول له طلقنـــــي وتحرجه قدام الكــــل بس من تتــذكر أن حق أبــــوها المـسلوب بيده وهو الـوحــيد الي يقدر يــــرجعه... تراجـــعت عن أفـكارها الــــياسه وصارت تفكر بعـقلانيــه أكثر مرت لحظات بسيـــــطه ووقف ســـعود تكلم بهدوء وهو يناظرها :انـتظرك بالسياره حست ان هـالكلمــه هي موتـــها خلاص بـــــتطلع من بيت ابوها وتروح معه انتبهت لأمها تمد لـــهــا يـــــدها مســــكـت يدهـــا ووقــفت بهدوء :خلاص يمه ام رعد بـــعيـون دامعـه :خلاص يابنتي الله يوفقك يارب سحبتها لصدرها وضمتها بحــنان تبي تهدي من خوفها وتقنعها بحياتها الجايه أبعدتها عنـــها وابتســمـــــت :يلا يايمــــه زوجك ينتظرك بالســـياره حست الدنـــــيا كلها تدور فيها من هالكلمــه جـلست بسرعه وحطت يدهـــا على رأسها قربت منها جدتها منها بخوف : بسم الله عليك وش فيك يايمـه وعد رفعت رأسها بتوتر وابـــــتسمت ابتسامه شاحبه :ولاشي بس خلي ديما تجيب عبـايتي رفعت ديما يدها وهــاذي العبايه لاحلى عروس يلا اوقفي وقفت وعـد والـــــرجــفـه مازالت تسري بكل جسدها لـــبست العبايه وسلمت علــى أهلها والكل وطلعت متوجه للســياره الي موقفها سعود ب الكراج وهي ترسم بـخيالــها مصيرها معه بكل خــــوف ... """"""""""" من طــلعوا الـــعروسه والعريس شالت عبايتها وجلست مع ام سلطان يسولـفون مع بعض انتبـــــهت لصوت جوالها يرن أستاذنت من ام سلــــطان وسحبت شنطـــتــها وبدأت تدوره عارف مين الي يدق عليها بهالوقــت طلــعـــتـــــه بسرعه وردت عليه بــــبتسامه :هــلا يمه هاه تبـينا نمشي راكان بــهدوء وصوت خافـت :لا يمه أبي اقولك انا طلعت مع الشباب برا وبدر عاندني ودخل جــهـــــتكم شوفيه يالغاليه أخــــاف مـــايـلقاك ويــخاف وقفت ام راكان :طيب طيب بشوفه الحين راكان :اوكيه انتظر منك اتصال قفلت ام راكان ونزلت جوالها ب شــــنطتهــــا وصارت تمشي تبي تطلع وقلبها ناغـزها تعرف عناد بدر يارب مايكون راح للمسبـــــح أو صـابه مكروه مررت نظراتها حولها تبي أي أحـد يدلها عـلى الطريق انتبــــهت ل ديما قريبه مـــنها اشرت لها بــــيدها :ديـــما تعالـــــي ابيــــك تقدمت ديما من ام راكان ببتسامه :هلا خالتي امري ام راكان بخوف :مايامــــر عليك عدو أسمعي يابنتي توه ولدي مكلمنــــي يقول بدر دخــــل جهتنا واخاف عليه وما أدل المكـــــان زين ..تكفيـن يايمه تعالي دوريه معي أخاف يصيبه شي وانتي تدرين في حالته ابتسمــــت ديما تطمن ام راكان : لاتحاتـين ياخاله الحين نطلـع ونشوفه مافي أحد على طريقنـا هزت رأسها ام راكان وصارت تمشي ورا ديما وعيونها تتــلفت بكل مكان تبي تشوفه وتقر عيونها تعرفه يخاف و مايعرف يتصرف كا اي شخص طاحت عـــــيونها عليه من بعيد وهو جالس على الزرع ويبكي خافـــت عليه زود ... زادت بــخطـواتها لجـــــهته وقفت قبالــه وبنبره كلها حانيه :وش فيك يايمه رفع بدر رأسه وكأنها ردت روحه له من جــديد من شاف أمه زاد صوت بكـــاه وهو يأشر علــــى رجله جلـــــســت ام راكان قباله مدت يدها تتحس رجــــلــــه واضح فيها جرح رفعت نظرهـا ل ديما الــي واقــــفه وراها :شـــــكله طاح جلست ديمـــــا قبال بدر بهدوء مررت نــظــراتها عـــلــــيه وش كثر ملامحه بــريئه وطفوليه وكأنه بسن 9 سنوات جسمــــه نحـــــيل وجهه صغير وبنــــيته كلها صغيره ابتسمت ورفعت يدها حركتهـــا على شعره بهدوء :لاتخاف الحين اعــالجك وتطيب كلها جرح بسيط انت رجال ومايــصـــــير تبـــكي من سمــع نـبرتها بدر رفع نظره لها وعقــد حواجبه :انتـــــي مين تـــوسعــــت ابتسامة ديما وهي تشوفه يحـكي معها :أنا ديما وانت مين سكت بدر وصار يمســـــح دموعه بـــحــــركــه طـفوليه:أنا بدر اشر لهــا على رجله ومـــلامح وجهه تدل على ألمه :رجلي توجعني وقفـت ديما وابتسمت :دقايق وارجع لك اعــالجك وبعدها تطيـــــب عـلى طول بس توعدني ماتبكـي ابد هــز رأسه بدر ببراءه تراجعت ديـما للخلف وصـــارت تمشي بحـــــركه سريعه طلعــــت عــلى طول غرفتهـــا أخذت شنطة الاسعاف الاوليه ونزلـت بخطوات ســــريعه طلعت للحديقه وتوجهت جـهة بدر وأمه وقــــفت قبالهــــم وهي تاخذ نـــفس :ااااه وهذاني جيت مــــاتاخرت صح بدر أبــتسمــت ام راكــــان :تعــــبناك يابـــــنــــتي مــعنا الحين بروح أدق علــــى أخوه يجي يأخذه انتي خـــــلصي وادخلي تــمام هــــزت ديما رأســــها وهي تجلس قبال بـدر :تعبكم راحه ياخالتي اوكيه اخلص وادخل ابـتعدت ام راكــان عـــنهم والتفت ديما لجهة بدر تكلمـت بهدوء :مد رجـلك حبيبي عشان اشوفهـا مد رجله بدر وغــــمض عيونـــه بقوه... حـــركت ديما يدها على ساقه وهي تمسح بـالمــسحه الطبيه رفعــــت نظرها له وابتـــسمت على تعابـــير وجهه ودموعه الي تـــنزل أخذت الشاش ولفــــته مكــان الجرح خلــــصت بسرعــه ورجعت ناظرت له :انتهــــينا فتح عيـــــن وحده وكأنه يبي يستوعب انهـم خلصوا :خلاص ضحكت ديمــا بـــــخفه :هههههه ايه خلصنا شفـــت وشـــلون انا سريعه ابـــــتسم بدر :ابي أصير مثلك انتي دكتور صح ابتسمت ديما :أمم قصدك دكتوره لا انا مو دكتـــوره انا ديما وبس هز رأسه بدر وكأنه فهمها :طيب ديمـا ديما :يالبـيه أمر تدلل حرك بدر يده ومــسك أصبع يــدها الابهام :يــــصير تــــرجعين معنا البيت انا عندي بســـتـــــيشن كبير حلو الــــعب فيه انا وراكان تلعبين معنا ابتســمت ديما على بــــراءتــه وتفكيـــــره مسكت يده بـحنان :خلاص اجي عندكم البيت بس مو الحين بــعدين والعب مـــعك بلاستيشن بس مايصــيـر العب مع اخوك مد فمه بدر بزعل :مو اسمه اخوي اسمه راكــان راكان يلا قولي اسمه راكان ضــــحكت ديما بخـفه على كلامه :هههههه طيب ولا تزعل اعرف اقول اسمــه راكان بهــــالحظات دخــل وصار يمشي بهدوء توها أمه مكلمته وقالت له يدخـل يأخذ بدر مافي أحد على طريــقه توسعت خطواته وهو يتـلفت يمين ويسار يدور بدر بعيونه طاحت عـــيونه عليه من بعيد بس واضح انه مو لحاله ظن انها أمه تــقدم بخطوات سريعه بس مـن وضحت له الملامـح تراجع للخلــف وقـــــف ورا الشجره الي جنـــبه بالحديقه وصار يناظرهم مايدري ليش انخش وكأنه حرام بس كل الي يبه يشوف وش تسوي هـالبنــت مع بدر توسعت عيونه وهـــــو يسمع كلامهم وصوتها الي فـــــيه نبرة حلوه ... مايدري ليـش ضاع مــن سمعها تنطق اسمــه ب ضـــــحكه وش وش ألي يـــعتريه بهالحظه رفع يده ومــــسح وجهه بتوتـر و صد تــسند على الــــشجره دقات قلبه متسارعه معقوله حــركت قلبه معقـوله بس من صــــوتها وكلامهـــا صحيـــــح ماوضحت له مـلامحها زيـن بس صــوتهــا واصل ل عنده هي وبدر غمــــض عيونه يستوعب حاله وتنحنح بإرتبـــــاك يـــبيها تحس بوجوده وتروح :احم احم ياولد فيه أحد وقفت ديما من وصل الصوت ل مسامعها عرفت انه أخو بدر ويبــــي يدخل لــــوحت بيديــنها ل بدر ودخلت للبيت وهي تركض قبل لايدخل مادرت انه دخل وخــــلص .... أخـذ راكان نفس عميق يبـي هالــشعور الـــــي يراوده يختفي قـــرب من بدر الي جالس بـالأرض ويلعب بالزرع جلس على ركبه قباله وانتبه ل رجلـــــه المربوطه بالشاش توسعت ابتسامتـــــه وقـــــرب من أخوه زود وباسه على جـــبيــنه :شفت وش صار فيك هذا لأنك مـاسمعت كلامي ودخـــــلت ابتــــسم بدر بطفوله وهو يأشر على رجله :صارت بخير هز رأسه راكان بالايجاب ولمح شي يلمـــع عند رجل بـــــدر بين الزرع مد يده وأخذها صار يقلـبها بـين يدينه وابتسم واضح انها سواره لا ومنقوش عليها اسم البنــت تكـلــــم بهـمس من غير شعور :ديما حس على نفسه وهو ينطق اسمهـا ضحك بخفه مايدري وش الي صار فيه بس الي يعـــرفه أن هالبنت جذبته بكل حواسه دخل السواره بــــجيبه ووقف نفض رأسه من هالافكار مايبي شعور عابر يسيطر عليه انتبه لأمه طالعه مـــن البيــــت ولابسه عبايتها تقدمت منــــهم أم راكان :هذانــي جاهز يلا مشــينا هز رأسه راكان من غير ماينطق ولا كـلمه انحنى وشال بدر بخفه وصار يمشي قبال أمه بخطــوات بطـيــــئه وكأنه مايبي يطـــلع من هالــــبيت ابد وفيه شي يجذبه مثل المــــغناطيس هـــــمس بصـــــوت خافــت :أستغفر الله ناظرت له ام راكان وهي تــمـــــشي جنبـــه :قلت شي يـــــاراكان لف لها راكان بهدوء :هــاه ..لايمه ماقلــــت شي ابد زاد بــخطواته وطلع من البيت وقف قـبال سيارته فتحها وركب بــدر بالخلــــف وركبت أمه قدام حرك بهدوء وفكره شارد بنــــبرة صوتها وذكرها ل اسمه بهذاك الأسلوب ياويل حــــاله شكله طاح ومحد ســـمى عليه ...... ~ ~ ~ ~ ~ انّتـــــهَى الــفصـل أتَمنٍى- يٌنال… عّلى' اعــــجاٍبكم} واّلقاٌدٓم< أجمِـــل: بٍإذن اُللٗه* ارِاكـم؛ تًه٘مـــــنــــيʼ وتعل٘يُقٓاتًكــــم؟ بٗعد\ أتمِنْى› لۤكِم‘ قٓراءۤة¨ ممتٍعُة و< انتظْر« تعليقاْتــــكٍم' بٗشوّق تۤحياااۤاٌاًاتـي› عيون الريم ^_^* | ||||||||||||
|
| |
|
09-03-17, 09:14 PM
| #347 | |||||||||||
| مشرفة اسرة حواءوذات الذوق الانيق وفراشة متألقة،ازياء الحب الذهبي ..طالبة مميزة في دورة الخياطة جزء1وأميرة فستان الأحلام ولؤلؤة بحر الورق وحارسة وكنزسراديب الحكايات و راوي القلوب  
|  فصل روووووووووووووعة سعود ووعد الف مبرووووووك الزواج وعد يبدو انها لا تتقبل سعود كزوجها واشو قرا سعود فى الاوراق الغامضة ؟ يا ترى اشو بيصير بينهما ؟ انقهرت على جورى وكله من حصة الزفتة الله ياخذها هل ماتت فعلا والى اين اخذها هل الى المستشفى ؟ قلبي معاكى يا جورى راكان وقع وما حدا سمى عليه ديما حبيت موقفها الرائع مع بدر اخ راكان الان سيطلب من امه ان تخطبه له ديما سلمت يداكى يا عيون الريم وبانتظار القادم | |||||||||||
|
| |
|
10-03-17, 12:25 AM
| #349 | |||||||||||||
| نجم روايتي وكاتبة في قصص من وحي الاعضاء وبطلة اتقابلنا فين ؟ وراوي القلوب وكنز سراديب الحكايات ونجم أسماء أعضاء روايتي وأميرةخباياجنون المطر
| اقتباس:
يازين وجودك مودي منوره ورائعه الكلمات ^_^ | |||||||||||||
|
| |
|
10-03-17, 12:26 AM
| #350 | |||||||||||||
| نجم روايتي وكاتبة في قصص من وحي الاعضاء وبطلة اتقابلنا فين ؟ وراوي القلوب وكنز سراديب الحكايات ونجم أسماء أعضاء روايتي وأميرةخباياجنون المطر
| اقتباس:
ياهلا فيك قمر الليالي انتي الاروع عزيزتي هههه الله يبارك فيك تم زواجهم على خير والقادم لاتعليق سعود والأوراق راح توضح بالجاي أكثر جوري وسوات حصه فيها بلا إنسانيه بنشوف وش يصير مع جوري وهل ابوها يبي ينقذها ويرجع ل صوابه وهل مازالت حيه راح نعرف بالفصول القادمه راكان طاح ومحد سمى عليه هل راح تبقى ديما بعقله والا شعور عابر فقط وموقفه من الزواج بيتغير والا لا راح نعرف بالجاي صحيح ديما موقفها رائع بدر الله يسلمك غاليتي كوني بالقرب دوما 😘😘😘 | |||||||||||||
|
| |
 |
| أدوات الموضوع | |
| انواع عرض الموضوع | |
|
|
29Likes
.png)
العرض العادي
