آخر 10 مشاركات
|
| |||||||||||||
 |
| | LinkBack | أدوات الموضوع | انواع عرض الموضوع |
28-06-14, 03:37 PM
| #1 | ||||
|  رواية واذا الهاج بفرح ليلة فأنا تهت لبكاج سنين للكاتبة : حكاية شموخ السلام عليكم أقدم لكم الرواية الأولى الا كلها من أفكار ومجهود الكاتبة : حكاية شموخ : وإذا إلهاج بفرح ليلة فأنا تهت لبكاج سنين الرواية فيها الحزن فيها الدراما فيها الإثارة فيها الرومانسية فيها الأخوة الصداقة الضحك كل شيء ممتع يحتويها الكاتبة ماتحلل أي شخص ينقل الرواية الا يكتب في البدايه بقلم حكاية شموخ أتمنى تعجبكم الرواية وتكونوا من متابعينها بدون مقدمات أبدأ رواية واذا الهاج بفرح ليلة فانا تهت لبكاج سنين بقلم الكاتبة : حكاية شموخ كان يوم غريب يُحفر في الذاكرة ما ينسى , قلت لأمي وأبوي ما أقدر أطلع معاكم عندي امتحان والشيء الا يقهر إني خلصت مذاكرته بسرعة , جلست أتفرج على التي في أضيع وقت لين الله يفرجها وتيجي أمي من السوق شارية الفستان إلي أبيه. الحمدلله شفت موفي حلو واندمجت معه لين جت دعاية فتحت جوالي أشوف الساعة : وووول 12:35 م وبعدهم مايجون حشى عرس مو سوق .. كنت بتصل لأمي بس خلصت الدعاية وأنا مندمجة مع الموفي واللقطة حمااس يدق فوني : افففف من الغبي الا متصل هالحزة هاذي أكيد ساروه المتصل(الغالية) :أوووبس هاذي الوالدة أستغفر الله : ألو يمه متى بترجعون تراكم طولتو كثييير! -: السلام عليكم هذا جوال جواهر سامي ال____ جواهر بإستغراب : إيه أنا , مين معي ؟! -: أعتذر ولكن انا فتحت الجوال وشفت اخر رسالة واردة منك انت .,فقلت اكلمك جواهر على أعصابها : أها طيب سألتك مين أنت ووش تبي؟! الطرف الثاني بتنهد : أولا لازم تعرفي إن كل شيء مكتوب ومقدر .. قاطعته : انت ايش قاعد تقول تبي تمزح امزح مع احد ثاني ماني فاضيلتك الطرف الثاني كمل: أبوك وأمك صار لهم حادث مع سائق هندي مخمور وهم الآن في مستشفى___ جواهر وعيونها تتوسع للأخر : إييي يي شش؟! (عضت على أشفتها بحسرة) مين توفى؟! الطرف الثاني : عظم الله أجرك والبقية في حياتك الحادث ماكان طفيف الهندي كان يسوق شاحنة ... قاطعته وهي تبكي : الله يلعنه جااوبني على سؤااالي الطرف الثاني : ابوك .... وامك! الدنيا غريبة .. ممكن لتوك تتكلم مع انسان وتتواعد معاه انك بتشوفه قريب ... فجأة وانت فرحان وعايش عالم ثاني .. يجيك خبر بأن الناس الا هم كل حياتك .... توفوا!! بعد الحادثة جواهر ماطبت الجامعة لمدة 3 اسابيع .. تغيرت كثيير كانت حياتها كلها ضحك ومسخرة وتفاؤل اللحين صارت حياتها سوداوية ممله هادئة .. مافي في بيتها الا هي وبس! ماعندها علاقة مع أي من أهلها لأن أبوها تزوج أمها غصبا عن جدها الا كان يعتبر أمها حثالة وماتسوى شي وفقيرة وقرف , وأمها كانت مغرومة بسامي (أب جواهر) وتبي تتخلص من حياتها الا تحاتي فيها لقمة العيش كل يوم ..جدها لما سمع من سامي إنه يبي يتزوج (نوال)- أم جواهر .. عاارض بشدة وقال له والله إن تزوجتها لا أنت ولدي ولا أعرفك .. وخبر كل عياله بأن الا بيتواصل مع سامي بيصير له نفس الشيء.. سامي يحب نوال بشكل جنوني وفعلا سوى الا براسه واللحين ماعنده علاقة باهله . .... في مكان ثاني بيت ضخم وواسع وباين إن الا يعيشون فيه أثرياء فتح الباب المؤدي للصالة بدون مايتكلم مع أحد وعلطول يبي يصعد لغرفته : حتى كلمة السلام تستصعبها .. وثانيا وين رايح اجلس الغذاء قريب بيجهز يلا تنهد ولف وجهه لأبوه وبدون نفس قال : السلام .. مالي خلق بصعد أريح الأب: وعليكم .. خيررر ماعندي هالكلام هاذي المرة الألف وانت كلما ترجع من الدوام وعلطول تصعد لغرفتك وتاكل غذاك بلحالك وانا عديتها لك اكثر من مره واللحين لازم تطوعني وتجلس تاكل معانا .. بصوت حنون : ما عليش يا أبو يوسف خل الولد ياخذ راحته اللحين هو تعباان من الدوام مرة ثانيه بيتغذى معنا وانا اعرف وليدي ابو يوسف يناظره بعصبية : عشان أمك هالمرة , مرة ثانية اذا ما اكلت معنا مابتلوم الا نفسك صعد فوق بدون مايقول ولا كلمة أم يوسف : يا أبو يوسف خفف على الولد شوي تراك عصبي عليه كثير أبو يوسف: خلود .. هذا ولدك مامنه رجا ماصار مثل أخوه يطوعني ويحترمني .. ماتنفع معاه الا العين الحمرا لين مايتربى (أبو يوسف {عبد الرحمن} يعمل مدير في شركة بعد ماتوفى أبوه غني جدا جدا جدا كريم و حنون بس عصبي) (ام يوسف {خلود} خبيرة تجميل بس لأن عبدالرحمن غني فعرض عليها ان ماتشتغل وتتعب روحها ويجيها كل الا تبيه بدون ماتتعب ففتحت لها موقع استفسارات بس بدون مقابل طيبة وحنونة وقلبها رؤوف على ولادها) في غرفته : اففف هذا سجن مو بيت حسسني جريمة اذا ما تغذيت معاهم الا يقول مره هو ميت بحبي ومايقدر ياكل بدوني بس يبي يفرغ طاقاته السلبية ومايدورني الا انا! نرجع للصاله ورحيتها كلها قهوة وتمر وحلا بدلع : بابي .. ممكن أطلب طلب؟! أبو يوسف: عيونه ابتسمت وكملت : ممكن أغير ستايل ماي روم والله طفشت من اللون الوردي أحس أبي أغير أبيها يكون لونها ريد أم يوسف بسخرية : على أساااس نضجتي يعني! تنرفزت : أوووه يمه ! يعني الواحد مايطلب شي قدامك! أيو يوسف: خلود خل البنت تطلب وتآمر براحتها أنا كم سارونه عندي ساره وهي طايرة من الفرحة : يا اللله أحبببببك باااابي ابتسم أبو يوسف على فرحة بنته الا كأنها طفلة هداها عروسة وهي فرحانة بيها:وأنا أحبك أكثر دق جواله .. أبو يوسف : ألو أهلا أهلا أيوه أنا عبد الرحمن الـ------ أيوه هذا اخوي! بإنهيار: اييييييش ! انت شقاعد تقول ؟! متى؟! وليش تووك تخبرني أم يوسف طالعته بخوف سكر من المكالمة أم يوسف : ايش صاير؟! أي أخو ؟ أبو يوسف احمرت عينه وصارت تلمع لأنه حابس دموعه : توفى أخوي يا خلود توفى أخوي أم يوسف تترك الشاي : ايييش ؟! مين ؟! تلتفت سارة مفجوعة : يبه شقاعد تقول؟! أبو يوسف والدمعة بعينه : سامي يا خلود ... سامي! أم يوسف بحزن : الله يرحمه .. عظم الله أجرك يا أبو يوسف الباقي بعمرك .. لا تحزن الأعمار بيد الله أبو يوسف: حرمت نفسي من أغلى أخ عندي ياخلود والسبب سخيف واللحين أنا ادفع الثمن غالي ! وتوي أعرف هالخبر ! بصعد فوق أريح لحد يزعجني أم يوسف في بالها عارفه مابترتاح بس بتطلق لدموعك سراح : الله يعينك .. على أمرك ياغالي لما صعد سارة وهي تجلس جنب أمها : يمه مين ذا سامي ؟! ماعندي عم اسمه سامي ياكون هذا صديق ابوي المفضل ويعتبره اخوه .. المشكله ولا مره خبرني عنه أم يوسف:بلا لقافه وانقلعي لكتبك ادرسي شوي ممكن تفلحين ساره بضجر: اووووف يمه ليش كل ما اتكلم معك تفجرين جبهتي أم يوسف: لأنك مهملة وماتعرفين مصلحتك أجل وحدة عمرها 21 سنة عندها بكره امتحان صعب وجالسه مع اهلها تتقهوى بدل ماتدرس! ساره بثقة : هذا من كثر البر الا عندي بكم أم يوسف ارمقتها بنظرة :أي بر الله يهديك ماغير اللقافة الا حاشرتك هنا ..يلا قومي ذاكري طفشتيني ساره : اف ايش هذا التحطيم .. من جد الا يعمل معكم خير يلقى شر. وصعدت غرفتها عطول قبل ما تقول لها أم يوسف كلام يفجر جبهتها . (سارة البنت الوحيدة لعبد الرحمن وآخر العنقود .. عمرها 21 سنة وتدرس علم نفس ومهملة جدا في دراستها) في الليل والكل مجتمع على العشاء ولده الثاني : عظم الله أجرك يبه آخر الأحزان ان شاء الله أبو يوسف : وأجرك يا يوسف .. ان شاء الله ورمق ولده الا تشاجر معه الظهر : وانت ماعندك كلام تقوله ؟! ليش ماتصير مثل يوسف وتقول كلام مناسب علطول بدون ما اقولك ها ؟! أم يوسف عطول تدخلت : لا يا أبو يوسف اكيد هو مثل أخوه وبيقولك بس صبر عليه قوى قبضته على الشوكة وهو معصب وفي باله ايش ذا الأب حتى وهو حزنان وعنده أحد متوفي يحط راسه براسي ويبي يشاجرني , قال وهو يرص على أسنانه : عظم الله أجرك أبو يوسف بإستنكار : أجرنا وأجرك انقهر وحس بنار تشوي جسمه ايش المعامله القرف هذي الا يعاملها أبوه بيها والمقارنة المستمرة بينه وبين أخوه الكبير يوسف : الحمدلله أم يوسف بحنية : وين يا مشعل ؟! مشعل وهو لاف ظهره : شبعت بصعد غرفتي أبو يوسف بصراخ: لماااا تتكلم مع أمك ماتعطيهااا ظهرك فاااااهم عطا مشعل وجهه لامه : الحمدلله شبعت بصعد غرفتي تامرين على شي يمه ؟ أبو يوسف بعصبيه : بلا تريق ولا تسوي شي اقول لك عليه بدون نفس مشعل بقهر : يعني عطيتها ظهري ماعجبك عطيتها وجهي ماعجبك ايش الا يعجبك اسويه يا يبه ؟! أنا لو اجيبلك لبن عصفور مايعجبك ! أبويوسف : صير مثل يوسف يعرف يتصرف ويتعامل مع أمه وأبوه يوسف بأدب ودفاع في نفس الوقت : يبه كل واحد وطريقته وتصرفات مشعل غير تصرفاتي لازم نحترم هالشي ومشعل ماكان يقصد بإعطاء امي ظهره إساءة.... صح يا مشعل ؟ مشعل بقهر وهو يناظر يوسف: كل تبن! سارة ماسكة ضحكتها على ردة الفعل أبو يوسف: مشششششششششششششعللللل! مشعل صعد غرفته عطول وهو موعاجبه وضعه مع أبوه أم يوسف : يا أبو يوسف حرام عليك زعلت الولد! أبو يوسف بعصبيه: ليش طفل هووو ؟! شفتي كيف أسلوبه معك ؟! يتمادى كثير هذا كله من تدلعيك الزايد له !ّ أم يوسف : لا ماتمادى ولا شيء هو يعاملني كأمه وصديقته وأنا أبي اولادي يرتاحون معي ويحسوني صديقتهم أبو يوسف : ذااا الكلام ماينفع مع عيالك أبد! يوسف: يا يبه خف عليه شوي .. ترا مشعل يحاول يعجبك بأي شيء يسويه لو تطلب منه لبن عصفور جابه! أبو يوسف يغير السالفة : عندي موضوع مهم أبي أكلمكم عنه تضايق يوسف من تطنيش كلام أبوه له لما يتكلم عن مشعل ومعاملة أبوه القاسية مع مشعل والمقارنة بين أولاده ..(يوسف الولد الأكبر لعبد الرحمن يشتغل طبيب وعمره 26 المفضل عند عبد الرحمن بعد ساره والمفضل عند خلود ككل ) ساره : بااابي صح عندي سؤال مين ذا ال.... قاطعها أبو يوسف : اللحين بقولك لا تستعجلين الشيء اللا متخبي عنكم وماتعروفه ان أنا عندي أخ اسمه سامي الكل الا خلود: اييييش! أبو يوسف: ايه.. والسالفه وما فيها انه حب وحدة فقيرة وبغى يتزوجها وجدكم كان مو راضي عليها لانها فقيرة ومو من نفس مستواه ..وقاله ان تزوجت لا انت ولدي ولا اعرفك وبالفعل حب سامي الجنوني خلاه يتزوج (نوال) مرت عمكم بدون رضى جدكم يوسف: طيب وليش احنا ماندري عنه شي الشجار صار بينه وبين جدي مو معكم أبو يوسف: يا يوسف بعد ماصارت السالفة ابوي منعنا نشوف سامي او حتى نتواصل معاه بأي وسيله والا يتواصل معاه بيصير له نفس مصير سامي .. ومع ان سامي اغلى اخوتي والمقرب بالنسبة ليي بس ماقدرت اعصي ابوي وافارق اخوتي عشانه ساره بهبل :الله على عمي ! روميو ما شاء الله عليه! ارمقتها خلود بنظره أبو يوسف : الا ابي اقوله لكم .. ان سامي عنده بنت وحيدة يوسف مستغرب : عندنا بنت عم ماندري عنها بعد !؟ سارة : اوه اكشن قرصت خلود سارة عشان تتأدب وتسكت ساره بصوت خفيف تكتم ألمها : آآآآي .. يمه ما قلت شي غلط! يوسف ببداهة : واللحين هي بتصير عند مين ؟! على كلامك انها الوحيدة يعني لازم احد يتكفل ابها ! الا اذا كانت متزوجة ! أبو يوسف بابتسامه : ما شاء الله عليك يوسف دائما تحلل الكلام وتوصل لنتيجة .. لا ماهي متزوجة وهي صغيرة بعمر سارة أختك 21 سنة بس سارة بوناسة : ياااااي عندي بنت عم بعمري .. الله يقوي حظي دووم ! ابتسم ابو يوسف: واذا اخبرك انها بتعيش معانا ... شقد بتفرحين !؟؟؟ الكل مستغرب الا خلود لانه قال لها قبل سارة والفرحة مو واسعتها : اكييييييييد فرحاااااااانه بشكل مو طبيعيييييي واخيرا بحس ان في هالبيت انوثة شوي .. بعتبرها مثل اختي واكثر أم يوسف: ليييش وأنا على الهامش؟! سارة: لا يمه بس أنت مو أنثى ! يوسف يضحك : ههههههههههه شتقووولين أجل أمي ايش؟! سارة بخجل : لا قصدي انها امرأة (تحاول ترقع لروحها) أبو يوسف قاطعهم : ما عطيتني رايك يا يوسف؟ يوسف : صراحة يبه أنا ماعندي مانع واللي يرحيك سويه .. بس اخاف ماترتاح لان أنا ومشعل موجودين أبو يوسف: أفضل من ان تبقى لوحدها يوسف: ادري بس قصدي ليش ماتخليها تروح لبيت عمي ناصر مثلا بناته أكثر من أولاده أبو يوسف:أتوقع وضحت الكلام يا يوسف وقلت ان سامي اعز اخوتي ولا يمكن اخلي بنت اخوي تروح لأحد ثاني يوسف: اللي يريحيك يبه ساره : بصعد اخبر مشعلو طقت على باب غرفته بطق قوي ومزعج على شكل رنة مشعل : وووووووجع ايش تبييييييين؟! (مشعل الولد الثاني لعبد الرحمن يدرس هندسة وعمره 23 عصبي ومغرور ودايم ابوه يتشاجر معه ويعتبره مايتحمل مسؤوليه شي) فتحت الباب عطول وجلست على سريره تقابله : اسمع اسمع اخر الاخبار مشعل : أحد قالك تدخلين؟ برطمت ساره : انت قلت شتبين ؟ مشعل : انت غبيه قلت اش تبين مو ادخلي في فرق ساره : طيب يا اخي فجرت جبهتي العتب عليي أنا الا جايه اخبرك من بيجي لنا البيت وقامت بتغلي بتطلع من الغرفه مشعل : اقول تعالي انت مع كشتك قولي شالسالفه سارة بخبث وبعدها تتغلا : لا اخليك براحتك انت ماتبي جاسوستك تقول لك اخبر الاخبار المهمة مشعل: اقول بلا تغلي وارتزي هنا قولي شعندك أو انقلعي مو مشعل الا يترجاك ياحلوة ساره بدفاشة رجعت جلست على سريره وبدون أي مقدمات : بنت عمي بتجي تعيش عندنا مشعل وكل علامات الاستفهام فوق راسه : ايش تقولين انت ! أي بنت عم ساره : سامي مشعل : ها!!! سامي هذا صديق ابوي يا الغبية ساره : خبرك قديم هذا اخو ابوي وقالت له السالفة اليوم التالي يوم الا بتجي جواهر بيت عمها بتعيش حياة غير الا عاشتها بحنان امها وابوها اول ماوصلوا اندهشت من كبر البيت اااقصد القصر: ما شاء الله وهو يقول لي في الطريق ان عنده ولدين وبنت بس ومعيشهم في هالقصر الواسع ! ابوي كانت حالته متوسطة وكنا نعيش في بيت متواضع بس يوفر لي الا ابيه .. الله يستر لما احتاج شي كيف اقدر اقول لعمي .. احس بخجل كيف اطلب منه واعتبره ابوي وانا توي اعرفه .. ااااه الله يرحمكم يا اهلي تركتوني ضايعة في هالحياة وحدي أول ما دخلت البيت كان استقبالهم حار لي أم يوسف كأنها شابه جميلة جدا وانيقة ... ضمتني بقوة : اهلا وسهلا بجوااهر اهلا وسهلا خذي راحتك واعتبري البيت بيتك وانا صحيح ما اقدر اكون مكان امك الله يرحمها بس انت بتكوني مكان بنتي الثانيه جواهر وعيونها حمرا وذابلة ووجها اصفر وجسمها هزيل من الحزن .. ابتسمت ابتسامة صفراء:اهليين بيك .. ان شاء الله واتمنى اني ما اثقل عليكم أم يوسف بكلامها العسل : اشششش لا تقولين هالكلام ترا ازعل .. انتي الداخله واحنا الطالعين حست جواهر بطمأننية لما شافت مرت عمها حنونة وطيبه بهالكثر التفتت شافت يوسف كان منزل عينه بالأرض مو متعود عليها : أهلين .. أنا يوسف , اعتبريني مثل اخوك وان شاء الله مانقصر عليك بشي جواهر في بالها : ما شاء الله جماله يفتن شعره الأسود الحرير وعيونه الواسعة الكحيلة السوداء لحيته المرتبة الا تدل على رجولته ... والله اني فاضية وماعندي سالفه :أهلا فيك دارت لاخته بتسلم عليها ساره مفجوعة :مييييييييين!!!! جوااااااااهر!!! خلص البارت اتمنى عجبتكم الرواية كبداية .. اتمنى منكم التشجيع اذا ممكن بسألكم بعد كل بارت عن بعض الأشياء واتمنى تعطوني أرائكم 1 لحد الآن كبداية مين أكثر شخصية عجبتك ؟ وليش؟ 2 تتوقعوا ليش ساره في نهاية البارت كانت مفجوعة ؟ 3 اكثر موقف عجبكم؟ 4 ايش رايكم بالرواية كبداية ؟ أكملها؟ تحياتي : حكاية شموخ | ||||
|  |
|
16-09-14, 10:47 PM
| #3 | |||||||||
| نجم روايتي ومشرفة سابقة وفراشة متالقة بعالم الازياء  
|  السلام عليكم ورحمة الله وبركاته هلا فيكِ عزيزتي نورتِ القسم اتمنى تكملي فصول الرواية او انا سوف اكملها ليتسنى لبقية الاعضاء والزوار متابعتها أول بأول لأنه تم طرحك لآخر فصل منذ 3 اشهر وزياده تحيتي التعديل الأخير تم بواسطة اسطورة ! ; 09-10-14 الساعة 01:12 PM | |||||||||
|
| |
|
09-10-14, 01:14 PM
| #4 | |||||||||
| نجم روايتي ومشرفة سابقة وفراشة متالقة بعالم الازياء
| البارت الثاني لفت لاخته بتسلم عليها ساره مفجوعة :مييييييييين!!!! جوااااااااهر!!! جواهر مستغربة ومو قادرة تصدق , بصوت كله استغراب:ساااره!! أبو يوسف يبتسم وهو مستغرب : تعرفون بعض!؟ ساره : يا عالم هاذي جواهر صاحبتي الا بالجامعة ! يا الله شكثر أحنا أغبياء ولا مرة لاحظنا ان لقبنا مشترك وممكن تكون بينا صلة قرابة أم يوسف : من جد ! إنت جواهر الا تتكلم عنك سااره؟! جواهر في بالها اللحين عرفت ليش ابوي كان مايرضى تيجي بيتنا أو أروح لها , قهر : ايه ساره ضمت جواهر وهي فرحانة بقووه : يا الله بنت عمي صديقتي في نفس الوقت هذا أحلى شعووور جواهر ماتدري تفرح عشان سارة بنت عمها وصديقتها في نفس الوقت ولا تحزن لأنها انحرمت منها بسبب هالمشاكل العائلية اكتفت بس انها تضمها أم يوسف : الله يقربكم لبعض ان شاء الله ولا يحرمكم من بعض أبو يوسف: عاد اللحين هالله هالله ببعض ولا وحدة تزعل الثانيه , أنا مارضى على بناتي كسرت بخاطرها الكلمة , ليش مو أبوي هنا بعد ويقول لساره انها بنته بعد , ليش أنا أصير بنت لعم توي اليوم أشوفه , ليش اترك بيتي الا عشت فيه كل حياتي مع ابوي وامي واجي اعيش في بيت ماعندي فيه ذكريات وو لاشيء! دمعت عيونها وقالت بصوت مبحوح : ان شاء الله أم يوسف: طيب ياا جواهر عندنا غرف كثييرة وكنت ابيكِ تطبي وتتخيري والا تعجبك تاخذيها بس الله يهديه أبو يوسف مستعجل جهز لك غرفه على ذوقه يبيك أول ماتوصلين تحطي اغراضك وترتاحين جواهر : شكرا عمي كلفت علـ... قاطعها : مابين البنت وعمها الا بحسبت أبوها هالرسميات جواهر ابتسمت : شكرا عمي الله ي.... تنرفز وقاطعها : وبعدين يا جواهر! كلمة شكرا تكفي ولا تنسي أي شيء تحتاجيه بس أمري ويجيك بلمح البصر ساره : طيب مالكم دخل فيها أنا راح أرويها غرفتهاااا وسحبت ساره جواهر بدفاشتها المعتادة جواهر : طيب لحظة باخذ شنطتي (الشنطة الا فيها الملابس) ساره : يلا بسررعه جواهر بتمسك اليد حق الشنطة بتحملها فجأة تشوف ايد تسحبها بسرعة وتحملها طالعت فيه متعجبة وبخجل :.... يوسف ابتسم : انا بحملها عنك وجهها انقلب ألوان وبخجل قالت : شكرا يوسف وهو مبتسم : مابينا شكر جوااهر في بالها ياااربي هالعائلة مايحبون احد يقولهم شكرا اجل ايش اقوول سااره : من قدددك احد يحترم انوثتك ويحمل عنك شنطتك يوسف: لا عااد , تنكرين إني أحمل عنك شنطتك !؟ ساره : أفا وأنا أقدر! إنت أطيب وأحن و أحلى أخو في الدنيا يوسف : وهذا كله لأنك أختي ساره تحرك شعرها بغرور مصطنع : يا الله ماقدر على كلامك العسل أناا , بس والله انك صادق بكلامك يوسف : أقول تحركي الواحد مايمدحك صعدوا فوق وهي خجلانه منه أول مرة أحد يسوي لها هالحركة غير ابوها ,ولا ولد عمها بعد اول ماوصلوا لباب غرفة جواهر حط الشنطة عند الباب , التفت لجواهر وابتسم وقال:تتهني بغرفتك , واذا محتاجة شيء مايردك الا لسانك جواهر ابتسمت : شكرا ماتقصر يوسف : ا.. ساره تسحب جواهر تدخلها الغرفة : اوووف وبعدين معك خلي البنت تشوف غرفتها , شكثر نشبة وسكرت الباب الغرفة جميييييلة لأبعد حد كبيرة ولونها موف فيها أول ماتدخلين موجود الخزانة ومكتب وهلم مجره بعدين فيها مثل العتبه نصف دائرة تصعدين عليها تلاقين سريرها على شكل دائرة أبيض وموف طبعا هذول جدرانه 3 اثنين موف وقريب النهاية فيهم خط مزين فضي وواحد منهم فيه نافذة كبيرة تفتحيها تطلع ليكِ بلكونة ترد الروح تطل على حديقة القصر الا فيها البركة والورود بألوان زاهية وجميلة, وجدار لونه أبيض وفيه زخرفة ملكية لونها موف جواهر: ماااشاء الله جميييلة بشكل خياااالي , ذوق عمي الله يخليه ساره : يعني عجبتك ؟! جواهر تطالعها بنظرة غريبه ساره متعجبة شالسالفه : قلت شيء غلط!؟ جواهر : لحد اللحين مو قادرة اصدق انك بنت عمي , بصراحة أحسك كابووس ساره : أناا كابوووس هاا!! يحصل لك تطلع ساره بنت عبد الرحمن بنت عمك .. أصلا أنا العتب عليي الا اقابل وجهك الخااايس .. اصلا خساااره فيكٍ الغرفه ( وطلعت لسانها ) جواهر : هااا بديتي تغاارين..واخيرا طلعتي حقيقتك المره .. أجل اناا وجهي خااايس .. والله من شابه بنت عمه ماظلم ساره معصبة : ليش أغاار يعني أصلا غرفتي احلى بمليووون مره من غرفتك المعفنة هاذي .. ثانيا ايه وجهك خاايس ومدري كيف بتحملك أصلا جواهر : تبيني أطلع يعني .. بأسلوب تهديد: طييييب وراحت بتطلع من الغرفة ساره بإندفاع مسكت جواهر : لا لا وين بتروحين !! مو ناقصني تفجير جبهات من أم يوسف .. ارتزي في غرفتك بس .. انا برووح اخذ غفوة (حركت شعرها بغرور) في أحلى غرفه في هالبيت جواهر : بلا حركات أطفال ويلا طيري من غرفتي خليني أرتاح من وجهك شوي ساره وهي تطلع من غرفة جواهر بعناد : ماعندي جنحاان! طالعت حولها في الغرفة ..الغرفة جميلة وما قدر انكر هذا الشيء بس في نفس الوقت مو قادرة اتعود عليها وأحس بالألفه فيها اتذكر غرفتي في بيتنا لونها بينك لوني المفضل متوسط حجمها بشكل يحتويني ويكفيني نافذتي الا تطل على نافذة جارتي الا بمثل عمري (غادة) وسوالفنا الا ماتنتهي من نافذة لنافذة! والاريكة الا اذا جلست معي امي في الغرفة تجلس عليها (بغبنة والدموع تجمعت في عينها ) والمزهرية الا على طاولتي الا ماتخلى من الورد الا أبوي يجيبه لي .. ( دمعة نزلت من عينهها وجرتها ألف دمعة وآهات انكسار وبصوت مبحوح وبألم قالت : يبه ليش تركتني ؟! وعدتني مابتتركني مهما صار .. اليوم الاثنين وقلت لي يوم الجمعة انك بتجيب ليي وردة القوس قزح اليوم الاثنين وينهااا ؟! وييينك؟ يمه يبه ... اشتقت لكم .. ياليت طلعت معاكم وتوفيت معكم .. ولا إعيش بألم اليتم الا انا فيه ظلت على هالحالة لين غلبها النوم .... ............. صحت المغرب مفجوعة : وييييين أنااا!؟!!!!!!!! (تذكرت الا صار) تنهدت وقامت توضأت للصلاة بعد ماخلصت حست بعطش شديد وصوتها مبحوح من كثر البكاء ..طالعت نفسها في المرآه , لونها اصفر ومبين عليها الارهاق عيونها ذااابلة من كثر البكاء وحول عيونها الخضراء احمراااار من كثر البكاء .. وشفتها يابسة : افففف شكلي يسد النفس .. اتوقع الزومبي أحلى مني هاللحين غسلت وجهها ونزلت تروح المطبخ تشرب ماي نزلت الصالة ماشافت أحد .. قالت في نفسها : أكيييد سارروه نايمة نومة أهل الكهف دخلت المطبخ صبت لها ماي .. دخل مشعل القصر يجيب جواله من الصباح طالع وناسي جواله : هلوووووو... وينكم يا ناس ؟!! هالبيت كله كذا فجأة تشوفهم منقرضين مثل الدينصورات صعد ياخذ جواله من غرفته وقبل مايطلع من البيت دخل المطبخ يشرب له ماي شاف سارة في المطبخ لابسة عباتها .. قال في باله : (اهاااا يعني انت هنا ! ولابسة عباتك بتطلعين على وين ان شاء الله!؟!) تقرب لها شوي شوي ومسكها من جهة الخصر وقرصها بقووة وهو اصلا قوي وجسمه رياضي ..... خلص البارت اتمنى عجبكممم وتحمستوا معاااه اعطوني ارائكم الاسئلة : 1 وش رايكم بالبارت اليوم عجبكم ؟قولو رايكم بصراحه 2 وش رايكم بغرفة جواهر ترا متعوب على الخيااال والوصف هههههه 3 تتوقعوا وش ردة فعل جواهر لما بتشوف ان الحركة الا سواها مشعل ووش ردة فعل مشعل ؟ 4 ايش اكثر موقف عجبكم وسيو سوون في البارت الثالث | |||||||||
|
| |
|
09-10-14, 01:15 PM
| #5 | |||||||||
| نجم روايتي ومشرفة سابقة وفراشة متالقة بعالم الازياء
| البارث الثالث جواهر مفجوعة مين يسوي لها هالحركة والتفتت : آآآآآآآآآآآآآآآآآآآآآآآآآ آآآآآآآآآآآآآآآآآآآي تجمد في مكانه مين هاذي الجميلة ! .. هاذي مو من صديقات ساااره طيب واذا من صديقات ساره ليش داخلة المطبخ لوحدها بدون سااره! جواهر صارت تغلي من الاحراج كيف هذا يمسكها من خصرها وهي ماتعرفه :......... شال يده من على خصرها بس تقرب لها أكثر وطولها يوصل لصدره .. تحاول تبعد عنه ماتقدر صارت مستندة على خزانة المطبخ بصوت خافت : مين إنتِ؟! إنتِ صاحبة سااره ؟.. طيب ليش عيونك حمرا كذا ؟ جالسة تبكين ؟ حرام تأذي عيونك الحلوة هاذي بالبكا رصت على اسنانها بقهر من يظن نفسه هذا يتكلم معي بهالوقاحة : مالك دخل وبعد تقرب لها أكثر عناد وقرب وجهه لوجها .. تجمدت كل اطرافها وصابتها قشعريرة مشعل بخبث :كيف مالي دخل وإنت في مطبخ بيتنا ؟ طيب شسمك ؟ جواهر غمضت عيونها بقوة : جوااهر مشعل : آهااا حلووو برافو عليك .. طيب ايش لقبك ؟ جواهر وبعدها مغمضة وبإستهزاء : ليييش حضرتك بتخطبني مثلا ؟! مشعل انقهر ولزقها أكثر على خزانة المطبخ : لما أتكلم معك مو تتكلمي معي بهالأسلوووب فااااهمة ؟! (ويإستهزاء) يلا ايش هو لقبك يمكن ادل عليك واحد من الزبالين يخطبك جواهر فتحت عينها : ايش الوقاحة الا عايش فيها !؟ انت مين الا داخل بيت عمي !!!! فتح عيونه على آخرها انصقع وبعد ايده عنها : إنتِ جواهر سامي ؟! جواهر استغربت : ايه , ليش من انت ؟ مشعل : أنا مشعل ولد عبد الرحمن الثاني ..ولد عمك جواهر حست لو إنها تبي الأرض تنشق وتبلعها يا الله فشلة الموقف جواهر : طيب ممكن تبعد ؟ مشعل وهو متقرب منها : اسمعي هذا الموقف محد يدري عنه فااهمة!! جواهر مبتسمة إبتسامة إستهزاء:ليييش خايف من البابا يضربك !؟ مشعل مسك ايدها بقوة آلمت جواهر : شوفيي قسسم بالله خفة دمك هاذي توديك في داهية مو أنا مشعل الا تنكلمي معه كذا كأنه أصغر اعيالك جواهر متألمة من مسكته بس ماتبي تبين له ضعفها بعد عنها بيطلع من المطبخ .. وقبل مايطلع لف لها : واذا قلتِ لأحد عن الا صار مابتلومي الا نفسك فااهمة ياحلوة ! جواهر : حيواااان آلم يدي جعل ايده الكسر ان شاء الله .. كيف هذا ولد عمي !! كيف بتحمل اعيش معه! مشعل طلع من البيت وركب السيارة مشعل:------------------ الطرف الثاني : مشعل .. مشعل .. هييي وينك سرحان في ايش مشعل:......... الطرف الثاني يأشر بيده عند وجه مشعل : مشعلللللل ... وين طار عقلك! مشعل التفت : هاه؟! الطرف الثاني : ايش ها انت مع وجهك صار لي ساعة اكلمك وانت متنح مو معي مشعل : انقلع الله يسلمك خلني في تفكيري الطرف الثاني يغمز : هاااه شصار داخل تراك طولت كثيير لين ماجيت مستحيل بس اخذت جوالك اكيد صار شيء داخل .. شفت بنت دااخل ؟ ترا أنا فيصل ماتخفى عليي داهياتك مشعل:البنت خطيييييرة يا فيصل خطيرة عيونها لحالها تذبح فيصل فتح عيونه على الآخر : ايش يعني كلامي صح ؟! مشعل : يب , أنا مو قلتلك بنت عمي بتجي تعيش معنا ؟! كنت مو ماخذ الموضوع بأي أهمية بس اللحين لما شفتها .. صار يهمني فيصل : اوبس اوبس اوبس .. طلعت بنت عمي بعد .. شكلها ماخذه من الجمال كمية وقدرهااا ! كيف اوصف لي مشعل : عيونها تذبح خضـ.... هيي يا حيواان تبيني أوصف لك كيف شكلهاا تحلم فيصل : أفا أفا تراها بنت عمي بعد .. وما في حيواان غيرك مشعل : وإنت ماتقدر ماترد الشتم .. شوي احتفظ بشوية حسنات يا أخي فيصل : أجل تبيني انشتم وما أرد ؟! مستحيييييل الساكت عن الحق شيطان آخرس مشعل : طيب يا أخي إنت شيطان مافرقت اذا صرت اخرس على الأقل تفكنا شوي من ثرثرتك الا مالها دعوى فيصل : انقللع زييين .. بعدين ثرثرتي ما تعجبك هااه ! مدري مين الا يموت اذا ماكلمني في اليوم مشعل : خف بس .. ليييش خطيبتي وأنا مدري! فيصل : ما أقرفك! يرن جوال فيصل ( المتصل الحب 15 دانة – إخت محمد -) مشعل: بعددددد.... كاتب كيف تعرفت عليها عشان ماتنسى وتخربط معها بالكلام فيصل يغمز : تعلللم .... تعلللم ألو هلا بأحلى صوت الا يريح ليي بااالي .. (فيصل ناصر .. ولد عم مشعل واقرب صديق له .. عمره 23 و يدرس هندسة مع مشعل .. خفيف دم ومغازلجي) في غرفة جواهر جواهر تكلم نفسها :يا ربي وش هالموقف الفشلة الا صار اليوم .. قليل الأدب مايستحي على طوله وعرضه يكلم ويمسك بنت كذاا .. وبكل وقاحة يسألني اذا أنا صديقة سااره .. يعني ايش هو يسوي كذا مع صاحبات ساره ؟!!.. قالت لي ساره مره ان اخوها مغازلجي بس ماتوقعت لهالدرجة ... ياربي شتاااان بينه وبين يوسف في كل شيء ... يوسف شعره أسود وعيونه سوداء كحيلة وشعره مرتب وجسمه حلو بس مابه عضلات .. وطيب وحنون ومحترم ... مشعل شعره بني فاتح وعيونه بنية وخشمه سلة سيف وجسمه رياضي وبه عضلات ومغرور وقليل أدب ومغازلجي ... هذول أخوان انولدوا من نفس الرحم ؟! قطع عليها تفكيرها صوت طق الباب جواهر : مين ؟! ..: أنا عمك جواهر عدلت جلستها : تفضل عمي أبو يوسف ببتسامةة ويجلس قبال بنت أخته : هاا أخبارك؟! جواهر تبتسم : بخير دامك بخير أبو يوسف: قوليلي الصراحة مرتاحة ؟ جواهر :فيكم الطيب والأصل ياعمي بس ما أخفى عليك أحن لبيت أبوي أبو يوسف:أكيد وأنا متوقع هالشيء مستحيل تتعودين بسرعه على انك تعيشي في بيتي .. بس لازم تحاولي تتعايشي مع الموضوع .. وأتمنى انك ماتتضايقي من وجود يوسف ومشعل جواهر لما سمعت اسم مشعل تذكرت الا صار وعضت على شفتها : لا ليييش اتضايق البيت بيتهم ولازم ياخذون راحتهم فيه أبو يوسف : وبييتك يااجواهر.. طيب أنا جيت لك أبي أكلمك بموضوع جواهر:آمر أبو يوسف: يا جواهر أهملتي الدراسة كثيير .. أنا مدري عنك مجتهدة ولا مهملة بس صارلك 3 أسابيع مارحتين الجامعة ولا بطلت كتاب .. أتوقع خلاص لازم من بكرة ترجعين للجامعه جواهر في بالها أي اجتهاد استغفر الله بس:صح كلامك يا عمي بس انا ماللي نفس الدراسه هالفتره وما اتحمل اروح للجامعه واشوف نظرات الشفقة من حولي أبو يوسف: الله يعينك بس الانسان احيانا لازم يدوس على قلبه ويشوف مصلحته .. ممكن يكون كلامي قاسي عليك بس هالدموع والألم مابيفيدك الشيء صار ومستحيل يتصلح أو يرجع مابيرجعه لا دموع لا ألم لا اشتياق .. فخلاص من بكره تروحين للجامعه مثل ماكنتي واحسن جواهر ايتسمت بألم : طيب ان شاء الله أبو يوسف : برافو على بنتي .. ويلا انزلي معانا تعشي جواهر حزت بخاطرها الكلمة الا مستحيل راح تسمعها من امها وابوها مرة ثانيه : تسلم بس مانا جوعانة أبو يوسف:لا تصيرين ليي مثل مشعل كله ماتتعشون جواهر في بالها اف لا تقارنني بهالسخيف:لا شدعوة بس من جد شبعانة أبو يوسف:على راحتك هالمرة بس .. بس مره ثانيه مافي أي عذر مقبول جواهر : ابشر على العشاء ساره :يبه وين جواهر ليش مانزلت معك ؟ أبو يوسف: تقول شبعانة مشعل في باله تتهرب من شوفتي هاااه يوسف في باله حرام أكيد مالها نفس ساااره بإنفعال:ايييييش!.. لا مو على كيفها لازم تاكل ووقفت بتروح لها أبو يوسف: ساره اجلسي وخلي البنت براحتها .. وعدتني انها مرة ثانيه راح تنزل أم يوسف: عذريها البنت مو متعودة .. يبيلها فترة لحد ماتتعود يوسف: إذا كانت ماتاخذ راحتها بسببنا عادي أنا ومشعل ناكل في غرفة الطعام الثانيه مشعل : يااسلاام .. ليش سوواااقين أبو يوسف: مشعععللل تأدب واحترم اخوك مشعل انقهر أبو يوسف: ويوسف لا انا ابيها تتعود هي مو يوم يومين بتعيش معنا خلاص هي بحسبت بنتي وانتو بحسبت اخوانها التفت لساره : ساره بنت عمك بكره راح تروح معك الجامعه ساره بفرح : والله!! وأخيرا رجع لها ضميرها الدراسي وراح ترجع الجامعه يوسف : هي في نفس تخصصك صح ؟ ساره : يب يب علم نفس مشعل : قصدك علم مجانين ساره : اووووف مشعل لا تستهزأ بتخصصي مشعل : أنا ايش قلت انا قلت الحقيقة مو انت بعدين راح تعالجي مجانين ساره : اييييييه زين عشان اعالجك مشعل انقهر : كليييييي تبن لا تحقلين لك كف يلف وجهك لف أبو يوسف بصراخ : مشععلللللل !! بلا قلة أدب! اسم أنا موجود معاكم تشاجرون قدامي! مشعل انسدت نفسه وقام : الحمدلله أم يوسف: مشعل اجلس كمل عشاك أبو يوسف: ايه رووح اصعد دارك هاذي حركاتك كل مره اقولك الحق تزعل مثل المراهق وتروح تحبس نفسك في غرفتك .. ليييش وييين الرجولة .. انت بنت!!... الرجال الا يتناقش مو يهرب من النقاااش مثلك مشعل جرحه كلام أبوه ..ليش ماتكلم لساره وانا شرشحني .. ليش يعاملني كأني مو ولده .. ليش مايعمالني كأب حتى زوج الأم يعامل ولد زوجته أفضل من معاملة أبوي لي أم يوسف: أبو يوسف مو حالة هاذي كل مايجلس الولد ياكل معانا تصارخ عليه ومايكمل أكله أبو يوسف: قوليله هالكلام ليش هو مايحترمني أم يوسف: في اييش مايحترمك يا أبو يوسف؟! أبو يوسف: يقول لأخته هالكلام قداااامي ..أول مرة أشوف ولد يقول لأخته هالكلام قدام ابوه أم يوسف: هو وأخته يتصرفوا ... كل الأخوة كذا كله شجار وبس .. ماهو بالشيء الجديد.. بس انت طول بالك عليه شوي .. حرام يكسر بخاطري انقهر ابو يوسف لأن زوجته مو قادرة تفهمه وقلبها حنون على مشعل وهذا الا بيضيعه مثل وجهة نظره يوسف: الحمدلله أبو يوسف: وين ؟! ماكملت أكلك!؟ يوسف: يبه ليش ماقلت لمشعل هالكلام لما قام ليه ما سالته هالسؤال ؟! أبو يوسف ماعرف ايش يجاوب:......... يوسف: بصعد أشوف مشعل ------- طق طق طق مشعل : مااالي خلق أحد يوسف:مشعل انا يوسف افتح لي الباب مشعل : قلت لك مااالي خلق احد وانت اخر واحد افكر فيك كحالة استثناء يوسف: لا تزعل مشعل من كلام أبوي ترا مايقصد هذا كله بسبب لحظة غضب فتح مشعل الباب وبقهر :ايييش لحظة غضب!!... طيب وكل المرات الا شرشحني فيها بعد كانت لحظة غضب ؟! طيب مافكرت ليش ماكانت عنده لحظة غضب على ساااره ؟!.... لييش أنا يعاملني غير عنكم !!! يوسف سكت ماعرف وش يرد كلام مشعل صحيح مشعل : هاه شفت ..سكت لان كلامك مو منطقي يوسف بحنية: مشعل اكيد ابوي مايفرق بينا .. بس انت بعد الله يهديك حركاتك جاعلة أبوي مايثق فيك مشعل : اللحين صار انا الغلط عليي؟!!!!.. أقول يوسف انت دلوع البابا والكل يعرف هذا الشيء .. انت الملاك البريء المسالم المطيع الا يعرف يتصرف ودائما يسوي الشيء الصح ... يوسف عوج فمه وتنهد مشعل بإستهزاء : شفيييك؟! زعلت ؟! اذا بتبككي موجود حضن البابا تحت .. والا ماتعرف تنزل لوحدك ؟ يوسف انقهر ومسك مشعل من طرف قميصه : ممممشششعللل قلت لك ألف مرة لا تتعامل معي بهالطريقة ... مو ذنبي اذا ابوي يفرق بينا مشعل يشيل يد يوسف عنه وبعصبيه: ايييييش الا مو ذنبك ؟! مو أنت الا رحت قلت لأبوي إن أنا أغازل وأكلم بنااات !!!! يوسف سكت مايبي يكبر المشكله مشعل : انقلع بس وجهك يجيب لي الغثى وسكر الباب على وجه يوسف يوسف في باله : شفت يايبه تفرقتك العنصرية بيني وبين مشعل كيف خلت علاقتنا تصير ؟! الله يسامحك ......في اليوم الثاني الصباح سارة تطق على باب جواهر بقووه : جوااااااااااااااهر وجع ان شاء الله ..ماتصحييييييين! جواهر:امممممممم ساره:قووووووووومي ورانااا جامعة جواهر: اها اممم ساره:وووووجع افتحين الباااب لييي جواهر فتحت الباب وحالتها لله وباين عليها النوم, وبدون نفس :خيييير شتبي؟ ساره تطالع جواهر بإزدراء: ايش خير انت مع شعرك الا كأنك ملك الغابة تأخرنااا على الجااامعة يالمهملة وراانا محااضرة !!! جواهر وهي تسكر الباب:خليت المحاضرة لك ورجعت للسريرها ..دخلت ساره الغرفة طفت المكيف وفتحت الستاارة جواهر غطت روحها بالبطانية بانزعااج ساره:انت هييييي قومي ... صراحة الا يصحيك يرتفع ضغطه جواهر طلعت راسها من تحت البطانية: قلت لك تصحيني ؟ لا ! يلا ظفي وجهك وانقلعي من غرفتي سااره سحبت البطانية من جواهر ورمتها على الأرض وفتحت خزانة جواهر وطلعت لها ملابس يلا قومي خلصيني جواهر قامت من على سريرها : اففففففف ليش تصحيني كذا كأنك بزر ساره : انت ليش بالموت تصحيين كأنك بزر مايبي يروح الحضانة جواهر رمت على ساره المخدة : انقلعي يلا ابي البس ساره وكأنها تشجع وهي تطلع من الغرفة : وانتصر الحق وزهق الباطل .. وانتصر الحق وزهق الباطل جواهر ضحكت على بنت عمها لفت للملابس الا جهزتها لها سارة بلعت ريقها بقوة :اللبس أخضر! كيف ما ألبس أسود؟! , جلست تفكر بينها وبين نفسها لمدة تلبس لون لو تضل على الأسود ناظرت نفسها بالمرايه وجهها شاحب من كثر الحزن ..: خلاص , أنا لازم ألبس شيء غير الأسود .. كذا يمكن أطلع نفسي من جو الحزن ..لبست القميص الا جهزته لها سارة كان لونه أخضر غامق مكمم شيفون وأزراره ذهبية ولبست عليه من تحت بدي لونه مثل لون القميص وتنورة سوداء سادة .. لبست ساعة ذهبية ناعمة وأنيقة من ديور .. ناظرت الحلق : لاعااد مو لهدرجة ماراح ألبسه .. ربطت شعرها ذيل حصان مرفوع وحطت لها فيونكة متوسطة الحجم خضراء تناسب شعرها البني الفاتح المتوسط الطول .. رشت عطرها بربري سبورت المفضل عندها أخذت شنطتها السوداء من برادا وحملت كتبها بيدها ولبست عباتها وخرجت من غرفتها أول مافتحت الباب شافت يوسف يوسف بإبتسامة : صباح الورد .. أخبارك جواهر ابتسمت : صباح الجوري .. بخير دامكم بخير يوسف : يوم موفق ان شاء الله .. اهتمي بدراستك ما أوصيك جواهر : أكييد لا توصي حرريص (في بالها: أي حرص شكثر أنا كذابه) يوسف : أنا بس كنت بروح لغرفتي وإنت فتحتي الباب عيب ما اصبح عليك جواهر : لاعادي يوسف : ساره تنتظرك تحت جواهر ابتسمت : اوك مع السلامه يوسف : مع السلامة وهي تنزل من الدرج الا كان على شكل لولبي وفخم ..كان مستعجل ومو منتبه لها ويبي ينزل طاااخ .. طاحت جواهر مع كتبها , وهي معصبة : اففففففف عمى! مشعل يلف لها : إنت ماتعرفين تبعدين!!! جواهر قامت تلم كتبها وهي معصبة : اللحين صار الغلط علي! .. انت ماتشوف ان كائن حي يمشي قدامك! مشعل طنشها ومشى جواهر وقفت :هييييييييييييييي أكلمك !!! مشعل التفت لها :ايش هييييي!! انا اسمي مشعل! قوليها مرة ثانية واعوج لك لسانك ! جواهر بعناد : خوفتني ! في شيء اسمه اذا غلطت تقدر تقول آسف بعدها تمشي مشعل قرب لجواهر ومسك ذقنها وهو معصب أول مرة وحدة تعانده كذا : ايه وبخليك تموتين من الخوف اذا ماتأدبتي معي , ثانيا انا مستحيل أقول لمخلوق آسف .. وإذ سمع صوت خطوات أحد ينزل من الدرج ترك جواهر بسرعة وبعد :السلام عليكم جواهر وهي منقهرة من حركة مشعل : وعليكم السلام عمي مشعل : وعليكم السلام أبو يوسف يلتفت لجواهر وبحنان : صباح الورد جواهر .. تأخرتي على الجامعة يلا بسرعة اطلعي اكيد ساره اللحين تنتظر على أعصابها جواهر تناظر مشعل بطرف عين : ان شاء الله عمي اللحين أبو يوسف يلتفت لمشعل وتغير وجهه 180 درجة عن لما كان يكلم جواهر : وانت ايش فيك مرتز هنا يلا بسرعة روح للجامعه مشعل وهو يرص على أسنانه : ان شاء الله صار مشعل وجواهر يمشون في نفس الطريق متوجهين للباب الرئيسي مشعل بصوت واطي : هييين ! فتحوا الباب وجواهر متوجهة للسيارة الا فيها سارة : أعلى مابخيلك أركبه! وقف منصدم شهالبنت الجريئة الا ماتخاف .. انقهر ومشى لسيارته في السيارة ساره وهي معصبة : افففففف كان ماجيتي أحسن! جواهر : شسوي لأخوك الغثيث طيحني وأنا أنزل من الدرج ساره : هاه ! مين مشعل؟! جواهر تناظرها بنص عين : ايه وفي شك ! إنت ماعندك أخوان الا يوسف ومشعل .. يوسف الملاك ومشعل الشيطان! ساره : حراااام عليك .. ليش الكل يقول كذا! ترا مشعل حبوب بس تصرفاته تقهر جواهر تغير السالفة : المهم ايش هي أول محاضرة عندنا ؟ ساره : ايه ضيعي السالفة .. أي أول محاضرة انت مع وجهك .. ثاني محاضرة مع تأخيرك لنا جواهر : أقول لا تسويلي المجتهدة الا تخاف تفوتها ربع محاضرة وجاوبي على سؤالي ساره : ايه أجل تفكريني مثلك! احممم مدري بصراحة جواهر بسخرية : ايه ايه هذي المجتهدة هاااه! في مكان ثاني .. متكدس بالبياض والكل فيه لابس اللون الأبيض .. كثيير وجوههم شاحبة .. وكثيير تعبهم المرض .. في المستشفى الا يشتغل فيه يوسف على المكتب وهو ساند ذقنه على يده وسرحان دخل وبيده كيس الأكل وجلس قدام يوسف : وجببببت الأكل ..حديي جوعاان يوسف :.......... الطرف الثاني مستغرب : هيييي !يوسف! يوسف : ....... الطرف الثاني يصرخ : يوووووووسف ! جبت الأكل ! يوسف ناظر الطرف الثاني بتناحة : هااه! الطرف الثاني : ايش هااه صارلي قرن وأنا أكلمك وانت في عالم ثاني! يوسف : احسها مو مرتاحة! الطرف الثاني : لا من جد انك متنح .. ترا الوضع طبيعي البنت صار لها كم يوم بس عرفتكم زائد خلها تتعود على وضعها كيتيمة عشان تتعود عليكم يوسف : يمكن الطرف الثاني وهو يفتح علبة الهمبرغر : أقول وقف تفكير ويلا بدي أكل يوسف أخذ علبته : هاه متى العزم ان شاء الله؟ الطرف الثاني : بعد أسبوع .. هااه ما غيرت رأيك ؟ يوسف : لا الله يسلمك شغير فيه .. ليش اروح اشتغل في بلد الأجانب وأنا محصل وظيفة سنعة هنا الطرف الثاني : خلك من الشغل هناك البناااااات (وصفر ) صاااااااااااااااررررررووو خ يوسف ابتسم : ههه هذا الا يهمك الطرف الثاني : يا أخي انت ايش وضعك بالضبط .. لا تغازل .. لا تكلم بنات .. اعترف انت شكلك مو يوسف شكلك يوسفية ! يوسف : هههههههههههههههه.. بلا هبل مع وجهك ايش يوسفية هذي .. لا أنا مخلص لزوجتي المستقبيلة من اللحين الطرف الثاني : آوب آوب آوب... يا أخي تتهنى فيك هالبنت , طيب غريزتك ماخلتك تغازل بنت أبد! يوسف : لا تفكر يا عبدالله إني مختلف عنكم ..بس أنا عندي قناعة تامة إن الإعجاب الحقيقي .. إنك تنعجب بشخصية الأنثى .. مو بشكلها ...بروحها مو بجسدها عبدالله مندهش من تفكير يوسف : دُرر..دُرر في مكان ثاني كله ازعاج وكتب في كل مكان .. في جامعة مشعل جواله يرن المتصل ( علياء) : افففف مالي خلقها فيصل : حراام عليك لو ادري كان أنا كلمتها تضيع عليك وحدة كذاا صاروخ مشعل بقرف: آي صاروخ مع كشتك .. بنهي العلاقة مليت منها علياء بلهفة : ألو هلا حبي .. شفيك صارلي 3 أيام أدق عليك ماترد مشعل بدون مقدمات وبدون نفس : ماليي خلقك فيصل يناظره نظرة حرام عليك أسلوب أرقى شوي مشعل ناظره بعدم اهتمام (مثل ماقلتلكم مشعل وفيصل علاقتهم قويه مره ويفهمون بعضهم بالنظرات – مثلي أنا وصديقتي هع) علياء بندهاش: ايش قلت حبيبي ؟! مشعل بدون نفس : قلتلك مالي خلقك لاعاد تتصلين علياء تبكي : ليييش ؟! سويت شيء أزعجك؟! مشعل : لحاله صوتك يجيبلي الهم .. شكلي كنت ناسي عقلي في البيت لما رقمتك علياء وهي تبكي : حررااام عليك يامشعل .. وانا اقول هذا يحبني صدق وبيخطبني! مشعل يضحك ضحكة خبث واستهزاء : ههههههههههههههههههههههههه هه ... أولا أنا ماجبت طاري هالشيء .. ثانيا أحب فيك ايش؟! شكلك الاصطناعي من فوقك لتحتك ولا صوتك المخنوق ولا ايش؟ علياء تبكي أكثر:مشعل لييييش...تلعب بمشاعري لييييش؟! أنا انسانة ليي مشاعر وقلب والله حرام عليك مشعل : أقول يلا ظفي وجهك مانا فاضي لك .. واذا ماتبي احد يلعب بمشاعرك صوني نفسك أول .. بنت غبية وسكر مشعل : بنات يحسسونك انك قلت لهم يلا جهزون أنفسكم بعد بكرة بتقدم لكم .. تنقلع بس فيصل يناظر مشعل بحزن على البنت مشعل متنرفز : شفيك؟! ميت عليها خذ رقمها كلمها وخلصني فيصل : أنا ماقلت كذا بس على الأقل راعي شعورها وانهي العلاقة بكلام طيب مشعل : لييش تبيني أنهيها بكذب مثلك؟! أنا مجبور أتزوج بنت عمي .. أنا مريض ومابي أتعبك معي .. الخ فيصل : على الأقل يكون جرحي لها مو بقوة لما أقول لها الحقيقة مشعل : يا حنون اذا انت قلبك رقيق كذا مايحتاج تكلم بنات فيصل :........ مشعل : شفيك ساكت؟! فيصل : النقاش معك عقيم في مكان ثاني كانت جواهر جالسة تنتظر ساره تجيب الكوفي وملانة حدها كانت مغمضة وحاطة السماعات في اذنها وتسمع اخر رسالة صوتية من أمها : جوااهر شفيك ماتردين!!..صارلي 10 مرات اتصل وماتردين وأنا متعودة أكلمك هالوقت .. اذا سمعتي هالرسالة ردي عليي .. وكل ماتخلص تعيد تسمعها حطت ساره الكوفي على الطاولة : والكوفي جت! جواهر على حالتها سارة سحبت سماعة من اذن جواهر وحطتها في اذنها .. جواهر استغربت من الحركة سارة عطت جواهر السماعة وبتوتر : هاذي أمك؟! جواهر وتحط السماعات في شنطتها : ايه ساره : يااربي آسفة على الحركة الخايسة الا سويتها جواهر ومالها خلق :لا عادي ساره:شفيك تضايقتي من حركتي؟! جواهر : شوي .. بس انا متضايقة بالأساس ساره : ليش؟ جواهر : نسيتي؟ كل يوم في هالوقت أمي تتصل عليي تتطمن .. (تنهدت) يالتيني رديت عليها آخر مرة اتصلت لي في الجامعة ساره :جواهر لمتى؟..خلاص لازم تحاولي تتعودي على وضعك جواهر: لاتخافي كلام ابوك يرن في بالي.. الانسان احيانا لازم يدوس على قلبه ويشوف مصلحته .. ممكن يكون كلامي قاسي عليك بس هالدموع والألم مابيفيدك الشيء صار ومستحيل يتصلح أو يرجع مابيرجعه لا دموع لا ألم لا اشتياق..(ابتسمت) بس أنا جالسة اتحسن لبست القميص الا جهزتيه لي ساره: هاه ! شفيه القميص الا يخليك تحسنت؟ جواهر : ياربي بليتني ببنت عم غبية .. لونه أخضر وأنا من بعد وفاة الله يرحمهم أبوي وأمي هذي أول مرة البس فيها لون غير الأسود ساره : اوه اوه تطور .. استغفر الله نسيت السالفة وطلعت لك قميص أخضر .. بس أحسن ماقلت لي .. شرايك بلبسي ؟! جواهر : يفشل ساره كانت لابسة بلوزة عليها صورة نمر وتنورة سوداء وحاطة لها كحل اسود داخلي وراسمة لها كحلة القطة خارجية الي بارزة عيونها الزرقاء الحادة .. وحاطة لها روج عنابي .. ومخلية شعرها الأسود القصير مفتوح .. ساره :آفااااااااا .. أنا ماتعجبك كشختي؟ جواهر:ايه أولا انا ما احب لبس الطلعة يكون عليه حيوانات ..ثانيا ايش هالميك آب كأنك رايحة عرس ساره : هه قالت حيوان قالت هذا نمر الموضة شعرفك انت بس ..ثانيا أنا أحب الميك آب وهذا الا يناسب لبسي ..وأحط الا ابيه مالك دخل جواهر : اكليني بعد . والله محد قالت تطلبين رايي ساره : فيه شي اسمه مجاملة يا أختي جواهر : ما أحب أجامل ساره:مالت عليك وعلى الا ياخذ رايك .. انا الغلطانة الي اطلب رايك الظهر , في بيت ثاني ... تحديدا عند غرفة بنوتية تجنن طق طق طق : ياااااحيوااااانة خلصيني افتحي الباب بصوت هادئ وبلا مبالاة وهي تسرح شعرها عند المرآية:طيب طيب :يلاااااا خلصيني بموت من الحر ... اففف قسما بالله مشاركة الغرفة معك مذلة ..: ياربييي شكثر انك مزعجة فتحت لها الباب بزي المدرسة واقفة تنتظر حاملة عباتها بيدها وشنطتها على كتف واحد بس, رافعة شعرها الأسود كعكة الي اختربت من الحر ... وعينها السوداء النمرية تناظر اختها بتمعن وبهدوء وبدون تعابير :تصدقين وتأمني بالله انك حيوانة ؟!..أجل لاطعتني ساعة برا اموت حر وانا راجعة من الدوام ومالي خلق وانت اصلا جالسة تسرحين شعرك وانا افكرك تلبسين ... (بصراخ) انت مستحيل من البشر .. وتضرب اختها بشنطتها بألم ودلع : آييييييي ... يا فادي اهدئ شوي .. انت وقتك غلط ماتجي الا وانا اسرح شعري ردت بقهر : اسمييي فاااااتن ... اسمي ايش فااااتن ! بس ايش افهم في حيوانة مثلك دخلت الغرفة ورمت شنطتها على الأرض ورمت نفسها على سرير اختها وهي تسحب في فاتن : ويييييييع قومي من سرير .. كلك عررق فااتن وهي مغمضة : مستحيييييل .. هذا عقابك عشان مرة ثانية تطنشيني .. وتموتيني حر فوق الحر الا عشته مع هالسايق الغبي الا مدري متى بيصلح مكيفه : افففففففف يلا تكفين قومي لاتقرفيني فاتن : مين عمتك ؟ :هاه! فاتن : قولي انت وبقوم ! الطرف الثاني بإزدراء : تحلمييين! فاتن : أجل بنام على سريرك الطرف الثاني : زين انت ! فاتن : لا لا ... قولي انت عمتي : أنا جميلة أقول لفاتن الا أصغر مني عمتي ! لا! فاتن تتحرك على السرير بقوة وتطيح مخاده جميلة بقهر : اوووه طيب طيب انت عمتي مع وجهك فاتن : اسلوووووووب جميلة بتنهد وهي تضغط على اسنانها : انت عمتي! فاتن قامت من على سرير جميلة وجلست على سريرها: أي كذا شطووورة جميلة:انقلعي خذي لك شاور بس الله يقرفك فاتن : أول اجلسي بكلمك بموضوع جميلة بحماس تجلس على سريرها وتقابل فاتن : أحد تقدم لي ؟! فاتن تناظر جميلة بنظرة ياللا السخافة : تصدقين انك مفجوعة على الزواج ؟.. افف متى تزوجين وتفكينا وتصير عندي غرفة لوحدي جميلة متحطمة : أجل ايش هو موضوعك؟ فاتن : جواهر بنت عمك جميلة : شفيها؟ فاتن : ماجاكِ فضول تشوفينها ! جميلة : إمبلا .. واصلا مستغربة ليش عمي عبد الرحمن ماعزمنا عشان نتعرف عليها فاتن : نفس سؤالي .. شرايك اتصل على سارة اخليها تعزمنا؟! جميلة : أي عزومة مع وجهك اذا انت الي بتقولين لها تعزمنا فاتن : الزبدة بتصل لها (جميلة ناصر .. عمرها 23 سنة تدرس تصميم داخلي .. بنت أخت عبد الرحمن .. شعرها بني طويل وعيونها واسعة بنية .. اسم على مسمى .. دلوعة وبنوتية) (فاتن .. عمرها 18 سنة في ثالث ثانوي .. أخت جميلة .. شعرها أسود فحمي طويل وحرير وعيونها نمرية سوداء .. مشكلجية وعصبية وحركاتها مثل حركات الأولاد ) في السيارة رجعتهم للبيت جوال سارة يدق جواهر تناظر شاشة جوال سارة : فادي!! مين هذا!؟ ساره : هههههه اللحين تعرفين (وخلته سبيكر) ساره : اهلا والله بفدووووي زينة الشباب فاتن : اقول سكتي لا افجر مخك جواهر مفجوعة كيف فادي وصوته باين عليه بنت بس اسلوبه شبابي ساره : ههههه طيب شوي شوي .. شفيه الغلا راضي علينا ومتصل؟ فاتن : انت حيوانة؟..أنا الشره عليي الي اخلص رصيدي عليك ساره : ههههههههههههههههههههه لا وين وين .. افا لا تزعلين امزح معاك فاتن : مزحك ثقيل ساره : ههههه طيب آسفة .. ايش تبين ؟ فاتن : اممم ابي اكلمك عن جواهر جواهر : ايييييييش ؟ سارة : اصصصصصص فاتن : ساره ؟ حاطتني سبيكر؟! ساره بصوت واطي لجواهر :بقتلك ساره : احمممممم فاتن : ومعك جواهر؟ ساره بنبرة خوف:ايييه فاتن : ياااااا.... طلعتي الفضايح مع وجهك ساره : هههههههههههههه عادي تراها في النهاية بنت عمك فاتن : على طاري انها بنت عمي كيف ماتعزمينا نجلس معها نشوفها نتكلم معها ساره : ههههههههههه حشى بتخطبونها مو بتتعرفون عليها فاتن : بلا سفاهة ويوم الخميس على اذان المغرب بنكون عندك ما أوصيك جهزي الأكل سارة : هي هي هي انت .. متى بتتركين هالحركة انك تعزمين نفسك؟ فاتن:لحظة .. هذا بيت عمي لو عمك ؟ بيت عمي !, خلاص أجل مالك دخل وسكرت ساره : بنت عمك هاذي ثقيلة دم جواهر:ههههههههه تهبل عبيطة ساره : بصراحة ايه مع انها عصبية بس تخليك غصبا عنك تضحكين جواهر : بس ليش تسميها فادي؟ ساره:هههههههه مو أنا الا أطلقت عليها هاللقب رانيا الا سمتها كذا ... بس على العموم لقبتها كذا عشانها تتصرف مثل الأولاد كشخصية بس جواهر : مين رانيا ؟ ساره : رانيا بنت عمي وعمها هاذي تطلق ألقاب على الكل الله يستر ايش بيكون لقبك هههه جواهر: ههههه شكلكم فلة اتحمست اشوفهم ساره : ايييه اذا تجلسين معنا بتنبسطيييين .. لاتخافي يوم الخميس هذا بتشوفيهم عند باب بيتنا جواهر : هههههه المشكلة ما اعرف احد غيرك ساره : عادي عادي راح تتعرفين عليهم بسرعة من كثر انك راح تشوفينهم قبال وجهك كثييير جواهر : هههههههه تحمست خلص البااارت أتمنى عجبكم هالله هالله بالردود السنعة ^___^ | |||||||||
|
| |
|
09-10-14, 01:17 PM
| #6 | |||||||||
| نجم روايتي ومشرفة سابقة وفراشة متالقة بعالم الازياء
| البارت الرابع دخلت الحمام تاخذ لها شاور يبرد عليها بعد أول يوم دوام من وفاة أبوها وأمها .. وجالسة تفكر بينها وبين نفسها : ياربي هاذي أول مرة راح احس ان عندي أهل .. عندي بنات عم .. طيب يمكن يستحقروني ! .. لا لا ايش هالفكرة لو يستحقروني كان ما اتصلت آ آ .. ايش اسمها ؟! .. ايه ايه فاتن .. ياربي اللحين مع معاناة حفظ الأسماء ..زهايمر استغفر الله لا اتفشل معهم بس واتخربط بأسمائهم أو أجيب لهم أسماء من راسي طقت باب غرفة جواهر .. مرة .. مرتين .. ثلاث ... ماترد ساره : اففففف جواهر لا تحقرين ماسمعت رد ساره بصوت عالي : بفتح البااااب دخلت ماشافت جواهر في الغرفة ساره : وين انقلعت هاذي ؟! انتبهت لنور الحمام توجهت له وطقت طق قوي جواهر انفجعت : بسم الله .. شصاير هجوم الحرب العالمية الثالثة!؟!! ساره : يلاااا الغذاء قريييب راح يجهز جواهر : طيب طيب ساره : عجللييي لا تطولين جواهر : اوك ساره : مو تفقعين مرارتي ماتنزلين! جواهر : اووووووووه ترا هذا بيت الراحة مو بيت الازعاج .. وانقلعي خلاص خليني أكمل الشاور براحتي ساره : ان جهزوا السفرة وانت بعدك ماتنزلين ... (توهقت)راح .. راح .. راح أكسر عليك الباب جواهر:لا ما أقدر على ذا هولك أنا .. طيب خلاص يمديني أجهز لين تحطون السفره لاتخافين ادري عنك ماتقدرين تحطين في فمك لقمة وانا العسل مو قدامك .. يلا انقلعي خليني اغسل شعري ساره: ذا هولك زوجك .. هههاي من مكذب عليك وقالك هالكلام .. ويلا نظفي قبيلة القمل الا براسك ومشت قبل لا تسمع رد جواهر وطلعت من غرفتها (تحت) ام يوسف : وين بنت عمك ساره؟ ساره:تنظف قبيلة القمل الا براسها ام يوسف:هاه؟! ساره : قصدي تاخذ لها شاور شوي وبتخلص أم يوسف: وانتِ ما تجوزين عن هالكلام مع بنت عمك ساره : والله هي تلعب بأعصابي وتقهرني .. أجل ترضينها انا ذا هولك؟!! مشعل انفجر ضحك : هههههههههههههههه أول مرة تقول بنت عمك شي صحيح أم يوسف: ايش ذا ذا هولك ؟ مشعل يضحك : خالد حرااام عليك ماتعرف اسم بنتك .. الرجل الأخضر ههههههه أم يوسف معصبة : مشيييعل .. تأدب ايش خالد مع وجهك .. والله صدق أبوكم الواحد مايعطيكم وجه أجل تحرفون اسمي من خلود لخالد ... ويلا تأدب انت وبنت عمك شنو بنتي الرجل الأخضر .. مو مالية عيونكم كل هالأنوثة ساره مندهشة : آوب أوب أوب .. شصاير راضية علينا الغالية .. ان شاء الله دوم مو يوم مشعل : خالد اعترفي ..ايش سوت سوير عشانك تدافعين عنها ؟!! ساره : اووووف مشعل لاتناديني بهالأسم ينرفزني مشعل: مو لازم يعجبك أم يوسف : اففف لا تبدوا هواش ... لا بس اذا ساره الرجل الأخضر وهي بنتي أكيد أنا المرأه الخضراء مشعل : ههههههههههههههههههههههه يعني مو دفاعا عن سوير دفاعا عن نفسك ههه! ساره تفجرت جبهتها : أفا ... كذا؟ تخلين العواذل يشمتون فيني ؟! أم يوسف : الله يهديكم بس .. ربي بلاني بطقم مستشفى مجانين عندي .. قومي بس الله يهديك قومي اصعدي شوفي بنت عمك ساره تتصنع الحزن والألم : مابنكسر صابر لو فرصتي تمضي .. والحظ لو عاثر بصنع أنا حظي مشعل : نشااااااااز .. تكسرين بخاطري كيف عندك أخ عنده حنجرة ذهبية مثلي (ويأشر على حنجرته) وانت صوتك يطلع من أنفك هالأفطس ساره انقهرت : افففففف روح عني يا مغرور .. مشت عنهم شوي ولفت له : انت انفك انف بينلوبي! طق طق طق طق جواهر : اففففففف وجع خلاص قريب وأخلص ساره وهي منقهرة : ولد عمك ذا يبغاله شنق حتى الموت جواهر : ههههههههه ليش شسوى لك ؟! .. تكفين فكينا منه واذا تبين مساعدة حاضرين ساره : يقول عني ايه ذا هولك وانفي أفطس (وتمسك انفها تتحسسه) جواهر انفجرت ضحك : ههههههههههههههههههههههههه هههههههههههههه لا ماصدق أول مرة ولد عمك يقول شيء صحيح في حياته ساره : ياااا سبحان الله .. نفس كلامه عنك جواهر سكتت شوي : مالت عليه ساره : المهم ماعلينا اذا خلصتي انزلي اوك؟ جواهر : اوك عشان انفك الأفطس الحلو بس ساره بقهر : اووووووه جواهر : ههههههههههههههههههههههههه هههه ساره طلعت من الغرفه مشعل يناظر ساره وهي تنزل من الدرج : وينها الأميرة ديانا مو معك؟ ساره : تاخذ لها شاور مشعل :لا هذا مو شاور تتاجر بمخدرات هاذي .. شوي وبيجهز الغذاء صوت الباب الرئيسي ينفتح دخل وهو لابس الابكوت والمفاتيح وجواله بيده .. نزل النظارة الشمسية من عيونه وبابسامته الي ترد الروح كالمعتاد : السلام .. شصاير عندكم ؟ ساره : ياهلا ومسهلا بدكتوري .. بطيب جروحي .. ببلسم روحي مشعل بدون تعابير : صاروا يقولون فيك اشعار بعد ابتسم وفسخ نظارته وعلقها في جيب الابكوت : ياهلا بأحلى أخت في الدنيا .. يا هلا بشمعة البيت .. ياهلا باللي في قلبي حطيت .. ياهلا بلي في كل ثانيه لها أنا حنيت ساره :يااااااربي احم احم .. مو بعدين تتزوج وتقول هالكلام لزوجتك وانا تطنشني يوسف : لا شدعوة.. انتِ لك كلام وهي لها كلام .. ما ازعل الحلوين أنا مشعل بإستهزاء : ههه هيــهــات ساره تسوي لمشعل مالت : تعلم مالت عليك ماغير تهاوشني في الرايحة والجاية على الي يسوى والي مايسوى مشعل : ظفي وجهك بس .. اخر زمن ادلع بزر ساره :بزر مخك ترا الفرق بيني وبينك سنتين بس يوسف يقاطعهم لانه يدري لو ينتظر لبكره الصبح ماراح يخلصون هواش: وينها جواهر؟ ساره ومشعل في نفس الوقت ساره : تنظف قبيلة القمل الا في راسها مشعل : تتاجر بمخدرات يوسف وهو يناظرهم وهو مستغرب ويضحك : هههههههه شفيكم على البنت؟! تهجمون عليها مشعل : صار لها سنة ضوئية في الحمام وشوي والغذاء يجهز .. وأبوي ماراح يكون معنا على الغذاء ومايبيها تستغل هالشيء وماتنزل تتغذاء معنا --- -- تناظر نفسها في المرآيه .. وقطرات الماي تمشي على جسمها .. شعرها البني المتوسط الطول المبلل ..وعيونها الواسعة الخضراء حولها رموشها المبلله .. خدودها الا صارت وردية من بعد الشاور الا اخذته .. كانت لابسة روب وردي سادة نص كم .. ويوصل لنص الفخذ .. أخذت المنشفة الي على كتفها وجلست تنشف شعرها طق طق طق طق طق رمت المنشفة على الكرسي بقهر .. ساره عجولة ماتصبر .. طول اليوم وهي بس تطق في هالباب توجهت للباب وفتحته : اووووووووف خيييييير شصاير فجرتي راسي وانت تطـ............ فــهـــت .. تصنمت في مكانها ... الدم تجمد في عروقها .. وقلبها تخربطت دقاته صارت تحس بنبضها في راسها .. انقلبت أرضها سماها وسماها أرضها تجمد .. ماتحرك .. تنح على شكلها الكيوت .. حاول يشيل عينه عن هالملاك الا قدامه بس ماقدر .. نبضات قلبه صارت ترقص سامري .. ماعرف كيف يتصرف .. بس اكتفى انه يناظرها سكرت الباب بقوة بعد الفهاوة الا صابتها وسندت ظهرها على باب غرفتها وهي تحاول تلفظ أنفاسها من الخجل سند جبهته على باب غرفتها وطق بهدوء على بابها : جواهر جواهر :............................ : جواهر أنا آسف .. كان المفروض انزل عيني .. آسف لا تزعلين .. بس كنت أبي أقولك ان الغذاء جاهز انتظر شوي ماسمع رد فـ مشى سمعت صوت خطواته تبعد .. تنهدت وعدلت وقفتها : اففففففف والله انا غبية كيف افتح الباب بدون ما أسأل من .. ياربي كسر بخاطري تأسف وانا الي غلطت مو هو .. وهو يتجه للطاولة الطعام وباله في عالم ثاني تفحصه مشعل بنظره حاده شفيه ذا منقلبة علومه جلس على الكرسي : اللحين بتنزل مشعل : شفيك متنح ؟ يوسف رفع راسه لمشعل : هااه ؟ مين أنا ؟ .. لا أبد مشعل رفع حاجبه وبعدم تصديق : وااضح نزلت وهي متفشللللللللة بقوة من الي صار .. بس لازم تنزل مجبر أخاك لا بطل بصوت كله خجل : السلام الكل : وعليكم السلام أم يوسف : تفضلي ان شاء الله يعجبك الأكل ونعيما بتوتر : ايه اكيد الله ينعم عليك تدور لها مكان تجلس فيه مستحيل .. مافيه الا ان تجلس في مكان عمها .. او تجلس جنب يوسف مشعل لاحظ توتر جواهر .. قام من مكانه .. ومر عليها وبصوت واطي : اجلسي مكاني .. لا تذوبين !! اشتعلت قهر وخجل في نفس الوقت .. بس حمدت ربها ان مشعل لأول مره .. يتنازل لها وتجلس مكانه جلس جنب يوسف وهو يبتسم ابتسامه خبث لا مفر كنت بجلس جنبه اللحين صرت قباله .. بس يلا اهون يوسف يحاول مايناظرها .. يخاف يحسسها بخجل وماتاكل او تقوم مسكت الملعقة وهي ترتجف .. تحس فيه نظرات تراقبها .. لمت شجاعتها ورفعت راسها تشوف مين يناظرها .. وجهت نظرها ليوسف بس مو هو الي يناظرها ..... مشعل! شيبي ذا ليش يبتسم هالابتسامة الخايسة !! ابتسمت له بدون نفس وبابتسامه سخرية انقهر منها ومد رجله بأطول قدر يمكن وداس على رجلها كتمت الصرخة وبالغلط بردة فعل من حركة مشعل لا اراديا ضربت رجل يوسف يوسف استغرب ناظرها ناظرته بتوتر وخوف وخجل ..وعلطول نزلت عينها ..وجلست تتأمل في الأكل ناظر مشعل .. كان يبتسم بخبث وانتصار بصوت واطي : شصاير؟ مشعل ومازاح ناظره عن جواهر وابتسامه الخبث ما انمسحت : شصار فوق؟ يوسف بنرفزة: ايش قصدك؟ مشعل لف وجهه لجهة يوسف: قصدي واضح .. انت من نزلت وانت في مكان وبالك في مكان ثاني .. وجواهر حالتها صعبة متوترة يوسف طنشه وقام : الحمدلله ام يوسف : وين ؟ ما خلصت نص صحنك؟! مشعل بإستهزاء : اكيد تفكيره مو بالأكل اللحين .. (وهو يرص على اسنانه بخبث فوق المعدل) تفكيره بشي ثانيييييي جواهر ناظرته بإستغراب .. ايش يحس فيه هالنذل يوسف تنهد وطنش كلامه : لا بس شبعت .. وأبي اصعد اريح شوي مشعل : ريح ريح .. بس حاول ماتفكر كثييير بعدين ماتنام (وناظر جواهر ) يوسف يتظاهر بالبرود وهو داخله بركان بينفجر اذا ما صعد اللحين طنش كلامه ومشى بسرعة للدرج وصعد مشعل اخذ كاس العصير وجلس يشرب فيه .. توجهت نظراته لا اراديا لنظرات جواهر الليزر له.. وهو يشرب ..غمز لها كانت ملانة حدها لابسة بجامتها الكت سبورت لونها أزرق وشعرها الأسود الطويل الحرير مفتوح و متناثر على المخدة وكتابها الكيمياء مرمي على حضنها زينة .. مالها خلق تذاكر وبكرة اختبارها .. أول مافتحت أختها الباب فاتن : ميثان ايثان بروبان بيوتان بنتان هكسان هبتان اوكتان نونان ديكان جميلة مفجوعة : ايش تحضير الجن هذا الا تذاكريه !! فاتن : هه تراك درستيه لما كنتِ في ثالث جميلة فتحت خزانة ملابسها : اممممم ماذكر فاتن عدلت جلستها : ايه ومو انتي تذاكرين بس حق الاختبار بعدها تطلعينه من مخك جميلة : آها وبعدين شبستفيد منه اذا بقيت أذكره ؟ .. وحتى انتِ تذاكرين للورقة بس فاتن : انقلعي زين .. مع استاذتنا البايخة .. (وتقلدها بصوت مخنوق) : يا بنات لازم تدرسون زين انا مستحيييييل مستحيييل مستحيييل اعادل درجات الطالبة الشاطرة بالكسلانة .. أنا أبدا أبدا ما اسوي كذا .. طبعا لازم مع طالق المستحيل الثلاثية تبعها جميلة : ههههههههههه حرام عليكِ طول اليوم وانتِ تحشين فيها ضاعت كل حسناتك عليها فاتن : شسوي قاهرتني .. أنا كفاية أكره الكيمياء وذي العفن بعد كرهتني فيه أكثر جميلة وهي مطلعة فستان أحمر قصير لفوق الركبة ومنفوخ من عند جهة الكتف وعند الخصر حزام ذهبي : يلا هانت بقى عليكِ هالتيرم بس وتخلصين مدرسة وهم الثانوي ... هاه شرايك ألبس هذا الفستان يوم الخميس؟ فاتن تأشر بصبعها انه اوك : يب حلو ... أول مرة يصير ذوقك حِلو جميلة تحرك شعرها : بالعكس أنا دايم ذوقي حلو .. وإنتِ ايش راح تلبسين ؟ فاتن : ولا شيء جميلة فاتحة عيونها على آخرها : بتروحين بدون ملابس؟!!! فاتن رمتها بالمخدة : اتقي الله انتِ مع وجهك .. يا غبية أقصد ولا شيء في بالي جميلة : هههههههههههه .. لا تسوين لنا الداعية الى الإسلام .. وفكري ايش راح تلبسين ترا بكره الخميس فاتن : مو شيء مهم أنا الي يناظر وجهي تعمى عينه عن ملابسي جميلة : لا إله الا الله .. أضواء نيون هوه فاتن : نيون هو عنصر من مجموعة الغازات النبيلة ويرمز له بـ Ne يستخدم في اللوحات الإعلانية وأنابيب المصابيح جميلة وهي تسوي حركة الحمدلله والشكر : الحمدلله والشكر لك يارب على نعمة العقل .. خلاص ضمنت لك الدرجة الكاملة يا دافورة . (" في مكان ثاني ") طلعت فستان دانتيل أبيض قصير لتحت الركبة مكمم وعند الخصر حزام جلد بني ..:شرايك ؟ ناظرته بتفحص : لا ... ما يناسب أول مرة تشوفك بهذا الفستان .. ثانيا لبستيه قبل آخر جمعة مع البنات ببراءة : طيييب .. شرايك بذا؟حلو صح ؟ كان فستان قصير لفوق الركبة لونه موف ويتدرج من فوق غامق لين شوي شوي يفتح وفي النهاية يكون أبيض .. ستايله مثل القميص الطويل .. مكمم وفيه حزام أسود عند الخصر ناظرتها بنص عين : ايش هالفستان البايخ ؟! أول مرة أشوفه .. متى اشتريتيه ؟ .. حده يفشل .. مدري متى راح تعرفين تشترين ملابس مثل الخلق ببراءة : اشتريته مع فاتن الخميس الماضي .. بالعكس حلو ناظرتها بنص عين وبملل: انتِ وفاتن كل وحدة تقول الزود عندي في الذوق المخيس... بايخ مو حلو .. نيكست : حرااام عليكِ مو عشان اذواقتنا تختلف عن ذوقك صار ذوقنا مخيس .. بعدين لولا اختلاف الأذواق لبارت السلع تنهدت : أقول ملاك خلصيني بلا أحكام وأمثال و رويني الباقي ملاك : شرايك بهذا ؟ اكيد بيعجبك .. حده جنااااان كان فستان أحمر منفوش لفوق الركبة وفي الظهر فتحة على شكل قلب بإعجاب : وااااااااو مررره كووول يهبل .. لازم اشتري مثله ملاك بفرح: جِد ؟! خلاص ألبسه ؟! واخيراً عحبك ذوقي ناظرتها بطرف عين : لااا .. مو حلو حق بزران وقامت فتحت خزانة أختها وطلعت فستان دانتيل بينك منفوش بنص كم حيران (يمكن كذا اسمه الزبدة الا يكون مثل الي طايح على الكتف) وفيه جهة الخصر حزام فضي عطتها اياه : البسي هذا ملاك : اووووك .. وانت ايش الي بتلبسينه ؟ فتحت الخزانة وطلعت تنورة حمراء لفوق الركبة كلها ورود مو مطبوعة لا تقدرين تتحسسينها –الشرح منتهي- وقميص أبيض كت شيفون وتحته بدي أبيض : هذا الي بلبسه ملاك : ههههههه تحسين أحنا متحمسين بزيادة ؟ : هههههه ايه حسيت .. من يلومنا طفشت من مقابل وجوه بنات عمك الغبااار .. ابيي تغيير ..وطلعت لنا بنت عم جديدة .. وبنفس اعمارنا ههههه ملاك : من جد هههههه : اقول اتركي عنك هاللعب وروحي ذاكري لك كم كلمة في هالكيمياء يمكن تفلحين ملاك بملل: افففففف والله مالي خلقه .. أحد يحط اختبار يوم الخميس؟! شوق حبيبتي انتِ .. اختي القمر انتِ .. حلي لي واجب الانجلش .. وانا اذاكر كيمياء عشان اخلص بكير ونشاهد فلم .. ها ؟ شوق:أنا قايلة بعد هالمدح اكيد مصالح .. تحلمييييين ... محد قالك تنامين نومة أهل الكهف طول الوقت .. بعدين تصحين الليل عليكِ مليون الف شغلة تحتاج وقت ملاك:افففف منك.. ما منك فايدة .. اتصل لفاتن اشوفها اذا حلت انقش منها (شوق جاسم .. عمرها 23 تدرس طب اسنان...بنت أخت عبد الرحمن ..قريبة مرة لجميلة ...شعرها اسود كيرلي بطبيعته يوصل لكتفها..عيونها سوداء حادة ) (ملاك جاسم...عمرها 18 سنة في ثالث ثانوي... هي و فاتن صديقات وعلاقتهم قوية..شعرها اسود حرير قصير لنص الرقبة ..عيونها واسعة بريئة ولونها عسلي ورموشها طويلة..خدودها وردية ..وبيضاء) (" في مجمع الراشد") مشعل : هيييي أبو سيف .. شرايك بهذا العطر؟ فيصل قرب انفه وبعده بسرعه : افففففف .. ريحته محمضة مشعل : لا انت في انفك شي اليوم .. هذا من أفخم العطور ياحظي فيصل : أي من أفخم العطور وريحته مثل ريحة عرق مجموعة هنود جالسين في مكان ضيق وحر مشعل ترك العطر : الله يقرفك .. كرهتني بالعطر أخذ عطر وقربه من أنفه : اممم... اعرف هالريحة فيصل غمز له : هاااه تعرف هالريحة ! هذا عطر نسائي .. اعترف مشييييعل مشعل : والله تفكيرك منتهي مثل وجهك .. لا من جد أعرف هالريحة فيصل مشى عنه وتوجه لعطر .. عجبته ريحته .. لف لمشعل لقاه يتحسس ذقنه جالس يفكر فيصل: خف يا محقق كونان ..باقي لك بس نظارة وتصير هو هههههه مشعل : ايييييييييه تذكرت .. هاذي ريحة جواهر .. طلع ذوقها مو هين .. بربري سبورت حلو فيصل : ايوه .. وانت تتشمم في بنات الناس مشعل يناظر فيصل بقرف: والله انت اليوم يبغالك كف يعدل مخك المنتهي صلاحيته .. اترك هالعطر الخياس الي بيدك وخلنا نروح لزارا طلعوا من المحل .. شاف بنت تطقطق بكعب أحمر قدامه .. وعباتها من فوقها لتحتها زينة .. حرام عليها اسم عباية .. مفروض نسميها _جلابية_ ومفتوحة يبان منها الجينز المخصر على جسمها .. لابسه حجابها بإهمال .. مطلعة شعرها من وراء وقدام مصبوغ اشقر وخُصل بينك .. لابسة عدسات لونهم أزرق ومكحلة عينها كحلة زرقاء من داخل .. وكحلة سوداء خارجية مادتـها كثيير بشكل غبي .. وحاطة لها روج أحمر قروي وباين انها تبي تكبر شفايفها غصب .. وريحة عطرها وصوت ضحكها يوصل لآخر الدنيا مشعل يناظر فيصل بخبث: شرايك؟ أرقم هاذي اتسلى بها شوي؟ فيصل : تمزح ... اكيييد .. لا تفوت عليك هالصاروخ مشعل بقرف: صاروخ يفجر مخك .. بالعكس اصطناعية من فوقها لتحتها ..(ابتسم بنذاله) بلعب بها شوي .. متشوق اشوف نهاية العلاقة كيف بتصير تقرب لها : يا حلوووة... لفت له ..انصدمت...وبدلع يقرف:هااااي مشعل : أنا اشك انك بشر..بكل هالجماال والدلال ..ما شاء الله بس .. خقة شقت الحلق بعد هالمدح وعلطول فتحت شنطتها وطلعت ورقة مكتوب فيها رقمها وعطته اياها مشعل منصدم من حركتها .. لهدرجة بايعة نفسها ! .. او لهدرجة ساذجة بكلمتين حلوين يلعب عليها اخذها من عندها : اكيـ........... كــــــــــــفـــ قووووي حرررق خده ..مسكه بقوة من طرف قميصه وبنفس اليد رجعها بقوة على صدر اخوه يوسف وفي داخله بركان : مممممششععععل ... شهالحركااات !!! ... والتفت للبنت : وانتِ ماتستحين .. (وبصرخة أقوى ) ماتخافين على نفسكِ ؟! البنت بخوف : لا تصارخ علي كأني أصغر عيالك ولا صدقني بقول لأبوي عن الا سواه اخوك يوسف وبعده ماسك قميص مشعل : قولي له واقوله بنتك صايعة تعصي امرك من وراك .. اذا طلعت معاك لبست عباية الراس وغطت وجهها .. (وبحدة أكبر) واذا طلعت بدونك ماتخلي انس او جن مايناظرونها لانها متزينة من فوقها لتحتها البنت خافت وبدت دموعها تنزل : لا لا يا يوسف .. ماراح اقول شي بس انت لا تكلم ابوي تكفى .. ابوس ايدك لا تقول له يوسف في باله – استغفر الله ما اقدر اكون قاسي اكثر من كذا , وقتك تبكين .. لا لا تستسلم لدموعها – وبنبرة قاسية : انا قلتلك الي عندي .. العين بالعين والسن بالسن .. ويلا توكلي ولا عاد اشوف وجهك ...(سكت كان بيقول المقرف بس ماقدر) ذا مرة ثانيه مشت بسرعة قبل لا يغير رايه لف لمشعل الي حمر خده من قوة الكف : وبعدييين معك ؟ لمتى بترقم كلمن هب ودب ؟ تدري هاذي بنت جيرانا نجود ؟.. تبي تنفضح ؟ ... ابوهها هذا يدور أي زلة علينا وانت تدري!! فيصل تدخل حاول ينزل يد يوسف بهدوء بس يوسف شد يده اكثر :خلاص يا يوسف .. اذكر الله.. الشيء مايستدعي هالكف ! مشعل بإستهزاء ويحاول يخفي نبرة الحزن الي بداخله : هه ! .. ليش خلـــه ! ....... مو أنا كيس ملاكمة له ! يوسف ترك قميص مشعل .. ومشعل يرتبه كأن مو صاير شيء وهو في قلبه نيراان محد يطفيها يوسف بحنية : مشعل...آســف بس والله أبي مصلحتك مشعل بابتسامة: لاعادي ..حياك ..(ويأشر على خده المضروب) أي وقت تبي تنفس غضبك خدي تحت امرك يوسف كسر بخاطره اخوه: مشعل تكفى لا تزعـ مشعل تنهد بقوة كأنه يطلع كل قهره في التنهيدة : اوك فيصل ..شرايك تعزمني على باسكن ..يمكن يكون بمثابة ثلج لهالصفعة! مشى .. فيصل : يوسف الله يهديك ليش ضربته هنا ؟! خليت الا يسوى والي مايسوي يشوفه ينضرب كأنه بزر ؟ يوسف: افففف مدري حسيت بقهر بداخلي ... وهاذي بنت جيرانا يافيصل .. مابي اخوي يصير لبان في حلوق الا مايسووا فيصل وهو يمشي على وراء :وبحركتك هاذي ..ضربك لمشعل هنا... ما كانت قدام الا يسوى والي مايسوى؟! وعطاه ظهره ومشى يوسف : استغفر الله بس .. شسويت أنا !!؟ .. ليش سويت كذا؟... لا احسن متى بيترك حركات المراهقة هاذي الي بتضيعه؟ ....... (في غرفة ساره) ساره : أوك خلاص يعني ألبس هاللبس ؟! جواهر وهي تشرب عصير الليمون : يب يب .. تلقين بس أنا وانتِ الي مجهزين ملابسهم من اللحين خخخخ ساره: هههههه تتوقعين ؟! ... والله كان أتبرى من نفسي سحبت جواهر من على سريرها .. وانسدحت عليه : يلا طفي النور واعطيني مقفاكِ جواهر : آفا آفا آفا ... أنا كِذا تطرديني ياسارونه ؟ ..(تمثل انها تبكي بهبال) ماهيقتها منك اهئ ساره : اقول تمثيلك مثل وجهك ..وبعدين انا الي صابرة على طرداتك لي من غرفتك يحق لي لو مرة وحدة اجرب شعور اني اطردك .. يلا الباب يوسع فيل .. ابي انام جواهر : اولا : الباب يوسع جمل مو فيل .. ثانيا (وهي تسحب في ساره مثل البزر) أنا جووعاانه قومي معاي ننقب عن أكل ناكله ساره : افففففف نفس الشي فيل ولا جمل المهم حيوان مثلك .. أجل تبين تقوميني من احضان سريري عشان تملين كرشتك ... اذلفي الله لا يهينك ..يلا اذلفي من غير مطرود جواهر : افففف منك ... طيب عادي أنزل لوحدي انقب عن أكل في ثلاجتكم الوسيمة البيضاء الطويلة ؟ ساره : آآ جواهر؟ متأكدة هذا الي بيدك عصير ليمون مو شيء ثاني ؟ أنا أول مرة اشوف وحدة تتغزل في ثلاجة .. وبلا سخافة ترا البيت بيتك انزلي وخمميي أكل الدنيا .. بس يلا برا من غير مطرود طلعت وهي تتحرطم بصوت واطي : كيف تقول برا ومن غير مطرود .. تناقض نزلت وهي تحاول تجرأ في نفسها دخلت المطبخ .. فتحت الثلاجة .. : اففف مافي شيء عاجبني.. ياه وحشني الطبخ ..عادي أطبخ ؟ .. ايه خلاص لازم اتعود على بيت عمي غمضت عيونها تذكر الكلام الي قاله لها عمها ماتدري ليش بس تحسه يمدها بطاقة عجيبة : ""الانسان احيانا لازم يدوس على قلبه ويشوف مصلحته .. ممكن يكون كلامي قاسي عليك بس هالدموع والألم مابيفيدك الشيء صار ومستحيل يتصلح أو يرجع مابيرجعه لا دموع لا ألم لا اشتياق" فتحت الخزانة يمكن تجيب لها افكار ايش تطبخ : اييووووه ... باستا معشوقة القلب طلعت المكونات وتحس نفسها هبلة وهي ماتعرف اماكن الاشياء والشيء الواحد سنة لين ماتشوفه وفي نفس الوقت تحس نفسها حرامية محد معاها وهي تحووس في المطبخ جواهر بإنجاز: ايوووه واخيراً جمعت كل المكوناات .. ما شاء الله شركات المقادير مثل شركات المقادير الي يشتري منهم ابوي .. (ابتسمت بحزن وتحاول تستظرف مع نفسها ) يمكن جدي كان يشتري من نفس هالشركات . حطت الباستا على النار وجلست تحاول تفتح الجبن : افففف شذا ذهب مو جبن مسكرينه كِذا؟! ....:يُمكن أقدر أساعدك؟ لفت بسرعة وهي مفجوعة : بــســم الـله يوسف بحنية : آسف .. خوفتك؟ جواهر في بالها (ياربي شصاير اليوم مواقف احراج مع هالبني آدم .. آسف ها لو مشعل مات ولا قالها ) : لا عادي .. بس كنت افكر اني الوحيدة الي تحت؟ يوسف اخذ العلبة من يدها وهو يفتحها : ايه .. بس انا و مشعل (تضايق تذكر الموقف الي صار ) برا البيت جواهر بتوتر : آها .. الحمدلله على السلامه ( اييييش !! شدخل الحمدلله على السلامة .. ياربي يبغالي بكووس) يوسف يرجع العلبة لجواهر وهو يضحك : ههههههههههههههههه ... الله يسلمك بس تراني ماكنت مسافر جواهر وهي متفشلة من نفسها : أدري أصلا مدري كيف طلعت .. معليش بنت عمك متنحة اليوم يوسف : ههههههههه لا عادي .. حلوة العفوية .... امممم شقاعدة تسوين؟ جواهر ( اف اللحين بيقول عني مفجوعة على الأكل نازلة نص اللليل اسوي لي عشا) : بصراحه جوعانة وجالسه اسوي لي عشا ( غبية غبية يعني لازم تفضحين نفسك) يوسف في داخله ( عفوية هالبنت تجنن): ههههه ... عادي أشاركك ؟ جواهر بتناحة:هااه؟ يوسف يبتسم : هل تسمح لي الأميرة جواهر بإن أشاركها في صنع الطعام ؟ هل لي أن أحظى بذلك؟ ابتسمت من قلبها لأول مرة : الأميرة جواهر تسمح للشاب النبيل يوسف بأن يصنع معها وجبة العشاء .. ولكن بشرط أن لا يحوسهااا يوسف:هههههههههه ايش يحوسها .. شكلها الفصحة عندك منتهية اتفشلت جواهر وهي منزلة راسها :أجل شيقولون ؟ يوسف : اممممم .. أن لا تُفسِدها ايوه .. الباستا ايش نوعها ؟ جواهر بإنفعال : خُضااار أكيد وهل يخفى القمر (ثقل شوي ثقلللل مالت علي) يوسف يبتسم لعفويتها : كول .. أنا بعد أحب الخضار وهو يقطع الخضار بسررررعة خطيييرة : أحب الطبخ والي خلاني أحبه ايام الدراسه كنت أنا والشباب نتراهن على شي والي يخسر يعزم الكل على عشاء بشرط هو اللي يطبخه جواهر ابتسمت وهي تجهز الصحون : أنا أحب الطبخ لأن أبوي كان يحبه ( هنا خفف سرعته يوسف) ... كنت لازم انا وهو كل سبت نطبخ العشاء وأمي تجلس تشاهد برنامجها المفضل .. وغالبا نسوي الباستا لان باقي الطبخات احيانا نسوي فيهم علوووم .. سكتت شوي وبصوت مخنوق قالت : كنت أحب يوم السبت الليل بس عشان أطبخ معااه (ونزلت دمعة حارة على خدها ) يوسف يناظر جواهر ولا اراديا مسح دمعتها : جواهر لا تبكين بصوت عاااالــــي وتــصــفــيــق : واااااااااو ..وااااو... برافـــــــــــو عليكم .. بـــرافــــــــــو خلللص البــــــارت توقعاتكم ياحلويــــــن ؟ *____^ مين أكثـــر شخصية عجبتكم ؟ ايش هو اكثر جزء عجبكم في البارت ؟ سلااام .. هالله هالله بالردود | |||||||||
|
| |
|
09-10-14, 01:20 PM
| #7 | |||||||||
| نجم روايتي ومشرفة سابقة وفراشة متالقة بعالم الازياء
| البــــآرت الخامس بصوت عاااالــــي وتــصــفــيــق : واااااااااو ..وااااو... برافـــــــــــو عليكم .. بـــرافــــــــــو يوسف انصدم وناظر مشعل الي بتسم لهم بخبث فوق المعدل ..توتر وحاول يشتت الموضوع:يب ..شكرا لدعمك أكيد باستتنا خطيره ورآح تاكل منهاا مشعل يتوجه للكرسي وهو متكتف وابتسامة الخبث ماتنمحى عن مبسمه..سحب الكرسي وجلس عليه:ايوه وبرافو على طبختكم .. بس البرافو الأولى (ويبتسم بخبث أكثر )عشان المشهد الرومانسي الي صآر .... يآ طيور الحب ! جواهر انصدمت من كلامه , وبإنفعال : تفكيرك وصخ مثلك!! وانا بعد أقولك برافو على المشهد السخيف الي سويته انك تتجسس على الناس مشعل قام وحط الخضار الي قطعه يوسف في الطنجرة .. وبإستهزاء : لا لا يا آنسة جواهر .. لا يطق لك عرق .. لا تخافي ماصورت مشهد (وشد على الكلمة) الحب الي بينكم .. يوسف عصب وبصراخ : مشـــعـــل !! .. وبعدين معك وانت وتفكيرك!؟..بنت تطبخ مع ولد عمها عشاء شفيها يعني ؟! مشعل متابع بسخريته : لا آبد طال عمرك مافيها شيء ... بس الي فيها انك تمسح دمعتها يا الرومانسي هه يوسف قبض يده وشد عليها يحاول يمسك نفسه لا يضربه كف ثاني .. جواهر : تفكر كل الناس مثلك؟!!.. بس يبي يطلع مرجلته على بنات خلق الله؟! .. لا يا (ورصت على اسنانها) ولد عــمــي .. المرجله ما تطلعها بتصرفاتك هاذي! مشعل انقهر من كلام جواهر .. ونيران القهر تحرق جسمه حرررق .. يبي يقهرها مثل ماقهرته: ايوووه ياليلى دافعي عن قييييس يوسف يسوي نفسه مايسمع عشان لايعطي اخوه كف ثاني يلف وجهه لف .. هذا مايجوز ؟ مايعتبر من الكف الي عطيته اياه؟ ياكون هذا كله انتقام عشان الكف الي عطيته اياه؟..مع ذلك يستاهل خل يترك عنه هالحركات يعني لمتى ... واف انا بعد غلطان كيف امسح دمعتها!! .. جواهر منقهره وماتقدر ماترد على كلامه :مسويلي فيها اف بي أي يوسف قاطعهم وبهدوء : اجلسوا الباستا جاهزه (وجلس) جواهر بينها وبين نفسها : اجلس لو اصعد افضل من مقابل وجهه الخايس؟!.. لا بجلس مو انا متعنية اطبخ واخر شيء ما اكل عشانه هالكونان هذا جلست .. وتبعها مشعل ... جواهر أخذت الملعقة وجلست تاكل بهدوء ومن غير ماتناظر أي الطرفين .. ومشعل يتفحصها بنظراته الحارقه .. يوسف انتبه وبغى يقبع عيونه مو كفايه كلامه الي قاله مشعل يمثل الطيبة : جواهر..اذا تبي فستان للملكة ترا عادي اوديك ..واعطيك رايي بعد ..(وبابتسامه خبث)للمعلوميه ترا يوسف يحب اللون الأبيض .. بس مفروض تلبـ.. انقهرت وبردة فعل حطت ملعقتها في فمه : وقف كلام يابغبغاء وكل وانت ساااكت يوسف انصدم من حركتها مشعل جلس يكح بقوه _ الله يلعنها حطت كثييير باستا في الملعقة_: كح كح كح ..مجنونة انتِ؟! تبي تسوي فيني جريمة !..وثانيا ايش بغبغاء هاذي .. اسمه ببغاء ..ايش اسمه؟ ببغاء!!! جواهر اتنرفزت منه بقوه وماقدرت تكمل وقفت وجملة وحدة قالتها ومشت : إنتَ إبليس عـلـى هيـــأة إنــســآن..! انفجرت عروووقـــه من الــعــصــبــيــة ..شهالبنت هاذي ؟ لـسـانــــهـــا أطول منها !!!! ..................... صبآح الخميــس جآلــســـة على الطاولة وكعادتها رافعة اكمام زيها الى الكوع , شعرها اللأسود الحرير الطويل تطفش تغير تسريحته مثل باقي البنات حدها تاخذ ربطة وتربط شعرها ذيل حصان مرفوع .. وبتحلطم : اففففففففف من معلمتكم الحيوآنــة هاذي ..تحذف اشياء بعدين تجيبها في الاختبار!...اكيد هاذي معاها انفصام في الشخصية !! جالسة جنبها بس على الكرسي فاتحة شعرها الأسود الفحمي القصير ولابسة طوق فيه فيونكة بينك على جنب وطالعه كيوت كالعادة .. وشوي وبتبكي : افففففف من حركاتها ...كم اختبار عيدت فيه بسبب هالهرج الا تسويه دق الجرس .. يعني الفسحة بدأت بملل: أقول مـلاك فِزي خلنا ننزل الساحه ..ضاق صدري من فصلكم الكتمة ذا جالسات ملانات ومتحطمات من الاختبار ملاك ببراءة:فاتن حبيبتي .. انقلعي جيبيلي جالكسي فاتن : نعم نعم نعم ؟؟ ..ايش قلتي ياروح بنت عمك ؟ فاتن حبيتي انقلعي جيبي لي جالكسي .. كيف تزبط هاذي ؟ .. (وطلعت فلوس من جيبها ) يلا حلقي جيبي لي ليز حار ملاك :تحلمين !! .. تبيني أموت هناك خنقا حتى الموت ؟! .. انتِ بس شوفي الجمهور الا عند المقصف تقولين ايان سومر هالدر مو مقصف!!! فاتن : هههههههههههههههه ايه خلني ارتاح منكِ شوي ...ههههههههههههههههه لو ايان ياعمري كان شفتي الطوابير لين باب بيتنا ملاك بحلم : والله يالـــيت فاتن : اقول مو وقت خقتك اللحين .. وطيري اشتري ملاك : خيير مس فاتن ؟ مضيعة ؟ أنا ملاك مو ميري فاتن : افففففففف منك .. خلاص اجل نتراهن .. شفتي البنت هاذي ملاك : مين .. وين ؟ فاتن : هاذي الأنيقة حدها الي لابسه جاكيت أخضر فسفوري وجزمة برتقالية ملاك : وين .. مافيه! فاتن تناظرها بنص عين : شكله الكيمياء أثر في خلايا مُخك ! .. شوفي هاذي لوحة النيون الي قدامي ! ملاك : ايوه ايوه شفتها .. شفيها ؟ فاتن : انا اراهن انها بتشتري عصير تفاح ! ملاك : لا أنا أقول انها بتشتري عصير برتقال !! جلسوا يناظرونها بتمعن كأنهم حريم يبون يخطبون بنت .. اخذت العصير وكانت بتطلع من الزحمة .. بنت مليانة غطت عليها وبحكم انها عود كبريت مابانت .. بعدت البنت المليانه .. فاتن بنصر :هاهاهاهاهاهاهاهاهاهاها .. عصير تفاح يلا طوعي كلام عمتك واشتري لي يلا بسرعه! ملاك بقهر : اففففففف ظلم مايصير فاتن : ههههههههههههه انت غبية .. انا فزت مو بالحظ بالملاحظة ياذكيه (واشرت على راسها) ملاك : شقصدك؟! فاتن : انتِ غبية البنت قدامي وسمعتها تقول بصوت عالي (وتقلدها بصوت مخنوق) عصييرر تووفاح ! ملاك : مالت عليك بس! الشره على الي يتراهن معاك! فاتن : ههههههههه قومي بس يلا جيبي الأكل لتاج راسك بعدت عنها وهي منقهرة من نذاله بنت عمها وصديقتها ملاك : اففففف من جد ايان مو مقصف ! قربت لها بشعرها البووي الكستنائي وهي تمسح شعرها بيدها الي في كل صبع خاتم او خاتمين! وسوارات اشكالها جماجم كثييره على يدها .. وناظرتها بحدة بعيونها الواسعه البنية .. وبصوت واسلوب صبياني : هاااي .. كيفك ؟ ملاك ماتحب هالأشكال وتتقزز منهم .. وتتعرض كثير لهالمواقف بسبب شكلها البريئ : مالك دخل ! مشت عنها بس منعتها يدها الي مسكت معصمها بقوة وسحبتها عندها : على ووييين ؟! ماخلصت كلاامي ! بقوة مصطنعة : خييييير! شتحسين فيه ! اتركي يدي انا ماعندي حركاتك الوصخه هاذي!! شدت على معصمها بقوة : ملاااك لا تقولين هالكلام ! ... انا من زمان وانا اناظرك بس هاذي اول مره اتشجع اكلمك .. شكلك يلفت انتباهي .. شعرك الحرير الا بنسمه هوا اشوفه يتحرك .. عيونك البريئة العسليه يااااهي تذوووب .. شفايفك الورديييه اااخ بس دزتها بقوة : هييييييي انتِ .. كلامك المقرف هذا وفريه للبنات الصِيع الي من اشكالك !.. وبليز لا عاد تتكلمين معي او تتقربين مني ! ... أنا بنت قلبها مستحيييل يميييل لبنت مثلها ! استغفر الله بس الله يهديك مسكتها قبل لاتمشي : مـــــــلاك .. تكفين خليني أخلص كلامي ... ملاك انا طول السنة وانا عندي كلمه ابي اقولها لك ... ملاك ... أنا أحبـــــــــــــك !! : ياااااا ويلي ويلااااه على رووميوووو ! ... ملاك ناظرتها بأمل وفي بالها ( جاات سوبر وومن حقتي)! البويه بدون نفس : خييير فااتن .. ايش جابك؟ فاتن انشهرت في المدرسة لانها مشكلجية كثييير وماتسكت عن حقها ابدا لو ايش الي بيصير فاتن : انتِ اللي خيير تتغزلين في بنت عمي ( وسحبت يد ملاك من يد البويه ).. دانية بعدي عن بنت عمي احسن لك لا تصير أرضك سماك دانيه بقهر : اسمي داااااااانــــي !!!... لا عاد تستهبيلين وتسميني دانيه مرة ثانيه! فاتن : انا لو انت الي تستهبلين ؟! .. أجل أحد يحرف اسمه من مؤنث لمذكر ؟! .. الحمدلله على نعمة العقل بسسس دانيه تكرره فاتن كثير وعصبت من كلامها .. ابتسمت بخبث: امممم شكله فيه منافس معي على حُب حبيبتي ملاك !! ملاك بصدمة وصوت واطي : ايش حبيبتي الله يقرفك !! فااتن بصدمة فهمت قصد دانيه .. بعصبيه مسكت شعر دانيه بقوه وصراخ سمعه الكل : هييييي انـــــــتِ يــــآ حيـــــــــوآنـــــــــة .. انا أشــــرف من إني أحب بنت حــــآاااالي حـــالهــا .. وقسما عظما قووووولي هالكلام مره ثانيه .. اووو حتى فكري فيييه .. رااااح يكوووون قبرررك هنــا .. سآمعه !!! تركتها وشعراتها الكستنائية في يدها .. ناظرتها بصدمه : انتِ مجنونة فيه بنت تسوي كذا؟! فاااتن : هالسؤال اسألي فيه نفسك .. في بنت تحب بنت وتتغزل فيها كذا؟! .. (وعادت سؤالها) انتِ مجنونة فيه بنت تسوي كذا؟! : استاذه .. استاذه . الحقي بسرررعه الاستاذه مفجوعة : شصاير ؟!!! : استاذه في هواش بين فااتن وبنت ! الاستاذه : ااففف من هالفاتن متى تتخرج ونفتك من بلاويهاا الاستاذه : خيييييييير آنسة فااتن !! فسري لي ليش هالهواش بعد ؟! فاتن في بالها _ اففف مين جاب هاذي النشبة بعد_ .. بدون نفس : خلي (وشدت على الاسم ) داااانيـــه تقول لك دانيه ناظرتها بحده وقهر _ ماتفهم هاذي اسمي دااني _ : الأنسه فااتن بكل وحشية هجمت عليي وسحبت شعري ! فااتن : فيي شييي فااااتك ! قبل هالشي! الاستاذة بنفاذ صبر : خلصوني قولو السالفه لا قسم بالله بكره ولا وحدة تدخل منكم الا ومعها ولية أمرهاا! بناات كأنهم عيااال !! فاتن : والله دانييييه (وتشد على الاسم) يا استاذه ناهد .. جالسة تتغزل في بنت عمي بكل وقااحه ! وهالبشر الوصخة لازم نتعامل معهم بكل وحشيه .. لآنهم .. آسفه .. حيوانات ! استاذه ناهد مصدومة تناظر دانيه : انا كم مرة قلت الحركااات ذي لا عاد اشوفها في هالمدرسه ؟ (وبإسطوانتها المعتاده) هاذي مدرسه راقيه ومحترمه وما عمرها شافت دفعه قليلة أدب وترفع الضغط مثل دفعتكم .. لازم تلتزمون بحدودكم .. الدنيا مو سايبه! فاتن ابسمت بنصر وخباثه استاذة ناهد لفت عليها : وانت يافاااااااتن متى بتعقلين عن حركات المشاكل هاذي؟! فاتن بإندفاع: والله الي يتحرش ببنت عمي هاذي جزاتها .. تحمد ربها ما كسرت ضلوعها بعد! استاذه ناهد :وانتِ من وكلك محامي عشان تدافعين عنها ؟! فاتن :أسأل نفس السؤال .. انتِ من وكلك قاضي علينا ؟! .... ( " الظهر _ الرجعة من الدوام_) ماسكة الملابس الي راح تلبسها الليلة .. شورت سماوي قصيييير مررره في بدايه الفخذ .. وبلوزة عارية ترتر فضي قصيرة ويبان منها بطنها!!!..وجالسة تناظر نفسها في المرآيه بكل غرور : أقوول مروووح ..شرايك باللبس ؟ يهبل صح؟ مرح : اييييه مره حلووو .. بس فرح ماتخافين يشوف فهد اللبس ويمسح فيكي الأرض؟!! فرح بغرور : هه خسي الا هوه يمسح فيني الأرض .. راح البس هذا اللبس يعني رااح البسه .. وراح تشوفين مرح بخووف : فرح أيش راح تسوين ؟! حركت شعرها الطويل الي يوصل لنهاية ظهرها المصبوغ اشقر بغرور .. وفتحت شنطة الميك آب وطلعت منها ماسكرا ..وجلست تكثف في رموشها عشاان تبرز لون عدساتها الزرقاء : بلبس فستان طويل مثل فساتين العجووز امك وتحته لبسي الي ابيه!.. وأول ما اوصل لبيت خالك بدخل الحمام وبفصخ الفستان! .. هااه شرايك فيني ! مرح بدهشة واعجاب :والله انك داااااهيه كعادتك فرح طالعت اختها بقرف : وانتِ ايش راح تلبسين ؟! مرح بتوتر وخايفه من ردة فعل اختها : مدري بصرااحه ماقررت فرح بتأفف:افف انت غبيه ماتعرفين تقررين بنفسك .. عديمة شخصية ! وفتحت خزانة اختها وطلعت فستانها الجديد.. قصييير مرره يوصل لبدايه الفخذ ولونه عنابي وعاري : لمتى بتخليه يناام في خزانتك؟! .. (وبنبرة أمر) البسيه اليوم! مرح بخوف : لا الله يسلمك كيف البس هذا تبي فهود يذبحني ؟! فرح قربت لمرح وبنبرة امر : قلت لك تلبسينه يعني تلبسييه .. لا تفشلينا قدام بنات خوالك .. كل يوم لابسين الماركة الفلانيه (وبغيره شديدة) ماخلوا شيء حلو وغااالي في السوق الا وكان عندهم في الخزانة .. و احنا مالت علينا حدنا راحين وجاين بهالفساتين الطويله المقرفه الي حتى جدتك تلبس اكشخ منهم ! مرح تخاف تعارض فرح: طيب .. واذا شافني فهد؟! فرح بتنهد : افففففف اللهم طولك ياااروح .. ياربي ليش بليتني بأخت غبية ماعندها مخ ماتفهم .. راح تسوين مثلي ياذكيه! مرح بخوف وتوتر:طيب واذا واذا انكشفنا ؟! فرح ترفع راسها بغرور : ماراح ننكشف ! .. ومسكت اللبس العاااري تبعها وبصوت واطي وبنبرة تحدي : والله لأخليك يا يوسف تترجاني عشان اوافق عليك!!! (فرح حازم .. بنت اخت عبدالرحمن ( بدور) عمرها 21 ماتدرس لأن ابوها رجعي وعنده قناعه ان البنت الي تدرس في الجامعه صايعه وعديمة اخلاق ... شعرها طويييييل لنهاية ظهرها اسود بس هيي دائما تصبغه اشقر .. عيونها سوداء بس ماتتخلى عن العدسات الزرقاء .. جسمهااا احلى مافيها .. مغرورة وصايعه وتعشق شيء اسمه يوسف) (مرح ..اخت فرح الصغيرة ... عمرها 19 في ثالث ثانوي .. كسلانه فلهذا رسبت سنه .. شعرها طويل لنص ظهرها اسود {امهم ماترضى على الشعر القصير} عيونها سوداء ودبدوبة حيييل ..ماعندها شخصية ووتبع فرح في كل شيء ) ("في بيت ثاني") رجعت وهي تجر شنطة المدرسة وملانه حيييل رمت شنطتها وعباتها في الصاله وبصراخ : يييييييييييمممه ..ايش هوووووه الغذاااااااااااااااااء!!؟ امها بعصبيه : خير خير كأنك قوات هاجمة علينا؟!!!....وبعدين ليش ترمين اشيائك كذا كأنك ووولد؟! حتى فيصل الا هوه فيصل مايرميها كذااا!!! فيصل جالس في الصاله ويناظرهم بنص عين : افااااا يانبع الحنان افااا .. كذا صارت الأمثال تضرب بي ؟! فاتن بشماته :ههههههههههههههههههه ... يا اخي والله محد يلومها الي يدخل غرفتك عادي جدا يقول ان صاب غرفتك زلزااال ههههاي مسكت يدها بقوة : وانتِ ووبعدين مع حركاتك الصبيانيه هاذي؟! .. اتصلت لي اليوم الاستاذه ناهد وكلمتني عن حركتك البايخه الي سويتيها مع البنت اليوم !! خلاااص رااح ماي وجهي وانا كل يوم والثاني اتأسف لها بسبب طيشك ذا! فاتن بتأفف : ااففففففف منها ذي مفروض اسوي مثل الافلام واذبحها لانها شهدت الموقف! : مين هاذي الي تبين تذبحينها ؟! امها : شووووف ياناااصر بنتك ايش مبدعة في المدرسة اليوم ناصر التفت لفاتن : ليش شصار اليوم ؟ فاتن بسرعه:هاوشت بنت اليوم وشديت شعرها لانها قالت كلام وصخ لملاك ! امها مصدومة : وبككككل جرأة تتكلمين كذا كأن الشيء الي سويتيه راااح تشكريين عليه! ناصر بضحك : ههههههههههههه كفو على بنتي تعجبيني .. ايوه خلك كذا وقت الشدايد موجودة فاتن تغمز له :افااااا عليك .. وانا اقدر ما اصير عنتر خاصه لبنت اخوك الخبله ذي ! شيخة ( زوجة ناصر) مصدومة : ناااااصــر ! كذا تشجع بنتك على حركاتها بدل ماتهاوشها ! ناصر : هههههه ليش اهاوشها البنت ماسوت شي غلط .. بالعكس دافعت عن بنت عمها واخذت حقها !! وغمز لفاتن ... صح ياروح أبوها ؟ فاتن بابتسامه واصله لأذانيها : صحيين! شيخة تهز راسها بفقدان أمل : والله محد راح يخرب بنتك غير تشجيعك لها على هالخراب! قبل أذان المغرب بشوي في بيت عبدالرحمن ساره بدلع ومصلحه : شعلشوني حبيبي انتَ .. شرايك تقوم السوبر ماركت تشتري شيبسات وحلويات وكذا عشان بنات عمك النشبة بيجوني اليوم !؟ مشعل : أنا قايل هالمعامله اكيد وراها مصالح .. بعدين ايش كلمة استدعاء الجن حقتك هاذي ؟ احد يدلع اسم كذا؟ ساره تتحرطم : ماااالت عليك .. ايش فهمك بالدلع انت! مشعل يدق جواله : خليت الدلع لك! ساره : شعلشوني حبيبي تكفى تراها تهز رجاال وقبااايل وحيوانات مثلك قم روح السوبر ماركت صدقني مو عشاني .. حرام عشان الشعب الصومالي الي بيجون بيتنا؟! : هههههههههههههههههههه .. اجل صارو خواتي صوماليين ! مشعل يناظرها بنص عين : انااا حيواان ها؟! اجل دبريها انتِ! كلم فيصل: وانتَ سمعت الي قالته ؟! فيصل : ههههههههههههه ايه .. أي بارت انك حيوان ولا الشعب الصومالي هههه ؟ مشعل بسخرية ويقلد صوته : هههههه اقول لا يكثررر.... ملييق لف لساره الي بعدها ماتزحزحت من مكانها وجالسة ترسم ملامح البراءة على فيسها مشعل يناظرها بنص عين : وانت ماراح تنقلعين ؟! ترااا البراءة ماتناسبك ..لوو تبلطييين ارض مانا رايح .. عشان تعرفي مو أي كلام تقولينه لتاج راسك ساره بقهر : خسسسسييي ! قال تاج راسي قال !! رووووح زين الشره عليي الي اقول مشعل طيب وبيخدمني خدمة في حياته .. بس انت مو كفو مشعل : مين قالك اني طيب ؟! انا ابليس على هيأة انساان ! (كلام جواهر) فيصل:ههههههههههههه حراام عليك طفشت البنت..خلاص مو انا جايك؟! مشعل:ايه فيصل :بمر السوبر ماركت على طريقي .. خلها تقوول شتبي واشتريه مشعل : من جدك انت؟! ترا هاذي ماتنعطى وجه! وهي تصعد على الدرج وقفت تسمع فيصل : لا من عمي .. اوكيه انتَ صه فاهك واسألها مشعل : تستظرف حضرتك ! .. ايش صه فاهك ذي .. جالس اتفرج براعم انا! فيصل : اصير لك سبيس تون بس يلا خلها تأمر وتدلل مشعل : ياصايع ويلفت لها : ساااااااااره .. ايش تبي من السوبر ماركت ؟! ساره بتطير من الفرحه : خلاااص اقنعك ابو سيييف ؟.. يارب ترزقه ببنت الحلاااال الجميلة الأصيلة الطيبة التي تفرحه ياااااااااارب مشعل : بل بل بل ! كل ذي الدعاوي عشانه اقنعني ؟ هذا لو تدرين انه تبرع بيروح يشتري لك انت والمجاعه تبعك .. شراح تسوي ؟! ساره بصدمه : هاااه ؟! مشعل : من قاال ها سمع . سااره بفرحه : وررررررربيي أحبببببببببببببه أحبببببببببه .. ذول اولاد العم ولا بلاش! مشعل : اثقلي يااابنت !! وين جالسيين في مسرحية روميو وجولييييت؟! يكلم فيصل: سمعت ؟ فيصل يضحك على هبال بنت عمه : هههههههههههههه ايه .. يازينها بس شرايك نتبادل اعطيك قبيلة البنات الي عندي وانت تعطيني ساروه؟ مشعل : اهجد انت الثاني بعد يازينها هااااه ! ...لا تكفى انا زين متحمل هالمصرقعه الي عندي ما اقدر اتحمل الجيش تبعك !!! ("في غرفتها") لبست تنورة بينك كيووت مثل لبس الباليه ..وقميص ابيض كت ستايله كشكش فتحت شعرها البني ولبست طوق فيه وردة بينك على جنب ..اكتفت بمسكرا وكحل داخلي وروج وردي هادئ .. وطالعه خيااااااااااااااااااااال جواهر : اف واخيرا خلصت .. عجزانه اروح لغرفه ساره اشوفها اذا خلصت او لا بتصل لها ساره : اهلن ومرحبتن جوااهر:ياهلاا بشيخة البنات كلهم ياهلا ساره:اوب اوب اوب .. من وين طالعة الشمس الليلة؟؟ جواهر:الشمس تطلع بالنهار ياحلوه ..هاه خلصتي؟ ساره: سخيييييييفه.. وراكِ متصلة ؟ ليش ماجيتي غرفتي ؟ جواهر : عجزانه امشي لين غرفتك ساره :زوووووله.. حسستيني ان غرفتي باريس جواهر :وااااو ياليت حركااات .. جيبي لي عطر فرنسي كشخه معك ساره : ياااااربي متعاطية جرعه سخاافه كثير اليوم يلا انقلعي بلبس اكسسواراتي ..وانزلي يمكن في اي لحظة يجون جواهر :على أمر..... (قفلت بوجهها ) جواهر : ماااالت عليك وعلى الي يسأل عنك لبست عباتها ونزلت ...توهقت ماتدري وين المجلس الشغالة جيسيكا: Good evening Miss Jawaher .. Are you looking for something? جواهر توهقت _افففف شطلعها هاذي بعد_: Good evening Jessica .. yes ..where is the ..the احممممم شسمه المجلس ذا يا أني توهقت جيسيكا : Yes ..what is it? جواهر : You know .. where the مجلس؟ : ههههههههههههههههههههههه .. حزنتيني عليك انصدمت التفتت لجهة الصوت ..تأففت بقهر جيسيكا تناظر مشعل تبي يترجم لها مشعل تقرب وهو يحاول يخفي الضحكة : احممم احمم (وبكل طلاقة تكلم بلهجة بريطانيه) Don’t care and go back to your work .. I will answer her جيسيكا : Okay sir جواهر تناظره بطرف عين : شدخلك انتَ؟ مشعل : هه شدخلني هاه؟! ياحلوه لو ماتدخلي كان بعدك متوهقة .. عاد شلي يفكك من جيسيكا ماتمشي الا وهي فاهمة شتقصدين .. يلآ امشي قدامي بوديك للمجلس جواهر : توكل .. ما احتاج مساعدتك مسكها بقوة للمجلس : افففففف اترك يدي آلمتني ! لما وصلوا تركها : هنا المجلس .. يبغالك خريطة عشان تدلين البيت شُبر شٌبر! جواهر بصوت واطي :ياسخفك مشعل ناظرها بطرف عين: سمعتك .. يلا انقلعي داخل شووي وبيجي فيصل وبنات عمي ناصر جواهر : قلع عزرائيل روحك من جسدك! ودخلت بسرعه المجلس قبل لا تسمع رده دق جوالها ساره تتصل جواهر : الووو هلا ساره : افتحي الباب بسرعه بنات عمي جو وسكرت الخط جواهر : اففف شفيها ذي اليوم كلمة باي ممسوحة من قاموسها ! فجأة توترت ماتدري ليش .. يمكن عشان أول مره راح تشوف بنات عمها .. او يمكن لانها بتفتح لهم بدون ساره فتحت الباب بشويش .. 6 بنات دخلو بهجوم كأنهم يهجون من حرب فاتن تهوي على نفسها:افففففف حرررر لاعاد تجون دفعه وحده جميلة : مييين جواهر ؟ جواهر بخجل : ايه أنا .. يا مرحبا فيكم .. شويات وساره تنزل جميلة في داخلها ( سبحان الخالق ) وضمتها بقوة كأنها تعرفها من زمان : اهلييين جوجي .. أخبارك ياحلوووه! انصدمت جواهر من رده الفعل : اهليين فيك .. تمام ياعسل فاتن بتفحص : انت كم عمرك ؟ جوري : هيييييي انتِ الناس يقولون سلام هاي اول شي مو كم عمرك .. ياربي هالأخت تفشل جميلة : معليش امسحيها بوجهي غرام: ههههههههههههه ليش بتخطبينها مثلا ؟ رانيا :ههههههههه تتوقعين لمين ؟ يارا :هههههههههههه الله يرجكم فشلتونا قدام البنت فاتن : ياااااااسخفكم ..الله يعينها اللحين بتتعرف على اكثر بنات ثقالة في الدم ..يتخيل للي بعدين بيسدحوا اسمائكم في موسوعة غينيس للأرقام القياسية في أكثر الاشخاص ملاقه وسخافه وثقالة دم جوري: اقول اهجدوا شوي وخلنا نعرف البنت على انفسنا يارا: صحيح شوفو مسكينة متنحة جوري دزتها عشان تسكت .. مدت يدها لجواهر وبابتسامه : هاي انا جوري .. البنت الثانيه لعمك ناصر عمري 24 وادرس طب اسنان جواهر ببتسامه : ياهلاااا فيكِ .. أنا جواهر عمري 21 وادرس علم نفس مع ساره الكل : ندررررررري قالت لنا ساره جواهر بصدمه : طيب اوك بلاش تفجير جبهات ساره : مين يطريني ؟ ياهلا والله ببنات عمي النشبه ياهلا والله تقربت لغرام بتضمها .. دزتها ساره : افا لييش؟ غرام : أجل احنا الشعب الصومااالي هاااا ؟ ساره : ههههههههههههه ايه اجل كل ماتجون بيتنا ... لما تطلعون انقراض عالمي في الأكل رانيا تبعد ساره : معليش ساره انقلعي مو وقتك خلني اعرف عن نفسي .. انا راينا عمري 21 تخصصي انجلش .. بتحبيني وقسسسم جواهر ضحكت على ثقتها : ههههههههههه شلي يضمن ؟ ما شاء الله انتم كلكم بنات ناصر ؟ فااتن : ههههاي لا بس هاذي النشبه جت معنا رانيا: ظفي وجهك انت .. لا انا بنت عمك جسار جواهر : هاه ؟ ماقالت لي عنه ساره رانيا: افااااا سارووونه تنسين ابوي ساره : لا ايش انساه بس انا تكلمت لها عن الي عندهم بنات وكذا رانيا ناظرتها بطرف عين:ايوووووه قولي كذا ..ليش انا مو بنت مع وجهك ؟ ساره توهقت تحاول ترقع لروحها : لا ايش .. لا انت بنت .. بس فاتن :هههههههههههههاي توهقت ساره بقهر: انقلعي زييين جواهر : معليش ساره دائما كذا هي الوحيدة البنت في العالم غرام : ههههههه من جد .. حسيتي ؟ ساره: شف ذي بعد .. لا مايصير كلكم تتأمرون عليي غرام : سارونه حبيبتي معشوقتي ساره:لبيه غرام : سكتي بعرف عن نفسي رمت عليها المخدة جواهر تضحك على هبالهم غرام : أنا غرام ادري مايحتاج تقولين اني عسل وكذا عمري 21 وادرس انجلش مع الخبلة ذي (وتأشر على رانيا) فاتن : احم احم افسحو المجال لعمتكم .. أنا فاتن جواهر بحماس : ايييييه عرفتك انتِ الي بثالث ثانوي الهبول ..انت الي كثير تقولين ياحيوانه ! فاتن تنحت :هااه!؟ الكل : ههههههههههههههههههههههههه هههه غرام : شفتي كيف صارو يعرفوك الناس .. بالي كثير تقول حيوانه .. هاذي جزات الي لسانه اطول منه ! فاتن : انقلعي مع نفسك .. اصلا شفتو انا محبوبة من كثر ماتحبني ساره تكلمت عني كثير عند جواهر ساره: أي حب الله يهيديك بس ... لما اتصليتي لي وسكرت حشيت فيك وكذا فلهذا عرفتك فاتن بقهر : مالت عليييييك ساره تغمز : اغصان الجنه يارا: افففف انتو الواحد لازم يقاطعكم ولا ماتسكتون !... هلا جواهري قلبي .. أنا يارا اخر العنقود لناصر .. عمري 16 سنة في أول سنة ثانوي جواهر : ياهلا فيكم والله جوري: طبعا عندنا اخت كبيره بعد بس ماجات فاتن : ايه عجوز مانبيها جوري ضربتها على ظهرها : آييي شقلت ! جوري : لا مو عجوز عمرها 28 بس .. اسمها هيفاء ومتزوجة عزام رانيا: اخوي جوري: يب ولد عمي .. وعندهم ولد كياته اسمه هيثم وعمره 3 سنوات جواهر تبتسم:الله يحفظكم ساره : لا تنسون فيصل لبى قلبه كل البنات يصفرون : آووووووووب .. آوووووووب ساره استحت : ياسخيفات تفكيركم وصخ مثل وجيهكم .. بس اليوم القلب راضي عليه عشان تطوع يشتري لكم مؤونه فاتن تغمز لها : اليوم بس هاااه؟! .. وجلست تغني بصوتها الحلو : أحبك مووت كلمة مالها تفسير ..ولين اليوم مادري كيف افسرها لاني من عرفتك وانا احسك غير ..مثل روحن لقت روحن تدورها جواهر بإعجاب : ما شاء الله صوتك حلوو رانيا : لاااااااااا جواهر تكفي هاذي ماتمندح اللحين طول اليوم بتزعجنا بصوتها النشاز فاتن : نشاز مافي غير صوتك ..الي صوت الحمير احلى منه شوفي هاذي الناس الكفو..هاذي الناس الي تقدر المواهب ساره : أي تقدر مواهب يا حظي ! لو تدرون ايش الي تعلقه عن لبسي ماقلتوا كذا! جميله : ههههههه ليش شتقول ؟ قاطعهم صوت الجرس ساره: يمكن هذول بنات عمي جاسم فاتن:قومي فزي افتحي الباب شتنتظرين؟ غرام:ايوه ايوه عشان الحب لاتنتظر فاتن:افففف الواحد مايقول لكم سالفه صارت معاه ابد يعني لازم تطفشونه بيها (سالفه البوية مع ملاك) ساره فتحت الباب : ياهلا ومسهلا بشوقي ومــ..... انصدمت توقعاتكم ياحلوااات ^^ وتعليقاتكم على الاحداث والشخصيات لاتنسون اتمنى عجبكم البارت هالله هالله بالردود الي ترد الرووح .gif) | |||||||||
|
| |
|
09-10-14, 01:24 PM
| #8 | |||||||||
| نجم روايتي ومشرفة سابقة وفراشة متالقة بعالم الازياء
| البارت السادس لحظة قبل ما أبدأ راح اكتب لكم تعريف بيت ناصر من جديد أدري البنات كثاار ويفرو المخ ناصر +شيخة هيفاء :عمرها 28 ربة بيت ..متزوجة ولد عمها جسار (عزام) = عندها ولد عمره 3 سنين اسمه هيثم (شعرها اسود يوصل لاكتافها ..عيونها ضيقة سوداء ..سمراء ..وشكلها مو ذاك الزود) جوري:24 سنة تدرس طب اسنان (شعرها كستنائي قصير وعيونها واسعة زرقاء فاتحه ورموشها كثيفة وطوال ..بشرتها بيضاء .. تجنن) فيصل:23 سنة يدرس هندسة ..طبعا تعرفونه البيست فريند حق مشعل ..( أسمر مملوح جسمه رياضي ..شعره بني وعيونه واسعه بنية .. انفه سله سيف.. بإختصااار مملوح ويطيح الطير من السماااا) جميلة ( التوأم المختلف لفيصل ) : عمرها 23 تدرس تصميم داخلي ..( شعرها بني طويل وناعم .. وعيونها واسعه وبنية ..بشرتها بيضاء.. اسم على مسمى) غرام : 21 سنة تدرس انجلش ( شعرها اسود فحمي متوسط طوله .. عيونها رماديه حادة ورموشها كثيفة ..بيضاء.. حلوووة حيل) فاتن , ماحفظتوها ههههه؟ : عمرها 18 في ثالث ثانوي ( شعرها اسود طويل وناعم مره ..عيونها نمرية سوداء..انفها سلة سيف ..بيضاء.. ملامحها مرسومة وجميله) يارا:آخر العنقود عمرها 16 سنة في أول ثانوي ( شعرها طويل لنهاية الظهر اسود .. عيونها بنية غامقة ..بشرتها سمراء..ملامحها نعووومة ) يلا أبدأ.. ساره فتحت الباب : ياهلا ومسهلا بشوقي ومــ..... انصدمت في بالها _ افففف شجابهم هذول !_: اهلين بفرح ومرح .. تفضلوا نورتو البيت فرح ولا كلفت نفسها ان تبتسم بس رفعت راسها بغرور ودخلت .. ساره تناظرها وفي بالها ( ووووع يا شين السرج على البقر على اييش تستغر مع كشتها ) مرح ابتسمت لساره ودخلت ورا فرح .. ساره ردت عليها الابتسامه دخلت بغرور يا أرض هدي محد قدي .. وتناظر الكل بطرف عين فااتن بصوت عالي وبعصبيه : افففففففففف مين الي عزمهاا ذي الحيوآنه ؟! هيييه انتِ شجابك هِنا ؟ فرح ناظرتها بإستحقاار من فوق لتحت وبكل غرور وهدوء ينرفز : ما أتكلم مع بويات! فاتن بعصبيه قامت لها : لاااا انا الي انتحر عشان اتكلم مع الصايعاات أمثالك .. بعديين أنا متأكذه ان ولا وحده عزمتك أجل ليش جايه؟ يلااااا براااااا ساره :فاااتن عيييب شهالكلام ؟! .. هذا بيت خالها مثل ماهو بيت عمك ! (ساره ماتطيق فرح ابدا ابدا بس ماتحب احد ينطرد من بيتها ) فرح ناظرتها بقرف بس ماتكلمت لانها تدري لو تكلمت بيجيها رد من فاتن يسكتها فرح مشت بغرور اتجاه الحمام والتفت لمرح بنظره ( يا غبيه قومي ايش تنتظرين!) مرح فزت من مكانها بسرعه وراء اختها .. رانيا بصوت واطي : هييي انتم مين عزمت الصخلة ذي تعترف الكل يناظر بعضهم البعض ساره تنهدت : اففف شكلها امي كانت تكلم عمتي بدور وقالت لها اني بجمعكم في بيتنا ! (" في الحمام") فرح فصخت الفستان الطويل وحطته في شنطتها .. بقت بلبسها العاري الشورت السماوي الي يوصل لبدايه الفخذ وبلوزتها الترتر الفضي القصيرة (يبان منها بطنها) فتحت شعرها وحركته بكل غرور .. عدلت ميك آبها .. وخلصت العطر من كثر الرش ناظرت نفسها بإعجاب وبغرور .. لفت لإختها وبعصبيه : شفيكِ ما فصختي فستان جدتك لحد اللحين؟ مو كل مره تسوين لنا هالحركات السخيفه ! مرح بخوف نزعت الفستان بسرعة وتحاول تنزل الفستان بأكبر قدر ممكن بس مافيه فايده الفستاان قصير كثير فرح : ايوه كذا .. لو بقيتِ بذا القرف (واشرت على الفستان) كان تبريت منك! طلعت من الحمام ومشت باتجاه البنات الكل انصدم من اللبس جواهر شهقت ( يمزززحووووون ايش هاللبس ذا !) فرح تناظر مكان الصوت .. : آووووه انتِ اللقيطة جواهر؟!! انصدمت من كلامها .. ساره بعصبيه وصراخ : هيييي انتٍ ! الزمي حدودك ! فرح تناظر ساره بغرور وبكل برود : أنا ايش قلت ؟ انا قلت الحقيقة ! أجل فجأة تطلع لنا بنت عم ما نعرف عنها شيء .. ولا اصلا ندري ان عندنا عم اسمه سامي .. أكيييد هاذي لاقينها بالشارع والتقطتوها ! .. (التفتت لجواهر) الله يعينك بس .. باين من شكلك الفقر واليتم واللقاطة ! كلامها حرق قلبها ..ضايقها .. بس حاولت ماتبين هذا الشيء: آهااا .. وانتِ بعد باين من شكلك انك مو متربية وعديمة اخلاق .. وباين من لبسك انك مضيعة بين بيت عمك وبين الديسكو ! غرام حطت يدها على فمها ووجها احمر وتبي تخفي ضحكتها .. رانيا دزتها وهي اصلا تبي تضحك! اما فاتن ما حاولت ابدا ..انفجرت ضحك:ههههههههههههههههههههه� �ههه.. يلا رممي بقايا جبهتك الي تفجرت! جوري تضرب ظهر فاتن عشان تسكت فرح ناظرتها بقهر ..وبكل وقاحه:نعم؟! آخر مرة تتكلمين معي كذا فااهمة؟ ولا قسما بالله اوديك ورا الشمس يالقيطة! جواهر تبي تنرفزها :هههههههههههههههه ليش وكالة ناسا وأنا ما أدري! فاتن و يارا و غرام انفجروا ضحك فرح بعصبيه: لا من جد انتِ يبيلك تربايه! جواهر بودها تقوم تعطيها كفين بس فضلت اسلوب النرفزة : ههههههه جد ولا عم ! فاتن اتسدحت من الضحك وجلست تضرب الأرض بيدها جوري وهي كاتمه الضحكة وتتصنع العصبيه : خلاص انتِ ازعجتي الجن الي تحت الأرض! فرح ناظرتها بقهر وماعرفت ايش تقول ابتسمت جواهر بنذاله :أنا الي أربيك واربي عشرة من اشكالك .. واذا تبين .. شخصيتك اللقيطة ..أنا اتكفل بها ! فرح : شوفو من يتكلم اليتيمة الي ماعندها لا أم ولا أب الي بعدها تحتاج لتربيه .. تكلمي أنا ! ساره بصراخ وعصبيه : فررررررررررررررح! فاتن : هي انتِ ايش هالكلام! غرام : فرح هذا مو شيء يتشمت بيه! جواهر حست بغصه .. اتجمعت دموعها في عيونها .. بس قوت نفسها وقامت لفرح ورفعت يدها جوري وقفت بينها وبين فرح ومسكت يد جواهر : خلااااص !.. تعوذوا من الشيطان ! فاتن : خليها تفجر وجهها بكم كفين .. تستااهل! جوري التفت لفاتن وصرخت : فااااتن خلاص! غرام قامت وسحبت فرح الى الممر الي فيه الحمام وسندتها على الجدار .. طالعتها بعصبيه بعيونها الرمادية الحادة .. وبهمس حاد : انتِ ! جيتي هنا وانتِ مو معزومة قلنا واصبراه !.. (ناظرتها من فوق لتحت) دخلتي لنا بلبس الكازينو هذا تبعك ومشيناها !.. بس تتكلمين عن (وشدت على الكلمة) بنت عــمـــي كذا .. لا ! .. هاذي اشرف منك فاهمة ! لا عاد تكررينها .. ولا قسما عظما .. قسما بالواحد الأحد .. أوريكِ نجووم الظهر! ودزتها : ويلا انقلعي ! فرح خافت من كلام غرام .. خاصة نظراتها الحادة خدمتها بتخويف فرح ما تكلمت اكتفت انها ترجع للمجلس جوري بحنية: ماعليكِ منها .. هاذي ناقصة عقل وماتعرف تتكلم! .. مغرورة على لا شيء .. ولسانها سليط .. سفيهها هالأشكال مايسوى القهر فيهم! جواهر بعصبية:وانتِ حظرتك ليش وقفتيني !ليش ماخليتيني اربيها! جوري بهدوء: لو كذا تتربى .. كان من زمان تربت من فاتن! رانيا تحاول تغير السالفه : آآآآ .. هييي انتِ ( تقصد ساره) .. منتي ناوية تعشينا ؟ ساره ناظرتها بنص عين .. ولفت : يابنات من ذي الي اسمها هيي من عائلتنا؟ رانيا : اففف ياسخيفه .. قصدي ساره .. يلا اطلبي لنا والله بموت جوع ! مسكت جوالها وناظرتها بنص عين:محد يموت جوع ! رانيا : مين قالك! كثيير ناس ماتوا جوع! ساره:لأني عندي بنات عم عايشين في مجاعه .. ولحد اللحين ما ماتوا! يارا رمت على ساره المخده : هييي انتِ لا تفاولين علينا! ساره طلعت لسانها ليارا جوال جميلة يدق ( شوقي) رانيا بصراخ : جميييييييييييييلة! فونك يدق! جميلة وهي تسد اذنيها : اففف طيب طيب .. ترا ابي اذوني ! رفعت : هلااااا والله بشوقي الغاليه شوق بعصبيه: أي غاليه مع كرشتك !.. لو أنا غاليه عليكِ كان ماخليتيني انتِ وبنات عمك حارس لبيتكم! تحركي افتحي الباب صار لي قرن واقفه برا! جميلة : اوووووووووبس .. والله ماسمعت فوني يدق! شوق : لا عاااد كل هالدق وما سمعتي! اذونك يبيلها تنظيف! يلا قولي لساره تفتح لي الباب مت حر منكم يامعفنات! جميلة :بعدين اقولك ليش .. اوك اللحين وسكرت جميلة : سااره ..شوق وملاك صارلهم ساعه برا .. فزي افتحي لهم الباب ساره : هااه ! والله! كيف كذا ماسمعت فوني يدق! فتحت جوالها .. وبفجعه : الله! 8 مكالمات ولا سمعتها ! مشت للباب ولفت للبنات : اقروا عليي الفاتحه ! ساره : ياهلا والله ياهلا باللي له الخافق يهلي! شوق بعصبيه : لاااا كان مافتحتين اصلا ... وبعدين ليش فاتحه لي بدون عباية ! ماتستحين انا حارسكم الجديد! ساره: هههههههههههههه ..بلا سخافه ويلا قدامي ملاك : افففف مو وقت هواشكم اللحين .. بعدوا عني معشوقي داخل! اول مادخلت رزت فيها قبال المكيف : اااااه لو كان المكيف رجلا لتزوجته! ساره : ههههههههههههههه لا انتِ وبنت عمك مو طبيعيين .. وحدة تبي تتزوج المكيف ووحدة معجبه بثلاجه ! جواهر اتفشلت : اهجدي فضحتينا! ملاك لفت : يوووووووه شهالفشله ! أخبارك جواهر ؟ أنا ملاك بنت جاسم جواهر : لا عادي انا الي تفشلت ( ناظرت ساره بطرف عين) بخير دامك بخير ياحلوه .. ما شاء الله اسم على مسمى ملاك استحت : تسلمين ياقلبي جواهر : انتِ بعمر يارا؟ ملاك ناظرتها وفتحت عيونها للآخر مفجوعه فاتن انفجرت ضحك : ههههههههههههههههههههههههه ههههههه مسكينة تعقدت من البيبي فيس تبعها! ملاك رمت شنطتها على فاتن : يااااااااااسخيفه ! فاتن : وووووووووووجع ! ايش حاجه في شنطتك ! صخره !؟ ملاك تركض لشنطتها بخوف : يووووووووه عطري ! وفتحت بسرعه الشنطة .. تنهدت بارتياح وهي ماسكه العطر : ياعمري انت الحمدلله ماانكسرت وصمدت قدام هالصخره هاذي! فاتن مفجوعه وهي ماسكه ظهرها من الألم: الحمدلله والشكر بس! أنا الصخرة لو عطرك الخايس ذا ! ملاك ناظرتها بنص عين وسفهتها .. لفت لجواهر وابتسمت : لا أنا بعمر اللوح ذي (اشرت على فاتن) ادري ادري مايحتاج تقولين يبان اني اكبر منها بسبب عقلي! احمم فاتن :مع نفسك ! جواهر : ههههههههههههه شوق : لا حووووووووول فشلتونا مع البنت ! ( مدت يدها لجواهر وابتسمت) ياهلا فيك بنت العمم! أنا شوق عمري 23 سنة وادرس طب اسنان .. مايحتاج تعرفين عن نفسك ساره فضحتك عندنا! ساره : يا حيوانه ماينقالك شي! جواهر_انبسطت على كلمة بنت العم_ : ههههههههههههه ياهلا فيكِ .. أدري عنها صار لي جريدة سبق! شوق : هههههههههههه ساره مبوزة : مالت عليكم انتو الثنتين! غرام : اففف ملل ايش بتسسون؟ جوري : أنا ابي يوم واحد بس ماتقولين فيه كلمة ملل! غرام : ي أختي شسوي الملل صديقي .. علاقتنا مره قويه .. 24 ساعه جالس بحضني! شوق بحماس : عندي فكره! الكل ماعدا فرح ومرح :ايش هي؟ شوق : توقعوا! رانيا : بلا بشكلك خلصينا وقولي فكرتك! شوق : لا لا توقعوا ! رانيا : اقول ظفي وجهك بس يا تقولين فكرتك... شوق : طيب طيب .. اخلاااق شوي شرايكم نلعب ذي لعبه الغرشة مدري شسمها غرام : هااه شذي اللعبة ؟ شوق : مدري ذي الي تدورين الغرشة ووحدة تسأل وتجاوب ساره : اييييييه عرفت ايش تقصد .. لعبة صراحة وتحدي رانيا : ههههههههه شوق مثل العجايز تخرف اسماء من كيف ام عمة الي جابوها شوق : رتبي كشتك انتِ! فاتن : ايوووووه ياحلوها ذي اللعبه! ملاك تناظرها بطرف عين : ايييه هاللعبة يحبونها الي مرتفع عندهم معدل النذاله! ساره : افففف ذي لا تخلونها تلعب معنا .. اسئلتها وتحدياتها مثل فيس زوجها! فاتن : هاه شفتون! يعني اسئلتي وتحدياتي عسل! البنات ماعدا فرح ومرح : آووووووووووب أوووووووووووب ايوه تمدح في زوج المستقبل ! فاتن بغرور : آفا عليكم ! ملاك بهمس : هذول الثنتين بيلعبون معنا ؟ جوري تتنهد : شر لا بد منه! شوق : اقول ساره انقلعي مع كشتك السوداء ذي جيبي لنا غرشه ساره قامت : الي يقول كشتك شقرا مع وجهك ! طييب غرام : اقول لا يكثر بس جلسوا على الأرض على شكل حلقة .. وعندهم حركة عشان تكون اللعبة اكثر حماسيه ان يحلفون يسوون الشيء الي يطلع لهم ساره ماسكة الغرشة : يلا بسم الله السؤال فاتن .. الجواب شوق شوق : لا عااااااد من بدايتها ! فاتن تفرك بيدها وبضحكة خبث : هههاي ... جاك الموت ياتارك الصلاه! ساره : والله انتِ الي جنيتي على نفسك واقترحتي هاللعبه ! جنت على نفسها براقش! فاتن : تحدي لو صراحه ؟ رانيا : صراحة لو تحدي يا حظي فاتن ناظرتها بطرف عين : ذا سييم مع وجهك! شوق : مجنونة اخذ تحدي .. صراحه فاتن بخبث : هاهاهاهاهاهاهاها شوق : اقول لا يكثر وخلصيني .. مالت على حظي فاتن :بصراحة شوق بصراحه .. لما كلمتي ذاك الي رقمك ذاك الاسبوع .. شقال لك عشان تستحين وتسكرين ؟ شوق بفشله : لا مايصير هاذي امور خصوصية ! فاتن : مافي شي ينص في قانون اللعبه على ان الاشياء الخصوصية ما ينسأل عنها بالعكس هي المستهدفه! رانيا : بالله ذي دخلونها محاماه يرحم والديكم ! ايش ينص قانون ومدري ايش! شوق : آآآآ .. مايصير سؤال ثاني فاتن : نووووب شوق : ابد؟ فاتن : انقلعي شوق ويلا جاوبي شوق : مالت عليك طيب .. قال لي (بفشله) انت صاروخ ارض جو .. جسمك يشد الانتباه! فاتن مفجوعه : ايييييييش ؟ هالصايع يبيله كف يرجع له مخه مكانه! ملاك بنبرة الخدامات : استغفيروووووووووو الله ! جواهر : من جده ذا ؟ وانتِ كيف تكلمينه؟ شوق : مليت وقلت خلني اتصل له مرة وحدة بس .. بس فاجئني بكلامه وسكرت بوجهه ساره : ولوووو يابقره! اذا مليتي عندك هالهبلة ذي تكلمينها ( تأشر على ملاك) ملاك : افا يابنت العم انا هبله ساره : لك الحشيمه ولو.. انا اصلا اقصد جميله جميله : لااااا يعني تكحلينها اللحين! جوري : يبيلك تكفيخ من جد! .. يلا يلا الي بعدو ساره لفت الغرشة غرام السؤال ... جواهر الجواب جواهر : الحمدلله ساره : هه هه ترا هاذي كوبي بيست من اختها .. هالعائلة متوارث فيها النذاله مدري ليش! فاتن : افا عليك~ ساره : شفتي؟ في احد يفرح لانه نذل؟ جواهر :ههههههه..حاله مستثناه غرام : ايووووه ياحلووو...تحدي لو صراحه .. مدري صراحه لو تحدي عشان لا يزعلون بعض الناس! رانيا : ايووه كذا جواهر بتحدي : تحدي! البنات : أوووووووووب آووووووب جوري : آيوه يا شجاعه ! غرام بخبث : خيرتكِ فأختاري مابين الموت على صدري او تحت دفاتر اشعاري! جواهر بلعت ريقها : ايوه طيب؟ غرام : تطلعين اللحين .. وآول وحدة او واحد تشوفينه تقولين له : أحبك! البنات : ههههههههههههههههههههههههه هه جواهر بصدمه : اذلفي مع كشتك ! ما اقولها لكل من هب ودب! ساره : اففاااا يا جواهر امي وابوي كل من هب ودب ! جواهر: اولا لا .. ثانيا طلعوا يا مفهية ساره : طيبب حرااام عليكِ نسفتي جبهتي ! جواهر : طيب بالله لو تطلع ليي جسيكا في وجهي .. تبوني اقولها احبك .. طيب انا اكرهها! غرام : ههههههههههههه .. لو عساه جراد تقولين له احبك!. جواهر:وييييع طيب الله يقرفك ! ماراح اقوم! غرام بخبث : حلفتي! جواهر : مستحيييييييل! غرام : طيب اجل ذا نيكست ... وراك 3 ايام جواهر! جواهر : لااااااااا انقلعي مع وجهك .. خلاص بقوم خسي الا انتي اصوم عشانك 3 ايام ! غير كلها كلمة! فاتن : ساره وراها .. نتأكد اذا سوت التحدي لو لا ساره : يلا جواهر طلعت من المجلس : افففففففف يارب قوي حظي يارب .. يارب تطلع لي مرت عمي عمي كذا ... افففف الله يلعنك ياغرام على هالتحدي الخايس مثلك! تمشي تمشي جواهر انصدمت لا لا لا مستحيل ! ساره فطست ضحك جواهر : آآآآآ مشعل! مشعل وبيده الشاحن : نعم خييييييييير؟! شتبين! جواهر : نعامه ترفسك قول امين! مشعل : وهندي يدفنك قولي آمين جواهر بصدمة : دعاويك مثل ريحتك خايسه ! مشعل بخبث : ليش دعاويك ريحتها حلوة مثل ريحة عطرك البربري سبورت! انصدمت .. تلعثمت : هاا .. ايه .. يلا ... امممم ... مو تصدق نفسك هااه مشعل رافع حاجبه موب فاهم شي جواهر متفشله ومتوترة : عشان لعبة الغرشـ ( الله يهديك ياشوق) قصدي عشان لعبة الجراحه ...يوووه الصراحه ..اخترت تحدي مالت عليي مشعل : جواهر سلامه عقلك؟ الله يعينك خرف مبكر؟ جواهر بعصبيه : تستهبل مع وجهك ! اسمع بقولك شيء بس امسحه من بالك علطول ..هذا بس عشان ما اصوم 3 ايام! مشعل بخبث : اوووه .. شكلك عليكِ ايام كثيره! جواهر اتفشلت وبعصبيه : انقلع يبيلك تدور وين الحياء تبعك شكله ضايع من زمان مشعل : ههههههه يلا خلصيني وراي اشغال شتبين؟ جواهر متفشله ومتوترة وتلعن غرام في بالها : أحبك .. يا معفن! وركضتتتتت مثل البرق للمجلس وقف منصدم .. عيونه مفتوحه عالآخر .. لا هاذي تقولها بس كذا عشان لعبتهم البايخه ! عشان لعبتهم البايخه! جواهر وجهها طماطم من كثر الحيا البنات متسدحين ضحك اخذت جواهر المخذه وجلست تضرب في غراام : الله يلعنك يا حيوانه فشلتيني! طااارت جبهتي ! خلاص ماعاد لجواهر جبهة! غرام ماتقدر تتكلم من كثر الضحك : شذنــ..هههههههههه .. شذنبي انا .... ههههه جواهر وقفت : مالت عليكم وعلى الي يلعب معاكم ! ساره : هههههههههههههههههه قلت لك هاذي نذله مثل اختها ماصدقتيني ! فاتن : هههههههههيلا كملوا لعب جواهر بعصبيه : انا بوقف! رانيا : لييييييييش خلي عندك روح رياضيه ! جواهر :خليتها لكشتك! جوري:ههههههههههههههه خلاص البنت مو متعودة على دفاشتكم شوي شوي ..ويلا خلاص وقفوا لعب ابي اتعشى ساره ساره:لبيه؟ ملاك : بيتزا رانيا:باستا غرام : بروستد جميلة:همبرغر شوق:ستيك جواهر:كباب يارا:كشري فاتن:شاورما ساره مفجوعه:هييييي انتم شوي شوي ! اقسم بالله شباب موب بنات! متأكدين انكم مو عايشين في مجاعه ؟ والله حرام من تجون بيتنا احسكم صوماليين تدورون اللقمه! رانيا : يب مو انتي سبب المجاعه مع اكلك! البنات :هههههههههههههههههههههههه� �هههه طارت الجبهة ساره : مالت عليكم .. ظفو وجهكم بس بطلب لكم بيتزا وبس فاتن : هيييييييي لا نبي شاورما شوق : لا لا ستييك ساره : انقلعي انت وياها ! يُقال لكم بنك الراجحي ؟ جميله : اقول ساره ترا الفلوس موب فلوسك فلوس عمي فأدفعي وانتِ ساكته ساره : لا حرام بعدين تسمنون فاتن :يا اختي شدخلك انت احنا نبي نسمن ساره : تصدقون عاد انتو الواحد مايعطيكم وجه .. بقول لمشعل يشتري لكم وخلاص جواهر انقلب وجهها لما جاب طاري مشعل ساره : الوووووووو هلا هلا باللي له الخافق يهلي مشعل :اهليين ساره : هلا بأحلى أخ في الدنيا .. هلا بزينة الشباب .. هلا بالقمر والعسل هلا والله مشعل : ايوه ايش طلبك ؟ ساره : افا افا تفكرني مصلحجيه يا مشعل ؟ مشعل : ايه اجل انت عجينة يدي .. اعرفك ماتمدحين الا وقت الحاجه ساره:يلااا عاد .. ابي عشا للبنات مشعل : لا من جد انتو ماخذين دورا لصوماليين ساره : اقول ترا بخلي فيصل الي يجيبه ! بلا مذله مشعل رفع حاجبه : اقوووووووول ! شكلها عجبتك السالفه ! ساره بتوتر : لا لا .. شدعوه .. بس كذا امزح مع وجهك .. يلا عاد احنا جواعه مشعل: خلاص كسرتوا بخاطري .. ايش تبون ؟ ساره: بقولك طلبهم بصراحه .. باستا بيتزا همبرغر شاورما كشـ...... ساره : افاااااا سكر بوجهي النذل جوري:هههههههههههه جاته صدمة من طلباتكم مع السوالف وكذا دق جوال شوق : الووو هلا بأحلى اخو فيصل : اهلين فيكِ .. يلا العشا جا ..اطلعــ.. قاطعته : اوك .. يُشكر فيصل: هااه؟ (سكرت بوجهه) شوق:ساره انقلعي برا ساره بصدمه : ليش شسويت؟ شوق : ماسويتي شي يالخبله بس اخوك برا جاب العشا! غرام ورانيا بنفس الوقت :بحبك وحشتيييني بحبك وانتي نور عيني ودنتي مطلعه كرشتي بحبك يا اكللللللل موووت جوري:ههههههههه اهجدو يا مفاجيع! ساره درررعمت للباب .. ساره : احببببببببببك واخيرا ! انصدم .. ما اعرف وين يناظر .. _ ساااااروووه يا خقه_ كانت لابسة فستان أحمر ماسك على الجسم خطير .. وفاتحه شعرها بشكل عادي .. ومكياجها فرنسي انصدمت .. وقفت متنحة تتأمل فيه .. كطبيعته كمغازلجي .. ماقدر يبعد عيونه عنها .. مد يده بالأكل : الأكل ساره اخذت منه الاكل ..وبكل برود وتناحه سكرت الباب مشت خطوتين ساره بصراخ : ياااااااااااااااااااااااا اااااااااااااااااربي فشللللللللللللللللللللللل لللللله! شوق مصومة : شالسالفه؟ ساره : شالسالفه هاااا ياااا حيوواااانه .. من متى صار فيصل مشعل هاااا ؟ شوق انفجرتتت ضحك ساره بعصبيه : ضحكة بلا سنووون ان شاء الله! وانا بعد متنحه جالسه أتأمل فيه ( ضربت الارض برجلها) ياااااااااااااربي فشله! وجلسوا ياكلون في المجلس الثاني مشعل : اييييه .. بعدين قلت له ترا ذوقك خايس يا اخي ! هالتي شيرت مايناسبك ! وهو مصر لا يناسبني .. فيصل فيصل .. فيصل متنح وفي عااالم ثاااني مشعل : فيييييييييييييصل وجععععععععع! فيصل استوعب : هاااه هااه! ايوه معك! مشعل بعوج فمه : طيب فيصل شرايك ؟ ايش تنصحني فيه ؟ فيصل يهز راسه : اللي تشوفه! مشعل : اللي اشوفه هااه! العتب الي يتكلم معك ! فيصل : ليش؟ مشعل : شدخل اللحين سالفتي بنصيحتك .. هذا دليل على انك في عالم ثاني .. شفيك؟ فيصل : لا ولا شي مشعل : متاكد ؟ فيصل في باله ( اجل تبيني اقولك شفت اختك وخقيت عليها):اييه اكيد ..يلا نقضي على الاكل فرح تناظر الساعه _ في بالها _: ايوووه واخيرا وقت رجعة يوسف ! فرح طلعت بدون ماتتلكم لأحد ساره :هييييييه انت~! وين بتروحين كذا بدون عباة؟ فرح : الحمام ساره : ترا فيه حمام في المجلس! فرح : لا لا مايعجبني وطلعت مشت بدون حياء ابد في بيت عمها بلبسها العاري .. كان عاطيها ظهر .. لابس قميصه كاروهات ابيض وكحلي وفوقه جاكيت اسود طويل .. ومنشغل بالجوال بدلع : يووسف! يوسف التفتت : لبيه؟ انصدم علطول نزل عيونه فرح بدلع مااايع : يوسف اخبارك ؟ يوسف :.......... فرح : يوسف شفيك ؟ يوسف وبعد منزل راسه : فرح !.. مفروض تطلعين بعباءة انتِ اللحين مكلفه! فرح : ويعني ؟ انت ولد عمي يوسف:انتِ قلتيها .. ولد عمك مو من محارمك! فرح بدلع زااايد : يوووووووسف .. يوسف فصخ جاكيته وحطه عليها : روحي الله يستر عليكِ .. وانتبهي البسي عباتك مره ثانيه اذا كنتي تمشين في بيت مو بيتك! ومشى بسرعه فرح : ويييييه يالبى قلبه .. (وتشم الجاكيت) آآآآه ياحبي له دخلت وهي فرحانه حدهاااا ساره وعيونها طالعه من مكانها : هييي مو هذا جاكيت يوسف ؟ فرح بدلع :ايوووه وقفت ساره : هاتيه! فرح بدلع: لا .. هو عطاني اياه! جواهر انصدمت ( يوسف يسوي كذا؟) ساره : قلت لك هاتيه وجب! فرح : قلت لا يعني لا ساره سحبتها منها .. وفرح تحاول تحتفظ فيه بقدر الامكان جوري بعدتهم : هي هي خلاص خلاص .. ما صار جاكيت .. والتفتت لفرح .. وانتِ علامك ماخذه جاكيت الرجال؟ فرح : هو عطاني اياه ! جوري ناظرتها من فوق لتحت: اهااا ..فهمت ليش سحبت الجاكيت بسرعه ورمته لساره : مره ثانيه لا عاد تطلعين بدون عباءه! فرح انقهرت واشتعلت نااار كيف تاخذ جاكيت حبيبها : هيه هذا جاكيت حبيبي مالك دخل فيه! جواهر مفجوعه(ايييييييييش حبيبي ؟! شالسالفه) ساره طلعت ليوسف بدون ماتعيرها اهتمام ساره :يوسف خذ جاكيتك! يوسف:ساره .. خبي بنت عمتك ماتطلع بدون عباءة ! انا الرجال استحيت ..كيف هي البنت ولابسه عاري كذا ما استحت! ساره : معدوم عندها الحياء! (" اليوم الثاني") جالس قبال التي في وهو فرحااان ومبسوط حده ويقلب بين القنوات باستمتاع ام يوسف: ايوه من وين طالعه الشمس اليوم ؟ ان شاء لله دووم هالبسمه مشعل وهو فرحان : ومين مايشوفك يا احلى ام وماينبسط؟ ام يوسف : لاااا اكيد في شيء ... هاه أيش هو ؟ مشعل :ههههههههههه مافيي شيء بس كذا رايق ام يوسف : هههه دوم يابعد عمري جواهر وساره نزلو ساره بصراخ : مسااااااااااااااااااء الوررررررد مشعل :مسااااااااااااااء الحُب! ساره مصدومه:هه شصاير مشعل؟ مشعل : ولا شي ساره حطت يدها على جبهة مشعل : شكلها حرارتك مرتفعه! مشعل:انقلعييي زين يعني الواحد يصير متضايق مايعجبكم يصير مبسوط ماتصدقوه ! ايش تبون بالضبط؟ ساره: خلاص خلاص اسفه .. امزح معك يازعووووول جواهر متفشلة من سالف هامس وماتبي تناظره مشعل يغمز لها ويرمش عينه بالسريع بقلدها ويحرك فمه بس:أحبك! جواهر خنفست بوجهه يوسف : يلاااااااا مشعل ساره جواهر الغذاء جاهز جلسو على السفره ابو يوسف: مشعل عندي موضوع معك مشعل: آمر يبه ابو يوسف : اللحين انت عمرك 23 يعني كبير بما فيه الكفايه عشان تشتغل معي في الشركه مشعل متنرفز بس يحاول يتكلم بهدوء : لا يبه انا طموحي هندسه ودراستي هندسه وشغلي راح يكون هندسه بإذن الله! ابو يوسف بعصبيه وصراخ عكس مشعل : اييييييييييش يعني ؟ اخوك يشتغل طبيب وانت تبي تصير مهندس ايش يبقى لي من العيال يشتغلووون معي ؟ اخترع من الصراخ مشعل .. : يبه انا وضحت لك من قبل اني ماراح اشتغل معك ! انا ابي هندسه! وماراح اتخلى عن دراستي ابو يوسف بصراخ : انااا ماقلت لك تترك دراستك .. عادي تكون عندك شهادة هندسه وتشتغل معي اداره في الشركه! يوسف بهدوء : يبه وطي صوتك شوي .. السالفه تحتاج لنقاش بس! جواهر منصدمه من الوضع اول مره تشوف عمها كذا مشعل : آسف انا انسان ماعندي طموح الا الهندسه وابي احقق شيء احبه في حياتي وهو الهندسه ! وماراح اتخلى عنها! لو تقلب الارض محل السماء! ابو يوسف يضرب الطاوله بعصبيه ..خرعت جواهر .. وبعصبيه وصراخ : موووووووووووووو على كيييفك ... بتشتغل معي يعني بتشتغل معي ! مشعل فقد اعصابه : يبه مو حاله ! هذا شغلي وانا حر فيه! طيب حبكت علي ! هذا ولدك يوسف قلت له نفسك الكلام وقالك طموحه طب وتركته على راحته ليش انا لا ! ابو يوسف : انت الولد الاخير انت اخر فرصه ! خلاص انتهت السالفه راح تشتغل معي يعني راحل تشتغل معي مشعل وقف بقهر : لااااااااااا الجواب مو منطقي ! مستحيييييل ! يبه اتقبل رأيي لو لمره وحده ! مره وحدة بس! بس خليني اكمل هندسه والي يصير يصير! تبيني اغير اسمي تبيني اعيش في مكان ثاني لو تبيني اتزوج بالغصب انا مواااااافق بس الهندسه لااااااااا! ضربه كف ..................................... ام يوسف :لا ! يوسف انصدم وقف ومادري ايش يسوي ساره سكرت عيونها جواهر مصدوومة لآخر حمر خده الابيض .. ضاقت فيه الدنيا .. عيونه بدت تلمع .. ترك الطاوله وطلع من البيت ! ام يوسف وهي تبكي : عبد الرحمن لييييييش سويت كذا؟ جواهر ناظرت عمها اتوقعت منه الندم عبدالرحمن : خله يستاهل! عشان مرة ثانيه مايرفع صوته علي! يوسف:بس يبه مشعل كان يتكلم بهدوء طول الوقت انتَ الا خليته يسوي كذا! طلع بسرعه يحاول يلحق اخوه عند البوابه المؤديه للشارع يوسف : مششششششششعل مشششششششششعل وقف مشعل:......... يوسف: مشعل تكفى لا تزعل! لفت مشعل ليوسف ..انصدم يوسف من حمرت خد مشعل .. وعيونه مدمعه .. وبسخريه : أجل تبيني افرح؟ يوسف :لا بس قاطعه ببحه في صوته : يوسف مايحتاج تبرر الموقف ! أنا طول عمري وبظل .. عديــــم الأهــــــمـــــيه ! ركب سيارته السبورت الحمراء ومشى ("في غرفه ساره") ساره : لا ابوي بالمعتاد مايضرب .. بس مدري شفيه اليوم ! جواهر : بس السالفه ماتستدعي هالكف .. كانت بسيطه تحتاج لنقاش وبس ..ماله داعي ان يحرجه قدامكم وقدااامي! ساره:الله يستر ..اول مره اشوف مشعل يدافع عن حقه مع ابوي كذا جواهر تنهدت : مايصير ! غلط الا صار! غلط! في المغرب في بيت (" جاسم") ملاك وهي تغني : توصي شييي أناااا بُكره مسافر؟ فاتن تكلمها بالجوال : خساره انتَ والدنيا عليا ...تكابر والزمن مثلك يكابر ملاك:ولكن قبل ماارحل ودي تعرف ..ترا موتي ولا موت المشاعر فاتن : اقوول كأننا قلبناها دراما .. ترا كلها البحرين! ( قصدها مو بعيدة) ملاك:ههههههه حسيت .. بس خلاص لو تودوني السودان ارضى .. خلاص طفشت ابي اطلع ابي اغير الروتين شووووي فاتن : ايي تغييير مع وجهك كلها يوم ! ملاك : انقلعي انتِ ! اصلا انت غيرانه! فاتن : لا عاد ابد .. على ايش اغار ملاك : ههههههه اعترفي اعترفي .. يلا حلقي بروح السوبرماركت اخم لي اكل عشان مسافه الطريق! .................................................. ....... متضايق مايدري ايش يسوي .. يتحسس بيده مكان الكف .. يحس بألم نفسي اكثر من الألم الجسدي ..بدون سابق انذار نزلت دمعه من عينه مسحها بسرعه : هيي مشعل شفيك ! .... تنهد تنهيدة طويلة .. طلع ورقه وقلم وجلس يفرغ طااقاته فيها .................................................. ........... الساعه 1 ونص ملت من غرفتها طلعت الحديقه تشوف الوورود الروعه وبالوانها الزاهيه .. وتتمتع بالجو الحلو جواهر : آآآه من زمان عن الورود! بعد تنهيدتها سمعت تنهيده طويله .. التفتت يمين يسار .. ما شافت احد تمشي شوي شوي عند الجدار شافته مسند ظهره .. وتخفيه النباتات اخذ رشفه طوييليه من السيجاره .. ووجهه احمر لانه أول مره يشرب دخان ! ويكح بقوة بشكل مو طبيعي .. جواهر بصدمه وهي تغطي انفها : مـــشــعـــل ! انتهى الباااااارت توقعاتكم + ارائكم + تعليقاتكم ياحلوين^_* | |||||||||
|
| |
|
09-10-14, 01:27 PM
| #9 | |||||||||
| نجم روايتي ومشرفة سابقة وفراشة متالقة بعالم الازياء
| البــآرت الــســـابــع اخذ رشفه طوييليه من السيجاره .. ووجهه احمر لانه أول مره يشرب دخان ! ويكح بقوة بشكل مو طبيعي .. جواهر بصدمه وهي تغطي انفها : مـــشــعـــل ! مشعل وهو يشيل السيجاره من فمه وبدون نفس : خييير ايش تبين؟ جواهر ومازالت تغطي انفها : اترك هالسم من يدك! مشعل بدون نفس : مالك دخل! جواهر:قلت لك اتركه! مشعل وياخذ رشفه كبيرة عناد : وانا قلت لك مالك دخل! جواهر انقهرت وبعصبية سحبت السيجارة من يده ورمتها على الارض وداست عليها بقوة وبقهر.. مشعل بقهر :هيييييي انتِ! شتحسين فييه! جواهر تناظره بعصبيه : انتَ الي ايش تحس فيه تقتل نفسك بشيء مايسوى! مشعل لف وجهه عنها وبصوت واطي : عشان شيء يسوى جواهر وتحط يده على خصرها وبعصبيه : يااااسلام!..وانتَ ايش الي بتستفيد منه لما تشرب هالسم الهاري هااه؟ مشعل لف عليها وبعصبيه صرخ :وانا ايش الي ما بستفيد منه يا جواهر! الدخان ماراح يموتني عشان اموت واريح ابووي مني! جواهر كسر بخاطرها وبهدوء : بس مهما كان يامشعل ..انتَ قاعد تأذي نفسك بهالشيء .. بدل ماتشرب هالدخان وتمرض نفسك حاول تتناقش مع ابوك مشعل يضحك بإستهزاء وألم : ليييش ؟ هو عطاني فرصة اتناقش معاه؟! ابوي ينمسح النقاش من قاموسه اذا يكلمني! ابووي يصير رجعي بس لما يكلمني ! ليش شسويت له أنا ! بلعت ريقها بقوة وسكتت..ماتقدر تتكلم لان كلامه صحيح 100 ب100 مشعل لف وجهه عنها: تيسري بس الله يعافيك .. واعتبريني مثل مالكل يعتبرني .. مو موجود! كسرر بخاطرها بقووه بس تركته ..يمكن يهدأ لوحده ("في غرفه ساره") ساره تكلم بجوالها: مدري اللحين ايش بيصير رانيا: بس ماله دخل عمي بتخصص مشعل .. ثانيا بعد ماخلص مشعل عدة سنوات في دراسة تخصصه يجي ابوك ويبيه يشتغل معه! ساره: حتى انا مو عاجبني الوضع .. واحس كل الي صار مو منطقي..اففف الساعه 2 ومشعل لحد اللحين من طلع الظهر ماارجع! استغفر الله ياخوفي صار له شي! رانيا: لا تفاولين على الولد يابنت! تلقيه يفرغ طاقاته المكبوته في مكان ما ! طيب .. ويوسف ماحاول يقنع ابوك؟ ساره: بالله مين ماحاول يقنعه ؟! الكل يحاول فيه بس مايقدر يلين راسه! رانيا : افففف شهالحاله ! هذا ظلم ساره بصوت واطي : أي نو رانيا : اوك سارونه انا اللحين بنام ..اذا تبين شيء دقي علي اوك؟ ساره :اوك يالحب طق طق طق ساره:ميين؟ جواهر فتحت الباب: آنااا ساره بصدمه:غريبة طقتك للباب كذا بهالنعومه ! بالعادة شوي ويتقلعين الباب من مكانه! جواهر جلست على سريرها : اقولي سكتي بس ..اففففففف ياسارووه حدي مضايقه ساره: ليش شفيك؟ جواهر : احس الوضع في بيتكم ..مدري كيف اشرح ساره هزت راسها: فاهمه عليكِ..انا خايفه على مشعل كثييير ..مشعل اذا تضايق يتهور يسوي اشياء مجنونة! جواهر تذكرت الموقف الي صار في الحديقه شدت على اسنانها: صح ! ليش عمي يعامل مشعل كذا! ساره تنهدت: مدري شالسالفه بالضبط .. يمكن عشان مشعل كانت مراهقته صعبه .. بس اللحين مشعل مو مراهق! .. الزبده ان اكثر شيء يقهر مشعل هو التفرقة العنصرية بينه وبين يوسف! جواهر : ليش مايكسر بخاطره؟ عمي حنون على الناس وقاسي على ولده! ساره تنهدت: مدري مدري.. تدري مره قال مشعل : ابوي يذكرني بالأمريكان قديما وكيف كانت عنصريتهم بين البيض والسود .. حتى في الحقوق البيض لهم كامل حقوقهم واكثر والسود مالهم حقوق!!!...هنا يوسف البيض وانا السود! جواهر ناظرت الارض وهي مضايقه ساره : اقول قومي جيبي لنا الهارديسك خلينا نشاهد موفي مليت ترا ! جواهر تبي تغير نفسيتها : آوك .. ايش نوعه؟ ساره: مدري الي يصير اهم شي فلم جواهر : طيب وين الهارديسك حقك؟ ساره : عند غراام جواهر تخصرت: ياسلاااام .. اوك يارووحي اروح لها بالسبورت الصفراء حقتي اتعنى عشان اجيب لك الهارديسك حقك ياعيوني .. اقول طيري بس انا ساحره اجيب الهارديسك كذا من بيت عمك لهنا؟!! ساره:افففف ياغبيه روحي خذي هارديسك مشعل خلنا نشاهد من عنده جواهر : انت الغبيه .. طيب وين؟ ساره: وين يعني؟! في غرفه مشعل! جواهر : مااااشاااء الله وتبيني ادخل غرفه مشعل؟ ساره تهز راسها : يييب جواهر : عشان الهارديسك؟ ساره تهز راسها : يبييين جواهر ترمي عليها المخده : اقول اذلفي بس ..ايش تبيني اروح غرفه الرجاال عشان اخذ الهارديسك حقه بعد! ترا لو يشوفني يذبحني! ساره: ماعليكِ اسلمك الآمان جواهر : أي امان انت مع وجهك .. انت لو تسمعي خطواته بس تهربين وتسحبي علي ساره: افااا .. تظننين في ظن السوء ياجواهر؟ جواهر : طيب طيب خلاص مايحتاج تسوين لنا دراما خليجيه اللحين! دخلت غرفته كاااانت بااااااااااارده لانه المجنون يطلع من الغرفه ومايطفي المكيف غرفته مجننووونه مثله .. جدار ازرق وجدار اخضر وجدار برتقالي والاخير ابيض سريره كبييير وفرشته مخططة بالعرض عدة الوان تناسب الوان الجدار .. بس كل شيء منظم في الغرفه ...في كل منطقة تمشي فيها تلقى شيء يتعلق بالهندسه..مجسم مخطط أي شيييي ..مستحيل الي يدخل غرفته مايخمن تخصصه! جلست تدور وين الهارديسك ..وهي تدور شافت جنب سريره صورة في ايطار ..كانت صورته وهو عمره شهوور ..كان ماسكة شوكولاته وموسخ نفسه بيها .. خده كله شوكولاته .. ويناظر الكام ببراءة شديده جواهر:ههههههه يالبااه تغير كثييرررر واخيرا انتبهت للهارديسك على مكتبه توجهت له واخذت الهارديسك..انتبهت لدفتر اسود جنب الهارديسك .. جاها فضووول رهييييب تفتحه ..جلست تشاور نفسها .. بس الفضول كان اقوى منها كان داخل الدفتر قلم ..عشان كذا اول مافتحته فتحته على الصفحه الي موجود فيها القلم.. كان مكتوب بخط مرتب ومستقيييييييم كأنه مسطره يبه...ليش؟ ليش تعاملني كذا؟ انا شسويت؟ ليش تعاملني كأني مو ولدك؟ احيانا افكر...يمكن انا يتيم وانت تكفلت بي! واحيانا افكر...يمكن انا ولد زوجتك بس! يبه انت لو تقول عسى الموت ياخذك...عشانك بقوول آميين! يبـــه يبه لما يوسف رفض الشغل قلت له اوكي مع ان الأمر جنوني ..ولما قالت ساره ماتبي تغير البيت قلت لها من عيوني ..طيب أنا؟ مو اختيار الشغل من ابسط حقوقي؟! يبه ليش تفرق بيني وبين اخوتي؟ ترا الشيء يجرح ..يألم..من اشوفك كيف تعامل اخوتي احس بغصة ووجع تقارن بيني وبين يوسف كثييير..احيانا احس ان يوسف ملاك وأنا ابليس الرجيم! يبه لا يوسف قام من الأكل ..قلت له وين بعد ماخلصت صحنك؟ ولين انا اقوم...تقول لي اييه انت كله كذا ماتواجه كأنك مو رجال! طيب ليش انت ماتواجهني وتتناقش؟! ليش مديت يدك علي وانا احاول اتناقش معك؟ يبه كممممم مرررره دعيت على نفسي بمرض..يخليني اتعب وتخاف علي وتهتم بأمري! يبه كم مرره تمنيييت الموووت ..يجي ياخذني يمكن تحس..او ترتاح مني! يبه انا اسلم لك حياتي كلها ..بس الهندسه كيف تركهها؟ هي طموحي الوحيد..أملي الوحيد يبه طلعني بكيفك اصدقائي بكيفك سيارتي بكيفك اكلي بكيفك اجهزتي بكيفك ملابسي بكيفك حتى زووجتي خلها بكيفك..بس تكفى تخصصي خله موب كيفك! التاريخ: اليوم: (احتضار من قوة الوجع) نزلت دمعة من عيونها لا اراديا ..كتابته أثرت فيها بقووة .. مسحت دمعتها وبنبرة تحدي قالت : لا ! مستحيل أسكت عن هالموضوع! " اليوم الثاني(الصباح)" طقت الباب بهدوء وتحاول تكون هادئة بقدر الإمكان ...:نعم؟ جواهر تنهدت : عمي ممكن أكلمك شوي؟ أبو يوسف فَز لها وفتح الباب وبإبتسامه حنيه : هلا هلا ببنتي جواهر ردت الابتسامه : اهلييين فيك عمي .. عمي ممكن اكلمك بموضوع ؟ أبو يوسف : بغيتي شيء ؟ ناقصك فلوس ؟ ناقصك ملابس ؟ ايش محتاجة قولي لي جواهر : لا لا .. السالفه مو عني .. بس اذا ممكن اكلمك واحنا جالسين أبو يوسف : خير ان شاء الله .. خلاص نروح مكتبي "في المكتب" كان ابو يوسف جالس على كرسي مكتبه وجواهر جالسة على الكرسي الي قباله ابو يوسف : ايوه يا احلى بنت اخ في الدنيا .. آمري جواهر ابتسمت _ ياليت هالكلام يكون لمشعل_: عمي انا مدري كيف ابدأ الموضوع معك .. بس ابيك تبقى هاادي.. وتتناقش معي تكفى مو تعصب .. سالفه مشعل هنا تنهد ابو يوسف كملت جواهر: حاولت اسكت بصراحه بس الموضوع ماينسكت عنه .. انت تدري ان اختيار التخصص من حقوق مشعل ..لأن في النهاية هوه الي بيدرسه هو الي بيشغل فيه .. هاذي نقطة .. النقطة الثانيه .. للمعلوميه الانسان مايقدر يبدع او ينجز في شيء هو مايتقبله يعني حط في بالك ان لو مشعل يشتغل معك مابينجز .. النقطة الثالثه.. ياعمي مشعل مشى في التخصص سنوات وهو طموحه يعني كيف تبيه يتنازل عنه بسهولة؟..النقطة الرابعة..(تكلمت بقهر شوي) عمي ليش ضربت مشعل؟ مشعل كان يتكلم بإحترام وأدب ..حرام ياخذ هالكف منك ..وطبعا مثل ما انا تكلمت يحق لك تتكلم وتقول لي السبب .. ليش تبي مشعل يشتغل معاك في الشركة ؟ ابو يوسف كان متفاجئ من كلام جواهر _هاذي البنت عقلها أكبر من عمرها بكثييير_: صراحه أنا مدري اعلق على ايش واترك ايش جواهر بسرعه : مايحتاج جاوب بس على آخر سؤال .. (بعدين انتبهت لنفسها ) آسفه أبو يوسف تنهد : مثل ماعبرتي عن رأيك بصراحه باجاوبك بصراحه جواهر بدفاع : لا هذا مو رأيي هذا كلام واقعي (ياااابنت هدي شوي ) آسفه أبو يوسف ابتسم ...وبعدين قال:بصراحه انتِ مثل ماتعرفين بعد وفاة أبوي صرت أنا مدير الشركة .. طبعا قبل هذا انا كنت ما ابي اشتغل في الشركه .. بس ابوي اجبرني قال لي انت لازم تكون وريثي .. وبحكم اني الوحيد الي عمره مناسب من عياله عشان يتعلم على العمل في الشركة..ففي حياته صار يخليني أداوم معاه عشان اتعلم على سياسة العمل ..لين ماتوفى وانا ورثت مكانه وصرت مدير الشركه .. جواهر رفعت حاجبها : وأنتَ تطبق الي سواه فيك أبوك في مشعل؟! أبو يوسف تنهد : أي ... أنا ما اضمن عمري لازم اشوف لي من يورث مكاني جواهر مثل ماهي رافعه حاجبها : اهاا.. بس عمي الي يورث مكانك مو ضروري يكون مشعل .. لأنه مايبي يشتغل فيها أصلا! أبو يوسف رفع حاجبه : كيف يعني ؟ أجل مين؟! جواهر تحاول تعصر مخهاا تذكر الاسماء بعد التحقيق الي سوته مع ساره الامس: يعني تقدر تخلي من يورث مكانك ..فارس أو...(اففف ياربي توهقت شسمه ذاك المخلوق) هذا اخ شوق وملاك ( ياااا اني خربتهااا) أبو يوسف: قصدك فارس ووليد ؟ .. كيف بالله اخلي الي يورث مكاني اولاد اخوتي مو ولدي؟ جواهر _ يلا آسفه وليد اسمك تغير صرت اخ شوق وملاك _ :عمي مو أنت قلت في البدايه إن جدي (حست نفسها هبله وهي تقول جدي بس كملت) أجبرك تشتغل معه عشان عمرك مناسب .. يعني ماخصصك انت بالذات عشان تورث مكانه ... هو شاف العمر الأنسب ..يعني الحفيد الي يورث مكانه مو لازم يكون ولدك ! أبو يوسف يرفع حاجبه ويتكتف جواهر:أقصد لو مثلا كان عمر عمي جسار هو الأنسب ..راح يكون هو من يورث مكان جدي في الشركة .. وفي التالي عزام او فارس هم الي بيورثو مكان ابوهم في الشركة .. يعني مافرقت ولد مين .. الأهم التخصص والعمر ! أبو يوسف مسك ذقنه وجلس يفكر لمده .. أبو يوسف وهو يناظر في أوراقه : اقنعتيني ! جواهر :هاه؟! أبو يوسف ماسك ذقنه ومنزل راسه .. رفع عيونه لها وابتسم : كلامــك أقنعني يابنت سامي ..خلاص تم جواهر منصدمة : يعني مشعل ؟!!!! ابو يوسف يضحك : ههههههههه شفيكِ مفهية ؟! خلاص تم يعني خلاص مشعل ماراح يشتغل في الشركة! جواهر توقف من الصدمة وتحط ايديها على خدها ومنصدمة والفرحه مو واسعتنها : ييااااااااااربي ما اصدق ... باست راس عمها وبسرعه : شكرا عمي الله يطول بعمرك عمي شكرا عمي شكرا عمي الله يخليك عمي الله يغنيك عمي الله يرزقك عمي شكرا عمي الله يرزقك الجنة عمي ابو يوسف فاقع ضحك : هههههههههههه خلاص خلاص بالعة راديو ؟! طلعت من مكتب عمها وهي تضحك وفرحااانه حدهااا ......:عسى الفرحه دوم ياقلبي انفجعت ولفت للصوت .. ابستمت : تدوم بوجودك مرت عمي أم يوسف بإبتسامه حنيه :ليش شصاير ؟ .. اذا ماتبي تقولين عادي ادري اني ملقوفه جواهر : لا ايييش ملقوفه ..لا تقولين هالكلام .. عمي .. استغفر الله قصدي مرت عمي ام يوسف تضحك : هههههههههههه كل هذا من الحماس؟! جواهر اتفشلت : ههههههه .. مرت عمي يوسف خلاص مابيشتغل مع عمي في الشركه!! ام يوسف منصدمة وتناظر جواهر بتناحه :هااه؟! جواهر اتفشلت _لا حووول لازم افجر جبهتي بنفسي أنا الخبله _:احممم قصدي مشعل .. (وبفرحه) مشعل مابيشتغل مع مرت عمي في الشركه! وقفت منصدمة _ يااااربي هاذي ثالث غلطة!_ ام يوسف انفجرت ضحك :هههههههههههههههههههههههه� � خلاص خلاص وصلت المعلومة مايحتاج تعدين الجملة !!! جواهر حمر وجهها من الفشلة وابتسمت ام يوسف تنهدت : الحمدلله .. ايش الي غير رأيه ؟ جواهر منزلة راسها : مدري ..يلا بتركك ام يوسف :خذي راحتك ياقلبي طقت باب المكتب بهدوء كعادتها ابو يوسف:مين؟ ام يوسف : انا خلود ابو يوسف : ادخلي حطت كوب القهوة على مكتبه وجلست مكان جواهر وبإبتسامة الحنية ابتسامتها المعتادة : صحيح الخبر ؟ ابو يوسف شرب شوي من القهوة وبعد الكوب عن فمه : خبر مشعل؟ ام يوسف بفرح: اييه! ابو يوسف : ايه ام يوسف : كيف اقتنعت؟! ابو يوسف مركز نظره عند نقطة محددة وبنبرة دهشة: بنت سامي يا خلود ..بنت سامي كلامها يهز جبل .. ويرضخ عاقل ويقنع مجنون ام يوسف بصدمة : مين جواهر؟! ابو يوسف ناظرها : ايوووه ! | |||||||||
|
| |
|
09-10-14, 01:28 PM
| #10 | |||||||||
| نجم روايتي ومشرفة سابقة وفراشة متالقة بعالم الازياء
| "الظهر" جالسة ترقص على اغنيه قلب قلب وين وين ومرفعة الصوت فُل .. وهي تحط الأكل في شنطة اليد تبعها .. وفرحااانه حدهااا دخل الغرفه وجلس يرقص بشويش بشويش لين ماوصل عندها :ايوووه شهالرقص الفااشل! ملاك شهقت من الخرعة ولفت له وهي منصدمه وحاطة يدها على قلبها :عبوووووووووود ترا في شيء اسمه طق الباب قبل دخول الغرفه ! عبدالله : سلااماات ..درس سلوك في أول ابتدائي ! ثانيا ..(وضرب راسها) انا طقيت الباب بس شيء طبيعي انك ماسمعتيني مع الديسكو الي حاطته! ملاك وهي تحك راسها مكان الضربه :اكرهك من كثر ماتضرب راسي بصير مجنونة منك! عبدالله بإستهزاء : وانتِ تفكري نفسك ايش؟ انتِ مجنونة فلهذا انا اضرب راسك يمكن تصيري عاقله! ملاك انقهرت بس عطته ظهرها وجلست تكمل ترتب شنطة يدها ..وتبي تقهره .. بأسلوب كأنها تكلم طفل:يلا حبيبي روح للبابا عشان يركبك السيارة .. عشان يوديك مستشفى المجانين! (وخبت راسها بين كتفها خايفه من الي بيجيها ) عبدالله انقهر ومسك تي شيرتها وسحبها بقوة : هيييي مين المجنون؟ ضامة يدها عند صدرها ورفعت راسها ببراءة : انت! عبدالله فتح عيونه من الصدمة : نعممممممممم؟! ...... : لا حوووول .. هي توم وجيري مو وقت هواشكم اللحين .. يلا ملاك ابوي ينتظرك في سيارته ملاك تناظره ببراءة ..وتتمسكن: وليييييد.. شوف عبود الشرير يضربني! عبدالله وهو منفجع : هي هي انتِ يالدلوعه ..متى ضربتك ؟! انا بس سحبتك من تي شيرتك الي يفشل ذا! وليد تقرب وسحب ملاك من عبدالله : عبدالله وبعدين معك ! تراها أنثى ماتتحمل يدك! ملاك تطلع لسانها لعبدالله تحره عبدالله منصدم وبدفاع: ترااااا انا ماضربتها انا بس سحبت تي شيرتها اختك ذي كذابه تتمسكن مع وجهها الي يساعد! وليد : ولووو يا روح أبوك .. انتَ شايف جسمك مع جسمها .. انتَ فيل وهي نملة ماتقدر على يدك الضخمة ذي! ملاك : حبيبي اخووووي الي يدافع عني مو مثل بعض الناس ( وتناظر عبدالله بقرف) بس حراام ماعلى المجنون حرج ! .. وطبعا أنا توم عبدالله منصدم : شفت اختك هي الي تدور مشاكل! .. لاااا ياحلوه انتِ جيري وأنا توم! ملاك : ادري اني حلوووه .. لا انت جيري وانا توم! عبدالله: أنااا توم! ملاك:أناا توم! عبدالله:أنااا..... وليد بصراخ : خلااااااااص ..ثنينكم قطاوه مع وجهكم بلااااش حركات البزران هاذي .. ويلا تأخرنا ! سكتو ثنينهم دخل وهو معصب :خيييييييير ! صار لي ساعه انتظر ابوي يتحرك بس عشانك سٍت الحسن ملااك أبوي ما اتحرك ينتظرك ! لمتى ان شاء الله تنوين توقفيني برا حالي حال راجو! ملاك بخوف : طيب طيب اللحين بطلع .. كله من اخوك المتنح ذا يتهاوش معي! لف عليه بعصبيه : وانتَ ماتدور تتهاوش الا في وقت غلط مع كشتك المحروقه ذي! مو انت مابتطلع معنا يعني تأخرنا ! وليد : شمدريني عنه .. الكبير يحط راسه في راس الصغير! عبدالله : يارجااااال شدعوووه .. صايرين لي بدي قاردات لأختكم الفصعونة ذي ! ملاك خلصت اتجهت لاخوتها:راشد انتَ بتروح معنا يعني؟! راشد : لااا بس كذا ابي ازفكم للبحرين .. تعرفين بتوحشوني وكذا! ملاك : اووه .. ماله داعي هالمشوار عشان هالسبب! راشد يسكر عيونه ويفتحها بسرعه ويعض شفته بقهر : صدقتي يالهبلة !!!! استغفر الله بس انا ابي اعرف بس انا ذكي لا مو بس ذكي عبقري واختي غبيه كذا كيف؟! .. بالله رجال ينتظركم لين ماتتحركون .. بالله عشان يزفكم يعني ؟! اكييييييد عشان بيروح معكم ياغبيييه!ّ ملاك وهي تمسك جبهتها : طيييب يا اخي فشلتني .. نسفت جبهتي خلاص ماعاد عندي جبهة! عبدالله(عمره 26 يشتغل طبيب عام ..أبيض وعيونه واسعة عسلية وشعره أسود عريض) وليد (عمره 25 بس عقله اكبر من عبدالله ..يدرس اداره اعمال..ابيض عيونه سوداء وشعره اسود جسمه كشخة مو العريض ولا الي مابه عرض يعني مثل عارض الازياء خخخخ وصف .. رزة ومملوح) راشد(عمره 24 يدرس تقنية قلب ..ابيض شعره اسود ناعم وعيونه شكلها غائرة وبنيه فاتحه ..جسمه معضل .. جميل يطيح الطير من السما) .................................................. ................... أول مادخل البيت توجهت له بسرعه كانت تنتظره .. تفاجئت انه ماسك السيجاره ويشرب فيه .. انقهرت وبسرعه اخذتها من يده وطفتها مشعل لونه اصفر وذابل مو على طبيعته وبقهر : هيييييي كم مرة قلت لك لا تدخلين ! جواهر بقهر : خلاااص شوف شكلك تعبان وذبلان ارحم بحالك! مشعل اخذ سيجاره ثانيه بيشربها .. سحب بقوة يد مشعل واخذ منه السيجاره وبنبرة تخويف : لا عاد تشرب هذا الشيء مره ثانيه ! مشعل يتأفف : شدخلك انت الثاني بعد ! يا اخي كيفي ابي ادخن ابي انتحر كيفي يا اخي حياتي لو حياتك! يوسف هادئ بس متنرفز : تكلم عدل ! محد له حق يعذب روح انت نفسك مالك حق تعذب روحك! مشعل : اووووووه بدينا بشغل الواعظ الديني جواهر بحنيه : مشعل صدقني هذا مابيفيدك ..لقـ.. قاطها وهو يناظرهم بخبث : تصدقون! تلبقون على بعض جواهر حمر وجهها وانصدمت فتحت فمها : آ آ.. يوسف اتفشل بس مايبي تبان فشلته : وبعدين معك؟ مشعل سفهه وطلع السيجاره الثالثه .. لا اراديا مسكت يده جواهر : مشعل خلاص اتركه .. خلاص ماراح تشتغل مع عمي .. خلاص بتكمل طموحك الهندســه! مشعل يناظرها وهو منصدم من حركتها وكلامها : لا تعامليني مثل بزر! جواهر وبعدها ماسكة يد مشعل : لا حاشاك .. والله اتكلم جد .. عمي قال لي خلاص مشعل بيكمل هندسه ! مشعل منصدم مو قادر يصدق : قولي قسم؟! جواهر بفرح : والله والله يوسف يناظر يد جواهر الي ماسكة يد مشعل .. بعد يد مشعل جواهر انتبهت لنفسها واتفشلت .. نزل ابو يوسف..لقاهم متجمعين : شصاير ؟ مشعل توجه له وهو يحس انه بيتفشل : يبه .. صحيح انك قلت خلاص ماراح اشتغل معك في الشركة ؟ ماراح اترك الهندسه؟! ابو يوسف وهو يبتسم ويناظر جواهر : اييه خلاص مشعل منصدم وشوي شوي يبتسم تدريجيا ابتسامة صغيرة كبيرة لين ما طلعت اسنانه .. وبحماس باس راس ابوه :شكرا يبه شـ.. ابو يوسف : مشعل لا تشكرني .. اشكر جواهر جواهر ابتسمت بخجل مشعل رفع حاجبه : هااه!؟ شدخلها! ابو يوسف يبتسم له : هي الي اقنعتني ! يوسف منصدم ويناظر جواهر .. ابتسم لها بإعجاب جواهر انحرجت في بالها: ووه ابتسامته خطيرة! مشعل منصدم لف لها ويأشر عليها ويأشر على ابوه : انتِ اقنعتي ابوي ؟ جواهر تهز راسها بإيه مشعل يمسك طرف عباية جواهر كأنه يحضنها ويضحك : مااا اصدق تسلم كشتك يالدبه ! ابو يوسف : هيه هيه بعد عن بنت عمك شوي وبتحضنها! ساره تشوف الحدث من بعيد : ههههههههههههه .. احضنها حقيقة بعد! جواهر منصدمه وفي نفس الوقت منحرجة وفي نفس الوقت تقول في بالها اول مرة يشكرني مشعل ! .................................................. ...................... العصر في طريقهم للبحرين كانت شوق وملاك مع ابوهم (جاسم) في سياره .. ووليد مع راشد في سيارة راشد وعائلة ناصر بيروحوا معهم .. ناصر+زوجته شيخة وجوري وجميلة ويارا في سياره فيصل وغرام وفاتن في سياره فيصل في سياره جاسم ملاك بفرح : ادريييي حماااااس الحمدلله انكم بتجون معنا! فاتن : ههههههههه بس ابوي وابوك حركااات يسوون مفاجئات من ورانا ! ملاك:هههههههههه من جد فاتن : بس ابوي يعرف يكذب من جد يقول يلا يلا بوديكم البر واحنا متحمسين ولما ركبنا سياره فيصل طالعنا من النافذه وقال لنا : يلااا توصلوا البحرين بسلاامه ! ملاك : ههههههه قولي قسم ؟!..والله وطلع عمي حركاتت ههههه فاتن : هااا افا عليكِ بس ملاك:جات معاكم هيفاء؟ فاتن : لااا هيثمو مريض ماتقدر تتركه وماتقدر تروح بدونه ملاك : ياااقلبي سلاامته .. بشريني حملتي معك اكل سنع ؟ فاتن : ايه ايه لا تخافي يالددوووبه .. كرشتك معي في آمان في سيارة راشد وليد يغني : I'm lonely lonely lonely I'm lonely lonely in my life راشد بصوت حلو يكمل : I'm lonely lonely lonely God help me help me to survive! وليد يكمل : Remember first time we met day one kids مادري ايش راشد : هههههههههه ايش ذي مادري ايش مع وجهك .. ولا تقولها بنفس اللحن بعد وليد : هههههه يا اخي زهايمر .. ثانيا الأغنيةمغبرة ما اذكرها خلك من الاغاني الأجنبية ..: مازلت احبهاا ولاني قادر انساها راشد يكمل : صورتهاا دايم في بالي ماتفارقني .. ترا ذي مغبرة بعد مع وجهك ماجبت شي جديد وليد : ههههه نسفت الجبهة راشد بخبث:ايووه .. بتشوف جولييت اليوم وليد اتفشل ولف وجهه يشوف الطريق: انقلع مع وجهك راشد: لاااا اجل كنت بتلبس لبس عادي بس لما قال ابوي انه بنروح البحرين مع بيت عمي رحت ركضضضض تغير ملابسك وعطر وساعه كشخه كل ذا عشان جولييت وليد : مرييييشيد جوز عني راشد: مرييشيد وجهك ..اسمي راشد ! ..(ويناظره بخبث وبصوت حلو) ... مشتاق لك موت يالي طول غيابك ذبحني الشوق وانت عني موداري وليد رمى على راشد مخدة .................................................. ......................... كانو جالسين جلسة عائلية في الصالة يشاهدون فلم.. ام يوسف ويوسف وسارة وجواهر ساره بحماس: قلت لك اقتله اقتله! جواهر بحماس وهي تاكل فشار : ورااااك انتبه ورااااك! يوسف يناظرهم ويضحك : والله انتم الثنتين لحالكم سينما! لفو له ثنتينهم : اصصصصصصصصص! يوسف : طيب طيب آسف ام يوسف : لا حووووول بتر بعد لا يقتلك الدوب هذا! ساره : يمه يمه قلت لك ولا الف مرة اسمه بيتر! ام يوسف : وانتِ شدخلك في اسمه .. تراه مو اسمه الصدق يعني عادي احرفه جواهر : هههه شفيكِ مرت عمي هذا اسم الحبُب ساره تضرب جواهر على راسها وبفشله : هههيي انتِ تراك تكلمين امي! ام يوسف :والله مدري شتحسون فيه وانتم تحبون ممثلين من وراء الشاشة ولا يدرون عن هواء داركم ! جواهر تكلم مرت عمها : جنون جنون .. مراهقة اعذريها ! دخل مشعل : السلام وبسررعه صعد ام يوسف تسلم على الهوا : وعليكم السلام .. ( تدور ليوسف) شفيه اخوك مثل البرق سلم وصعد؟ ساره : يخبي خمر جواهر : يخبي مخدرات يوسف : يخبي هدية الحب ام يوسف : ول ول جوزوو عن ولدي .. جعلتوه رئيس عصابه الله يحفظه عن هالشر ! "" انتهى الفلم صعدت غرفتها وهي مبسوطة من زمان ما حست بهالجو العائلي فتحت غرفتها .. رمت عباتها على سريرها وكانت بتجلس على كرسي تسريحتها : ايييي وش ذا ! كانت وردة جوري حمراء وجنبها عطر La Vie Est Belle وورقه مكتوب عليها بخط تعرفه عدل واضح ومستقيم ( شُكرا .. لا تصدقين نفسك مشعل ) وقفت منصدمة : هااه! هذا عشااني اقنعت عمي؟! (ابتسمت بفرحة)ياااعمررري ** ماكان يخبي خمر مثل ماقالت ساره ماكان يخبي مخدرات مثل ماقالت جواهر بس كان يخبي هدية مثل ماقال...يوسف! .................................................. ..................................... في مجمع السيف في البحرين كانو يتسووقون ملاك : ياااربي شوووفيه يجنن فاتن تناظرها بنص عين: ملاك عندك 90 الف تنورة مثل هالستايل ملاك: وااو يالييت! فاتن : تستهبيلن مع وجهك! في مكان ثاني راشد يشم العطر وهو يناظر وليد : خلاااص دخلت داخل عيونك البنت! وليد انتبه لنفسه : استغفر الله .. وانتَ انقلع عني يا اخي الواحد مايرتاح وهو يتسوق معك! راشد : قول لنفسك هالكلام .. كل ماراحت مكان وانت وراها! وليد متفشل : اخاف عليها راشد يضحك : اووووووب اووووب شوق وجميلة وجوري يشوفون العطور .. جميلة :برايكم اشتري مثل عطري المعتاد او اغير؟ جوري: انا احب ان يكون عندي عطر خاص شوق : احب التغيير غيري غيري مليت من عطرك ذا جميله: لاحووول الواحد ماياخذ رأيكم يعني! فاتن وملاك يدخلون المحل .. ملاك : هيي بنات شرايكم نروح كوفي ناكل شوي ؟ شوق : حراام عليك فجرتي كرشتك .. خلااص المسكينة تقول ارحمييني ! ملاك بقهر : اذلفي انتِ انا اكلم بنات عمي شدخلك! (وتلف عليهم) الحمدلله جيتو معنا لو بس انا وهي كان طلعت قروني الشريرة! جوري:ههههه افا عليكِ احنا في الخدمة ..ندري انها بتسوي فيك فعايل فلهذا جينا ملاك: ايه تعجبيني بدي قاردتي شوق : ماي بودي قاردي .. ايش ذي بدي قاردتي ملاك: اوووف طيري عني! جميلة : بسكم هواش ويلا جاوبوني فاتن : جيبي اشم ..(وتغمض عيونها بقووة) افففففف حده خياس خلك على عطرك القديم احسن شوق : لاعاااد حده يجنن فاتن : اذلفي انتِ .. اصلا هي تنتظرني عشان اعطيها رأيي لان ذوقك زفت! جميله:اوووف منكم مامنكم فايدة لو هنا ساره بس .. خلاص باخذ مثل عطري القديم جوري:جميلة اذا مو مقتنعة دوري اكثر ترا عندك وقت جميله: لا لا خلاص باخذه فاتن تشم عطر ورا عطر وتحط على البنش مدري شسمه العطور الي اعجبتها كانوا اربعه : هااا شرايكم وش اخذ؟ جوري : شيلي الي مو حلوين بالأول عشان لا تحتاري ويسهل عليك الاختيار شوق تأشر علي اثنين : هذوول خيااس! فاتن : والله ان ماعندك ذوق بس اوك اللحين ايش اخذ ؟ ملاك : هااه خلاص تروح كوفي ؟ البنات : أي يلا جوري تلف لجميله : هااه حاسبتي ؟ جميلة فرحانه : يب يب ملاك : يلا نروح الكوفي ومشو فاتن وهي ماسكة العطرين : هيي هيي انتم .. هيي ... الحيوانات سفههوني !!! اخذ العطر الي عجبه ووقف جنبها عشان يحاسب عطى المحاسب العطر وهو يناظره ما التفت لها : الي بيدك اليمين احلى! فاتن تناظره بطرف عين _ اكرهه هالإنسان_:أحد طلب رأيك ؟! راشد يطلع بوكه ويدور الفلوس : لا بس كسرتي بخاطري كل البنات سفهوك ومشو عنك! فاتن تفجرت جبهتها بس صامدة : عناد باخذ العطر الي باليسار! راشد ينتظر الفاتورة : بكيفك بس تراه يتخيس مع مرور الوقت .. قد اعذر من انذر! سفهته وعطت المحاسب العطر الي باليسار بس عناد لراشد الي تكرهه من قلب عشانه مغرور كثيير المحاسب: السعر ...... ( مو جاي ببالي سعر) فاتن : بسيطة .. وتفتح بوكها منصدمة ( ياااربي لا لا شهالفشلة كيف نسيت احمل فلوسي ياربي انا غبييييه .. ااف وماتفشلت الا قدام راشد ياربي شهالحظ ان شاء الله ماينتبه ان شاء ماينتبه ) تلتقت لراشد وتبتسم بتوتر : مابتروح؟ راشد وبعده يناظر المحاسب : انتظر الفاتورة فاتن في بالها ( افففف افففف اكره نفسي من جد .. اكرهك ملاكو كيف تطيرون عني وتوهقوني مع وجهكم) المحاسب : منتي ناوية تدفعين؟ فاتن بتوتر وتحاول تخفي ان بوكها مافيه فلوس : لااا امبلا بس لحد اللحين اشاور نفسي راشد حس في انه في الموضوع وناظر بوك فاتن الي تحاول تخبيه ..طلع بوكه واخذ منه الفلوس وعطاه المحاسب .. المحاسب : بس انت دفعت! راشد : مو عشان عطري .. ( ويناظرها اخيرا ) عشان عطر الآنسة فاتن تجمد دمها في عروقها (يااارربببيي فشلة ) راشد لف للمحاسب : مو تسووين دراما وماتاخذيه! فاتن باندفاع: لا ميين قال ماباخذه! اصلا غصبا عليك ! اصلا عيب عليك تشوف بنت عمك بتشتري شيء وماتدفع عنها ! اصلا انا ابيك تدفع توفر علي! راشد سحب العطر الي كان في يدها اليمين وحطه بالكيس بدل العطر الي باليسار: ابي هذا ما ابي ذاك! فاتن بصدمة : لا خييييير اني ابي ذاك! راشد وهو يعطيها الكيس ويتقرب لها ويهمس : العطر بفلووسي واختار العطر الي يعجبني وبكيفي! عطاها الكيس ومشى فاتن وهي منحرجة ومصدومة ( حيوااان شهالحركة الخايسة .. لا هذا موب حيوان هذا حديقة حيوان) راشد وهو يتوجه لوليد الي في الكوفي الموجود فيه البنات .. ومجموعة بنات خاقين عليه يناظروه وهو يمشي قامت وحدة وبكل وقاحة تقربت له : اممممم لو سمحت انت مرتبط؟ راشد يرفع حاجبه ويناظرها بغرور: لا خير؟ بسرعة طلعت ورقة وعطته اياه .. مسكها شاف فيها رقمها ...وعنوان شقه! انفجع من قلة الحيا الي عايشة فيها ذي .. من متى البنات الي يرقمون الشباب ؟! شهالوقاحة وين اهلها عنها! راشد شق الورقة ورماها عليها وبعصبية : صوووني نفسك .. احمي كرامتك شووي! تفشلت بقوووة ووقفت مكانها منصدمة من حركته ووحدة من البنات منقهرة على اللي صار والباقي كلهم خاقين عليه! راشد تقرب لطاولة وليد . وليد : لاااااا كان ماجيت احسن! راشد يجلس وهو معصب: انقلع انت مع وجهك ..وبعدين ان شاء الله طول الطلعة بنظل نلاحق جولييت .. ترا طفشت وولد عمك مو باين! وليد منصدم : ول ول هدي شفيك ؟ شصاير ؟ ثانيا لا لا تخاف بس انتظر فصوول لين يخم زارا بعدين بنمشي معه..شصاير؟ راشد وهو يشرب الموكا الي طلبه له وليد: بنت صايعه مرقمتني حسيتا ني انا البنت وهي الولد! شتحس فيه بس ! وليد يضحك : هههههه من جمالك ياااقيس...عادي عادي سفهها راشد : وانا ايش سويت مع وجهك! .....: ايوووه ايش طلبتون لي! راشد يناظره بنص عين : مع وجهك كان ماجيت ! وليد : شكلك خميته خمه شبقيت للناس! فيصل : البقااايا فقط راشد : لا جد ليش تأخرت ؟ فيصل : شفت طاولة البنات ذيك .. الزبدة ام الشنطة الصفراء عطتني رقمها راشد يناظره بقهر : من جدك انت؟ هاذي الصايعة رقمتني من شوي وانا شقيت الورقة ورميتها عليها .. وانت مثل الأهبل تاخذها عادي! وليد : وووااو يبان من شنطتها انها قرووية فيصل : يلااااا عاد كله كلام في جوال راشد : تصدق بس انك كازانوفا ! فيصل : ههههههه شكرا مع اني ماعرفه راشد: هذا لقبك من رانيا يالمفهي ولا استفسرت عنه فيصل يضحك : هههههههه لا تصدق .. انت ايش لقبك ؟ راشد : سيد مغرور! .................................................. ........... دخل الصالة بلبس العمل ( الابكوت)وشافها جلس معها بس بعيد : السلام عليكم جواهر : وعليـ....كح كح كح كح كح كح يوسف بخوف : شفيكِ؟ جواهر متفشلة : لا مافي شي بس ما احب العطور القوية ! يوسف: آووه آسف ! جواهر ابتسمت : لاعادي سكتوا شوي يوسف : جواهر شكرا لانك اقنعتي ابوي جواهر : لا لا شكر على واجب يوسف : انا ابي اعرف بس ش قلتي عشان اقنعتيه جواهر : لان يملانه بقولك....(وقالت له بالتفاصيل ) يوسف منصدم من كبر عقلها واخلاقها : ما شاء الله .. انت يا جواهر اسم على مسمى! جواهر اتفشلت ماتدري ايش تقول يوسف في داخله ( يا الله غبي انا شقلت !! ) يحاول يرقع لنفسه : ايه شتبي من عشاء ؟ اليوم امي طالعه ومابتطبخ! جواهر بصدمة :هاااااه تطبخ ؟ يوسف وهو يبتسم بإستغراب : ايه تطبخ جواهر مصدومة بقوة : لييش مو الخدم الي يطبخون ؟ يوسف : والله ابوي كان يبي الخدم يطبخون تعرفين يبي امي ترتاح وتعيش حياتها ولا تتعب بشي ابدا .. بس امي الله يهديها ماتحب ناكل من يد الخدم تقول انا موجودة ليش اخلي اولادي ينحرمون من اكلي جواهر تذكرت امها وطبخ امها .. وابتسمت بحزن : ماشاء الله عليها .. عمي اخذ دانه الله يحفظها لكم .. سكتت شوي.. وهو نفس الشي مر عليها شريط ذكرياتها لما كانت تطبخ مع ابوها .. وريحة طبخ امها .. ريحة ابوها لما يحضنها قبل ماتنام ويبوسها .. اتصالات امها المتكررة .. ورود ابوها لها .. لا اراديا غطت وجهها بيدها وحاولت تخفي شهقاتها يوسف منصدم : جواهر شفيكِ؟ جواهر ماترد يطلع منها بس صوت شهقاتها .. تبكي بقوووة .. من زمان مابكت هالكثر يوسف خلاص مفجوع وخايف عليها ومايعرف كيف يتصرف .. جلس على الارض ومسك يديها يحاول يبعدهم : خلااص جواهر خلااص .. تكفي لا تبكين ! بعد يدها عن وجهها .. وجهها احمر بقوة والدموع تنزل من عيونها بغزارة وصوت شهقاتها تزداد : اشتقـ... اشتقت لهم ...ياليتني مت .. ياليتي مت معهم ! خلاص مستحيل اشوفهم مرة ثانية .. خلاص مستحيل امي تتصل لي مرة ثانية .. (هنا زاد بكاها) مستحيل ابوي يشتري لي ورد مرة ثانيه! يوسف كسرت بخاطره بقوة .. كل دمعة تنزل من عينها ..قلبه يعوره عشانها .. حاول يهديها بالكلام مافاد : جواهر قولي الله يرحمهم .. ان شاء الله مثواهم الجنة مافاد معها وهي بحالة انهيارية كذا لازم يوقفها او بتنهار اعصابها يوسف ضمها وهو يرتجف أول مرة يرتجف هالكثر جلسو كذا مدة 4 دقايق .. لين ما جواهر فرغت كل الي عندها وحست على نفسها بعدت نفسها بهدوء .. وهي تناظر بصدمة وعيونها الواسعة حمراء ورموشها مبللة ..وجهها احمر .. الزبدة شكلها يكسر الخاطر يوسف يبتسم لها وهوو متوتر ألف : ارتاحي بجيب لك ... بجيب لك ماي قام بسرعه .. وهي جالسة مصدومة وتتنفس بصعوبة بعد البكا ذا كله يوسف جاب لها الماي .. ويده ترتجف بشكل مو طبيعي اخذته من عنده وشربته كله .. وعطته اياه وبصوت مبحووح بقوة : شكرا يوسف ( ياربي صوتها راح من قوة البكاء شسوي ياربي شسوي) جواهر في بالها ( استغفر الله ياربي ..كيف انفجرت قدام يوسف كيف ! ) يوسف يبتسم لها بحنيته المعتادة : تبين نطلع شوي تشمين هواء؟ جواهر لا اراديا هزت راسها بالإيجاب يوسف قام علق لا بكوته واتصل لأمه يوسف: الو هلا يمه ام يوسف : هلا والله بيوسف حبيبي يوسف : يمه احس الي بسويه غلط بس ابي اطلع مع جواهر ام يوسف : لا عادي ليش غلط بنت عمك ولازم تحسسها انك اخوها .. (وبحدة) بس بحدود يوسف بلع ريقه بقوة مايدري ليش تذكر ضمه لها : ايه اكيد يوسف يبتسم لها : يلا .................................................. ...................... "في البحرين ..الليل" جميلة : اففف احس بسرعه بنرجع البيت مالحقنا شوق : اففف ادري جوري:اقول بلا تحلطم انتِ وياها .. ترا الساعه 10 طولنا جاسم : يلا ياحلوات الكل يصعد السيارة عشان نرجع ناصر:افاااا يا جاسم ترا زوجتي معاهم تغازلها ليش جاسم : ههههههه لا لا اغازلها ولا شي انا قلت الحلوات شيخة : افاااا يااا جااسم اجل انا قبيحة جاسم : هههههههه لا حاشاك غرام : والله ابوي فاضي بس يأذي عمي اليوم شوق : ليش ؟ غرام تناظرها ينص عين : بس ماتنقهرين ؟ شوق : لا مع عينك الي تخرع اخلصي غرام تنهدت : مع ان اكيد بتنقهرين .. ابوي اليوم وامي يحاولون يقنعون عمي ان يتزوج شوق بقهر : لاحووووووول .. واحنا ماخلصنا من هالسيرة .. يا اخي بكيفه هو الي بيتزوج لو هم ! غرام : مو قلت لك يتنقهرين ! راشد يهمس لفيصل : شالسالفه ؟ فيصل يناظره ( اقول لو ما اقول اقول ولا ما اقول ..اقول) : عمك ومرت عمك يبون عمي يتزوج ^ بطتنا بطت بطتكم هههههه راشد بعصبيه وعرق يبان في جبهته من العصبية: نعممممممم؟! خييييير!! ليش ان شاء الله مو كفايه جدتك طفشتنا بهالسيرة ! قسما بالله لو ابوي يتزوج وحدة بعد امي ما يعرفني اني ولده! فيصل : خلااااص راشد لا يطق لك عرق ... يعدين ترا من جد .. ابوك رجال يحتاج زوجة جنبه .. على الاقل فكر بملاك بعدها صغيرة راشد : فييييييييييصل! شوق موجودة ! ملاك ماتحتاج احد ثاني ! ربكة صعود السيارة والرجعة وربكة السالفه الي انفتحت وانفتحت معها الجروح جلس يفكر وهو يسوق السيارة : اااااااه يا أزهار وينك تركتيني لوحدي؟! كيف يبوني اتزوج من بعدك ؟ مافي مخلوقة تنخلق تصير مكانك .. المشكلة مو بس انا الي معارض حتى اولادي معارضين..خاصة راشد وشوق .. اففف ياربي ليش مايسكرون هالسالفه شوق ومعها جميلة في السيارة ..وبهمس شوق : وجدتك ماتدور الا هالحجة .. (وتقلد صوت جدتها بصوت مخيس) امكم توفت وهي صغيرة .. ملاك كانت في ابتدائي وشوق في متوسط ..يعني بنات صغار ..يحتاجون انثى تفهمهم .. وأنت يا جاسم تحتاج زوجة جميلة : هههههههه الله يلعن بليسك على هالصوت جاسم : الا وينها ملاك ؟ جميلة : مع فاتن في سيارة أبوي عمي جاسم : اها بتنام معها ؟ جميلة : اممم مدري بصراحه شوق : اذا بتنام معها اكيد بتتصل لك جاسم واثق:اكيد ...... في سيارة ناصر ناصر يسوق وهو نعسان + شيخة في سابع نومة جوري حاطة لها السماعات ومغمضة غرام تكلم رانيا بالجوال يارا نايمة فاتن تناظر الطريق جوري تشيل السماعات من اذنها : كيف توزيع السيارات؟ فاتن : فيصل لوحده..وليد مع راشد .. عمي ناصر معه شوق وجميلة وملاك جوري : آهاا ....... ملاك عند بوابة المجمع تمشي لجهة سيارة ابوها : افففف وينهم ذول؟ يمكن مشى .. بروح لسيارة عمي .. اففففف وين طارو ؟ ملاك وهي خايفه : ملاك لا تخافي لا تخافي بتتصلي عليهم اللحين وبيجوكِ فتحت جوالها .. بصدمة : لاااا لاااا ليش طااافي !؟ خافت بجنون صارت تحاول تشغله بأي طريقة بس مستحيل جوالها طافي شحنه تقربو لها 3 شباب الأول : آوووووب بنت واقفه هنا لوحدها في نص الليل ليييش؟ الثاني : يااا حلوووه اذووووب أنااا شهالجماااال الثالث: تبي اوصلك مكان ياعسل ؟ ملاك تناظرهم بخووف وعيونها العسلية البريئة تناظر واحد واحد منهم بخووف .. كل ذرة في جسمها ترتجف من الخوف (وينكم تركتوني ورحتو وينكم !!) الثاني قرب لها .. بعدت عنه .. قرب لها اكثر .. وتبعد مسكها من يدها : مستحيل افوت عليي صاروخ مثل كذا! بصوت يرتجف:اترر..ترر..كني الثالث يضحك بخبث: هههههههه تحلمين ياحلوه الاول:شقتي الاقرب ياشباب فحت عيونها على آخرها وبصوت يرتجف: مستحيييل .. أنا مو البنات الي كذا اتركوني وبعدت عنهم وحاولت تهرب .. وبحكم انها بنت وحدة ضعيفة .. وهم 3 شباب .. مسكوها ودخلوها في ممر ضيق .. يندها الثاني على الجدار وجلس يتأمل عيونها : افففففف أنا اذوووب على هالجمال ملاك تبكي : تكفى اتركني .. انا مو من هالبنات تكفى .. دور لك وحدة غيري تكفى الثاني يضحك : هههههه سمعتو شتقول ادور وحده غيرها ههههههه مسك ذقنها وبخبث: هههههههههههه مجنون أنا افوت عليي هالوجبة (وممر لسانه على شفته) هاللشهية! ملاك تبكي : الله يقرفك اتركني .. الاول :يلا يلا خلصونا ..خلونا ناخذها للشقه ملاك سودت الدنيا بعينها ( لاااااا اناعمري 18 بس ! انا مو من هالبنات ! انا شريفه) بعد الثالث الثاني عنها وحط يده على خصر ملاك وناظرها وبكل وقاحه : انتظري شويات بس ! ملاك تبكي وفقدت الأمل خلاص .. ملاك ببكا : ايش تبون؟ اذا تبون فلوس بعطيكم بس اتركوني!! الثالث بخبث وضحك يفقع الآذان:هههههههههههههههههه� �ههههههه .. لا احنا نبيك .. عفووووا ..نبي جسمك! ملاك غمضت عيونها بقوة من الي بيجيها .. دموعها تنزل بحرقة وفي داخلها ( فااااتن وينك !!) خلص البارت آسفه على التأخير آسفه آسفه توقعاتكم ياحلوات .. رأيكم | |||||||||
|
| |
|
| مواقع النشر (المفضلة) |
| أدوات الموضوع | |
| انواع عرض الموضوع | |
|
|
2Likes
.png)
العرض العادي
