06-02-13, 01:02 AM
| #1 | ||||||||||||||||||||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام 
|  بنات الجيران / للكاتبة noufy.1999
التعديل الأخير تم بواسطة لامارا ; 10-10-13 الساعة 06:52 PM | ||||||||||||||||||||||
|  |
|
06-02-13, 01:04 AM
| #2 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
| الشخصيات : بيت خالد خالد : 39 سنة طول الوقت بالشغل ونادر ما يشوف عائلته لدرجة كأنه مسافر لأنه بعض الأحيان يستأجر غرفة بوحدة من الفنادق عشان يشتغل بهدوء بسبب الأزعاج الي تسببه منار بالبيت ومع كذا بناته اغلا شي عنده بس مشكلته مـهـمـل يعني الشغل ملهيه عن بناته بقووووووة دلال : 35 سنة مطلقة ومتزوجه واحد اماراتي اسمه " زياد " وعايشه معاه بالأمارات وتحب بناتها بس خالد حارمها منهم وهي تشوفهم تقريبا مرتين او ثلاث مرات بالسنة بس تكلمهم دايم مضاوي : 16 سنة طيبة وخجولة وقلبها ابيض وعلى نياتها واي شي تسويه منار تسويه هي وما تقول لمنار لا ابدا ومتأثرة مررره عشان طلاق امها وابوها بس ما تبين للناس هالشي .. ومع كذا دايم تضحك وفله وتحب تمزح .. بس في شي واحد يشين شخصيتها وهو انها تحب يكون عندها نفس الي عند الناس مواصفاتها : طولها عادي وجسمها حلو سمرا شوي وعيونها سووودا ورموشها كثيفه وشعرها اسووود لنص ظهرها حواجبها مرسومة شفايفها صغيرة ولونها مثل التوت خشمها سلة السيف وهي مره مملوحه بس ما تجي ربع جمال منار منار : 15 سنة خبلة ومرجوجة وتكره الرسميات وعلى طول تمون على الناس وجريئة بقوة واهم شي عندها بالحياة الوناسة قانونها بالحياة التطنيش مع كذا ما تسكت للي يغلط عليها وتخليه ما يسوا يعني بالعربي لسانها يفرش بلد مواصفاتها : طولها عادي وجسمها يجنن وبشرتها بيضا وصافية وحواجبها مرسومه وخدودها مورده ولها غمازات واضحه شوي شعرها بني فاتح لنص ظهرها وعيونها واسعة ولونها غريب يعني اخضر على رصاصي ورموشها كثيفه وطويله وعيونها مكحلة شفايفها صغار ومنفوخة شوووي ولونها مثل التوت وخشمها سلة سيف وصغير ومررره جميلة بيت عبدالله عبدالله : 41 سنة طيب وحبوب وما يقول لعياله لا ابدا بس اذا عصب محد يقرب منه سارة : 38 سنة انسانة عصبية بقوة وكل شي عندها عيب وقلة ادب وتوسوس كثير ودايم تشك بعيالها الهنوف : 58 سنة تكون ام عبدالله لسانها طويل وتحب النقد بس مع كذا قلبها ابيض وتحب المزح احمد : 19 سنة دااااج بكل ما تحمله معنى الكلمة دايم مسافر ومطنش الدنيا والدراسة اخر همومه ودايم يتنرفز من امه بس ما يقدر يقول لها شي غير انشالله لأنها تظل امه وهو يمووووت فيها مواصفاته : جسمه حلو وطويل واسمر شوي وعيونه ناعسه لونها بني فاتح وشعره كثييف واسوود خشمه سلة سيف ومملوح رندى : 16 سنة طيبة وعلى نياتها بس تحت السواهي دواهي جنية تعرف كل اخبار الحاره وفللله ومطنشة الدنيا وجريئة وتحب تشارك بجرايم الشلة مواصفاتها : طولها عادي وجسمها حلو بشرتها بيضا وشعرها لتحت كتوفها لونه بني غامق خدودها مورده وحجم شفايفها عادي ولونها زهري فاتح وخشمها صغير لون عيونها بني فاتح وحواجبها مرسومه جميلة بس جمالها عادي فهده : 15 سنة شخصيتها قيادية ومستحيل احد يقول لها لا والي خلاها كذا اسلوب ابوها بالتعامل معها وفللله ومتهورة بزيادة بس تجيها حالات تصير هاديه وهذي الحالات نادره جدا جدا جدا تنحب بسرعه وصريحه وما عندها اسلوب مواصفاتها : طولها عادي وجسمها حلو بشرتها سمرا شوي وحواجبها مرسومه ولون عيونها بني فاتح ورموشها كثيفه لون شعرها بني فاتح لآخر ظهرها شفايفها صغااااااار لونها احمر وخشمها سلة سيف وصغير وفيها جاذبية بيت محمد محمد : 40 سنة مسافر طول الوقت ويرجع للرياض بالمناسبات ونادر انه يرجع بدون سبب بس قلبه ابيض بس مشكلته ساحب على عياله بزيادة لدرجة انهم ما يمونون عليه زي امهم خلود : 38 ام طيبة وحنونة وعلى نياتها اهم شي عندها عيالها ومدلعتهم بقوة واي شي يبونه يجيهم تركي : 19 سنة داافور وقلبه ابيض وطيب وحنون بس فلللله واهم شي عنده الوناسة وما تهمه الدنيا ابدا مواصفاته : جسمه حلو وطوله عادي بشرته بيضا ولون عيونه عسلي وشعره اسوووود وكثيف وخشمه صغير هيفا : 16 سنة طيبة وحبوبة وفله جريئة شوي وخبلة بس فيها نعومه واهم شي عندها انها تحقق حلمها (انها تصير دكتورة اسنان) مواصفاتها : طولها عادي وجسمها حلو بشرتها بيضا وصافية ولون عيونها عسلي ورموشها كثيفة وطويلة وحواجبها مرسومه وشعرها لنص ظهرها اسوووود وحجم شفايفها عادي ولونها زهري فاتح وخشمها صغير بيت ناصر ناصر : 39 سنة عصبي مررره وطول الوقت بالشغل ويعصب على اتفه شي وريم متعبته بهبالها نورة : 36 سنة طيبة وحبوبة بس سارة دايم تلعب بعقلها عشان كذا تجيها حلات نذاله وتمنع عيالها من وناستهم وتنكد عليهم بسبب اشياء مالها وجود من الأساس عبدالعزيز : 19 سنة داااج ويعشق السفر فلله ومتهور ويحب الفلة والوناسه ودايم يفزع لأخته ريم ويحبها ويدلعها بس بعض الأحيان تجيه نذاله موب صاحية مواصفاته : جسمه حلو وطوله عادي لون بشرته قمحي ولون شعره بني غاااامق ولون عيونه اسوود خشمه سلة سيف فارس : 18 سنة فله وعايش حياته وطول الوقت طالع برا البيت ودايم مع اصدقائه الدراسه عنده ولا شي صح ماعليه بس الدراسه بالنسبة له كابوس موب صاحي مواصفاته : طوله عادي وجسمه حلو اسمر شوي وعيونه ناعسه ولونها بني فاتح شعره كثيف ولونه بني وخشمه سلة سيف وصغير ريم : 15 سنة طيبة وقلبها ابيض وفلللة خبلة ومرجوجة متهوورة بس تجيها حالات غباء موب صاحي وتصدق بسرعه وعليها بعض الأحيان افكار حتى هتلر نفسه ما يفكر فيها <<<<<قوية .. وشعارها بالحياة "لا للدراسة لا للتعاسة" مواصفاتها : قصيرة شوي ونحيفه وبشرتها بيضا وصافية وخدودها موردة لون شعرها بني فاااااتح يوصل لكتوفها لون عيونها بني فاتح ورموشها طوال وكثيفة شوي حواجبها مرسومه خشمها صغيير وشفايفها صغيرة ولونها مثل التوت لها غمازات خفيفه ومملوحه مره بس نتفففففه شهد : 7 سنين قلققققققق ومززززززززعجه ودلوووووعه ودايم تطاق مع ريم ولها لسانين وبيطلع لها ثالث وتحت السواهي دواهي مواصفاتها : بيضا وخدودها مورده لون عيونها بني فاتح وشعرها لكتوفها اسووووود ورموشها كثار وشفايفها صغاااار لونها زهري فاتح ومملووووووحة بس ريم احلا ويمكن لأن ريم اكبر منها بيت راشد راشد : 39 سنة قلبه ابيض بس كلمته ما تتغير ابدا ويموووت في عياله ويخاف عليهم بس مع كذا هو دايم مشغول هدى : 37 سنة طيبة وحبوبة وشبابية بقوة وتحب الطلعات والوناسة ودايم تتوسط لعيالها عند راشد ماجد : 19 سنة هادي ومسالم بس اذا فلها يفلها من قلب ودايم يطلع من البيت ومتهور واذا عصب ما يشوف شي قدامه مواصفاته : طويل وجسمه حلو وابيض ولون عيونه اسووود وشعره اسووود وكثيف وله غمازات واااضحه وخشمه حلو وفيه جاذبية قويييية بدر : 18 سنة دايم يهبل بالبنات وبالذات غادة لأنها اخته وهو الراس المدبر للشباب وفيه دفارة شوي مواصفاته : جسمه حلو وطوله عادي بشرته بيضا وشعره بني غامق لون عيونه بني فاتح وخشمه سلة سيف غادة : 16 سنة طيبة وعلى نياتها واربعه وعشرين ساعه طقاق مع بدر وفلله وتعصب بسرعه وناستها على كل شي واذا احد غلط على البنات كأنه غلط عليها وتدفنه وهو حي <<<<كفو والله مواصفاتها : طولها عادي وجسمها حلو لون بشرتها قمحي شعرها بني غامق يوصل لنص ظهرها لها غمازات واضحه ورموشها كثيفة وطوال ولون عيونها بني حجم شفايفها عادي ولونها احمر وخشمها سلة سيف رهف : 7 سنين نسسسسسسخه من شهد بس مشكلتها تسوي نفسها كبيرة وقدام الحريم تصير البنت الهادية وهي تحت السواهي دواهي مواصفاتها : نحيفة شوي وبيضا وشعرها بني غامق يوصل لتحت كتوفها بشوي عيونها عسلية وعندها خدود مورده وكبييييرة محليتها وخشمها صغنون وهي احلا من شهد بيت سعود سعود : 40 سنة مشغول مشغول مشغول هالكلمة دايم يقولها لعياله وما يهتم فيهم اهم شي بالنسبه له انه يصرف عليهم ويشوف وش محتاجينه ولاهي بزوجته مشاعل : متوفيه وتصير ام العيال الجوهرة : 32 سنة تصير مرة الأبو للعيال نذلة وحقيرة ودايم تتهم عيال سعود بأشياء هم ما سووها وعصبية واهم شي عندها شكلها وهي ما تزوجت سعود الا عشان الفلوس وهي كانت مطلقة من واحد منتف قبل ما تتزوج سعود فيصل : 19 سنة فللله وداااج ودايم طالع برا البيت مع كذا قلبه ابيض ويكررره الجوهرة لأنها مستنذلة عليه هو ونايف مواصفاته : طويل وجسمه حلو بشرته بيضا وشعره بني غااامق وكثيف وعيونه لونها كحلي وخشمه حلو نايف : 18 سنة طيب وحبوب وفللللللله يحب الوناسة ومتهور شوي ودايم يسكت على الأشياء الي تقولها عنه الجوهرة لأنها يعتبرها ولا شي يعني بالعربي يطنشها ويحقرها مواصفاته : طويل شوي وجسمه حلو بشرته بيضا لون شعره اسووود وكثيف وعيونه ناعسه لونها كحلي وواسعه وله غمازات واضحه وخشمه سلة سيف كان وســيم اكثر من اخوه فيصل مع انهم يتشابهون شوي ( باقي الشخصيات تتعرفون عليها مع الاحداث .. وبالنسبة لبطلة الرواية عموما كل البنات بطلات بس البطلة الرئيسية بتتعرفون عليها مع الاحداث ) التعديل الأخير تم بواسطة لامارا ; 06-02-13 الساعة 08:47 AM | ||||
|
| |
|
06-02-13, 01:05 AM
| #3 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
|  لا تلهيكم الرواية عن الصلاة | الصلاة , الصلاة , الصلاة .. اللهم بلغت اللهم فَـ اشهد | البارت (1) ليتها الأيام تهدى والسنين .. مثل ماتهدى الهدايا بالتـــمام كان يمه كل ماتتـــــقدمين ثانية بالعمر .. كان أهديك عام بمطار دبي (كانت تودع بناتها وتحضنهم بأقوى ما عندها .. اكيد بتسوي هالشي لأنها يمكن ما تشوفهم الا بعد اكثر من شهر) مضاوي وهي تبكي : يمه تعالي معنا دلال وهي تبكي وبنفس الوقت تمسح دموع مضاوي : ما اقدر .. انشالله قريب بجي ازوركم منار حضنت امها بقوة وقالت : يعني متى قريب ؟ .. ترا احنا قعدنا معك اسبوع واحد بس .. ما شبعنا منك دلال : والله حاولت في ابوكم يخليكم عندي الى ان تبداا الدراسة بس رفض (منار+مضاوي يبكون) دلال بحنان : خلاص حبيباتي لا تزعلوني منار+مضاوي وقفو بكي وهزو راسهم بالأيجاب (وشوي ويجي صوت الأعلان عن الرحلة) الموظف : النداء الأخير للرحلة رقم .... المتجهة الى السعودية بمشيئة الله دلال بأهتمام وتنبيه : يالله الحين اركبو الطيارة واول ما تنزلون ما تتحركون وابوكم بيجيكم منار : لا تخافين احنا تعودنا على هالشي دلال باست كل وحدة من بناتها وقالت : بس بالعادة يكون معكم احد وهالمره لا .. اول ما توصلون اتصلو علي طمنوني منار+مضاوي : اوكي دلال : يلا روحو الحين (دخلت منار ومضاوي للطيارة وجلسو بكراسيهم الي كانت جنب بعض) منار : مضاوي مضاوي : هلا منار : بشتاق لأمي .. بس بنفس الوقت ابي ارجع عشان ابوي والبنات مضاوي : حتى انا منار حطت راسها على كتف اختها : بنام واذا وصلنا قوميني مضاوي : انشالله نامت منار على كتف اختها وبنفس الوقت طلعت مضاوي دفتر من الشنطة الي كانت معها .. فتحت الدفتر وقعدت تكتب مذكراتها مثل كل يوم .. سكرت الدفتر ورجعته للشنطة وحطت راسها على راس اختها ونامت .................................................. ........... بالرياض (بيت فهدة) فهدة بصوت عالي : احــــــــمــــــــــــد احمد وهو يضحك : نعم ؟ فهدة : ودني للمطار احمد بأستغراب : ليش ؟ فهدة وهي تنطط : منور وداوي بيجون اليوم من دبي وابي استقبلهم احمد بنذالة : افكر فهدة بترجي وهي تنطط كنها بزر : لو سمحت .. حمودي يلا يلا يلا احمد وهو يضحك : طيب..طيب ... رندى بتجي معنا ؟ فهدة : رندى بالسيارة تنتظرنا احمد وهو رافع حاجب : يا سلام يعني واثقين اني بوديكم للمطار فهدة بنظره طفوليه : يالله عاد لا تكسر بخاطرنا احمد تنهد وقال : يالله البسي عبايتك فهدة بهبال : لازم ؟ احمد بحدة : فهدة فهدة : طيب طيب استهبل عليك ..(قالت بهمس).. اعوذ بالله محد يمزح معه احمد : قلتي شي انسه فهدة ؟ فهدة : سلامتك ما قلت شي لبست فهدة عبايتها وراحت للسيارة وشافت رندى جالسة قدام فهدة : هئئئئئئ انزلي بسرعه رندى بأستغراب : ليش وش فيه ؟ فهدة : راكبة قدام .. لالالا انزلي بسرعه وروحي ورا رندى : على بالي عندك سالفة .. يالله انثبري ورا فهدة : قلت لك انزلي رندى : ما ابي فهدة : ومين قال اني اخذ رايك ..(وركبت قدام وجلست بحضن رندى) رندى : ااااه .. وخري عني يالدبة فهدة : لا يالرشيقه احمد وهو يركب : شفيكم ؟ رندى : خلها تروح عني احمد : فهدة ارجعي ورا رندى جت قبلك هنا فهدة : لو تموت .. انا قاعده هنا قاعده والي ما يعجبه بالطقاق احمد : رندى ارجعي ورا رندى : لا يا حبيبي انا جيت هنا قبل وما راح اتحرك احمد : فهدة فهدة : لا احمد : رندى رندى : لا احمد تنهد وقال : مشكلتكم وحلوها (وشوي وفهدة تحط يدينها على رقبة رندى وتشد عليها) رندى : ااااه يالحقيرة وخري عني بموت احمد بصدمة : فهدة وخري عنها فهدة بعد ما تركت رندى قالت ببراءة : شسالفة ؟ احمد بعصبية : تبين تذبحين البنت ؟ فهدة : انت قلت حلوها بنفسكم احمد : وانتي ما عندك طريقة غير العنف ؟ .. على طول بتذبحينها ! فهدة : بس انا امـ...... رندى قاطعتها : بتقولين بس انا امزح صح ؟ ... ذبحيتنا بهالمزح !!!! فهدة : طيب اسفة رندى بخبث : اذا انتي آسفة صدق اركبي ورا فهدة بأندفاع وحماس : نعم نعم .. هذا الي ناقص رندى : اففف طيب شوفي انا بركب الحين قدام وانتي تركبين قدام اذا رجعنا فهدة : لالالا انا ابي الحين قدام وانتي ورا عشان اذا جو مضاوي ومنار اركب معهم ورا ونفلها رندى : ايه صح ما فكرت فيها فهدة : طيب يلا ورا رندى وهي تنزل : اففف احمد : افف رندى : لا يكثر ويلا على المطار احمد وهو يطلع السيارة من البيت : انشالله عمتي اي اوامر ثانية ؟ رندى : ايه مر محل ورود احمد بأستغراب : ليش ؟ رندى : بنعطيها مضاوي ومنار اذا وصلو احمد : فاضي لكم فهدة : يلا عاد احمد : لا ................................................. ببيت ريم ريم وهي معصبة : مــــــالــــــت مــــــالــــــت مــــــالــــــــــــــــ ــــــــــت عبد العزيز وهو يضحك : شفيك ؟ ريم بعصبية وصراخ : لــــــيــــــــش مــــــا تــــــودونــــــي لــــلــــمــــــــطـــار ؟ فارس : طيب ليش تبين المطار ؟ ريم : مــــــــالــــــــك دخــــــــــــل فارس : اذا مالي دخل ما راح اوديك للمطار ريم : لأنــــــــــــكـــــــــ ـم عــــــنــــــصريــــــــ ن عبدالعزيز+فارس : ؟؟؟؟؟؟؟؟ عبدالعزيز : وش دخل عنصريين ؟ ريم : انــــتــــم تــــــذلــــــونــــــي لأنــــــــي بــــــنــــت و انــــــــتــــــم اولاد فارس وهو يضحك : بس كذا ؟ ريم : ايــــــــــــــــه عبدالعزيز : يالله روحي للسيارة وانا بلحقك ريم بفرح وهبال : صدقققققققققققق ؟ عبدالعزيز وهو يضحك : ايه .. يالله روحي للسيارة ريم وهي تركض : انشاااااااااااااااااااااا اااالله فارس : والله انها خبلة عبدالعزيز : من جد .. يالله انا بروح اودي هالخبلة تامر على شي ؟ فارس : لا عبدالعزيز : الناس تقول سلامتك موب لا فارس وهو رافع حاجب : والله عاد انا ما عندي ذوق ...................................... ببيت غادة نزلت من الدرج وهي لابسه عبايتها وتوها بتطلع من باب الفله بس وقفها صوت اخوها بدر : على وين ؟ غادة : المطار بدر بأستغراب : وش يوديك للمطار ؟ غادة : بسافر بدر بفهاوه : هاه ؟ غادة بضحكه على شكله : اليوم منور وداوي بيرجعون من السفر بدر : اها .. طيب مين بيوصلك غادة بأبتسامه : السواق بدر : بتروحين معه لحالك ؟ غادة : ايه بدر : مستحيل تروحين لحالك .. على الأقل خذي الخدامه معك او مري وحدة من البنات تروح معك غادة طنشته وطلعت من باب الفله وبدر لحقها وهو معصصصصصصب .. كانت بتفتح باب السيارة بس بدر مسكها من كتفها ولفها عليه بدر بنرفزه : خير انشالله وش ذا التطنيشــ.....(ما كمل كلامه من الي يشوفه) بدر بأستغراب : ليش ما قلتي انك بتروحين مع ماجد ؟ غادة بأبتسامه واسعه : قلت لك السواق بدر : ههههههههههههههههههههههههه بصراحة عرفتي تشبهين ماجد : هئئئئ الحين انا سواق ؟ .. خلاص اجل ما راح اوديك للمطار غادة : عادي بدوري يوديني .. صح بدر ؟ بدر بضحكه : سيارتي بالورشه ماجد : كاااااااك طاح وجهها غادة بقهر : عاااااااااادي بقول لرندى وفهدة يمروني ..(وراحت) .................................................. ... بسيارة احمد رن جوال فهدة فهدة بصوت عالي : الوووووو غادة : وجع ترا ابي اذني .. بعدين وش ذا الصوت حشى موب بنت فهده بغرور : قولي مشالله غادة بأندفاع : على ايش ؟ .. على الجمال الي مستحيل بنت تكون جميلة مثلك ولا على الأسلوب المحترم ولا على الـ.... فهدة : تـراك قـــــــــــــــــــــــل ـق .. اخلصي علي وش تبين ؟ غادة : بتروحون للمطار عشان منور وداوي ؟ فهدة : اكــــــــيد غادة : بروح معكم .. مجود النذل ماراح يوصلني فهدة : انشااااااااالله .. ثلاث دقايق وعشر ثواني ونكون عند الباب غادة بأستهزاء : مشالله حاسبتها ؟ فهدة : ايه .. يلا باااااااااااي غادة : باي ..(وسكرت الخط) فهدة : احمد روح لبيت غدوش احمد : ليش ؟ فهدة : بنمرها .. تبي تروح معنى احمد : يا سلام وانتم تعزمون الناس على سيارتي ؟ .. والله لو اني ما اعتبرها مثل اختي ان ما امرها فهده بتسليك : طيب طيب رندى : فيهو فهده : نعمم رندى : دقي على هيوف شوفي اذا بتروح للمطار او لا فهده وهي تطلع الجوال : اوكي .................................................. .... ببيت هيفا هيفا بصوت عالي وهي واقفه قدام الدرج : تــروووووك .. بسرررررعه ترا ما صارت كل هذا تلبس ! تركي وهو ينزل : يلا شوفيني جيت (بعد ما ركبو السيارة) هيفا : بدق على البنات اشوف اذا راحو للمطار او لا..(وتوها بتتصل الا ويرن جوالها) هيفا : الو فهده بصوت عالي : الووووووووووو هيفا وهي تبعد الجوال عن اذنها : بسم الله الرحمن الرحيم فهده بفهاوه : شسالفة ؟ هيفا : فهده !! .. اخلصي علي وش تبين ؟!! فهده : رنود قالت لي دقي على هيفا وشوفي اذا بتروح للمطار او لا هيفا بصوت اقرب للهمس : الحين نفسي اعرف وش سويت لرندى عشان تقول لهالخبلة تتصل علي فهده بصوت عالي : هاااااااااه ؟؟ .. وشششش تقوليييييييين ؟؟ هيفا بعصبية : وجع وجع .. كم مره قلنا لك لا تصرخين كذا !! فهده بملل : بتجين ولا لا ؟ هيفا : اخيرا .. اخيرا تكلمتي زي الناس .. ايه بجي وقولي لرندى انا وش سويت لها عشان تخليك تتصلين فيني ؟!! فهده : اوكي ..(بصوت عالي).. بااااااااااااااااااااي هيفا الي خلاص فقدت حاسه السمع قالت بصراخ : باااااااااااااااي ..(وسكرت الخط) تركي باستغراب : ليش تصارخين ؟ هيفا ببراءة : فهده ما تتكلم الا بالصراخ وانا اقلدها تركي : الحمدلله والشكر ........................................ (بعد مرور ساعة ونص تقريبا) بالمطار وصلت الطياره بسلام ونزلو منها الركاب ومن ضمنهم منار+مضاوي منار : داوي دقي على ابوي شوفي وينه فيه مضاوي وهي تدق على ابوها : اوكي خالد : الو مضاوي : هلا يبه خالد : هلا والله .. شفيك داقه تبين شي ؟ .. محتاجه شي ؟ ..(بخوف).. منار فيها شي ؟!! مضاوي : لا يبه منار ما فيها شي .. بس انت وينك ترا احنا وصلنا خالد بأستغراب : وصلتو ؟ مضاوي : ايه ..(وبنبره فيها حده وعتب بنفس الوقت).. لا يكون ناسي ان اليوم طيارتنا ؟ خالد بتوتر : هاه ؟ .. لا ما نسيت بس انا توقعتها بالليل مو بالصباح مضاوي : نعم !! .. يعني انت مو بالمطار الحين ؟!! خالد : لا .. بس شوفو انتم اقعدو ولا تتحركون وانا بكلم خلف (الحارس والخادم والسواق بنفس الوقت لخالد وبناته) يجيكم وياخذ الشنط لان عندي اجتماع مضاوي بخيبة امل : اوكي خالد بتحذير : بس لا تتحركون من اماكنكم انت استنو لما يجيكم مضاوي ودموعها لدت تنزل : انشالله خالد : الا وين منار ؟ .. غريبة هي الي بالعادة تتصل مضاوي وهي تحاول تخلي صوتها طبيعي : مافيها شي !! .. باي (وسكرت الخط وتركت خالد مستغرب من اسلوبها) منار : وين ابوي ؟؟ مضاوي وهي تحاول تخفي دموعها عن اختها : مو موجود منار بأستغراب : شلون يعني مو موجود ؟ مضاوي : انا بروح الحمام واجيك منار : لحظــ..... (ما كملت كلامها لأن مضاوي طارت على الحمام) .................................................. .... بشركة خالد كان خالد مستغرب من مضاوي بس قرر ينسى الموضوع .. مسك جواله عشان يتصل على خلف بس قاطعه صوت الباب وهو ينطق خالد : تفضل الموظف : استاذ هذي اوراق محتاجه توقيعك ضروري وبسرعه قبل الاجتماع خالد وهي يحط جواله على الطاوله ونسى ان عنده بنات بالمطار : الحين بوقعها الموظف : انشالله ......................................... صديقي الطيب ..... بروحي فديته وعدونا يخذل ويقهر وينضام بامشي معك في كل درب مشيته سواااااااا ...... سواااااااا لاقلت قدام ...... قدام بالمطار دخلت فهده وغاده ورندى واشكالهم تــوحــفـه فهده كانت ماسكه العباية ورافعتها لفوق ركبتها من الحماس .. وغاده تطقطق ع البي بي وكل شوي تصقع بخلق الله .. ورندى الي تهاوش بزر لانه وصخ عبايتها احمد مات من الضحك على اشكالهم .. بس تركهم وراح يشوف الرحله الي بتوصل من دبي فهده : رندى وينهم ؟ رندى : وانا وش يعرفني ؟!! فهده : هئئئئ .. انتي مو تقولين ان داوي ارسلت لك رقم الرحله ؟ رندى : الا فهده : طيب يلا وش رقمها عشان يروح احمد يشوف اذا وصلت او لا رندى : اوكي ..(وهي تناظر جوالها).. رقمها (...) فهده وهي تتلفت تدور احمد : وين راح بعد ذا ؟ غاده وهي تأشر : شوفيه هناك فهده بصوت عالي وهي تركض لجهته : احــــمــــد طبعا احمد تفشل لأن الناس صارت تتلفت فهده وهي موقفه قدام احمد : ساعه اناديك ليش ما ترد ؟ احمد وهي يصد عنها : ابعدي عني انا ما اعرفك فهده ببهبال : هئئئئئئ .. تبريت مني ؟ .. ما توقعتها منك ياخوي ..(وجلست على الأرض قدام الناس وقعدت تقول بصوت عالي).. حسبي الله على من كان السبب , حسبي الله على من كان السبب (وشوي وتدخل ريم للمطار ومعها عبدالعزيز) وكانت تدور البنات بعيونها (طبعا هي بتعرفهم من عباياتهم لأنهم يتلثمون وما تقدر تشوف وجيههم) وشوي وتشوف فهده وهي تتحيسب وتروح لها طايره ريم بخوف وغباء : شفيك يا فهده ؟ .. شسالفة ؟ .. ومين السبب ؟ فهده والي لقتها فرصه تهبل بريم شوي : اخوي تبرا مني يا ريم .. تبرا مني !! ريم بشهقه قويه خلت كل الي بالمطار يلتفتون عليها : هئئئئ فهده بحزن مصطنع : شفتي شلون ؟ ريم وهي تشوف احمد ماسك ضحكته وموقف بعيد شوي عنهم .. راحت له ووقفت قدامه وقعدت تهزأه بصوت عالي وشكلهم مضحك لأنه طويل وجسمه رياضي وهي قصيره ونحيفه فطالعه نتفه بالنسبه له ريم بأنفعال : يالي ما تستحي تتبرا من اختك وبالمطار ؟!! .. شباب اخر زمن (طبعا فهده للحين جالسه على الأرض وتضحك) وشوي وتدخل هيفا للمطار هيفا وهي توقف جنب غاده ورندى الي متفقعين من الضحك : شسالفة ؟ رندى : هههههههههههه فهده ههههههههههههههههه ما ههههههههه اقدر اتكلم هههههههههههه اااااه يا بطني هههههههه هيفا ومليون علامة استفهام على راسها : غدوش شسالفه ؟ غاده الي صارت تبكي من الضحك : ههههههههههههههههههههههههه ههههههههههههههههههههههههه هههههههههه ههههههههههههههههههههههههه ههههههههههههههههههههههههه ههههههه ههههههههههههههههههههههههه ههههههههههههههههههههههههه هههه هيفا : ؟؟؟؟؟؟؟؟؟؟؟؟؟ عبدالعزيز الي كان يناظر الموقف من بعيد : هالبنات مهابيل تركي : شسالفه ؟ عبدالعزيز : سكنهم مساكنهم .. من وين طلعت انت ؟ تركي بأبتسامه على شكل عبدالعزيز : من بطن امي عبدالعزيز باستخفاف : تصدق توني ادري تركي وهي يكملها بهباله : الحمدلله اني علمتك اجل عبدالعزيز : شف شكل احمد شكله متوهق باللي عنده تركي بضحكه على شكل ريم واحمد : حرام رح خذ اختك .................................................. ............ عند منار ومضاوي الي انفقعت مرارتهم من الأنتظار مضاوي : شكل ابوي نسانا بدق عليه منار بقهر : لالا لا تدقين .. خلينا نشوف متى بيتذكر ان عنده بنات مضاوي : اوكي .................................................. .. عند باقي البنات طبعا السكيورتي هزأ فهده لأنها جالسه على الأرض فقامت وهي متفشله وراحت عند رندى وهيفا وغاده .. وريم راحت معهم بعد ما هزأها عبدالعزيز هيفا : بدق على منار .. لأن تركي يقول ان طيارتهم وصلت البنات : اوكي هيفا : الو منار : هلا فوفو هيفا بنرفزه : لا تسميني فوفو منار بضحكه : بس فوفو احسن من هيوفه هيفا بحده : منار !! منار : طيب .. طيب .. الا وش كنتي تبين ؟ هيفا : ما وصلتو ؟ منار كانت بتقول لها ان ابوهم نساهم بس تفشلت .. صح هم بعد ابوانهم مهملينهم بس مو مثل ابوها فقررت تقول : منار : احنا بدبي صار فيه تأخير على الرحله كلها ساعه تقريبا ونكون بالرياض هيفا عارفه ان منار تكذب لأن تركي قال لها ان الطياره وصلت بس حبت تمشيها لأنها عارفه ان فيه سبب لكذب منار لأنهم ما يخبون عن بعضض شي فقالت هيفا : اها .. خلاص اذا وصلتي دقي علي طمنيني منار : اوكي .. باي هيفا : باي ...(وسكرت الخط) .............................................. (بعد مرور ربع ساعه) البنات جالسين بكراسي الأنتظار والشباب وصلت معهم وكل شوي واحد منهم مهاوش اخته ريم وهي حاطه راسها على كتف غاده : ابي انام من امس ما نمت قاعده اخطط وش بنسوي اذا جت منور وداوي رندى : لا تكفين لا تنامين مثل هالخايسه الي نامت وفشلتنا .. اشهدو علي انا تبريت منها لا اعرفها ولا تعرفني هيفا بضحكه : حرااااام عليك حتى انتي تبريتي منها غاده فهمت قصدها انها تبي تستهبل على ريم لأنها صدقت بسرعه : اقول رنود انتبهي لنفسك يمكن بأي لحظه تقوم ريم وتقضي عليك رندى بهبال وهي تتوزا ورا هيفا : لا تكفين ما بعت نفسي .. هيفا احميني منها هيفا : عاد وش يفكك منها الحين ريم وهي تكش عليهم : مـــالـت عليكم هيفا+رندى+غاده : ههههههههههههههههههه .................................................. .......... عند منار ومضاوي الي ارتفع ضغطهم مضاوي : منور ما اقدر استحمل بدق على ابوي يجينا منار بحده : لا تتصلين خليه يتذكر ان عنده بنات .. بعدين اذا هو مو قد المسؤولية خليه يودينا عند امنا مضاوي تنهدت بأستسلام وقالت : اوكي منار والي لمعت عيونها بفكره جديدة : مضاوي مضاوي وهي تناظر عيون منار : شكل عندك فكره مجنونة مثل افكارك القديمه منار بضحكه : فديت الي فاهمتني .. شرايك نرجع للبيت بتكسي مضاوي بشهقه قويه : هئئئئ .. انهبلتي ؟!! .. لا اكيد انهبلتي .. منار لا تنسين اننا بنات تعرفين وش معنى بناااات ؟ منار بخيبة امل : اففف .. انا نفسي اعرف انتي ليش خوافه .. والله لو ان فيهو معي كان الحين قاعدين ندور تكسي مضاوي : والله عاد اذا فهده مجنونة مثلك انا مو مثلها منار تنهدت وقالت بأستسلام : طيب دقي على خلف يجينا بس ابوي لا تدقين عليه مضاوي : اوكي ............................................ عند باقي البنات تركي بملل : هيفا يرحم امك دقي على منار ولا مضاوي شوفي وينهم .. ترا خسنا واحنا ننتظركم هيفا : اوكي ........................................... عند منار ومضاوي كانت مضاوي بتتصل على رقم خلف بس رن جوالها وردت : الو هيفا : هلا وغلا .. دام انك فاتحه جوالك معناته وصلتي للرياض صح ؟ مضاوي : ايه هيفا : طيب وينكم ما شفناكم ؟ .. وترا بحاول اقنع ابوك انك ترجعين معنى لأني انا والبنات بالمطار مضاوي بأبتسامه حزينه : ما يحتاج تقولين له هيفا بأستغراب : ليشش ؟ مضاوي تنهدت وقالت لها كل شي بما ان هيفا اقرب وحده من البنات لمضاوي هيفا كانت حاقده بقووووه على ابو مضاوي بس ما حبت تزيد عليها فقالت هيفا : ترا عادي تصير كثير .. المهم تعالو احنا ننتظركم عند البوابه اول ما تطلعون بتلقونا مضاوي : اوكي .. وشكرا هيفا بهبال : هئئئئ .. لا تقولين كذا ترا احنا خوات والخوات ما بينهم شكر .. الا اذا ما عجبتك كأخت .. لا ويــــن غصب عنك اعجبك مضاوي بضحكه : طيب يلا بناخذ الشنط ونجيكم هيفا : ننتظركم ..(وسكرت الخط) هيفا بنفسها :"عشان كذا كانت منار تكذب .. بس والله ماله حق يسوي كذا وش ذا الحركه البايخه و......" (ما كملت تفكير لأن صوت تركي قاطعها) تركي : وصلو ولا لا ؟ هيفا : هاه ؟ .. ايه وصلو ..(التفتت للبنات).. امشو نروح نستقبلهم عند البوابه البنات وهم يقومون : يلا (طبعا راحو كلهم ومن حماسهم نسو فهده الي كانت بسابع نومه) .................................................. .............. عند منار ومضاوي راحو يشوفون الشنط الي لها سنه محد فكر ياخذها منار كانت تحاول تاخذ وحده من شناطهم بس ما قدرت لأنها ثقيله .. شافها واحد من المسافرين ورحمها ونزل لها الشنطه من السير حق الشنط (ذاك الي بالمطارات اتوقع عرفتوه) منار بخجل : شكرا الشاب : العفو ..(وراح عند صديقه او بالمعنى الأصح اخوه) اخو الشاب : مين هذي ؟ .. لا يكون تعرفها ؟ الشاب : لا وين انا موب حق ذي الحركات ..(وضربه على كتفه بخفيف).. هذا وانا اخوك الصغير والمفروض تعرفني اكثر من اي شخص ثاني اخو الشاب : انت محد يمزح معك ابد .. امش بس اكيد الشباب يينتظرونا برا الشاب : يلا .................................................. ....... عند منار مضاوي جت لمنار ووراها عامل عشان يشيل الشنط لهم مضاوي : يلا منار .. ليش نزلتي شنطتك انا جبت العامل عشان ينزلها (منار كانت مفهيه) مضاوي : منار .. منار ..(بصوت عالي سمعه كل الي بالمطار).. مـــنار منار بخوف : هاه..نعم.. من الي مات ؟ مضاوي بضحكه : ههههههه شفيك انتي قاعده اقول لك امشي نطلع ولا عاجبتك الوقفه منار : لا يلا العامل وهو يأشر على شنطة منار : هدا شنطة انتي مدام ؟ منار بشهقه قويه : هئئئئئ مدام في عينك .. توني طفله بريئة ترا عمري 15 سنه بس يالظالم مضاوي بضحكه : منار يالخبله ترانا بالمطار .. بعدين شفيك كليتيه ترا ما قال شي منار بأندفاع : الا قال لي مدام وانا توني طفله بريئه مضاوي تخصرت وقالت : وش تبينه يقول لك يعني ؟ .. انسه منار منار : اي شي بس موب مدام مضاوي : اقول لا يكثر ..(التفتت للعامل).. خذ هالشنطه العامل : اوكي مدام مضاوي بعفوية : انا مدام ؟ منار وهي رافعه حاجب : لا والله حلال عليك حرام علي مضاوي وهي تضحك : طيب يلا امشي .............................................. عند الشباب (تركي,احمد,عبدالعزيز) احمد : ترا والله طفششششت من هالبنات شكلي بروح لرندى وفهده واسحببهم من شوشتهم وارجعهم للبيت ....... : ما راح تستقبل الشباب ؟ احمد : سكنهم مساكنهم .. وش جابكم انتم ؟ فارس وهو رافع حاجب : شايف جني مثلا ؟ احمد : والله الجني ارحم منك .. الا وش تسوون هنا ؟ بدر : نسيت ان اليوم بيرجع فيصل ونايف ؟ احمد وهو يتذكر : ايه صح عبدالعزيز بأستغراب : وش جابكم هنا ؟ ماجد : شكلكم كلكم ناسين ان اليوم نايف وفيصل بيرجعون .. بس سؤال يطرح نفسه اذا انتم مو هنا عشان نايف وفيصل ليش جايين ؟ (وبهاللحظه طلعت منار ومضاوي من البوابه) تركي وهو يناظر البنات الي طارو لمضاوي ومنار : الحين تعرفون ريم وهي تحضن مضاوي : اشتقت لكم غاده وهي حاضنه منار بقوه وشوي وتشيلها : ليشش ما تكلمينا كثير ؟ هيفا : نحن هنا رندى : حرام عليكم بقو لنا شوي ترا بيختفون من قوة حضنكم منار وهي تحضن رندى : يا زينكم بس مضاوي وهي تحضن هيفا : احنا بعد اشتقنا لكم (بعد عشر دقايق من التحضين) منار شهقت بقووووووه : هئئئئئئئئئئئئئئئئئئئئئئئئ ئئئئئئ البنات بخوف : شفيك ؟ ............................................. عند الشباب نايف وهو ورا تركي : شسالفه تركي من الخوف نط على فارس فارس : وخر عني تركي طنش فارس وقال لنايف : بسم الله الرحمن الرحيم .. هذا مو نايف هذا جني نايف بضحكه : لا والله فيصل وهي يسلم على الشباب : ساعه ندوركم بالمطار ولا لقيناكم بدر : احنا جالسين هنا طول الوقت لو انكم مفتحين عيونكم زين كان شفتونا فيصل بضحكه وهو يناظر نايف : المهم لا يفوتكم روميو وش سوا اليوم الشباب بحماس : وش سوا ؟ فيصل بضحكه على شكل نايف الي يأشر له انه بيذبحه لو تكلم : واحنا ناخذ الشنط حقتنا شفنا بنت قاعده تحاول تطلع شنطتها بس ما قدرت واخونا الكريم راح وساعدها وطلع لها الشنطه بدر : اوووووه رومانسي الأخ تركي يصفر ويقول : ما رقمتها ؟ نايف بعصبية مكبوته : ليش وش شايفني ارقمها ؟ فارس وهو يحط يده على كتف نايف : ماعليك منهم الكلام معهم ضايع نايف : هذا الصاحي موب انتم فارس بضحكة : بس ترا اذا ما عطيتني رقم البنت لا اعرفك ولا تعرفني نايف : افف .. عاد وش يسكتكم الحين ؟ .. انا ساعدتها لأني رحمتها وبس ! فيصل : المهم خلونا نروح الحين وبعدين بالليل نطلع نتعشى الحين نبي نرتاح ماجد : لحظه خلونا ننتظر الأنسات يخلصون الدراما حقتهم نايف وهو يلتفت للبنات الي صاير شكلهم يضحك وبالذات ريم الي متعلقه بمضاوي من ورا ............................. عند البنات منار وهي تناظر نايف : امشو خلونا نروح انا حدي تعباااااااااانه وابي ارتاح البنات : يلا (وراحو البنات للشباب وقررو يروحون مع ماجد لأن سيارته كبيره وهو يا حياتي يحاول يقنع واحد من الشباب عشان يروح معه وهم معارضين يبون يقعدون مع نايف وفيصل وبالأخير تنازل نايف يروح معه) بالسياره ماجد يسوق ونايف جنبه والبنات ورا كانت ترتيبهم (مضاوي-رندى-ريم-غاده) ووراهم (هيفا-منار) (طبعا شنط منار ومضاوي ونايف بهالسياره بس فيصل قال انه يبي يحطها بسيارة عبدالعزيز بما انه بيركب معه) والبنات مؤدبين عشان نايف موجود ماجد بملل : وانتم ما لقيتو تروحون الا معي ؟ البنات بأندفاع وهم شوي وينطون قدام عند ماجد ونايف : ايه ..(بعدين تذكرو ان نايف موجود وتفشلو) (بعدين وقفو عند اشاره وماجد لف على البنات بيشوف اشكالهم وقعد يضحك عليهم لأن عيونهم كانت طايره بسبب انهم متفشلين وشكل منار اللي مدخلة راسها بين ريم ومضاوي) ماجد وكنه استوعب : لحظظظظظظة ..(وباستهزاء).. كأن الطابور حقكم ناقص ؟ غاده : احترم نفسك هيفا : لحظة كلام ماجد صح احنا 6 والمفروض نكون 7 ماجد بصدمه توقع انه ملخبط وهو يعدهم : يعني شلللووووون ؟ هيفا : احنا ناقصين وحده !! رندى وهي تحط يدها على قلبها وبشهقه وصوت عالي : فهده منار الي نطت عند البنات قدام : يعني شلوووووووون .. ماجد بسررررررعه ارجع للمطار ماجد وهي يلف السياره لطريق المطار وبتوتر واضح : اكيد برجع للمطار ............................................... (بالمطار) كانت فهده نـــــايمه بالعسل وما تدري عن الي حوالينها ......................................نهاية البارت...................................... مقتطفات من البارت القادم : 1- .... الي دمعه منها نزلت ولحقتها باقي الدموع : شفت انك نسيت ؟ .. اذا انت مو قد المسؤولية انك تتحملنا خلنا نعيش بالأمارات عند امي 2- .... : احنا عددنا 7 وفجأة ننقص ونصير خمسه !! .. ما يصير كذا 3- .... فجأة شهقت بقوة وقامت من كرسيها وصارت تركض وتصارخ بدون سبب كلمة اخيرة /... الدنيا لا تطيب الا بذكر الله والآخرة لا تطيب الا بعفو الله والدنيا لا تطيب الا برؤية الله ... صالح المغامسي ... | ||||
|
| |
|
06-02-13, 09:28 AM
| #4 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
| لا تلهيكم الرواية عن الصلاة .. | الصلاة , الصلاة , الصلاة ,, اللهم بلغت اللهم فـَ اشهد | البارت (2) ليس من الصعب أن تضحي من أجل صديق , ولكن من الصعب أن تجد الصديق الذي يستحق : التضحية .. (بالمطار) كانت فهده نـــــايمه بالعسل وما تدري عن الي حوالينها بس جنبها كان فيه هنود يسولفون وهي من صوتهم قامت فهده وهي تناظر الهنود وبهمس : ياليل .. الحين وش يفكني من قرقهم ..(استوعبت).. وين البنات ؟؟ (قامت فهده ومترت المطار تدور البنات وما لقتهم فقعدت على الأرض تصيح <<<<شكلها تعودت على ارض المطار) .................................................. ..... عند بوابة المطار ماجد قال للبنات يقعدون بالسيارة ووحدة بس الي تنزل بس طبعا رفضو ونزلو كلهم معه ونايف تولى قيادة السيارة دخلو البنات ومنار شافت فهده قاعده على الأرض وتصيح كأنها بزر وراحت لها طيران منار وهي تحضنها : خوفتينا عليك يا دبه فهده وهي تشد على حضن منار : ليش تركتوني ؟ منار وهي تمسح دموع فهده : ما كنا نقصد نسيناك .. الحين قومي عشان اروح لبيتنا ارتاح انا ومضاوي بعدين نجي لبيتكم نكمل السهره عندكم فهده وهي تقوم : يلا (بعد ما ركبو كلهم بالسيارة كان ترتيبهم نفس الشي وفهده ركبت ورا) (ماجد الي تولى القياده ونايف جلس بكرسي الراكب) فهده كانت تسولف مع منار وماجد يسولف مع نايف فهده لمنار : شخبار دبي ؟ ماجد لنايف : اعجبتكم ذي المره ولا مثل المره الي راحت قعدتو تحشون فيها ؟ نايف ومنار بنفس الوقت : لا الحمدلله حلوة فهده بهبال : اعوذ بالله من الشيطان الرجيم .. غير كلامك ياخي يعني لازم تقلدها بكل شي ؟!! نايف : اقلدها ؟ ..(بسخرية) الي يسمعم يقول اقلدها بكل شي حتى اني اشتري نفس ملابسها ريم بغباء : لا ما ينفع تشتري مثل ملابسها .. هي دايم تاخذ اشياء حقت بنات غادة : اكيد بتشتري ملابس بنات يعني تبينها تشتري حقت الأولاد مثلا ؟ ريم بتصريفه : لا بس يعني المقاس .. منار نتفه ونايف جبل الكل : جبل !! ريم توهقت : لا يعني مو جبل بس قصدي كبير هيفا وهي رافعه حاجب : حتى منار كبيره عمرها 15 سنة ريم الي بدت تتنرفز لأنهم حجرو لها : قصدي ان جسمه رياضي وهو طويل شوي وهي نتفه فما يقدر يلبس ملابسها لأنها بتطلع ضيقه عليه رندى بإستهزاء : الحين منار النتفه ولا انتي ؟ نايف بأستهزاء : حتى لو مقاسها نفس مقاسي منيب لابس لها ..(بضحكه).. اتخيل شكلي لابس بلوزة زهرية كلها ورود ماجد : هههههههههههه منار الي بدت تتضايق : بس انا ما عندي بلوزة زهرية فيها ورود يعني لا تقعد تتفلسف ريم بغباء : الا ذيك الي شريتيها ذاك اليوم يوم كانت معنى غادة و........(ما كملت كلامها بسبب الجزمة الي جت فراسها من منار) منار : مـــــاجد ماجد بملل من كلامهم الي ماله فايده : نعم منار : بسرععععععععه ابي انوم ماجد بعصبية مكبوته : وش اسوي يعني ؟!! .. اطير مثلا اطير منار الي بوزت : طيب لا تنافخ ماجد بهدوء : ما نافخت منار بزعل : ايه واضح (وشوي وتجي جزمة على راس ماجد) ماجد : آآآآي غاده بعصبية : خيييييييير انشالله تزعل منور ؟ (وشوي وتجيه الجزمة الثانية) فهده : احترم نفسك فاهم !! .. كل شي ولا منور ماجد وهو ياخذ جزمة فهده وغاده ويرميها من شباك السيارة : احلمو تشوفونها غاده بشهقة قوية : هئئئئ شسويت ؟!! ماجد ببرود : مالي دخل فهده : حرام عليك تراها جديدة ماجد ببرود : قلت لكم مالي دخل (فهده وغاده سكتو بزعل) (بعد ما وصل ماجد كل وحدة لبيتها ورجع نايف لبيته) ببيت مضاوي ومنار (غرفة منار) منار وهي ترمي نفسها على سريرها تنهدت تنهيدة قوية منار تكلم نفسها :"ودي اعرف وش ردة فعل ابوي اذا تذكر انه نسانا ..(بقهر).. مع اني ما اتوقع انه بيتذكر" .................................................. ... يبه والله اني لو كثر خيري فانا خيري ذراك شوفني بنت كامله بس دونك .. ويش اكون؟ بشركة خالد (خالد كان منهمك بالشغل والأوراق دخل عليه السكرتير حقه) السكرتير : استاذ خالد خالد وهو يناظر بالأوراق : نعم السكرتير : بنتك تبي تكلمك على الخط .. تبي احولها لك ولا اقول لها تتصل بعدين ؟ خالد : لا حول الخط لي (بعد ما رد عليها) خالد : الو مضاوي : الو .. هلا يبه خالد : اهلين .. شعندك داقه بالعاده تدقين على جوالي موب على الشركه مضاوي :"شكله ما ذكرنا ابدا" .. اها لا بس ما رديت قلت اسلم عليك قبل ما نركب الطيارة خالد والي ابدا مو متذكر اي شي : خلاص متى بتوصل طيارتكم ؟ مضاوي : بعد ساعه ونص خالد : خلاص ساعه ونص واجيكم بنفسي اخذكم مضاوي : اوكي .. مع السلامة خالد : مع السلامة .. (وسكر الخط) مضاوي تنهدت وقالت :"بخليك تتعب وتروح للمطار وما تلقانا عشان تحس باللي حسينا فيه .. بس مو كأني استنذلت فيه شوي ؟ .. لالا على الأقل يحس بالي مرينا فيه قبل ما نعاتبه" (وشوي وتدخل منار مدرعمه) منار : داااااوييي مضاوي وهي تسد اذنها : قصري صوتك .. جتنا فهده الثانيه منار : لا تكلمين ابوي عشان ......... مضاوي بمقاطعه : دقيت عليه منار : لييييييييييييشش ؟!! مضاوي : قلت له اننا بنوصل بعد ساعه ونص وقال انه بيستقبلنا بالمطار هو بنفسه منار بفهاوه : بس احنا وصلنا للرياض شلون نوصل مره ثانيه واحنا ما سافرنا ؟ مضاوي : يا ربي انا وش اسوي بهالخبلة الي عندي .. انا ابيه يروح للمطار وما يلقانا عشان يحس بشعورنا منار : اها .. بس حرام عليك ترا يظل ابونا وحرام الي نسويه و مضاوي بمقاطعة : لالالالالالالالا .. لا تحاولين تقنعيني لأني اكيد بأقتنع وبدق على ابوي اعتذر واقوله اني كنت اكذب وانا ما ابي اسوي كذا ! منار : بس .... مضاوي بمقاطعه : مـنــــــــــــار منار : طيب خــلاص مضاوي : اسمعي قفلي جوالك منار : ليش ؟ مضاوي : عشان يحسب اننا بالطيارة منار : اها ..(بعدم اقتناع).. اوكي مضاوي : طيب يلا اطلعي وسكري الباب ..(بتعب).. ابي انوم منار وهي تطلع : بطلع من غير ما تقولين لي مضاوي بصوت كله نوم : اذلــــــــــــفــــــي منار وهي تسكر الباب : طيب .. طيب (بعد مرور ساعه ونص تقريبا) ........................................... بمطار الرياض واقف عند البوابة الي بيطلعون منها البنات وهو يكلم بالجوال ...(بعد ما خلص المكالمة) خالد : لو سمحت الرجال : آمر اخوي خالد : متى بتوصل هالطيارة الرجال : والله مدري يمكن عشر دقايق تقريبا ..(بلقافة).. انت من تنتظر ؟ خالد بتسليك : بناتي الرجال : اها .. لا انا انتظر اخوي ومرته بيجون من قطر خالد بأستغراب : قطر ؟ الرجال : ايه .. هالطيارة بتجي من قطر خالد بأستغراب : بس انا انتظر الطيارة الي بتجي من الامارات الرجال : بس هذي الطيارة بتجينا من قطر .. انت ما شفت متى بتوصل الرحلة باللوحة ؟ خالد : لا .. بناتي قالو انهم بيطلعون من هالبوابة الرجال : والله مدري وش اقول لك بس انا متأكد ان هالطيارة من قطر خالد وهو يطلع جواله : طيب مشكور ................................................ ببيت فهده البنات فالينها بالرقص و الشبسات والحلويات والهبال والأفلام والسوالف والقهوة <<<<اتمنى ما اكون نسيت شي خخخ ريم بصوت عالي : بنااااااااااااااااااااااا ااااااااااااااات هيفا : وجع انشالله .. ترانا جنبك ما يحتاج تصارخين رندى وهي ماسكه اذنها : احس اني بيوم من الايام بفقد حاسة السمع بسببك انتي وفهده (وشوي وتفتح منار الباب وتدخل هي وفهده) فهده وهي ماسكة شوكة : شفيكم ؟ منار وهي ماسكه ملعقه : قامت الحرب ؟ غادة ويدها على قلبها : بسم الله الرحمن الرحيم مضاوي بعصبية : خير وش فيكم داخلين كذا ؟ منار بإستهبال : سمعنا صرخة ريم ونحسب فيه حرب هيفا بأستخفاف : يعني الحرب بتقوم بالغرفة مثلا ؟ رندى بأستخفاف : وحتى لو قامت بتدافعون عننا بشوكة وملعقه مثلا ؟ فهده وهي تناظر الشوكه وشكلها غبي : شفيها ؟ منار : على الأقل احسن من لا شيء غادة : اقول اهجدو بس وتعالو اقعدو معنى منار وهي تجلس همست بأذن مضاوي : ما دق ابوي ؟ مضاوي بتوتر : مدري .. نسيتي اني مقفلة جوالي منار : طيب متى نفتحه ؟ مضاوي : الحين منار وهي تفتح الجوال : اوكي طبعا انصدمو من الي شافوه .. بجوال مضاوي 14 مكالمة من ابوها و3 من امها .. وبجوال منار 20 مكالمة من ابوها و3 من امها منار بصدمه وهمس : اكيد ابوي دق على امي وسألها عننا مضاوي بهمس وخوف : رحنا فيها منار : كله منك .. قلت لك حرام الي نسويه وانتي ما سمعتيني مضاوي بتوتر : طيب وش اسوي الحين ؟ منار : يعني وش بتسوين مثلا ؟ .. دقي عليه مضاوي : اخاف .. انتي دقي عليه منار : يا سلام وهقتينا بأفكارك وتقولين خايفة ! .. طيب عطيني بدق من جوالك مضاوي وهي تمد الجوال لمنار : خذي منار : الو خالد بعصبية مكبوته : وينكم ؟ .. لي ساعه بالمطار اتظركم !! منار بخوف لأنها عرفت ان ابوها معصب : بـ.. ببيت رندى وفهده خالد بعصبية : نعم !! .. وانا لي ساعه انتظركم بالمطار ! منار : بس احنا قلنا لك اننا وصلنا ولا ارسلت لنا خلف .. قمنا سوينا كذا عشان تتحسف خالد والي بدا يهدا : متى ؟ .. انا ما اتذكر منار الي دمعه منها نزلت ولحقتها باقي الدموع : شفت انك نسيت ؟ .. اذا انت مو قد المسؤولية انك تتحملنا خلنا نعيش بالإمارات عند امي خالد بصدمة من كلام بنته : نعم ؟!! بالنسبة للبنات الي من سمعو جملة منار الأخيرة وهم مصدومين ويناظرونها ينتظرونها تخلص المكالمة عشان يعرفون السالفة ويتفاهمون معها منار : الي سمعته .. احنا ملينا من اهمالك لنا .. طول الوقت بالشغل واذا رجعت تنام .. هذا اذا ما رحت لغرفتك الي مستأجرها بالفندق خالد الي تحسف على اهماله لبناته : انا آسف .. ما كنت اعرف انكم متضايقين مني لهالدرجة منار بأنهيار : اكيد بنتضايق .. ام ما نشوفها الا بالسنة اربع مرات بالكثير .. وابو مهمل ابو مهمل ابو مهمل ابو مهمل ابو مهمل نزلت هالكلمة مثل الصاعقه على خالد خالد بصدمه : مع السلامة .. ولا تتأخرون عند فهده ورندى ..(وسكر السماعه بدون ما يسمع رد) (منار الي مسحت دموعها وصارت تناظر اشكال البنات الي ينتظرونها تتكلم) رندى بتردد : شسالفة ؟ (منار تنهدت وقالت لهم كل شي) ريم بترجي وهي تحضن يد منار : لا لا تروحون .. احنا مستحيل نعيش بدونكم غادة بقهر : بلا سخافة لا تروحون رندى : احنا عددنا 7 وفجأة ننقص ونصير خمسه !! .. ما يصير كذا ! فهده : بعدين انا كيف بعيش بدون توأمي ؟ هيفا : من جد .. يلا عاد لا تروحون لدبي عند امكم خلوكم هنا منار بأبتسامه من بين دموعها : ماراح نروح لأننا مستحيل نعيش بدونكم .. بس انا قلت كذا عشان يغير معاملته لنا مضاوي : يعني تتخيلون اننا بنترككم ؟ .. مستحـــــــــيل بنقعد على قلوبكم غادة بأبتسامه : مثل العسل مضاوي وهي تحضنها : فديتك والله فهده بهبال : تراكم خربتم الجلسة خلاص عاد بلا افلام هندية هيفا : من جد .. بس ترا خلص الفلم واحنا ما شفناه ريم بصراخ وهبال : لاااااااااااااااااااااااا اااااااا خـــــــلــــــص الــفـــــــــــــلـم منار : خساااارة شكله حلو مضاوي بأستهزاء : وش الي حلو ؟ .. كله تقطيع وذبح وذبيح فهده وريم ومنار وهم منسجمين بالفلم : اســــــكـــتو .. خلونا نشوف باقي الفلم هيفا : سكنهم مساكنهم .. شلون يتكلمون كذا بنفس الوقت ؟ (رندى+غاده+مضاوي هز كتوفها "يعني ما نعرف") ............................................ باليوم الثاني ببيت مضاوي ومنار قامت من النوم وصلت واخذت شور سريع وغيرت ملابسها لبست بنطلون جينز فاتح وبلوزه صفرا عليها كتابات بالأبيض وفلات ابيض وربطت شعرها ذيل حصان وحطت قلوس ومسكرة وطلع شكلها ناااعم عكس شخصيتها طلعت من غرفتها متوجه لغرفة اختها دخلت ولقتها جلسة على السرير وماسكه جوالها وباين عليها التوتر منار : شفيك ؟ مضاوي : متوترة منار : ليش ؟ مضاوي : من بعد ما رجعنا من بيت فهده ورندى واحنا ما شفنا ابوي .. وما اعرف ردة فعله اذا شفناه اليوم على الفطور منار : اها مضاوي : منور تكفين انزلي وقولي له اني نايمه وما ابي فطور منار : لا طبعا .. حتى انا خايفة اذا شفته بس لازم نكون مع بعض دايم مضاوي تنهدت وقالت : طيب اطلعي من الغرفة بغير ملابسي بعدين ننزل مع بعض ..(بتحذير).. لا تنزيلن قبلي منار وهي تطلع من الغرفة : اوكي خذت مضاوي شور سريع ولبست برمودة بيضا وبلوزة سودا عليها كتابات بالأبيض وفلات اسود وربطت نص شعرها وحطت قلوس ومسكره مثل اختها (راحت لغرفة اختها ونزلو مع بعض ولقو ابوهم جالس على السفرة ينتظرهم) مضاوي ومنار بهدوء : صباح الخير خالد بنبرة حاده : صباح النور (مضاوي سحبت الكرسي حقها وجلست ومنار جلست جنبها) خالد بحدة : الي صار امس ما ابيه يتكرر فاهمين ؟ مضاوي+منار : ....... خالد بحدة اكثر : فاهمين ؟ مضاوي+منار بخوف : فاهمين خالد : بالنسبة للتقصير اللي يجي مني فهذا بسبب الشغل .. ولا يكون على بالكم ان العز الي انتم فيه يجيكم بدون تعب وشغل .. ترا كل شغلي عشانكم انتم وبس (مضاوي و منار هزو راسهم بالايجاب) خالد قام لأنه خلص فطوره من زمان بس كان ينتظرهم وهم رجعو يكملون اكلهم خالد : ونومكم هذا لازم يتعدل .. الدراسه باقي عليها اسبوع واحد وتبدى (مضاوي و منار هزو راسهم بالايجاب) منار بتردد : بابا .. نبي نروح مع البنات اليوم عشان نجهز للمدرسة خالد : خلاص روحو بس لا تتأخرون منار+مضاوي : ان شاءالله خالد : انا رايح للشركه .. تامرون على شي ؟ منار+مضاوي : سلامتك (طلع خالد وتنهدت منار ومضاوي براحة) مضاوي : الحمدلله انها جت هالمرة على تهزيئة بس منار : من جد (شوي ويرن جوال منار) منار : الو ريم : الووووووووووووو منار وهي تبعد الجوال عن اذنها : ريم لا تصارخين ترا اسمعك ريم : عمي عندكم ؟ <<<<طبعا مو عمها بس من باب الأحترام تسميه عمي منار : لا توه طالع ريم : طيب بجي افطر معكم منار : اوكي ننتظرك ريم : يلا افتحو الباب .. انا بلبس عبايتي واجيكم منار وهي تقوم من السفرة : يلا انا عند الباب الحين ريم : اوكي .. باي منار : باي مضاوي : شسالفة ؟ منار : ريم بتفطر معنا مضاوي : الحمدلله انها بتجي على الأقل احد يسلينا منار وهي تطلع عشان تفتح الباب : انا بروح افتح لها (بعد خمس دقايق دخلت منار ومعها ريم) ريم كانت لابسة برمودة جينز وبلوزة لونها زهري فاتح عليها كتابات بالأبيض والسماوي وفلات زهري فاتح عليه شريطة سماوية ولابسة طوق زهري فاتح وحاطه قلوس ومسكره ريم بمرح : السلام عليكم مضاوي بإبتسامه على روقان ريم الي بالصباح : وعليكم السلام ريم وهي تجلس جنبهم على وحدة من كراسي السفرة : وافق ابوكم انكم تروحون معنا ؟ مضاوي : ايه ريم بهبال : الحمــــــدلله منار : ههههههه ..(بثقه).. لهالدرجة ما تقدرون تعيشون بدونا ؟ ريم بقرف : وععععع .. وش ذا الثقه ؟ مضاوي ضحكت على هبالهم : هههههههههههه منار الي طاح وجهها وحاولت تصرف الموضوع : متى بنطلع ؟ ريم : بعد المغرب مضاوي : مين بيوصلنا ؟ .. لا تقولين واحد من اخوان البنات ؟ ريم : لا الي بيوصلنا السواق تنهدت مضاوي بإرتياح وقالت : الحمدلله ريم بنص عين : ليشش ؟ مضاوي : ماراح ناخذ راحتنا ريم والي تحطمت لأن تفكيرها راح بعيد : اها .................................................. ........ ببيت غاده غاده طلعت من غرفتها معصصصبة وقال بصوت عالي وعصبية : بـــــدر بدر وهو طالع من غرفته وكاتم ضحكته : نعم غادة بعصبية : لــــــيش تسوي كذا ليش ؟ بدر ببرائة مصطنعه : وش سويت غادة بقهر : لا بريء ماشاءلله ما سويت شي ..(بعصبية).. انت تعرف اني اخاف من القطاوة تجي تحط بحمامي وحدة ؟ بدر ببرائة مصطنعه : هئئئئ مين الي حطها بحمامك ؟ غادة بعصبية : انــــــــت بدر : لا موب انا غادة : الا انت .. مجود ما عنده هالحركات مو مثلك جني بدر بشهقة : هئئئ انا جني ؟ غادة : لا انا بدر : ايه اذا انتي جنية عادي اقدر اتقبل (غادة من القهر ظربت الأرض برجلها وراحت تنادي الخدامه عشان تطلع القطوة من حمامها وبدر ضحك على حركتها) ................................................. ببيت فهده ورندى فهده واقفة بملل بغرفة رندى فهده بملل : رندى كل هذا تختارين لك لبس ؟ رندى الي طلعت كل الملابس الي بالدولاب : وش اسوي لازم اكون انيقة فهده بأستهزاء : الله اكبر .. الي يسمعك الحين يقول عارضة الأزياء رندى بثقه : انا احلا من العارضة فهده بإستهزاء : ايه واضح ..(بملل).. تكفين البسي اي شي شوفي انا وش لابسه ...(واشرت على لبسها الي كان) بنطلون جينز ضيق وبلوزة مخططة بالأحمر والأبيض وعليها رسوم بالأسود وفلات اسود ومسوية عميلة {جديلة-ظفيرة} الي تبدا من الجذور وحاطة قلوس ومسكره رندى : افف منك ومن حنتك .. طيب اطلعي عشان البس فهده وهي تطلع : اوكي رندى لبست بنطلون جينز وبلوزة بيضا عليها زي طبعات اليد ملونه وصغار مررررة وربطت شعرها ذيل حصان ولبس فلات ملون بشكل عشوائي وحطت قلوس ومسكرة ونزلت تفطر تحت مع اختها وامها واخوها وجدتها اما ابوها كان بشركة العائلة ......................................... ببيت هيفا قامت من النوم وصلت واخذت شور سريع ولبست بنطلون رصاصي وبلوزة كحلية عليها كتابات بالأزرق والأسود والأبيض والرصاصي ولمت شعرها على ورا بشكل ناعم ولبس فلات ازرق وحطت قلوس ومسكرة وخذت من مكتبتها كتاب عن الطب وجلست تقراه <<<<قلت لكم حلمها انها تصير دكتورة اسنان ببيت غادة بعد ما طلعت الشغالة القطوة من الحمام ونظفته خذت شور سريع ولبست بنطلون اسود وبلوزة رصاصية عليها رسمة بنت بالأسود ولبست فلات رصاصي ولبست طوق اسود ونزلت تفطر وشافها ماجد ماجد : شفيك لابسة ذا الألون كأنك بعزا ؟ غادة : ياليل بدينا من الصبح ماجد وهو يضحك : ترا اسأل بس غادة حطت اصبعها على راسها وقالت بعناد : كــــــيــفــي ...(ونزلت تحت عشان تفطر وتركت ماجد يضحك على حركتها الطفولية) .................................................. .... ببيت مضاوي ومنار بعد ما خلصو الفطور ونضفت الخدامة السفرة راحو يقعدون بالحديقة ريم بصوت عالي : بــــــنات سولفــــــــو مضاوي : ريم ترانا جالسين جنبك ريم بعبط : ادري (منار فجأة شهقت بقوة وقامت من كرسيها وصارت تركض وتصارخ بدون سبب) ريم بخوف غبي : بسم الله الرحمن الرحيم .. شكل اختك دخلها جني مضاوي : من جد شوفي قامت تنطط وتصارخ بدون سبب منار الي تصرخ بألم : آآآآآآآه .. مــــضـاوي مضاوي الي قامت لمنار بخوف : شفيك ؟؟! راحت منار وحضنت مضاوي وقعدت تبكي ومضاوي تهديها وريم مثل الأطرش بالزفة ما تدري شسالفة (بعد مرور 10 دقايق .. هدت منار) مضاوي : شفيك ؟ منار بخوف وصوت متقطع : نـ.. نملة مضاوي+ريم : ؟؟؟؟؟؟؟؟ مضاوي : وش نملة ؟ منار : كانت على يدي نملة مضاوي : نعم !! ريم بشهقة قوية : هئئئئ يعني كل هذا عشان نملة ؟ (منار هزت راسها بالايجاب بخوف وشوي وتجيها جزمة ريم بوجهها) منار بألم وعصبية : آآآآآآآآآآه .. خييييييييير يا ريموه وش ذا الحركة ؟ ريم بعصبية وطالع شكلها مضحك لأنها نتفه : كل هذا عشان نملة .. على بالي دخلك جني منار طارت عيونها وقالت بعصبية : بسم الله علي .. لا تتفاولين علي (وتو ريم بترد بس قاطعتها مضاوي) مضاوي وهي تناظر الطاولة : وحدة من الجوالات ترن ريم وهي تاخذ الجوال : جوالي ريم بصوت عالي : الووووو ....... بصوت اعلا : الوووووووووو ريم وهي تبعد الجوال عن اذنها : لا تصارخين ترا اسمع (مضاوي ومنار ناظرو بعض وقالت مضاوي) مضاوي : ما في احد اعلا من صوتها منار : الا فيه مضاوي باستغراب : مين ؟ منار : فهده مضاوي ضحكت يوم تذكرتها : ايه صح ريم : انا مو بالبيت الحين فهده : مو بالبيت ؟ .. غريبة وش مطلعك بهالصبح ؟ ريم : عند داوي ومنور فهده بحماس : احلــــــــــفي ريم : والله فهده : الحين بنجيكم انا ورنود افتحو الباب ريم : باي فهده : باي ..(وسكرو الخط) منار بلقافة : شسالفة ؟ ريم بنذالة : مــــــــالك دخل منار برجاء : ريامي يلا عاد ريم وهي رافعه حاجب : وقت المصالح تجيك الكلاب مشتاقه منار : اصير لك كلب وقرد اذا بغيتي بس قولي شســــــالفة ريم كانت بتتكلم بس قطع عليهم صوت الجرس .. والخدامة طلعت عشان تفتح الباب بس مضاوي ومنار وريم ما خلوها راحو مثل الصواريخ قدامها وفتحو الباب منار وهي تحضن فهده : فيهو رندى : وانا مالي رب مضاوي وهي تحضنها وتضحك : الا لك ريم : دقو على غدوش وهيوفه عشان يجون مضاوي وهي تتصل على غادة : شوفيني اتصل غادة : الو مضاوي : هلا غادة .. تعالي لبيتنا .. ريامي وفيهو ورنود عندنا وانا الحين بتصل على هيوفه عشان تجينا غادة : اوكي ما عندي مانع ..(بنص عين وهي تناظر ماجد وبدر).. اصلا عشان افتك من الي عندي (ماجد وبدر ضحكو يعرفون انها تقصدهم) مضاوي : زين .. يلا باي بتصل على هيوف اشوفها غادة : باي ..(وسكرت الخط) ماجد : مين كنتي تكلمين ؟ غادة ببرود وهي تقوم : مضاوي (بدر قام من مكانه بعد ما طلعت غادة وحط يده على كتف ماجد الي راح بخيالة بعييييد وقال) بدر : وين وصلت ؟ ماجد : هاه ؟ .. معك بدر وهو يغمرز له : الا قل مع الحبيبة ماجد وهو يقوم عشان يطلع : مالت عليك بدر بصوت عالي عشان يسمعه ماجد : فاضحك اليوم عند الشباب فاضحك ماجد بصوت عالي : جرب تسويها وبتشوف بدر : هههههههههههه | ||||
|
| |
|
06-02-13, 09:30 AM
| #5 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
| ببيت هيفا خذت شنطتها ودخلت فيها الكتاب لأنها عارفة انهم بيسهرون عند وحدة فيهم وهي تبي تقرأ .. نزلت وطلعت وراحت لبيت مضاوي ومنار ................................................. (بعد صلاة المغرب) صلو البنات ولبست كل وحدة عبايتها وطلعو مع السواق وكان السواق بيحرك السيارة بس وقفهم فارس فارس وهو واقفت عند الشباك : على وين ؟ غادة بنص عين : يا انك ملقووووف .. شدخلك ؟ فارس وهو رافع حاجب : والله عاد اختي معكم فلازم اعرف وين تروحون له ريم بغباء : انا مو معهم انا بالبيت فارس بضحكه : لا والله مضاوي : فرووووس يالله عاد وخر عن السيارة نبي نروح قبل ما يسكرون لصلاة العشا فارس : مو قبل ما تقولون لي وين بتروحون هيفا بملل : المول بنجهز للمدرسة فارس : اها .. طيب انزلو انا بوصلكم البنات بصوت عالي : لااااااا فارس بخوف : اعوذ بالله من الشيطان الرجيم ..(وهو يطلع جواله).. عناد لكم بدق على الشباب كلللهم يجون معنى البنات : لااااااااااااااا فارس وهو يضحك : الا .. الو فيصل .. تعال بنطلع انا والشباب المول مع خواتنا .. ايه .. ايه .. ودق على باقي الشباب عشان اتفاهم مع المهبل الي عندي .. يلا مع السلامة فهده بهبال : ليش ؟ .. ليــــش ؟ فارس وهو يتصل : الو .. هلا بدر .. انا والشباب بنطلع مع البنات للمول .. ايه .. تعال انت ومجود .. يلا مع السلامة غادة : لالالالالالالالالالالالا .. الا هذولا الأثنين بيطلعون الشيب براسي لااااا فارس بأبتسامه وهو يتصل على تركي : هلا تروك .. ترا انا والشباب بنطلع اليوم للمول مع البنات .. ايه خواتنا .. لا بتجي ؟ .. زين .. يلا مع السلامة منار : يا سخييييييييييييييييييييييي يييييييييييييييييييييف فارس وهو رافع حاجب ويتصل على عبدالعزيز اخوه : عزوز .. تعال بنطلع المول مع البنات .. اوكي .. لا توصي حريص .. يلا مع السلامة رندى : الحين بيتصل على احمد فهده : لااااااااا الا احمد لا يجي فارس : الو هلا احمد .. تعال معنى بنروح مع البنات للمول .. يلا عاد تعال .. زين .. لا .. يلا مع السلامة فارس ويرفع حواجبه بحركة تنرفز : شرايكم ؟ .. الحين بيروحون كل الشباب حتى نايف وفيصل البنات بقهر : اففف فارس : يلا انزلو واركبو بسيارتي نزلو البنات وركبو السيارة وشوي ويركب ماجد مع فارس وباقي الشباب بسيارة فيصل فارس : اي مول تبون ؟ فهده : الــ....... فارس : انا ما سألتكم سألت ماجد .. وش يبون الشباب ؟ البنات : خييييييير منار : احنا الي بنجهز للمدرسة ولا انتم ؟ مضاوي بقهر : من جد .. احنا نبي الــ....... ماجد بأبتسامه : اذا كل البنات يبون الــ....... ما عندنا مانع البنات بحماس : ايـــــــه ماجد : خلاص اجل .. بنروح للــ....... غادة : فديت اخوي موب مثل بعض الناس فارس وهو يضحك : وش قصدك ؟ غادة : الي على راسه بطحه يتحسس عليها هيفا : بنات خلونا نغني ريم بحماس : وش نغني فهده بصوت عالي : انــــــــا بغني ومنور معي رندى : لا تكفون لاتغنون من زين الأصوات الحين عشان تغنون هيفا+ريم+غادة : من جد فهده بتطنيشة قوية : تجي نعشق بعض اكثر واكثر وننسى الكون باللي فيه منار تكمل معها : احبك يالغلا قد ما اقدر وتعشق قلبي وتغليه فهده + منار : اقدم قلبي وروحي هديه انا كلي بعد عمري حلالك وقدرني واللي لك عليه اريح قلبك ويرتاح بالـــ......(كانو بيكملونها بس قطع عليهم صراخ هيفا) هيفا بقرف : بس بس .. وش ذا الأصوات ؟ ريم الي بدت تغني بدون ما تشاور احد : سارِعي للمجد والعلياء منار+فهده يكملون عليها : مجدي لخالق السماء ريم+منار+فهده : وارفعي الخفاق الأخضر يحمل النور المسطر رددي الله اكبر يا موطني موطني قد عشت فخر المسلمين عاش الملك للعلم والوطن .. طن ططن غادة : الحين وش عندكم تغنونها ؟ .. مشتاقين للمدارس يعني ؟ ريم+منار+فهده : لا طبعا ماجد بقصد : في وحدة منكم ما سمعت صوتها (توجهت انظار البنات لمضاوي) منار ببرود : ايه هذي مضاوي هيفا : عادي عادي هي من الأساس هادية وخجولة .. آآآآآآآآآآي الكل بأستغراب : شفيك ؟ هيفا : لا بس مضــ...... آآآآآآآي فارس : شفيك ترا ازعجتينا هيفا بقهر وهي تعطي مضاوي نظرات احتقار : افف منار : الا مضاوي غني انتي صوت حلو البنات : ايــــه مضاوي : لا الكل حتى ماجد وفارس الي تحمسو : الا (بعد اصرار الكل رضت مضاوي تغني) مضاوي : القصايد كلها بأسمك تغني ياسبب لحني واشعاري وفني والمشاعر كلها صوبك حبيبي غازلن رقة معانيك وخذني والله انت الحب كله ياحياتي ياامل عمري ويامعنى التهني من عرفتك زانت الدنيا في عيني وارتمى حبي في حضنك واحتضني جيتني غنوه وانا جيتك قصيده يوم غيرك في وداده ماشغلني والتقى احساس نادر في وجوده يوم صادف صدق ظنك حسن ظني والله انت الحب كله ياحياتي ياامل عمري ويامعنى التهني من عرفتك زانت الدنيا في عيني وارتمى حبي في حضنك واحتضني من عرف قدري وشافك في عيوني ياغلا دنياي في حبك عذرني صرت لي كل شي غالي في حياتي صرت اقرب لي من احساسي ومني والله انت الحب كله ياحياتي ياامل عمري ويامعنى التهني من عرفتك زانت الدنيا في عيني وارتمى حبي في حضنك واحتضني فارس الي مصدوم من الصوت : ما توقعت ان فيكم وحدة تغني زي الناس ماجد تنهد وقال بحالمية : يا زين ذا الأغنية ريم بحماس : انت تحبها ؟ ماجد بأبتسامه : اكيد ريم : حتى مضاوي تعشقها ماجد وهو يناظر مضاوي : صدق ؟ مضاوي بخجل وصوت واطي : ايه (ماجد ابتسم على خلجلها ولف للشباك وصار يناظر السيارات ويفكر) ................................................ (بعد ما وصلو المول) دخلو الشباب مع البنات بنفس الوقت وشكلهم يروع كأنهم ارهابيين من كثرهم حتى الناس صارت تناظرهم مضاوي بهمس لهيفا : الحين الناس ليش تناظرنا كذا ؟ هيفا : يعني ما تشوفين عددنا عبدالعزيز : اسمعو اذا خلصتو دقو علينا عشان نجيكم منار بشهقه قوية : هئئئ .. كشفتكم انتم استخدمتونا عشان تدخلون للمول وتروحون ترقمون صح ؟ الشباب : ؟؟؟؟؟؟؟؟؟؟؟؟ فيصل : اقول بلا كثرة كلام زايد واذا خلصتو دقو على اخوانكم ..(وراح مع الشباب) غادة : امشو ندخل هالمحل فيه اشياء حلوة هيفا : اهم شي تصير فيه جزم وفلاتات حلوة (الله يكرمكم) غادة : ايه اشيائه تجنن رندى : طيب امشو ندخله ..(وكذا كان حال البنات من محل لمحل وبعد ما اشترو اللي يحتاجونه وتعبو قرروا اخيرا يرجعون لبيت مضاوي ومنار يكملون السهره) .................................................. ......... ببيت مضاوي+منار غاده : بشتاق للأجازة رندى : حتى انا مضاوي : كلنا بنشتاق لها فهده بضحكه : بنات تتذكرون ريهام ؟ البنات بضحكه : ايه ريم بضحكه : يووووه يا قدمها عاد القصه {غره-قذله} حقت شعرها قصيرة مره توصل لنص جبهتها البنات : هههههههههههههه منار : بس ماشاءالله تعرف كل شي .. انا اسميها الموسوعه الحرة ريم : من جد مضاوي : خلاص بنات لا تحشون بخلق الله منار : ما حشينا مضاوي : هئئئئ الحين كل هذا وتقولين ما حشيتو ؟ منار : طيب آسفين (شوي وتجي رندى المخده {وساده + خدادية} من ريم) رندى : خييييييير ريم وهي ماسكه المخده بترميها على غادة : يلا بنات فلوها (وشوي وتقوم الحرب وكل وحدة ماسكة مخده وترميها على الثاني .. الا هيفا الي كانت بزاوية الغرفة تقرا كتابها) (وبالغلط فهده رمت المخده على هيفا الي ارتاعت ودفت الدله الي كانت مفتوحة وانكبت القهوة على رجلها) هيفا بألم : آآآآآآآآه .. بنات رجلي احترقت رندى الي رمت كل شي وراحت ركض تشوف رجل هيفا رندى بخوف : تألمك ؟ هيفا بألم ودموعها بعيونها : ايه منار بخوف : بدت تحمر وتنتفخ رندى : فهده دقي على احمد بسرررررررعه فهده وهي تاخذ الجوال : طيب طيب ..(دق على احمد وهو رد) (طبعا ما امداه يقول "الو" الا فهده تقول له) فهده بخوف وبسرعه جنونية بالكلام : احمد تعال هيفا احترقت احمد : نعم ؟!! فهده : احمممممد اقول لك البنت احترقت تعال بسرعه بنوديها للمستشفى احمد بتوتر : طيب..طيب الحين بجي .. بس اي وحدة عشان اقول لأخوها فهده : قلت لك هــــــــــــيفا احمد بنفس التوتر : يلا الحين بجي لبسوها عبايتها فهده : اوكي .. مع السلامة احمد : مع السلامة .................................................. ...... (عند الشباب .. كانو مجتمعين عند فيصل ونايف) دخل عليهم احمد الي كان طالع عشان يكلم فهده احمد بتوتر : تركي تركي الي رفع راسه لأحمد : هلا احمد : ترا فهده دقت علي تقول ان اختك احترقت تركي بخوف : شلون احترقت ؟ احمد : لا تخاف .. البنات يقولون ان القهوه انكبت عليها تركي وهو يقوم : يلا الحين جاي شغل السيارة احمد وهو يطلع : انتظرك (بعد نص ساعه هيفا وتركي واحمد كانوا بالمستشفى) لفو رجل هيفا وعطوها كريم عشان تحطه مكان الحرق وطلعو .............................................. بسيارة احمد تركي : انا الحين ابي اعرف شلون احترقتي ؟ هيفا : كانو البنات يلعبون بالمخدات ووحدة منها طاحت علي وانا من الخوف دفيت الفنجال برجلي وانكب على رجلي واحترقت والباقي انت تعرفه تركي : والله انكم بزران تلعبون ذا اللعبة .. حتى شهد ورهف ما يلعبون هذي اللعبة هيفا بملل وفشلة من احمد : خلاص عاد تروك لا تقارنا برهف وشهد ......................................نهاية البارت...................................... مقتطفات من البارت القادم : 1- .... بقهر : يعني انا مو حلوة الحين ؟ 2- .... بقهر وغيرة : اذا ما خليت سمعتهم بالأرض ما اكون .... 3- .... : ما عليك .. بنت ابوها الي تنطق بحرف مين الشخصيات اللي قالت هالجمل ؟ انتظر توقعاتكم على احر من الجمر .. كلمة اخيرة /... من اعظم الغبن " أن يخبـــرنا الله في كـتـابـه بأن جنــتـه اللـتـي اعـد الله لــعـبـاده المـتـقـيـن عرضهــــا السمــــاوات والأرض،، ولا يجـــد احـدنــا فـيــها موضـــع قـــدم !! ^ للشيخ المغامسي حفظه الله ورعاه .. | ||||
|
| |
|
06-02-13, 09:42 AM
| #6 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
| | الصلاة , الصلاة , الصلاة ,, اللهم بلغت اللهم فـَ اشهد | البارت (3) فَمَا أَكْثَر الأَصْحَـابَ حِينَ تَعُـدُّهُمْ ولَكِنَّهُـمْ فِـي النَّـائِبَـاتِ قَلِيـلُ (طبعا بعد الي صار امس الكل رجع على بيته ونامو وقررو يتطمنون على هيفا باليوم الثاني) باليوم الثاني .. الساعه 8 ونص بالليل كل البنات كانوا مجتمعين عند هيفا الي طمنتهم انها بخير بس ما تقدر تمشي كثير عشان الحرق يوجعها اذا تحركت شهد بصوت عالي ينرفز : افف منكم صدق طفش ريم بقهر : والله عاد محد قال لك تعالي معنا يالبزر شهد : انتي البزرة والله رهف وهي تتغصب القهوة ويعنني كبيرة : خلاص عاد بلا حركات بزران .. اهجدو غادة وهي رافعة حاجب : لا يالكبيرة (عطتها رهف نظرات احتقار ولا ردت) شوي وتدخل ام تركي ام تركي : هلا والله .. البنات عندنا ؟ .. وانا اقول ليش البيت منور (قامو البنات يسلمون عليها وبعدين جلست ام تركي تتقهوى معنا) (شوي ويدخل عليهم تركي ويتغطون البنات) تركي وهو يبوس راس امه : هذي الأغراض الي وصيتيني عليها يالغالية ام تركي : تسلم يا ولدي .. الله يحفظك ويوفقك ويرزقك ببنت الحلال ..(طلع تركي) (طبعا يوم قالت بنت الحلال رهف قامت تتميلح والبنات ماسكين ضحكتهم عليها) ام تركي : شفيك يا رهف ؟ .. تبين الحمام ؟ رهف بقهر لأن ام تركي ما فهمتها : لا انا كبيرة لو ابي الحمام رحت له بدون احد ام تركي : ايه بسم الله عليك كبيرة .. وانشالله تكبرين زيادة وتصيرين حلوة مثل اختك غادة رهف بقهر : يعني انا مو حلوة الحين ؟ ام تركي بوهقه : لا حلوة بس يعني تصيرين مثلها رهف بقهر : انا احلا من غادة ام تركي تسلك لها : ايه ايه انتي احلا منها رهف الي عرفت انها تسلك لها : الا من بتخطبين لتركي ؟ ام تركي : تركي توه صغير على الزواج رهف : بس انتي تو قلتي الله يرزقك ببنت الحلال ام تركي : ايه هذا في المستقبل ان شاءالله رهف : اها (طبعا طلعت ام تركي والبنات ما صدقوا وانفجروا ضحك) رهف بقهر : ما اشوف ان فيه شي يضحك ريم الي تسدحت من الضحك : آآآآه يا بطني ماعاد اقدر استحمل هيفا وهي تضحك : رجلي اوجعتني من الضحك رندى وهي رافعه حاجب : وش دخل رجلك بالكذابة هيفا وهي تضحك : مدري (وشوي ويسمعون صوت سيارة) هيفا : هذا اكيد تركي .. شكله بيطلع من البيت افصخو عباياتكم مضاوي فصخت عبايتها وكانت لابسة بنطلون جينز وبلوزة نص كم شفافة لونها سكري وعليها تطريز بالسكري ولابسة تحتها بدي اسود ولابسة فلات اسود وطوق اسود عليه شريطة بيضا ناااااااعمه وحطت مسكرة وقلوس وطلع شكلها يجنن ومنار كانت لابسة بنطلون جينز وبدي ابيض وجكيت رسمي لونه زهري فاتح على لحمي وفلات نفس لون الجكيت وربطت شعرها ذيل حصان وحطت مسكرة وقلوس وطلع شكلها خيااااااااال ورندى كانت لابسة بنطلون جينز وبلوزة كلها على بعضها كانت مثل علم لندن وفلات احمر وشعرها حطتى كله من جهه و الجهه الثانية عليها شريطة حمرا ناااااااااااااعمة وحطت قلوس ومسكرة وشكلها نعوووووم وفهده بنطلون جينز وبلوزة سودا عليها فيس {وجه} تعبان <<<<<زي الي في البي بي وفلات اسود وربطت شعرها ذيل حصان وشكلها ناعم عكس شخصيتها وغادة بنطلون اسود وبلوزة لونها موف فاتح عليها من فوق تطريز ناااااااااعم بالخرز الفضي وفلات موف فاتح عليه خرز فضي ولمت شعرها على ورا بطريقة ناعمه وحطت قلوس مسكرة وطلع شكلها نفس الشي يجنن وريم بنطلون اسود وقميص نص كم لونه اخضر فاتح شوي ومخطط بخطوط صغيييييييييرة لونها اخضر غامق وفلات اخضر غامق ولبست طوق اخضر غامق وحطت قلوس ومسكرة وشكلها برييييييييء نفس شخصيتها العفوية اما هيفا فكانت لابسة بجامتها الحرير الحمرا ولمت شعرها على ورا بطريقة ناعمه وطالع شكلها يجنن مع انها ما حطت لا مسكرة ولا قلوس شهد : رهف امشي نلعب برا رهف الي ما صدقت تقول لها شهد وقامت معها وهي تقول رهف : مع اني كبيرة على اللعب بس بجاملك والعب معك ........................................... (بعد ما طلعو) البنات : ههههههههههههههههههههههههه ههههههههههههههههههههههههه ه ريم : احنا الكبار نلعب شلون هم رندى : خليها .. تلقينها عايشة الدور حق انا الكبيرة وانا الحلوة ريم : من جد (بعد مرور 5 ايام .. اليوم اول يوم دراسة) كل البنات قامو ولبسو مراييلهم وتجهزو وراحو للمدرسة ...................................... بالمدرسة طبعا البنات اجتمعو وراحو عشان يناظرون في اي فصل بيكونون (وطلع تقسيمهم) ريم+فهده+منار هيفا+رندى مضاوي+غادة مضاوي بقهر : نعم نعم !! .. ليش يفرقونا المفروض نكون مع بعض هيفا+غادة+رندى : قهر رندى : بس على الأقل صرنا كل ثنتين مع بعض موب كل وحدة طيروها بفصل البنات : من جد منار بأسلوب ينرفز : انا وريم وفهده مع بعض رندى+هيفا+مضاوي+غادة : مــــــــــالت عليكم رندى بغرور مصطنع : اصلا احنا ما نكلم بزران المتوسط .. يلا روحو يلا (شوي وتجيهم شهد ورهف) شهد : ريــــــــــــــــــــم ريم : نــــــــــــــــــــعم شهد : في اي فصل انتي ؟ ريم وهي تأشر : هذاك شهد : اهــــــــــــــــــا ريم : ليش ؟ شهد : عشان اذا ابي منك شي .. وانا ...(وهي تأشر)... في هذاك الفصل ريم : طيب خلاص روحو رهف بعناد : ماراح نروح احنا كبار بنقعد معكم غادة بتهديد : رهف روحي ولا والله ما تشوفين شي يعجبك بالبيت رهف بخوف : طيب..طيب شهد : يلا رهف نروح نلعب مع البنات رهف : يلا ..(وراحوا) هيفا : افف منهم بزراااااااااااااان البنات : من جد (شوي وتجيهم الأستاذة وتدخلهم للفصول) ................................................ ...{الحسد اغبي الرذائل اطلاقا فانه لا يعود علي صاحبه بأية فائدة}... بفصل فهده+منار+ريم ما عندهم استاذة والبنات قالبين الدنيا هبال وتطبيل واغاني ورقص (طبعا الي كانو يطبلون فهده ومعها ثلاث بنات من الفصل .. والي يغنون منار مع نص الفصل .. وريم مشتغله رقاصه مع وحدة مصرية ولافين الطرح على خصرهم وعايشين جو) بس بزاوية الفصل كان فيه ثلاث بنات مو مع الباقين وكانو يقولون البنت 1 : استغفر الله ريم ومنار وفهده عايشين جو وماخذين بنفسهم مقلب البنت 2 : من جد ومدري على وشو المشكلة البنت 3 : لا وبعد كل الفصل يحبونهم البنت 1 بقهر وغيرة : اذا ما خليت سمعتهم بالأرض ما اكون .؟.؟.؟.؟ البنت 3 : وش بتستفيدين اذا شوهتي سمعتهم ؟ البنت 1 : اكيد بيكرهونهم الفصل .. لأن واكيد ما في احد بيصادق احد سمعته بالتراب البنت 3 : اها البنت 2 بحماس : وش بتسوين ؟ البنت 1 بأبتسامه مكر : بتشوفون بعدين .................................................. . بفصل غادة+مضاوي مضاوي قاعده تكتب بمذكراتها ومنسجمة وغادة تسولف مع بنات الفصل .................................................. . بفصل هيفا+رندى هيفا قاعده تقرا كتاب عن الطب وبالصدفة في وحدة جديدة بالمدرسة اسمها ريوف ونفس الشي تبي تصير دكتورة اسنان وانسجمو مع بعض وجلسوا يقرون الكتاب .. ورندى منحاشة من الفصل مع كم بنت (بعد ما خلص اليوم الاول على خير الكل رجع لبيته) .................................................. ببيت هيفا كانت جالسة على اللاب تقرا عن الطب وتكلم ريوف على الماسنجر .................................................. ببيت غادة غادة جالسة على سريرها ومخدتها فوق راسها تبي تنام بس رهف مقلقتها تبي تقول لها وش صار اليوم بالمدرسة .................................................. ببيت فهده ورندى فهده تطاق مع احمد ورندى جالسة بغرفة فهده .................................................. ببيت ريم كالعادة طقاق مع شهد .................................................. ببيت مضاوي ومنار مضاوي جالسة بالحديقة ومنار نايمة .................................................. . عند مضاوي كانت جالسة تشم الورود وكل شوي تاخذ ورود وتنسقها بأشكال حلوة وتصورها .. وما كانت منتبهه للعيون الي تراقبها وما حست الا بالصوت الي ينادي بأسمها ........ : مضاوي .. مضاوي رفعت راسها بخوف لأن الصوت كان واطي وما قدرت تميزه .. الي يناديها كان بالبيت الي جنب بيتهم وكان مطلع راسه من الشباك فما قدرت تعرف مين بالضبط ودققت النظر بعدين ابتسمت وقالت مضاوي : وانتي ما تتركين حركاتك ؟ رندى بابتسامه : ما اقدر .. ترا صورتك وانتي مو منتبهه وطلعت الصور تجنن بالذات وانتي تشمين الورود الحمرا مضاوي : وريني اياها رندى : طيب بجي عندك انا وفيهو وبوريك اياها مضاوي : اوكي وانا بأتصل على باقي البنات عشان يجون .. بس لحظة وش موديك غرفة فهده لأن الي اعرفه ان هذا شباك (نافذة-دريشة) غرفتها رندى : ايه انا رحت اخذ لي اغراض وطليت من الشباك وشفتك .. يلا مضاوي انا بروح اغير ملابسي واجيك مضاوي : اوكي .................................................. ............. (بعد مرور ربع ساعه) كل البنات كانوا ببيت مضاوي ومنار ومعهم رهف وشهد رهف وشهد قاعدين بالحديقة ومضاوي تصورهم وهيفا ورندى بالحديقة نفس الشي يتقهوون وريم وفهده جالسين معهم فهده بصوت عالي عشان تسمعها مضاوي : داوي وين منور ؟ مضاوي : نايمة رندى : ما يكفي غادة الي من اول ما جت وهي داخلة غرفة مضاوي ومقفلة على نفسها ونايمة مضاوي بأبتسامه وهي تجلس معهم : ايه .. تقول ان رهف ما خلتها تنوم تبي تسولف معها بالغصب ريم بقهر : ياليل ذا المبزرة هيفا وهي تضحك : ليش وش مسوية فيك شهد انتي الثانية ؟ ريم : تقول لي لا تصيرين بزر ..(بقهر).. ما شافت نفسها البنات : هههههههههههههههههههههههه فهده بملل : طفششش ..(بحماس).. ريم امشي نقوم منور ريم بحماس وهي تقوم : يلا (وراحو لمنار) ........................................ بغرفة منار كانت بسابع نومة .. وشوي وتنط عليها فهده وريم تكب عليها موية باردة وفيها ثلج بنفس الوقت منار بخوف : بسم الله الرحمن الرحيم .. بسم الله الرحمن الرحيم (ريم وفهده فطسو ضحك على شكلها) منار بعصبية بعد ما استوعبت : وجعع ان شاءالله .. وانتم وش جايبكم هنا ؟ ريم : مضاوي قالت لنا نجي منار بقهر : مالت عليها وعليكم .. ولا هذي اشكال تنعزم .. بعدين ليش قومتوني ؟ .. كنت احلم حلم حلو فهده+ريم بلقافة : وشو ؟ منار بنذالة : منيب قايلة لكم لو تموتون .. يلا اذلفو عني بروح اغسل وجهي وانزل لكم ريم+فهده وهم يطلعون : ترا اذا ما قمتي بنجيك مره ثانية منار بتسليك : طيب..طيب ..(طبعا بعد ما طلعو قفلت الباب ورجعت نامت تحاول ترجع للحلم الي كانت تحلم فيه) (مر اليوم مثل اي يوم للبنات وطبعا لا يخلو من الهبال والصرقعه) .............................................. (باليوم الثاني بالمدرسة) فصل منار+فهده+ريم كان الفصل اهدا من امس لأن الأستاذات موجودات بس مافي دروس (ريم+فهده+منار يسولفون مع بعض) فهده : بنات شرايكم الحصة الي بعدها ننحاش ونروح لفصل رندى وهيفا ؟ منار+ريم بحماس : ايه ريم : طيب كيف ؟ منار : انا عندي فكرة .. اول ما تدخل الأستاذة بنكون احنا ورا الباب وهي بتمشي قدام عشان تسلم على الفصل وبهذا الوقت نطلع من وراها بدون ما تدري ريم : واذا فضحنا الفصل ؟ فهده : ما عليك .. بنت ابوها الي تنطق بحرف منار : طيب قولي لهم من الحين فهده : اوكي ..(بصوت عالي لأن الأستاذة واقفة برا الفصل مع استاذة ثانية وما تقدر تسمع اصوات البنات).. بناااات (كل البنات التفتو لها) فهده : الحصة الجاية بنحاش انا وريم ومنار .. يا ويل الي بتفتح فمها بحرف (طبعا وحدة من البنات اسمها لمى ملقوفة وتجرأت وقالت) لمى : واذا قلنا وش بتسوين يعني ؟ فهده بتهديد وثقه : بلعن خيرها منار بعصبية : فهييييده لا تلعنين فهده : طيب..طيب خلاص منار بنفس العصبية : ترا اللعن طرد من رحمة الله فهده : طيب آآآسفة ما كنت ادري ريم : المهم لا تنطقون بحرف البنات ومعهم لمى : اوكي (وبعد خمس دقايق انطلق صوت الجرس معلن انتهاء الحصة والبنات نفذو خطتهم واول ما دخلت الأستاذة طلعو من الفصل وراحو على الحمامات) .................................................. ................................. (بعد عشر دقايق طلعو منها وراحو ركض لفصل هيفا+رندى ودخلوه) هيفا بشهقه قوية : هئئئئ وش تسوون هنا ؟ منار : وين استاذتكم ؟ هيفا : راحت للحمام والحين بتجي .. اطلعو بسررررررررعه فهده : بس احنا منحاشين ! رندى : طيب بسررررعه روحو ورا تحت الطاولات فهده+منار+ريم : اوكي (طبعا دخلت الأستاذة وعرفت بنفسها وطلعت تجلس عند باب الفصل .. وهيفا ورندى رجعو ورا وجلسو على الكراسي وقعدو يسولفون مع منار وفهده وريم) تقدمت لهم ريوف وقالت بخجل : عادي اقعد معكم ؟ البنات : اكيد عادي (جلست ريوف بخجل جنب هيفا) هيفا بأبتسامه : ليش مستحية ؟ .. بنات هذي ريوف جديدة بالمدرسة (منار+ريم+فهده ابتسمو لها وهي ردت لهم الأبتسامه) فهده : انا فهده ..(وهي تأشر على منار).. وهذي منار ..(وهي تأشر على ريم).. وهذي ريم ريوف : اي صف ؟ منار : كلنا ثالث متوسط ريوف : اها ..(تكلم ريم).. حتى انتي ؟ ريم : ايه ريوف : غريييييبة ريم : ليش ؟ ريوف : شكلك كأنك بنت برابع ابتدائي او خامس بالكثير .. يعني حجمك صغير طالعه نتفة ريم بقهر : انا مو نتفه !! رندى+هيفا+منار+فهده : ههههههههههههههههه ريوف : ليش تضحكون ؟ فهده وهي تضحك : ريم متعقدة من حجمها ريوف بخوف : اوه .. آآآسفة ما كنت اعرف ريم : لا عادي فهده : ريوف ترا انا اصير اخت رندى ريوف بصدمة : صدق ؟ (فهده هزت راسها بالأيجاب) ريوف : ما تشبهينها ابدا فهده بثقه : ادري انا احلا منها رندى وهي تضحك : اموووووت على الثقة منار : بنات شرايكم اروح اقول لمضاوي وغادة يجون عندنا رندى : ايه والله فكرة هيفا وهي تقوم : بروح اقول للأستاذة اني بروح للحمام واناديهم البنات : اوكي ريوف : مين مضاوي وغادة ؟ منار : مضاوي تصير اختي وغادة بنت جيراننا ريوف : اها رندى : على فكرة ترا كلنا بنات جيران ريوف : صدق ؟ رندى : ايه ريوف : احس وناسة ريم : ايه من يوم ما كنا صغار واحنا مع بعض (بعد مرور 10 دقايق رجعت هيفا ومعها غادة ومضاوي الي دخلو الفصل بدون ما تنتبه لهم الأستاذة) مضاوي وهي تجلس ورا بين منار وفهده : شعندكم ؟ فهده : ولا شي بس نبي نسولف غادة الي جلست بين فهده وريم : اها هيفا وهي تأشر على ريوف : هذي ريوف زميلتي غادة بابتسامه : تشرفنا (ريوف ابتسمت) (شوي وتجيهم لمياء) لمياء : ريوف تعالي اقعدي معي انا وخلود .. طفشانين ونبي نسولف مع احد ريوف وهي تقوم : يلا (بعد ما راحو) منار : شكل ريوف طيبة انا بصراحة ارتحت لها هيفا : ايه هي مره طيبة .. حتى تبي تصير دكتورة اسنان مثلي غادة بضحكة : وانتي هذا الي همك انها تبي تصير دكتورة اسنان ؟ هيفا : طبعا .. انا فرحت ان في احد يشاركني نفس الطموح فهده : بس شكلها هادية ما تصلح تقعد معنى هيفا : ايه لاحظت .. عشان كذا انا خليت العلاقة الي بيني وبينها سطحية البنات : اها مضاوي : بس بالعكس .. لو تندمج معنى احسن عشان تقعد معي مو تصير مهبولة مثلكم رندى بضحكة : حتى لو قعدت معك بنأثر فيها وبتصير مثلنا مثل ما اثرنا بهيفا .. وبعدين انتي وش شايفة نفسك ؟ .. تراك مثلنا بالضبط (كملو سوالفهم لما خلصت الحصة والكل رجع لفصله) .................................................. ..................... كَذَبْتَ، وَمَنْ يَكْذِبْ فَـإِنَّ جَـزَاءَهُ * إذَا مَا أَتَى بِالصِّدْقِ أنْ لا يُصَدَّقَا إذَا عُرِفَ الكذَّابُ بالكِذْبِ لَمْ يَزَلْ * لَدَى النَّاسِ كَذَّابًا، وَإن كانَ صادِقَا وَمِنْ آفَةِ الكذَّابِ نِسْـيانُ كِذْبِـهِ * وتَلْقَاهُ ذَا فِقْـهٍ إذَا كانَ حَـاذِقَا بفصل منار+فهده+ريم (طبعا الثلاث بنات الي تكلمنا عنهم اول استغلو غيابهم عن الفصل في الفترة اللي كانوا منحاشين فيها ونفذو خطتهم) ريم باستغراب : ليش كل البنات يناظرونا ؟ فهده وهي مستغربة : مدري منار بدون اهتمام : يمكن لأننا انحشنا ولا انمسكنا فأستغربوا .. المهم يلا سولفو (اندمجو بالسوالف وما انتبهو ان كل بنات الفصل يتكلمون عنهم) البنت 1 بأبتسامة نصر : شفتو وش سويت ؟ البنت 2+3 بفرح : ايه البنت 2 : الحين محد متجرأ يصادقهم البنت 3 : وفوق هذا سمعتهم بالتراب البنت 1+2 : من جد .................................................. (بنهاية الدوام) الكل كان برا فصله وفهده بالصدفة شافت وحدة من بنات الفصل تأشر عليها فهده التفت لها وقالت : خير ؟ البنت بارتباك : لالالا ولا شي فهده وهي رافعه حاجب : زين منار : شتبي ذي ؟ فهده : والله مدري تقول ..(وهي تقلدها).. لالالا ولا شي (وشوي وتجيهم شهد) شهد : ريم يلا بنطلع ريم : يلا الحين بجي .. مع السلامة بنات البنات : مع السلامة | ||||
|
| |
|
06-02-13, 09:42 AM
| #7 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
| (بعد مرور اسبوع) الكل صار يبعد عن منار وفهده وريم وهم جاهلين السبب او بالأصح ما انتبهو لهالشي من الاساس .................................................. ...... (بالمدرسة .. كان وقت الفسحة) كانت وحدة من بنات فصل منار+ريم+فهده تتمشى وشافت فهده وهي تكلم رندى وتقول فهده : رنود عطيني فلوس .. نسيت البوك حقي على التسريحة رندى : يا كثر ما تنسينه ..(وهي تطلع فلوس من البوك).. خذي فهده : شكرا يا احلا اخت ..(وراحت) (طبعا جت هذي البنت وسحبت رندى على جنب وقالت انها تبي تكلمها) رندى بإستغراب : وش الموضوع الي تبيني فيه ؟ لمى <<<<<ذيك الملقوفة : انتي ما تعرفين وش تسوي اختك فهده ؟ رندى بأستغراب : وش تسوي ؟ لمى : كل بنات المدرسة يقولون انها بثاني يوم من الدراسة قالت للبنات انها بتنحاش من الفصل بس هي انحاشت من المدرسة بكبرها وراحت مع حبيبها .. حتى معها صديقاتها الي اسمهم ريم ومنار رندى بصدمة : نعم ؟!! لمى : هذا الي يقولونه البنات رندى بعصبية : مستحيل هذا كذب لأنهم ذاك اليوم كانوا معنى طول الوقت بالفصل وبنات فصلنا شاهدين .. مين الي قال هالكلام بسررررررعه قولي لي ؟ لمى : مدري كل البنات يقولونه رندى : طيب مين الي يدري عن هالشي ؟ لمى : كل المدرسة تقريبا رندى بصدمة : نعم !! .. كل المدرسة ؟!!!! .. طيب خلاص .. وقولي للبنات ان هالكلام كذب واذا اكتشفت من الي مطلع هالأشاعه بنتفه تنتيف لمى : اوكي .. بس ترا انا مالي دخل انا سمعتهم يقولون كذا وحبيت اقول لك رندى وهي للحين مصدومة : طيب..طيب شكرا لمى وهي تروح : العفو رندى راحت وقالت هالشي لهيفا ومضاوي وغادة الي انصدمو نفس الشي غادة بصدمة : مستحيل .. هالشي مستحيل يصير هيفا بعصبية : الي نشرت هالأشاعة اكيد وحدة حقودة وغيورة مضاوي : بس لازم نعرف من الي قالت هالشي ونجبرها تعترف انه كذب قبل ما يصدقون هالبنات هالشي رندى بأنفعال : اكيد صدقوا .. الأشاعه لها اسبوع تقريبا منتشرة هيفا وهي تحط راسها بين يدينها : يا ربي وش نسوي .. طيب هم يعرفون ان هالأشاعه منتشرة عنهم ؟ رندى : البنت الي قالت لي تقول لا هيفا : اها مضاوي : اكيد وحدة من فصلهم لأن ما يعرف انهم انحاشوا وقتها الا هم البنات : صح غادة وهي تقوم : بروح اتفاهم معهم رندى : بروح معك هيفا : لا لا تروحين .. لأنك اخت فهده واكيد ماراح يقولون لك انهم هم الي طلعو الكلام .. وحتى غادة ماراح ينفع لأنهم يدرون انها صديقتكم مضاوي : طيب مين يروح يسأل الفصل ؟ هيفا : ريوف البنات : نعم !! مضاوي : لالالا فشيلة نطلب منها هالطلب واحنا ما نمون عليها رندى : طيب كيف بنعرف ؟ غادة تنهدت : طيب خلاص خلو ريوف تروح البنات : اوكي هيفا وهي تروح : بروح اقول لها (بعد ما قالت لها هيفا عن الي صار .. ريوف بطبيعة ان قلبها ابيض وطيبة وافقت وراحت ومعها صديقاتها وقعدو يسألون بنات فصل فهده ومنار وريم) رنا (من فصلهم) : مدري انا الي قالت لي داليا لمياء (صديقة ريوف) : مين داليا ؟ رنا وهي تأشر : هذيك .. شفتيها ؟ لمياء : ايه .. شكرا رنا : العفو (بعدين راحوا للبنت ريوف ولمياء وخلود) خلود : لو سمحتي داليا : نعم خلود : نبيك شوي (بعد ما راحت داليا معهم بعيد عن صديقاتها) داليا : شتبون ؟ ريوف : في اشاعة منتشرة عن بنات من فصلكم اسمهم ريم ومنار وفهده داليا : ايه عرفتهم .. بس وش تبون منهم ؟ لمياء : مين الي نشر الأشاعه ؟ داليا : ما ادري بس اتوقع ان الي ناشرينها ثلاث بنات مو بنت ريوف : ليش ؟ داليا : باليوم الأول كل الفصل صار يحب فهده وريم ومنار الا ثلاث بنات كانوا حاقدين عليهم وشكلهم يغارون لمياء+خلود+ريوف بنفس الوقت : مين هم ؟ داليا : ما ادري انا كنت غايبة باليوم الأول بس صديقتي تقول كذا خلود وهي تناظر صديقات داليا : اي وحدة منهم ؟ داليا وهي تأشر : هذي ريوف : اها .. طيب شكرا داليا : العفو (بعد ما راحوا للبنت الي تقول عنها داليا) رسيل : شتبون ؟ ريوف : في اشاعه منتشرة على بنات من فصلكم والبنات الي سألناهم يقولون انك شاكه في ثلاث بنات .. مين هم ؟ رسيل : ما اقدر اقول خلود : ليش ؟ رسيل : اخاف ادخل بمشاكل معاهم وانا مو ناقصه لمياء : انتي قولي لنا ووعد مني ما نقول لهم انك انتي الي قلتي لنا رسيل بتردد : مدري .. بس بقول .. البنات هم ديمه ونورة وشادن ريوف : مين هذولي وريني اياهم رسيل : شوفيهم الي قاعدين هناك ريوف : اها .. خلاص شفتهم .. شكرا رسيل : العفو ............................................. (بعد ما راحو لهم) ريوف : بكلمكم بموضوع مهم ديمه وهي تناظر ريوف من فوق لتحت بغيرة لان ريوف تعتبر جميلة شوي : تكلمي ريوف : ليش نشرتو الأشاعة عن ريم وفهده ومنار ؟ ديمه الي انقلب وجهها : هاه .. مين قال اني شرتها ؟ .. بعدين هذي مو اشاعه هالشي صدق خلود وهي رافعه حاجب : وش الي يثبت لك انه صدق ؟ نورة : انا وانا رايحه للحمام شفتهم وهم يطلعون من عند الباب حق المقصف الي يطلع للشارع لمياء باستخفاف : لا والله ؟ .. ترا احنا عارفين انكم تكذبون لأنهم كانوا معنى بالفصل نورة+شادن+ديمه صاروا يناظرون بعض نظرات خوف ريوف : تكلمو احسن لكم شادن بتردد : ايه احنا .. بس ما كان قصدنا ريوف وهي رافعه حاجب : شلون يعني ..(وهي تقلدها).. ما كان قصدكم ؟ شادن : يعني هم شايفين نفسهم علينا فحبينا ننتقم منهم خلود : وشلون يعني شايفين نفسهم عليكم ؟ نورة : يقعدون يستهبلون مع كل البنات ديمه بقهر : والبنات كلهم يحبونهم ريوف : اها يعني غيره .. لأن اذا كل البنات يحبونهم معناته انهم ما شافو نفسهم صح ولا لا ؟ شادن+ديمه+نورة : صح لمياء : يلا امشو بنات ريوف+خلود : يلا (بعد ماراحوا وقالوا لرندى على الي صار وهي طبعا شوي وتنفجر من العصبية .. وطبيعي هالشي لأن اهم شي للبنت كرامتها وشرفها وسمعتهــــــــــا) رندى راحت ومسكت شادن من طرف بلوزتها وقالت بعصبية : خير ان شاءالله تنشرين عن اختي مثل هالأشاعات ؟ شادن بخوف : مــ .. مو انا هذي ديمه هي الي قالت لنا نسوي كذا تركتها رندى ومسكت ديمه وسألتها نفس السؤال وكان جواب ديمه ديمه بسخرية : عشان تعرف تشوف نفسها علينا مره ثانية هنا رندى عصبت زيادة ورمتها على الأرض بقوة بعدين خذت نفس ورجعت مسكتها من يدها بقوة وسحبتها لمكتب المرشدة الطلابية رندى : استاذة عادي ندخل ؟ المرشدة : تفضلو رندى : نبي المايك يا استاذة المرشدة : وليش تبينه ؟ رندى : نبي نقول نصيحة للبنات عن الصلاة المرشدة : طيب خليها بكره بعد الأذاعه رندى : لا يا استاذة بكره بعض البنات يتأخرون فقلت الفسحة انسب وقت المرشدة وهي تعطيهم المايك : خلاص خذيه واذا خلصتي عطيني اياه رندى : اوكي (بعد ما طلعو من مكتب المرشدة قالت رندى لديمه بتهديد) رندى : الحين بعطيك المايك .. وابيك توقفين على المسرح قدام الكل وتقولين ان كل الي قلتيه كذب في كذب واعتذري لهم طبعا ..(بتهديد).. ووالله لو سمعتك قلتي شي غير كذا بتندمين طول عمرك ..(بعصبية).. فاهمه ؟ ديمه بخوف : فــ.. فاهمه رندى وهي تسحبها : زين (وقفت ديمه على المسرح وجنبها رندى تناظرها نظرات تهديد واخيرا بدت ديمه تتلكم) ديمه : بــ...بنات انتبهو معي شوي لو سمحتم .. لأن الموضوع حساس شوي (كل انظار البنات توجهت لديمه الي خافت اكثر من ما هي خايفة) ديمه بتوتر : بخصوص الاشاعه الي انتشرت عن ريم ومنار وفهده تراها كذب .. وانا الي ناشرتها .. لأني كنت احسب انهم شايفين نفسهم على البنات .. فسويت كذا وانا اقول لهم الحين آسفه (توجهت الأنظار الحين لفهده ومنار وريم الي كانوا واقفين ومصصصصصصدومين) .................................................. ....... (بعد مرور اسبوع) بالمدرسة بعد الي صار كل البنات كرهوا ديمه وشلتها {شادن+نورة} ... {طبعا شادن ونورة حقدوا على ديمه وتركوها وصارت علاقتهم مع البنات صطحية بس ديمه صارت وحيدة بالمدرسة والكل يرفض يكلمها او حتى يناظرها} .. بالنسبة لفهده وريم ومنار كل البنات رجعو يحبونهم مثل اول واكثر والفضل يرجع لتصرف رندى السليم .................................................. ................ (بعد ما خلص الدوام كل البنات رجعو مع غادة لبيتها) (بالسيارة كانت زحممممممممممه وماجد هو الي جايبهم وعلى كثر الأزعاج بس كان مبسووووط) ريم : افف زحمممممه ماجد بعفوية : عادي ريم : نعم !! .. عادي ؟ .. ايه طبعا اكيد بيكون عندك عادي لأنك جالس قدام مروق وماخذ راحتك على الآخر ولا تحس بالي نحس فيه .. وفوق هذا انت ما تتغطى فتقدر تاخذ راحتك وتتنفس زي الناس والعالم و..... ماجد بمقاطعة : بس..بس كليتيني خلالالالالالالالاص توووبه اتكلم .. افف غادة : مجود شغل شي ماجد : وش تبون ؟ غادة : اي شي ماجد : اوكي احبك موت كلمه مالها تفسير ولين اليوم ماادري كيف افسرها لاني من عرفتك وانا احسك غير مثل روح(ن) لقت روح(ن) تدورها كاني روضتك وانته سحابه خير وصوتك لا هما روحي ابشرها معك صار الغلا اجمل بلا تبرير لان الناس للناس الله سخرها كبير انته في قلبي وفي عيوني كبير تغار العين من قلبي واصبرها واهم بأسمك اساسا ماغلو تقدير ونفسي في حلالك كيف اخيرها لكلن وصف وعندك يعجز التعبير تعبت اتخيل اوصافك واصورها في قلبن من طبع مينك افالي الخير وانا الفرحه مع انفاسي اكررها كلامك عذب ولحروفك علي تأثير مثل ياعونك الل من تعبرها احس من شوقي ودي اخذك واطير وألف الدنيا بحساسك واعطرها نعم لعيونك اللي مايصير يصير اجيب النجمه لو بالك تصورها وحتى النجمه لو جاتك بها تقصير اسافر للسما لجلك واغيرها (بعد ما خلصت الأغنية قال ماجد) ماجد : ترا هالأغنية اهداء لوحدة فيكم ..(بعدين زين المراية الي قدام وخلاها تعكس صورة مضاوي يعني ترا هالأهداء لك وهي تصنمت من الصدمة) فهده بلقافه : مين ؟ ماجد وهو رافع حاجب : لا يا شيخه ؟ .. عموما الأغنية اهداء لحبيبة قلبي واختي العزيزة غدوش غادة باستهبال : شكرا يا اخي العزيز (بعدها وصل ماجد كل وحدة لبيتها وراح هو وغادة لبيتهم) .................................................. ..... يايبه ياجعل روحي فدوه لموطى خطاك حطني بينك وبين الوقت وكبار الطعون ببيت هيفا كانت جالسة مع امها واخوها ام تركي : تركي..هيفا هيفا+تركي : لبيه ام تركي : ترا ابوكم بيرجع اخر الأسبوع وبيقعد اسبوع كامل هيفا باندفاع : ليش ؟ ام تركي بأستغراب : وش الي ليش ؟ .. هذا بيته وطبيعي يجي هيفا : قصدي يعني ليش يجي ؟ .. يعني في مناسبة ؟ .. احد من قرايبنا مات او بيتزوج ؟ ام تركي : لا .. بس هو كذا بيجي يقعد كم يوم ويروح هيفا : اها تركي الي تضايق من الموضوع قال تركي : انا بروح غرفتي تامرون على شي ؟ ام تركي : سلامتك ......................................... ببيت فهده+رندى كانت الأوضاع طبيعية وما في شي يستحق الذكر ......................................... ببيت مضاوي+منار منار كانت جالس عند بلكونة غرفتها وتناظر الشارع والسيارات وتفكيرها بعالم ثاني ................................ الضمير صوت هادئ..يخبرك بأن أحدا ينظر إليك اما مضاوي كانت جالسة بغرفتها تفكر اذا الحركة الي سواها ماجد مقصودة او صارت بالغلط .. اذا كان يقصد ان الأهداء لها او كان يعدل المراية وبالصدفه جت عليها .. كانت كل افكراها متشتته .................................................. ..... ببيت غادة كانت غادة جالسة بغرفة ماجد وتقول غادة : مجووووود انت ليش مو راضي تعترف ؟ ماجد بملل : قلت لك ان هالأهداء لك ليش ما تصدقين ؟ غادة : افف .. طيب انا مو مقتنعه ان هالأهداء لي .. مجود انا اختك قل لي لمين هالأهداء عشان اساعدك ماجد : مو لأحد .. لك انتي وبس غادة : بس انت عمرك ما اهديتني اهداء .. نزل عليك الحب فجأة مثلا ؟ ماجد : افف .. غادة تراك صدعتي راسي اطلعي برا بنوووووووم غادة : ماراح اطلع الا لما تقول لي لمين هالأهداء ؟ ماجد بملل : طيب الأهداء مو لك ارتحتي ؟ .. الحين اطلعي برا وسكري الباب غادة بحماس : مين مين مين مين مين مين مين مين مين ؟ .. مجود بسرررررررررعه قلي لمين ماجد : غادة ترا اذا ما طلعتي من الغرفة بتشوفين شي ما يعجبك غادة وهي تطلع : انا عارفة يعني عارفة واذا ما عرفت الحين بعدين ماجد بتسليك : طيب طيب (طلعت غادة من غرفة ماجد ودخلت غرفتها وشهقت من المنظر الي تشوفه) ......................................نهاية البارت...................................... مقتطفات من البارت القادم : 1- .... وهي تضحك : حراااام شوفو شلون وجهه صار فيه مية لون بعد ما شافنا 2- .... باستهبال : شكل بيتكم مسكون 3- .... : انتم ما شفتو شي .. فاتكم اليوم بنات الفصل حطو على الكرسي صمغ الخشب ودخلت الأستاذة وجلست ولصق الكرسي بتنورتها مين اللي قال هالجمل ؟ انتظر توقعاتكم على احر من الجمر .. كلمة اخيرة /... على قدر حبنا للخالق يكون حبنا لمخلوقاته وعلى قدر إعطاءنا لغيرنا الحرية تكون حريتنا ما أحلا " التدين الفطري " بلا تحزبات وتقوقعات بلا هم : ) حياتكم مليئة بالسلام والسعادة .. انتظروني يوم الاربعاء بإذن الله | ||||
|
| |
|
06-02-13, 09:44 AM
| #8 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
| | الصلاة , الصلاة , الصلاة ,, اللهم بلغت اللهم فـَ اشهد | البارت (4) الطفوله أحلى مافي هالحياة مرحله من غير هم كنـّا دايم نبتسم كنـّا حتى لو بكينا ... وجارت الدنيا علينا بعد لحظـات وثواني بسمه فينا ترتســم (طلعت غادة من غرفة ماجد ودخلت غرفتها وشهقت من المنظر الي تشوفه) غادة بعصبية وهي للحين مصدومة : شتسوين هنا ؟ رهف الي لاعبة بوجهها لعب بالميك اب حق غادة : اتزين غادة بقهر وفيها الصيحة : الحين هذا تزين ؟ .. انتي كأنك مهرجة .. شوفي شفايفك من فوق احمر ومن تحت فوشي وعيونك وحدة زرقا والثانية موف والكحل ما صار كأنك راسمه عينك بكحل كأنك ماخذة قطعة فحم وفاركتها على عيونك والمسكرة حاطتها على حواجبك ليش ؟ .. ليش ؟!! رهف بغرور : انا شكلي حلو بس انتي تغارين غادة بعصبية : نعم نعم !! .. بعدين ليش مرسمة على مرايتي بالميك اب ؟ رهف بغباء : اجرب الألوان غادة وقفت وهي متخصرة : وعلى مرايتي ؟ رهف ببراءة : ايه غادة بعصبية : انقلعــــــــــــــي برا ولا عاد تدخلين غرفتي طلعت رهف وهي رافعه خشمها بغرور .. وغادة شوي وتنهار من العصبية وخذت مناديل وموية وقعدت تمسح مرايتها .................................................. .... (باليوم الثاني) كان اليوم هو يوم الخميس والبنات فالينها وقاعدين ببيت غادة يفكرون وين يطلعون له وكانوا لابسين منار بنطلون جينز وبلوزة مقسومة نصين النص الأول لونه فوشي فسفوري والنص الثاني لونه اخضر فسفوري وفلات اصفر فسفوري وطوق مخطط بكل الألوان الفسفورية وطالع شكلها فرفوشي ويجنن <<<<ترقيع خخخ .. هذا غير انها صايرة تنور في الضلام خخخ مضاوي بنطلون اسود ضييييق وبلوزة مخططة بالأزرق والأسود طويلة شوي يعني توصل لنص الفخذ وفلات ازرق ورابطة شعرها ذيل حصان وحطت قلوس ومسكرة فهده بنطلون رصاصي غامق شوي وبلوزة بيضا وجكيت رسمي لونه احمر وفلات احمر وربطت شعرها ذيل حصان وحطت مسكرة وقلوس رندى بنطلون اسود وبلوزة لونها رصاصي عليها كتابات بالموف والأسود وفلات موف ولمت شعرها على ورا بطريقة ناعمه وحلوة وحطت قلوس ومسكرة ريم بنطلون جينز وبلوزة مخططة بالزهري الفااااتح والفوشي والأبيض والأسود وفلات مخطط بنفس الوان البلوزة ولامة شعرها من جهه بشريطة لونها زهري فاتح والجهه الثانية ما سوت فيها شي وحطت قلوس ومسكرة هيفا بنطلون جينز وبلوزة بنية عليها نقوش نااااعمه بالبيج وفلات بيج ولابسة طوق بني وحاطة قلوس ومسكرة غادة بنطلون جينز وقميص ابيض الكم حقه ثلاثي (يعني يوصل لتحت الكوع بشوي) وفوق الخصر بشوي شريطة حرير صغيرة لونها فوشي وفلات فوشي ولابسة طوق ابيض وحاطة قلوس ومسكرة غادة : وين تبون نروح له ؟ مضاوي : انا اقول ما نطلع ونقعد بالبيت احسن البنات : لااااااااااااا ريم : مضاوي لا تصيرين كذا .. نبي نطلع ونفلها فهده : لحظــــــــة .. خلونا نقعد بالبيت بس بشرط البنات : وشو ؟ فهده : اليوم احمد يقول ان الشباب بيجتمعون ببيت فارس وعبد العزيز عشان المبارة .. بنروح هناك ونهبل فيهم البنات بحماس : اوكي مضاوي بملل : وانتم ما تتركون هبالكم ؟ .. عموما انا معكم هيفا : طيب وش بنسوي ؟ منار : انا اقول لكم ..(اجتمعو البنات على منار الي كانت تقول لهم عن افكارها) (بعد ما خلصو تخطيط) منار : شرايكم ؟ البنات : ونااااسه منار بغرور : اعجبكم هيفا وهي تضحك على شكل منار : يالمغرورة (طبعا كان في شخص يسمع كل حوارهم .. بس مين ؟) (البنات كلهم راحو لبيت ريم من بدري عشان يجهزون اغراض مخططهم) .................................................. ............. (جهزو كل شي وبعد المغرب اجتمعو الشباب عشان المباراة وكانوا جالسين بالخيمة) كانوا الشباب بقمة حماسهم ومندمجين بالمباراة وريم وهيفا كانوا يراقبونهم وشوي وكان الفريق الي يشجعونه الشباب بيسجل هدف بس انقطع الكهرب فجأة والشباب صار عندهم قرون من العصبية وعبدالعزيز عرف ان ريم لها دخل في الي صار وراح بسرررررعه على غرفتها عبدالعزيز وهو يفتح باب الغرفة بقوة : خير ان شاءالله ؟ .. وش ذا الحركة البايخـ...... (ما كمل كلامه لانه انصدم يوم شاف البنات كلهم موجودات .. طلع بسرعه من الغرفة وهو يتوعد ريم بداخله) .................................................. بغرفة ريم البنات : ههههههههههههههههههههههههه هيفا وهي تضحك : حراااام شوفو شلون وجهه صار فيه مية لون بعد ما شافنا البنات : هههههههههههههههههههه منار بمكر : الحين وقت الخطه الثانية البنات بحماس : يلا (راحو البنات وغطوا نفسهم بالمفارش وراحوا عشان يطفون الكهرب مره ثانية) وهم واقفين عند الطبلون (المكان الي تتحكمين فيه بالكهرب بكل البيت) في احد يراقبهم وكان نفس الي راقبهم يوم كانوا ببيت غادة .. شوي ويروح عندهم ركض ويقول رهف بصوت عالي وحماس : كشفتكم البنات بخوف : بسم الله الرحمن الرحيم رهف وهي تنطط : كشفتكم..كشفتكم غادة بعصبية وصوت خفيف : اسسسسسسسسسكتي لا تفضحينا يالفضيحة رهف بهمس : بس ترا كشفتكم .. وقلت لشهد عنكم شهد الي طلعت من ورا رهف : كشفنااااااااااااااكم .. وبنعلم عليكم هيفا : يا ويلكم لو قلتو شي واحد لهم .. بتنقتلون على يدي شهد بنذالة : بنقوووووووووووووول يعني بنقول رندى : افف .. انا عارفة انكم مصلحجيين .. بسرعه وش تبون ؟ رهف بإبتسامه مكر : نبي نقعد معكم طول الوقت وكل يوم وما تقولون لنا اننا بزران البنات ناظرو بعض بحيرة بعدين قالت رندى رندى : اوكي شهد : طيب يلا نفذو خطتكم نبي نشوفكم فهده بحماس : لا توصين حريص (طفت ريم الكهرب وغطو نفسهم زين بالمفارش بحيث انه ما يطلع ولا شي منهم ودخلو على الشباب وصاروا يطلعون اصوات تخوف والشباب شوي وينهبلون يحسبونهم جن وطلعوا كلهم بسرعه قياسية برا الخيمة) فيصل باستهبال : شكل بيتكم مسكون ماجد : تنكت انت ووجهك .. بس صدق من الي جوا الخيمة ؟ ( الشباب هزو كتوفهم يعني ما يعرفون ) .................................................. ................. (عند البنات بالخيمة) مضاوي : توهقنا هيفا : الحين اذا طلعنا بيكتشفون اننا البنات واكيد اخواننا بيهزؤوننا وانا مالي خلق لتهزيء تركي غادة : كله من تحت راسك يا مناروه منار : وانا وش يدريني انهم بيطلعون ويقعدون بالحوش ؟ .. على بالي بيطلعون برا البيت رندى : اقول وين رهف وشهد عشان يصرفونهم ؟ ريم : ورا الخيمة مضاوي : زين يعني لو كلمناهم بيسمعوننا فهده راحت ولصقت بالخيمه وقالت : رهف.. شهد تسمعوني ؟ شهد : ايه فهده : اسمعي روحي انتي ورهف للحوش وقولي لعبد العزيز وفارس ريم تبغاكم بالمطبخ شهد : اوكي (وراحت هي ورهف وقالو لعبدالعزيز وفارس الكلام الي قالته لهم فهده وراحو للمطبخ وباقي الشباب طلعوا برا البيت ووقفو قدامه والباب ما تسكر زين يعني الي واقف قريب من الباب يقدر يشوف الي جوا البيت وكان الي واقف جنب الباب نايف) (طلعو البنات بسرعه وريم راحت ركض للمطبخ عشان ما يحس فارس وعبدالعزيز بشي والبنات شالو المفارش عنهم وقعدو يضحكون) فهده وهي ترفع وتنزل حواجبها : شوفو شلون طلعتكم ؟ منار : الا شوفو شلون صارت اشكال الشباب .. طبعا كل هذا يرجع لفكرتي الذكية هيفا : بس ترا بسببك توهقنا رندى : اقول امشو ندخل قبل ما يرجعون الشباب البنات : من جد ..(ودخلوا جوا متوجهين لغرفة ريم .. وتركوا نايف الي عرف عنهم كل شي) (بعد 10 دقايق رجعو الشباب للخيمة وشافو المبارات الي حامت كبدهم منها بعد الي صار .. بس في واحد ما كان معهم ورايح بتفكيره بعييييد) نايف :"الحين البنات هم الي سوو كذا ؟ .. والله بصراحة عليهم افكار .. بس مين هذيك الي كانت تقول انها هي الي خططت لكل شي .. لا يكون هي نفسها الي شلت لها شنطتها بالمطار .. اتوقع البنات قالوا ذاك اليوم ان اسمها منار وصوتها نفس الصوت بعد .. بس والله ياعليها عيون تخببببل .. لحظظظة انا وش قاعد اقول ؟!! .. حرام علي اتكلم عنها وانا مو محرم لها .. اساسا ليش افكر فيها ؟ .. افف بس مالت علي " .................................................. ................ عند البنات البنات كانوا متسدحين من الضحك هيفا : ههههههههه ما اقدر هههههههههههه اتـ.....نفس ههههههههههههههههههههههههه ههه منار : ههههههههههههههههه آآخ يا بطني ههههههههههههههههههههههههه هههههههههههههههه فهده : ههههههههههههههههه كل ما اتذكر ههههههههههههههههههههه اشكالهم ههههههههههههههههههههههههه البنات الي تذكروا اشكال الشباب : ههههههههههههههههههههههههه ههههههههههههههههههه شهد+رهف بفخر : لا تنسون اننا احنا الي طلعناكم من الخيمة غادة الي وقفت ضحك وبالموت طبعا : بصراحة في هذي انتم صادقين .. لأننا بنتوهق لو ما صرفتوهم رهف : شفتو اننا كبار ؟ هيفا بتسليك : ايه مشاءالله شهد : طيب نبي مكافئة على الي سويناه غادة بذكاء : بس انتم تعتبرون من شلتنا يعني ما تستحقون مكافئة على قولتك لأننا ما نكافئ بعض .. الا اذا تبون تطلعون من الشلة عشان نكافئكم فهذا شي ثاني (طبعا شهد سكتت بسبب النظرات القاتلة الي جتها من رهف) ريم : طفشششش .. وش نسوي الحين ؟ هيفا : شرايكم نروح للسطح ونسهر فيه ؟ البنات بحماس : يلا هيفا : طيب خلاص شيلو الأغراض وخلونا ننقلها لفوق لأن الجو اليوم حلو البنات : اوكي (وشالوا البنات اغراضهم الي كانت عبارة عن فرشة (زولية-سجادة) عشان يقعدون عليها وشبسات وحلويات ومشروبات وبعض المخدات والعاب مثل الأونو (لعبة عبارة عن اوراق ملونة يتم اللعب بها <<اللغه) واشياء كثيرة) قعدو بالسطح وكانت مضاوي حاطه راسها على حضن فهده وتناظر بالسماء وتفكر بموضوع ماجد الي شغلها من الموقف الي صار لها بالسيارة منار وهيفا ورندى منشغلين بالسوالف .. وغادة كانت حاطة راسها على وحدة من المخدات وتفكر مين من البنات الي ممكن يحبها ماجد ؟ ريم وشهد ورهف كانو يلعبون بالاونو وفهده تراقبهم ومتحمسه وكل شوي تصارخ والبنات يصفقونها .................................................. ....................... عند ريم وشهد ورهف وفهده كانت شهد تغش بدون ما ينتبه لها احد وفهده اكتشفت انها تغش ومن الحماس قامت من مكانها وطاح راس مضاوي على الأرض مضاوي بالم وصوت عالي : ااااااااه .. خير ان شاءالله ؟ .. ليش قمتي ؟ فهده وهي متحمسه ومطنشة مضاوي : شهد تغش .. شهد تغش مضاوي : الحين كل ذا عشان شهد غشت ؟ .. وانتي وش دخلك تراك ما تلعبين معهم ؟ فهده : ............ >>>>مطنشتها مضاوي تنهدت من هبال فهده وقامت وراحت انسدحت جنب غادة ورجعت تفكر .. بس الي ما تعرفه هي وغادة انهم يفكرون بنفس الشخص ! ...................................... عند منار ورندى وهيفا رندى : انتم ما شفتو شي .. فاتكم اليوم بنات الفصل حطو على الكرسي صمغ الخشب ودخلت الأستاذة وجلست ولصق الكرسي بتنورتها منار : امــــا .. بسرررعه قولي شصار حمستيني رندى : طبعا هي قدرت تفك التنورة من الكرسي بس تنورتها توصخت .. تعرفين تنورتها سودا والصمغ ابيض فطبيعي تتوصخ .. طبعا هي عرفت البنات وهزأتهم ونقصتهم درجات هيفا : واحلا شي صار انها ما عطتنا درس .. مدري وش فايدة مادتها من الاساس منار : طبعا اكيد ماراح تهمك مادتها لأن مافيها شي يخص الطب ابتسمت هيفا وقالت : هذي الي تفهمني .. بس صدق يعني انا مالي دخل بكل هالمواد لأني بصير بالمستقبل ان شاءالله دكتورة منار : وعععععع .. الحين تلقينك بتدخلين ادبي رندى : ما تشوفينها بالفصل اول ما تبدى حصه الرياضيات تتحمس وشوي وتقوم تشرح الدرس من الحماس هيفا : افف خلاص عاد كل شخص وله مادته الي يحبها .. بعدين ما كأنك تحبين حصص الفنية يا رندى وانتي يا منار ادري فيك تموووووتين بحصه الرياضة رندى : لأنها تسلي .. موب العلوم والرياضيات اعوذ بالله منار : من جد رندى : بس تصدقين لو صارت هيوفه دكتورة اسنان بصير اعالج عندها منار : ايه .. انا عن نفسي بتنفك عقدتي وبصير اروح لها دايم هيفا : ان شاءالله .. بس بنات ادعولي اصير دكتورة منار+رندى بأبتسامه : ان شاءالله .. من عيوننا .................................................. ................. (خلونا نرجع لمضاوي وغادة) مضاوي :"افف .. انا ليش اشغل تفكيري فيه ؟ .. بعدين ليش احس اني متضايقة كل ما تذكرت الموضوع ؟ .. المفروض اذا وحدة اكتشفت ان احد يحبها تفرح وانا ازعل واتضايق .. ليش ؟!! .. افف بس يا رب تصبرني وتوريني آخرة هاللي قاعد يصير الحين" غادة :"طيب اذا كان يحب وحدة منهم كيف شافها ؟ .. اكيد بالغلط بس كيف ؟ .. يمكن رندى ؟ .. لالالالالا رندى من النوع الي تنتبه كثير قبل ما تطلع قدام احد .. ريم خبلة وما تنتبه كثير بس ما اتوقع يعني ريم جميلة بس موب من النوع الي يعجب ماجد لأنه يحب النوع الهادي .. يمكن هيفا ؟ .. بس هيفا مثل رندى من النوع الي تنتبه كثير .. افف تعبت من التفكير يا ربي ساعدني" (فجأة شهقت ريم بصوت عالي وتوجهت كل الأنظار لها) ريم بحماس : بنات توني اتذكر .. انا شريت رشاشات موية على عددنا بروح اجيبها ونلعب فيها شرايكم ؟ البنات بحماس : ايه ريم وهي تروح ومعها شهد ورهف : بنجيبها ونرجع وانت بعدو الأكل والأغراض عشان ما تخرب البنات : اوكي (جابت ريم رشاشات الموية وصارو البنات يلعبون فيها واشكالهم تضحك لأنهم صارو يقطرون موية) فهده وهي تطل من السطح على الحوش : بنات شوفو الشباب (تجمعو البنات وصارو يطلون على الشباب) فهده بمكر : بنات شرايكم ........ هيفا بمقاطعه : من غير ما تكملين كلامك .. يلا (تجمعو البنات وصارو يرشون على الشباب الي ارتاعو وصارو يركضون واشكالهم تضحك كأنهم يرقصون والبنات ميتين ضحك عليهم) منار وهي متسدحة من الضحك : هههههههههههههه شوفو شلون نايف زلق على الأرض بسببي هههههههههه هيفا وهي تضحك : ههههههههه ومعترفة بعد انه طاح بسببك هههههههههههههههه منار : ههههههههههههههههههههههههه ههههههههه .................................................. ........... (عند الأولاد تحت) صارو الشباب يزلقون من الموية الي على الأرض ونايف اول ما زلق رفع راسه لفوق ولمح البنات بس ما قدر يميزهم بسبب الأرتفاع بس عرف منار من الوان بلوزتها المميزة .. ابتسم نايف على هبالها ابتسامه طالعه من قلب .. بس على طول اختفت بسبب صرخات البنات الي تعالت ......................................نهاية البارت...................................... مقتطفات من البارت القادم : 1- .... : اها .. الكفتيريا كلها شباب الحين انا توني راجع منها انتي ادخلي الغرفة وبجيب لك الي تبين 2- .... : انا مو ابوك .. قلت لك اطلـــــع 3- .... بدموع : فيصل .. فيصل كان يتحرش فيني مين اللي قال هالعبارات ؟ انتظر توقعاتكم على احر من الجمر .. كلمة اخيرة / ان تنال الجنة ليس شيئا مستحيلاً او صعباً .. ولكنه يتحقق فقط بطاعاتك واخلاصك فيها .. فإن زاد اخلاصك فيها ,, زادت حسناتك .. وان زادت حسناتك ,, دخلت الجنة .. فـ يارب .. اجعلني انا واحبابي ممن يحشرون مع نبينا الكريم .. انتظروني يوم الخميس بإذن الله .. | ||||
|
| |
|
06-02-13, 09:45 AM
| #9 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
| | الصلاة , الصلاة , الصلاة ,, اللهم بلغت اللهم فإشهد | البارت (5) الصديق الحقيقي : هو الصديق الذي تكون معه , كما تكون وحدك .. أي هو الإنسان الذي تعتبره بمثابة النفس . صارو الشباب يزلقون من الموية الي على الأرض ونايف اول ما زلق رفع راسه لفوق ولمح البنات بس ما قدر يميزهم بسبب الأرتفاع بس عرف منار من الوان بلوزتها المميزة .. ابتسم نايف على هبالها ابتسامه طالعه من قلب .. بس على طول اختفت بسبب صرخات البنات الي تعالت .................................................. ............. (عند البنات) رندى كانت تبعد رهف وشهد عشان ما يشوفون منظر الدم الي قدامهم .. مضاوي كانت منهارة وجالسة على ركبها من قوة الصدمة ومو مستوعبة المنظر الي قدامها .. وريم ومنار حاضنين بعض ويبكون .. فهده كانت تصارخ بهستيريا وتنادي الشباب الي هم بنفسهم ارتبكو وما يدرون شسالفة .. غادة كانت رافعه راس هيفا وحاطته بحضنها وانصدمت يوم شافت الدم ........................................... (عند الشباب) فارس بتوتر : خلونا نروح لهم شوفوهم يصارخون يبونا نجي فيصل : بس شلون وهم مالبسو عبايات او اي شي يسترهم ؟ تركي بصوت عالي : وش صاير ؟ فهده بهستيريا وهي تبكي : هيفا زلقت من الموية وطاحت على حجر وراسها صار ينزف تركي بصدمه : هيفا ؟ .. اختي هيفا ؟ احمد بصوت عالي : لبسوها عبايتها وانتي يا فهده تعالي معنا .. انتظركم بسيارتي عبدالعزيز : وتسترو عشان تركي بيرقا يشيل اخته فهده : اوكي (راح احمد وشغل سيارته .. وتركي راح مع عبدالعزيز وفارس عشان يشيل اخته وينزلها وشالها ونزلها وركبها سيارة احمد وركب معاه وفهده معهم) (نزلو للمستشفى ودخلوها لقسم الطوارئ وخاطو لها الجرح الي ما كان عميق بس هيفا لأنها حساسه اغمى عليها) (طبعا البنات لحقوهم وراحو للمستشفى واول ما خلصوا من خياطة الجرح جلسو عندها بالغرفة مع انها ما قامت بسبب تأثير البنج) وكانت غادة اكثر وحدة متأثرة لأن بلوزتها كان فيها شوي من دم هيفا لأنها حطت راس هيفا على حضنها بعد نص ساعه جت ام تركي وجلست تصيح على راس بنتها .. منار ومضاوي ابوهم قال لهم يرجعون لبيت وحدة من البنات او بيتهم بس ما يقعدون بالمستشفى ومنار حاولت تناقشه بس ما فيه فايده .. وفهده ورندى نفس الشي بس بطبيعة فهده القيادية قدرت تقنع ابوها بس امها عصبت وقالت لها ترجع فرجعت .. ريم كانت نايمه ولما جا عبدالعزيز يوديها للبيت ما عارضت وخذو رهف وشهد معهم .. غادة اقنعت ابوها الي رفض الفكرة بس بما ان ابو هيفا يصير صديقه وهيفا تصير اخت غادة من الرضاعه {ملاحظة : هيفا هي الي راضعه مع غادة يعني تفتش لماجد وبدر بس غادة ما تفتش لتركي} وافق ان غادة تقعد عند هيفا باليوم الثاني (كانت ام تركي مو موجودة لأنها راحت تجيب ملابس لبنتها هيفا) قامت غادة من النوم كانت نايمة على وحدة من الكراسي وما ارتاحت بنومتها لأنها من النوع الي نومه حساس .. لبست عبايتها وخذت شنطتها وقررت تنزل تفطر بالكفتيريا الي بالمستشفى .. وهي بتطلع قابلت بطريقها تركي بس هو ما عرفها وكان بيمر من عندها بس نادته بأسمه وقالت غادة : تركي التفت تركي وشاف البنت الي تناظره وقال : تكلميني ؟ غادة : ايه .. انا غادة تركي : اها .. ما عرفتك غادة : اها .. طيب صباح الخير تركي : صباح النور .. وين رايحة ؟ غادة : بنزل للكفتيريا افطر .. حبيت اقول لك عشان تقعد مع هيوفه تركي : اها .. الكفتيريا كلها شباب الحين انا توني راجع منها انتي ادخلي الغرفة وبجيب لك الي تبين غادة بخجل : بس تركي بمقاطعه : لا بس ولا شي يعني تبيني اشوفك تروحين لجهة كلها شباب ومنهم الصالح والطالح واخليك .. لا طبعا غادة ابتسمت على تفكيره العاقل : شكرا تركي : العفو .. يلا انتي روحي لهيفا وانا بجيكم بعد شوي غادة : اوكي ..(ودخلت غرفة هيفا) (خلونا نروح لبيت اول مره نزوره .. بيت فيصل+نايف) كانت الجوهرة بالصالة جالسة بقميص النوم القصير الي كان يستر اجزاء بسيطة من جسمها وحست ان غرفة فيصل فيها حركة لمعت براسها فكرة خبيثة مثلها وراحت تقوم سعود (ابو نايف وفيصل) عشان تنفذ خطتها الخبيثة .................................................. ....... ببيت مضاوي+منار يا يبه العمر والنفس واللي املكه كله فداك واعرف انه ربع حقك وانت حقك ما يهون كانو يفطرون مع ابوهم (ملاحظة : بالايام الأخيرة لاحظ خالد بعده عن بناته وقرر انه يحاول يتقرب منهم اكثر) خالد : شرايكم نطلع اليوم مع بعض ؟ (مضاوي ومنار رفعو روسهم وصاروا يناظرون ابوهم بأستغراب) خالد الي لاحظ استغرابهم : يعني نتمشى بس انا وانتم منار ابتسمت وكانت تبي تقول ايه بس قاطعتها مضاوي وقالت مضاوي بأندفاع : لا ..(بعد ما هدت).. اقصد يعني هيفا بالمستشفى ونبي نروح لها .. خلها يوم ثاني خالد الي حزن ان بناته يتهربون منه : خلاص نخليها يوم ثاني (منار جلست تناظر مضاوي بنظرات خلت مضاوي ينأبها ضميرها) منار وهي توقف : الحمدلله .. انا بروح ابدل ملابسي عشان اروح لهيفا تبون شي خالد : سلامتك مضاوي وهي توقف : الحمدلله .. خذيني معك حتى انا ببدل (راحوا الثنتين تاركين خالد يأنبه ضميره) (بعد ما دخلو غرفة منار) منار : ليش سويتي كذا ؟ مضاوي : شسويت ؟ منار : ليش رفضتي ؟ .. انتي تعرفين ان ابوي نادر يطلب طلب زي كذا .. ويوم طلب تضيعيين الفرصة ؟ مضاوي بتصريف : انتي تعرفين ان هيفا بالمستشفى ولازم نزورها منار : هيفا مو السبب يا مضاوي .. احنا نقدر نزورها بعدين نطلع مع ابوي ! مضاوي وهي تطلع : منار خلاص .. اذا انتي تبين تطلعين معه اطلعي انا ما مسكتك منار وهي تسكر الباب : افف منار وراحت فتحت دولابها وطلعت منه بنطلون اسود وبلوزة لونها موف فااااتح عليها من فوق كرستالات موف صغااار ولبستها مع فلات نفس لون البلوزة ولمت شعرها على جنب وحطت مسكرة وقلوس وشكلها كان جميييييل لأبعد حد ........................................ بغرفة مضاوي (دخلت غرفتها وهي متضايقة من اختها .. بس بنفس الوقت تحس ان معها حق) تنهدت وفتحت دولابها واختارت منه بنطلون جينز مع تيشيرت اسود عليه رسمة شفايف بالفوشي مع فلات فوشي وربطت شعرها ذيل حصان وحطت قلوس ومسكرة .................................................. ................. بالمستشفى جاب تركي الفطور وكانت غادة بتدفع له بس هو رفض الفلوس رفض تام وكان عذره ان الفطور لها ولهيفا الي صحت من النوم بعد ما دخلت غادة الغرفة هيفا وهي تاكل : متى بيجون البنات ؟ غادة وهي تشرب العصير : والله مدري .. بس ترا اذا خلصت فطور برجع للبيت اغير ملابسي وارجع لك مره ثانية هيفا : اوكي .. غادة تكفين عطيني جوالي بقول لأمي تجيب لي كتب غادة : ليش ؟ هيفا بأستغراب : ليش انا ما راح انام هنا اليوم ؟ غادة : لا اليوم بيطلعونك .. هم خلوك بس عشان يتطمنون عليك هيفا : اها .. اوكي غادة وهي تقوم : يلا انا بنزل للسواق الحين تلقينه ينتظرني هيفا : اوكي ....................................... ببيت نايف+فيصل قال تعالى { ولا تحسبن الله غافلا عما يعمل الظالمون } وقال تعالى { الا لعنة الله على الظالمين } دخلت الجوهرة عشان تقوم سعود وقومته من النوم وطلعت وطقت باب غرفة فيصل فيصل الي كان مغير ملابسه ولابس بنطلون جينز فاتح مع تيشيرت اخضر عليه كتابات بالابيض وسمع الطق على الباب توقع انه نايف وقال فيصل باستهزاء :"غريبة نزل عليه الأدب فجأة وصار يطق الباب" تفضل دخلت الجوهرة وقالت بدلع : فصول ممكن اتكلم معك شوي بموضوع فيصل بأستهزاء : وش الي بينا عشان تكلم فيه يا ..(بإستهزاء).. يا مرة ابوي الجوهرة وهي تجلس على السرير : تعال اقعد عشان اقول لك فيصل : انتي الحين ما تستحين داخلة غرفة رجال بهالقميص ؟ الجوهرة : عادي انا مثل امك فيصل بأنفعال : انتي ما تصيرين ولا ربع اظفر رجلها الجوهرة بعصبية : حدك عاد (حست ان سعود طلع من غرفته وابتسمت بخبث وحوست شعرها ورمت نفسها على السرير وصارت تصارخ بصوت عالي وهي تقول) الجوهرة : سعوووووود .. سعوووووود .. الحق علي يا سعود الحق علي (دخل سعود للغرفة وهو خايف وقال) سعود : شفيك ؟ الجوهرة بدموع : فيصل .. فيصل كان يتحرش فيني سعود وعيونه يتطاير منها الشرار : فيصـــــل فيصل الي انصدم بتصرف مرة ابوه : ما سويت لها شي .. هي الي جت لغرفتي وقالـ..... سعود بمقاطعه : اطلع من بيتي اطلع .. لا انت ولدي ولا انا اعرفك فيصل : بس يبه سعود : انا مو ابوك .. قلت لك اطلـــــع (دخل نايف على صراخهم وقال) نايف : شسالفة ؟ سعود بدون ما ينتبه لنايف : انت ليش واقف هنا ؟ .. اطلع من بيتي وانا متبري منك ليوم الدين (طلع فيصل والقهر من الظلم الي عايش فيها كان يحرق قلبه) نايف بخوف : شسالفة ؟ سعود : اخوك ..(قالها بأستهزاء).. الفالح متحرش بمرة ابوك نايف بصدمه : مستحيل !! .. اكيد هالحيه متبلية عليه فيصل مستحيل يسوي كذا مستحيل سعود : احترم نفسك يا نايف لا يصير فيك مثل الي صار بأخوك ..(وطلع من الغرفة) (كانت بتطلع وراه الجوهرة وهمست بأذن نايف وهي تطلع وقالت) الجوهرة بكل حقاره : عقبالك مسكها نايف من يدها بقوة ولفها عليه وقال بعصبية : وش سويتي ؟ الجوهرة : ما سويت .. شي بس ..(قالتها بسخرية).. اخوك تحرش فيني نايف بعصبية : حرام عليك .. بس والله والي خلق السماوات السبع اني ما اسكت لك الجوهرة فكت يدها وقالت بعصبية : لا تخاف الدور عليك ..(وطلعت) (جلس نايف على سرير اخوه مقهور وطلع من الغرفة او من البيت بكبره بالمعنى الأصح ودق على اخوه الي كان مقفل جواله حاول يتصل اكثر من عشر مرات بس ما نفع ركب سيارته واتجه لبيت احمد) .................................................. ................ ببيت رندى+فهده كانت فهده جالسة بالصالة وماسكة عبايتها بديها تنتظر رندى وكانت لابسة بنطلون جينز وبلوزة قصيييرة نص كم ولونها رصاصي وتحتها بدي لونه فوشي وفلات فوشي وربطت شعرها ذيل حصان وحطت مسكرة وقلوس (شوي وتنزل عليها رندى) وكانت لابسة بنطلون جينز وبلوزة لونها اخضر غامق وعليها كتابات بالبني والبيج وفلات بني ولابسة طوق بني وحاطة مسكرة وقلوس فهده : يلا خلينا نروح لهيووووفه رندى : يلا .. قلتي للسواق والخدامة يجهزون السيارة ؟ فهده : ايه .. ستي (الشغالة) تنتظرنا بالسيارة رندى : طيب يلا اركبي وانا بروح اجيب عبايتي فهده وهي تلبس عبايتها : اوكي عند نايف كان متوتر كثييييير .. نزل لبيت احمد بعد ما قال له انه بيجيه شافه احمد وعرف من شكله ان فيه شي فقال احمد : شفيك ؟ نايف قال كل السالفة لأحمد الي انصدم من حقارة الجوهرة احمد : طيب هو وينه الحين ؟ نايف بتوتر : ما ادري .. دقيت عليه وجواله مقفل احمد : طيب امش خلنا ندور عليه نايف : يلا (ركب احمد بسيارة نايف وراحو يدورون على فيصل) .................................................. .............. ببيت غادة دخلت للبيت وغيرت ملابسها ولبست بنطلون لونه بني مع قميص مخطط بالأبيض والسماوي وعليه حزام صغيييير لونه بيج وفلات بيج ولمت شعرها على ورا وحطت قلوس ومسكرة (دخلت عليها رهف وقالت) رهف : وين بتروحين ؟ غادة : بسم الله الرحمن الرحيم .. انتي مو كنتي نايمة عند ريم وشهد ؟ .. وش جابك ؟ رهف : جينا نلعب انا وشهد غادة : يعني شهد معك الحين ؟ رهف : ايه بالحمام غادة : اها رهف : وين بتروحين ؟ غادة : للمستشفى عند هيفا رهف : بنروح معك غادة : لا رهف : الا الا الا .. انتم قلتم اننا بنكون من شلتكم صح ؟ غادة : افف .. طيب يلا امشي .. خمس دقايق اذا ما لقيتكم قدامي تحت بروح وبخليكم رهف وهي تركض عشان تقول لشهد : طيب .................................................. ... وَاخْـضَـعْ لأُمِّــكَ وَارْضِـهَـا فَعُقُـوقُـهَـا إِحْـدَى الكِبَــرْ بالمستشفى غيرت هيفا ملابسها ولبست الملابس الي جابتها لها امها وكانت عبارة عن بنطلون جينز وبلوزة نص كم وسييييييعه الوانها كانت تدرجات الأسود من فوق للبيج مع فلات اسود ولمت شعرها على جنب هيفا : يمه ابي بندول راسي يوجعني ام تركي وهي تمد لها البندول وقارورة الموية : تفضلي خذاتها هيفا وقالت : شكرا يا احلا ام .. وآآآسفة خليتك تنامين معي بالمستشفى وانتي ما تحبين المستشفيات ام تركي بأبتسامه لأن هيفا وتركي كانو بارين بها : لا يا بنيتي لا تعتذرين هذا واجبي .. والله يرضى عليك انتي وتركي يشهد علي ربي اني راضية عليكم ليوم الدين .. انتم ولا مره بعمركم قلتوا لي لا هيفا : الله لا يحرمنا منك يالغالية ام تركي : والله يخليك لي ويخليني اشوف عيالك انتي وتركي قولي آمين (على قولتها "اشوف عيالك انتي وتركي دخلت غادة ومعها شهد ورهف ورهف سمعتها ولا ما سمعتها بغت تنهبل وراحت تتميلح عند ام تركي) ام تركي : رهف وش فيك يا بنيتي ؟ .. جوعانه ؟ رهف بقهر : لا .. انا كبيرة لو ابي اكل اكلت ام تركي : اها (شوي وتدخل ريم وسلمت عليهم بعدين فسخت عبايتها) كانت ريم لابسة بنطلون اسود وبلوزة بيضا عليها بالوسط شريطة ملونة مربوطة على قدام بشكل ناعم وفلات ملون بشكل عشوائي ورابطة شعرها ذيل حصان وحاطة مسكرة وقلوس ريم : شهد انتي هنا ؟ شهد : ايه ريم : افف شهد : خير ريم : افف شهد : خييييير ريم تبي تقهر شهد : افففففف شهد وهي بتطير من القهر : خيييييييييييييييييييييييي ييييير البنات ما عاد قدرو على شكل شهد وانفجرو ضحك على دخلة مضاوي ومنار منار بأبتسامه : ضحكونا معكم شسالفة ؟ البنات كانو غارقين بدوامة ضحك وشهد تناظرهم وهي منقهرة (خلاص ربع ساعه الكل كان موجود وقعدو البنات يسولفون بعدين جا العصر وكانو يتجهزون لأن هيفا بتطلع وهم برجعون معها لبيتها) ............................ عند احمد ونايف الي لفو الرياض كلها وما لقو فيصل نايف بقهر وعصبية : يارب تفكنا منها .. يارب تخليني اشوف فيها يوم .. والله لو يصير بفيصل شي ما اسكت لها احمد بتوتر : خلاص يا نايف ان شاءالله بنلقاها .. انت بس توكل على الله نايف الي بدا يهدا : ونعم بالله ....................................... قال تعالى {وعزتي وجلالي لأنصرنك ولو بعد حين} قال رسول الله صلى الله عليه وسلم "اتق دعوة المظلوم ، فإنها ليس بينها وبين الله حجاب" قال علي بن ابي طالب رضي الله عنه (يوم المظلوم على الظالم اشد من يوم الظالم على المظلوم) عند فيصل (بمكان بعيد عن الرياض .. بأراضي الشرقية >>>>>فديتها والله) كان جالس على البحر ويناظر الأمواج وهي تروح وتجي .. كان مقهور ويدعي من كل قلبه على الجوهرة الي تبلت عليه وهو ومليون بالمية كان مظــــــــــــــلوم فيصل بقهر : حسبي الله ونعم الوكيل .. يارب انك تجاهزيها بما شئت وكيف شئت واين شئت (استمر فيصل يدعوا على الجوهرة الي كانت بقمة الفرح وتفكر كيف تبعد نايف عن البيت) .................................................. .................................................. .... ببيت فهده+رندى كانو البنات جالسين بالمجلس يسولفون ومنسجمين رندى : وانتي لازم يكون عندك اصابات ؟ .. النتي تبين تصيرين دكتورة يعني المفروض تنتبهين لنفسك هيفا : والله عاد وش اسوي غصب عني .. الموية كانت بكل مكان وانا طحت بالصدفة على حجر فهده : طيب شنسوي اليوم ؟ ريم : اليوم خلونا نطلع مضاوي : طيب وين نروح ؟ غادة : نروح وحدة من المولات بعدين نتعشى واذا خلصنا مرينا السوبر ماركت وشرينا اغراض السهرة شرايكم ؟ البنات : اوكي منار وعيونها تلمع : عندي فكرة احلا البنات : قولي منار : موب كل يوم نروح للمولات خلونا نغير جو هيفا : طيب وين روح مالنا الا المولات .. حتى بحر ما عندنا منار : انتي قلتيها بحر ما عندنا بس عندنا بر صح ولا لا ؟ رندى بأستخفاف : يعني تبينا نروح البر مثلا ؟ منار : ليش لا ؟ ريم : انتي تعرفين ان ابواننا مشغولين وماراح يطلعوننا .. ومستحيل نروح مع اخواننا منار : افف .. طيب ليش ما نروح مع السواق ؟ البنات : لا منار : ليشش ؟ مضاوي : لأننا يا ذكية بنات واهلنا ماراح يرضون واذا رحنا بدون ما يدرون ممكن يصير فينا شي ونتوهق هيفا : مضاوي معها حق منار : خلونا نغامر البنات : لا منار : افف .. طيب انتم روحو للمول وسوو الي تبونه وانا الي براسي بسويه فهده : انتي تعرفين انك مستحيل تروحين للبر لحالك منار : اذا ماراح اروح للبر بروح لمكان ثاني البنات : وشو منار : مالكم دخل .. الي بجي معي حياه الله والي موب جاي بمليون جدار (طبعا ولا وحدة منهم تبي تروح مع منار) منار : يعني ما تبون تجون معي .. براحتكم ..(وقامت بزعل وطلعت للحوش) .................................................. ........................................ طلعت للحوش وشافت احمد جالس ومعاه نايف .. رجعت دخلت جوا البيت ولبست عبايتها وطلعت وكانت بتطلع من البيت بس شافها احمد ونايف احمد بصوت عالي عشان تسمعه منار : مين الي عند الباب ؟ منار من دون نفس : انا احمد : لا والله ؟ .. طيب مين انتي اي وحدة من البنات منار بهبال : انت توقع احمد : اخلصي علي من انتي ؟ منار : افف .. يعني محد يمزح معكم .. انا جني ..(وطلعت برا البيت) احمد وهو يضحك : ههههههه شكلها معصبة .. المهم يا نايف لا تخاف نايف الي عرف ان منار هي منار من صوتها وراحت افكاره بعيد ونسا اخوه فيصل نايف : هاه ؟ .. اخاف من ايش ؟ احمد بأستغراب : على فيصل نايف : شفيه ؟ ..(وهو يتذكر).. ايه صح .. بس وين تتوقع يكون ؟ احمد : الحمدلله والشكر بس .. والله مدري بس هو وين يحب يروح اذا تضايق ؟ نايف وهو يتذكر : البحر احمد : بس هنا ما في بحر نايف : طيب الحرم .. فيصل كان دايم يقول انه اذا دخل الحرم وهو متضايق صدره ينشرح احمد : بس احنا مو بمكه .. احنا بالرياض ! نايف : طيب انا وش يدريني هذي الأماكن الي يروح لها اذا كان متضايق احمد : خلنا نتصل على الشباب يمكن يعرفون وينه نايف : طيب اتصل عليهم احمد مسك جواله واتصل على تركي ............................................. عند منار كانت واقفة عن باب بيتهم وبتطلع المفتاح من شنطتها بس خطرت على بالها فكرة منار وعيونها تلمع :"ليش ارجع البيت الحين ؟ .. خلني بس اروح اتمشى بالحارة بعدين ارجع" (نفذت منار الي ببالها وصارت تتمشى بالحارة وكانت كل شوي تروح لحارة جديدة وصارت بعيييدة عن بيتهم) منار:"اف رجولي توجعني .. خلني بس ارجع لبيتنا ارتاح .. بس انا من وين جيت ؟ .. من هناك .. لا من هنا .. لالالا يارب شكلي ضعت" (مشت منار والخوف يملا قلبها ومرت من جنبها سيارة فيها شباب ويوم انتبهو لها رجعو السيارة على ورا وصارو يتحرشون فيها وهي ميته من الخوف) ......................................نهاية البارت...................................... مقتطفات من البارت القادم : 1- .... : قلت لكم اختي فيها شي 2- .... : لا اراديا : منار ضايعه ؟ 3- .... : الحقير .. لو اني شايفته كان عطيته كف يعدل ملامح وجهه مين اللي قال هالجمل ؟ انتظر توقعاتكم على احر من الجمر .. كلمة اخيرة / القلوب لا يصلحها شيء أعظم من كلام ربها، فتدبر القرآن السبيل الأول إلى صلاح القلوب. للشيخ / صالح المغامسي | ||||
|
| |
|
06-02-13, 09:48 AM
| #10 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
| | الصلاة , الصلاة , الصلاة ,, اللهم بلغت اللهم فاشهد | البارت (6) قلة الدين و قلة الأدب وقلة الندامة عند الخطأ وقلة قبول العتاب أمراض لا دواء لها (مشت منار والخوف يملا قلبها ومرت من جنبها سيارة فيها شباب ويوم انتبهو لها رجعو السيارة على ورا وصارو يتحرشون فيها وهي ميته من الخوف) الشاب (1) : يا حلو عطنا وجه منار بقوة مصطنعه : اذلف عني لأفقع وجهك الحين الشاب (2) : اموت على القوية انا منار بعصبية : وبعدين معكم ؟ .. انتم ما تشوفون وجيهكم عشان تغازلون ياقليلين الأدب ! الشاب (3) : وش فيها وجيهنا ؟ .. لا يكون ما اعجبت القمر ؟ منار : .......... (مشت بدون ما تعلق ولما حست ان سيارة الشباب وقفت ونزل منها واحد لا اراديا راحت للبيت الي جنبها ورنت الجرس وصارت تطق باب البيت بقوة) .................................................. ............. ببيت فهده+رندى كانوا البنات يسولفون ونسو منار فهده : اقول بنات وين منار ؟ .. كل هذا قاعده بالحوش ؟ شهد : هي مو بالحوش انا كنت راجعه من المطبخ وشفتها تاخذ عبايتها مضاوي : شكلها رجعت للبيت خلوها شوي وترجع (كملو البنات سوالفهم وما فكرو ان منار بطبيعتها الجريئة ممكن تتهور) .................................................. .................................. عند الشباب .. كانوا مجتمعين ببيت فيصل+نايف كل الشباب ما يعرفون وين فيصل .. نايف كان بقمة التوتر حاولو يتصلون على فيصل بس ما كان يرد ! .................................................. ................................... اقسي الأوقات عندما تكون عند أناس نزعت الرحمة من قلوبهم فلا يرحمون ضعفك ولا بكائك عند منار صارت تطق باب البيت الي قدامها بقوة وترن الجرس .. والشاب الي نزل من السيارة كان يمشي بأتجاهها الشاب مسك يدها وقال بكل وقاحة : تعالي معنا يا عسسسل منار بصراخ : اتركني يا حقير (شوي وينفتح باب البيت الي كانت منار ترن الجرس حقه ولا اراديا منار دخلت جوا البيت وسكرت الباب) (طبعا الي فتح الباب كان شاب وكان مستغرب من منار ويناظرها نظرات استغراب) منار كانت تبكي وما استوعبت الي يصير وما تناظر شي قدامها من الدموع الشاب : وش جابك هنا ؟ منار وهي ترتجف من الخوف : كان في شباب يتحرشون فيني ويبون ياخذوني معهم الشاب : اها .. طيب وين اهلك ؟ منار بخوف : اهلي ما يدرون عني الشاب ابتسم بخبث وقال : طيب تفضلي جوا البيت عشان تتصلين عليهم منار : لا الشاب : لا تخافين امي واختي بالبيت (دخلت منار البيت بتردد والشاب دخل وراها) كان اثاث البيت قديم ومكسر وريحة البيت خايسة الشاب قفل الباب الي يودي لبرا .. التفتت منار وقالت بخوف وصوت يرتجف : ويـ...ن امـ....ك واختـ.....ـك ؟ الشاب بأبتسامه خبيثة وهو يقرب من منار : موب لازم تشوفينهم .. احسن نقعد مع بعض شهقت منار بخوف وصارت تركض بالبيت وتهرب منه وهو وراها .. دخلت وحدة من الغرف وقفلت الباب وكانت الغرفة مليانة اكياس وجوا هالأكياس حبوب بجميع الاشكال والالوان وبعض الأكياس كان فيها ابر وبعضا بودرة عرفت منار انها ومليون بالمية مخدرات .. زاد خوفها عن اول لأن اكيد الي بيتاجر بالمخدرات بيكون ما فيه خير .. فتحت شنطتها وصارت تدور جوالها وما لقته .. اكتشفت انها ناسيته وزاد خوفها وصارت تدعي ربها انه يستر عليها الشاب صار يطق الباب بأقوى ما عنده ومنار متكورة على نفسها بزاوية الغرفة وتبكي الشاب بصراخ : افتحي ولا بكسر الباب فوق راسك يا بنت الكلب .. افتحي منار تبكي : ........... الشاب : انا اعرف انك هنا .. افتحي بسرعه ولا بتشوفين شي موب زين منار وهي تبكي : الله يخليك لا تسوي فيني شي .. انا بطلع وما راح تشوف وجهي مره ثانية بس لا تلمسني الشاب بوقاحة : ليش شايفتني غبي ؟ .. تجيني بنت برجولها واتركها تروح .. لا يا قلبي .. الحين بتطلعين ولا شلون ؟ منار تبكي وتدعي بنفس الوقت : ........ .................................................. .... عند البنات مضاوي كانت طول الوقت جالسة ومتضايقة غادة : مضاوي شفيك ؟ .. شكلك متضايقة مضاوي : انا قلبي يعورني .. احس منار فيها شي هيفا : لا ان شاءالله ما فيها شي تلقينها جالسة بحديقة بيتكم ومروقة مضاوي بتوتر : لالالالا .. اختي فيها شي انا متأكدة اختي فيها شي فهده والخوف بدا يدخل بقلبها : خلونا ندق عليها عشان نتطمن ريم وهي تتصل : اوكي (سمعو نغمة جوال يرن وشافو جوال منار على الطاولة) مضاوي الي بدت تبكي : اختي فيها شي انا متأكدة رندى بتوتر : مضاوي لا تبكي ما فيها الا العافية انشالله .. فهده دقي على بيت مضاوي ومنار بسرعه (فهده خذت جوالها واتصلت وردت الخدامة) فهده : روز (الخدامة) وين مس منار ؟ روز : مس منار في بيت مس رندى فهده بتوتر : روحي تأكدي روز : اوكي ..(راحت تدور بالبيت اذا منار موجودة بس مالقتها) روز : مافي موجود فهده : نعم !! ..(سكرت بوجهها والتفت على البنات وجهها واضح عليه الخوف) .................................................. ..... عند منار كانت تبكي وتدعي .. والشاب ما رحم ضعفها .. كانت افكار منار متشتته .. والشاب كانت افكاره خبيثة (صار الشاب يطق الباب بقوة وشوي ويكسره من قوة الطق ومنار تسد اذنها وتبكي ما تبي تسمع صوت الطق .. ما تبي تعرف اذا ممكن شرفها يضيع بلحظة .. بس لأنها تهورت) انكسر الباب ودخل الشاب وهو يناظر منار بنظرات خبيثة .. منار تكورت على نفسها اكثر وصوت شهقاتها يتعالى شافت جنبها حديدة خذتها بسرعه وضربت الشاب فيها مع راسه .. طلعت من الغرفة ركض وحاولت تفتح الباب الي يطلع للحوش بس كان مقفل .. رجعت للغرفة الي كانت فيها وشافت الشاب مغمي عليه وكله دم .. خذت الحديدة وطلعت بسرعه وصارت تطق الباب بالحديدة لحد ما انكسر وطلعت وفتحت باب الشارع وصارت تركض وتركض وتركض لحد ما ابتعدت عن البيت .. زينت لثمتها وصارت تمشي بين الحارت خايفة وتشكر ربها انه ستر عليها شافت ساعتها واكتشفت ان باقي على اذان المغرب 10 دقايق بس .. صارت تمشي وتدور بعيونها الواسعه عن مسجد ولفت انتباهها مسجد راحت له وشافت واحد كبير بالسن يدخله .. اول شي جا في بالها انه الأيمام نادته منار وقالت منار : يا عم التفت الأيمام وصار يناظر منار بأستغراب انهارت منار على ركبها وصارت تبكي الايمام : وش فيك يا بنيتي ؟ منار من بين شهقاتها : ابي مضاوي .. ابي مضاوي الايمام : منهي مضاوي يا بنيتي ؟ منار وهي مستمرة بالبكي : جيبولي مضاوي .. ابي اختي .. ابيها الايمام : بنجيب لك اختك .. بس من انتي ؟ .. وين بيتكم ؟ منار : ما ادري انا ضايعه الايمام : طيب يا بنيتي اهدي .. الصياح مهوب نافعك منار مسحت دموعها وصارت تناظر الايمام بنظرات بريئة الايمام طلع جواله واعطاه لمنار : خذي دقي على اهلك منار خذت الجوالها ودقت على مضاوي .................................................. ........... عند البنات رن جوال مضاوي مضاوي : بنات رقم غريب غادة : ردي يمكن تكون منار (ردت مضاوي بلهفة وقالت) مضاوي : الو منار : مضاوي مضاوي : منــــــار منار وهي تبكي : مضاوي تعالي خذيني ابي ارجع البيت .. تكفين تعالي انا محتاجتك مضاوي بخوف : اهدي يا منار اهدي .. انتي وينك ؟ وانا الحين بجيك منار : ما ادري مضاوي : ما عندك احد تسألينه ؟ منار : الا لحظة .. يا عم احنا وين ؟ الايمام : حي الــ....... شارع الــ........ اول لفه عند المسجد منار : حي الــ....... شارع الــ........ اول لفه عند المسجد مضاوي وهي تسجل الوصف عندها : اوكي الحين بنجيك .. خليك مكانك لا تتأخرين منار : اوكي مضاوي : يلا مع السلامة منار : مع السلامة (سكرت الخط ومدت الجوال للايمام) الايمام : بيجون اهلك ؟ منار : ايه الايمام : طيب روحي للمسجد حق الحريم .. تلقينه مفتوح لاني قلت لهم يفتحونه عشان التنظيف منار : اوكي .. شكرا الايمام : هذا واجب يا بنيتي (راحت منار للمسجد حق الحريم وتوظت وصلت المغرب يوم آذن وجلست تنتظر مضاوي) .................................................. . عند البنات مضاوي : قلت لكم اختي فيها شي غادة : بدق على ماجد يجي ياخذنا مضاوي : بسرعه تكفين غادة : الو ماجد ماجد : هلا غادة غادة : ماجد بسرررعه تعال لبيت رندى وفهده عشان ...... ماجد بمقاطعه : لا تكملين انا مشغول الحين ...... غادة بمقاطعه : ماجد ضروري مضاوي منهارة و........... ماجد بمقاطعه : شفيها مضاوي ؟ غادة : منهارة لان منار ضايعه ماجد : الحين بجيكم البسو عباياتكم غادة : اوكي ..(بعد ما سكرت الخط).. يلا مضاوي البسي عبايتك قامت مضاوي هي وغادة ولبسو عباياتهم ................................................. عند الشباب ماجد وهو يقوم : نص ساعه بالكثير واكون عندكم تركي : ليش وش صاير ؟ ماجد : لا بس منار ضايعه واتصلت على البنات وقالت لهم يجونها وبروح اجيبها نايف لا اراديا : منار ضايعه ؟ احمد بتفكير وهو يتذكر : يعني منار هي الي طلعت من بيتنا ذاك الوقت ماجد : مدري..مدري .. يلا انا بروح لهم نايف وقف وقال : انا بروح معك ماجد بدون اهتمام : يلا بسرعه راح نايف مع ماجد وجابو غادة ومضاوي وراحو للمكان الي فيه منار ماجد بإهتمام : لا تخافين ان شاءالله بنلقاها مضاوي والعبرة خانقتها : ان شاءالله (بعد ما وصلو للمسجد) نزل ماجد من السيارة وشاف الايمام وسأله اذا شاف بنت وقاله الايمام انها بالمسجد حق الحريم .. رجع ماجد للسيارة مضاوي بخوف : وينها ؟ .. ليش ما جبتها معك ؟ ماجد : لا تخافين هي بالمسجد حق الحريم .. انزلو نادوها نزلت غادة ومضاوي وراحو ركض للمسجد حق الحريم وشافو منار .. منار راحت على طول تبكي بحضن مضاوي غادة : يلا خلونا نرجع للسيارة (رجعوا للسيارة وركبوها وراحو لبيت رندى وفهده ونزلو فيه واول ما شافو البنات منار راحو يحضنونها ويعتذرون منها وهي كانت تبكي لأن الخوف من الشاب الي تحرش فيها كان للحين مزروع بقلبها) ريم : اهدي وقولي لنا كل شي بالتفصيل (منار ناظرت شهد ورهف يعني انها ما تقدر تقول وهم موجودين) رندى : شهد .. رهف .. روحو مع الخدامة للبقالة وجيبو لنا حلويات وشبسات شهد+رهف بحماس وهو يركضون : اوكي هيفا : الحين قولي لنا كل شي بالتفصيل الممل منار قالت لهم كل شي من يوم ما طلعت من البيت لحد ما خذوها غادة ومضاوي فهده : الحقير .. لو اني شايفته كان عطيته كف يعدل ملامح وجهه منار وكأنها تذكرت شي : بنات البنات : هلا منار : هو كان تاجر مخدرات البنات بصدمه : نعم !! منار : والله .. الغرفة الي كنت فيها كانت كلها اكياس بودرة وابر وحبوب هيفا : لازم نبلغ عليه غادة : واذا سألونا مين نكون وش بنقول ؟ هيفا : بنقول فاعل خير غادة : طيب يلا اتصلو رندى : بس احنا ما نعرف وين البيت ! منار : انا اتذكر وين البيت رندى : اذا كنتي تعرفين وين البيت .. ليش قلتي انك ضايعه ! منار : انا صدق كنت ضايعه ! .. لأني وقتها كنت ميته من الخوف ونسيت كل شي رندى : اها هيفا وهي تتصل : اسكتو الحين بدق ومنار هي الي بتكلم منار : اوكي منار : الو واحد من المباحث : هلا اختي منار : اخوي انا عندي بلاغ عن تاجر مخدرات الرجال : وش اسمه ؟ منار : ما اعرف الأسم .. بس انا اعرف مكان البضاعه الرجال : وين المكان ؟ صارت منار توصف المكان للرجال الرجال : مين معي ؟ منار : فاعلة خير ...(وسكرت الخط) .............................................. (باليوم الثاني) ببيت منار+مضاوي كانو يفطرون مع ابوهم وهو كان يقرا الجريدة وفجأة قال خالد : لا حول ولا قوة الا بالله مضاوي : شسالفة ؟ خالد : امس مسكوا تاجر مخدرات .. لقوه فاقد الوعي ولما قام اعترف لهم بكل شي .. وبنفس الحي اللي احنا ساكنين فيه منار تقلب وجهها الوان ومضاوي حاولت تغير الموضوع مضاوي : ااااا .. اليوم بجي ابو هيفا صح ؟ منار : ايه خالد باستغراب : محمد بيرجع ؟ منار+مضاوي : ايه خالد : غريبة .. وش عنده جاي بدون مناسبة ؟ مضاوي : مدري .. هيفا تقول بيقعد اسبوع ويرجع يسافر مره ثانية خالد : اها ........................................... ببيت هيفا كان البيت كله حوسه .. والخدم رايحيين جايين ينظفون البيت وام تركي تشرف عليهم .. وهيفا كانت جالسة بغرفة تركي تتكلم معه هيفا : مدري وش بسوي اذا جا ابوي ! تركي : وش بتسوين يعني ؟ .. هيفا .. تراه يظل ابونا حتى لو كان مهملنا هيفا : اعرف .. بس شكلي بجهز لي شنطة واحط فيها كتبي واغراض المدرسة وكل الأشياء الي احتاجها لمدة اسبوع واروح لبيت وحدة من البنات تركي : سوي الي تبينه .. محد ماسكك هيفا بقهر : انت طبيعي تتكلم بهالبرود .. لأنك طول الوقت برا البيت وماراح تفرق معك اذا ابوي موجود او لا تركي بملل : هيفا .. انتي قلتيها بنفسك .. ماراح تفرق معي اذا موجود او لا .. بعدين انا موب فاضيلك .. ما يكفي فيصل الي من امس ما ندري عنه هيفا بصدمه : شفيه فيصل ؟ تركي وهو يقوم : مختفي من امس .. اطلعي بغير ملابسي عشان اروح عند نايف ندور عليه هيفا وهي تطلع من الغرفة : اوكي .................................................. .... ببيت ريم كانت جالسة هي وشهد يناظرون التلفزيون وفارس يتطنز عليهم .. وعبدالعزيز يهبل فيهم كل شوي مغير القناة ريم بعصبية : عزووووووز خلاص عاد عبدالعزيز قاعد يضحك عليها ويعاندها فارس وهو يشد خدود شهد : بزراااااان وربي ما ينقص الا يبكون شهد : آآآآآه .. فك خدودي تراك تعور فارس : ههههههههههههه ريم وهي توقف قالت بحركة طفولية : بروح اشوف المسلسل بغرفتي ..(وطلعت وشهد لحقتها) فارس+عبدالعزيز : ههههههههههههههههههههههه .................................................. ........... ببيت غادة كانت تحل واجباتها ورهف عندها تلعب غادة : رهف خلاص اطلعي برا ما اعرف اركز رهف وهي تطلع : افف منك .. انتي اسوأ اخت شفتها بحياتي غادة بملل : انقلعــــــــي رهف وهي تطلع قالت بقهر : بزر غادة رفعت حاجب على كلمتها ورجعت تكمل واجباتها .................................................. ............... ببيت رندى+فهده رندى كانت تفطر مع امها وابوها وجدتها واحمد فهده كانت نايمــــــة وما تدري عن الدنيا .. لو تتفجر كل قنابل العالم ما درت .................................................. ........... أخوي لاضاق الفضاء والدهر شان يبقى على طول الليالي عضيدي أضرب بسيفه هيبة الإنس والجان وأسقيه لامنه ضما من وريدي ببيت نايف+فيصل نايف كان مرهق بكل معنى الكلمة .. والشباب كانوا لمهم عنده احمد : ان شاءالله بنلقاه نايف+الشباب : ان شاءالله (شوي ويرن جوال نايف ويرد) نايف بصوت ملهوف : الو .. فيصل فيصل : هلا نايف .. انت وينك فيه ؟ نايف : بالبيت .. انت وين كنت ؟ .. انا والشباب لفينا الرياض كلها ندور عليك ! فيصل : كنت بالشرقية نايف بصدمة : الشرقية !! فيصل : ايه .. جلست على البحر طول الوقت نايف : وانت وينك فيه الحين ؟ فيصل وهو يناظر الحرم : انا بمكه نايف : مكه ؟ فيصل : ايه نايف : تستهبل ؟ فيصل : لا نايف : طيب ارجع بسرعه فيصل : لا ماراح ارجع نايف : ليش ؟ فيصل : وين اروح وابوي متبري مني ؟ نايف : طيب على الأقل بالرياض تكون قريب مني فيصل بهدوء : بس بمكه يرتاح قلبي .. نايف انا بقعد هالفترة على الأقل بمكة نايف : والجامعه !! فيصل : الي يسمعك يقول اني دافور وما افوت ولا محاضرة .. انا من الاساس ساحب عليها ماراح يضر لو سحبت عليها الحين نايف تنهد وقال : براحتك .. بس وش لون بتصرف على نفسك ؟ فيصل : عندي الي يكفيني .. ولا نسيت ان ابوي كان اهم شي انه يصرف علينا والباقي بالطقاق ؟ نايف : انت ما عندك ملابس ولا شي ! فيصل : اليوم رحت وشريت لي كم بلوزة وبنطلون وفصلت لي كم ثوب نايف : يعني شكلك مطول فيصل : مدري .. بس يمكن اقعد اسبوع وارجع نايف : خلاص مافي مشكلة .. بس اتصل علي كل يوم فيصل : ان شاءالله نايف : مع السلامة فيصل : مع السلامة ..(وسكرو الخط) تركي : هذا فيصل ؟ نايف : ايه فارس : وينه فيه ؟ نايف : بمكه .. بيقعد فيها اسبوع وبيرجع عبدالعزيز تنهد براحة وقال : الحمدلله تطمنا عليه وتأكدنا انه بخير الشباب : الحمدلله ........................................... عند فيصل دخل الحرم بعد ما سكر من اخوه .. صلى تحية المسجد قدام الكعبة وقعد يدعي على مرة ابوه من كل قلبه "وقفة خارج النص" (وكلنا نعرف ان دعوة المظلوم مستجابة والدليل قوله تعالى {ولو أن لكل نفس ظلمت ما فى الأرض لافتدت به وأسروا الندامة لما رأوا العذاب وقضى بينهم بالقسط وهم لا يظلمون} عشان كذا لازم ننتبه من الظلم .. صدقوني في آيات كثيييرة لنصرت المظلوم وجزاء الظالم ولو احطها كلها بتقعدون لين بكره تقرونها فحبيت اختصر عليكم بهالآية .. عموما ان شاءالله ما نكون لا ظالمين ولا مظلومين) ......................................نهاية البارت...................................... مقتطفات من البارت القادم : 1- .... بتردد : عـ... عمرك حبيتي ؟ 2- .... بصدمة : تزوجت علي ؟!! 3- .... بخوف وتوتر وهي بالموت تتكلم : شـ..... شافني مين اللي قال هالجمل ؟ انتظر توقعاتكم .. كلمة اخيرة / العبد ينبغي أن يعلم أن خزائن الله لاتُحصى، وفضله تبارك وتعالى لا يُعد، فليفزع إلى الله جل وعلا، العبد، وليظهر ذلته وفقره ومسكنته إلى الله، وليُصاحب ذلك العمل صالح. للشيخ / صالح المغامسي | ||||
|
| |
 |
| أدوات الموضوع | |
| انواع عرض الموضوع | |
|
|
العرض العادي
