فهد اليوم رفع ضغطي صحيح هوو بطلي المفضل هنا لكن اليوم ما اعرف ليش اذاني بتصرفة مع فدوى لو منتظر بعد قليل كان سمع اعتراف الحب من لسانها بس الرجل الي دمه حار مثلة وحامي اكيد راح يكون عصبي لا يلوم فدوى خلي يلوم نفسة هو الي وافق عليها وكان حامي الحمى ..
من خارج الرواية (ما اعرف ليش الرجل يفضل ان تكون المرأة الي يرتبط بيها ما حبت قلبه او انعجبت بأي رجل قبلة رغم انه يحب ويعشق ع كيفه )..
نعود للرواية ..
هي انثى وانجذبت لعزيز صح الاغواء الي عملتة خطأ كبير جدا وكان لازم ما تعملة لو فقط حبتة يمكن كان فهد سامحها لكن ان توصل الى هذه النقطة اكيد خطأ طيب شنو راح تعمل اني اشوفه هان انوثتها هي حبتة وابد ما غوتة لفهد لان مشاعرها مع عزيز كانت مبعثرة وحتى من كانت معه تشعر ان قلبة مع اخرى لكن مع فهد تشعر ان مشاعرها الحقيقية هنا هو الي حركها هو السبب الي جعلها تظهر اله حبها ..اتمنى فدوى ما تعطي مجال لفهد وتخلية يتوسل فيها خطأت نعم والانسان يخطئ يعني مو ع زلة وحدة لازم نحاربة ونترك كل شي فيه جميل
ما توقعت فهد يوصل لهذه الدرجة ويهينها ..اعترف انه يحبها وما يتحمل فكرة وجود رجل اخر بمكانه بس هو كمان اتأخر لو كان مخترق عالمها سابقا ما كان صار الي صار ..هو محتاج وقت حتى يرتب امورة وياريت يا ست فدوى تبتعدين تماما عنة خليه هو الي يرتب اموره وان شاء الله من يرجع الك ترفضيه ..
عزيز وامل ما ارعف ليش احس هناك شي راح يحدث ويفرقهم ..ولا اعرف ليش امل تأخر بالموضوع!
وسيم يرغب بيها وعزيز ما يتنازل هنها واسراء هذه مو بنت ابد ما اعرف من وين مصنوعه
ام ما تكون الها كلمه مع اطفالها! ورضخت لأمرهم!
كريمة وعلي الامر بينهم بسيط لكنة صعب عندما تفكر فيه كريمة اكثر لو تكون صريحة مع زوجها كان ما صار هذا الشي ولا راح يصير خلي تعترف له ع كل شي حتى ع ضعفها بالحمل وعدم قدرتها ع تقديم الراحة له كرجل ..علي انسان وراح يتفهمها وهو يعشقها بشكل كبير..
ننتظر ونشوف الامور وين راح توصل
الفصل في منتهى الروووعه عاشت ايدك
بأنتظار القادم
|