[●•Rain]

ريمان....احم احم يعني موسهل اني اتراجع عن رايي فيكي بهالسهولة بس مابعرف
مشهدك انتي وعم تتذكري امك وتطلبي منها انه تسامحك بيحزن كتير حسيت فيكي بصراحة
وخصوصا لما قلتي انك تصرفتي بهالطريقة لانك كنتي خايفة تخسريه الانسان معرض للخطأ
دائما وخاصة لما بتواجهه ظروف بتجبره يعمل اشيا ماكان متخيل ولا واحد بالمية انه راح يساويها
بتمنى تشيلي هالغشاوة من عيونك وتشوفي حب ادم الك الي واضح متل الشمس وكمان
ماتخلي الماضي بكل مشاكله والامه يخرب الي بناتكن

مياسين يامياسين معقولة حبيتيه لنبيل ؟؟؟؟ يعني انا معاكي انه لقطة ومابيتعوض
بس بهالسرعة؟ طيب والجد كيف راح تقدري تواجهي جبروته وتحكمه اذا فعلا صار شي بيناتكن
وكمان احساسك انه نبيل شفقان عليك راح تتجاوزيه بهالسهولة ولا راح يبقى عثرة بطريقك متل ماضيك؟

جمال عنجد شي يوم راح تجلطني بتصرفاتك يااخي نفسي شي مرة افهم ليش عم تعمل
هيك بس عبس مافي فايدة يعني مبين انك حبيتها كتير لنورسين ومن اول مرة شفتها
طيب ليش عم تتصرف هيك يااخي شو الي صار ودمر كل شي بيناتكن؟ والمشكلة انه
نورسين كمان تصرفاتها غريبة اوقات بحس رغم كل الي عم بتمر فيه اني مش قادرة
اشفق عليها وانه الها ايد باللي عم يصير بيناتكن
اول لقاء بيناتهن تحفففففففففففففة حبيته كتير عنجد رجاء ابدعتي بهالمشهد وكمان مشهد
ريمان وادم تحت المطر بيجنننننننن هوسني هوس
رجاء هالعيلة جلطتني ببرودها يخرب بيتهن كلهم علل طبعا باستثناء ادم حبيب قلبي
يعني من الجد لاخر واحد فيهن مابيفكرو غير بمصلحتهن انا لو بدال مياسين بفكر بدال
المرة مليون قبل ماقرب ناحيتهن

فصل راااااائع حبيبتي رجاء وطريقتك بوصف مشاعر شخصياتك مبدعة
بتخليني بحس واتفاعل مع كل واحد فيهم تسلم الايادي حبيبتي واسفة كمان مرة عالتاخير