[نبض اسوود]

.
يا الله، شفتوا اللي يضحك بعد ماتنقال النكته بنص ساعه؟ احس اني نفس هالوضع وانا توني ارد عليكم

المشاركة الأصلية كتبت بواسطة شجنّ العُذوب

السلام عليكم ورحمة الله وبركاته
احلى شي بروايتك اول رد لي وماراح تنابشني عليه....

•
هاااو تبيني اناشبك؟ تم من البارت الجاي اتحداك تصيرين الاولى انتي ولا غيرك
حمدلله والشكر أحد ينافس الرئيسه نبوضه وفي ميدانها؟


المهم قريت ردك وقلت لو تاخرت شجونه بارت واحد جاها نصف اجاباتها بس يلا

المشاركة الأصلية كتبت بواسطة شجنّ العُذوب

طيب اللهم صلي وسلم على نبينا محمد خلني اخذ الموضوع بحيادية عشان ما اقضي على صالححح واطلع غل قلبي عليه....
مبدئيا الجازي تشوف نفسها انها ضحيه وهي ضحيه فعلًا.. لكن غلطها استغلالها للحرية الزايده الي معطينها اهلها في الروحه والجية..
تطلع وتدخل لا سائل ولا مسؤول... استغرب معقوله في عوايل كذا..
احنا الولد اذا طلع ضروري نعرف وين طالع وين داخخل ماهو تضييق ولا تعقيد زايد انما الهياته الزايدة..ماهي عندنا.. يطلع الواحد مع صحابه ممكن ساعتين ثلاث لكن مايجلس لين اخر الليل وما يرجع الا مع الأذان سلاماتتت الوضع له حدود ترى... فما بالنا لو كانت بنتتت...؟؟
الجازي على ماشفت تروح وتجي على خيط شعرها.. واوقات تعاند وتركب راسها.. وتضرب بالكلام الجدراننن.. والله انا الي أشوفه ان مطلق وعياله طيبين معاها... لو غيرهم وهذا الطبع السائد صراحة...
والله النفس يخلونها ماعاد تقدر تتنفسه.. من الضرب والاهانات.. وحتى الخرجه برا ان تحرم عليها... ان تعيش عيشه الي يتمنى الموت ولا يحصلة ولاسيما ان الموضوع واصل لشرف والعرض.. ومكلمه واحد ومدري وشوو..
زينننه معاملتهم لها... وهذي نعمه تحمد ربها عليها.. غيرها يذبحونها ويرتاحون..

.

شجن اانتي من القله القله اللي ينظر للروايه بالمنظور الواقعي هذا، الكل يناظر بعاطفيه، يناظر من زاويه الجازي ويشوفها مظلومه ١٠٠ بال١٠٠
وما الومهم، الروايه قاعده توضح ان الكل يتجبر ويتسلط عليها، طبعا لو يقرأ احد بعقله دون قلبه بيعرف انه مو تجبر وتسلط، لكن غصب عن الواحد يقرا بقلبه اكثر من عقله

باتكلم من منظوري ككاتبه، من عند الجازي، هي انسانه اخطأت وتأدبت وتعاقبت على هذا الغلط وشربت العواقب مثل شرب العطشان للماء، لكن؟ هذا الشي لها وعليها

بينما من منظور "اهلها" واللي الكل غاضب منهم وكارههم، هم ماراح يفكرون ان الجازي تعاقبت، وش دخلهم بعقابها؟ مهما بلغت المحبه، بس انها تعاقبت من الحياه مايعني ان القلب يسامح ويرضى!!

وبخصوص تطلع وتدخل على كيفها من ظهر للفجر، شجن شجن شجن شجن ششششششجن شجننننننننن إطللللللعي من النسخه القديمه، صحصحي شجوووونه حنا في روايه مختلفه في عالم مختلف في نسخه جديده صحصححححي لا ااااجلدك

بس ها، ترى فيه عوائل كذا، وانتي ترى تقيسين كل شي على بيئتك اللي حولك ياشجونه، الناس والعوائل والتصرفات كثثثثثيره ومختلفه جدًا عن بعضها

.

المشاركة الأصلية كتبت بواسطة شجنّ العُذوب

فالي قاعد يصير للجازي صح يوجع لكن مايعكس الفجايع الي تصير على أرض الواقع... نسأل الله السلامة والعافية..< ادري داخله بالكلام عرض بس من زمان ودي اعلق على هالنقطة، وأن الي قاعده تعيشه الجازي نعمه الف بنت بوضعها تتمناه بس ماهي لاقيه... اخخ ياربي تذكرت قصه قديمه قريتها كانت فعلا لبنت كان معطينها نفس حرية الجازي بطلعات، حتى سوت علاقه مع رجال.. ناسيه كيف انكشف الموضوع لكن البنت دخلت السجن وتابت لكن لما طلعتتت اهلها مارحموها.. الحياه هذي لا زم ماتتسرع بتصرفاتك فيها.. الجازي غلطت فعلا كان يفترض تكلم اهلها..ماتطلع تقابل غريب وش يضمن انه مايسوي لها شيء...؟؟ اندفعت بتصرف متسرععع بدون ما تحسب للعواقب.. وصالح هو بعد يشوف نفسه ضحية لانه لو نظرنا فعلا هو بعد ماينلام...كيففف تجاوزتهم ورمت نفسها على رجال غريب.. مهما كان تأنيب الضمير الي عندها يفترض انها عارفه ان هذا قضاء وقدر

.
بخصووص ان ردود الفعل لاتمثل عوائلنا، دقيقه ممكن نوقف هينا؟
لا ياشجن، ماجبت لك شي لايمثلنا، ماجبت لك شي وياقولك والله انا سمعت، او قرأت، او تناقلت ان فيه ردود عوائل متسامحه كذا، لا لا انا باقولك عشت شي كذا، عشته في حياتي مع اشخاص اعرفهم، اشخاص يتصفون بالغضب، اشخاص ماتنتظرين منهم الا مجزره عند الخطا، كذا كنت اشوفهم، اشوفهم مرعبين وهم فعلًا مرعبين، لكن يوم صار الخطا؟ يوم سمعت انهم عرفوا مسكت راسي وتويلّت، يااااويل الحطب من النار لاقربت، الحطب بيغدي رماد

لكن العكس حصل، اللا حكيم صار حكيم، واللا حليم صار حليم، من الظروف، ومن الصبر، ومن حكمة الله، والله ان مالي ذرة حق احكي في مصاب احد، الله يعافي المسلمين ولايبلانا والحمدلله الذي فضلنا على كثير من العالمين، لكن جدا استفزتني كلمة ان هذا ليس في عوائلنا! لاتضغطيني!!!

صحيح فيه بالعوائل مثل ماقلتي، وفيه مثل اللي انا سردته

بس تدرون الفرق وش؟ الفرق إني في روايتي بدلًا من التطرق لردود فعل العوائل المعروفه، الضرب والقتل والتزويج والطرد، ركزت على شي مختلف، ركزت على الحليم والحكيم والمتحكم في غضبه سواءً من ظروف او من طيب نفس، وبنعيش تفاصيل التفاصيل بخصوص هالشي

ورغم اني اصلا مامحيت هالشي، بالعكس اوضحت لكم ان مجرد كشفوا الجازي احدهم طلع بالسلاح واحدهم أبرحها ضربًا، ثم اوضحت بعد سنين ان مطلق هو اللي يرد الكل عن فعل شي بالجازي، ممكن ما اتضح لكم حتى الان، لكن لمطلق تسع ابناء ولهم شخصيات وردات فعل تختلف، الشي اللي يجمعهم ان محد فيهم قادر يظهر ردة فعله لان ابوهم مانعهم، ايه وادري بيجي تساؤل شلون يصبرون على انه يمنعهم غصب عن الواحد ينفجر، باقولكم فيه تفسيرات للنقطه هذي كثييييره


وكل النقاط لها تفسيرات لاتعد ولا تحصى، كل شي جاء عليه بروسكم استفهام، بنشيل الاستفهام ونحط النقاط على الحروف

المشاركة الأصلية كتبت بواسطة شجنّ العُذوب

وبندر الله ياخذه دام وصل لحساباته ليش مابلغ اذا هو صادق وقبضو عليه..
الدوله الله يعزها بس تمسك طرف توصل للي دافن نفسه بالارض فما بالك بالي يمشي عليها... لكن الجازي ماخذه بنفسها الشخصيه الاستقلالية الي انا أقدر اسوي كل شيء بدون ما اشاور احد..
يابويييييي خخخخير؟؟؟؟... اصلا من لما شافت بندر انسحب.. ليش تروحين تكملين على كلامه... إذا تأنيب الضمير مرة حارقكك.. طيب أستخير الله في هالمصيبة الي رح اسويها...ثم امسك اعقل واحد من خواني واكلمك بالموضُوع...يمكن يكون في طريقه نحل فيها السالفه بدون ما اطلع انا الصايعه الخربانه... بصراحة الجازي على ماشفت هي مو ندمانه على الي سوته ولا حاسه نفسها غلطت يوم مشت ورى بندر وكلامه.. هي قاعده تلوم اهلها ليش ماتصدقوني... واهلها لهم الشيء الظاهر... ما احد يعلم بالقلوب الا ربها فكيف يصدقون وهي حتى مابررت... لا تقول حاولتتتتت..
ماحاولت الجازي.. ماحاولت وهي حتّى ماباست تراب رجولهم عشان بس يسمعون... عشان كذا اقول ان مطلق وعياله والله انهم رحيمين ويعتبرونها باقي بنتهم عشان كذا باقي عايشه بشكل طبيعي للحين.. ما ابالغ لو اقول ان الواقع مختلففف كثيررررر.. نسأل الله يحفظنا ويستر علينا ويكفينا شر كل من يبغى فينا ضر وأذى... <الصدق خلصت البارت وانا ناويه امسحح بآل مطلق الأرض...ما ادري كيف فجأه قلبتتت على الجازي ههههههههههههههه>

.

الجازي وانها ماتشوف غلطها، صح وصح وصح، بارت ورا بارت اللي بيقرا بمنطقيه راح يستوعب ان منظور الجازي محصور، على وش؟ على إني الضحيه بين اهلي، هي تعترف باغلاطها بينها وبين نفسها، لكن بالجهر؟ لا مب غلطانه ١٠٠ بال١٠٠، انا ضحيه اكثر من اني غلطانه

بس يكون في علمك اتباع الجازي بندر كان بسبب تأثير نفسي اكثر من عقلاني، لان قبل حادثة بندر حصلت حادثه واستفزعت باخوها، ليه طيب ببندر تجاهلتهم؟ يوجد تفسير

والله يعز حكومتنا، الحكومه قادره تجيب راسه في وقت قصير، لكن حتى هذي النقطه لها تفسير، ولا بالعقل مين بندر ومين ابراهيم عشان يجيبون شي ماجابته الحكومه؟ مستحيل الا اذا فيه شي عرقل الشغل، وراح نعرف وش هووووو اليووووم وببداية البارت راح نعرف وش صار

المشاركة الأصلية كتبت بواسطة شجنّ العُذوب

عموما احس بحرارة بعيوني.. لكن الزبدة ابدعتي نويبض.. ياخي عيشتينا الاحداث لدرجه صدورنا ضاقت من قوه المشاعر الي صكت ضلوعنا..
ولا سيما اخر كلام قاله صالححح ياهو يكوي القلب كويييي..
اتمنى بس اني ما ارسل ردي وتكون في وحده راده قبلي.. وطار التعليق الأول..

.
انا صبيت بصدوركم قهر؟ وانتم صبيتوا بصدري ثلج من ردودكم، اااااااعشق النقاشاااااات


•

المشاركة الأصلية كتبت بواسطة ghywd

اهلا اهلا
الله يشفي مريضكم وتفرحون بسلامة يارب .
حسيت بفرحه الجازي بزياد ????????كيف اذا جاء سعود
بندر بجيح ????????????
ثاني مره يبرد خاطري صالح بس خربها نهايه الجزء.
اقصد بتغير الشخصيات ، الشخصيات نفسها بس حسيت بفرق عن الروايه الاولى
جاري انتظار الجزء ٩

.
امين يارب الله يسمع منك، اخ ياسعود كلٍ يفز ويفرح به ماهو بس الجازي

اوه صحيح صحيح الشخصيات نفسها جاها تكّة تغير


•

المشاركة الأصلية كتبت بواسطة deer

السلام عليكم ورحمه
ابدأ كلامي في
الله اللي معطيٍ عزمي على القمّه نجاعه
‏وحده اللي ثبّت الأطواد بفجوج الوسيعه

‏شفني أطرد ذاير أحلامي وأنا عندي قناعه
‏بإنها عمرٍ سبوق خْطاي لا يمكن تضيعه

‏كل ما أسعى فالطريق اللي تحدتني سباعه
‏أترك عيون الشعر في طارف لساني وديعه

‏القصيد يزيدني قوه .. ويملاني شجاعه
‏وكلمة الرجّال ترقى به ليا صارت رفيعه

‏أتصبّر والعزيز إن ذلّ ؛ يزهد في متاعه
‏والخطوب اللي تقدّمني وتقفاني وضيعه

‏الله يجازي الليال السود وحتوف القطاعه
‏كثر ماثبتتّ ميقافي .. وعيّت لا تطيعه

‏ذاكرٍ ماراح من عمري ومتناسي ضياعه
‏ماني بـ نادم وأنا قدامي الدنيا سريعه

‏وارثٍ بيت الكرم والمجد أخوي من الرضاعه
‏لا تغارب كان لي بصمه ومنهاج وشريعه

‏(كيف يبرد في يميني جمر ، ويرمّد شعاعه
‏وجدّي اللي يفرق المطلاع في راس الطليعه

‏الليالي حطّت الطيّب على جرف المجاعه
‏لين صار أكثر غصون الشوك تنبت في ربيعه

‏جاهله تحسب لها في شمّخ الأرقاب طاعه
‏كل ماشافت معادنها ذهب طمْعت تبيعه )

‏يارفيقي من تميّز طيحته .. قبل إندفاعه
‏قلت عاده لا خثع وإن زلّ قلت إنْها طبيعه

‏ولو يلوح بعارض المنشى على الطيّب إشاعه
‏مايجازي باحث الزلّات من جنس الصنيعه

‏من يسدّ إذنه عن الهرّاج ويجنّب سماعه
‏كنّه اللي سد فوجيه الشياطين الذريعه
__________________________


________________________
لقاء تتحطم فيه القلوب كيف شعورهم وهي تنفيهم
من قائمة السند والعزوه ، وجود زياد وشخصيته
الجديده والمختلفه عن القديمه مذهله بشششكل موب طبيعي
كما توقعت تركتي تقبلهم للحقيقة اكثر واقعية انهم مع معرفتهم بالحقيقة
ماتقبلوا انهم يعفون عنها او يسامحونها الانها تعدتهم وسعت لرضا خالها
دون علم اهلها ، نستنى الغضب القادم من سعود ومعرفته انهم رفضوها ونبذوها
وهل راح يقبل مطلق انها تروح لسعود او يجبرها تجلس عنده ....
______________________________
خالي بندر ماتحمل صار يقول انه هو يبي يمسكه باي طريقه، وانا قلت له باساعدك وش ماكانت الطريقه وباسوي اللي تبي، كنت أبي أرضيه وأرضي قهره مني، كان يقول ليه صحيتي وليلى ماصحت، قلت لو مسكنا المجرم اكيد خالي بيسامحني، توقعت بيحط اللوم على المجرم ويسامحني"


بكتفي بهذه الابيات ردًا على هذا الموقف المميت :
ضحيت من شانه ربوع وجماعه
‏وكسرت من شانه قوانين واحكام

‏لو كان يدري ويش يعني وداعه
‏ما كان خلاني علي طول الايام
_____________________________

لحظات مُميته حتى أتى صوته هادئا واجمًا وثقيلًا:مابه شي يشفع لتس، اعطيتس اعذار من يوم غبتي عن عيني للساعه هذي، قلت بتجي وترضينا، بس مالتس اعذار، انا دفنتس مره وحده ولا عادني منبش في قبرتس، لا تسلمين علي ان شفتيني في مكان، لا تبكين علي في عزا، لاتوقفين معي في فرح ولا حزن، مثل ما انتي ميته في عين صالح خلي صالح يموت في عينتس


وهنا نقول هالابيات ألي انطقتها مشاعر الجازي اتجاه جرح اخوها :

‏"ما زلتَ تدفعُ كلّ أمرٍ فادحٍ
‏حتى أتى الأمرُ الذي لا يُدفعُ

‏فظللتَ تنظرُ لا رماحك شُرّعٌ
‏فيما عراكَ ولا سيوفُك قُطّعُ.”

صالح انهى كل حبل موده بينه وبين الجازي وانا مع صالح بها النقطه للامانه الي سوته الجازي فعل مكروه ومنبوذ في العادات والتقاليد ، مجرد تكلم وحركاتها غلط حتى لو كان عن طريق خالها يكفي فعلها انها تعدت عشر اشخاص في بيتها ومن دون علمهم ، مع اني متأكده لو عرفوا بقصة الجازي وياسر هنا راح تكون الضربة القاضيه للجازي لكن الحمدلله ان وقتها سعود موجود لانه راح يحتوي الجازي وقتها
ماني قادره اتخيل شكل مطلق من يعرف حقيقة ياسر بحياة الجازي ، الله يستر من عواصف الجازي
___________________
ونقول ع جيت حبيبنا سعود الغالي

"مرحبا والدار دارك ومحبوبك فداااك
‏تو ما جرد المحاني تبسـم ريفها"
__________

تسسسلم الايادي نبوضه وبالله بارت سسسريع نبي سعود وردات فعله

.
يااااااناس، ياحلوك يادير، مدري وش ارد بس فعلًا ياحلوك وياحلو قصائدك، ردود قصائديه تأسرننيييي جدًا

المشاركة الأصلية كتبت بواسطة الاوركيد السوداء

مساء الخيررر ..
قهرتيني بهالبارت يانبض .. احس النار في صدري والله ..
مقهوره ع الجازي ومنها ومن ال مطلق ومن بندر ومن تاخر سعود ومن كل شي ..
النار اللي في قلبي من يطفيها .. خصوصا صالح .. حطيت نفسي مكان الجازي وان اخوي يقول لي هذا الكلام لقيت نفسي ابكي .. والله كلامه قوي ويوجع .. الجازي غلطانه .. ماانكر لكن من فينا مايغلط .. ماابي ابرر لها لكن احاول اشرح موقفها .. صدمه اللي حصل .. وصدمة غيبوبة ليلى .. وصدمة كره خالها الحبيب فجأة وتانيب ضميرها من الجانب الثاني .. هي تعدت الحدود .. ايوا .. هي اغلطت .. ايوا .. لكن اشوف اللي حصل معها طول الخمس او الاربع سنين كان كافي ووافي ليكون عقاب لها .. ماننسى ان غايتها ماكانت تعمل الغلط .. وماهو استهتار وتجربة عمل علاقة مع رجل غير محرم لها .. كان في بالها تصلح غلط ماكانت عارفه انها بدل تكحلها عمتها .. خصوصا ان خالها كان داعمها وهو اللي طلب منها هذا الشي ..اذا الغلط الاكبر يتحمله بندر ..
صالح ماالومه ع ضربه او غضبه او زعله طول هذي الفتره لك وصل بزعله لنقطه القسوة والكره وهذا اكبر غلط ..ما كفاك كل هذا الضرب .. ماكفاك الهجر طول الاربع سنين .. ماكفاك شوفتها بهذا الضعف والمرض .. والله لو يصير مايصير مايقول كلامه الاخير .. ماصارت والله .. هي اغلطت وهم كانوا مايعرفون الحكاية بتفاصيلها .. والان عرفوها ليه مايسامحوا ليه مايغفروا ويدفنوا حادثه مرت عليها اربع سنين .. ليه مايتجاوزوا ويتعايشوا .. صار وغلطت وتعاقبت ورجعت .. خلاص اغفر وسامح ليش هذي القسوة كلها ع اختهم الصغيره اللي كانت الاقرب لقلوبهم ..
انا حرفيا اكتئابت من الموضوع والقصه اللي مو راضيه تنتهي هذي ومو راضين يسامحوا فيها .. مايدرون ان في الاعظم .. اذا هم موقادرين يتجاوزوا هذا الموضوع اجل موضوع زواجها من ياسر كيف بيتعاملوا معه ..

.

.
والله يا اوركيد مهما حصل القلب اذا قسى يصير مرعب، اذا قسى مايرضيه اي شي، مايرضيه ان فلان تعذب و فلان ندم وفلان تاب، وهالشي حصل لصالح ولمطلق وللكل، ماهو سهل اللي تعرضوا له، ومثل ماتجرعوا الحرقه والحسره سنين بيحتاجون سنين يطفونها ويبردون عليها

المشاركة الأصلية كتبت بواسطة الاوركيد السوداء

حراسة ؟؟ لهذي الدرجه هو مهم .. او انه له طرف في المخابرات ؟ او ان له اعداء والحراسه لدواعي امنيه ؟


معرفة ابتهال وفاطمة لاديل وسوناي واسم يفيت ؟؟ .. كيف يعرفوا مثل هذي المعلومات الحساسه وهو مجرد دكتورات ؟!!
وتعرفهم الجازي من زمان ؟!! .. الظاهر تم تعيينهم عن حالتها من قبل جماعه ياسر بعد ما حكت عن العصابة ..
الظاهر ان هذي العصابة شغلتها المتاجرة وتهريب بالقاصرين .. دام ان الجازي صحت وهي بين اربعين شخص ماتعرفهم .. او اختطاف بنات العوائل المعروفه وابتزازهم بهم مع اني اضعف هذا الاحتمال لانه لو كان صح كان من بداية خطفهم بيرسلوا فدية لمطلق .. اذا خلينا في الاحمتال الاول ..

نبض متى راح يتصالحون ذبلت قلوبنا من الوجع والله .. بليز سرعي في البارت نبض محتاجين وجود سعود بعد قهر هذا البارت .. وتراني ماراجعت تعليقي كتبته من غمرة قهري وتركته مثل ماهو .. وتسلم اناملك دمتي بخير ..

بخصوص زياد، تحليلك صحيييييح ونقدر نقول الاسباب اللي ذكرتيها كلها صح

فاطمه وابتهال لهم شرح مبسط قادم، وبخصوص تحليلك للعصابه، امممممم، مابي ارد، بنشوف بعدين

متى راح يتصالحون؟ حبيت جدًا يقينكم ان فيه صلح، صلح؟ صلح؟ غريبه الكلمه