[اسفة]

مساء الخيرات والبركات على القمرات وحطوا يا التماسيح المذكر إنتوا عشان البيت ده محافظ والبيت ده طاهر

وانا مش ناقصنى تصيد أخطاء وبعدين عيبة يقولوا ع التيمساح قمر ده يبقى ساعتها احم واللى هيقولى ماتنكريش إن الجمال مذكور فى الرجال أكثر والدليل سيدنا يوسف تمام تمام
وبردوا ماتنسوا تكريم ربنا سبحانه وتعالى للأنثى ومش معقول هيجعلها عرضة لإن تَفتن أوتُفتن هل فكرتم هكذا من قبل على أيه حال كلكوا حلوين كلكوا طعمين ويلى تمسى ع الحلوين بس والوحشين كفاية عليهم حظهم ههههههههه



وطٙرٌ ما فيه مِن عَيبٍ سِوَى

أنّه مرّ كلَمْحِ البصرِ

ساحرُ المُقْلَةِ، مَعسولَ اللَّمى
جال في النَّفْسِ مَجالَ النّفَسِ

سدّدَ السّهمَ وسمّى ورمى
ففؤادي نُهبَةُ المُفترِسِ


اللقاوهو المراد مر كلمح البصر من حلو سمى ورمى المحبوب بسهم فنهب فؤاد المحبوب وللعلم البيت الأخير غلط الصح أهوه


سدد السهم فأصمى إذ رمى
بفؤادي نبلة المفترسِ
وأصمى المقصود ضربة لا تخيب فى الجول يعنى فخلاص قلبه وقع فريسهفى يد الحبيب المفترس يالهوى اكلة لحوم بشر ياحرام هههههه
يضرب الحب شو بيذل








اللى هيعلق ويقول السهم لم يصب قلب المحبوب

مقصودة احنا عاوزينه حى ههههههههههه
وبعدين دى فقرة الساحر المرة الجاية ع الجمجمة ع طول لو ما صحصحتوش معايا خخخ
موشح تغنت به فيروز والكثيرات والكثيرين من بعدها

اسكتوا كنت هروح فى داهية الكاف بجوارها الميم فبدل كثيرات كانت هتبقى احم إنتوا اللى قولتوا ههههههههه



المعروف أن فيروز كما صباح فخرى وغيرهم ، لم يأخذا من القصيدة الأصلية التى أبدعها الشاعر الطبيب الوزير الأديب العالِم «لسان الدين بن الخطيب»، إلا القليل من تلك المطوَّلة الشعرية التى تُعد من أبدع عيون الشعر العربى الأندلسى المُتميز بعذوبة التعبير ودقة التصوير ورقة العاطفة المصبوبة كلها فى قالب موسيقى رقراق وساحر الجاذبية.


هذا المسكين كانت نهايته بشعه بسلل الفتن والحقد والغيرة الخ الخ فما لاقاه هذا المسلم العربى الفذ من مصير الفتن التى تتسلح بلبوس الدين لتغترف من أدنأ عطايا الدنيا، فعندما تولَّى على المغرب السلطان «المستنصر» بمساعدة «الغنى بالله» ملك غرناطة اشترط الأخير على الأول أن يسلمه الوزير ابن الخطيب ليفتك به بعد أن أوغر الحاقدون صدره عليه بالكذب، فقبض عليه المستنصر، وأرسل الغرناطى وزيره «ابن زمرك» إلى فاس حيث انعقد مجلس «للخاصه» قضى على الخطيب بتهمة «الزندقه وسلوك مذاهب الفلاسفة» وقدم بعض «الفقهاء» فتوى بقتله، وفى سجنه هبط بعض الأرذال بمعية ابن زمرك وخنقوه ليلا فى مرقده، ثم دُفن فى مقبرة (باب المحروق) والتى ربما سميت بهذا الاسم اشتقاقا من تحريق جثة ابن الخطيب بعد موته! فأى دين لقاتليه وخانقية وحارقيه السفلة الكَذَبة؟!
تغنى بنفس الموشح منشد غير الكلمات برده لاكون حث على تحرير الأندلس وغيرها والكلام لكى ياجارة من البلاد والعباد



عارفين رغم تغيير الكلمات يمكن كان المقصودغير سواء بطمس ع المعانى الحقيقية او حتى من باب الاقتباس الشعرى المهم أرحمونا من بتوع هيا نحرر الأندلس ونقضى على الكفرة صلاة الزين طيب حرر نفسك من الفكراللى ما يعلم به إلا ربنا الأول هيحصل بس خطوة خطوة وبالعدل والحق ولما نعمل اللى علينا كل مكانه اولا



ياسادة المعركة هنا والآن تتمثل فى مواجهة عدونا القريب : الفساد، التخلف، الفقر، القهر، الجهل، الجوع، البلطجةومحاولة زرع الفتن والتفرقة بين اولاد الشعب الواحد ثم الشعوب العربية المختلفة ولا سامح الله الإعلام بكل أنواعه ممن يشعلون الفتن طلعوا علينا اليومين اللى فاتوا بموال إن فيه نظرة دونيه لا سمح الله محشومين والمقامات محفوظة من الدول العربية للسعودية ودول الخليج وناس أصطادت فى المياه العكرة لخناقة بين القليل من الأفراد مصريين وسعوديين أنتوا راعوا غنم وحفاة واحنا علمناكم التانين شوفوا انتوا عايشين فى عشوائيات وإحنا بقينا فين وإنتوا فين وكالعادة بدل مايطلع ولاد الحلال يهدوا النفوس ويقولوا كلكم اخوة ما تشمتوش الفرنجة فينا وكلكم لآدم وآدم من تراب وخيركم هو الأتقى وحسن الخلق لا أزاى الله امال ياكلوا عيش ازاى لازم البعض يدس السم فى العسل واللى هيقولى لا ياسوفة ولا بيأثر فينا الكلام ده طيب احلفوا كده هههههههه






لنكن منطقيين أى حد هيستفز حد ويقوله اللى جابوك هيقوله اللى جابوك وخلفوك لكن لو النفوس بقى صافية كان الموضوع ينتهى ببساطة اىوة ياعم احنا رعاة غنم وصح انتوا علمتونا وربنا اكرمنا والعقبى لكم بأمر الله نفس المعنى اللى اتقال فى الشتيمة لكن فرق بسيييط فى الألفاظ
ساعتها كان الامر تغيرر تماما وسلموا على بعض وتمنوا الخير لكل واحد فيهم مش تولعوها ومن بعيد بمنديل بتقولوا باى بدل ما تطفوها



كل بلد فيها الصالح والطالح ولا ننكر كتيير من الأخوة العرب بيدافعوا عن مصر والمصريين وكتير مصريين بيدافعون عن العرب والأخوةو الأخوات فى الخليج وبلادهم والله عيب الحكام بيصلحوا وبيلموا المرة الكام اللى اكرر فيها الكلام ده زمان كان الحاكم من دول يضرب كرسى فى الكلوب والشعوب تكاد تولع فى بعض لكن المحبة والأخوة تغلب دلوقتى العكس اللى بيحصل


كلنا أخوة وعرب ورضيتوا ولا لأ الأم الكبرى مصرية زوجة سيدنا ابراهيم عليه السلام ماتسمحموش لأى كان يفرق بينا وننول الغرب غرضه بايدينا هم لا يريدون حرب يبذلوا فيها الغالى والنفيس وليه يعملوا كده وهم ممكن يقعدوا يتفرجوا كغرعلى خيبة العرب ويستولوا على خيراتنا

معركتنا لنسترد مكانتنا معركة إصلاح ووعى وسعى وهى معركة مشتركة نبدأ فيها بانفسنا

ويتوجب على الجميع أن ينخرطوا فيها دون تكفير ولا تنفير ولا شطح بعيد، فالأندلس التى ينبغى إعادتها مكنونة فى هذه الأرض،أرض العرب جمعاء أرض الخلافة بأمر الله بالاتحاد ، لا أبعد من ذلك فى الزمان أو المكان، وإلا مكثنا ندور فى سفوحنا وننحدر فى مهاوينا، ونعيد خطف وحبس وتكفير وخنق وحرق «لسان الدين أبو عبدالله محمد بن عبدالله بن سعيد بن الخطيب»، أشجى من شدا للحب والحنين والشوق للمجد المغدور