صباح الابداع… صباح التميز.. تسلم ايدك عمر الغياب جدا جدا استمتعت بما خطتها حروفك… كل بارت يسحبنا اكثر اكثر لعمق الرواية واحداثها… .يعني مهما كتبت لك من كلام ماراح اوفيك حقك… جد مبدعة
رياض و هتان
ياربي هالاثنين كنت اميل لهم … وش صار لرياض متوقعين ملكة خزامى و رياض 🔥
ثم مع عمر الغياب لا متوقع يصير .
رياض وش الرسالة اللي قلبتك فوق تحت. وشب زيت على النار موضوعه بدا ما يكحله عماها
وخبل هتان صدق افكاره وظنونه لا حول ولا قوة الا بالله..
وضحية خزامى.
فوز انانية البنت ما امداه تتقبل صدمة رفض رياض ثم هوبااااا زوجتوها لهتان ولد اخوك وتعرفينه وقد كذا لمحتي له.
رياض خروجك من السجن واستعجالك بشوفة حتى ترضي امك على حسابك.
وجاك الوجع الي اكبر منه. ولد اخوه يهينه ويبدأ يشك فيه.
نوع هالعلاقات يا عمر متععععععب بالحيل . بشوف وشلون تعالجين ذا موقف وكل ثقة بقلمك.
فوز و عبداللطيف
وضح لي من موضوعهم انهم متخاصمين وبالسبب بسيط جدا واشوفه تافه
لانه من المفترض ان المرة تتبع رجلها وين ما يروح. وهو ماقصر جلس في بيت عمه كل هالسنين
يحق له يطالب ببيت ياخذ فيه حريته وخصوصيته.
ومن ناحية ولدهم سعود والواضح انه شاب فلتان مراهق ماتجاوز عمره.
سبب قلق لامه فوز وتعبت ومرضت … الله يهديه ويغدي رجال ويركد.
راما
💔💔💔💔💔
يا كسرة النفس. ويازين لا حبيت حب الحلال.. الله يعوضك باللي احسن من هتان.
شهد
هالبنت جاهل هذي وراه ماتنثبر وتركد ازين لها.
احرجوا خزامى ولا عليها من احد ..
خزامى
يا قصتها قصه هالبنت قلبي موجعني عليها حيل حيل.. خليفة من الاساس غلط غلطة يسكن في بيت كبيره البدر
وهذي نتائجها .. الله يعينها على شك زوجها هتان ويفرجها من عنده. مالك الا صبر. وألا تلاسن مايفيد ..
روّاف وريم
تو بانت مواريك يا روّاف وش نيتك انت وش معلمك ابوك او خالك اسامة
معلمك قلة دبرة والحيا .. انت ماتستحي تحط رأسك برأس خالك وتهدد وتتوعد بأبو هادي رجال مسكين من اهل الله
وهذا البدر بنفسه يرحب ويهلي فيك الله يستر من هدوئه. لكن واثقة من ابو بندر بربيك من جد وجديد.
ريوووووم مالك الا نخطبك لرياض منها تشوفين عيال عمك وبنت عمك فوز. ومنها تعوضين قلب وليدنا رياض
قولي تم بس.
قصة رياض موجعتني. الله يعوضه العوض زين يارب ..
ويفكه من بلا عدنان.
سديم وعبدالرحمن
ايه شكلهم ثنائي كلن مايدري عن ثاني …. وانت يادكتور وش فيك رافض زواج وش اسبابك غير صغر سديم!!!! 😎
في انتظار البارت القادم على نار 🔥
وهتان
|