بااااارت رااااااااااااااااااائع
جدا جدا بارت رهيب
طبعا ما يحتاج اقول تمنيته ما يخلص 🥺
بارت رائع بكل المقايس فعلا
ولاحظت مابه مقتطف من الماضي ولا المستقبل اكتفينا يعني 😉
واضح كرت عبير وحسناء احترق عند ازواجهن خصوصا عبير مستحيل تمر مرور الكرام تصرفاتها عند بتال خصوصا بعد كلام بنته وريف 🙄
فياض يا فياض قدرت عليه بنت آمين الند بالند ابداااا ما توقعتها تواجهه كذا لكن واضح طفح الكيلx .. سالفة الحلم بااشواق هيجت مشاعر وخلت النقاط ع لحروف ربما ضره نافعة 👍
احمد اخيرا عرفنا المتخفي طلع هو ما غيره طبيب الاسنان انا من شفت تنكره وتذكرت مواصفات الطبيب قلت ابد هو خصوصا مع شخصية الثايرة بعيدنا عن العقل والتعقل 🤓 كل من ولد فهدة 🏃♂️🏃♂️
هجرس طلع كلها تخطيط وتدبير منك واخرها نسفها بتال بلحظة حرام ما تهنى بإضرابه😂 انتظر فله تجي وتسلم عليه عيب تبي تزور خالها وابو زوجها ومره وحده تزوره 🏃♂️🏃♂️🏃♂️
سلطان ايش هالاعترافات الفتاكة بس عسى تبقى بين الاختين ولا تطلع من بينهن يكفي لغادة ما جاها لكن ودي اغيض فيها ناس لكن السلامة اولى 😂
اما حسناء زعلانه انه اكل من اكل اخته ترى كله شوربة 😅😅 بس جد انا فهمت انها من اسماء غاسله يدي من ليلى مع انه يطلع منها بس ع حسب المزاااج 😆
بتال وااااق والله رحمته تصفق يمين ويسار والله مابين الصنهات ومابين عيال محمد ضااايع بينهم لكن ما اوصيك ركز على هدفك ولا عليك من الباقي ذولا مجرد تشتيت انتباه 😉
جوزاء افا يا بنتي ليه الخوف نعتبرها اول مواجهه ولا كنتي حاسبه حسابها فالمقابلة الثانية نبيك صامدة وعينك بعينه 😁
فاتن ايوة ايوة عرفنا مواصفات رجل المستقبل لو تقدم ولد عقاب وافقتي مريش واسمر لكن مدري سالفه النسب تقف بينكم يعني انتي راح تتقبلين او لا
فهدة ومواجهتها الاولى مع عبير وتاليها مع فزة نقول كلامها لعبير ماعليه هي االي جابته لنفسها لكن فزه وش فيك عليها لكن ابو طبيع ما يجوز عن طبعه
فزة والحكم والله كما تعودنا عليها وقفت بوجهه مع انها هي جابت لكلام لنفسها لكن بقت صامدة وواجهته ولا عليها بعد كفووو خلي ضميره يوجعه وليته يفيد مثله مثل اخوانه يرمون الكلام ولا يحسبون حسابه وبعده يندم ويقول ياليت وياليت
عقاب تدرون اكتشفت من اسلوبه مع احمد عياله طالعين عليه من الأسلوب 😅😂😂 وش هالتحقيق مع الولد والله مدري وش قصده هو يبي يشوف وش هو من لحيه ع قولهم ولكن كاان قد الاختبار 😆😆
اسماء كلامك لبتال ماله كم يوم وما شاء الله تم ع اكمل وجهه 😂😂 واهم شي ماخلت الفرصه وذكرت بتال فيه 😅😅
عبدالمحسن يا رجال مو وقت تعبك الجماعة تحتاجك 😬
وعلى العموم قضية النسب طالت وكبرت وهذا عبدالله بين الحياة والموت الله اعلم كيف تبي تنتهى هالقضية بأقل الخساير وهذا عقاب يبي يطيب الخاطر بينهم وليته يفيد ومتحمسسسسسسة ليوم الجمعة واضح يبي يصير اكشن وسوالف وعلوم ويمكن تكون فيه عطايا مو عطيه وبس 🏃♂️😅😂
تدرون انتظر طلاق فهدة وكيف تبي تطيح بشر اعمالها على قولهم ما شفناهم يسرقون ولاكن شفناهم يتحاسبون واضح انه اللسانها يبي يفضحها ومع ذلك ما استبعد عاشقة تفاجأنا بعلم جديد
والله احداث الرواية كل ما هذا تصير نار وشرار وكل ما هذا شي يستجد علم جديد ويقول يارب متى الاحد والحين بقول وييينك يالاحد 🥺💓
يعطيك العافية عاشقةديرتها سلمت أناملك الجميلة
|