طلعت من المطبخ وهي شايله صحون الحلا وابتسامتها على وجهها مازالت تتبوسم من غير سبب صوته رجعها للماضي صحيح انه أكثر رجوله الحين الا ان نبرته الحنونه مازالت نفسها بيجيب جنى لها ياحبها لهالبنت قلبها نبض لها يمكن لانها بنته لانها شبيهته ودها الوقت يمشي بسرعه حتى تجي وتدخل السرور لقلبها نزلت الصحون على الطاوله وهي تناظر الكل جمعتهم كانت بالنسبه لها فرحه كبيره رعد جالس على كتب طلابه يصحح واسامه حوله يكتب وجوري وريوف منسجمين مع بعض بالكلام همست بهدوء :كان ناقصنا الحلا وجبته
ابتسمت ام رعد:تسلم يدينك تعالي حبيبتي اجلسي من اليوم وانتي مع ديما بالمطبخ
جلست جنب جوري :لا ابد انتي تعرفين اني احب المطبخ مثل اختي الحبيبه
ضحكت ام رعد :هههه معك حق شكلها وراثه حب هالمطبخ ..
رفعت نظرها لجوري إلي ملاحظه انها ما مدت يدها اليوم على الاكل : جوري يمه خذي صحنك ترا اليوم مااكلتي
حركت يدها بالنفي : لا ياخاله مالي نفس حتى الاكل مالي نفس فيه
ام رعد بهدوء وكأنه طرى لها شي قربت من جوري وهمست لها :يمكن حامل يا بنتي
نبضات قلبها زادت معقوله تكون حامل بهالفتره القصيره حتى لو كانت حامل ماراح يوضح الحين همست بخجل :لا ياخاله مااتوقع
ابتسمت وريف وهي تراقب ملامح جوري :ليش ماتتوقعين ان شاء الله انك حامل ويجينا كتكوت صغير
نزلت نظرها لحظنها ووجهها صار احمر فكرة انها تكون حامل حركت فيها احاسيس غريبه معقوله يجيها طفل ويدخل السرور لقلبها وقلب رعد رفعت نظرها ل رعد إلي جالس بعيد عنهم شوي و انتبهت له يبتسم ويغمز لها وكأنه يخبرها انه سمع حكيهم حست ان ودها تغوص بملابسها وتختفي وقفت وابتعدت عنهم بهدوء
ابتسم من حركتها الخجوله بتجننه والله هالبنت اشر بيده على الكتاب :اسامه اكتب هنا وانا شوي وجاييك
وقف وقرب من امه ووريف اخذ صحن حلا : الحين عاجبكم الوضع خليتوا البنت تضيع من الحياء
ضحكت ام رعد وتكلمت بحنان :فديتها روح وانا امك وراها
ومن الحين اقولك شكل زوجتك حامل
رفع حاجبه بتسأل :معقوله يمه تكون حامل
حركت رأسها بسعاده:ليش لا
،
،
،
حس من نبرة امه انها تبي هالشي حتى هو يبيه ابتسم بهدوء وتوجه لغرفته لو صدق طلعت حامل بيكون اسعد انسان بهالدنيا طلع الدرج بخطوات سريعه تقدم من غرفته ودخل بهدوء شافها واقفه قبال التسريحه زاد بخطواته ووقف وراها نزل صحن الحلا على التسريحه وحاوطها مع خصرها سند ذقنه على كتفها وهمس بحب :وش فيها الحلوه راحت بسرعه من دون ماتحلي
بلعت ريقها وقلبها يدق بسرعه تكلمت بصوت خافت :رعد مالي نفس
تكلم بحنان :وليش مالك نفس
همست بإرتباك :ماادري
رعد بتسأل :وليش ماتدرين
همست جوري بخوف :لاني خايفه
حرك راسه :خايفه من ايش حبي
نزلت نظرها لبطنها :خايفه اكون صدق حامل وانت ماتتقبل هالحقيقه
عقد حواجبه وتكلم بإستغراب :وليش مااتقبلها بالعكس هاليوم بيكون احلى يوم بحياتي يجينا طفل يربطنا زود ببعض انتي وش تقولين جوري ماتوقعت تفكيرك يوصل لهالحد
ارتجفت شفاتها وعيونها امتلت دموع :اسفه رعد بس والله خايفه
شد على خصرها ونزل يدينه يلمس بطنها :لو طلع هنا نونو تعرفين وش بيصير فيني
همست بنبره باكيه :وش
ابتسم من نبرتها :بحبك زود وزود تفهمين ياجوري
حركت رأسها وهي تمسح دموعها :افهم والله افهم انك انسان مافيه منك افهم انك سحبتني من عالم الظلام للنور رعد انا احبك فوق ماتتصور..
انفتح الباب لفوا اثنينهم لجهته ابتعد رعد عن جوري بسرعه وكتف يدينه وهو يناظر اسامه إلي دخل وكتابه بيده :اسامه
ميل اسامه رأسه ببتسامه طفوليه وهو يرفع كتابه : قلت بتجي وماجيت قلت انا اجيك
مسح رعد على وجهه من رد هالطفل وتكلم ببتسامه : طيب يا حلو المفروض كان لازم تطق الباب صح
هز رأسه ببراءه :صح بس نسيت
حرك إصبعه بالنفي :المره الجايه لاتنسى
هز اسامه رأسه بالإيجاب:طيب
قرب منه رعد وأخذ كتابه : بشوفه حبيبي وواثق انك حال صح بس قبل ابيك تنزل للمجلس وتجلس لي بين اثنين هناك اوكيه
حرك أسامه رأسه بضحكه :قصدك ديما وراكان
ابتسم رعد :عليك نور
ضربه على ظهره بخفه :يلا شوف شغلك معهم يابطل
ضحك اسامه بطفوله :هههههه ابشر
وطلع ركض ضحك رعد وهو يعتدل بوقفته :هههههه صرفته نرجع لحكينا
حركت رأسها وهي تضحك بخفه على تصريفته :حرام عليك
تقدم منها وهمس بحب:ومو حرام يقطع لحظاتنا الحلوه خليه يذوق راكان شوي من الظهر وهو مسنتر عندنا
حرك يده ببتسامه :عيدي وش كنتي تقولين
مسحت بقايا دموعها وجهها صار احمر همست بهدوء:كنت اقول اني ..اني
قرب منها حتى صار واقف قبالها تكلم بنبره هاديه : انك أيش
ركزت بعيونها في عيون رعد الي لملم شتات مشاعرها واحتفظ فيها بقلبه رغم كل الثغرات الي كانت موجوده بحياتها همست بصوت خافت :اني احبك يارعد أحبك فوق ماتتصور
ابتسم وسحب صحن الحلا رفع الملعقه لفمها : وانتي بحياتي كل شي مااعيش من دونك ابد احس قلبي فيك حي وكل يوم حبك بي يزيد
ماحبت ترده مع ان مالها نفس فتحت فمها واكلت بهدوء :خلاص رعد يكفي والله ماابي
نزل الصحن على التسريحه ورفع يده مرر اصبعه الإبهام وصار يمسح بقايا الحلا الي عالقه على شفاتها بحب ..استوطنت قلبه بسهوله ودخلت لأعماقه سطر حروفها في أوراق حياتـه وكتب إسمها في كل كتاباته خلاها عنوان رئيسي يشكل كل مواضيع ذاته ...
"""""""""""""
اذا عانى وزاد عليه الألم ما يعني انه ماهو عايش ولايعني توقفت الحياه الصعاب دوم تخلق القلب القوي ..واذا طاح مو شرط انه يقوم بسرعه واذا تعثر بخطواته فيه من يساعده على توازنه ومحد غيرها قدر ينتشله من يأس الحياه حرك يده على شعرها وباس خدها بحنان:خليك عاقله بابا ولا تشتغل اللقافه عندك طيب جنو
هزت رأسها ببتسامة رضا وهي تحرك يدينها بسعاده:شكرا بابا
ابتسم تركي وهو يعتدل بوقفته:عفوا ياقلب بابا يلا روحي ومثل مااتفقنا لاتزعجين صديقتك
ضحكت جنى بخفه : ههههه لوفي ماتنزعج مني
توسعت ابتسامته :طيب يلا روحي اكيد تنتظرك لوفي
ابتعدت وهي تركض والسعاده واضحه عليها تبعتها عيونه لحتى دخلت رجع وقف قبال سيارته واسند نفسه عليها طلع جواله وفتح على رقمها بتردد حفظه بأسم لوفي وهو يبتسم من دون سبب رجعت فيه ذاكرته لأيام الطفوله إلي جمعته معها ومع نواف وريان ولميس كانت ايام جميله جدا
.....الا ليت الزمن يرجع ويرجع وقتهم الأول ويلعبون في بساطه ...زمان فيه صدق شعور يحبون ويخلصون النيه وتجمعهم محبتهم ياليت بس لو يرجع ويسترجع طفولتهم صغار قلوبهم بيضاء يعيشون في عالم محصور ولكن دارت الايام وبان الخافي والمستور وصار الهم متعلق على قمة سعادتهم كبروا وصارت الدنيا تصف احزانها بالدور وتهديهم الألم والهم غصب عن رغبتهم تعبوا من بلاويهم أحد ضايق واحد مقهور وكلن غارق بهمه وبالاخر تشتتوا..
""""""""""""
بكوفي هادي جدا حتى زواره قليل يشرب من كوب القهوه إلي بيده عسى انه يخفف عليه من الهم الكبير إلي طاح فجاءه على رأسه وكأنه ناقص هموم نزل كوب القهوه على الطاوله و سند يده تحت ذقنه وعيونه تراقب محمد إلي يتكلم بكل التفاصيل الي جمعته مع الذيب :يعني افهم انك معروف عندهم بأسم سيف
هز رأسه بحزن :ايه اسم مستعار و للحين الذيب مايعرف اني على صله فيك يتوقع اني اجيب له الاخبار من بعيد
ابتسم سعود :حلو لازم تكمل على هالمنوال انت سيف وتشتغل مع الذيب لازم نجره شوي شوي حتى يطيح بين يدينا
بلع محمد ريقه:بس هو شاك فيني
حرك سعود رأسه بالنفي :حاول تكسب ثقته
تنهد بهم وعيونه على سعود وكلها نظرات امتنان: بحاول مع اني اعرف انه داهيه
سكت لحظات ورجع تكلم بهمس :سعود ماادري وشلون اشكرك
تكلم سعود بضحكه:على البقس والا ضربة السلاح
ضحك محمد رغم أحزانه إلي تختلج صدره:ههههه ماراح انساها فكي احس انه بيطيح من مكانه بس تعرف كنت محتاج لهالضربه ...
ابتسم وهو يشرب من كوبه وينزله :تبي زود ماعندي مشكله اسحبك الحين برا وامردغك إلين تقول امين
ضحك محمد وهو ياشر بيده :هههههه لا ..والي يرحم والديك مافيني اتمردغ زود يكفي أن وجهي مورم ...
ابتسم سعود بهدوء وهو يوقف ويمد يده لمحمد صافحه محمد بهدوء :جميلك يا سعود ماادري شلون ارده لكن بحط يدي بيدك ونشتغل مع بعض
هز رأسه بهدوء وعيونه على محمد حس انه انسان الهموم اتعبته مثله تماما طيبة قلب هالولد مستحيل يتركها تتدنس بأفعال الذيب بيحط يده بيد محمد ويضمها لراكان ويهزمون الشر ويخلصون البشر من الذيب وامثاله همس بنبره هاديه :اتطلع للعمل معك يا محمد
،
،
صوت الفلاش يتتابع ورى بعض من بعيد والصور تنحفظ وحده ورى الثانيه شكوكه كانت في محلها هذا هو مع سعود يضحك ويسولف خيانته مستحيل تمر عليه وعلى الذيب ياويله ..منه ومن الوحش الكاسر ابتسم بخبث وهو يحدد الصور ويرسلها للذيب يترقب عقابه لسيف بفرحه ...الحين صدق بتثور نيران الذيب عليه وتحرقه بقسوه ضحك بصوت خافت :خل كلامك ينفعك ياسيف والله الذيب لو عرف بتتحول لرماد يتطاير بالهواء ...
انسحب هادي بهدوء متوجه لسيارته خلاص وثق خيانة سيف ومعاد له اهميه يبقى وراه عقابه بيجيه لعنده ....
|